இந்தியாவில்..

அரிய வகை நோயால் பாதிக்கப்பட்ட 16 வயது சிறுவன் ஒருவரை அவ்வூர் மக்கள் ஒதுக்கி வைத்துள்ளனர். ஊனம், உடல் நலக்குறைப்பாடு, தசை குறைப்பாடு, மூளை வளர்ச்சியின்மை என பல்வேறு வியாதிகளால் பாதிக்கப்பட்டவர்களை ஒரு சிலர் அனுதாபத்தோடு பார்ப்பார்கள், ஒரு சிலர் ஏதோ வேற்றுகிரகவாசி போல் பார்ப்பார்கள்.

குழந்தைகள் கடவுளின் படைப்பு என்பார்கள். ஒரு குழந்தை எப்படி இருந்தாலும் அப்படியே ஏற்றுக்கொள்வது தாய் மட்டும் தான். இந்தியாவில் ஜார்கண்ட் மாநிலத்தில் 16 வயதான சிறுவன் முகமது கலீம். இவர் மேக்ரோடாக்டிலியால் என்ற அரிய வகை நோயால் பாதிக்கப்பட்டுள்ளார்.

இதனால் குறித்த சிறுவனின் ஒரு கை எட்டு கிலோ எடையுடனும் ஐந்து விரல்களும் பெரிது, சிறிததாக இருக்கும். இதன்காரணமாக அக்கிராம மக்கள் சிறுவனை “பிசாசின் குழந்தை” என கூறுவார்கள்.

சிறுவனின் தோற்றத்தைக் கண்டு யாரும் நட்பாக பேசுவதில்லையாம், பழகுவதில்லையாம், இவரைக் கண்டு அனைவரும் பயந்து விடுவார்கள் என்று பெற்றோர்கள் சிறுவனை பள்ளிக்கு கூட அனுப்புவதில்லையாம்.

இச்சிறுவனின் பெற்றோர்கள் கூலித் தொழிலாளர்கள். சிறுவனுக்கு 10 வயது இருக்கும் போது அவரது தந்தை சிகிச்சைக்காக வைத்தியசாலைக்கு அழைத்துச் சென்றுள்ளார்.

வைத்தியர்கள் அறுவை சிகிச்சை செய்துள்ளார்கள். அறுவை சிகிச்சைக்குப்பின் சிறுவனின் உடலில் மாற்றம் எற்பட வில்லை. மேலும் சிகிச்சைக்குப் பின்னரே சிறுவனின் கை விரல்கள் பெரிதாகியுள்ளதாக தெரிவிக்கப்பட்டுள்ளது.

தனது அன்றாட தேவைகளுக்கு கூட மற்றவர்கள் உதவியை நாடவேண்டியுள்ளது. மகனின் இந்த நிலையைக் கண்டு சிறுவனின் பெற்றோர் வேதனையுடன் நாட்களைக் கடந்து வருகின்றனர்.

உத்திர பிரதேசத்தில்..

இரண்டு நபர்கள் காதலிப்பதற்கு ஜாதி, மதம், பணம், அந்தஸ்து, மொழி, இனம் உள்ளிட்ட எந்தவொரு விஷயங்களும் தடையாக இருக்காது என்பது அனைவரும் அறிந்ததே.

இவை அனைத்தையும் தாண்டி உன்னதமாக நிலைத்து நிற்கும் பல காதல்கள் ஜெயித்து சிறந்த முறையில் அவர்கள் வலம் வருவது தொடர்பான செய்தியை கூட நாம் நிறைய கேள்விப்பட்டிருப்போம்.

அந்த வகையில் ஒரு காதல் கதை குறித்த செய்தி தான் தற்போது இணையத்தில் அதிகம் வைரல் ஆகி பலரையும் மனம் நெகிழ வைத்துள்ளது. உத்திர பிரதேச மாநிலம் தியோரா மாவட்டத்தை சேர்ந்தவர் சன்வர் அலி.

இவர் கடந்த 2015 ஆம் ஆண்டு முதல் ஆன்லைன் மூலம் ஸ்போக்கன் இங்கிலீஷ் கற்றுக் கொண்டிருந்ததாக தகவல்கள் தெரிவிக்கிறது. அந்த சமயத்தில் இந்தோனேசியாவை சேர்ந்த மிஃப்தாவுல் ஜன்னா என்ற பெண்ணும் பேஸ்புக் மூலம் சன்வர் அலிக்கு அறிமுகமானதாக சொல்லப்படுகிறது.

அப்போது, தான் கற்ற ஆங்கிலம் மூலம் ஜன்னாவிடம் பேச தொடங்கி உள்ளார் சன்வர். இந்தோனேஷியாவில் தனது தாய் மற்றும் இரண்டு சகோதரிகளுடன் வசித்து வரும் மிஃப்தாவுல் ஜன்னா, பட்டப்படிப்பு முடித்துவிட்டு தனியார் பள்ளியில் ஆசிரியராக பணியாற்றி வருவதாகவும் சொல்லப்படுகிறது.

கடந்த 2017 ஆம் ஆண்டு இந்தியாவின் தென்பகுதியில் புயல் வந்ததை அறிந்த மிஃப்தாவுல் ஜன்னா, சன்வர் அலி மற்றும் அவரது குடும்பத்தினரும் பாதுகாப்பாக இருக்கிறார்களா என்று கேட்டு அறிந்து கொண்டுள்ளார். அதனைத் தொடர்ந்து இருவருக்கும் இடையேயான பிணைப்பு அதிகமானதாகவும் சொல்லப்படுகிறது.

அப்படி இருக்கையில் தன்னுடைய காதலை முதன் முதலில் சன்வர் அலி மிஃப்தாவுல் ஜன்னாவிடம் வெளிப்படுத்தி உள்ளார். இதற்கு பதில் சொல்ல நேரம் எடுத்துக் கொண்ட மிஃப்தாவுல் ஜன்னா, சுமார் ஆறு மாத காலம் கழித்து சன்வர் அலியின் காதலை ஏற்றுக் கொண்டுள்ளார் என்றும் சொல்லப்படுகிறது.

இதனைத் தொடர்ந்து, கடந்த 2018 ஆம் ஆண்டு இந்தோனேசியாவுக்கு சென்ற சன்வர் அலி, மிஃப்தாவுல் ஜன்னா மற்றும் அவரது குடும்பத்தினரை முதன் முறையாக நேரில் சந்தித்துள்ளார்.

இருவரது குடும்பத்தினரும் எந்தவித எதிர்ப்பையும் காட்டாமல் அவர்கள் திருமணத்திற்கும் சம்மதம் சொல்லியுள்ளனர். இதனையடுத்து, கடந்த 2019 ஆம் ஆண்டு மீண்டும் இந்தோனேசியா சென்ற சன்வர் அலிக்கும், மிஃப்தாவுல் ஜன்னாவுக்கும் நிச்சயதார்த்தம் நடந்துள்ளது.

திருமணத்திற்கான ஏற்பாடுகளுக்கு திட்டம் போட்டு வந்த நிலையில், கொரோனா பரவல் தொடங்கி உள்ளது. இதனால், திருமண வேலைகளும் நிறுத்தப்பட்ட நிலையில், கடந்த அக்டோபர் மாதம் சன்வர் – ஜன்னா திருமணம் நடந்துள்ளது.

இதனைத் தொடர்ந்து, கடந்த மாதம், உத்தர பிரதேச மாநிலம், தியோரா மாவட்டத்தில் வைத்து அவர்களின் திருமண வரவேற்பும் நடந்துள்ளது. ஆன்லைன் மூலம் பழக்கம் ஏற்பட்டு, ஆங்கிலத்தின் உதவியுடன் இந்தோனேஷியா பெண்ணுடன் காதலித்து அவரை இந்திய இளைஞர் திருமணமும் செய்து கொண்ட செய்தி, தற்போது அதிகம் வைரலாகி வருகிறது.

கர்நாடகாவில்..

கர்நாடகாவை சேர்ந்த பள்ளி மாணவி ஒருவர் பாலியல் சீண்டல்களில் இருந்து பெண்களை பாதுகாக்கும் வகையில் காலணி ஒன்றை கண்டுபிடித்திருக்கிறார். இந்தியாவையே உலுக்கிய சம்பவம் நிர்பயா கொலை வழக்கு.

அதில் இருந்து பெண்களை பாதுகாக்க ஒவ்வொரு மாநில அரசும் பல்வேறு வகைகளில் புதிய புதிய திட்டங்களை செயல்படுத்தி வருகின்றன. அதேபோல, பெண்களின் பாதுகாப்பை உறுதிப்படுத்தும் நோக்கில் புதிய கண்டுபிடிப்புகளை உருவாக்க மாணவ, மாணவியர்களை தொடர்ந்து ஊக்குவித்தும் வருகின்றன அரசுகள்.

சில தனியார் நல அமைப்புகளும் இந்த பணிகளை மேற்கொண்டு வருவது குறிப்பிடத்தக்கது. அந்த வகையில், கர்நாடகாவை சேர்ந்த பள்ளி மாணவி ஒருவர் பெண்கள் பாதுகாப்புக்கான பிரத்யேக காலணிகளை உருவாக்கி இருக்கிறார். கர்நாடகா மாநிலத்தில் 10 ஆம் வகுப்பு படித்து வரும் மாணவி விஜயலட்சுமி.

இவர் மின் இணைப்பு கொண்ட காலணி ஒன்றை வடிவமைத்திருக்கிறார். இதில் பேட்டரிகள் பொருத்தப்பட்டிருக்கின்றன. இதன் மூலம், யாரேனும் தொந்தரவு கொடுக்க முயன்றால் அவர்களை எட்டி மிதிக்கலாம் எனவும் அப்போது அவர்களது உடலில் சில வினாடிகளுக்கு மின்சாரம் பாயும் எனவும் கூறுகிறார் விஜயலக்ஷ்மி.

தாக்க வரும் நபர் மீது மின்சாரம் தாக்குவதால் பெண்கள் தங்களை தற்காத்துக்கொள்ளலாம் எனவும் அதே நேரத்தில், காலணியில் ஜிபிஎஸ் கருவியும் பொருத்தப்பட்டிருப்பதாக கூறுகிறார் மாணவி விஜயலக்ஷ்மி.

ஜிபிஎஸ் கருவி மூலமாக ஆபத்தில் உள்ள பெண்ணின் உறவினர்களுக்கு தகவல் செல்லும் எனவும் அவர் தெரிவித்திருக்கிறார். இந்த கண்டுபிடிப்பை விஜயலக்ஷ்மி பயின்று வரும் பள்ளியின் ஆசிரியர்கள் அனைவருமே பாராட்டி இருக்கின்றனர்.

அதனுடன் இந்த கண்டுபிடிப்பை கோவாவில் நடைபெற்ற சர்வதேச புதிய கண்டுபிடிப்புகளுக்கான கண்காட்சியில் பார்வைக்கு வைத்திருக்கிறார் இந்த மாணவி. இந்த பாதுகாப்பு காலணி பரிசையும் வென்றிருப்பது குறிப்பிடத்தக்கது.

பெண்களின் பாதுகாப்பை உறுதிப்படுத்தும் நோக்கில் மாணவி கண்டுபிடித்துள்ள இந்த காலணி பலரையும் ஈர்த்துள்ள நிலையில், அந்த மாணவியையும் பலரும் பாராட்டி வருகின்றனர்.