சென்னை பாரிமுனை சட்டக்கல்லூரி பொலிஸ் நிலையம் எதிரில் சொகுசு காரில் விபசாரம் செய்த அழகிகள் 2 பேர் பிடிபட்டுள்ளனர்.

பாரிமுனை பகுதியில் ஒரு கும்பல் சொகுசு காரை நிறுத்தி வைத்துக்கொண்டுஅதில் இளம் பெண்களை வைத்து விபசாரம் செய்கிறார்கள் என்று விபசார தடுப்பு பொலிசாருக்கு தகவல் கிடைத்தது.

உடனடியாக துணை கமிஷனர் ஜெயக்குமார் தலைமையில், உதவி கமிஷனர் கணபதி, இன்ஸ்பெக்டர் கோபிநாத் மற்றும் பொலிசார் அடங்கிய சிறப்பு படையினர், நேற்று நள்ளிரவு அதிரடி சோதனை வேட்டை நடத்தினார்கள்.

அப்போது சட்டக்கல்லூரி பொலிஸ் நிலையம் எதிரில் ஒரு சொகுசு கார் நின்று கொண்டிருந்தது.

அந்த காரை முற்றுகையிட்டு தனிப்படை பொலிசார் சோதனை மேற்கொண்டனர். அங்கு காருக்குள் 2 வெளிமாநில இளம்பெண்கள், 2 வாடிக்கையாளர்களுடன் உல்லாசத்தில் ஈடுபட்டிருந்தனர்.

இந்த விபச்சார ஏற்பாடுகளை பொலிஸ் நிலையம் எதிரில் துணிச்சலாக செய்திருந்த புரோக்கர்கள் சம்சுதீன்( 45), விஜயராகவன்(24), கணேசன்(28),சவுந்திரபாண்டியன்(24) ஆகிய 4 பேரும் கைது செய்யப்பட்டனர்.மேலும் அழகிகளும் கைது செய்யப்பட்டுள்ளனர்.

இந்தியா, மங்களூரில் கிட்டத்தட்ட 26 ஆண்டுகளுக்குப் பிறகு ஒரு தாயும், மகளும் இணைந்த நெகிழ்ச்சியான சம்பவம் அரங்கேறியுள்ளது.

26 வயது ஜாய்ஸ் லண்டனில் சட்டம் படித்து வருபவர். இவர் பிறந்ததுமே தத்து கொடுக்கப்பட்டு விட்டார். இந்நிலையில் தன்னைப் பெற்ற தாயை சந்திக்க அவருக்கு ஆர்வம் வந்ததால் தாயைத் தேடும் பணியில் இறங்கினார்.

ஆனால் அவரது தாயார் இந்தியாவில் இருந்ததால் சக்கீ சிறார் உரிமை என்ற அமைப்பின் இயக்குனரான அஞ்சலி பவார் என்பவரது உதவியை நாடியுள்ளார். இதனைத் தொடர்ந்து அவர்களது உதவியுடன் மனநலம் பாதிக்கப்பட்ட தாயை கண்டுபிடித்து ஆனந்த மழையில் நனைந்துள்ளார்.

இதுகுறித்து அஞ்சலி பவார் கூறுகையில், ஒரு வருடத்திற்கு முன்பு தங்களது தாயைக் கண்டுபிடிக்க வேண்டும் என்று வெளிநாட்டிலிருந்து மூன்று பேர் எங்களை அணுகினர். அவர்களில் ஒருவர் ஜாய்ஸ். இதையடுத்து தீவிரத் தேடலைத் தொடங்கினோம்.

ஜாய்ஸ் தத்து கொடுக்கப்பட்டபோது பதிவு செய்யப்பட்ட ஆவணங்களை முதலில் கண்டுபிடித்தோம். அதன் மூலம் ஜாய்ஸின் தாயாரைக் கண்டுபிடித்தோம். மூல ஊர் மூட்பித்ரி ஜாய்ஸின் பூர்வீகம் மங்களூர் அருகே உள்ள மூ்ட்பித்ரி ஆகும். அங்குதான் ஜாய்ஸின் தாத்தா, பாட்டி வசித்து வந்தனர்.

அந்த ஊரில் வைத்துத்தான் ஜாய்ஸின் தாயார் அவரை பிரசவித்தார். அங்கிருந்தபடியே குழந்தையையும் தத்து கொடுத்துள்ளனர்.

டெல்லியிலிருந்து நெதர்லாந்துக்கு முதலில் டெல்லி கொண்டு செல்லப்பட்டுள்ளார் ஜாய்ஸ். பின்னர் அங்கிருந்து நெதர்லாந்துக்குப் போயுள்ளார். மனநல காப்பகத்தில் தாயார் ஜாய்ஸின் தாயார் மூட்பித்ரியில் உள்ள ஒரு மன நல காப்பகத்தில் தங்கியிருந்தது தெரிய வந்தது.

இதையடுத்து ஜாய்ஸை வரவழைத்து அவரது தாயாரை அறிமுகப்படுத்தி வைத்தோம் என்று கூறியுள்ளர்.

தாயைப் பார்த்ததுமே கட்டிப் பிடித்து கண்ணீர் விட்டார் ஜாய்ஸ். ஆனால் ஜாய்ஸின் தாயார் இன்றும் கூட மன நலம் சரியில்லாதவராகவே இருக்கிறார். அவரால் அவரது மகளை அடையாளம் கண்டு கொள்ள முடியவில்லை.

தனக்கு ஒரு பெண் குழந்தை பிறந்தது என்பது மட்டுமே அவருக்குத் தெரிந்துள்ளது. அவரால் தனது தாய்மை உணர்வுகளைக் கூட முழுமையாக பிரதிபலிக்கவில்லை. காரணம் அவரது உடல் நலம், மன நலம். இவர்தான் உங்களது மகள் என்று கூறியபோது கூட லேசாக புன்னகைத்துள்ளார் ஜாய்ஸின் தாயார்.

தெலுங்கு நடிகர் உதய்கிரண் தற்கொலை செய்துகொண்டதற்கான காரணம் குறித்த தகவல்கள் வெளியாகியுள்ளது. தெலுங்கு திரையுலகில் கதாநாயகனாக திகழ்ந்த இளம் நடிகர் உதய் கிரண் நேற்று முன்தினம் தூக்கு போட்டு தற்கொலை செய்து கொண்டார்.

இந்நிலையில் பட வாய்ப்புகள் குறைந்ததால் ஏற்பட்ட விரக்தியில் அவர் தற்கொலை செய்ததாக கூறப்படுகிறது.

உதய் கிரண் உச்சத்தில் இருந்தபோது 2003ம் ஆண்டு அவருக்கும், சிரஞ்சீவியின் 2வது மகள் சுஷ்மிதாவுக்கும் திருமணம் நிச்சயிக்கப்பட்டது. ஆனால் ஏதோ காரணத்தால் அந்த திருமணம் ரத்து ஆனது.

அது முதலே உதய் கிரண் வாழ்க்கையில் தோல்விகளும், சோகமும் தொடர ஆரம்பித்தது. அவர் நடித்த படங்கள் தோல்வி அடைந்து வந்தது. தமிழ் படங்கள் கூட அவருக்கு கை கொடுக்கவில்லை. இதனால் மன விரக்தியில் இருந்தார்.

கடந்த 5 ஆண்டுகளுக்கு முன்பு உதய்கிரண் தாய் நிர்மலா மரணம் அடைந்தார். தாய் இறந்த 1 வருடத்தில் அவரது தந்தை மூர்த்தி 2வது திருமணம் செய்து கொண்டார். இது உதய் கிரணுக்கு பிடிக்கவில்லை.

அதோடுதான் சம்பாதித்த பணத்தை தந்தை தவறாக பயன்படுத்துகிறார் என்ற எண்ணம் தலைதூக்கியது. இதனால் தந்தையிடம் இருந்து பிரிந்து தனிமை வாழ்க்கை நடத்தினார்.

படவாய்ப்புகளும் வராததால் மிகவும் மனமுடைந்து காணப்பட்டார். இந்த சோகத்தில் இருந்து அவரை மீட்க திருமணம் செய்து வைக்க உறவினர்கள் முடிவு செய்தனர்.

உறவினர்கள் ஏற்பாட்டின்படி 2012ம் ஆண்டு தனது பழைய தோழி விசிதாவை உதய் கிரண் திருமணம் செய்து கொண்டார். திருமண வாழ்க்கைக்கு பிறகும் அவருக்கு படவாய்ப்புகள் கை கொடுக்கவில்லை. தனக்கு வாழவே பிடிக்கவில்லை என்று தனது மனைவி மற்றும் நண்பர்களிடம் அடிக்கடி கூறி வந்துள்ளார்.

தற்கொலை செய்வதற்கு சில நாட்கள் அவர் வீட்டில் இருந்து வெளியே எங்கும் செல்லவில்லை. இந்நிலையில் உறவினர் வீட்டு பிறந்தநாள் விழாவுக்கு வரும்படி மனைவி விசிதா அழைத்துள்ளார். ஆனால் உதய்கிரண் வர மறுத்துவிட்டார்.

இதனால் அந்த விழாவில் பங்கேற்க விசிதா சென்றுள்ளார். அவர் வீடு திரும்புவதற்குள் உதய் கிரண் படுக்கை அறையில் தூக்கு போட்டு தற்கொலை செய்து கொண்டார்.

தற்போது உதய்கிரண் உடல் நிம்ஸ் மருத்துவமனை சவக்கிடங்கில் வைக்கப்பட்டு உள்ளது. ஓமன் நாட்டில் இருக்கும் அவரது அக்கா ஸ்ரீதேவி வருகைக்காக உறவினர்கள் காத்து இருக்கிறார்கள். அவர் ஐதராபாத் வந்ததும் நாளை உதய்கிரண் இறுதி சடங்கு இ.எஸ்.ஐ. மயானத்தில் நடக்க இருக்கிறது.

இதற்கிடையே உதய் கிரண் மரணத்துக்கு திரையுலக தாதாக்களே காரணம் என்று மனித உரிமை கமிஷனில் புகார் தெரிவிக்கப்பட்டு உள்ளது.

இது தொடர்பாக ஐதராபாத்தை சேர்ந்த வக்கீல் அருன்குமார் அளித்த புகாரில், தெலுங்கு திரையுலகம் 4 குடும்பங்களின் பிடியில் உள்ளது. அவர்கள் நினைப்பதுதான் சட்டமாக உள்ளது.

இதனால் இளம் கதாநாயகர்களும், திரையரங்க உரிமையாளர்களும் பாதிக்கப்பட்டு வருகிறார்கள். எனவே அவர்கள் மீது நட வடிக்கை எடுக்க வேண்டும் என்றும் உதய்கிரண் மரணத்துக்கு அவர்கள் தான் காரணம் எனவும் கூறியுள்ளார்.

மனுவை பெற்றுக் கொண்ட மனித உரிமை கமிஷன் உறுப்பினர் பேரி ரெட்டி கூறுகையில், உதய் கிரண் குடும்பத்தில் யாராவது புகார் தெரிவித்தால் இது பற்றி நடவடிக்கை எடுக்கப்படும் என்று கூறியுள்ளார்.

தற்கொலை செய்யும் முன்பு உதய்கிரண் கடைசியாக சென்னையில் வசிக்கும் நண்பர் பூபால் என்பவரிடம் பேசி உள்ளார்.

எனவே அந்த நண்பரிடம் விசாரணை நடத்த பொலிசார் முடிவு செய்து உள்ளனர். மேலும் தற்கொலை செய்த நடிகர் உதய்கிரண் தனது கண்களை எல்.வி.பிரசாத் மருத்துவமனைக்கு தானம் செய்து இருந்தார். நேற்று எல்.வி.பிரசாத் மருத்துவமனை மருத்துவர்கள் வீட்டுக்கு வந்து அறுவை சிகிச்சை மூலம் உதய் கிரண் விழித்திரையை அகற்றினர். அந்த கண்கள் பார்வையற்ற ஒருவருக்கு பொருத்தப்படும் என்று மருத்துவர்கள் தெரிவித்தனர்.