பிரபாகரனை தேசிய வீரர் என்ற பாராளுமன்ற உறுப்பினருக்கு எதிராக நடவடிக்கை எடுக்கப்படும் : விமல் வீரவங்ச!!

Wilmal Weerawansaபிரபாகரனை தேசிய வீரராக பாராளுமன்றத்தில் தெரிவித்த தமிழ் தேசிய கூட்டமைப்பு உறுப்பினர்களுக்கு எதிராக உரிய சட்ட நடவடிக்கை எடுக்கப்படும் என அமைச்சர் விமல் வீரவங்ச தெரிவித்துள்ளார்.

239 இலட்சம் ரூபா செலவில் நிர்மாணிக்கப்பட்ட கொழும்பு 12 புதுக்கடை மற்றும் டயஸ்பெதெஸ தொடர் மாடி வீடுகளை பயனாளிகளிடம் கையளிக்கும் நிகழ்வு இன்று நடைபெற்றது. இந்த நிகழ்விலயே அவர் இதனைக் கூறியுள்ளார்

தற்போது நாட்டில் பொருளாதார பிரச்சினை மட்டுமே உள்ளது எனவும் அதைத் தவிர வேறு எந்த பிரச்சினையும் இல்லை எனவும் அமைச்சர் விமல் வீரவங்ச இதன்போது சுட்டிக்காட்டினார்.

அத்துடன் எதிர்க்கட்சித் தலைவரின் அருகில் இருப்பதை விட ஜனாதிபதியிடமே ஐக்கிய தேசியக் கட்சி உறுப்பினர்கள் இருப்பதாக அவர் மேலும் குறிப்பிட்டுள்ளார்.

இலங்கையில் நடந்தது இனப்படுகொலைதான் : ப.சிதம்பரம்!!

Chidambaramஇலங்கையில் நடைபெற்றது இனப்படுகொலைதான் என்பதில் மாற்றுக் கருத்து இல்லை என மத்திய நிதி அமைச்சர் ப.சிதம்பரம் கூறினார். இலங்கைத் தமிழரின் வாழ்வுரிமையும் இந்திய அரசின் நிலையும் என்ற தலைப்பிலான கருத்தரங்கம் சென்னையில் நேற்று நடந்தது.

இதில் கலந்து கொண்டு, மத்திய நிதி அமைச்சர் ப.சிதம்பரம் பேசும்போது..

இலங்கையில் நடைபெற்றது இனப்படுகொலைதான் என்பதில் மாற்றுக் கருத்து இல்லை. 13வது அரசியல் சட்டத் திருத்தத்தில் உள்ள ஷரத்துக்களை சீர்குலைக்க இலங்கை அரசு முயற்சி எடுத்து வருகிறது.

அதேவேளையில் 13வது அரசியல் சட்டத் திருத்தத்தை அமல்படுத்த மத்திய அரசு முயற்சி மேற்கொண்டு வருகிறது. 13வது சட்டத் திருத்தத்தையும், இலங்கைத் தமிழர்களையும் மத்திய அரசு என்றுமே கைவிடாது.

பாராளுமன்றத்தில் இலங்கைக்கு எதிராக தீர்மானம் நிறைவேற்ற பா.ஜ.க ஆதரவு தரவில்லை. இலங்கை தமிழர்கள் குறித்து பிரதமர் மன்மோகன் சிங் விரைவில் யாழ்ப்பாணம் சென்று முதல்வர் விக்னேஷ்வரனுடன் பேச்சுவார்த்தை நடத்துவார் என்றார்.

பிரபல நடன இயக்குனர் ரகுராம் காலமானார்!!

Rahuramபிரபலமான நடன இயக்குனரான ரகுராம் இன்று காலமானார். அவருக்கு வயது 64. தமிழ், தெலுங்கு, ஹிந்தி, கன்னடம் உள்ளிட்ட மொழிகளில் பல்வேறு முன்னணி நாயகர்களின் படங்களின் ஆயிரத்திற்கும் மேற்பட்ட பாடல்களுக்கு நடனம் வடிவமைத்து பிரபலமானவர்.

தமிழ் திரையுலகில் 50 வருடங்கள் பணியாற்றிதற்கு இவருக்கு விழா எடுக்கப்பட்டது. நடிகை காயத்திரி ரகுராம் மற்றும் நடன இயக்குனர், நடிகை சுஜா ரகுராம் ஆகியோர் இவரது மகள்கள் என்பதும் குறிப்பிடத்தக்கது.

இவர் இன்று மதியம் 1 மணிக்கு அவரது வீட்டில் காலமானார். அவரது இறுதிச் சடங்கு டிசம்பர் 1ம் திகதி நடைபெறவிருக்கிறது.
பல்வேறு திரையுலக நட்சத்திரங்களும், இவரது மறைவிற்கு தங்களது ஆழ்ந்த இரங்கலை தெரிவித்து வருகிறார்கள்.

இலங்கையில் 1808 பேருக்கு எயிட்ஸ் : இதுவரை 337 பேர் பலி!!

HIVகடந்த மூன்று மாதங்களில் இலங்கையில் 69 எயிட்ஸ் நோயாளர்கள் இனங்காணப்பட்டுள்ளதாக சுகாதார அமைச்சு தெரிவித்துள்ளது. இந்த வருடத்தின் இதுவரையான காலப்பகுதியில் மாத்திரம் 159 பேருக்கு எயிட்ஸ் நோய் இருப்பது கண்டுபிடிக்கப்பட்டுள்ளது.

5 ரத்த மாதிரிகள் பரிசோதனைக்கு உட்படுத்தப்பட்டதன் பின் இவ்விடயம் உறுதியானதாக சுகாதார அமைச்சு தெரிவித்துள்ளது.

இலங்கையில் தற்போது 1808 எயிட்ஸ் நோயாளர்கள் இருப்பதாக கண்டறியப்பட்டுள்ளது. இதில் தாயிடம் இருந்து எயிட்ஸ் தொற்றுக்கு உள்ளான 70 பேரும் அடங்குகின்றனர்.

இலங்கையில் முதல் முறையாக 1989ம் ஆண்டே எயிட்ஸ் நோயாளர் கண்டுபிடிக்கப்பட்டதாகவும் இதுவரை எயிட்ஸ் நோயினால் பாதிக்கப்பட்டு 337 பேர் உயிரிழந்துள்ளதாகவும் சுகாதார அமைச்சு தெரிவித்துள்ளது.

எயிட்ஸ் தொற்றுள்ளவர்களில் 60 சதவீதமானவர்கள் மேல் மாகாணத்தைச் சேர்ந்தவர்களாவர். அதில் 52 வீதமானவர்கள் கொழும்பு மாவட்டத்தில் உள்ளனர்.

பாதுகாப்பற்ற பாலியல் உறவுகளால் 95 சதவீதமானவர்களுக்கும் தாயின் ஊடாக 4 சதவீதமானவர்களுக்கும் எயிட்ஸ் நோய் தொற்றியுள்ளதாக சுகாதார அமைச்சு கண்டுபிடித்துள்ளது.

சூரியனை நெருங்கி சென்ற ஐசோன் தப்பிப் பிழைத்ததா?

isonசூரியனை நேற்று நெருங்கி வந்த ஐசோன் எரி நட்சத்திரத்தின் ஒரு பகுதி தப்பிப் பிழைத்திருக்கக்கூடும் என்று விண்ணியலாளர்கள் கூறுகிறார்கள்.

சூரியனின் வெம்மை மற்றும் ஈர்ப்பு சக்தியினால் இந்த ஐஸ் மற்றும் அழுக்குத் துகள்களாலான எரிநட்சத்திரம் அழிந்திருக்கலாம் என்று கருதப்பட்டது.

ஆனால் இந்த எரி நட்சத்திரம் விண்ணியலாளர்களின் பார்வையிலிருந்து மறைந்து இரண்டு மணி நேரங்களுக்குப் பின்னர் ஏதோ ஒன்று மீண்டும் வெளிவந்தது என்று கூறும் அமெரிக்க கடற்படை விண்ணியலாளர்கள், இந்த எரி நட்சத்திரத்தின் வால் ஒருக்கால் இன்னும் நமது இரவில் ஒளிரலாம் என்று கூறுகிறார்கள்.

இந்த எரி நட்சத்திரம் சூரியனை, சூரியக் குடும்ப அமைப்பின் ஊடாக நெருங்க சுமார் 55 இலட்சம் ஆண்டுகள் பயணிக்கவேண்டியிருந்தது.

வவுனியாவில் இன ஒற்றுமையை ஏற்படுத்த இளைஞர் முகாம்..!

வவுனியா, மணிபுரம் கிராமத்தில் சர்வோதயம் நிறுவனத்தின் சாந்திசேனா இளைஞர் அமைப்பினால் 22.11.2013 தொடக்கம் 27.11.2013ஆம் வரை மாபெறும் இளைஞர் முகாம் நடைபெற்றது.

இவ் இளைஞர் முகாம் தமிழ், சிங்கள இனங்களுக்கிடையில் ஒற்றுமையை கட்டியெழுப்புவதற்காக ஏற்பாடு செய்யப்பட்டிருந்தது.

அதன் அடிப்படையில் மாத்தளை மாவட்டத்திலிருந்து சிங்கள இளைஞர், யுவதிகள் வவுனியா மாவட்டம் மணிபுரம் கிராமத்திற்கு அழைத்து வரப்பட்டு கிராமத்தின் வீடுகளில் தங்கவைக்கப்பட்டு தமிழ் பண்பாடு கலாசாரம் என்பன பரிமாறப்பட்டது.

அத்துடன் மணிபுரம் கிராமத்தில் தெரிவு செய்யப்பட்ட இடங்களில் இளைஞர் சக்தியினால் சிரமதானம், வீதிதிருத்தம், குடிநீர் கிணறு திருத்தம் போன்ற வேலைத்திட்டங்கள் செய்யப்பட்டது.

தொடர்ந்து இளைஞர் யுவதிகளுக்கான விளையாட்டு போட்டிகள், கலை, கலாசார நிகழ்வுகள் மற்றும் தீப்பாசறை நிகழ்வும் இடம்பெற்றது.

இளைஞர் சக்தியினூடாக இனங்களுக்கிடையே ஒரு சினேகப் பூர்வமான உறவை வலுப்படுத்தும் நிகழ்வுகள் இடம்பெற்று நேற்றைய தினம் நிறைவு கண்டது.

இந்நிகழ்வில் வவுனியா மாவட்ட இணைப்பாளர் சு.உதயகுமாரன், சர்வோதயத்தின் வடமாகான ஆலோசகர் எஸ்.சுப்பிரமணியம், சர்வோதய சாந்திசேனா திட்ட பணிப்பாளர் எச்.ரவீந்திரகந்தகே ஆகியோரும் கலந்துகொண்டு மணிபுரம் சாந்திசேனா இளைஞர் குழுவிற்கு கணினி வழங்கி நிகழ்வை சிறப்பித்தனர்.

vavuniya

வேதிகாவுக்கு தேவையா இந்த விளம்பரம்!

vedபடம் மற்றும் அதன் நாயக – நாயகிகளுக்காக சில பப்ளிசிட்டி ஸ்டன்ட்டுகளை அடிப்பது சினிமாவில் வழக்கமான ஒன்று.

நடிகை படப்பிடிப்பின்போது கடலில் விழுந்தார், குளத்தில் விழுந்தார், மாடு முட்டியது, கல் தடுக்கி விழுந்ததில் ரத்தம் கொட்டியது என்றெல்லாம் அவர்களின் பிஆர்ஓக்கள் பரபரப்பு தகவல் பரப்புவார்கள்.

சரி, தெரிஞ்ச விஷயம்தானே என அவற்றையெல்லாம் செய்தியாக்கி இலவச பப்ளிசிட்டியும் தருவார்கள் மீடியாக்காரர்கள்.

கொடுக்கிறது டுபாக்கூர் தகவலாக இருந்தாலும், அதையும் சரியாக செய்ய வேண்டாமா… நம்ம நடிகை வேதிகாவுக்கு பப்ளிசிட்டி தருவதாகக் கூறிக்கொண்டு, சமீபத்தில் அவரது ஆட்கள் செய்திருக்கும் வேலையைப் பாருங்கள்…

“சில தினங்களுக்கு முன் சிங்காரவேலன் என்ற மலையாளப் படத்தின் க்ளைமாக்ஸ் காட்சியில் நடித்துக் கொண்டிருந்த போது வேதிகா தவறி குளத்தில் விழுந்துவிட்டார். இருந்தாலும் தைரியமாக சமாளித்து கரையேறி, ஷூட்டிங்கைத் தொடர்ந்தார். அவர் தைரியத்தை அனைவரும் பாராட்டினார்கள்´ என்று செய்தி பரப்பிவிட்டனர்.

ஆனால் சிங்காரவேலன் என்ற படம் கடந்த செப்டம்பர் 13-ம் திகதியே வெளியாகிவிட்டது.

அதைவிடக் கொடுமை, அதன் க்ளைமாக்ஸ் காட்சி கடந்த மே மாத இறுதியில் படமாக்கப்பட்டதாம்.

வேதிகா இப்போது நடித்துக் கொண்டிருப்பது வசந்த பாலனின் காவியத் தலைவன் படத்தில் மட்டுமே என்பது குறிப்பிடத்தக்கது.

உண்மை அம்பலமானதும், மலையாள பத்திரிகைகள் ரவுண்டு கட்டி கிண்டலடித்து வருகின்றன வேதிகாவை!

ஒரு வாரம் தள்ளிப் போனது கோச்சடையான் இசை வெளியீடு..!

rajiniசூப்பர் ஸ்டார் ரஜினியின் கோச்சடையான் படத்தின் இசை வெளியீடு வரும் டிசம்பர் 25-ம் திகதிக்கு மாற்றப்பட்டுள்ளது.

சென்னை நேரு உள்விளையாட்டரங்கில் இந்த விழா பிரமாண்டமாக நடக்கிறது.

முன்னதாக ரஜினியின் பிறந்த நாளான டிசம்பர் 12-ம் திகதி கோச்சடையான் இசை வெளியீட்டை நடத்தத் திட்டமிட்டிருந்தனர். ஆனால் படத்தின் இறுதி பிரிண்ட் தயார் செய்யும் பணிக்காக சவுந்தர்யா வெளிநாடு சென்றிருப்பதால், மேலும் இரண்டு வாரங்கள் தள்ளிப் போடப்பட்டுள்ளது இசை வெளியீடு.

ஏஆர் ரஹ்மான் இசையமைத்துள்ள கோச்சடையான் பாடல்கள் பெரும் எதிர்ப்பார்ப்பைக் கிளப்பியுள்ளன. இதில் தமிழ் மற்றும் இந்தியில் ரஜினியே தன் சொந்தக் குரலில் ஒரு பாடல் பாடியிருப்பது குறிப்பிடத்தக்கது.

பாடல் வெளியீட்டை பிரமாண்டமாக நடத்த தயாரிப்பாளர்கள் முடிவு செய்துள்ளனர். இந்த நிகழ்ச்சியின்போதுதான் படத்தின் வெளியீட்டுத் தேதி குறித்து இறுதி அறிவிப்பு வெளியாகும்.

இதற்காக நேரு உள்விளையாட்டரங்கை முன்பதிவு செய்ததோடு, ரசிகர்கள், பத்திரிகையாளர்கள், திரைத் துறையினர், பொதுப் பிரிவினர் என அனைத்துத் தரப்பினருக்கும் அனுமதிச் சீட்டுகள் தயாராகி வருகின்றன.

டிசம்பர் 25-ம் திகதி கிறிஸ்துமஸ் என்பது குறிப்பிடத்தக்கது.

முதலிரவு காட்சியில் பிரச்சினை: மீண்டும் சர்ச்சையில் நஸ்ரியா?

nasநஸ்ரியா நசீம் என்ற பெயரைச் சொன்னதும் ‘தொப்புளுக்காக பிரச்சினை பண்ணுச்சே… அந்த பொண்ணு தானே’ என நினைவுகூறும் அளவிற்கு பரபரப்பை ஏற்படுத்திவிட்டுச் சென்றிருக்கிறார் கோலிவுட்டில்.

சேண்டல்வுட்டிலிருந்து (மலையாளம்) திறமையான நடிப்பின் மூலம் கோலிவுட்டிற்கு வந்தவர், கோலிவுட்டில் நடந்த பிரச்சினையின் மூலம் டோலிவுட்டிற்கு சென்றார்.

தமிழ்த்திரையுலகத்தையே பரபரப்பாக்கிய பிரச்சினை என்பதால் டோலிவுட்டில் ஜூனியர் என்.டி.ஆர்-க்கு ஜோடியாக நடிக்கும் வாய்ப்பு முதல் படத்திலேயே கிடைத்தது நஸ்ரியாவுக்கு.

முதல்கட்ட படப்பிடிப்பு முடிந்ததும் நடித்த காட்சிகள் வரை போட்டுக்காட்டும்படி கேட்டு காட்சிகளைப் பார்த்த நஸ்ரியா அதிலிருந்த முதலிரவுக் காட்சிகளைப் பார்த்து அதிர்ந்துபோனாராம்.

சரி நடந்தது நடந்துருச்சு இந்த காட்சியையெல்லாம் டெலிட் பண்ணிடுங்க என்று நஸ்ரியா சொல்ல இயக்குனர் காட்சியெல்லாம் டெலிட் பண்ண முடியாது. வேண்டுமென்றால் உங்களை டெலிட் செய்யலாம் என்று சொல்லிவிட்டதாக டோலிவுட்டிலிருந்து வரும் தகவல்கள் தெரிவிக்கின்றன.

அதே சமயத்தில் நஸ்ரியா இந்த திரைப்படத்தில் நடிக்க பேசப்பட்டார். ஆனால் பேச்சுவார்த்தையின் போதே முதலிரவுக் காட்சி பற்றி கேட்டு நிராகரித்துவிட்டார் என்று தகவல்கள் வெளியாகின்றன. உண்மை எது? வதந்தி எது? என அவரே சொன்னால் தான் தெரியும் என்பதால் நஸ்ரியாவின் அறிவிப்பிற்காக காத்திருக்கிறது திரையுலகம்.

தகவல் அறிந்த இரசிகர்களும் நஸ்ரியாவின் ஃபேஸ்புக் பக்கத்தையே சுற்றி வருகின்றனர்.

கார் திருடனுக்கு வித்தியாசமான தண்டனை..!

carபிரித்தானியாவில் பிடிபட்ட, கார் திருடனுக்கு “வாழ்நாள் முழுவதும், கார்களைத் தொடக்கூடாது´ என்ற, வித்தியாசமான தண்டனையை, அந்நாட்டு நீதிமன்றம் வழங்கியுள்ளது.

ஸ்டாக்போர்ட்டில் வசிக்கும், ஜோஷாவா ரஷ்டன், என்ற 18 வயது இளைஞரை, காரை திருட முயன்றதாக, அப்பகுதி பொலிசார் கைது செய்து வழக்கு பதிவு செய்தனர்.

வழக்கை விசாரித்த நீதிபதி, “வாழ்நாள் முழுவதும் கார்களைத் தொடக் கூடாது. பிற, கார் உரிமையாளர்களின் அனுமதியின்றி, கார்களை தொடவோ, ஏறி அமரவோ கூடாது´ என, உத்தரவிட்டார்.

BMICH கட்டட வளாகத்தில் தீ விபத்து..!

fireபண்டாரநாயக்க ஞாபகார்த்த சர்வதேச மாநாட்டு மண்டப வளாகத்தில் திடீர் தீ விபத்து ஏற்பட்டுள்ளது.

இத்தீ விபத்து சற்று முன்னர் ஏற்பட்டுள்ளதாக பொலிஸ் ஊடகப் பேச்சாளர் அஜித் ரோஹன தெரிவித்தார்.

பண்டாரநாயக்க ஞாபகார்த்த சர்வதேச மாநாட்டு மண்டப வளாகத்தில் அமைக்கப்பட்டுள்ள தற்காலிக கட்டடம் ஒன்றிலேயே இத்தீ ஏற்பட்டதாக தெரிவிக்கப்பட்டுள்ளது.

தீயை கட்டுப்பாட்டிற்குள் கொண்டுவர தீயணைப்புப் படையினர் முயற்சித்து வருகின்றனர்.

இந்திய காதல் தெய்வமாக நீது சந்திரா..!

neethuதமிழில், யாவரும் நலம், தீராத விளையாட்டுப் பிள்ளை, ஆதிபகவன் படங்களில் நடித்தவர் நடிகை நீது சந்திரா.

இவர், பிளாக் 12 என்ற கிரேக்க படத்தில் நடிக்கிறார். இதுபற்றி அவர் கூறியதாவது,

ஹிந்தி, தமிழ், தெலுங்கு, போஜ்புரி படங்களில் நடித்துவிட்டேன். இப்போது கிரேக்க படத்தில் நடிக்கிறேன். கிரியாகோஸ் டோபாரைட்ஸ் இயக்கும் பிளாக் 12 படத்தில் இந்திய காதல் தெய்வமாக நடிக்கிறேன்.

இனிமையான காதல் கதை. கண்ணுக்குத் தெரியாத சக்தி மனிதவளங்களையும் நாட்டின் மக்களையும் எப்படி கையாளுகிறது என்பதை பற்றிய படம். அரசியல் நையாண்டி காமெடியும் உண்டு.

கிரேக்க பிலிம் இன்டஸ்ட்ரிக்கும் நமக்கும் என்ன வித்தியாசம் என்று கேட்கிறார்கள். எல்லா பக்கமும் குறைகளும் நிறைகளும் உண்டு. அதைப் பெரிதுபடுத்த தேவையில்லை. கிரேக்க படங்களை விட நமது படங்கள் ரிச்சாக எடுக்கப்படுவதாக நினைக்கிறேன்.

இவ்வாறு நீது சந்திரா கூறினார். பிளாக் 12 படத்தின் இணை தயாரிப்பாளர்கள் இந்தியர்கள் என்பதால் அவர்களின் அறிவுரையின் பேரில் நீது சந்திராவுக்கு இந்த வாய்ப்பு கிடைத்துள்ளது.

ரஜினி இரசிகர்களுக்கு வருத்தம்மிக்க ஒரு செய்தி..!

rajiniகோச்சடையான் படம் பொங்கல் வெளியீட்டிலிருந்து பின்வாங்கியிருக்கிறது. இந்த சோக செய்தியுடன் இன்னொரு வருத்த செய்தி இரசிகர்களுக்கு.

படத்தின் நீளமும் ஏறக்குறைய இருபது நிமிடங்கள் குறைக்கப்பட்டிருக்கிறது. சௌந்தர்யா இயக்கியிருக்கும் இந்த மோஷன் கேப்சரின் தொழில்நுட்பப் படத்தில் அனிமேஷன் ரஜினியை மட்டும் காண்பித்தால் இரசிகர்களை ஈர்க்க முடியுமா என்ற சந்தேகம் ஆரம்பம் முதலே இருந்தது.

அதனால் நிஜ ரஜினிகாந்த் லைவ்வாக வரும் காட்சியையும் சேர்த்திருக்கிறார்கள். ஒருமாதிரியான அவியல் காம்பினேஷன். இந்த மிக்சிங்கில் சில கூடுதலாக கலந்துவிட, 145 நிமிடங்கள் ஓடக்கூடிய படத்தை எடிட் செய்து 125 நிமிடங்களாக குறைத்திருக்கிறார்கள்.

15 வயது மாணவியை தாயாக்கிய நபரை தேடி பொலிஸார் வலைவீச்சு..!

preg15 வயதுடைய பாடசாலை மாணவியை பாலியல் வல்லுறவுக்கு உட்படுத்தி கர்ப்பிணியாக்கியதாகக் கூறப்படும் உறவினர் ஒருவரை கைது செய்ய நடவடிக்கை எடுத்துள்ளதாக சிலாபம் பொலிஸார் தெரிவித்தனர்.

சிலாபம் – இலிப்பதெனிய பகுதியைச் சேர்ந்த 15 வயதுடைய பாடசாலை மாணவியே இவ்வாறு கர்ப்பம் தரித்துள்ளார்.

குறித்த மாணவியின் தாய் வெளிநாட்டில் வேலைக்குச் சென்றுள்ளார்.

தனது இளைய தம்பியுடன் பாட்டியின் வீட்டில் குறித்த சிறுமி வசித்து வருகிறாள்.

பாட்டியின் வீட்டுக்கு அடிக்கடி வந்த சிறுமியினது தாயின் சதோரனின் மகன் (சிறுமியின் மச்சான்) சிறுமியுடன் இரவு பொழுதுகளில் பாலியல் வல்லுறவில் ஈடுபட்டுள்ளதாக பொலிஸாரின் ஆரம்ப விசாரணையில் தெரியவந்துள்ளது.

பேத்தியின் உடல் நிலையில் மாற்றத்தை அவதானித்த பாட்டி அவரை வைத்திய பரிசோதனைக்கு அழைத்துச் சென்றுள்ளார்.

அப்போது சிறுமி கர்ப்பிணியாகி இருப்பது தெரியவந்தது. அதனை அடுத்து பாட்டி பொலிஸ் நிலையத்தில் முறைப்பாடு செய்தார்.

தனக்கு நடந்தவற்றை சிறுமி பொலிஸ் நிலையத்தில் கூறியுள்ளார்.

இதன் அடிப்படையில் சந்தேகநபரை கைது செய்ய சிலாபம் பொலிஸார் நடவடிக்கை எடுத்து வருகின்றனர்.

நுரைச்சோலை அனல்மின் நிலையத்தில் செப்புக்கம்பித் திருடிய அதன் ஊழியர் கைது..!

arrestநுரைச்சோலை அனல்மின் நிலையத்தில் இருந்து 105,000 ரூபா பெறுமதியான செப்புக்கம்பிகளை திருடிச் சென்ற அதன் ஊழியர் பாதுகாப்பு அதிகாரிகளால் பிடிக்கப்பட்டு கல்பிட்டி பொலிஸ் நிலையத்தில் ஒப்படைக்கப்பட்டுள்ளார்.

நேற்று மாலை குறித்த நபர் பிடிக்கபட்டு பொலிஸ் நிலையத்தில் ஒப்படைக்கப்பட்டுள்ளார்.

வேலை முடிந்து வீடு திரும்பியபோது குறித்த நபர் செப்புக்கம்பிகளை திருடிச் சென்ற போது பிடிக்கப்பட்டதாக நுரைச்சோலை அனல்மின் நிலைய பாதுகாப்பு பொறுப்பாளர் தெரிவித்துள்ளார்.

குறித்த நபருடன் வந்த மேலும் இருவர் தப்பிச் சென்றதாக அவர் குறிப்பிட்டார்.

மீட்கப்பட்ட செப்புக்கம்பிகள் நுரைச்சோலை அனல்மின் நிலைய பொலிஸ் சோதனைச்சாவடியில் ஒப்படைக்கப்பட்டுள்ளன.

கைது செய்யப்பட்டுள்ள 29 வயதுடைய சந்தேகநபர் புத்தளம் மாவட்ட நீதிமன்றில் ஆஜர் செய்யப்படவுள்ளார்.

கட்டாய பாலியல் தொழிலாளர்கள் 100 பேர் மீட்பு..!

ajஆர்ஜண்டீனா தலைநகர் புவனெஸ் ஏயரீஸில் கட்டாயப்படுத்தி பாலியல் தொழிலில் ஈடுபடுத்தப்பட்ட சுமார் 100 பெண்களை காவல்துறையினர் விடுவித்துள்ளனர்.

இந்தப் பெண்களில் பெரும்பாலானவர்கள் பராகுவே மற்றும் பெரு ஆகிய நாடுகளிலிருந்து கொண்டுவரப்பட்டுள்ளனர்.

பெண்களை பலவந்தமாக பாலியல் தொழிலில் ஈடுபடுத்தி வந்தமை தொடர்பில் 25 பேரை அதிகாரிகள் கைதுசெய்துள்ளனர்.

பாலியல் தொழில் நடத்தப்பட்டுவந்த பல இடங்கள் மூடப்பட்டுள்ளன. ஆர்ஜண்டீனாவில் இளம் பெண்பிள்ளைகள் கடத்திச் செல்லப்படும் சம்பவங்கள் பெருமளவில் இடம்பெற்றுவருவதாக செய்தியாளர்கள் கூறுகின்றனர்.

2008-ம் ஆண்டில், ஆர்ஜண்டீனாவில் ஆட்கள் கடத்தப்படுவது ஒரு குற்றச்செயலாக அறிவிக்கப்பட்டு சட்டமாக்கப்பட்டது. அதன் பின்னர், ஆயிரக் கணக்கானோர் கடத்தல்காரர்களிடமிருந்து காப்பாற்றப்பட்டுள்ளனர்.

1...4,4354,4364,437...4,739Page 4,436 of 4,739