டிசம்பர் மாதத்திற்குரிய உங்களது இராசி பலனை அறிந்து கொள்ள உங்களது இராசியின் மேல் கிளிக் செய்யுங்கள்.
யாழ். பல்கலைக்கழக மாணவர்கள் ஆர்ப்பாட்டம்!!
யாழ். பல்கலைக்கழக மாணவர்கள் இன்று காலை 8 மணி முதல் அடையாளப் போராட்டத்தில் ஈடுபட்டு வருகின்றனர். யாழ். பல்கலைக்கழக மாணவர் ஒன்றியத்தின் ஏற்பாட்டில் இவ்வார்ப்பாட்டம் இடம்பெற்று வருகின்றது.
ஏனைய பல்கலைக்கழக மாணவர்களை விட யாழ். பல்கலைக்கழக மாணவர்களுக்கு மாத்திரம் நீண்ட நாட்களாக விடுமுறை விடுத்தமை, மாணவர் ஒன்றியத்தினால் விடுக்கப்பட்டிருந்த கோரிக்கைகளை பல்கலைக்கழக நிர்வாகத்தினர் நடைமுறைப்படுத்தாமை ஆகியவற்றைக் கண்டித்து ஆர்ப்பாட்டத்தில் ஈடுபட்டு வருகின்றனர்.
யாழ். பல்கலைக்கழக நிர்வாகத்தினருக்கு எதிராக பதாகைகளை தாங்கியவாறு மாணவர்கள் அடையாளப் போராட்டத்தில் ஈடுபட்டு வருகின்றனர். இந்நிலையில், பல்கலைக்கழத்திற்கு வெளியே கலகம் அடக்கும் பொலிசார் குவிக்கப்பட்டுள்ளனர்.
யாழ். பல்கலைக்கழக மாணவர்களுக்கு கடந்த மாதம் 11ஆம் திகதியிலிருந்து இந்த மாதம் முதலாம் திகதிவரை விடுமுறை வழங்கப்பட்டிருந்தமை குறிப்பிடத்தக்கது.
2014 இல் ஐக்கிய மக்கள் சுதந்திர முன்னணி அரசாங்கத்தின் ஆட்சி கவிழும் : அஸாத் சாலி!!
2014 மார்ச் மாதத்துடன் அரசாங்கத்தின் ஆட்சி கவிழும். அரசாங்கமே தலையில் மண்ணை வாரிப் போட்டுள்ளது என ஐக்கிய தேசியக் கட்சியின் மத்திய மாகாண சபை உறுப்பினர் அஸாத் சாலி தெரிவித்துள்ளார்.
மேலும் அரசாங்கத்தில் இருக்கும் அமைச்சர்கள் ஐக்கிய தேசியக் கட்சியுடன் இணையும் காலம் ஏற்பட்டுள்ளது. ஐக்கிய தேசியக் கட்சியுடன் அனைத்து எதிர்க்கட்சிகளும் இணைந்து அரசாங்கத்தை அமைப்பதே புத்திசாலித்தனம் எனவும் அவர் தெரிவித்தார்.
எதிர்க்கட்சிகளின் எதிர்ப்பு இயக்கங்களினால் ஏற்பாடு செய்யப்பட்டிருந்த செய்தியாளர் சந்திப்பின் போதே அவர் மேற்கண்டவாறு கருத்துத் தெரிவித்தார். இது தொடர்பாக அவர் மேலும் கருத்துத் தெரிவிக்கையில்..
அரசாங்கத்தின் வரவு–செலவுத்திட்டமும் இன்றைய பொருளாதார சிக்கல்களும் மக்களால் தாங்கிக்கொள்ள முடியாத அளவில் உள்ளது. அத்தியாவசியப் பொருட்கள் அனைத்துக்கும் வரிகளை அறவிட்டு அப் பணத்தில் ஜனாதிபதி மஹிந்த ராஜபக்சவின் குடும்பம் உண்டு வருகின்றது.
கசினோ சூதாட்டக்காரர்களுக்கும் சர்வதேச வியாபாரிகளுக்கும் ஏற்ற வரவு செலவுத் திட்டத்தினை ஆரம்பித்து அப்பாவி மக்களின் வயிற்றில் அடித்துவிட்டனர். இந்த நிலை மேலும் அதிகரிக்கும்.
சர்வதேச நாடுகளிடம் வாங்கிய கடன்களை கட்ட வேண்டுமாயின் மக்களிடம் வரி அறவிட்டு பணத்தைக் கொள்ளையடிப்பது மட்டுமே ஒரே வழி. அதனையே ஜனாதிபதி மஹிந்த ராஜபக்ச இன்று செய்து வருகின்றார்.
அதேபோல் இன்று அமைச்சர்களே அரசாங்கத்திற்கு எதிராக செயற்பட ஆரம்பித்து விட்டனர். அரசாங்கத்தால் கொண்டு வரப்படும் திட்டங்களுக்கு அமைச்சர்களே முரண்பட ஆரம்பித்து விட்டனர். விலையேற்றமும், பண நெருக்கடியும் சிறுபான்மை மக்களுக்கு மட்டுமல்ல அனைவருக்கும் என்பதை இன்று பலர் உணர்ந்து விட்டனர்.
எனவே எதிர்வரும் மார்ச் மாதத்தோடு ஜனாதிபதி மஹிந்த ராஜபக்சவின் அரசாங்கம் கவிழ்க்கப்படும். மக்களே அரசாங்கத்தினை வீழ்த்தி புதிய அத்தியாயத்தினை நாட்டில் ஆரம்பிப்பார்கள்.
மேலும் இன்று சர்வதேசத்தின் அழுத்தங்களுக்கு அரசாங்கம் பணிந்துவிட்டது. மக்கள் மத்தியில் இனவாதத்தையும் பிரிவினையையும் தூண்டுவதற்காககே ஜனாதிபதி சர்வதேசத்தினை பகைத்துக் கொள்வதைப் போன்று நாடகமாடுகின்றார். ஆனால் அரசாங்கத்தின் சாவி இன்று சர்வதேசத்திடம் அகப்பட்டு விட்டது.
அதன் காரணத்தினால்தான் தற்போது கற்றுக்கொண்ட பாடங்கள் மற்றும் நல்லிணக்க ஆணைக்குழுவின் பரிந்துரைகளின்படி யுத்தத்தில் இறந்த மற்றும் காணாமற்போனோர் தொடர்பில் கணக்கெடுப்பினை மேற்கொள்கின்றனர் எனவும் அவர் தெரிவித்தார்.
சீனாவில் எய்ட்ஸ் நோயாளிகளின் எண்ணிக்கை 4.34 லட்சமாக அதிகரிப்பு!!
உலக எய்ட்ஸ் தினம் ஆண்டுதோறும் டிசம்பர் முதல் நாள் கடைப்பிடிக்கப்படுகிறது. ஆண்டுதோறும் ஒரு கருப்பொருளின் அடிப்படையில் நிகழ்வுகள் மேற்கொள்ளப்படுவது வழக்கம். எய்ட்ஸ் தினம் எய்ட்ஸ் நோய் மற்றும் அதன் விளைவுகள் பற்றிய விழிப்புணர்வை ஏற்படுத்துவதை நோக்கமாகக் கொண்டது.
எய்ட்ஸ் நாள் பற்றிய எண்ணக்கரு முதலாவதாக 1988ல் நடைப்பெற்ற எய்ட்ஸ் பற்றிய உலக சுகாதார அமைச்சர் மாநாட்டில் உருவானது. அதன் பிறகு அரசுகளும் தன்னார்வத் தொண்டு நிறுவனங்களும் இந்நாளை உலகம் முழுவதும் நடைமுறைப்படுத்தி வருகின்றன.
1981ம் ஆண்டிலிருந்து 2007ம் ஆண்டு வரை எய்ட்ஸ் நோயால் இறந்தவரின் எண்ணிக்கை 250 லட்சங்களுக்கு மேல். மற்றும் 2007ம் ஆண்டு வரை 332 லட்சம் மக்கள் இந்நோயுடன் வாழ்ந்து வருகின்றனர். இதனால் இந்நோய் வரலாற்றிலேயே மிக கொடூரமான தொற்றுநோயாக கருதப்படுகிறது.
சமீபத்திய சிகிச்சை முறைகளின் முன்னேற்றம் மற்றும் கண்காணிப்பின் கீழ் இருந்தும், எய்ட்ஸ் நோயால் உலகெங்கிலும் 2007ம் ஆண்டில் 20 லட்சம் உயிரிழப்பு ஏற்பட்டது. இதில் 2,70,000 குழந்தைகள்.
சுவிட்சர்லாந்தில் உள்ள ஜெனீவாவில் அமைந்துள்ள உலக சுகாதார அமைப்பில் எய்ட்ஸ்க்கான உலகளாவிய நிகழ்ச்சியின் பொது தகவல் அதிகாரிகளான ஜேம்ஸ் பன்ஸ் மற்றும் தாமஸ் நெட்டேர் எனும் இருவரால் 1987ம் ஆண்டு ஆகஸ்ட் மாதம் உருவாக்கப்பட்டதே உலக எய்ட்ஸ் தினம்.
இதனையொட்டி கடந்த 25 ஆண்டுகளாக டிசம்பர் 1ம் திகதியை உலக நாடுகள் எய்ட்ஸ் தினமாக கடைபிடித்து வருகின்றன. இந்நிலையில் மக்கள் தொகையில் உலகின் பெரிய நாடாக விளங்கும் சீனாவில் கடந்த 9 மாதங்களில் மட்டும் சுமார் 70 ஆயிரம் புதியவர்களுக்கு எய்ட்ஸ் தொற்று ஏற்பட்டுள்ளது என்று சீன அரசாங்கம் தெரிவித்துள்ளது.
இவர்களையும் சேர்த்து அந்நாட்டின் எய்ட்ஸ் நோயாளிகளின் எண்ணிக்கை 4 லட்சத்து 34 ஆயிரமாக உயர்ந்துள்ளது. சீனாவில் உள்ள 31 மாகாணங்களிலும் எய்ட்ஸ் நோயாளிகளுக்கு சிகிச்சை அளிக்கப்பட்டு வருகிறது. அவற்றில் தற்போது 2 லட்சத்து 9 ஆயிரம் பேர் தொடர் சிகிச்சை பெற்று வருகின்றனர் என்று சீன சுகாதார அமைச்சகம் தெரிவித்துள்ளது.
1500 தடவைகள் சிறைக்குச் சென்ற அமெரிக்கர்!!
அமெரிக்காவில் வசிக்கும் ஹென்றி எர்த்(64)என்பவர் கைது மற்றும் ஜெயிலில் அடைபட்டு கிடப்பதில் ஒரு புதிய சாதனையை படைத்து வருகிறார். இதுவரையில் அவர் 1500 இற்கும் மேற்பட்ட தடவைகள் கைதாகி சிறைக்கு சென்று விட்டார். அதாவது அவர் தனது 20வது வயதில் 1970ம் ஆண்டு ஜூலை மாதம் அபாயகர ஆயுதம் வைத்திருந்ததாக பிடிபட்டு முதல் தடவை ஜெயிலுக்கு சென்றார்.
அடுத்த 10 ஆண்டில் அவரது ஜெயில் விஜயம் 230 தடவையை எட்டிப்பிடித்தது. அப்படி இவர் செய்த குற்றம் தான் என்ன என்றால் பொது இடத்தில் ஒழுங்கீனமாக நடப்பது மற்றும் அளவுக்கு மீறிய குடிபோதை ஆகியவையே காரணம் ஆகும்.
இதனால் நீதிபதிகள் அவருக்கு 2 மாதம் அல்லது 3 மாதம் என தண்டனை கொடுத்தார்கள். ஆனாலும் அவர் இன்னும் திருந்தியபாடில்லை. சமீபத்தில் அவர் தனது 64வது பிறந்த நாளைக் கூட ஜெயிலிலேயே கொண்டாடினார். குடும்பம் சகிதமாக அமெரிக்கர்கள் கொண்டாடி மகிழும் நன்றி தெரிவிக்கும் மூன்று விழாவையும் அவர் ஜெயிலில் நண்பர்களுடனே கழித்தார்.
மட்டக்களப்பில் எயிட்ஸ் நோயின் தாக்கங்கள் அதிகரிப்பு!!
மட்டக்களப்பு மாவட்டத்தில் உல்லாசப் பயணிகளின் வருகை அதிகரித்துள்ள நிலையில் எயிட்ஸ் நோயின் தாக்கங்களும் அதிகரித்து வருவதாக மட்டு. பிராந்திய சுகாதார சேவைகள் திணைக்களத்தின் பணிப்பாளர் எஸ்.சதுர்முகம் தெரிவித்தார்.
சர்வதேச எயிட்ஸ் தினத்தினை முன்னிட்டு மட்டக்களப்பு மாவட்ட பிராந்திய சுகாதார சேவைகள் திணைக்களம் ஏற்பாடுசெய்த மாபெரும் விழிப்புணர்வு ஊர்வலம் மற்றும் விழிப்புணர்வு நிகழ்வு நேற்று சிறப்பாக நடைபெற்றது.
இதன்போது மட்டக்களப்பு மாவட்ட பிராந்திய சுகாதார சேவைகள் திணைக்கள அலுவலகத்தில் இருந்து மாபெரும் பேரணி நடைபெற்றது.
இந்த பேரணி மட்டக்களப்பு நகரின் ஊடாக வெள்ளப்பாலம் பஸ்நிலையம் வரை சென்று திருமலை–மட்டக்களப்பு பிரதான வீதியூடாக இலங்கை போக்குவரத்துசபை நிலையம் வரை சென்று மீண்டும் பிராந்திய சுகாதார சேவைகள் திணைக்களத்தினை வந்தடைந்தது.
மட்டக்களப்பு மாவட்ட பிராந்திய சுகாதார சேவைகள் திணைக்கள பணிப்பாளர் எஸ்.சதுர்முகம் தலைமையில் நடைபெற்ற இந்த நிகழ்வில் பெண் சாரணிய கிழக்கு மாகாண ஆணையாளர் திருமதி.டிலாந்தினி மோகனகுமார் மற்றும் பொதுச்சுகாதார பரிசோதகர்கள், பெண் சாரணிய மாணவர்கள், லியோ கழக உறுப்பினர்கள், தேசிய கல்விக் கல்லூரி மாணவர்கள், பாடசாலை மாணவர்கள், பொதுமக்கள் என பெருமளவானோர் கலந்துகொண்டனர்.
இதன்போது சர்வதேச எயிட்ஸ் தினத்தினை முன்னிட்டு நினைவுச் சின்னம் அணிவிக்கப்பட்டதுடன் துண்டுப் பிரசுரங்களும் விநியோகிக்கப்பட்டன.
ஊர்வலத்தில் எயிட்ஸ் நோயின் தாக்கங்கள் மற்றும் அதன் தடுக்கும் வழிமுறைகளைக் கொண்ட பதாகைகளை ஏந்தியவாறு வாகனங்களும் பேரணியாக சென்றன. அதனைத் தொடர்ந்து மட்டக்களப்பு மாவட்ட பிராந்திய சுகாதார சேவைகள் திணைக்களத்தின் கேட்போர் கூடத்தில் விழிப்புணர்வு கருத்தரங்கு நடைபெற்றது.
கடற் பிரதேசங்களில் பலத்த காற்றுடன் கூடிய காலநிலை!!
நாட்டின் சில கடல் பிரதேசங்களில் பலத்த காற்று வீசக்கூடும் என அனர்த்த முகாமைத்துவ மத்திய நிலையம் தெரிவித்துள்ளது.
மட்டக்களப்பு ஊடாக காலி தொடக்கம் யாழ்ப்பாணம் வரையான கடல் பிரதேசங்களில் இவ்வாறு பலத்த காற்றுடன் கூடிய காலநிலை நிலவும் என அந்த நிலையம் குறிப்பிட்டுள்ளது.
சில சமயங்களில் காற்று மணித்தியாலத்திற்கு 70 கிலோ மீற்றருக்கு அதிக வேகத்தில் வீசக்கூடும் என அனர்த்த முகாமைத்துவ மத்திய நிலையம் தெரிவித்துள்ளது.
இதனால் பொது மக்கள், மீனவர்கள், கடற்படையினர் அவதானத்துடன் செயற்படுவது பாதுகாப்பானதாகும்.
பிளாக் பாண்டி தனது 7 வருட காதலியை கரம் பிடித்தார்!!
வளர்ந்து வரும் நகைச்சுவை நடிகரான பிளாக் பாண்டிக்கும் அவரது காதலி உமேஸ்வரி பத்மினிக்கும் சென்னையில் இன்று திருமணம் நடந்தேறியது.
சின்னத்திரை மூலமாக வெள்ளித்திரைக்கு அறிமுகமான பாண்டி அங்காடித் தெரு உட்பட பல்வேறு படங்களில் நடித்துள்ளார். தற்போது சினிமாவில் வளரும் நகைச்சுவை நடிகராக உருவெடுத்துள்ள அவரும் எம்.பி.ஏ பட்டதாரியான உமேஸ்வரி பத்மினியும் காதலித்து வந்தனர்.
இந்தக் காதல் நேற்று திருமணத்தில் முடிந்தது. இருவரும் 7 வருடமாக காதலித்து வந்தனர் என்பது குறிப்பிடத்தக்கது. இரு வீட்டார் சம்மதத்துடன் சென்னையில் உள்ள திருமண மண்டபத்தில் நடந்தேறியது.
திருமணத்தில் பெரும் திரளானோர் திரையுலகினர் கலந்து கொண்டு வாழ்த்தினர்.
மலவாயிலில் மறைத்து இந்தியாவுக்கு தங்கம் கடத்த முயன்றவர் கைது!!
மலவாயிலில் மறைத்து வைத்து தங்கம் கடத்த முயன்ற நபர் ஒருவர் கட்டுநாயக்கா சர்வதேச விமான நிலையத்தில் சுங்க அதிகாரிகளினால் கைது செய்யப்பட்டுள்ளார். இன்று அதிகாலை 4.05 மணியளவில் இந்தியாவை நோக்கி பயணிக்க தயாராகவிருந்த நிலையில் இந்நபர் கைது செய்யப்பட்டுள்ளதாக இலங்கை சுங்கம் தெரிவித்துள்ளது.
கைது செய்யப்பட்டவர் தங்க பிஸ்கட்டுக்கள் நான்கை கடத்த முயன்றுள்ளார். இந்த தங்க பிஸ்கட்டுக்களின் பெறுமதி 1,935,000 ரூபா என சுங்க ஊடகப் பேச்சாளர் லெஸ்லி காமினி தெரிவித்தார்.
தங்க பிஸ்கட்டுக்கள் அரசு உடமையாக்கப்பட்டுள்ளதுடன் கைது செய்யப்பட்ட நபர் 2,50,000 ரூபா பிணையில் விடுதலை செய்யப்பட்டுள்ளார்.
கட்டுநாயக்க அதிவேக வீதியில் மோட்டார் சைக்கிளில் பயணித்த ரஸ்ய பிரஜை கைது!!
கொழும்பு – கட்டுநாயக்க அதிவேக வீதியில் மோட்டார் சைக்கிளில் பயணித்த ரஸ்ய நாட்டுப் பிரஜை கைது செய்யப்பட்டுள்ளார். இவர் இன்று காலை கைது செய்யப்பட்டதாக பொலிஸ் ஊடகப் பேச்சாளர் ஆஜித் ரோஹன தெரிவித்தார்.
கட்டுநாயக்க அதிவேக வீதியின் 18ம் கட்டை நுழைவாயிலில் மோட்டார் சைக்கிளில் பயணித்து 6ம் கிலோ மீற்றர் பகுதியில் குறித்த ரஸ்ய பிரஜை கைது செய்யப்பட்டுள்ளார்.
இதேவேளை தெற்கு அதிவேக வீதியில் மோட்டார் சைக்கிளில் சென்ற ஒருவர் வேனுடன் மோதுண்டு படுகாயமடைந்து நாகொட வைத்தியசாலையில் அனுமதிக்கப்பட்டுள்ளார். இச்சம்பவம் நேற்று காலை இடம்பெற்றது.
கொழும்பு – கட்டுநாயக்க மற்றும் தெற்கு அதிவேக வீதியில் மோட்டார் சைக்கிள், முச்சக்கரவண்டி, டிரக்டர் மற்றும் துவிச்சக்கர வண்டியில் பயணிக்க தடை விதிக்கப்பட்டுள்ளது.
அதனையும் மீறி செல்பவர்கள் கைது செய்யப்பட்டு நீதிமன்ற நடவடிக்கைக்கு உட்படுத்தப்படுவர் என பொலிஸார் தெரிவித்துள்ளனர்.
நடிகை சமந்தாவுக்கு மீண்டும் தோல்நோய் பாதிப்பு : படப்பிடிப்பு ரத்து!!
நடிகை சமந்தா கடந்த ஒரு வருடத்துக்கு முன்பு திடீர் என்று தோல் நோயினால் பாதிக்கப்பட்டார். அவருடைய முகத்திலும், உடம்பிலும் சிவப்பு புள்ளிகள் தோன்றியதால் ஆஸ்பத்திரியில் அனுமதிக்கப்பட்டார். அந்த சமயத்தில் அவர் மணிரத்னத்தின் கடல் படத்தில் நடிப்பதற்காக ஒப்பந்தம் செய்யப்பட்டு இருந்தார்.
தோல் நோய் பாதிப்பு காரணமாக சமந்தா அந்த பட வாய்ப்பை இழந்தார். அவருக்கு பதில் நடிகை ராதாவின் இளைய மகள் துளசி நடித்தார். இதேபோல் ஷங்கரின் நண்பன் படத்துக்கும் அவர் ஒப்பந்தம் செய்யப்பட்டு இருந்தார். தோல் நோய் பாதிப்பு காரணமாக அந்த படத்திலும் அவரால் நடிக்க முடியாமல் போனது.
ஆஸ்பத்திரியில் சிகிச்சை பெற்றபின் சமந்தா குணம் அடைந்தார். மீண்டும் படங்களில் நடிக்க ஆரம்பித்தார். லிங்குசாமி இயக்க அவருடைய தம்பி சுபாஷ்சந்திரபோஸ் தயாரிக்கும் புதிய படத்தில், சூர்யா ஜோடியாக நடிக்க அவர் ஒப்பந்தம் செய்யப்பட்டார். இந்த படத்தின் படப்பிடிப்பு மும்பையில் 10 நாட்கள் நடந்தது.
சூர்யா-சமந்தா சம்பந்தப்பட்ட காட்சிகள் படமாக்கப்பட்டன. இந்த நிலையில், சமந்தாவுக்கு மீண்டும் தோல் நோய் பாதிப்பு ஏற்பட்டது. அவருடைய முகம் முழுவதும் சிவப்பு புள்ளிகள் தோன்றின. உடம்பிலும் அதுபோல் சிவப்பு புள்ளிகள் ஏற்பட்டன. இதனால் அவர் தொடர்ந்து நடிக்க முடியாத நிலை ஏற்பட்டது.
அதைத்தொடர்ந்து படப்பிடிப்பு ரத்து செய்யப்பட்டது. சூர்யா, லிங்குசாமி, மற்றும் படப்பிடிப்பு குழுவினர் சென்னை திரும்பினார்கள். சமந்தா இல்லாத காட்சிகளை டிசம்பர் முதல் வாரத்தில் இருந்து படமாக்க திட்டமிட்டு இருக்கிறார்கள். சமந்தாவுக்கு தோல் நோய் பாதிப்பு ஏற்படுவதற்கு அதிக சக்தி வாய்ந்த விளக்கு வெளிச்சம்தான் காரணம் என்று அவருக்கு சிகிச்சை அளிக்கும் வைத்தியர்கள் தெரிவித்தார்கள்.
கொச்சி விமான நிலையத்தில் சுங்க அதிகாரிகளுடன் மோதிய நடிகர் கலாபவன் மணி!!
பிரபல நடிகர் கலாபவன் மணி வெளிநாட்டு சுற்றுப்பயணத்தை முடித்துக்கொண்டு நேற்று கொச்சி விமான நிலையத்தில் வந்து இறங்கினார். விமான நிலைய சுங்க இலாகா அதிகாரிகள் அவர் கையில் அணிந்திருந்த கனமான தங்க பிரேஸ்லெட் பற்றி விசாரித்தனர்.
இதனால் கோபம் அடைந்த கலாபவன் மணி பிரேஸ்லெட்டை கழற்றி கவுண்ட்டரில் வீசிவிட்டு வெளியே சென்றுவிட்டதாக கூறப்படுகிறது. அதிகாரிகளிடம் கலாபவன் மணி முரட்டுத்தனமாக நடந்து கொண்டதாகவும் சுங்க இலாகா தரப்பில் தெரிவிக்கப்பட்டது.
ஆனால் அவர் மீதான குற்றச்சாட்டை மறுத்த கலாபவன் மணி சமீப காலமாகவே போலீசாரும் சுங்க இலாகாவினரும் தன்னை வேண்டும் என்றே துன்புறுத்தி வருவதாக தெரிவித்தார். பிரேஸ்லெட் குறித்து என்னிடம் கேட்டனர். பல ஆண்டுகளாக அதை அணிந்திருப்பதாக பதில் அளித்தேன். அவர்களிடம் முரட்டுத்தனமாக நான் பேசவில்லை. கண்காணிப்பு கமரா காட்சிகளை ஆய்வு செய்தால் அதுபற்றி தெளிவாக தெரியும் என்றும் மணி கூறினார்.
பிரேஸ்லெட் குறித்து விளக்கம் அளிக்கும்படி நடிகர் மணிக்கு நோட்டீசு அனுப்பி வைக்கப்படும் என்று, சுங்க இலாகா அதிகாரிகள் தெரிவித்தனர். கடந்த சில மாதங்களுக்கு முன்பு கேரளாவில் திருச்சூர் மாவட்டத்தில் வனத்துறை அதிகாரிகள் அவருடைய காரை சோதனை போட்டபோதும் நடிகர் கலாபவன் மணி இதுபோன்ற சர்ச்சையில் சிக்கியது குறிப்பிடத்தக்கது.
உறுப்பு தானம் செய்து கின்னஸ் சாதனை படைத்த மாணவர்கள்!!
அரியானா மாநிலம் ரோட்டக் நகரை சேர்ந்த 10 ஆயிரத்துக்கும் மேற்பட்ட மாணவர்கள் ஒரே நேரத்தில் உறுப்பு தானம் செய்து புதிய கின்னஸ் சாதனையை படைத்துள்ளனர்.
இந்திய தேசிய லோக்தளம் கட்சியின் மாணவர் அமைப்பாக இந்திய தேசிய மாணவர் பேரவை இயங்கி வருகிறது. இந்த அமைப்பை சேர்ந்த 10 ஆயிரத்து 450 மாணவர்கள் ரோட்டாக்கில் நேற்று நடைபெற்ற விழாவில் எட்டே மணி நேரத்தில் உடல் உறுப்பு தான பத்திரங்களில் கையொப்பமிட்டு புதிய உலக சாதனையை ஏற்படுத்தியுள்ளனர்.
உலக சாதனைகளை பதிவு செய்து அங்கீகரிக்கும் கின்னஸ் நிறுவனம் சார்பில் இந்த விழாவில் பங்கேற்ற இந்தியாவின் தலைமை மேலாளர் இந்த புதிய சாதனைக்கான சான்றிதழை மாணவர்களிடம் வழங்கி வாழ்த்தினார்.
குஜராத் மாநிலத்தில் உள்ள தேசாய் பல்கலைக்கழக மாணவர்கள் 4135 பேர் ஒரே நேரத்தில் உறுப்பு தானம் செய்தது தான் இதுவரை முந்தைய கின்னஸ் சாதனையாக இருந்தது. நேற்றைய சாதனை குஜராத் மாணவர்களின் பழைய சாதனையை முறியடித்துள்ளது.
திருமணத்தன்று மணவறைக்கு செல்லாமல் பிணவறைக்கு சென்ற மணமகன்!!
சிவகங்கை மாவட்டத்தில் திருமண நாள் அன்று மணமகன் கருகி உயிரிழந்துள்ள சம்பவம் அதிர்ச்சியை ஏற்படுத்தியுள்ளது.
சிவகங்கை மாவட்டம் திருப்புவனம் அருகே உள்ளது ஆலங்குளத்தைச் சேர்ந்தவர் மாயாண்டி. இவரது மகன் மணிகண்டன் (27). இவர் திருப்பாச்சேத்தி காவல் நிலையத்தில் பொலிசாக பணியாற்றி வருகிறார்.
இவருக்கும் மதுரையை சேர்ந்த ஒரு பெண்ணுக்கும் திருமணம் நிச்சயிக்கப்பட்டு இருந்தது. இவர்களது திருமணம் இன்று லாடனேந்தலில் உள்ள ஒரு திருமண மண்டபத்தில் நடைபெற இருந்தது.
திருமணத்திற்காக இரு வீட்டாரும் அனைத்து ஏற்பாடுகளையும் சிறப்பாக செய்து கொண்டிருந்தனர். மணப்பெண் வீட்டார் நேற்று இரவே பெண்ணுடன் லாடனேந்தல் திருமண மண்டபம் சென்று விட்டனர். இரவில் அங்கு தங்கிய அவர்களுக்கு மாப்பிள்ளை வீட்டார் தேவையான வசதிகளை செய்து கொடுத்தனர்.
திருமணத்தையொட்டி நேற்று இரவே மண்டபம் களை கட்டி காணப்பட்டது. வானவேடிக்கைகள், ஆடல் பாடல் நிகழ்ச்சிகள் என மண்டபம் முழுவதும் சந்தோசம் பொங்கி வழிந்தது.
அதே சந்தோசத்துடன் திருமண வீட்டார் இரவில் படுத்து தூங்கினர். இன்று காலை திருமணம் என்பதால் நள்ளிரவிலேயே மண்டபத்தில் சமையல் பணி தொடங்கியது. அதிகாலை நேரத்தில் மண்டபத்தில் தங்கி இருந்த பெண் வீட்டாரும் எழுந்து குளிக்க புறப்பட்டனர். அப்போது மண்டபத்தில் இருந்த தண்ணீர் மோட்டார் இயங்கவில்லை.
இதனால் அங்கு தண்ணீர் வராததால் மணப்பெண் வீட்டார் மண்டபத்தில் இருந்து சுமார் 5 கிலோ மீட்டர் தூரத்தில் உள்ள மணமகன் வீட்டாருக்கு தகவல் தெரிவித்தனர். அங்கும் அனைவரும் திருமணத்திற்கு தயாராகி கொண்டு இருந்ததால் மணமகன் மணிகண்டன் தான் சென்று பார்த்து வருவதாக கூறினார்.
ஆனால் உறவினர்கள் வேண்டாம் என்று தடுத்து உள்ளார்கள். இருப்பினும் மணமகன் மணிகண்டன் தான் மோட்டார் சைக்கிளில் 5 நிமிடத்தில் சென்று திரும்பி விடுவேன் என்று கூறிவிட்டு புறப்பட்டுள்ளார்.
மோட்டார் சைக்கிளில் அவர் மண்டபத்தின் அருகே சென்றபோது அந்த வழியே மதுரையில் இருந்து பரமக்குடிக்கு காய்கறி ஏற்றி சென்ற வேன் எதிர்பாராதவிதமாக கண்ணிமைக்கும் நேரத்தில் மணமகன் மணிகண்டன் மீது மோட்டார் சைக்கிள் மோதியது. மோதிய வேகத்தில் மோட்டார் சைக்கிள் கீழே விழுந்ததில் அதன் பெட்ரோல் டேங்க் திடீரென வெடித்து தீ பிடித்தது.
இந்த தீ மணமகன் மணிகண்டன் மீது வேகமாக பரவியது. மோட்டாரை சரி பார்க்க மணமகனே வந்து விட்டார் என மகிழ்ச்சியில் திளைத்த உறவினர்கள் கண் முன்பு அவர் தீப்பிடித்து எரிய அனைவரும் அதிர்ச்சி அடைந்தனர். என்ன நடந்தது என்பதை அறிவதற்குள் மணமகன் மணிகண்டன் தீயில் கருகி சம்பவ இடத்திலேயே பலியானார்.
பெண் வீட்டாரும் திருமணத்திற்கு வெளியூர்களில் இருந்து வந்திருந்தோரும் மணமகன் தீயில் எரிந்து பலியான சம்பவம் கண்டு அதிர்ச்சி அடைந்தனர். இதுகுறித்து திருப்புனம் பொலிசார் வழக்குப்பதிவு செய்து வேன் ஓட்டுனரை பிடித்து விசாரணை நடத்தி வருகின்றனர்.
திருமணத்தன்று திருமண மண்டபத்தின் முன்பே மணவறையில் இருக்க வேண்டிய மணமகன் பலியானது திருப்புவனம், திருப்பாச்சேத்தி பகுதிகளில் சோகத்தை ஏற்படுத்தியது.
ஜாலியாக ஆட்டம் போட்டுக் கொண்டிருந்த போது திடீரென நிகழ்ந்த சோகம்!!(வீடியோ)
ஸ்கொட்லாந்தில் மதுபான பாரில் ஹெலிகொப்டர் திடீரென விழுந்ததில் ஆறு பேர் பலியாயினர், 32 பேர் படுகாயமடைந்துள்ளனர்.
கிளாஸ்கோ நகரில் புகழ் பெற்ற மதுபான விடுதியில் நேற்று முன்தினம் இரவு இசையுடன் கேளிக்கை நிகழ்ச்சிகள் நடந்து கொண்டிருந்தன. அப்போது பெருத்த சத்தத்துடன் மதுபான பார் மேற்கூரையில் ஹெலிகொப்டர் மோதியது.
இதில் கூரை இடிந்து ஹெலிகொப்டர் உள்ளே விழுந்தது. அதில் இரண்டு பொலிசார் மற்றும் விமானி என மூன்று பேர் இருந்தனர்.
அவர்கள் உட்பட ஆறு பேர் இறந்தனர், 32 பேர் படுகாயம் அடைந்தனர்.
இந்த பயங்கர சம்பவத்தில் மேலிருந்து விழுந்த ஹெலிகொப்டர் ஏன் வெடிக்கவில்லை என்பது புரியவில்லை என விபத்தை நேரில் பார்த்தவர்கள் கேள்வி எழுப்பியுள்ளனர்.
விபத்து ஏற்படுவதற்கு சில மணி நேரத்திற்கு முன் ஹெலிகொப்டர் தாழ்வாக பறந்த சத்தத்தைக் கேட்டதாக நதியின் மறுகரையில் வசிப்பவர்கள் கூறியுள்ளனர்.
இந்த விபத்துக்கான காரணம் உடனடியாகத் தெரியவில்லை என்றும் ஹெலிகொப்டரின் பாகங்களைச் சேகரித்து விமான விபத்து புலனாய்வு அதிகாரிகள் விசாரணை நடத்தி வருவதாகவும் பொலிசார் தகவல் வெளியிட்டுள்ளனர்.
பெண்ணாக பிறந்து ஆணாக மாறிய வாலிபர்!!
பெண்ணாக பிறந்து ஆணாக மாறிய வாலிபர் ஒருவர் தனது தோழியுடன் வாழ்வதற்கு இங்கிலாந்து அரசிடம் அனுமதி கேட்டு காத்துக்கொண்டிருக்கிறார்.
இந்தியாவின் ஆந்திரா மாநிலத்தின் தலைநகர் ஹைதராபாத்தில் பெண்ணாகவே பிறந்து வளர்ந்தவருக்கு ஹார்மோன் மற்றும் குரோமோசோம்களின் கிளர்ச்சியால் ஆணாக வாழ விரும்பினார்.
வேலைக்கு சென்ற இடத்தில் கிடைத்த தோழியிடம் மன வேதனைகளைக் கொட்டித் தீர்த்த அவர், தோழியின் துணையுடன் ஆபரேஷன் மூலம் ஆணாக தன்னை மாற்றிக் கொண்டார்.
ஆணாக மாறிய அவர் தன் பெயரை சமீர் நீலம் என மாற்றிக் கொண்டு, குடும்பத்தை விட்டு வெளியேறி தன் தோழியுடன் குடும்பம் நடத்தத் தொடங்கியுள்ளார்.
இந்நிலையில் ஊடகங்கள் மூலம் இவர்களின் குடும்ப வாழ்க்கை வெளிச்சத்துக்கு வந்ததால் சமூகத்தின் ஏச்சுக்கும், பேச்சுக்கும் ஆளானர்கள்.
இதனால் இந்தியாவில் தங்களை சேர்ந்து வாழ விட மாட்டார்கள் என்று எண்ணிய சமீர் வேறு எந்த நாட்டுக்காவது போய் தோழியுடன் சேர்ந்து வாழ வேண்டும் என்று முடிவெடுத்தார்.
அதன்படி பாலியல் பேதங்களுக்காக சொந்த நாட்டில் புறக்கணிக்கப்படும் பாலினம் மாறிய மக்களுக்கு இங்கிலாந்தில் தாராளமாக வசிக்க அனுமதி அளிக்கப்படுவதாக அறிந்த அவர் தற்போது வடக்கு இங்கிலாந்தில் உள்ள பிராட்போர்டில் வாழ அனுமதி கேட்டு தஞ்சம் அடைந்துள்ளார்.