கண்டி, குண்டசாலையில் வசித்து வந்த 23 வயதுடைய திருமணமான இளம் பெண் ஒருவரின் சடலம் மீட்கப்பட்டுள்ளதாக பொலிஸார் தெரிவித்துள்ளனர். இன்று அதிகாலை 2 மணியளவில் அவரது படுக்கையறையில் இருந்து சடலம் மீட்கப்பட்டுள்ளது.

குறித்த பெண்ணை அவரது கணவர் மற்றும் குடும்ப உறுப்பினர்கள் தாக்கி கொலை செய்துள்ளதாக அவரது உறவினர்களால் குற்றம் சுமத்தப்பட்டுள்ளது.

எனினும் தான் இசை நிகழ்ச்சி ஒன்றைப் பார்ப்பதற்காக சென்றுவிட்டு இன்று அதிகாலை வீட்டிற்கு வந்தபோது, மனைவி தூக்கில் தொங்குவதைக் கண்டதாகவும், பின்னர் கயிற்றை அறுத்து அவரது உடலைக் கட்டிலில் வைத்ததாகவும் கணவர் குறிப்பிட்டுள்ளார்.

குறித்த இருவரும் திருமணமாகி சுமார் இரண்டு வருடங்களாகியுள்ளது. இந்தநிலையில், போதைப்பொருளுக்கு அடிமையான கணவனால் தனக்கு மேற்கொள்ளப்படும் சித்திரவதைகள் மற்றும் அச்சுறுத்தல்கள் தொடர்பாக பலகொல்ல பொலிஸ் நிலையத்தில் பல முறைப்பாடுகள் செய்யப்பட்டுள்ளதாக உயிரிழந்த பெண்ணின் உறவினர்கள் தெரிவித்துள்ளனர்.

கணவர் அடிக்கடி தன்னைத் தாக்குவதால், அடிக்கடி தனது சொந்த வீட்டிற்கு சென்று விடுவதாக தெரியவந்துள்ளது.

பின்னர் மீண்டும் கணவரின் வீட்டிற்குச் செல்வதாகவும், அவரிடமிருந்து விவாகரத்துப் பெறுவதற்கு அவர் தயாராகி வந்ததாகவும் உறவினர்கள் மேலும் தெரிவித்தனர்.

இதேவேளை, உயிரிழந்த பெண்ணால் எழுதப்பட்டதாக கூறப்படும் கடிதம் ஒன்றை கணவரின் குடும்பத்தினர் பொலிஸாருக்கும் நீதவானுக்கும் சமர்ப்பித்துள்ளனர்.

எனினும், அந்தக் கடிதத்தில் உள்ள கையெழுத்து தங்களுடைய இறந்து போன மகளுடையது அல்ல என பெண்ணின் உறவினர்கள் தெரிவித்துள்ளனர்.

விசாரணையின் போது பெண்ணின் தரப்பை சேர்ந்தவர்கள் பதற்றத்துடன் நடந்து கொண்டமையால் அந்த இடத்தில் பரபரப்பான சூழ்நிலை ஏற்பட்டது.

பின்னர், பெண்ணின் சடலத்தை பிரேத பரிசோதனைக்காக கண்டி தேசிய வைத்தியசாலைக்கு அனுப்புமாறு நீதவான் உத்தரவிட்டுள்ளார். பொலிஸார் சம்பவம் குறித்து மேலதிக விசாரணைகளை மேற்கொண்டு வருகின்றனர்.

கண்டி – தெல்தெனிய பகுதியில் கார் ஒன்றுக்குள் மர்மமான முறையில் உயிரிழந்த நிலையில் சடலமாக மீட்கப்பட்ட இளம் பெண் வைத்தியர் தொடர்பில் பல தகவல்களை பொலிஸார் வெளியிட்டுள்ளனர்.

அம்பாறை வைத்தியசாலையில் பணியாற்றிய பெண் பௌதீக சிகிச்சை நிபுணர் (பிசியோதெரபிஸ்ட்) 33 வயதான ஷம்யா தர்ஷனி என்ற பெண் 17 ஆம் திகதி சடலமாக மீட்கப்பட்டிருந்தார்.

இந்நிலையில், இவர் கழுத்து இறுகி மரணமடைந்திருக்கலாம் என விசாரணை அதிகாரிகள் சந்தேகம் வெளியிட்டுள்ளனர்.

இதேவேளை, இந்த கொலையைச் செய்ததாக சந்தேகிக்கப்படும் பெண்ணின் காதலனை தேடுவதற்கு பொலிஸார் பொதுமக்களின் உதவியை நாடியுள்ளதுடன், இதுவரை சந்தேகநபர் தலைமறைவாகியுள்ளார்.

இதனையடுத்து முன்னெடுக்கப்பட்ட விசாரணையில் சந்தேகநபர் தொடர்பான பல தகவல்களை விசாரணை அதிகாரிகள் கண்டறிந்துள்ளனர்.

ஹோட்டல் அறையின் சிசிடிவி காட்சிகளை ஆய்வு செய்தபோது, ​​16 ஆம் திகதி இரவு சுமார் 9.50 மணியளவில் அந்த பெண்ணின் காதலன் வருகை தந்து சுமார் 40 நிமிடங்கள் தங்கியிருந்த பின்னர் இரவு சுமார் 10.30 மணியளவில் மயக்க நிலையில் இருந்த அந்த பெண்ணை காரில் ஏற்றி அழைத்துச்சென்றுள்ளமை கண்டறியப்பட்டுள்ளது.

இதன்பின்னர் சந்தேகநபரான காதலன் சடலம் தொடர்பில் பொலிஸாருக்கு அழைப்பினை ஏற்படுத்தி தகவல் வழங்கியதாக சந்தேகிக்கப்படும் நிலையில், தெல்தெனியா பொலிஸ் அதிகாரிகள் குழு சம்பவ இடத்திற்குச்சென்று ஆய்வு செய்தபோது, ​​காரின் முன் இருக்கை மடிக்கப்படாமல், கருப்புத்துணியால் மூடப்பட்ட நிலையில் சடலம் இருப்பதை கண்டறிந்துள்ளனர்.

இருவரும் சுமார் 8 மாதங்களுக்கு முன்பு காதலிக்க தொடங்கியதாகவும், இளைஞனுடனான காதல் உறவு குடும்பத்தினருக்கு தெரிந்திருந்த நிலையில், இளைஞன் வெலிகமவில் உள்ள அவளது வீட்டிற்குப் பலமுறை வந்துச்சென்றுள்ளதைாக பொலிஸார் தெரிவித்துள்ளனர்.

கனடா செல்வதற்கான எல்லா ஏற்பாடுகளையும் செய்துவிட்டதாக தினேஷ் ஷ்யாமாவிடம் கூறி பெருந்தொகை பணத்தை கடணாக பெற்ற நிலையில், வாக்குறுதியளித்தபடி வட்டியை செலுத்தாததால், கடன் தொல்லையில் கடுமையான மன அழுத்தத்தில் இருந்துள்ளார்.

இதனையடுத்து நுவரெலியாவில் ஒன்றரை இலட்சம் ரூபாய் மாத வாடகையில் ஆடம்பரமான வீட்டை வாங்கி திருமணமான தம்பதியை போன்று அங்கு சென்றுள்ளமை கண்டறியப்பட்டுள்ளது.

இருவரும் ஒன்றாகச் சென்றபோதிலும், தினேஷ் அந்த வீட்டில் அதிக நேரம் செலவிடவில்லை என்றும் தெரியவந்துள்ளது.

சந்தேகநபர் பெண்ணின் உடலைக்கொண்டு செல்ல பயன்படுத்திய கார், அம்பாறை பகுதியில் வசிக்கும் அவரது மற்றொரு தோழிக்கு சொந்தமானது என்பதும் தெரியவந்துள்ளது.

சந்தேகநபர் குறித்த பெண்ணுக்கு ‘தினேத் திஸாநாயக்க’ என்ற பெயரில் அறிமுகமாகியுள்ள நிலையில், அவரது தேசிய அடையாள அட்டையில் உள்ள உண்மையான பெயர் ‘ஜயசுந்தர முதியான்சேலாகே சம்பிக ஸ்ரியான் ஜயசுந்தர’ என்பதும், அவர் நாரம்மல பகுதியைச் சேர்ந்தவர் என்பதும் விசாரணையில் தெரியவந்துள்ளது.

அத்துடன், சந்தேகநபர் போலி தலைமுடி (Wig) அணிந்து தனது உண்மையான தோற்றத்தை மறைத்து வாழ்ந்து வந்துள்ளதுடன், இவருக்கு பல யுவதிகளுடன் தொடர்புகள் இருந்துள்ளதாகவும், பெண்களை ஏமாற்றி பணம் பறித்த பல சம்பவங்களுடன் இவர் தொடர்புபட்டுள்ளதாகவும் தகவல்கள் வெளியாகியுள்ளன.

சந்தேகநபருக்கு எதிராக கம்பஹா, புதுக்கடை, திஸ்ஸமஹாராமய உள்ளிட்ட நீதவான் நீதிமன்றங்களில் வழக்குகள் நிலுவையில் உள்ளதாகவும், பெண்களை ஏமாற்றி பணம் பறித்தமை தொடர்பாக குற்றப்புலனாய்வுத் திணைக்களத்திற்கும் இவருக்கு எதிராகப் முறைப்பாடுகள் கிடைத்துள்ளதாகக் கூறப்படுகிறது.

43 வயதுடைய மூன்று பிள்ளைகளின் தந்தையான இந்த சந்தேகநபரின் குற்றச் செயல்களுக்கு அவரது மனைவியும் ஆதரவளித்து உதவிகளை வழங்கியிருக்கலாம் என பொலிஸார் சந்தேகம் வெளியிட்டுள்ளனர்.

இதேவேளை சம்பவம் தொடர்பில், நுவரெலியா பொலிஸார் நுவரெலியா நீதவான் நீதிமன்றத்தில் அறிக்கை தாக்கல் செய்துள்ளனர்.

இந்த சம்பவம் தொடர்பில் உயிரிழந்த யுவதியின் காதலன் எனக்கூறப்படும் நபருக்கு எதிராக நீதிமன்றம் வெளிநாட்டு பயணத்தடையும் விதிக்கப்பட்டுள்ளது.

இதேவேளை, வெலிகம பகுதியைச் சேர்ந்த உயிரிழந்த யுவதியின் சடலம் மீதான இறுதிச் சடங்குகள் நேற்று இடம்பெற்றன.

சந்தேகநபர் தொடர்பாக தற்போது நுவரெலியா பிராந்தியத்திற்கு பொறுப்பான சிரேஷ்ட பொலிஸ் அத்தியட்சகர் சமரகோன் பண்டாரவின் நேரடி மேற்பார்வையின் கீழ் மூன்று பொலிஸ் குழுக்கள் விசாரணைகளை முன்னெடுத்து வருகின்றன.

யாழ்ப்பாணம் பண்ணை பகுதியில் நேற்று (19.06) இடம்பெற்ற வீதி விபத்தில் 22 வயதுடைய இளைஞர் ஒருவர் உயிரிழந்துள்ளார்.

சாரதி அனுமதிப்பத்திரம் பெறுவதற்கான பயிற்சிக்காக சென்றிருந்த குறித்த இளைஞர், பயிற்சி நிறைவடைந்த பின்னர் வாகனத்தில் இருந்து இறங்கி வீதியை கடக்க முற்பட்டபோது இந்த விபத்து இடம்பெற்றுள்ளதாக தெரிவிக்கப்படுகிறது.

அச்சுவேலி பாரதி வீதி பகுதியைச் சேர்ந்த சனுயன் என அடையாளம் காணப்பட்ட இளைஞர் மீது, எதிர்திசையில் வேகமாக பயணித்த மீன் ஏற்றிச் சென்ற வாகனம் மோதியதாக தெரிவிக்கப்படுகிறது.

விபத்தில் படுகாயமடைந்த இளைஞர் சம்பவ இடத்திலேயே உயிரிழந்துள்ளார். சம்பவம் தொடர்பில் மீன் ஏற்றிச் சென்ற வாகனத்தின் சாரதி கைது செய்யப்பட்டுள்ளதுடன், மேலதிக விசாரணைகளை பொலிஸார் முன்னெடுத்து வருகின்றனர்.

ஜெர்மனியின் ஷோர்ண்டோர்ஃப் (Schorndorf) நகரில், காரின் உள்ளே மறதியாக விட்டுச் செல்லப்பட்ட இருபது மாதக் குழந்தை வெப்பம் தாங்காமல் உயிரிழந்த நெஞ்சை உலுக்கும் சம்பவம் ஒன்று நடந்துள்ளது. சமபவம் தொடர்பாக குழந்தையின் 44 வயதுடைய இலங்கையைச் பின்புலமாக கோண்ட தமிழ் தாய் ஜெர்மன் பொலிஸாரால் கைது செய்யப்பட்டுள்ளார்.

சம்பவம் தொடர்பில் மேலும் தெரியவருகையில், கடந்த மே 18 அன்று காலை, வழக்கம்போல் தனது குழந்தையைக் காப்பகத்தில் (Kindergarten) கொண்டு போய் விடுவதற்காகத் தாய் காரில் புறப்பட்டுள்ளார்.

குழந்தையின் தாயார் , வேலைப்பளு மற்றும் மன அழுத்தம் காரணமாக, குழந்தையைக் காப்பகத்தில் இறக்கிவிட்டதாக நினைத்துக்கொண்டு, கார்ல் குழந்தை இருந்ததை மறந்து அவர் நேராகத் தனது வேலைத்தலத்திற்குச் சென்று காரை நிறுத்திவிட்டுச் சென்றுள்ளார்.

வேலை முடிந்த பின்னர் பிற்பகல் 15:00 மணியளவில், குழந்தையைக் காப்பகத்திலிருந்து மீண்டும் அழைத்து வருவதற்காகக் காரின் அருகே வந்தபோதுதான், குழந்தை காரின் பின் இருக்கையிலேயே இருப்பதை அவர் கண்டு அதிர்ச்சியடைந்தார்.

அங்கு நிலவிய கடுமையான வெயில் காரணமாக, நீண்ட நேரம் மூடியிருந்த காருக்குள் ஏற்பட்ட அதிகப்படியான வெப்பத்தினால் மூச்சுத் திணறி குழந்தை ஏற்கனவே உயிரிழந்திருந்தது தெரியவந்தது.

இச்சம்பவம் குறித்து வழக்குப் பதிவு செய்துள்ள ஜெர்மனி நாட்டுப் பொது அரசு வழக்கறிஞர் அலுவலகமும் காவல் துறையினரும், கடமை தவறியதால் ஏற்பட்ட மரணம் என்ற பிரிவின் கீழ் அத்தாயைக் கைது செய்து விசாரணை நடத்தி வருகின்றனர்.

வெளிநாடுகளில் வாழும் புலம்பெயர் மக்கள் எதிர்கொள்ளும் இயந்திரத்தனமான வாழ்க்கை முறை, கடுமையான மன அழுத்தம் மற்றும் உறவுகளின் ஆதரவற்ற தனிமை ஆகியவையே இத்தகைய துயர சம்பவங்க்கள் நிகழ காரணம் என புலம் பெயர் தமிழர்கள் கவலை வெளியிட்டுள்ளனர்.

அம்பாறை பொது வைத்தியசாலையில் பணியாற்றிய இயன்முறை வைத்திய நிபுணர் ஒருவரின் சடலம் தெல்தெனிய பகுதியில் நிறுத்தி வைக்கப்பட்டிருந்த கார் ஒன்றிலிருந்து மீட்கப்பட்ட சம்பவம் தொடர்பில் பல அதிர்ச்சி தகவல்கள் வெளியாகியுள்ளன.

தெல்தெனிய வைத்தியசாலைக்கு அருகிலுள்ள வாகன தரிப்பிடத்தில் நிறுத்தப்பட்டிருந்த காருக்குள் பெண் ஒருவரின் சடலம் இருப்பதாக கிடைத்த தகவலின் பேரில் பொலிஸார் நேற்று (17) பிற்பகல் விசாரணைகளை முன்னெடுத்தனர்.

பூட்டப்பட்டிருந்த காரின் கதவை உடைத்து சடலத்தை மீட்ட பொலிஸார், அது அம்பாறை பொது வைத்தியசாலையில் பணியாற்றிய 34 வயதுடைய ஷம்யா தர்ஷனி என்பவருடையது என்பதை உறுதிப்படுத்தினர்.

விசாரணைகளில், உயிரிழந்த பெண் கடந்த ஜூன் 3 முதல் 16 ஆம் திகதி வரை நுவரெலியா பகுதியில் தங்கியிருந்தமை தெரியவந்துள்ளது.

அங்குள்ள CCTV காட்சிகளை ஆய்வு செய்தபோது, மயக்க நிலையில் இருந்த அவரை காதலன் ஒருவர் அழைத்துச் செல்லும் காட்சிகள் பதிவாகியிருந்ததாக பொலிஸார் தெரிவித்துள்ளனர்.

சந்தேகநபர் கண்டி கன்னொருவ பகுதியைச் சேர்ந்த மென்பொருள் பொறியாளர் என அடையாளம் காணப்பட்டுள்ளதுடன், சம்பவத்திற்குப் பின்னர் அவர் தலைமறைவாகியுள்ளதாக கூறப்படுகிறது.

உயிரிழந்த பெண்ணுக்கும் சந்தேகநபருக்கும் இடையே கடந்த எட்டு மாதங்களாக காதல் தொடர்பு இருந்து வந்ததாகவும், கனடா செல்லும் நோக்கில் பெண் பல்வேறு வழிகளில் சுமார் ஒன்றரை கோடி ரூபாய் பணத்தை கடனாகப் பெற்று காதலனிடம் வழங்கியிருந்ததாகவும் விசாரணைகளில் தெரியவந்துள்ளது.

இதற்கிடையில், கடன் சுமை காரணமாக அவர் கடுமையான மன அழுத்தத்தில் இருந்ததாகவும், காணாமல் போவதற்கு முன்னர் தனது சகோதரர் மற்றும் மருத்துவருடன் தொடர்புகொண்டு மன உளைச்சல் குறித்து தெரிவித்திருந்ததாகவும் பொலிஸார் கூறியுள்ளனர்.

மேலும், சடலத்தை எடுத்துச் செல்ல பயன்படுத்தப்பட்ட கார், சந்தேகநபரின் மற்றொரு காதலிக்குச் சொந்தமானது எனவும் விசாரணைகளில் தெரியவந்துள்ளது.

பிரேதப் பரிசோதனையின் பின்னர் மரணத்திற்கான காரணம் தொடர்பில் திறந்த தீர்ப்பு வழங்கப்பட்டுள்ள நிலையில், இது கொலையா அல்லது வேறு காரணத்தால் ஏற்பட்ட மரணமா என்பது குறித்து மேலதிக விசாரணைகள் முன்னெடுக்கப்பட்டு வருகின்றன.

சந்தேகநபரான தினேத் திஸாநாயக்கவை கைது செய்வதற்காக பொலிஸார் பொதுமக்களின் உதவியை நாடியுள்ளதுடன், சம்பவம் தொடர்பான மேலதிக விசாரணைகள் தொடர்கின்றன.

கண்டி, தெல்தெனிய பகுதியில் கார் ஒன்றுக்குள் இருந்து மீட்கப்பட்ட இளம் பெண் தொடர்பான பல தகவல்களை பொலிஸார் வெளியிட்டுள்ளனர்.

குறித்த பெண் அம்பாறை வைத்தியசாலையில் பணியாற்றிய வைத்தியர் 33 வயதான ஷம்யா தர்ஷனி என அடையாளம் காணப்பட்டுள்ளார்.

உயிரிரிந்த பெண்ணும் அவரின் காதலனும் கனடாவுக்கு செல்வதற்கான ஏற்பாடுகள் மேற்கொள்ளப்பட்டிருந்த நிலையில் பெருந்தொகை பணம் கடனாக பெற்றிருந்தார்.

எனினும் அதற்கான நடவடிக்கைகளை மேற்கொள்ளாமல் இருந்தமையினால் கடன் கொடுத்தவர்கள் பணத்தை மீள கோரியுள்ளனர்.

இதன் காரணமாக ஏற்பட்ட மன அழுத்தம் காரணமாக கடந்த மூன்றாம் திகதி நுவரெலியாவிலுள்ள ஹோட்டல் ஒன்றில் தங்கியிருந்ததாக பொலிஸார் தெரிவித்துள்ளனர்.

இந்நிலையில் நேற்று முன்தினம் தெல்தெனிய பகுதியில் கைவிடப்பட்டு சென்ற காரில் இருந்து குறித்த பெண் சடலமாக மீட்கப்பட்டார்.

அவரது காதலனே சடலத்தைக் காரில் எடுத்துவந்து தெல்தெனிய பகுதியில் உள்ள இடத்தில் கைவிட்டு தப்பிச் சென்றமை ஆரம்பகட்ட விசாரணைகளில் தெரியவந்தது.

இது தொடர்பாக நடத்தப்பட்ட விசாரணையில், குறித்த பெண் அம்பாறை வைத்தியசாலையில் இயன்முறை வைத்தியராக பணிபுரிந்த வெலிகம பகுதியைச் சேர்ந்த 33 வயதுடையவர் என்பது தெரியவந்துள்ளது.

அவர் கடந்த ஜூன் 3ஆம் திகதி முதல் ஜூன் 16ஆம் திகதி வரை நுவரெலியா பகுதியில் உள்ள ஹோட்டல் ஒன்றில் தங்கியிருந்ததாகவும் பொலிஸார் தகவல்களைக் கண்டறிந்துள்ளனர்.

அதன்படி, அந்த ஹோட்டலின் சிசிடிவி காட்சிகளைப் பரிசோதித்தபோது, மயக்க நிலையில் இருந்த அந்தப் பெண்ணை அவரது காதலன் அழைத்துச் செல்லும் காட்சி பதிவாகியுள்ளது.

சந்தேக நபரான காதலன் கன்​னொருவ பகுதியைச் சேர்ந்த மென்பொருள் பொறியாளர் என்றும், அவர் தற்போது அப்பகுதியிலிருந்து தலைமறைவாகியுள்ளார் என்றும் தெரியவந்துள்ளது.

கடந்த மூன்றாம் திகதியில் இருந்து 16ஆம் திகதி வரை நுவரெலியா ஹோட்டலில் தங்கியிருந்த காலப்பகுதியில், பல நாட்கள் தான் உணவு கொள்ளவில்லை என அவரின் சகோதரனுக்கு தொலைபேசி ஊடாக தெரிவித்ததாக பொலிஸாரிடம் தெரிவிக்கப்பட்டுள்ளது.

உயிரிழந்த பெண் கடுமையான மன அழுத்தத்தில் இருந்ததாகவும் அதற்கான வைத்திய ஆலோசனை பெற்றதாகவும் தெரிய வந்துள்ளது. இந்நிலையில் தலைமறைவாகி உள்ள காதலனை தேடும் நடவடிக்கையில் பொலிஸார் ஈடுபட்டுள்ளனர்.

கண்டி, கன்னொருவ பகுதியைச் சேர்ந்த மென்பொருள் பொறியாளரான காதலனுக்கும் உயிரிழந்த பெண்ணுக்கும் இடையே கடந்த 8 மாதங்களுக்கு முன்பு காதல் தொடர்பு ஏற்பட்டுள்ளமை குறிப்பிடத்தக்கது.

கண்டி, தெல்தெனிய பகுதியில் கார் ஒன்றுக்குள் மர்மமான முறையில் உயிரிழந்த நிலையில் சடலமாக மீட்கப்பட்ட இளம் பெண் வைத்தியர் தொடர்பில் பல தகவல்களை பொலிஸார் வெளியிட்டுள்ளனர்.

அம்பாறை வைத்தியசாலையில் பணியாற்றிய வைத்தியரான 33 வயதான ஷம்யா தர்ஷனி என்ற பெண்ணே 17 ஆம் திகதி இவ்வாறு மீட்கப்பட்டுள்ளதாக அடையாளம் காணப்பட்டுள்ளார்.

சந்தேகநபரான அவரது காதலன் கன்​னொருவ பகுதியைச் சேர்ந்த மென்பொருள் பொறியாளர் என்றும், அவர் தற்போது அப்பகுதியிலிருந்து தலைமறைவாகியுள்ளார் என்றும் பொலிஸார் தெரிவித்துள்ளனர்.

ஹோட்டல் அறையின் சிசிடிவி காட்சிகளை ஆய்வு செய்தபோது, ​​16 ஆம் திகதி இரவு சுமார் 9.50 மணியளவில் அந்த பெண்ணின் காதலன் வருகை தந்து சுமார் 40 நிமிடங்கள்

தங்கியிருந்த பின்னர் இரவு சுமார் 10.30 மணியளவில் மயக்க நிலையில் இருந்த அந்த பெண்ணை காரில் ஏற்றி அழைத்துச்சென்றுள்ளமை கண்டறியப்பட்டுள்ளது.

இதன்பின்னர் சந்தேகநபரான காதலன் சடலம் தொடர்பில் பொலிஸாருக்கு அழைப்பினை ஏற்படுத்தி தகவல் வழங்கியதாக சந்தேகிக்கப்படும் நிலையில்,

தெல்தெனியா பொலிஸ் அதிகாரிகள் குழு சம்பவ இடத்திற்குச்சென்று ஆய்வு செய்தபோது, ​​காரின் முன் இருக்கை மடிக்கப்படாமல், கருப்புத்துணியால் மூடப்பட்ட நிலையில் சடலம் இருப்பதை கண்டறிந்துள்ளனர்.

இருவரும் சுமார் 8 மாதங்களுக்கு முன்பு காதலிக்க தொடங்கியதாகவும் பொலிஸார் தெரிவித்துள்ளனர்.

சந்தேகநபர் பெண்ணின் உடலைக்கொண்டு செல்ல பயன்படுத்திய கார், அம்பாறை பகுதியில் வசிக்கும் அவரது மற்றொரு தோழிக்கு சொந்தமானது என்பதும் தெரியவந்துள்ளது.

இதற்கிடையில், உயிரிழந்த பெண்ணிற்கு பிரேத பரிசோதனை நேற்று தெல்தெனிய வைத்தியசாலையில் சிறப்பு தடயவியல் வைத்திய அதிகாரியின் மேற்பார்வையில் நடத்தப்பட்டுள்ளது.

இதன்போது ஒரு முடிவு எட்டப்படாத நிலையில், அவரது உடல் பாகங்கள் மேலதிக பரிசோதனைகளுக்காக அரசாங்கப் பகுப்பாய்வாளருக்கு அனுப்பப்பட்டுள்ளதுடன், சடலம் தற்போது அவரது உறவினர்களிடம் ஒப்படைக்கப்பட்டுள்ளதாக பொலிஸார் தெரிவித்தனர்.

இது கொலையா அல்லது வேறு ஏதேனும் காரணத்தால் ஏற்பட்ட மரணமா என்பது இன்னும் உறுதிப்படுத்தப்படவில்லை என்றும், மேலதிக விசாரணைகள் இடம்பெறுவதாகவும் கூறப்படுகின்றது.

உயிரிழந்த பெண்ணும் அவரின் காதலனும் கனடாவுக்கு செல்வதற்கான ஏற்பாடுகள் மேற்கொள்ளப்பட்டிருந்த நிலையில் பெருந்தொகை பணத்தினை வங்கி மற்றும் பல தனிநபர்களிடமிருந்து கடனாக பெற்றிருந்த நிலையில்,

இதுவரை வெளிநாடு செல்லாத நிலையில், கடன் கொடுத்தவர்கள் மீண்டும் பணம் கேட்பதால் அவர் கடுமையான மன அழுத்தத்தில் இருந்ததாக பொலிஸார் கூறியுள்ளனர்.

இத்தகைய சூழ்நிலையில், அவர் ஜூன் 3 ஆம் திகதி நுவரெலியாவில் உள்ள ஹோட்டலில் தங்கியிருந்து தனது சகோதரரை தொலைபேசியில் அழைத்து, தான் 3 நாட்களாக சாப்பிடவில்லை என்றும்,

அம்பாறை வைத்தியசாலையில் உள்ள ஒரு மனநல வைத்தியரை அழைத்து, தான் கடுமையான மன அழுத்தத்தில் இருப்பதாகவும் கூறியதாக தெரிவிக்கப்படுகின்றது.

இதனையடுத்து அங்குள்ள மருத்துவர், உடனடியாக அருகிலுள்ள வைத்தியசாலைக்கு சென்று சிகிச்சைக்காக ஒரு மனநல வைத்தியரை அணுகுமாறு அவரிடம் கூறியதாகவும்,

16 ஆம் திகதி மாலை சுமார் 4 மணிக்கு மேல் அவரது கைபேசி அணைக்கப்பட்டிருந்ததாகவும் உயிரிழந்த பெண்ணின் சகோதரர் பொலிஸாரிடம் தெரிவித்துள்ளார்.

அதன்படி, அவரது காதலன் தினெத் திசாநாயக்கவை கைது செய்ய பொலிஸார் பொதுமக்களின் உதவியை நாடி வருகின்றனர்.

இச்சம்பவம் தொடர்பான மேலதிக விசாரணைகள், நுவரெலியா பிரிவின் பொறுப்பு சிரேஷ்ட பொலிஸ் கண்காணிப்பாளர் சமரக்கோன் பண்டாவின் நேரடி மேற்பார்வையில் நடைபெற்று வருகின்றன.

நாட்டில் தங்கத்தின் விலையில் இன்று இரண்டு முறை மாற்றம் ஏற்பட்டுள்ளதாக இலங்கை நகையக வியாபாரிகள் சங்கம் தெரிவித்துள்ளது.

நேற்று 24 கரட் தங்கம் ஒரு பவுண் ஒன்று ரூ. 391,000க்கு விற்பனை செய்யப்பட்ட நிலையில் இன்று காலை 9,000 ரூபாயால் குறைந்தது.

அதன்படி, 24 கரட் தங்கம் ஒரு பவுண் ஒன்று ரூ. 382,000க்கு விற்பனை செய்யப்பட்ட நிலையில் மீண்டும் இரண்டாவது முறையாக தங்கவிலை 2,000 ரூபாயால் குறைந்துள்ளது. அதற்கமைய தற்போதைய சந்தை நிலவரங்களின்படி

தங்கத்தின் புதிய விலை விபரங்கள்

24 கரட் தங்கம் (ஒரு பவுண்) ரூ. 380,000

22 கரட் தங்கம் (ஒரு பவுண்) ரூ. 349,600 கிராம்

24 கரட் தங்கம் (1 கிராம்) ரூ. 47,500

22 கரட் தங்கம் (1 கிராம்) ரூ. 43,700

சர்வதேச சந்தையில் ஏற்படும் மாற்றங்களுக்கு ஏற்ப உள்நாட்டு சந்தையிலும் தங்கத்தின் விலைகளில் தொடர்ந்தும் மாற்றங்கள் நிலவி வருகின்றமை குறிப்பிடத்தக்கது.

ஆயுர்வேத வைத்தியர் போல் நடித்து பொது மக்களிடமிருந்து சுமார் 6 கோடி ரூபாய் மோசடி செய்த சட்டவிரோத வைத்தியர் ஒருவர் ஹொரணை பிரதேச சிறப்பு குற்றப்புலனாய்வுப்பிரிவினரால் கைது செய்யப்பட்டுள்ளார்.

கைது செய்யப்பட்ட பெண், 53 வயதான திருமணமாகாதவர் என்றும், இவர் பூர்வீகமாக கிரிபாவா பகுதியைச் சேர்ந்தவர் என்பதும் தெரியவந்துள்ளது.

இவர் ஹொரணை பகுதியில் உள்ள ஒரு குடியிருப்பு வளாகத்தில் வசித்து வந்து இந்த மோசடியை மேற்கொண்டுள்ளமை பொலிஸாரின் விசாரணைகளில் தெரியவந்துள்ளது.

பொதுமக்களை ஏமாற்றுவதற்காக, அவர் சொகுசு கார்களை வாடகைக்கு எடுத்து, அவற்றில் மருத்துவ சின்னத்தை பொருத்தி, பல்வேறு பகுதிகளில் இலவச மருத்துவ முகாம்களை நடத்தியுள்ளார்.

பல்வேறு நோய்களுக்காக வெளிநாடுகளிலிருந்து சிறப்பு மருந்துகளை இறக்குமதி செய்வதாகக்கூறி நோயாளிகளின் நம்பிக்கையை பெற்று இந்த நாட்டில் பயன்படுத்த அங்கீகரிக்கப்படாத தரம் குறைந்த மருந்துகளையே அவர் வழங்கியுள்ளார் என்பது தெரியவந்துள்ளது.

வெளிநாட்டிலிருந்து பதிவு செய்யப்பட்ட மருந்து கொள்கலன்கள் கொழும்பு துறைமுகத்திற்கு வந்துவிட்டதாகவும், அவற்றை விடுவிக்க பணம் தேவைப்படுவதாகவும் கூறி மோசடியில் ஈடுபட்டுள்ளமை கண்டறியப்பட்டுள்ளது.

கம்பஹா, மதுரவளை, மில்லனியா, பண்டாரகம, ஹொரணை மற்றும் இங்கிரிய ஆகிய பகுதிகளில் சந்தேகநபர் இந்த வழியில் பணத்தை பெற்றுள்ளதாக தெரியவந்துள்ளது.

அவரது மருத்துவ தகுதிகள் மீது சந்தேகம் கொண்ட பொலிஸார் இலங்கை மருத்துவ சபை மற்றும் ஆயுர்வேத மருத்துவ சபையிடம் விசாரணை நடத்தியதில், அவர் எந்தவொரு மருத்துவ சபையிலும் பதிவு செய்யப்படாத ஒரு போலி மருத்துவர் என்பது அதிகாரப்பூர்வமாக உறுதி செய்யப்பட்டுள்ளது.

மோசடி செய்யப்பட்ட கோடிக்கணக்கான ரூபாய்க்கு என்ன ஆனது என்பது இன்னும் வெளிப்படுத்தப்படவில்லை என்றாலும், சந்தேகநபரின் பெயரில் இரண்டு போலி நிறுவனங்கள் பதிவு செய்யப்பட்டுள்ளதை பொலிஸார் கண்டறிந்து விரிவான விசாரணைகளை தொடங்கியுள்ளனர்.

தெல்தெனியவில் வாகனமொன்றினிலிருந்து பெண்ணொருவரின் சடலம் மீட்கப்பட்ட சம்பவத்துடன் தொடர்புடையதாக கூறப்படும் பெண்ணின் காதலனான,

சந்தேகநபர் தொடர்பில் ஏதேனும் தகவல் தெரிந்தால் உடனடியாக தெரிவிக்குமாறு பொலிஸார், பொதுமக்களுக்கு அறிவித்துள்ளதாக எமது பிராந்திய செய்தியாளர் தெரிவித்தார்.

குறித்த சந்தேகநபர் தொடர்பில் தகவல் இருந்தால், நுவரெலியா பொலிஸ் பிரிவின் உதவி பொலிஸ் கண்காணிப்பாளர் சந்தன பஸ்நாயக்க நுவரெலியா பொலிஸ் நிலையத்தின் பின்வரும் தொலைபேசி இலக்கங்களுக்கு தகவல் வழங்குமாறு கேட்டுக்கொண்டுள்ளார்.

அதன்படி, 071 8591096 உதவி பொலிஸ் கண்காணிப்பாளர், நுவரெலியா 071 8591097 தலைமையக பொலிஸ் பிரதம ஆய்வாளர், நுவரெலியா ஆகிய தொலைபேசி இலக்கங்கள் வழங்கப்பட்டுள்ளன.

இதேவேளை கண்டி – தெல்தெனிய வைத்தியசாலைக்கு அருகில் இருந்து நேற்று (17) மாலை காரொன்றிலிருந்து சடலமாக மீட்கப்பட்ட இளம் பெண்,

நுவரெலியாவில் உள்ள ஒரு சுற்றுலா விடுதியில் இரண்டு முறை தங்கியிருந்தமை நுவரெலியா பொலிஸின் குற்றப் புலனாய்வுப் பிரிவு நடத்திய முதற்கட்ட விசாரணையில் தெரியவந்துள்ளதாக தெரியவருகிறது.

பெண்ணின் காதலனான சந்தேகநபர் 02ஆம் திகதி அந்த இளம் பெண்ணுடன் விடுதிக்கு வந்து, 10ஆம் திகதி விடுதியிலிருந்து வெளியோறி சென்றுள்ளார் பின் 16ஆம் திகதி அந்த இளம் பெண் மாத்திரம் தனியாக விடுதிக்கு வந்துள்ளார்.

அத்துடன் 17ஆம் திகதி இரவு சுமார் 9 மணியளவில், சந்தேகநபர் வாடகைக் காரில் விடுதிக்கு வந்து, தனது மனைவிக்கு உடல்நிலை சரியில்லை என்று விடுதிப் பாதுகாப்பு அதிகாரியிடம் தெரிவித்து,

தனது காதலியை ஏற்றிக்கொண்டு, விடுதிக் கட்டணத்தைச் செலுத்தி, அந்த இளம் பெண்ணைக் காரில் ஏற்றி அழைத்துச் சென்றுள்ளார். குறித்த சம்பவம் குறித்து விடுதிப் பாதுகாப்பு அதிகாரி பொலிஸாருக்கு தகவல் அளித்துள்ளார்.

இந்த நிலையில் சம்பவம் குறித்து விசாரணை மேற்கொண்டு வரும் நுவரெலியா பொலிஸார் கூறுகையில், அம்பாறை வைத்தியசாலையின் பெண் உடற்பயிற்சி நிபுணராக பணியாற்றி வருபவரும் வெலிகம பகுதியைச் சேர்ந்த 33 வயதான பி.ஆர்.ஷ்யாமா தர்ஷனி,

2023 முதல் மருத்துவமனையில் பணியாற்றிவிட்டு வெளிநாடு செல்லவிருப்பதாகக் கூறி, தனது வேலையை ராஜினாமா செய்வதற்கான ஆவணங்களைச் சமர்ப்பித்ததாக தெரிவித்துள்ளனர்.

அவரது காதலரான, கண்ணொரூவாவைச் சேர்ந்த 35 வயதான டி.எம்.எஸ். தினெத் திசநாயக்க, தனது காதலியுடன் ஏற்பட்ட வாக்குவாதத்திற்குப் பிறகு அப்பெண்ணைக் கொலை செய்திருக்கலாமென சந்தேகம் வெளியிடப்பட்டுள்ளமை குறிப்பிடத்தக்கது.