திபெத்தில் 4334 மீட்டர் உயரத்தில் இருக்கும் பாங்டா விமான நிலையமே உயரமான இடத்திலிருந்து செயல்படும் விமான நிலையம் என்ற பெருமையை இதுவரை பெற்றிருந்தது. தற்போது சுற்றுலாத்துறையை விஸ்தரிக்கும் வண்ணமும் நாட்டின் மேற்குப் பகுதியில் நடைபெறும் அரசியல் அமைதியின்மையைக் கண்காணிக்கவும் 4411 மீட்டர் உயரத்தில் புதிய விமான நிலையம் ஒன்றினை சீனா அமைத்துள்ளது.

டயோசெங் யாடிங் என்று பெயரிடப்பட்டுள்ள இந்த விமான நிலையம், உயரமான இடத்தில் அமைந்துள்ள முதல் விமான நிலையம் என்ற பெருமையைப் பெறுகின்றது.

இத்தகைய உயரத்தில் விமானத்தின் உந்துசக்தி குறைவாக இருக்கும் என்பதால் நீளமான ஓடுதளங்கள் அமைக்கப்பட்டுள்ளன. இங்குள்ள 4200 மீட்டர் நீளமுள்ள ஓடுபாதை நியூயோர்க்கின் ஜோன் எப் கெனடியில் உள்ளதைவிட 242 மீட்டர்தான் குறைவாக உள்ளது. பயணிகளுக்கும்கூட காற்றழுத்தக் குறைவினால் வரும் நோய்கள் ஏற்படக்கூடும் என்று எச்சரிக்கப்பட்டுள்ளது.

நேற்று முதல் இந்த புதிய விமான நிலையத்திலிருந்து பயண சேவைகள் ஆரம்பிக்கப்பட்டன. பொதுவாக இங்கிருந்து பேருந்து மூலம் சிச்சுவான் மாகாணத்தின் தலைநகரான செங்டுவிற்குச் செல்ல இரண்டு நாட்கள் பிடிக்கும். இந்த விமானப் பயணம் அதனை 65 நிமிடங்களாக குறைக்கின்றது. இந்த மாத இறுதிக்குள் மற்ற சேவைகள் தொடங்கும் என்று தெரிவிக்கப்பட்டுள்ளது.

திபெத்தின் நுழைவாயிலாக விளங்கும் இந்தப் பகுதியின் கீழ் வாழும் திபெத்திய மக்களின் மத்தியில் உள்ள எதிர்ப்பைக் குறைத்து, பொருளாதார வளர்ச்சியை நிலைப்படுத்தி ஒரு சுற்றுலாப் பகுதியாக இந்த இடத்தை மேம்படுத்த சீனா முயன்று வருகின்றது.

எத்தியோப்பியா தலைநகர் அடிடிஸ் அபாபா நகரில் மிருககாட்சி சாலை உள்ளது. இங்குள்ள மிருகங்களை பார்க்க தினசரி 2 ஆயிரத்துக்கும் மேற்பட்டோர் சென்று வருகின்றனர். அங்கு 15 சிங்கங்கள் உள்ளன. அவற்றை பராமரிக்க அபேராசில்சாய் (51) என்ற ஊழியர் இருந்தார்.

நேற்று காலை அவர் கைனென்சியா என்ற சிங்கத்தின் கூண்டுக்குள் சென்று துப்புரவு பணியை மேற்கொண்டார். அப்போது கூண்டின் உள் அறைக்குள் அந்த சிங்கம் தூங்கி கொண்டிருந்தது. எனவே, அவர் கூண்டை பூட்ட மறந்து விட்டு தனது வேலையை பார்த்துக் கொண்டிருந்தார்.

அப்போது கண் விழித்த அந்த சிங்கம் திடீரென பாய்ந்து வந்து ஊழியர் அபேராவை கடுமையாக தாக்கியது. அவரது கழுத்தில் கடித்து குதறி ரத்தம் குடித்தது.இதனால் அங்கு பதட்டமும் பரபரப்பும் ஏற்பட்டது. உடனே அங்கு வந்த காவலர்கள் வானத்தை நோக்கி துப்பாக்கியால் சுட்டு மிரட்சியை எற்படுத்தினர். இருந்தும் சிங்கம் அவரை கடித்து குதறியது.

இதனால்அவர் அதே இடத்தில் பரிதாபமாக இறந்தார். இக்கோர சம்பவத்தை தொடர்ந்து மிருக காட்சி சாலை பொதுமக்கள் பார்க்க தடை விதித்து மூடப்பட்டது. கடந்த 17 ஆண்டுகளில் தற்போது தான் ஊழியரை சிங்கம் தாக்கி கொன்றுள்ளது.

அமெரிக்கா உள்ளிட்ட மேற்கத்திய நாடுகளுக்கு இணையாக ஈரானும் விண்வெளியில் ஆய்வு நிகழ்த்த திட்டமிட்டுள்ளது. வருகிற 2018ம் ஆண்டில் விண்வெளிக்கு வீரர்களை அனுப்ப முடிவு செய்துள்ளது.

இதற்காக தற்போது விலங்குகளை ரொக்கெட் மூலம் விண்ணுக்கு அனுப்பி சோதனை நடத்தி வருகிறது. கடந்த 2010ம் ஆண்டில் எலி மற்றும் ஆமையை அனுப்பியது.

இந்த நிலையில், சமீபத்தில் பிஸ்காம் என்ற குரங்கை விண்வெளிக்கு அனுப்பினர். 2 நிமிட நேரம் பயணம் 120 கி.மீட்டர் தூரம் பயணம் செய்த அந்த குரங்கு பத்திரமாக பூமிக்கு திரும்பியது.

தற்பேது அடுத்த கட்டமாக வருகிற மார்ச் மாதம் விண்வெளிக்கு பெர்சியன் இன பூனையை அனுப்ப ஈரான் விஞ்ஞானிகள் திட்டமிட்டுள்ளனர். இந்த பூனை நீண்ட அடர்ந்த ரோமங்களுடன் அகலமான முகம் கொண்டதாக இருக்கும்.

பூனையை தவிர எலி மற்றும் முயலை அனுப்பும் திட்டமும் பரிசீலனையில் உள்ளது. இந்த தகவலை ஈரான் விண்வெளி திட்ட சீனியர் அதிகாரி முகமது இப்ராகிம் தெரவித்துள்ளார்.

ஒன்றுக்குப் பின்னர் இரண்டாவது குழந்தையைப் பற்றி யோசித்தாலே பொருளாதார சிக்கல்கள்தான் கண்முன் தோன்றிப் பயமுறுத்தும். இத்தகைய கால கட்டத்தில் எதைப் பற்றியும் கவலைப்படாமல் திருமணமாகிய 23 ஆண்டுகளில் தனது 17ஆவது குழந்தையின் வரவை சந்தோஷமாக வெளியில் அறிவிக்கும் இவர் ஒரு சூப்பர் தாயாகத்தான் இருக்கமுடியும்.

லங்காஷயரின் மோர்கம்பே என்ற இடத்தில் வசித்துவரும் நோயல்(41),மற்றும் அவரது மனைவி ஸ்யு ரட்போர்ட்(38)என்ற இருவரும் பேக்கரி ஒன்றினை நடத்தி வருகின்றனர்.

திருமணமான இந்த 23 வருடங்களில் ஒவ்வொரு 17 மாத இடைவெளியிலும் அவர்கள் வீட்டில் ஒரு புதுவரவு தோன்றும். இவர்களது 16ஆவது மகன் கஸ்பர் சென்ற வருடம் அக்டோபர் மாதம் பிறந்தான். தற்போது 11 மாத இடைவெளியில் தான் மீண்டும் தாயாகப் போவதை ஸ்யு மகிழ்ச்சியுடன் தெரிவிக்கின்றார்.

அடுத்த வருடம் ஏப்ரல் மாதம் தங்கள் குடும்பத்துடன் இணையப் போகும் புதுவரவு குறித்து கணவன் மனைவி இருவருமே சந்தோஷிக்கின்றனர்.

ஒன்பது அறைகள் கொண்ட வீட்டில் வசித்துவரும் இவர்கள் தங்களின் போக்குவரத்திற்காக சிறிய பேருந்து ஒன்றினையே வைத்துள்ளனர். கடந்த 2011ம் ஆண்டில் இவர்களது குடும்பம் பற்றி எடுக்கப்பட்ட ஆவணப் படமான “15 கிட்ஸ் அண்ட் கவுண்டிங்” இவர்களை வெளியுலகில் பிரபலப்படுத்தியுள்ளது.

சுவிஸ்லாந்தில் செயற்கை கருவூட்டல் தொழில்நுட்ப முறையில் குழந்தைகளின் பிறப்பு விகிதமானது அதிகரித்துள்ளதாக புள்ளிவிபர அறிக்கை தகவல் தெரிவித்துள்ளது. கடந்த ஆண்டு மட்டும் 6321 பெண்கள் இந்த செயற்கை முறையினை பயன்படுத்தியுள்ளனர். இது கடந்த 10 ஆண்டுகளில் இரண்டு மடங்காக அதிகரித்துள்ளது.

புள்ளிவிபரப்படி43 சதவீத ஆண்கள் மலட்டுத்தன்மையால் பாதிக்கப்படுவதால் பெண்கள் வேறு ஒரு நபரின் விந்துவின் மூலம் குழந்தைகளை பெற்றுக்கொள்கின்றனர். வருடத்திற்கு 2000 குழந்தைகள் சோதனை குழாய் முறையில் பிறக்கின்றனர்.

இதனையும் தவிர்த்து இன்னொரு தொழில்நுட்பமானது இன்ட்ரோசைட்டோபிளாஸ்மிக் (intracytoplasmic) அதாவது ஒரு ஊசியின் மூலம் செயல்படும் தொழில்நுட்பமாகும். இதில் ஒரு விந்துவினை ஊசியின் வழியாக நேரடியான முறையில் அண்டத்திற்கு செலுத்துவதாகும்.

இதன் மூலம் 80 சதவீதம் அதாவது 10827 இனப்பெருக்க சிகிச்சைகள் சுவிஸ்லாந்தில் மேற்கொள்ளப்பட்டுள்ளன. கடந்த1990ம் ஆண்டு ஆரம்பம் முதல் இந்த முறையானது அதிகமான மக்களால் பின்பற்றப்பட்டது.

பெண்களால்19 முதல் 51 வயது வரை செயற்கைமுறையில் குழந்தை பெற்றுக்கொள்ளலாம் என்று மருத்துவர்கள் தெரிவித்துள்ளனர்.