நய்யாண்டி படத்தில் தனக்கு பதில் டூப் நடிகையை வைத்து ஆபாச காட்சிகளை படமாக்கியதாக அப்படத்தின் இயக்குனர் சற்குணம் மீது நஸ்ரியா குற்றம்சாட்டினார்.

போலீஸ் கமிஷனரிடமும் புகார் அளித்தார். இதனால் படம் ரிலீசாவதில் சிக்கல் ஏற்பட்டது. இதையடுத்து இரு தரப்புக்கும் பேச்சுவார்த்தை நடந்தது. சர்ச்சைக்குரிய காட்சியை நீக்கிவிட்டு படம் ரிலீஸ் செய்யப்பட்டது. இயக்குனர் சற்குணம் நம்பிக்கை மோசடி செய்து விட்டதாக நஸ்ரியா தற்போது மீண்டும் குற்றம் சாட்டியுள்ளார்.

இதுகுறித்து அவர் கூறியதாவது..

நய்யாண்டி படத்தில் நடிக்க என்னை அணுகிய போதே கவர்ச்சியாக நடிக்கமாட்டேன் என்று டைரக்டரிடம் கூறிவிட்டேன். அவரும் சம்மதித்தார். அதன் பிறகே நடிக்க ஒப்புக் கொண்டேன். நய்யாண்டி படத்தின் டிரெய்லரை பார்த்தவர்கள் கவர்ச்சி காட்சி இருப்பது பற்றி என்னிடம் சொன்னார்கள். இயக்குனர் சற்குணத்திடம் இது பற்றி கேட்டேன். டூப் நடிகையை வைத்து அந்த ஆபாச காட்சியை எடுத்ததாகச் சொன்னார்.

சினிமாவில் பணம் முக்கியமாக இருக்கலாம். அதுபோல் நம்பிக்கையும் இருக்க வேண்டும். நய்யாண்டி படத்தில் எனக்கு நம்பிக்கை மோசடி நடந்தது. அந்த படம் சரியாக ஓடவில்லை என்கிறார்கள். இதுமாதிரி மோசடி செய்யாமல் எடுத்து இருந்தால் படம் நன்றாக இருந்து இருக்கும். எனக்கும் ஜெய்க்கும் காதல் என வதந்திகள் பரவி உள்ளன. அவரை நான் காதலிக்கவில்லை. நண்பர்களாகத்தான் பழகுகிறோம் என்று நஸ்ரியா கூறினார்.

விஜய்யின் ஜில்லா, அஜித்தின் வீரம் படங்கள் பொங்கலுக்கு ரிலீசாகின்றன. இதோடு வடிவேலுவின் ஜெகஜால புஜபல தெனாலிராமன் படமும் மோதுகிறது. இந்த படத்தில் வடிவேலு இரட்டை வேடத்தில் நடித்துள்ளார். நாயகியாக மீனாட்சி தீட்சித் நடித்துள்ளார். யுவராஜ் தயாளன் இயக்கியுள்ளார்.

முழு நீள காமெடி படமாக தயாராகியுள்ளது. ஏற்கனவே வடிவேலு நடித்து ஹிட்டான இம்சை அரசன் 23ம் புலிகேசி பட சாயலில் சரித்திர கால படமாக இதை எடுத்துள்ளதால் பலத்த எதிர்பார்ப்பு ஏற்பட்டுள்ளது. விஜய் மற்றும் அஜித் படங்களுக்கு தியேட்டர்கள் ஒதுக்கீடு செய்யப்பட்டு வருகின்றன.

வடிவேலு படத்தையும் கூடுதல் தியேட்டர்களில் திரையிட முயல்கிறார்கள். ரஜினியின் கோச்சடையான் படமும் பொங்கலுக்கு வரும் என அறிவிக்கப்பட்டது. ரஜினி படம் ரிலீசானால் தியேட்டர்கள் தட்டுப்பாடு ஏற்படும் என கூறப்படுகிறது. இதனால் கோச்சடையான் படம் ரிலீஸ் தள்ளிப்போகலாம் என தெரிகிறது.

தியேட்டர்களில் திரையிட மறுப்பதால் நிறைய சிறு பட்ஜெட் படங்கள் முடங்கி கிடக்கின்றன.

சினிமா டிஜிட்டலுக்கு மாறிய பிறகு 60 லட்சம் முதல் 1½ கோடிவரை சிறு பட்ஜெட் படங்கள் தயாராயின. கோவை, சேலம், மதுரை போன்ற நகரங்களிலும் ஸ்டில் கேமராவை வைத்து படங்கள் எடுத்து அங்குள்ள சாதாரண லேப்களிலேயே டப்பிங், எடிட்டிங் பணிகளை செய்தனர்.

படங்களை முடித்துவிட்டு ரிலீசுக்கு வந்தபோதுதான் பயங்கரம் அவர்களுக்கு புரிந்தது. சிறு படங்களை வாங்க விநியோகஸ்தர்கள் முன்வரவில்லை. தியேட்டர்களிலும் இப்படங்களை திரையிட மறுத்தனர்.

சென்னையில் உள்ள தியேட்டர்களில் பெரிய நடிகர்கள் படங்கள் மட்டுமே திரையிடப்படுகின்றன. மல்டி பிளக்ஸ் தியேட்டர்களிலும் இந்த படங்களையே திரையிடுகிறார்கள். சிறு பட்ஜெட் படங்களை சென்னையில் பார்க்கவே முடியாது. வெளி மாவட்ட தியேட்டர்களிலும் சிறு பட்ஜெட் படங்கள் திரையிட மறுக்கப்படுகிறது.

நூற்றுக்கணக்கான படங்கள் பெட்டிக்குள்ளேயே சுருண்டு கிடக்கிறது. சுமார் 300 படங்கள் இதுபோல் முடங்கி கிடப்பதாக விநியோகஸ்தர் சங்க செயலாளர் கலைப்புலி சேகரன் தெரிவித்தார். இந்த படங்களுக்கான தயாரிப்பு செலவு 200 கோடி இருக்கும் என்கின்றனர். படங்கள் எடுக்கும் கனவோடு வந்து பணத்தை முதலீடு செய்து விட்டு அதை திருப்பி எடுக்க முடியாமல் புது பட தயாரிப்பாளர்கள் தவித்த வண்ணம் இருக்கிறார்கள்.

முடங்கி கிடக்கும் படங் களை ரிலீஸ் செய்வதற்கு திரைப்பட துறையின் அனைத்து சங்கங்களும் ஆவண செய்ய வேண்டும் என்பதே அவர்கள் எதிர்பார்ப்பாக உள்ளது.

அஜித் ஒரு மாதம் வெளிநாட்டில் ஓய்வு எடுக்கிறார். இதற்காக டிசம்பர் 10ம் திகதி புறப்படுகிறார்.

கவுதம்மேனன் இயக்கத்தில் அஜித் நடிக்கும் படத்தின் படப்பிடிப்பு பிப்ரவரி 10ம் திகதி துவங்குகிறது. ஆரம்பம் படத்தில் ஒரு சண்டை காட்சியில் அஜித் நடித்தபோது விபத்து ஏற்பட்டு காலில் அடிபட்டது. மும்பையில் படமாக்கப்பட்ட அந்த சண்டை காட்சியில் அஜித்துக்கு பதில் டூப் நடிகரை நடிக்க வைக்க இயக்குனர் விஷ்ணுவர்த்தன் முடிவு செய்தார். ஆனால் அஜீத் டூப் வேண்டாம் நானே நடிக்கிறேன் என்று பிடிவாதமாக இந்த சண்டை காட்சியில் நடித்தார்.

காலில் ஒப்ரேஷன் செய்ய வேண்டும் என்று வைத்தியர்கள் தெரிவித்தனர். ஆனால் அஜித் மறுத்துவிட்டார். ஆரம்பம், வீரம் படங்களை முடித்துவிட்டு ஒப்பரேஷன் செய்து கொள்வதாக கூறினார். தற்போது ஒப்ரேஷன் செய்து கொள்ளும் முடிவை மேலும் தள்ளி வைத்துள்ளார். கவுதம்மேனன் படத்தை முடித்த பிறகே ஒப்ரேஷன் செய்து கொள்கிறார்.

தமிழ், தெலுங்கு, கன்னடம், மலையாளம், இந்தி நடிகர்கள் பங்கேற்கும் சிசிஎல் நட்சத்திர கிரிக்கெட் போட்டி அடுத்த வருடம் பிப்ரவரி மாதம் நடக்கிறது. இதில் தமிழ் நடிகர்களின் சென்னை ரைனேஸ் அணிக்கு நடிகைகள் நயன்தாரா, திரிஷா ஆகியோர் தூதுவர்களாக நியமிக்கப்பட்டுள்ளதாக செய்திகள் வெளியானது.

திரிஷா ஏற்கனவே இந்த அணியில் தூதுவராக இருந்துள்ளார். நயன்தாராவை தூதுவராக நியமித்து பிறகு நீக்கி விட்டனர். மீண்டும் தூதுவர்களாக நியமிக்கப்பட்டு உள்ளீர்களா என்று இருவரிடமும் கேட்டபோது மறுத்தனர்.

நயன்தாரா கூறும்போது, சிசிஎல் கிரிக்கெட் அணிக்கு தூதுவராக இருக்கும்படி கேட்டு யாரும் என்னை அணுகவில்லை. அதற்கு என்னிடம் நேரமும் இல்லை. தற்போது எனது முழு கவனமும் நான் நடித்துக் கொண்டிருக்கும் படங்களில்தான் உள்ளது. வேறு எதுவும் இல்லை என்றார்.

திரிஷா கூறும்போது, கடந்த பல போட்டிகளில் தூதுவராக இருக்கும்படி என்னை அணுகினர். சில காரணங்களால் நடக்கவில்லை. இப்போது நடக்க உள்ள போட்டிக்கு யாரும் என்னை அழைக்கவில்லை என்றார்.