மேற்கு வங்கத்தில்..

மேற்கு வங்கத்தில் திரிணாமுல் காங்கிரஸ் கட்சியின் ஆட்சி நடைபெற்று வருகிறது. அந்த கட்சியின் தலைவர் மம்தா பானர்ஜி முதல்வராக உள்ளார். இங்கு மூன்றாவது முறையாக மம்தா பானர்ஜி ஆட்சியைப் பிடித்துள்ளார்.

மத்தியில் ஆட்சி செய்யும் பாஜகவையும், பிரதமர் மோடியையும் மேற்கு வங்க முதல்வர் மம்தா பானார்ஜி கடுமையாக விமர்சனம் செய்து வருகிறார்.

இந்நிலையில் மேற்கு வங்கத்தில் திரிணாமுல் காங்கிரஸ். பாஜகவினரிடையே அடிக்கடி மோதல் நடந்து வருகிறது. இந்த நிலையில் திரிணாமுல் காங்கிரஸ் கட்சி தொண்டர் கொலை செய்யப்பட்ட அதிர்ச்சி சம்பவம் நடைபெற்றுள்ளது.

மேற்கு வங்கம் தெற்கு 24 பர்கானாவில் திரிணாமுல் காங்கிரஸ் கட்சியின் தீவிர உறுப்பினராக இருந்தவர் சுசித்ரா மண்டல்(48). இவர் உருளைக்கிழங்கு வயலுக்குள் நேற்று இரவு வெட்டிக்கொலை செய்யப்பட்டுக் கிடந்தார்.

அவரின் தொண்டையில் ஆழமான வெட்டுக்காயம் இருந்தது. இச்சம்பவம் குறித்து தகவல் அறிந்து வந்த போலீஸார்,சுசித்ராவின் உடலை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர்.

அரசியல் ரீதியாக இந்த கொ.லை நடந்ததாக போலீஸார் சந்தேகிக்கின்றனர். ஆளுங்கட்சி தொண்டர் கொலை செய்யப்பட்ட சம்பவம் மேற்கு வங்கத்தில் பரபரப்பை ஏற்படுத்தியுள்ளது.

கேரளாவில்..

மாவு அரைத்துக்கொண்டிருக்கும்போது இளம்பெண்ணின் துப்பட்டா கிரைண்டரில் சிக்கி உயிரிழந்துள்ளது கேரளாவில் சோகத்தை ஏற்படுத்தியுள்ளது. பொதுவாக பெரும்பாலான பெண்கள் சுடிதார் அணியும்போது துப்பட்டாவையும் அணிவர்.

அவ்வாறு அணியும் துப்பட்டா சில நேரங்களில் அவர்களுக்கு பாசக்கயிறாகவே மாறுகிறது. குறிப்பாக பெண்கள் ஸ்கூட்டி, பைக் உள்ளிட்டவற்றில் பயணம் செய்யும்போது துப்பட்டாவை அணிந்து செல்வர்.

அவ்வாறு அணியும்போது அவர்கள் அதனை சரிவர பாதுகாக்கவில்லை என்றால், அது வாகனத்தின் சக்கரத்தில் சிக்கி, வாகனம் விபத்துக்குள்ளாகி உயிரிழக்க நேரிடும். இதுபோன்ற செய்திகள் அதிகமானவை நாம் அறிந்த ஒன்றே.

அதோடு இது போன்ற சம்பவத்தால் பல குடும்பங்கள் சோகத்தில் மூழ்கியே இருக்கிறது. அதுபோன்ற ஒரு சம்பவம்தான் தற்போது கேரளாவில் அரங்கேறியுள்ளது. கேரள மாநிலம் காசர்கோடு அருகே உள்ள தலப்பாடி என்ற பகுதியை சேர்ந்தவர் ரஞ்சன்.

இவருக்கும் அதே பகுதியை சேர்ந்த ஜெயஷீலா (24) என்ற இளம்பெண்ணுக்கு கடந்த ஆண்டு திருமணமானது. இருவரும் மகிழ்ச்சியாக வாழ்ந்து வரும் நிலையில், தனது மனைவியின் விருப்பத்திற்காக ரஞ்சன் அவரை வேலைக்கு செல்ல அனுமதித்துள்ளதாக கூறப்படுகிறது.

இதனால் ஜெயஷீலா அவர் இருக்கும் பகுதிக்கு அருகில் இருக்கும் பேக்கரி ஒன்றில் வேலை பார்த்து வந்துள்ளார். இந்த நிலையில் சம்பாவத்தன்று அவருக்கு பிறந்த நாள். எனவே புது சுடிதார் ஒன்றை அணிந்து சென்றுள்ளார். அப்போது அவருக்கு ஏதுவாக ஷால் (துப்பட்டா) அணிந்தும் உள்ளார்.

அவர் அங்கிருந்த ஒரு பெரிய கிரைண்டரில் மாவு அரைத்துக்கொண்டிருந்தார். அந்த சமயத்தில் கிரைண்டரில் அவரது ஷால் எதிர்ப்பாராத விதமாக சிக்கியது.

இதில் நிலைகுலைந்துபோன அவர் தட்டு தடுமாறி கீழே விழுந்தார். விழுந்ததில் அவருக்கு இரத்தத்துடன் படுகாயம் ஏற்பட்டது. இதையடுத்து அங்கிருந்தவர்கள் மீட்டு அவரை மருத்துவமனைக்கு கொண்டு சென்றனர்.

மருத்துவமனையில் ஜெயஷீலாவை பரிசோதித்த மருத்துவர்கள், அவர் ஏற்கனவே இறந்துவிட்டதாக தெரிவித்தனர். இதையடுத்து இதுகுறித்து காவல்துறைக்கு கொடுக்கப்பட்ட தகவலின்பேரில் சம்பவ இடத்திற்கு விரைந்த அதிகாரிகள், இது குறித்து வழக்குப்பதிவு செய்து விசாரணை மேற்கொண்டனர்.

துப்பட்டா அணியும் பெண்கள் மிகவும் பாதுகாப்பாக இருக்க வேண்டும் என அப்பகுதி மக்கள் அறிவுறித்தியுள்ளனர். பிறந்த நாளன்று வேலைக்கு சென்ற இளம்பெண், கிரைண்டரில் துப்பட்டா சிக்கி பரிதாபமாக உயிரிழந்துள்ளது கேரளாவில் பெரும் சோகத்தை ஏற்படுத்தியுள்ளது.

டுவிட்டரில்..

பள்ளிக்கு செல்லும் சிறுவன் ஒருவன் தனது தம்பியால் நடக்க முடியவில்லை என்பதால் அவனை தூக்கிக் கொண்டு செல்லும் காட்சி டுவிட்டரில் வைரலாகி வருகின்றது.

பொதுவாக உடன்பிறப்புகளின் பாசம் என்பது அதனை வார்த்தையால் கூறி விடமுடியாது. அந்த அளவிற்கு உணர்வுப் பூர்வமான பாசம் நிறைந்த ஒரு உறவாகும். இங்கு காணொளியில் சிறுவன் ஒருவன் பள்ளிக்கு செல்கின்றான்.

உடன் சிறுவயது அவன் தம்பியும் செல்லும் நிலையில், தம்பியால் நடக்கமுடியவில்லை என்பதால், தனது புத்தகப் பையையும், தம்பியையும் கஷ்டப்பட்டு தூக்கிக்கொண்டு பள்ளிக்கு செல்கின்றான்.

இதனை அந்த சாலையில் வழியாக சைக்கிளில் சென்ற வாலிபர் ஒருவர் காணொளியாக எடுத்து இணையத்தில் வெளியிட்டுள்ளார்.

உடன்பிறப்பே😍❣️ pic.twitter.com/qhlfDWEpAO

— செல்வம் அரசுப்பள்ளி ஆசிரியர்.. (@selvachidambara) February 12, 2023

செங்கல்பட்டில்..

செங்கல்பட்டு மாவட்டம் சிங்கப்பெருமாள் கோவில் செங்குன்றம் வரதராஜன் பகுதியைச் சேர்ந்தவர் அசோக். பட்டதாரி வாலிபரான இவர் தனியார் நிறுவனம் ஒன்றில் வேலை பார்த்து வந்துள்ளார்.

இவர் கல்லூரி படிக்கும் போது அதே கல்லூரியில் படித்து வந்த பெண் ஒருவருடன் நண்பராகப் பழகி வந்துள்ளார். கல்லூரி முடிந்த பிறகும் இவர்கள் இருவரும் சந்தித்துப் பேசி வந்துள்ளனர்.

இந்நிலையில் சில மாதங்களுக்கு முன்பு அந்த தோழி இறந்து விட்டார். இது பற்றி அறிந்த அசோக்கை கடுமையாக பாதித்துள்ளது. பிறகு இவர் யாருடனும் பேசாமல், அவ்வப்போது தனியாகவே இருந்து வந்துள்ளார்.

இந்நிலையில் வீட்டில் யாரும் இல்லாதபோது அசோக் தூக்கிட்டு தற்கொலை செய்து கொண்டுள்ளார். இதைப்பார்த்து அதிர்ச்சியடைந்த அவரது பெற்றோர் மற்றும் உறவினர்கள் போலிஸாருக்கு தகவல் கொடுத்துள்ளனர்.

பிறகு அங்கு வந்த போலிஸார் அசோக் உடலை மீட்டு உடற்கூறு ஆய்விற்காக அனுப்பிவைத்தனர். பின்னர் இந்த சம்பவம் குறித்து போலிஸார் வழக்குப் பதிவு செய்து உறவினர்களிடம் விசாணை நடத்தினர்.

இதில் தோழியாகப் பழகி வந்த பெண் திடீரென இருந்துவிட்டதால் மன உலைச்சல் அடைந்த அசோக் சம்பவத்தன்று தற்கொலை செய்து கொண்டது தெரியவந்துள்ளது.

மேலும் வேறு காரணங்கள் ஏதாவது உள்ளதா என்பது குறித்து விசாரணை மேற்கொண்டு வருகின்றனர். தோழி இறந்த துக்கத்தில் அசோக் என்ற வாலிபர் உயிரிழந்த சம்பவம் சோகத்தை ஏற்படுத்தியுள்ளது.

விழுப்புரத்தில்..

விழுப்புரம் மாவட்டம் மேல்மலையனூர் அருகிலுள்ள சிறுதலைப்பூண்டி கிராமத்தை சேர்ந்தவர் மணிகண்டன் விவசாய கூலிவேலை செய்து வருகிறார். இருவருக்கு ஃபேஸ்புக் ( Facebook ) மூலமாக காரைக்கால் பகுதியை சேர்ந்த மகாலட்சுமி என்ற பெண் அறிமுகமாகியுள்ளார்.

தன்னை அனாதை என அறிமுகம் செய்துக்கொண்ட மகாலட்சுமி கடந்த 3 மாதங்களாக மணிகண்டனுடன் நட்பாக பழகி வந்துள்ளார். பின்னர் இருவருக்கும் காதல் ஏற்பட்டுள்ளது. மணிகண்டன் தனது காதல் குறித்து தாயிடம் தெரிவித்துள்ளார்.

இந்நிலையில், குடும்பத்தினரின் சம்மதத்துடன் காரைக்கால் சென்று மகாலட்சுமியை சொந்த ஊரான சிறுதலைப்பூண்டி கிராமத்திற்கு அழைத்து வந்துள்ளார். கடந்த நவம்பர் 18ம் தேதி அவலூர்பேட்டை முல்லை நகரில் உள்ள அங்காளம்மன் கோயில் உறவினர்கள் முன்னிலையில் திருமணம் செய்துக்கொண்டுள்ளார்.

ஒரு மாதம் மணிகண்டனுடன் குடும்பம் நடத்தி வந்த மகாலட்சுமி டிசம்பர் 11ம் தேதி வீட்டில் யாரும் இல்லாத நேரத்தில் வீட்டில் இருந்த 8 பவுன் தங்க நகை, ரூ.1,00,000 லட்சம் ஆகியவற்றை எடுத்துக்கொண்டு காரில் தப்பி சென்றுள்ளார்.

மணிகண்டன் வீட்டிற்கு வந்து பார்த்தபோது மகாலட்சுமியை காணவில்லை. இதனால் பல இடங்களில் அவரை தேடியுள்ளார். அப்போது மகாலட்சுமி காரில் சென்றதை பார்த்த கிராமத்தினர் இதுகுறித்து மணிகண்டனிடம் தெரிவித்தனர்.

இதையடுத்து, தொலைப்பேசியில் மகாலட்சுமியை மணிகண்டன் தொடர்புக்கொண்டுள்ளார். ஆனால் மகாலட்சுமி பதிலளிக்கவில்லை. சில நாட்களுக்கு பிறகு தொலைப்பேசியில் பேசிய மகாலட்சுமி வெவ்வேறு இடங்களில் இருப்பதாக கூறி ஏமாற்றி வந்துள்ளார்.

ஒரு கட்டத்தில் தன்னை தேடி வந்தால் கொலை செய்துவிடுவதாக கூறி மணிகண்டனுக்கு மகாலட்சுமி கொலை மிரட்டல் விடுத்துள்ளார். இதனால் அதிர்ச்சியடைந்த மணிகண்டன் நேற்று மாலை செஞ்சி காவல்துணை கண்காணிப்பாளர் அலுவலகத்தில் புகார் அளித்துள்ளார்.

அதன் அடிப்படையில் வளத்தி காவல்துறையினர் வழக்கு பதிவு செய்து விசாரணை மேற்கொண்டு வருகின்றனர். முகநூலில் பழகி திருமணம் செய்த பெண் ஒரு மாதம் குடும்பம் நடத்திவிட்டு நகை, பணத்துடன் இளைஞர் ஏமாற்றிவிட்டு தப்பியோடிய சம்பவம் பரபரப்பை ஏற்படுத்தியுள்ளது.