ஐக்கிய நாடுகள் மனித உரிமைப் பேரவையின் ஆணையாளர் நவநீதம்பிள்ளையின் கருத்துக்கு அமெரிக்கா ஆதரவினை வெளியிட்டுள்ளது.

குற்றச் செயல் விசாரணை, குற்றச் செயல்களுக்கு தண்டனை வழங்குதல் போன்ற நடவடிக்கைகளுக்கு காத்திரமான வகையில் தீர்வு காணாவிட்டால் சர்வதேச விசாரணைகள் நடத்தப்பட வேண்டுமென நவநீதம்பிள்ளை தெரிவித்திருந்தார்.

நவநீதம்பிள்ளையின் மதிப்பீடுகள் கவனத்திற் செலுத்தப்பட வேண்டியது அவசியமானது என சுட்டிக்காட்டியுள்ளது. ஐக்கிய நாடுகள் மனித உரிமைப் பேரவையில் நிறைவேற்றப்பட்ட தீர்மானத்திற்கு அமைய இலங்கை நடவடிக்கை எடுக்க வேண்டுமென அவர் வலியுறுத்தியுள்ளார்.

உண்மையைக் கண்டறியும் ஆணைக்குழுவின் இறுதி அறிக்கைப் பரிந்துரைகளை அரசாங்கம் பயன்படுத்த வேண்டுமென தெரிவித்துள்ளது. மனித உரிமை மீறல்கள் தொடர்பிலான குற்றச்சாட்டுகள் குறித்து சர்வதேச தரத்தில் விசாரணை நடத்தப்பட வேண்டியது அவசியமானது என குறிப்பிட்டுள்ளது.

குறிப்பாக கருத்து வெளிப்பாட்டு சுதந்திரம் தொடர்பான கட்டுப்பாடுகள், மனிதஉரிமை ஆர்வலர்கள், ஊடகவியலாளர்கள் மீதான தாக்குதல்கள், நீதித்துறைத் தலையீடுகள், குறித்து மனிதஉரிமை ஆணையரின் கவலைகளை நாமும் பிரதிபலிக்கிறோம்.

மத சிறுபான்மையினருக்கு எதிரான வன்முறைகள் மற்றும் பாகுபாடுகள் அதிகரித்து வருவது குறித்தும், மனிதஉரிமை மற்றும் மனிதாபிமான சட்டமீறல்களை புரிவோர் தண்டிக்கப்படுவதில் இருந்து தப்பித்தல், அமைதியாக ஒன்று கூடுவதற்கான கட்டுப்பாடுகள், வெலிவேரியவில் நடந்த துப்பாக்கிச் சூட்டுச் சம்பவம் தொடர்பான மனிதஉரிமை ஆணையரின் கவலைகளுடன் நாமும் பங்கு கொள்கிறோம்.

பொறுப்புக்கூறுவதில் முன்னேற்றமின்மை அனைத்துலக விசாரணையை வலியுறுத்தும் என்ற மனித உரிமை ஆணையரின் கருத்தை நாடும் சுட்டிக்காட்டுகிறோம்.

பண்டாரநாயக்க குடும்பம் இனவாதத்தை தூண்டவில்லை என முன்னாள் ஜனாதிபதி சந்திரிக்கா பண்டாரநாயக்க தெரிவித்துள்ளார்.

அத்தனகல்ல தேர்தல் தொகுதியில் பண்டாரநாயக்க குடும்பம் 80 ஆண்டுகள் அரசியல் நடத்தியது. தேர்தல் தொகுதியில் எந்தவொரு சந்தர்ப்பத்திலும் இன வன்முறைகள் வெடிக்கவில்லை.

மக்களின் நலனைக் கருத்திற் கொண்டு முன்னாள் பிரதமர் எஸ்.டபிள்யூ.ஆர்.டி. பண்டாரநாயக்க ஶ்ரீலங்கா சுதந்திரக் கட்சியை உருவாக்கினார். எனினும் தற்போது அந்தக் கட்சிக்கு வேறு சிலர் உரிமை கோருகின்றனர்.

இன முரண்பாடுகளுக்கு தீர்வு காணப்பட வேண்டுமென்ற ஓர் நிலைமை உருவாகியுள்ள இந்த நிலையில் சிலர் மத முரண்பாடுகளை தூண்டுவதில் ஆர்வம் காட்டி வருகின்றனர்.

நாட்டில் சில இனவாதத்தை தூண்டும் சந்தர்ப்பத்திலும் அரசாங்கமும் பொலிஸாரும் வேடிக்கை பார்த்துக் கொண்டிருக்கின்றனர்.

சிறுபான்மையினருக்கு எதிராக செயற்பட வேண்டும் என்ற காரணத்திற்காக எனது தந்தை தனிச் சிங்கள சட்டத்தை அறிமுகம் செய்யவில்லை. சிலர் இதனை பிழையாக அர்த்தப்படுத்துகின்றனர்.

காலணித்துவ ஆட்சியாளர்களின் பிடியில் இருந்த மக்களுக்கு நிவாரணங்களை வழங்குவதே அவரின் நோக்கமாக அமைந்தது. அப்போதைய தமிழ்த் தலைமைகளும் தனி நாட்டைக் கோரவில்லை.

குறிப்பாக செல்வநாயகம் தனிநாட்டைக் கோரவில்லை தமிழ் மொழிக்கு நியாயம் கிட்ட வேண்டுமெனவே கோரியிருந்தார். இதன் அடிப்படையிலேயே தமிழ் மொழி விசேட சட்டம் அறிமுகம் செய்யப்பட்டது.

13ம் திருத்தச் சட்டத்தை திருத்த முடியாது இனவாதத்தை தூண்டி வருகின்றனர் என சந்திரிக்கா தெரிவித்துள்ளார். திஹரியவில் நடைபெற்ற பண்டாரநாயக்க நினைவு நிகழ்வுகளில் பங்கேற்ற போது அவர் இதனைத் தெரிவித்துள்ளார்.

தங்கக் கட்டிகள் விழுங்கிய நிலையில் பயணிக்க முயற்சித்து கட்டுநாயக்க விமானநிலையத்தில் கைதாகி வைத்தியசாலையில் அனுமதிக்கப்பட்ட 7 பேரில் நான்கு பேரிடமிருந்து 26 தங்க கட்டிகள் மீட்டெடுக்கப்பட்டன.

இவர்களில் நான்கு பேரிடமே தங்கக்கட்டிகள் இருந்துள்ளன. இன்னும் 3 தங்க கட்டிகள் இருவரது வயிற்றில் உள்ளதாகவும் தொடர்ந்தும் இவர்கள் வைத்தியசாலையில் இன்று மூன்றாவது நாளாகவும் அனுமதிக்கப்பட்டுள்ளதாகவும் சுங்க திணைக்கள பேச்சாளர் தெரிவித்தார்.

முதலாவது நபரின் வயிற்றில் 13 தங்கக் கட்டிகள் இருப்பதாக ஸ்கான் மூலம் தெரிந்த போதும் 15 தங்கக் கட்டிகள் வெளியே எடுக்கப்பட்டன. இரண்டாவது நபரின் வயிற்றிலிருந்து 6 தங்க கட்டிகள் எடுக்கப்பட்டன.

மூன்றாவது நபரின் வயிற்றில் 5 தங்கக் கட்டிகள் இருப்பதாக தெரிந்த போதும் 6 தங்கக் கட்டிகள் வெளியே எடுக்கப்பட்டன.
நான்காவது நபரின் வயிற்றிலிருந்து ஒரு தங்க கட்டி மட்டுமே எடுக்கப்பட்டது.

ஏனைய மூவரிடம் வயிற்றினுள் தங்கக் கட்டிகள் இல்லை என்பதும் ஊர்ஜிதம் செய்யப்பட்டுள்ளது. இருப்பினும் இவர்கள் அனைவரும் வைத்தியசாலையில் அனுமதிக்கப்பட்டுள்ளனர் என்றும் சுங்க பேச்சாளர் தெரிவித்தார்.