திருச்சியில்..

தொழிலில் ஏற்பட்ட நஷ்டத்தால் ஃபேஷன் டிசைனராக இருந்து வந்த பெண் தூக்கிட்டு தற்கொலை செய்து கொண்ட சம்பவம் பேரதிர்ச்சியை ஏற்படுத்தி உள்ளது. திருச்சி மாவட்டம், சமயபுரம் அருகே தாளக்குடி அம்மன் நகரை சேர்ந்த சண்முகவேல் என்பவரது மனைவி 36 வயதுடைய பத்மப்ரியா.

இந்த தம்பதியினருக்கு பெண் குழந்தை ஒன்று உள்ளது. ஃபேஷன் டிசைனரான இவர் திருச்சி மாவட்டம், திருவானைக்காவல் பகுதியில் தையல் கடை வைத்து நடத்தி வந்தார். கிறிஸ்துமஸ் பண்டிகைக்கான பரிசுகள்,அலங்காரங்கள், பார்ட்டி மற்றும் கொண்டாட்டங்களில் அத்தியாவசியங்களைப் கிராப் செய்யுங்கள்

இந்த நிலையில் தொழிலில் நஷ்டம் ஏற்படவே மனவேதனையில் இருந்து வந்த பத்மப்ரியா வீட்டில் யாரும் இல்லாத நேரத்தில் மின் விசிறியில் சுடிதார் துப்பட்டாவால் தூக்கிட்டு தற்கொலை செய்து கொண்டதாக கூறப்படுகிறது.

தகவல் அறிந்த கொள்ளிடம் போலீசார் சம்பவ இடத்திற்கு விரைந்து சென்று பத்மப்ரியாவின் உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர்.

தொழிலில் ஏற்பட்ட நஷ்டம் காரணமாக அவர் மன உளைச்சலில் இருந்ததாக கூறப்படுகிறது. இதன் விளைவாக பத்மபிரியா வீட்டில் தனியாக இருந்தபோது தூக்கமாட்டி தற்கொலை செய்து கொண்டதாக போலீசாரின் முதல்கட்ட விசாரணையில் தெரிய வந்துள்ளது.

மேலும் இந்த சம்பவம் குறித்து போலீசார் வழக்கு பதிவு செய்து விசாரணை நடத்தி வருகின்றனர். தொழிலில் ஏற்பட்ட நஷ்டத்தால் பெண் தூக்கிலிட்டு தற்கொலை செய்து கொண்ட சம்பவம் சமயபுரம் பகுதியில் பரபரப்பையும், சோகத்தையும் ஏற்படுத்தி உள்ளது.

கர்நாடகாவில்..

கர்நாடக மாநிலம் ஹாவேரி மாவட்டம் ஹிரேகரூர் தாலுகா கொடடா என்ற இடத்தில் தேனிலவு முடிந்து வீடு திரும்பிய புது மாப்பிள்ளை விபத்தில் சிக்கி உயிரிழந்த சம்பவம் சோகத்தை ஏற்படுத்தியுள்ளது.

தாவணகெரே மாவட்டம் ஜிக்லியை சேர்ந்தவர் சஞ்சய். இவருக்கும் பிரீத்தி என்ற பெண்ணுக்கும் கடந்த நவம்பர் 28ம் தேதி திருமணம் நடந்தது. தேனிலவுக்கு பல்வேறு இடங்களுக்குச் சென்றனர். ஞாயிற்றுக்கிழமை, ஷிராசி மாரிகாம்பா தேவி கோவிலில் தரிசித்துவிட்டு திரும்பிக் கொண்டிருந்தபோது, ​​அவர்களது பைக் டிராக்டர் மீது மோதியது.

இதில் பலத்த காயம் அடைந்த இருவரையும் அக்கம் பக்கத்தினர் மீட்டு மருத்துவமனைக்கு அனுப்பி வைத்தனர். வழியில் சஞ்சய் உயிர் இழந்தார். கணவரின் மரணம் குறித்து அறிந்த பிரீத்தி கதறி அழுதார். இந்த கோர சம்பவம் பெரும் சோகத்தை ஏற்படுத்தியுள்ளது.

வேலூரில்..

காதலிச்சு, பெற்றோர்கள் சம்மதத்துடன் கல்யாணம் செய்து கொண்ட பின், சந்தோஷமாக வாழ்ந்து வந்த ஜோடி. கடந்த ஒரு மாதத்துக்கு முன்பாக கணவர் இறந்த நிலையில், காதல் கணவர் இறந்த துயரத்தில் இருந்து மீள முடியாமல் மனைவி தூக்கிட்டு தற்கொலை செய்து கொண்ட சம்பவம் வேலூரில் பெரும் சோகத்தை ஏற்படுத்தி உள்ளது.

வேலூர் சத்துவாச்சாரி பகுதியைச் சேர்ந்தவர் கார்த்திக். இவரது மனைவி ஷர்மிளா (30). ஷர்மிளா வேலூரில் உள்ள தனியார் மருத்துவமனை ஒன்றில் பணிபுரிந்து வந்தார்.

இருவரும் வெவ்வேறு சமூகத்தை சேர்ந்தவர்களாக இருப்பினும், இவர்களது காதலுக்கு இரு வீட்டு பெரியவர்களும் சம்மதம் தெரிவித்திருந்தனர். இதனால், கடந்த இரண்டரை ஆண்டுகளுக்கு முன்பு இந்த காதல் ஜோடி திருமணம் செய்து கொண்ட நிலையில், இவர்களுக்கு ஒன்றரை வயதில் பெண் குழந்தை ஒன்று உள்ளது.

இந்நிலையில் கார்த்திக் கடந்த மாதம் திடீரென தூக்குப்போட்டு தற்கொலை செய்து கொண்டார். தனது காதல் கணவர் திடீரென தற்கொலைச் செய்து கொண்டதால் ஷர்மிளா மிகவும் மனவேதனையுடன் இருந்து வந்துள்ளார்.

மகள் பித்து பிடித்தாற்போன்று இருப்பதால், மகளைத் தனியே விடாமல், அலமேலுமங்காபுரம் பாப்பாத்தி அம்மன் கோவில் தெருவில் உள்ள தனது வீட்டிற்கு குழந்தையுடன் அழைத்து சென்றுள்ளார் ஷர்மிளாவின் தாய்.

கணவரின் மரணத்தால், துக்கம் தாங்காமல் அடிக்கடி ஷர்மிளா மிகவும் மனஉளைச்சலுக்குள்ளாகி தனிமையில் அழுததாகவும், அவருக்கு பெற்றோர் ஆறுதல் கூறி தேற்றியதாகவும் கூறப்படுகிறது. இந்நிலையில் வீட்டில் யாரும் இல்லாத போது ஷர்மிளா மின்விசிறியில் தூக்கில் தொங்கினார்.

வெளியே சென்றிருந்த ஷர்மிளாவின் தாயார், சிறிது நேரத்துக்கு பின்னர் வீட்டிற்கு திரும்பிய நிலையில், மகள் தூக்கில் தொங்குவதைக் கண்டு, அதிர்ச்சி அடைந்த நிலையில், உடனடியாக அக்கம் பக்கத்தினரின் உதவியுடன் ஷர்மிளாவை மீட்டு சிகிச்சைக்காக தனியார் மருத்துவமனைக்கு கொண்டு சென்றனர்.

அங்கு அவரை பரிசோதித்த டாக்டர்கள் ஏற்கனவே இறந்து விட்டதாக தெரிவித்தனர். இது குறித்து ஷர்மிளாவின் தந்தை சௌந்தரராஜன் சத்துவாச்சாரி போலீசில் புகார் அளித்தார்.

புகாரின் பேரில் போலீசார் வழக்குப் பதிவு செய்து விசாரணை நடத்தி வருகிறார்கள். காதல் கணவர் இறந்த ஒரு மாதத்தில் மனைவி தூக்குப் போட்டு தற்கொலை செய்து கொண்ட சம்பவம் அப்பகுதியில் சோகத்தை ஏற்படுத்தி உள்ளது.

திருப்பூரில்..

திருப்பூரில் வாடகை வீட்டில் தங்கி இருந்த மதுரையை சேர்ந்த காதல் தம்பதியினர் தங்களின் விருப்பப்படி தங்களை வாழ விடாததால் தற்கொலை செய்து கொள்வதாக கடிதம் எழுதி வைத்துவிட்டு தற்கொலை செய்து கொண்டுள்ளது பரிதாபத்தை ஏற்படுத்தியிருக்கிறது.

மதுரை மாவட்டம் திருமங்கலத்தை சேர்ந்தவர்கள் மாரி (வயது20) , சீதா (16) காதல் தம்பதியினர் இவர்கள் உறவு முறையில் அண்ணன் தங்கை என்பதால் இவர்கள் காதல் விவகாரம் இவர்களது வீட்டிற்கு தெரிய வந்தது. இதனால் இருவரது உறவினர்களும் இவர்களை பிரித்து வைத்துள்ளனர்.

இந்நிலையில் தங்கள் விருப்பப்படி வாழ வேண்டும் என்பதற்காக கடந்த ஐந்தாம் தேதி மதுரையில் உள்ள தங்கள் வீட்டை விட்டு வெளியேறிய இருவரும் திருப்பூர் வந்து கடுக்கார் தோட்டம் பகுதியில் வாடகைக்கு வீடு எடுத்து தங்கி உள்ளனர் .

மேலும் வாழ்வாதாரத்திற்காக அருகில் உள்ள கட்டட வேலைக்கு இருவரும் சென்று வந்துள்ளனர். இவர்கள் இருவரையும் காணவில்லை என சீதாவின் பெற்றோர் மதுரை திருமங்கலத்தில் உள்ள காவல் நிலையத்தில் புகார் அளித்திருந்த நிலையில் சீதாவின் தொலைபேசியின் மூலம் அவரது உறவினர் அழைத்து மதுரை வர வற்புறுத்தி உள்ளதாக தெரியவருகிறது.

இந்நிலையில் மீண்டும் தங்களது உறவினர்கள் தங்களை பிரித்து விடுவார்கள் என்ற அச்சத்தினால் நேற்று இரவு இருவரும் விஷம் அருந்தி தூக்கிட்டு தற்கொலை செய்து கொண்டுள்ளனர்.

இன்று காலை வீடு திறக்கப்படாமல் இருந்த நிலையில் வீட்டின் உரிமையாளர் சென்று பார்த்தபோது இருவரும் சடலமாக கிடப்பது தெரிய வந்தது .

உடனடியாக காவல்துறையினருக்கு தகவல் அளித்ததன் பேரில் சம்பவ இடத்திற்கு வந்த நல்லூர் காவல்துறையினர் உடல்களை கைப்பற்றி பிரேத பரிசோதனைக்காக திருப்பூர் மாவட்ட அரசு தலைமை மருத்துவமனை மருத்துவ கல்லூரிக்கு அனுப்பி வைத்தனர்.

மேலும் வீட்டில் இவர்கள் எழுதி வைத்திருந்த கடிதத்தையும் காவல்துறையினர் கைப்பற்றியுள்ளனர் இதில் தாங்கள் இருவரும் விருப்பப்படி வாழ திருப்பூர் வந்த நிலையில் எங்களின் இந்த முடிவுக்கு சில பேர் காரணம் எனவும்,

100 வருடம் வாழ விருப்பப்பட்டதாகவும் வேறு வழியில்லாமல் இந்த முடிவு எடுத்திருப்பதாக கடிதம் எழுதி வைத்திருந்தனர் இதனையும் காவல்துறையினர் கைப்பற்றி விசாரணை மேற்கொண்டு வருகின்றனர்.

சென்னையில்..

சென்னை கிறிஸ்தவ கல்லூரியில் முதலாமாண்டு படித்து கொண்டிருந்த மாணவர்கள் தாமஸ், ஜோஷ்வா இருவரும் தாம்பரத்தில் இருசக்கர வாகனத்தில் சென்று கொண்டிருந்த போது, திடீரென அதிவேகம் காரணமாக நிலைத்தடுமாறி, சரேலென நடுரோட்டில் மோட்டார் சைக்கிள் கீழே விழுந்தது.

இந்த விபத்தில், பின்னால் வந்த லோடு வேன் ஏறியதில் இருவரும் சம்பவ இடத்திலேயே பலியான சம்பவம் சோகத்தை ஏற்படுத்தியுள்ளது.சென்னை அண்ணாநகர் கிழக்கு பகுதியைச் சேர்ந்தவர் கயல் தாமஸ் (18). இவர் தாம்பரம் கிறிஸ்தவ கல்லூரியில் இளங்கலை முதலாம் ஆண்டு சமுக பணி படித்து வந்தார்.

அதே கல்லூரியில் அனகாபுத்துரை சேர்ந்த கிளமன் ஜோஷ்வா (17) என்பவரும் இளங்கலை முதலாம் ஆண்டு சமுக பணி படித்து வந்தார். இவர்கள் இருவரும் இணை பிரியா நண்பர்கள்.

இந்நிலையில் தாம்பரம் சானடோரியம் ஜி.எஸ்.டி.சாலையில் தாம்பரத்தில் இருந்து பல்லாவரம் நோக்கி வந்த இருசக்கர வாகனம் மெப்ஸ் சிக்னலிலிருந்து புறப்பட்டு வேகமாக சென்றுள்ளது. முன்னால் சென்று கொண்டிருந்த கார் ஒன்றை முந்திச் செல்ல முயன்றுள்ளனர். அப்போது நிலை தடுமாறி இருவரும் சாலையில் கீழே விழுந்துள்ளனர்.

அப்போது பின்னால் வந்த ஈச்சர் வேன் கீழே விழுந்த இருவர் மீதும் ஏறி இறங்கியதில் தலை மற்றும், தோள்பட்டை நசுங்கி இருவரும் சம்பவ இடத்திலேயே பரிதாபமாக உயிரிழந்தனர்.

இது குறித்து தகவல் அறிந்து சம்பவ இடத்திற்கு விரைந்து வந்த குரோம்பேட்டை போக்குவரத்து புலனாய்வு பிரிவு போலீசார் இருவரின் உடலை கைப்பற்றி பிரேத பரிசோதனைக்காக குரோம்பேட்டை அரசு மருத்துவமனைக்கு அனுப்பி வைத்து விசாரித்தனர்.

விசாரணையில் இருவரும் நேற்று தேர்வு எழுதி விட்டு வீட்டிற்கு திரும்பி சென்ற போது விபத்து ஏற்பட்டுள்ளது. இதனிடையே தங்களது நண்பர்கள் சாலை விபத்தில் இறந்த தகவல் அறிந்து குரோம்பேட்டை அரசு மருத்துவமனை வளாகத்தில் கல்லூரி மாணவர்கள் மொத்தமாக திரண்டதால் பரபரப்பு ஏற்பட்டது.

கன்னியாகுமரியில்..

மனைவியை வெட்டிக் கொலைசெய்துவிட்டு தப்பி ஓடிய எபினேசர், போலீஸுக்குப் பயந்து விஷம் குடித்து தற்கொலைக்கு முயன்றுள்ளார். கன்னியாகுமரி மாவட்டம், மூலச்சல் பகுதியைச் சேர்ந்தவர் ஜெபசிங். மின் வாரிய ஊழியரான இவரின் மூத்த மகள் ஜெபபிரின்ஸா (32).

இவர் 14 வருடங்களுக்கு முன்பு அழகியமண்டபம் பகுதியைச் சேர்ந்த டெம்போ டிரைவர் எபினேசர் என்பவரை காதலித்து பெற்றோர் எதிர்பையும் மீறி வீட்டைவிட்டு வெளியேறிச் சென்று திருமணம் செய்தார். இவர்களுக்கு இரண்டு குழந்தைகள் உள்ளன.

ஆனால், எபினேசர் குடித்துவிட்டு ஊர்சுற்றியதால் அவரது குடும்பம் வறுமையில் வாடியது. சொகுசாக வாழ்ந்த தன்னுடைய மகள் காதலனை நம்பிச்சென்று இப்படி ஆகிவிட்டாரே என மனம் நொந்த தந்தை ஜெபசிங் மகளுக்கு உதவிச்செய்ய தொடங்கியுள்ளார்.

தன் மகள் ஜெபபிரின்ஸாவை பியூட்டிசியன் படிக்க வைத்தார் ஜெபசிங். பியூட்டிசியன் படித்துவந்ததுடன் திருவனந்தபுரம் பகுதியில் உள்ள ஒரு பியூட்டி பார்லரில் பணியாற்றியும் வந்துள்ளார் ஜெபபிரின்ஸா.ப

யூட்டி பார்லருக்கு வேலைக்குச் செல்லும் ஜெபபிரின்ஸா பணி நிமித்தமாக மேக்கப் தரித்து, நாகரிக ஆடைகளை அணிந்து சென்றுள்ளார். இதற்கு கணவர் எதிர்ப்பு தெரிவித்து வந்துள்ளார். இதனால் இருவருக்கும் இடையே அடிக்கடி தகராறு ஏற்பட்டுள்ளது.

சில சமயங்களில் பணி முடிந்து இரவு தாமதமாக வீட்டிற்கு வரும் மனைவியின் நடத்தை மீது சந்தேகமடைந்த எபினேசர் கடந்த சில தினங்களுக்கு முன்பு மனைவி ஜெபபிரின்ஸாவை அடித்துள்ளார். இதனால் கோபித்து கொண்ட அவர் தன் இரு குழந்தைகளுடன் மூலச்சல் உள்ள தன்னுடைய தாய் வீட்டிற்கு சென்றுவிட்டார்.

கடந்த வியாழக்கிழமை இரவு குடிபோதையில் ஜெபபிரின்ஸா வீட்டிற்குச் சென்ற எபினேசர், அவரிடம் சமாதானம் பேசி இனி இது போல் நடந்து கொள்ள மாட்டேன் புது வீடு கட்டுவதற்கு தந்தையிடம் இருந்து 10 லட்சம் ரூபாய் வாங்கி தந்தால் போதும் என பாசமாகப் பேசியுள்ளார்.

பின்னர் ஜெபபிரின்ஸாவை தனது வீட்டிற்கு அழைத்துச் செல்வதாகக்கூறி தனது பைக்கில் அழைத்துச் சென்றுள்ளார். முலச்சல் ஆற்றங்கரையில் இருட்டான பகுதியில் சென்றபோது பைக்கை நிறுத்திய எபினேசர் மனைவி ஜெபபிரின்ஸாவை கீழே இறக்கிவிட்டுள்ளார்.

பின்னர், தான் மறைத்து வைத்திருந்த அரிவாளால் ஜெபபிரின்ஸாவை சரமாரியாக வெட்டியுள்ளார் எபினேசர். இதில் நிலைகுலைந்து சாலையில் விழுந்த ஜெபபிரின்ஸா, ரத்த வெள்ளத்தில் சம்பவ இடத்திலேயே இறந்துள்ளார்.

ஜெபபிரின்ஸாவின் அலறல் சத்தம்கேட்டு அப்பகுதியினர் அங்கு கூடியதும் எபினேசர் பைக்கில் தப்பிச்சென்றுவிட்டார். தகவலின்பேரில் அங்கு சென்ற தக்கலை போலீஸார் ஜெபபிரின்ஸாவின் உடலை மீட்டு பிரேத பரிசோதனைக்காக ஆசாரிப்பள்ளத்தில் உள்ள கன்னியாகுமரி மருத்துவக் கல்லூரி மருத்துவமனைக்கு அனுப்பி வைத்தனர்.

பின்னர் தப்பி ஓடிய எபினேசரை தேடினர். போலீஸுக்கு பயந்து எபினேசர் விஷம் குடித்து தற்கொலைக்கு முயன்றுள்ளார். அதைப்பார்த்த அவரது உறவினர்கள் அவரை மார்த்தாண்டத்தில் உள்ள தனியார் மருத்துவமனையில் சிகிச்சைக்காக சேர்த்தனர். இந்தச் சம்பவம் குறித்து தக்கலை போலீஸார் வழக்கு பதிவுசெய்து விசாரணை நடத்தி வருகின்றனர்.