தமிழக மாவட்டம் நாமக்கல்லில் பயிற்சி பெண் மருத்துவர், தனது மடிக்கணினிக்கு சார்ஜ் செய்யும்போது மின்சாரம் தாக்கி உயிரிழந்த சம்பவம் அதிர்ச்சியை ஏற்படுத்தியது.

நாமக்கல்லின் கீழ்வேளூர் பகுதியைச் சேர்ந்தவர் சரணிதா (32). இவர் கோவையில் உள்ள மருத்துவமனை ஒன்றில் மருத்துவராக பணியாற்றி வந்தார்.

அதேசமயம் M.D மேற்படிப்பு இறுதி ஆண்டை முடித்த சரணிதா, 25 நாட்கள் பயிற்சிக்காக சென்னையில் உள்ள மருத்துவமனையில் பயிற்சி மருத்துவராக இருந்து வந்தார்.

திருமணமான சரணிதாவுக்கு 5 வயதில் குழந்தை ஒன்று உள்ளது. இந்த நிலையில், தனது மனைவிக்கு சரணிதாவின் கணவர் போன் செய்துள்ளார்.

ஆனால் அவர் எடுக்காததால், விடுதியில் வேலை செய்யும் பெண்ணொருவரை செல்போனில் அழைத்து, மனைவியின் அறைக்கு சென்று பார்க்குமாறு கூறியுள்ளார்.

குறித்த பெண் சரணிதாவின் அறைக்கு சென்று அவரை அழைத்துள்ளார். ஆனால் அவரிடம் இருந்து பதில் வராததால், சந்தேகமடைந்து காவல் கட்டுப்பாட்டு அறைக்கு தகவல் தெரிவிக்கப்பட்டுள்ளது.

இதனையடுத்து உடனடியாக சம்பவ இடத்திற்கு விரைந்த பொலிஸார், கதவை உடைத்து பார்த்தபோது சரணிதா மடிக்கணினி சார்ஜரை பிடித்தபடி இறந்து கிடந்தார்.

உடனடியாக அவரது உடல் பிரேத பரிசோதனைக்காக மருத்துவமனைக்கு அனுப்பி வைக்கப்பட்டது. முதற்கட்ட விசாரணையில் சரணிதா மடிக்கணினியில் வேலை செய்துகொண்டிருந்தபோது, சார்ஜர் Wire-யில் மின்கசிவு ஏற்பட்டு அவர் உயிரிழந்திருக்கலாம் என்று கூறப்படுகிறது. இச்சம்பவம் அப்பகுதியில் அதிர்ச்சியையும், சோகத்தையும் ஏற்படுத்தியுள்ளது.

பீகாரைச் சேர்ந்த IIT பட்டதாரி ஒருவர், ஆண்டுக்கு ரூ 84 லட்சம் சம்பளத்தை உதறிவிட்டு, தற்போது தமது மனைவியுடன் இணைந்து ரூ 170 கோடி மதிப்பிலான நிறுவனத்தை நடத்தி வருகிறார்.

பீகாரைச் சேர்ந்தவர் அனுரப் சின்ஹா. 8வது வகுப்பில் இருந்தே IIT பட்டப்படிப்புக்கு தயாராகி வந்தவர். 12ம் வகுப்பு முடித்ததும் மும்பை IIT-ல் அவருக்கு வாய்ப்பும் கிடைத்துள்ளது.

ஆனால் அவருக்கான கல்லூரி கட்டணம் செலுத்துவதில் அவரது குடும்பம் கடும் போராட்டத்தை எதிர்கொண்டது. ஒருவழியாக பட்டப்படிப்பை முடித்தவர், வெளிநாட்டில் வேலை தேடி சென்றார்.

அத்துடன் 2015ல் திருமணமும் செய்து கொண்டார். அதே ஆண்டில் ஹொட்டல் நிர்வாகத்துறையில் நுழைந்த அனுரப், பல எண்ணிக்கையிலான ஹொட்டல்களை நிர்வகிக்கத் தொடங்கினார்.

அப்போது தான் எவரும் கண்டுகொள்ளாத புதிய வாய்ப்பு ஒன்று அவர் பார்வையில் பட்டது. இதனையடுத்து அனுரப் மற்றும் அவரது மனைவி குஞ்சன் சின்ஹா ஹொட்டல்களுக்கான சலவை தொழிலை முன்னெடுக்க முடிவு செய்தனர்.

அத்துடன் தரமான சேவையை வழங்கவும் உறுதி அளித்தனர். ஆண்டுக்கு ரூ 84 லட்சம் சம்பளம் வாங்கி வந்த அனுரப், 2016ல் அந்த வேலையை விட்டுவிட்டு, ரூ 20 லட்சம் முதலீட்டில் 2017 ஜனவரி மாதம் UClean என்ற நிறுவனத்தை தொடங்கினர்.

தற்போது இந்த நிறுவனத்தின் மதிப்பு என்பது ரூ 170 கோடி. இந்தியா முழுக்க 104 நகரங்களில் 350 UClean கடைகளை திறந்துள்ளனர். மட்டுமின்றி, வங்கதேசம், நேபாளத்திலும் கடைகளை திறந்துள்ள நிலையில்,

தற்போது ஆப்பிரிக்கா மற்றும் மத்திய கிழக்கு நாடுகளில் உள்ள வாய்ப்புகளை தங்களுக்கு சாதகமாக பயன்படுத்திக் கொள்ள முடிவு செய்துள்ளனர்.

இளம் மனைவியை ஆத்திரத்தில் கொலை செய்து விட்டு, கொலையை மறைப்பதற்காக துண்டு துண்டாக்க முயற்சி செய்த கணவன், துண்டாக்க முடியாததால் பதற்றத்தில் போலீசில் சிக்கியுள்ளான்.

சமீப காலங்களாக பெண்களுக்கு எதிரான குற்ற செயல்களும், பாலியல் தொல்லைகளும் நடைபெறும் சம்பவங்கள் அதிகரித்து வருகிறது. இந்நிலையில், தெலுங்கானாவில் அப்படியானதொரு சம்பவம் அரங்கேறியுள்ளது.

தெலுங்கானா மாநிலம், மெட்சல்-மல்காஜ்கிரி மாவட்டம், பசுபள்ளியில் வசிப்பவர் நாகேந்திர பரத்வாஜா. இவரது மனைவி மதுலதா. தபதி இருவரும் சில ஆண்டுகளுக்கு முன்பு திருமணம் செய்து கொண்டனர்.

இந்நிலையில், கடந்த சில மாதங்களாக தம்பதி இடையே குடும்ப பிரச்சனை இருந்து வந்தது. இந்நிலையில் நாகேந்திரன் தனது மனைவியை கொடூரமாக படுகொலை செய்துள்ளார்.

ஆத்திரத்தில் மனைவியைக் கொன்றவர், அதை மறைக்க அவரது உடலை துண்டு துண்டாக வெட்ட முயன்றார். துண்டு துண்டாக வெட்ட முடியாதததால் கியாஸ் கசிவில் தான் மனைவி உயிரிழந்ததாக அனைவரையும் நம்ப வைக்க முயற்சித்துள்ளார்.

இவை அனைத்தும் தோல்வியடைந்து அங்கிருந்து வெளியேறினார். அப்போது அக்கம்பக்கத்தினர் இவரது பதற்றத்தையும் சந்தேகத்திற்கிடமான நடமாட்டத்தையும் பார்த்து போலீசாருக்கு இது குறித்து தகவல் கொடுத்தனர்.

உடனடியாக சம்பவ இடத்திற்கு வந்த போலீசார், விசாரணை நடத்தியதில் நாகேந்திரனின் திடுக்கிடும் செயல் தெரிய வந்தது. அதன் பின்னர் நாகேந்திரன் மறைத்து வைத்திருந்த லதாவின் உடலை மீட்ட அதிகாரிகள்,

லதாவின் உடலை பிரேத பரிசோதனைக்காக மருத்துவமனைக்கு அனுப்பி வைத்து விட்டு, பின்னர் நாகேந்திரனை கைது செய்து சிறையில் அடைத்து மேற்கொண்டு விசாரணை நடத்தி வருகின்றனர்.

கோயம்புத்தூர் மாவட்டம் சூலூர் அருகே, மகளுக்கு நீச்சல் கற்றுக் கொடுத்த போது, நீரில் மூழ்கி தந்தை மகள் உட்பட 3 பேர் உயிரிழந்த சம்பவம் பெரும் சோகத்தை ஏற்படுத்தியுள்ளது. கோவை மாவட்டம் போகம்பட்டி கிராமத்தைச் சேர்ந்தவர் மணிகண்டன்.

நேற்று ஞாயிறு விடுமுறை தினம் என்பதால், தனது மகள் தமிழ்செல்வியையும் (15), அண்ணன் மகள் புவனாவையும் (13) அழைத்துக் கொண்டு, இருவருக்கும் நீச்சல் கற்றுக் கொடுப்பதற்காக வீட்டின் அருகே உள்ள குட்டைக்கு அழைத்து சென்று நீச்சல் சொல்லிக் கொடுத்துள்ளார்.

இந்நிலையில், தமிழ்ச்செல்வியும், புவனாவும் நீச்சல் பழகிய நிலையில், ஆழமான பகுதிக்கு சென்ற நிலையில் தண்ணீரில் மூழ்கத் தொடங்கியுள்ளனர்.

இருவரையும் காப்பாற்றுவதற்காக ஆழமான பகுதிக்கு சென்ற மணிகண்டன் அந்த பகுதியில் இருந்த சேற்றில் சிக்கிக் கொண்டதால் மூவரும் தண்ணீரில் மூழ்கி பரிதாபமாக உயிரிழந்தனர்.

மகள்களை அழைத்துக் கொண்டு குளிக்க சென்ற கணவர் நீண்ட நேரமாகியும் திரும்ப வராததால் சந்தேகமடைந்த மணிகண்டனின் மனைவி, குட்டைக்கு சென்று பார்த்துள்ளார்.

அப்போது கரையில் இவர்களது செருப்புகள் மட்டுமே இருந்ததால், சந்தேகம் அடைந்த அவர், ஊர் பொதுமக்கள் உதவியுடன் தீயணைப்பு காவல் துறையினருக்கு தகவல் அளித்தார்.

தகவலின் பேரில் சம்பவ இடத்துக்கு வந்த தீயணைப்புத் துறையினர் குட்டையின் ஆழமான பகுதியில் சேற்றில் சிக்கியிருந்த மூன்று பேர் உடல்களையும் மீட்டனர்.

இது குறித்து தகவல் அறிந்து சம்பவ இடத்திற்கு வந்த சுல்தான்பேட்டை போலீசார் பிரேத பரிசோதனைக்காக கோவை இஎஸ்ஐ மருத்துவமனைக்கு மூன்று பேரின் சடலங்களையும் பிரேத பரிசோதனைக்காக அனுப்பி வைத்து விட்டு மேற்கொண்டு விசாரித்து வருகின்றனர்.

கேரள மாநிலம் திருவனந்தபுரம் பகுதியில் வசித்து வருபவர் 37 வயது ஷனிபா பாபு . இவரது கணவர் சனுஜ் பஷீர் கோயா. இந்த தம்பதிக்கு 2 மகள்கள் உள்ளனர். சனுஜ் பஷீர் கோயா ஐக்கிய அரபு எமிரேட்சில் கட்டுமான நிறுவனம் நடத்தி வருகிறார்.

இதனால் அங்குள்ள புஜைரா நகரில் உள்ள அடுக்குமாடி குடியிருப்பில் தனது மனைவி மற்றும் மகள்களுடன் வசித்து வந்தார்.இந்நிலையில் ஷனிபா பாபு, அடுக்குமாடி குடியிருப்பின் 19வது மாடியில் இருந்து கீழே விழுந்தார். இதில் படுகாயம் அடைந்த அவர் சம்பவ இடத்திலேயே உடல் சிதறி பரிதாபமாக உயிரிழந்தார்.

இது குறித்து தகவல்அறிந்த போலீசார் சம்பவ இடத்திற்கு விரைந்து வந்து ஷனிபா பாபுவின் உடலை மீட்டு பிரேத பரிசோதனைக்கு அனுப்பி வைத்தனர். அவர் 19வது மாடியில் இருந்து தவறி விழுந்து விட்டதாக கூறப்படுகிறது.

ஆனால் போலீசாருக்கு அதில் சந்தேகம் எழுந்துள்ளது. அது தொடர்பாக போலீசார் சம்பவ இடத்தில் விசாரணை நடத்தினர். மேலும் ஷனிபா பாபுவின் கணவர் சனுஜ் பஷீர் கோயாவை காவல் நிலையத்துக்கு அழைத்துச் சென்று விசாரணை நடத்துகின்றனர்.

விசாரணை முடிவில் தான், ஷனிபா பாபு சாவுக்கான உண்மையான காரணம் தெரியவரும் என்று போலீஸ் தரப்பில் தெரிவிக்கப்பட்டுள்ளது. கடந்த சில நாட்களுக்கு முன்பு அஜ்மான் பகுதியில் ஒரு கட்டிடத்தில் இருந்து கேரள மாநிலம் கொல்லம் குந்தாறை பகுதியில் வசித்து வரும் 17 வயது ரூபன் பவுலஸ் என்ற 12ம் வகுப்பு மாணவர் உயிரிழந்தார் என்பது குறிப்பிடத்தக்கது.

தர்மபுரி மாவட்டம் காரிமங்கலம் அக்ரஹார தெருவை சேர்ந்தவர் செல்வகுமார். இவர் சிப்ஸ் கடை நடத்தி வருகிறார். இவருக்கு 2 மகள்கள் மற்றும் 1 மகன் உள்ளனர்.

இவரது மூத்த மகள் ஜோதிபிரியா (22) தர்மபுரியில் உள்ள தனியார் கல்லூரியில் பி.ஏ. மூன்றாமாண்டு படித்து வருகிறார். இவரும், மாட்லாம்பட்டியை சேர்ந்த துணி வியாபாரியான செல்வகுமார் (24) என்ற இளைஞரும் கடந்த 2 ஆண்டுகளாக காதலித்து வந்தனர்.

ஆனால், ஜோதிபிரியாவை கிருஷ்ணகிரி மாவட்டத்தைச் சேர்ந்த ஒருவருக்கு திருமணம் செய்து வைக்க ஜோதிபிரியா குடும்பத்தினர் முடிவு செய்தனர். இன்னும் இரண்டு வாரங்களில் திருமணம் நடைபெற இருந்ததால், இரு வீட்டாரும் திருமண ஏற்பாடுகளை தீவிரமாக செய்து வந்தனர். இதற்கிடையே கடந்த 23ம் தேதி காலை மருதாணி வாங்க கடைக்கு செல்வதாக கூறி சென்ற ஜோதிபிரியா வீடு திரும்பவில்லை.

நீண்ட நேரமாகியும் மகள் கடையில் இருந்து வராததால், தந்தை செல்வக்குமார் நண்பர்கள் வீடு, உறவினர்கள் வீடு என பல்வேறு இடங்களில் தேடி, மகளைக் கண்டுபிடித்து தரகோரி காரிமங்கலம் காவல் நிலையத்தில் புகார் அளித்தார்.

இந்நிலையில் ஜோதிபிரியா தனது காதல் கணவர் செல்வகுமாருடன் காரிமங்கலம் காவல் நிலையத்தில் தஞ்சம் புகுந்தார். பெற்றோர் நிச்சயிக்கப்பட்ட திருமணம் பிடிக்கவில்லை என்றும்,

நேற்று மருதமலை முருகன் கோவிலில் காதலன் செல்வகுமாரை திருமணம் செய்ததாகவும், செல்வகுமாருடன் தான் வாழ்வதாகவும், உயிருக்கு ஆபத்து உள்ளதாகவும், எங்களுக்கு பாதுகாப்பு வழங்க வேண்டும் என்றும் ஜோதிப்ரியா புகார் அளித்துள்ளார்.

அதன்பின் இருவரது பெற்றோரையும் வரவழைத்து சமாதானப் பேச்சு வார்த்தை நடத்தி ஜோதிப்ரியாவை அவரது காதல் கணவர் செல்வகுமாருடன் போலீசார் பத்திரமாக அனுப்பி வைத்தனர்.

அதேசமயம், நிச்சயிக்கப்பட்ட மாப்பிள்ளை வீட்டார், பெண்ணின் குடும்பத்தினருடன் தகராறில் ஈடுபட்டனர். இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது. அருகிலுள்ள மருத்துவமனைக்கு மாற்றப்பட்டனர்.

குஜராத்தில் நடந்த தீவிபத்தில் இறந்தவர்களில் பெரும்பாலானோரை அடையாளம் காணமுடியவில்லை. இந்நிலையில் தனது திருமணத்தை கொண்டாட சென்ற பெண் கணவருடன் தீயில் கருகி இறந்து போன சம்பவமும் தற்போது வெளிவந்துள்ளது.

குஜராத் மாநிலம் ராஜ்கோட்டில் இரண்டு நாள்களுக்கு முன்பு விளையாட்டு மையத்தில் மாலையில் திடீரென தீப்பிடித்துக்கொண்டதில் 28 பேர் உயிரிழந்துள்ளனர். அவர்களில் பெரும்பாலானோர் அடையாளம் தெரியாத அளவுக்கு உடல் கருகிவிட்டதாக தெரிவிக்கிறார்கள் அதிகாரிகள்.

இதனால் ஒவ்வொரு உடலையும் டி.என்.ஏ.பரிசோதனை நடத்தி அடையாளம் காணவேண்டிய நிலை ஏற்பட்டுள்ளது. இந்த விபத்து தொடர்பாக தீவிபத்து ஏற்பட்ட டி.ஆர்.பி.கேம் சோன் பங்குதாரர்கள் 7 பேர் மீது வழக்கு பதிவு செய்யப்பட்டு, அதில் யுவராஜ் சிங் என்பவர் உட்பட இரண்டு பேரை போலீஸார் கைது செய்துள்ளனர். எஞ்சியவர்களை தேடி வருகின்றனர்.

சம்பவ இடத்தில் இருந்து 28 பேரின் உடல்கள் மீட்கப்பட்டுள்ளது. அதில் 15 பேர் ஆண்கள் ஆவர். 6 பேர் பெண்கள் ஆவர். 3 குழந்தைகளும் அடக்கம். இந்த தீவிபத்தில் உயிரிழந்தவர்களில் அக்‌ஷய் மற்றும் அவரது மனைவி கியாதி மற்றும் மைத்துனி ஹரிதா ஆகியோருடம் அடங்கும்.

அக்‌ஷயிக்கும் கியாதிக்கும் கடந்த வாரம் சனிக்கிழமைதான் நீதிமன்ற உத்தரவு மூலம் திருமணம் நடந்தது. அக்‌ஷய் கனடாவை சேர்ந்தவர் ஆவார். கோர்ட் மூலம் திருமணம் செய்து கொண்டாலும் இந்த ஆண்டு இறுதியில் பெரிய அளவில் திருமணம் செய்து கொள்ள திட்டமிட்டு இருந்தனர்.

அவர்கள் தங்களது திருமணத்தை கொண்டாட விளையாட்டு மையத்திற்கு சென்ற போது இந்த தீவிபத்து நடந்திருக்கிறது. இதில் அக்‌ஷய் உடல் அவர் அணிந்திருந்த மோதிரம் மூலம் அடையாளம் காணப்பட்டுள்ளது.

மற்ற இருவரது உடலும் இன்னும் அடையாளம் காணப்படவில்லை. அனைவரின் டி.என்.ஏ.பரிசோதனையும் முடிய ஒரு வாரம் ஆகும் என்று டாக்டர்கள் தெரிவித்துள்ளனர்.

இதனால் தீவிபத்தில் இறந்தவர்களின் இறுதிச்சடங்குகளை செய்ய ஒரு வாரம் வரை உறவினர்கள் காத்திருக்கவேண்டிய நிலை ஏற்பட்டுள்ளது. விடுமுறை நாள் தினத்தில் விளையாட்டு மைய நிர்வாகம் திடீரென ஆஃபர் அறித்திருந்தது.

அதாவது கட்டணத்தை ரூ.99 ஆக குறைத்து உத்தரவிட்டது. இதனால் ஒரே நேரத்தில் அளவுக்கு அதிகமான கூட்டம் வந்தது. அதோடு வெளியில் வர குறுகலான ஒரு வழி மட்டுமே இருந்துள்ளது. நுழைவு வாயிலில் தற்காலிக கட்டுமானம் ஒன்றும் கட்டப்பட்டு இருந்தது.

தீவிபத்தால் அதுவும் விழுந்துவிட்டது. மின் கசிவு காரணமாக தீவிபத்து ஏற்பட்டிருக்கலாம் என்றும், அருகில் வெல்டிங் நடந்து கொண்டிருந்த இடத்தில் இருந்து வந்த தீக்கனல் விழுந்து விபத்து ஏற்பட்டு இருக்கலாம் என்று கூறப்படுகிறது.

குஜராத் முதல்வர் புபேந்திர பட்டேல் சம்பவ இடத்தை நேரில் பார்வையிட்டு ஆய்வு செய்தார். விபத்து குறித்த விசாரணை தொடர்ந்து நடைபெற்று வருகிறது.