கன்னியாகுமரி மாவட்டம் குளச்சல் அருகே பெத்தேல்புரம் பகுதியைச் சேர்ந்தவர் செல்வின் தேவகுமார். இவரது மகள் பெமிஷா (23). எம்.ஏ பட்டதாரி. இவரும் மேற்கு நெயூரை சேர்ந்த ராமும் (24) காதலித்து வந்துள்ளனர்.

ராம் (பி.இ) பெங்களூரில் உள்ள தனியார் நிறுவனத்தில் டிசைன் இன்ஜினியராக உள்ளார். பெமிஷா தனது காதலன் ராமுடன் குடும்பத்தினருக்கு தெரியாமல் அடிக்கடி செல்போனில் பேசி வந்தார். மேலும் காதலன் ஊருக்கு வந்ததும் ரகசியமாக சந்திப்பது வழக்கம்.

இந்த காதல் விவகாரம் கடந்த சில மாதங்களுக்கு முன்பு பெமிஷா வீட்டில் தெரிய வந்தது. காதலுக்கு எதிர்ப்பு தெரிவித்தனர். நாங்கள் பார்க்கும் மாப்பிள்ளையையே திருமணம் செய்து கொள்ள வேண்டும் என்றார்கள்.

ஆனால் பெமிஷா காதலை கைவிட மறுத்துவிட்டார். பெற்றோர் அவரை சமாதானம் செய்தனர். ஒரு கட்டத்தில் பெமிஷா வீட்டுக்காவலில் வைக்கப்பட்டார். அவர்கள் அவரை உன்னிப்பாகக் கண்காணித்தனர்.

வேறு வழியின்றி பெமிஷா திருமணத்திற்கு சம்மதம் தெரிவிப்பது போல் நடிக்க ஆரம்பித்தார். மகளின் மனம் மாறியதாக நினைத்து பெமிஷாவின் பெற்றோர் திருமண ஏற்பாடுகளை செய்தனர்.

உறவினர் மூலம் மாப்பிள்ளை பார்த்து திருமண ஏற்பாடுகள் நடந்தன. அழைப்பிதழ் அச்சடித்தல், நிச்சயதார்த்தம் என அனைத்து ஏற்பாடுகளும் சுமுகமாக நடந்தன. திருமண தேதி முடிவு செய்யப்பட்ட நிலையில், வரும் 8ம் தேதி திருமணம் நடைபெறுவதாக இருந்தது.

திருமணத்துக்கான நகைகள், புது ஆடைகள் தேர்வு உள்ளிட்ட அனைத்திலும் தன்னை முழுமையாக ஈடுபடுத்திக் கொண்டார் பெமிஷா. ஆனால், மகளின் மீது ஏற்பட்ட சந்தேகம் காரணமாக பெமிஷாவை வீட்டுக்காவலில் வைத்துள்ளனர் பெற்றோர். அவர் வெளியூர் சென்றபோதும் அவரது குடும்பத்தினர் உடன் சென்றனர்.

திருமண நாள் நெருங்க நெருங்க பெமிஷா மனதில் ஒருவித பதற்றம் ஏற்பட்டது. இதை அவரது வீட்டில் இருந்தவர்களும் கவனித்து பெமிஷா மீது கண்காணிப்பை தீவிரப்படுத்தினர். திருமணத்திற்கு 2 நாட்களே உள்ள நிலையில் உறவினர்கள் வரத் தொடங்கினர்.

அவர் அமைதியாக இருந்தால், அவரது விருப்பத்திற்கு மாறாக திருமணம் நடக்கும். இதனால் வீட்டை விட்டு ஓடுவதைத் தவிர வேறு வழியில்லை என்று முடிவு செய்த பெமிஷா, இதுகுறித்து தனது காதலனிடம் தெரிவித்தார்.

அதன் பிறகு அவரும் சில நாட்களுக்கு முன்பு பெங்களூருவில் இருந்து ஊருக்கு வந்தார். இந்நிலையில், நேற்று மாலை, வீட்டின் பின்புறம் நின்றிருந்த பெமிஷா திடீரென சுவரின் மீது ஏறி தப்பினார். கண்ணிமைக்கும் நேரத்தில் வீட்டில் இருந்து தப்பி ஓடிய அவர், உடனடியாக குளச்சல் காவல் நிலையத்தில் தஞ்சம் அடைந்தார்.

தனது காதல் விவகாரங்களை போலீசாரிடம் கூறியதோடு, வீட்டுக்காவலில் வைக்கப்பட்டிருந்த தகவலையும் கூறியுள்ளார்.

சட்டப்படி இளம்பெண் மேஜர் என்பதால் காதலை சேர்த்து வைக்க வேண்டும் என்றார். இந்தத் தகவல் அறிந்து காதலன் ராமும் காவல் நிலையம் வந்தார். போலீசார் அவரிடம் விசாரணை நடத்தி இருதரப்பிலும் பெற்றோரை வரவழைத்தனர்.

காணாமல் போன மகளைத் தேடியபோது, ​​காவல்நிலையத்தில் மகள் தஞ்சம் புகுந்ததை அறிந்த பெமிஷாவின் பெற்றோர் அதிர்ச்சியடைந்தனர். உடனடியாக காவல் நிலையம் சென்று தங்கள் மகளை தங்களிடம் ஒப்படைக்க வேண்டும் என்று கோரிக்கை வைத்தனர். ஆனால் பெமிஷா தன் காதலன் ராமுடன் செல்வதில் உறுதியாக இருந்தார்.

பெற்றோருடன் செல்ல மறுத்துவிட்டார். இருவரும் சட்டப் படிப்பு மேஜர் என்பதால், தங்களால் எதுவும் செய்ய முடியாது என்று கூறிய போலீஸார், இருவரையும் பதிவுத் திருமணம் செய்து கொள்ளுமாறு கூறினர்.

ஒரு காதல் ஜோடியை எந்த விதத்திலும் தொந்தரவு செய்யக்கூடாது. மீறி, தொந்தரவு செய்தால், சட்டப்படி நடவடிக்கை எடுக்கப்படும் என, இரு தரப்பு பெற்றோரையும் போலீசார் எச்சரித்தனர். அதன் பிறகு பெமிஷா தனது காதலன் ராமுவுடன் காவல் நிலையத்தை விட்டு வெளியேறினார்.

சென்னையில் முன்னால் சென்றுக் கொண்டிருந்த கார், எதிர்பாராமல் திரும்பியதில் நிலைத்தடுமாறி ஸ்கூட்டியில் இருந்து விழுந்த கல்லூரி மாணவிகள் மீது லாரி மோதியதில், தோழியுடன் ஸ்கூட்டியின் பின்னால் அமர்ந்திருந்த ஆர்த்தி சம்பவ இடத்திலேயே பரிதாபமாக உயிரிழந்தார்.

சென்னை திருவல்லிக்கேணி டிபி கோவில் தெருவை சேர்ந்தவர் ரேணுகாதேவி (23). மாநிலக் கல்லூரியில் வேதியியல் இறுதியாண்டு படித்து வருகிறார். இந்நிலையில், மாலை ரேணுகாதேவி, தன்னுடன் படிக்கும் தோழி செனாய் நகரை சேர்ந்த ஆர்த்தி (24) என்பவருடன் இருசக்கர வாகனத்தில் வீட்டில் இருந்து புறப்பட்டார்.

லேடி வெலிங்டன் கல்லூரியை நெருங்கும் போது, ​​ரேணுகாதேவிக்கு முன்னாள் சென்ற கார் திடீரென இடதுபுறமாக நின்று வலதுபுறம் செல்ல முயன்ற போது காரின் பின்னால் சென்றுக் கொண்டிருந்த ரேணுகாதேவி பதற்றமடைந்தார்.

இந்நிலையில், எதிர்பாராதவிதமாக நிலைதடுமாறிய ரேணுகாதேவி, இருசக்கர வாகனத்துடன் கீழே சாய்ந்து ஸ்கூட்டியுடன் விழுந்துள்ளார். அப்போது, ​​அவ்வழியாக வந்த பெட்ரோல் டேங்கர் லாரி, இருசக்கர வாகனத்தின் பின்னால் அமர்ந்திருந்த ஆர்த்தி மீது மோதியது. இதில் ஆர்த்தி தூக்கி வீசப்பட்டு தலையில் பலத்த காயம் ஏற்பட்டது.

இதையடுத்து தலையில் காயம் அடைந்த ஆர்த்தியை அப்பகுதியில் பணியில் இருந்த போக்குவரத்து போலீசார் மீட்டு ஓமந்தூரார் அரசு மருத்துவமனைக்கு அனுப்பி வைத்தனர். அங்கு ஆர்த்தியை பரிசோதித்த டாக்டர்கள் அவர் ஏற்கனவே இறந்து விட்டதாக தெரிவித்தனர்.

இதனிடையே காயங்களுடன் உயிர் தப்பிய கல்லூரி மாணவி ரேணுகாதேவி அரசு மருத்துவமனையில் சிகிச்சைக்காக அனுமதிக்கப்பட்டுள்ளார். இதையடுத்து அண்ணா சதுக்கம் போக்குவரத்து புலனாய்வு பிரிவு போலீசார் வழக்குப்பதிவு செய்து பெட்ரோல் டேங்கர் லாரி டிரைவர் தாம்பரத்தை சேர்ந்த மாடசாமியை (45) கைது செய்து விசாரணை நடத்தி வருகின்றனர்.

ராஜஸ்தான் மாநிலம் ஜலாவரில் பகுதியை சேர்ந்த 24 வயதுடைய இளம்பெண் ஒருவர் ரவி பீல் என்பவரை பெற்றோர் விருப்பத்திற்கு மாறாக திரமணம் செய்து கொண்டுள்ளார். இதனால் ஆத்திரம் அடைந்த இளம்பெண்ணின் குடும்பத்தினர் அப்பெண்ணை கொலை செய்ய முடிவு செய்துள்ளனர்.

இதை அறிந்த காதல் தம்பதி பல்வேறு இடங்களில் தங்கி தங்களது உயிரை பாதுகாத்து வந்தனர். இறுதியாக காதல் தம்பதியினர் வங்கிக்கு வரவுள்ள தகவல் அப்பெண்ணின் குடும்பத்தினருக்கு கிடைத்துள்ளது. இதனால் வங்கிக்கு சென்ற குடும்பத்தினர் அங்கே காத்திருந்து, அப்பெண்ணை கணவரின் கண் முன்னே காரில் கடத்தி சென்றன.

இதையடுத்து கணவர் போலீசில் புகார் அளித்தார். அதற்குள்ளாக அந்த இளம்பெண்ணை கடத்தி சென்ற குடும்பத்தினர், அவரை கொலை செய்து உடலை எரித்தனர்.

போலீசார் சம்பவ இடத்திற்கு வருவதற்குள் பெண்ணின் உடல் 80 சதவீதத்துக்கும் மேல் எரிந்திருந்தது. போலீசார் வருவதை அறிந்த குடும்பத்தினர் அங்கிருந்து தலைமறைவாகி விட்டனர்.

எரிந்த நிலையில் கிடந்த பெண்ணின் சடலத்தை தடயவியல் பரிசோதனைக்கு அனுப்பி வைத்த போலீசார், வழக்குபதிவு செய்து விசாரணைகளை மேற்கொண்டு வருகின்றனர். இந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.

சென்னை ரெட்டேரி பகுதியில் வசித்து வருபவர் அருண்குமார் (30). இவர், தனியார் நிறுவனத்தில் ஊழியராக பணிபுரிந்து வருகிறார். இவரது மனைவி துர்கா (26). இவர்களுக்கு திருமணமாகி 3 வருடங்கள் ஆகிறது.

தற்போது 6 மாத கர்ப்பிணியான துர்கா, தனது ஒன்றரை வயது பெண் குழந்தையான கிருத்திகாவுடன் துராபள்ளத்தில் உள்ள தாய் வீட்டில் தங்கி இருந்தார்.

இந்நிலையில், நேற்று மதியம் வீட்டில் தாய் துர்கா தூங்கிகொண்டு இருந்தார். குழந்தை கிருத்திகா தாய் பக்கத்தில் விளையாடிக்கொண்டு இருந்தது. சிறிது நேரத்தில் குழந்தை கிருத்திகாவை காணவில்லையே என துர்கா தேடினார்.

அப்போது வீட்டின் வெளியே 2 அடி ஆழம் உள்ள தண்ணீர் தொட்டியில் குழந்தை கிருத்திகா தவறி விழுந்திருப்பது தெரிய வந்தது. அதிர்ச்சி அடைந்த துர்கா குழந்தையை மீட்டு சிகிச்சைக்காக கும்மிடிப்பூண்டி அரசு மருத்துவமனைக்கு கொண்டு சென்றனர்.

அங்கு பரிசோதனை செய்த மருத்துவர்கள் குழந்தை ஏற்கனவே இறந்து விட்டதாக தெரிவித்தனர். தண்ணீர் தொட்டியில் தவறி விழுந்த குழந்தை கிருத்திகாவின் உடல் பிரேத பரிசோதனைக்காக பொன்னேரி அரசு மருத்துவமனைக்கு அனுப்பி வைக்கப்பட்டது.

இதுகுறித்து ஆரம்பாக்கம் போலீசார் வழக்குப்பதிவு செய்து விசாரணை நடத்தி வருகின்றனர். இந்த சம்பவம் அப்பகுதியில் பெரும் சோகத்தை ஏற்படுத்தியுள்ளது

கூடுதல் வரதட்சணை கொடுக்கும்படி மனைவியிடம் கணவர் அடிக்கடி கேட்டு வந்துள்ளதால் கடைசியில் விபரீதம் ஏற்பட்டுள்ளது.

பெங்களூருவில் உள்ள விஜயநகர் மாவட்டம் சுசுலஹகலி தாலுகா பசப்புரா கிராமத்தை சேர்ந்த பூஜா (22) ஐ.டி ஊழியர் ஆவார்.

இவருக்கு கடந்த 2022 -ம் ஆண்டு சுனில் என்பவருடன் திருமணம் நடைபெற்றது. இவர்கள் பெங்களூரு ஜாலஹள்ளி அருகே கங்கம்மனகுடி பொலிஸ் எல்லைக்கு உட்பட்ட பகுதியில் வாடகைக்கு வசித்து வந்தனர்.

இதில், சுனிலுக்கு திருமணத்தின் போதே வரதட்சணை கொடுக்கப்பட்டது. ஆனால், கூடுதலாக இன்னும் வரதட்சணை வாங்கி வரும்படி மனைவியிடம் கேட்டுள்ளார்.

இதனால் இருவருக்கும் அடிக்கடி தகராறு ஏற்பட்டுள்ளது. மேலும் சுனிலின் சகோதரி மற்றும் குடும்பத்தினரும் வரதட்சணை வாங்கி வருமாறு பூஜாவிடம் வாக்குவாதம் செய்துள்ளனர்.

இதனால் மனமுடைந்த பூஜா இதுகுறித்து தனது பெற்றோரிடம் கூறியுள்ளார். இந்நிலையில், நேற்று வீட்டில் உள்ள தனது அறையில் திடீரென தூக்கிட்டு உயிரை மாய்த்துக் கொண்டுள்ளார்.

பின்னர், தகவலறிந்த பொலிஸார் சம்பவ இடத்திற்கு வந்து பூஜாவின் உடலை மீட்டு பிரேத பரிசோதனைக்காக அனுப்பி வைத்தனர். மேலும், இதுகுறித்து வழக்குப்பதிவு செய்து விசாரணை நடத்தினர்.

அவர்கள் நடத்திய விசாரணையில் தான் வரதட்சணை கேட்டு சுனில் கொடுமைப்படுத்தியது தெரியவந்துள்ளது. இதுகுறித்து பொலிஸார் தொடர்ந்து விசாரணை நடத்தி வருகின்றனர்.