ராமநாதபுரத்தில்..

ராமநாதபுரம் மாவட்டம் சாயல்குடி பகுதியை சேர்ந்த ரோபாஸ்டன், அதே பகுதியை சேர்ந்த 21 வயதான இளம்பெண் ஒருவரை காதலித்து வந்துள்ளார். இருவரும் ஊட்டிக்கு பைக்கில் செல்ல திட்டமிட்டனர்.

இதையடுத்து கடந்த 7 ஆம் தேதி சாயல்குடியில் இருந்து ஊட்டிக்கு பைக்கில் புறப்பட்டனர். மதுரை, ஒட்டன்சத்திரம், தாராபுரம் வழியாக சென்றனர். பல்லடம் அருகே வந்த போது அவர்களது பைக்கை இளைஞர் ஒருவர் பின்தொடர்ந்து சென்றுள்ளார்.

சிறிது தூரத்தில் திடீரென 2 பேரையும் வழிமறித்த அந்த இளைஞர் நான் போலிஸ், உங்களை பார்க்கும் போது எனக்கு சந்தேகமாக இருக்கிறது, உங்களிடம் விசாரணை நடத்த வேண்டும் என்று கூறியுள்ளார். அதனை அடுத்து அந்த பெண்ணை அங்கேயே நிற்க சொல்லிவிட்டு, காதலன் ரோபாஸ்டனை சிறிது தூரம் அழைத்து சென்றுள்ளார்.

பிறகு அவரிம், நீ இங்கேயே இரு, நான் அந்த பெண்ணிடம் விசாரணை நடத்விட்டு வருகிறேன் என கூறிவிட்டு கூறிவிட்டு சென்றுள்ளார். இதனால் சந்தேகம் அடைந்த சந்தேகமடைந்த ரோபாஸ்டன் உடனே காதலி நிற்குமிடத்திற்கு சென்று பார்த்தார்.

அப்போது அங்கு காதலியை காணவில்லை. இதனால் அதிர்ச்சியடைந்த அவர் அப்பகுதியில் தேடி பார்த்தார். ஆனால் எங்கு தேடியும் கிடைக்கவில்லை. உடனே இது குறித்து பல்லடம் காவல் நிலையத்தில் புகார் செய்தார்.

இந்த புகாரினை பெற்று கொண்ட போலீசார் மாவட்டம் முழுவதும் உள்ள சோதனை சாவடிகளுக்கு தகவல் தெரிவித்து வாலிபரை பிடிக்க உத்தரவிட்டனர். இதைத்தொடர்ந்து அந்த பெண்ணின் செல்போன் எண்ணை கொண்டும், சிசிடிவி காட்சிகள் அடிப்படையிலும் தேடும் பணியில் ஈடுபட்டனர்.

இந்நிலையில் கடத்தப்பட்ட இளம்பெண் மதுரையில் இருப்பது தெரியவந்தது. இதையடுத்து மதுரை சென்ற பல்லடம் போலீசார் இளம்பெண்ணை மீட்டனர். ஆனால் போலீசார் வருவதை அறிந்த அந்த நபர் அங்கிருந்து தப்பி சென்றுள்ளார்.

விசாரணையில் அவர் திருப்பூரை சேர்ந்த கணேசன் என்பது தெரிய வந்தது. பின்னர் தலைமறைவாக இருந்த அவரையும் கைது செய்தனர். போலீசார் என கூறி கடத்தல் மற்றும் இரு சக்கர வாகன திருட்டு உட்பட 7 வழக்குகள் அவர் மீது நிலுவையில் உள்ளது தெரிய வந்தது. அதனை தொடர்ந்து அவரை கைது செய்த பல்லடம் போலீசார் நீதிமன்றத்தில் ஆஜர்படுத்தி சிறையில் அடைத்தனர்.

ஹைதராபாத்தில்..

ஹைதராபாத்தில் 8 வயது சிறுவனை கொடூரமாக கொலை செய்து சாக்கடையில் வீசிய திருநங்கையின் செயல் அதிர்ச்சியை ஏற்படுத்தியுள்ளது. ஹைதராபாத்திலுள்ள சானத் நகரில் சாக்கடையில் சிறுவனின் உடல் மூட்டையில் கண்டுபிடிக்கப்பட்டுள்ளது.

இதனை தொடர்ந்து பொலிஸார் நடத்திய விசாரணையில் அது வாசிம்கானின் மகனான, அப்துல் வாகித் என்ற 8 வயது சிறுவன் என தெரிய வந்துள்ளது. அப்பகுதியிலுள்ள சீசீடிவியில் பார்க்கும் போது திருநங்கையான இம்ரான், மற்றொருவரோடு சாக்கு மூட்டையில் உடலை கொண்டு வந்து சாக்கடைக்குள் வீசியது பதிவாகியுள்ளது.

இதனை தொடர்ந்து குற்றவாளியான திருநங்கை இம்ரானை காவல்துறையினர் கைது செய்து விசாரணை செய்துள்ளனர். விசாரணையில் இம்ரான் 8 வயது சிறுவனை அடித்து சித்திரவதை செய்ததோடு, சிறுவனை தண்ணீர் நிரப்பிய வாளியில் தலையை வலுக்கட்டாயமாக நனைத்து கழுத்தை நெரித்து கொலை செய்துள்ளார்.

இம்ரானுக்கு வயிறு சரியில்லை என சிறுவனின் தந்தையிடம் ORS வாங்கி கொடுத்து விட சொல்லியிருக்கிறார். அதனை கொண்டு வந்த போது சிறுவனை கொடூரமாக கொலை செய்திருக்கிறார்.

சிறுவனின் தந்தை வாசிம்கான் வீட்டருகே வசிக்கும் திருநங்கை இம்ரானிடம், 5 லட்சம் ரூபாய் சீட்டு போட்டுள்ளார். கடந்த வாரம் வாசிம்கான் சீட்டை எடுத்த நிலையில், இம்ரான் அந்த பணத்தை தராமல் இழுத்தடித்ததாக கூறப்படுகிறது.

இதனால் இருதரப்புக்கும் தகராறு ஏற்பட்டுள்ளது. இந்நிலையில் தான் வாசிம்கானின் 8 வயது மகன் காணாமல் போயுள்ளார். அதற்கு பலிவாங்கவே சிறுவனை கொலை செய்ததாக, திருநங்கை இம்ரான் தனது வாக்குமூலத்தில் கூறியுள்ளார். மேலும் இம்ரான் மீது வழக்கு தொடரப்பட்டு நீதிமன்றத்தில் தீர்ப்பளிக்கபடும் என பொலிஸார் தெரிவித்துள்ளனர்.

திருவள்ளூரில்..

திருவள்ளூர் மாவட்டத்தை சேர்ந்த ஹேமந்த் குமார் ரகு படிப்பில் கெட்டிக்காரர். சென்னை ஐஐடியில் படித்து முடித்து விட்டு, துபாயில் இன்ஜினியராக பணியாற்றினார்.

அண்மையில் விடுமுறைக்கு சொந்த ஊருக்கு வந்தவர் அதன் பின்னர் துபாய்க்கு திரும்பி செல்லவில்லை. இதனையடுத்து பீகாருக்கு வேலைக்குச் சென்றிருந்தார். அங்கு நடன அழகியோடு ரகுக்கு காதல் ஏற்பட்டுள்ளது.

அந்த நடன அழகி காதலியுடன் ஊர் சுற்றிய ரகு, தான் சம்பாதித்த பணத்தை தண்ணீராக செலவு செய்தார். ஒரு கட்டத்தில் அவரிடம் இருந்த பணம் காலியானது. எனினும் அவர் துபாயில் இருந்த நிறுவனத்திலும் பணிபுரிந்து வந்ததால் அங்கிருந்து பணம் வந்தது. இதனையும் செலவு செய்தார்.

அதே நேரம் நடன அழகியின் அழகில் மயங்கி கிடந்த ஹேமந்த் குமாரால் சரியாக வேலைச் செய்ய முடியவில்லை. பீகாரில் இருக்கும் காதலியின் நினைவு அவரை வாட்டி எடுத்தது. இதனால் கைநிறைய சம்பளத்தை வாங்கி கொடுத்த துபாய் வேலையை முழுமையாக உதறி விட்டு பீகாருக்கு திரும்பினார்.

இதன்பின்னர் கையில் இருந்த பணத்தை காதலிக்காக செலவழிக்க தொடங்கினார். இப்படி சிறுக சிறுக சேமித்த பணம் அனைத்தையும் ஹேமந்த் இழந்தார். நடன அழகியான காதலி சொகுசாக வாழ்பவர். இதனால் அவரது செலவினங்களும் எல்லை மீறியே இருந்துள்ளது.

இதனால் தன்னுடைய 15 ஆண்டுகால சேமிப்பு பணம் மொத்தத்தையும் காதலிக்காக செலவு செய்துள்ளார். ஆனாலும் அவரின் காதலி மீண்டும் மீண்டும் நிறைய கேட்க தொடங்கியதால் இன்ஜினியராக இருந்த ரகு கொள்ளையனாக அவதாரம் எடுத்துள்ளார்.

செயின் பறிப்பு மற்றும் கொள்ளையில் ஈடுபட்டிருக்கிறார். இதனால் தன்னுடைய 40 வயதில் காதலிக்காக சிறை கம்பிகளை தற்போது எண்ணிக் கொண்டிருக்கிறார். சென்னை ஐஐடியில் இன்ஜினியராக படிப்பை முடித்து விட்டு காதலுக்காக கொள்ளையனாக மாறிய இந்த சம்பவம் பலரையும் அதிர்ச்சி அடைய வைத்துள்ளது.

தென்காசியில்..

நவமணி – ராஜேஸ்வரி தம்பதிநவமணி – ராஜேஸ்வரி தம்பதி
கணவன் மனைவி இடையே அடிக்கடி தகராறு ஏற்பட்ட நிலையில் ராஜேஸ்வரி தனியாக வீட்டை வாடகைக்கு எடுத்து அதில் வசித்து வந்தார்.

தென்காசி மாவட்டம் சுரண்டை காமராஜ்நகர் பகுதியை சேர்ந்தவர் நவமணி (53). இவர் டிரைவராக வேலை பார்த்து வருகிறார். இவரது மனைவி ராஜேஸ்வரி(43)-க்கும் இவருக்கும் இடையே அடிக்கடி தகராறு ஏற்பட்டுவந்துள்ளது. இந்தநிலையில் ராஜேஸ்வரி தனியாக வீட்டை வாடகைக்கு எடுத்து அதில் வசித்து வந்தார்.

இந்நிலையில் நவமணி அவரது மனைவியைப் பார்க்க சென்ற போது, இரண்டு பேருக்கும் மீண்டும் வாக்குவாதம் ஏற்பட்டது. அப்போது வீட்டிலிருந்த அரிவாளை எடுத்து மனைவியின் கழுத்தை அறுத்துள்ளார் நவமணி.

இதில் படுகாயம் அடைந்த ராஜேஷ்வரியின் அலறல் சத்தம் கேட்கவே, அருகில் இருந்தவர்கள் உடனடியாக காவல்துறையினர்க்கு தகவல் தெரிவித்தனர். இதற்கிடையில் நவமணி அந்த இடத்தை விட்டு தப்பி சென்றுள்ளார்.

இதையடுத்து சம்பவ இடத்திற்க்கு வந்த சுரண்டை போலீசார் படுகாயம் அடைந்த பெண்ணை மீட்டு தென்காசி மாவட்ட அரசு தலைமை மருத்துவமனைக்கு சிகிச்சைக்காக அனுப்பி வைத்தனர். பின்னர் இச்சம்பவம் குறித்து சுரண்டை போலீசார் வழக்கு பதிவு செய்து தப்பி ஓடிய கணவரை வலைவீசி தேடி வந்தனர்.

சம்பவத்தைத் தொடர்ந்து போலீசார் தப்பி ஓடிய கணவனை காவல்துறை கைது செய்தது. எதற்காக நடந்தது உள்ளிட்ட பல்வேறு கோணங்களில் விசாரணை மேற்கொண்டு வருகின்றனர். கணவன் மனைவியை அரிவாளால் வெட்டிய சம்பவம் சுரண்டை பகுதியில் பெரும் பரபரப்பை ஏற்படுத்தி உள்ளது.

கேரளாவில்..

கேரள மாநிலம் கோழிக்கோட்டில் ஐஸ்கிரீம் சாப்பிட்ட 6ம் வகுப்பு மாணவன் பரிதாபமாக உயிரிழந்த சம்பவம் பெரும் அதிர்ச்சியை ஏற்படுத்தியுள்ளது. கொரோனா காலத்துக்கு பின்பான சமூகம், பணம், பொறாமை, வக்கிரம் என குணங்களில் மனிதத்தை இழந்து வெறிப்பிடித்தாற் போல், பாலியல் குற்றங்கள், கொலை, கொள்ளை என அழிவை நோக்கி பயணித்து கொண்டிருக்கிறது.

தாய், தந்தையை கொலைச் செய்யும் மகன், காதலனுக்கு விஷம் கொடுத்து கொல்லும் காதலி, மனைவியைக் கொல்கிற கணவன், கணவனை கள்ளக்காதலனுடன் சேர்ந்து கொன்று புதைக்கும் மனைவி என சமூகம் புரையோட துவங்கியுள்ளது.

அதே போன்று, 12 வயது சிறுவனுக்கு அவனது அத்தையே ஐஸ்க்ரீமில் விஷம் கலந்து கொடுத்து கொலைச் செய்துள்ளது கேரளாவை அதிர செய்துள்ளது. கேரள மாநிலம் கோழிக்கோடு மாவட்டத்தில் அரிகுளத்தைச் சேர்ந்தவர் முகமது அலி.

இவரது 12 வயது மகன் அகமது ஹசன் ரிபாயி. அதே பகுதியில் உள்ள தனியார் பள்ளி ஒன்றில் அகமது 6ம் வகுப்பு படித்து வந்தான். இந்நிலையில், கடந்த ஞாயிறன்று, அகமதுவுக்கு அவனது அத்தை, ஐஸ்கிரீம் வாங்கி கொடுத்துள்ளார்.

அத்தைக் கொடுத்த ஐஸ்க்ரீமைச் சாப்பிட்ட பின்னர், தொடர்ந்து வாந்தி எடுத்த சிறுவன், அதன் பின்னர் சோர்வாகி இருக்கிறான். மகன் மிகவும் சோர்ந்து காணப்பட்ட நிலையில், அவசர அவசரமாக பதறியடித்தப்படி சிறுவனைக் கோழிக்கோட்டில் உள்ள தனியார் மருத்துவமனையில் சிகிச்சைக்காக சேர்த்தனர்.

ஆனால், மருத்துவமனையில் அனுமதிக்கப்பட்ட நிலையில், சிகிச்சைப் பலனளிக்காமல், அடுத்த நாள் அகமது உயிரிழந்துள்ளான். சிறுவனின் திடீர் சோர்வுக்கும், வாந்திக்கும் காரணம் ஐஸ்க்ரீம் சாப்பிட்டது தான் என்று உறவினர்களும், பெற்றோர்களும் காவல் நிலையத்தில் புகார் தெரிவிக்கையில், சுகாதாரம் மற்றும் உணவுப் பாதுகாப்புத் துறை அதிகாரிகள் குறிப்பிட்ட ஐஸ்க்ரீம் கடையில் ஆய்வு செய்தனர்.

அப்போது, அந்த கடையில் சேகரித்த ஐஸ்கிரீம் மாதிரிகளில் ஆரோக்கியமற்ற எதுவும் இல்லை என்றாலும், ஐஸ்க்ரீம் கடை தற்காலிகமாக மூடப்பட்டது. தொடர்ந்து போலீசார் விசாரணை நடத்தி வந்தனர்.

இந்நிலையில், சிறுவன் அகமதுவின் பிரேதப் பரிசோதனை அறிக்கையும் வெளியானது. பரிசோதனை அறிக்கையில், சிறுவனின் உடலில் அம்மோனியம் பாஸ்பைட் என்கிற விஷம் கலந்திருப்பது தெரிய வந்தது.

போலீசாரின் சந்தேகப் பார்வை, ஐஸ்க்ரீம் வாங்கிக் கொடுத்த சிறுவனின் அத்தை மீது திரும்பியது. இதையடுத்து போலீசாரின் தீவிர விசாரணையில், அகமதுவின் அத்தை தாஹிரா (34) குற்றத்தை ஒப்புக் கொண்டதாக போலீசார் தெரிவித்தனர்.

எதற்காக அகமதுவைக் கொலைச் செய்தார் என்பது இன்னும் தெரியவில்லை. இரு குடும்பங்களுக்கு இடையே கருத்து வேறுபாடுகள் இருந்து வந்தது விசாரணையில் தெரிய வந்துள்ளது. கொலைக்கான காரணங்கள் தாஹிரா சொன்ன பிறகே வெளிவரும் என்று போலீசார் தெரிவித்தனர்.

திருச்சியில்..

கரூா்-திருச்சி இடையே நாள்தோறும் பயணிகள் ரயில் இயக்கப்பட்டு வருகிறது. வழக்கம்போல் கரூரிலிருந்து வந்த ரயிலானது கோட்டை ரயில் நிலைய பகுதிக்கு வந்தபோது, திடீரென இளைஞா் ஒருவா் ரயில் முன் பாய்ந்துள்ளார்.

இதனை பார்த்து ரயில் என்ஜின் பணியாளா்கள் அதிர்ச்சி அடைந்து உடனடியாக, ரயில் முன்பாக பாய்ந்த நபரை தேடினா். அப்போது, அந்த இளைஞரின் சடலம் என்ஜின் பெட்டியுடன் மற்றொரு பெட்டியை இணைக்கும் பகுதியில் சிக்கிக் கொண்டிருப்பது தெரிந்தது.

தகவலின்பேரில், ரயில்வே பணிமனை ஊழியா்கள் விரைந்து வந்து என்ஜின் பகுதியில் சிக்கியிருந்த சடலத்தை மீட்கும் பணியில் ஈடுபட்டனா். தற்கொலை செய்துக்கொண்ட நபா் குறித்து ரயில்வே போலீசர் விசாரணை நடத்தினா்.

இவர், திருச்சி தென்னூா் வாமடம் பகுதியைச் சோ்ந்த பிரேம்குமார் (23) என்பதும், இளங்கலை பட்டப்படிப்பு முடித்துள்ள அவா், தனியார் நிறுவனமொன்றில் பணிபுரிந்ததும் தெரிய வந்தது.

காதல் தோல்வியால் மனமுடைந்து காணப்பட்ட பிரேம்குமார், சில நாள்களுக்கு மருத்துவ சிகிச்சையும் எடுத்துள்ளார். எனினும் விரக்தியில் இருந்த சூழலில், காதல் தோல்வி காரணமாக அவா் தற்கொலை செய்திருக்கலாம் என போலீசார் சந்தேகிக்கின்றனா். தொடா்ந்து விசாரணை நடைபெறுகிறது.