ஸ்ரீரங்கத்தில்..

ஸ்ரீரங்கத்தில் தகாத உறவு தொடர்பாக போலீசார் மிரட்டியதாக ட்ராவல்ஸ் அதிபர் தூக்கு போட்டு தற்கொலை செய்துகொண்ட சம்பவம் அதிர்ச்சியை ஏற்படுத்தியுள்ளது.

திருச்சி ஸ்ரீரங்கம் மேலூர் ரோடு, சாலை ரோடு அடுக்குமாடி குடியிருப்பு பகுதியில் வசித்து வந்தவர் சரவண செல்வன் (வயது 41) இவரது மனைவி லாவண்யா. இவர்களுக்கு இரண்டு குழந்தைகள் உள்ளனர்.சரவண செல்வன் அதே பகுதியில் டிராவல்ஸ் வைத்து நடத்தி வந்தார்.

இந்நிலையில், சரவண செல்வன் அலுவலகத்திற்கு அருகில் வசிக்கும் தனலட்சுமி என்ற பெண்ணுடன் அவருக்கு பழக்கம் ஏற்பட்டது. இந்த பழக்கம் நாளடைவில் கள்ளக்காதலாக மாறி உள்ளது. இந்நிலையில் சரவணன் செல்வன் அந்த பெண்ணுக்கு பல லட்சம் பணம் செலவு செய்து வந்ததாக தெரிகிறது.

இந்நிலையில் திடீரென்று தனலட்சுமியுடன் தொடர்பை சரவண செல்வன் நிறுத்திக் கொண்டார். இந்நிலையில் தனலட்சுமி ஸ்ரீரங்கம் காவல் நிலையத்தில் சரவண செல்வன் மீது புகார் கொடுத்ததாக தெரிகிறது .

இது குறித்து ஸ்ரீரங்கம் போலீசார் சரவண செல்வனை அழைத்து புகார் மனு குறித்து தீவிர விசாரணை நடத்தி வந்தனர். இந்த நிலையில் நேற்று வீட்டில் இருந்த சரவண செல்வன் இரவு வீட்டின் அறையில் தூங்குவதாக மனைவியிடம் கூறிவிட்டுஅறைக்கு சென்றவர் தூக்கு மாட்டி தற்கொலை செய்து கொண்டார்.

விடியற்காலை நீண்ட நேரம் ஆகியும் கணவர் காலையில் அறையில் இருந்து வெளியே வராத காரணத்தால் சந்தேகம் அடைந்த மனைவி அறைக்கு சென்று பார்த்தபோது சரவண செல்வன் தூக்கு மாட்டி தற்கொலை செய்து கொண்டிருப்பதை கண்டு மனைவி லாவண்யா அதிர்ச்சி அடைந்தார்.

இது குறித்து ஸ்ரீரங்கம் போலீசாருக்கு தகவல் தெரிவித்தனர். தகவல் அறிந்து ஸ்ரீரங்கம் போலீசார் சம்பவ இடத்திற்கு விரைந்து சென்று உடலை கைப்பற்றி உடற்கூறு ஆய்விற்காக ஸ்ரீரங்கம் அரசு மருத்துவமனைக்கு அனுப்பி வைத்தனர்.

இந்த சம்பவம் குறித்து ஸ்ரீரங்கம் போலீசார் விசாரணை நடத்தி வருகின்றனர். இந்நிலையில், உறவினர்கள் சரவண செல்வன் அறையில் இருந்த ஒரு கடிதத்தை கைப்பற்றி உள்ளனர். அந்த கடிதத்தில், தன்னுடைய தற்கொலைக்கு காரணம்.

தனலட்சுமி மற்றும் அவர் குடும்பத்தினர்தான் என் மரணத்திற்கு முழு பொறுப்பு. இவர்களுடன் காவல் துறையில் பணியாற்றும் திருமூர்த்தி, ரைட்டர் முத்துசாமி , ஸ்ரீ ட்ரெய்லர் கடையில் வேலை செய்யும் செல்வி மகன் லிஷாந்த், மகள் ஜோசிகா தனலட்சுமி ஆகியோர் பொறுப்பு என கடிதத்தில் குறிப்பிட்டுள்ளார் .

இந்த கடிதத்தை பார்த்து அதிர்ச்சி அடைந்த சரவண செல்வனின் உறவினர்கள் சம்பந்தப்பட்ட தனலட்சுமி மற்றும் அவரது குடும்பத்தினர் மற்றும் போலீசார் மீதும் வழக்கு பதிவு செய்து கைது செய்ய வேண்டும்.

என்று கூறி சரவணசெல்வனின் உடலை வாங்க மறுத்து ஸ்ரீரங்கம் காவல் நிலையம் முன்பு முற்றுகை போராட்டத்தில் ஈடுபட்டடனர். இந்த சம்பவத்தால் ஸ்ரீரங்கத்தில் பரபரப்பு ஏற்பட்டுள்ளது. இந்த சம்பவம் குறித்து போலீஸ் உயர் அதிகாரிகள் தீவிர விசாரணை நடத்தி வருகின்றனர்.

புதுச்சேரியில்..

பள்ளி மாணவனுக்கு விஷம் கலந்த குளிர்பானத்தை சக மாணவியின் தாய் கொடுத்து கொன்ற சம்பவம் பெரும் பரபரப்பை ஏற்படுத்தியிருக்கிறது.nபுதுச்சேரி மாநிலம் காரைக்கால் நேரு நகரை சேர்ந்தவர் ராஜேந்திரன்.

ரேஷன் கடையில் வேலை செய்யும் இவருக்கு, பால மணிகண்டன்(13) என்ற மகனும், ஒரு மகளும் உள்ளனர். இதன் பின்னர், பள்ளி ஆண்டு விழா நிகழ்ச்சி கலந்துகொண்டு சிறுவன் வீட்டிற்கு வந்த பின் தனது தாயிடம், என்ன குளிர்பானம் கொடுத்தீங்க? அதை குடித்ததில் இருந்து எனக்கு மயக்கமாக வருகிறது என பாலமணிகண்டன் கூறியுள்ளான்.

இதற்கு தாய் அதிர்ச்சியடைந்து நான் கொடுக்கவில்லை என கூற, சிறிது நேரத்தில் சிறுவன் பாலமணிகண்டன் வாந்தி எடுத்து மயங்கியுள்ளான். பின், அவசரமாக மாலதி தனது மகனை காரைக்கால் அரசு ஆஸ்பத்திரிக்கு அழைத்து சென்றுள்ளார்.

அங்கு பரிசோதனை செய்தபோது மாணவன் பாலமணிகண்டன் குடித்த குளிர்பானத்தில் விஷம் கலந்து இருப்பது தெரியவந்தது. இதைத்தொடர்ந்து மாணவனுக்கு தீவிர சிகிச்சை அளிக்கப்பட்டு வருகிறது.

பின்னர் விசாரணையில், குளிர்பானத்தை தாய் கொடுத்ததாக பள்ளியின் காவலாளி கொடுத்தது தெரியவந்தது. இதனால் அதிர்ச்சி அடைந்த, மாலதி தனது கணவர் ராஜேந்திரனுடன் பள்ளிக்கு சென்று பள்ளி காவலாளியை விசாரிக்க வேண்டும் என கூறியுள்ளார்.

தொடர்ந்து விசாரித்ததில் பள்ளியில் உள்ள கண்காணிப்பு கேமராவில் பதிவான காட்சிகளை ஆய்வு செய்த போது அதே பள்ளியில் பாலமணிகண்டன் வகுப்பில் பயிலும் சக மாணவி ஒருவரின் தாயார், காவலாளி தேவதாசிடம் குளிர்பானம் கொடுக்கும் காட்சி பதிவாகியிருந்தது.

இதன்பின், காரைக்கால் நகர போலீஸ் நிலையத்தில் மாலதி புகார் கொடுத்தார். அந்த புகாரின் அடிப்படையில் தனது மகன் பாலமணிகண்டன் கல்வி மற்றும் இதர கலைகளில் விளங்கி வந்துள்ளார்.

இதை பொறுக்க முடியாமல் மாணவியின் தாயார் குளிர்பானத்தில் விஷம் கலந்து அதை காவலாளி மூலம் தனது மகனுக்கு கொடுத்து கொலை செய்ய முயன்றதாக தெரிவித்திருந்தார்.

இந்த நிலையில், விஷம் கலந்த குளிர்பானத்தை கொடுத்து பள்ளி மாணவன் சிகிச்சை பலனளிக்காமல் மருத்துவமனையில் உயிரிழந்தான். இதனால் போலீசார் மாணவியின் தாயாரை கைது செய்துள்ளது. மேலும் அவர் மீது வழக்குப்பதிவு செய்து விசாரணை நடத்தி வருகின்றனர். இச்சம்பவம் பரபரப்பாகியுள்ளது.

ராமநகரில்..

2 குழந்தைகளுக்கு விஷம் கொடுத்து கொன்று பெண் தற்கொலை.!!
ராமநகர் மாவட்டம் மாகடி தாலுகா ஹொசபாளையா கிராமத்தைச் சேர்ந்தவர் லோகேஷ். இவரது மனைவி ரூபா(வயது 30). விவசாயியான லோகேஷ், மாகடி தாலுகாவின் விவசாய சங்க தலைவராகவும் இருந்து வருகிறார்.

இவர்களுக்கு ஹர்ஷிதா(6), ஸ்பூர்தி(4) என 2 மகள்கள் இருந்தனர். இந்த நிலையில் ரூபாவுக்கும், லோகேசுக்கும் அடிக்கடி குடும்ப தகராறு ஏற்பட்டு வந்ததாக கூறப்படுகிறது. இதனால் கணவன், மனைவி இடையே அடிக்கடி சண்டை ஏற்பட்டு வந்ததாகவும் தெரிகிறது.

இந்த நிலையில் நேற்று காலையிலும் கணவன், மனைவி இடையே தகராறு ஏற்பட்டது. இதையடுத்து லோகேஷ் வீட்டில் இருந்து வெளியே சென்றுவிட்டார். குழந்தைகளுடன் வீட்டில் தனியாக இருந்த ரூபா, தற்கொலை செய்து கொள்ள முடிவு செய்தார்.

தான் இறந்துவிட்டால் தனது குழந்தைகளின் நிலைமை என்னவாகும் என்று கருதிய அவர் குழந்தைகளையும் கொன்றுவிட முடிவு செய்தார். அதன்படி உணவில் பூச்சிக்கொல்லி மருந்து(விஷம்) கலந்து குழந்தைகளுக்கு கொடுத்துவிட்டு, பின்னர் தானும் அந்த உணவை சாப்பிட்டுவிட்டார்.

இதில் விஷம் தலைக்கேறிய நிலையில் உடல்நிலை பாதிக்கப்பட்டு 3 பேரும் வீட்டிலேயே பரிதாபமாக இறந்து போனார்கள். இச்சம்பவம் பெரும் சோகத்தை ஏற்படுத்தியுள்ளது.

தீபாலியில்..

ரித்திகாவின் நண்பர் விபுல் அகர்வாலின் மனைவி தீபாலி. ஜூன் 24 அன்று, ஃபேஷன் டிசைனர் ரித்திகா சிங், கைராட்டி தோலாவில் ஓம்ஸ்ரீ பிளாட்டினம் அடுக்குமாடி குடியிருப்பின் நான்காவது மாடியில் இருந்து தூக்கி எறியப்பட்டு கொடூரமாக கொல்லப்பட்டார்.

கைகள் கட்டப்பட்ட நிலையில் கீழே வீசப்பட்டிருந்தார். கழுத்தில் துணி கயிறும் இருந்தது. ஷிகோஹாபாத் படா பஜாரில் வசிக்கும் தனது நண்பரான விபுல் அகர்வாலுடன் அவர் குடியிருப்பில் வசித்து வந்தார்.

ரித்திகாவின் கணவர் ஆகாஷ் கவுதம், காஜல், குசுமா ஆகியோரை கொலைக் குற்றச்சாட்டின் பேரில் போலீசார் கைது செய்துள்ளனர். போலீஸ் நடவடிக்கையில் ரித்திகாவின் தந்தை சுரேந்திர சிங் மற்றும் தாயார் திருப்தி அடையவில்லை.

இந்த கொலையில் விபுலின் மனைவி டாக்டர் தீபாலி அகர்வால் மற்றும் அவரது தந்தை மற்றும் சகோதரருக்கும் தொடர்பு இருப்பதாக அவர் குற்றம் சாட்டியிருந்தார். இதுகுறித்து ரித்திகாவின் தந்தை மண்டல ஏடிஜி ராஜீவ் கிருஷ்ணாவிடம் விண்ணப்பம் கொடுத்திருந்தார்.

இதையடுத்து போலீசார் தீபாலி அகர்வாலை சிறையில் அடைத்தனர். தீபாலி அகர்வாலின் குடும்பத்தினர் ஜாமீன் கோரி நீதிமன்றத்தில் தாக்கல் செய்த மனு நிராகரிக்கப்பட்டது. விபுலின் மனைவி தீபாலி மற்றும் ரித்திகாவின் கணவர் ஆகாஷ் கெளதம் ஆகியோரின் நோக்கம் ஒன்றுதான் என்று இன்ஸ்பெக்டர் பூபேந்திர பல்யன் தெரிவித்தார்.

இதுகுறித்து இன்ஸ்பெக்டர் பூபேந்திர பல்யான் கூறுகையில், ரித்திகாவுக்கும், விபுலுக்கும் இடையே இருந்த உறவால் இருவரது குடும்பத்திலும் விரிசல் ஏற்பட்டது. எப்படியும் இந்த உறவை முறித்துக் கொள்ள இருவரும் விரும்பினர்.

கொலைக்கு முன்பும் பின்பும் தீபாலி அகர்வாலுடன் ஆகாஷ் கெளதம் தொலைபேசியில் உரையாடியுள்ளார். இதன் அடிப்படையில் தீபாலி அகர்வால் கைது செய்யப்பட்டுள்ளார்.

தீபாலி குற்றச் சதியில் ஈடுபட்டதற்காக சிறைக்கு அனுப்பப்பட்டார். கொலை நடந்த அன்று ஆகாஷ் வந்த பைக் தீபாலியின் குடும்ப உறுப்பினர் பெயரில் உள்ளது. இருவரையும் இதுவரை போலீசார் கைது செய்யவில்லை. விசாரணை தொடர்ந்து நடைபெற்று வருகிறது.

கர்நாடகாவில்..

21 வயது பொறியியல் கல்லூரி மாணவியை, ஹோட்டல் அறையில் வைத்து காதலன் கொன்ற சம்பவம் அதிர்ச்சியை ஏற்படுத்தி உள்ளது. கர்நாடக மாநிலம், மைசூரு நகரில் இன்ஜினியரிங் மாணவி ஹோட்டலில் கொலை செய்யப்பட்டார்.

காதலனை போலீசார் கைது செய்தனர். மைசூர் ஹுன்சூர் சாலையில் இந்த சம்பவம் நடந்துள்ளது. பெரியபட்னா தாலுக்காவில் உள்ள ஹரலஹள்ளி கிராமத்தைச் சேர்ந்தவர் அபூர்வா ஷெட்டி. இவருக்கு வயது 21 ஆகும்.

அருகில் உள்ள தனியார் பொறியியல் கல்லூரியில் இறுதியாண்டு படித்து வருகிறார் அபூர்வா. விஜயநகரில் உள்ள பெண்கள் விடுதியில் தங்கியிருந்தார். கடந்த ஆகஸ்ட் 29ம் தேதி, அபூர்வாவும், அவரது காதலன் ஹின்கல் பகுதியைச் சேர்ந்த ஆஷியும் அங்குள்ள ஒரு ஹோட்டலில் அறை புக் செய்துள்ளனர்.

செப்டம்பர் 1ஆம் தேதி காலை அறையை விட்டு வெளியே சென்ற ஆஷி, பல மணிநேரம் கடந்தும் திரும்பாததால், ஹோட்டல் ஊழியர்கள் சந்தேகமடைந்துள்ளனர். அவர்கள் உடனே இண்டர்காம் மூலம் அறையைத் தொடர்பு கொள்ள முயன்றனர்.

ஆனால், பதில் வராததால் அதிர்ச்சியடைந்த ஹோட்டல் ஊழியர்கள் போலீசாருக்கு தகவல் தெரிவித்தனர். பின்னர் போலீசார் வந்து அறையை திறந்து பார்த்தபோது, ​​அபூர்வா சடலமாக கிடந்தார்.

கொல்லப்பட்ட இளம்பெண்ணின் மூக்கில் இருந்து ரத்தம் வழிந்திருந்தது. இதனை தொடர்ந்து, ஆஷி வெள்ளிக்கிழமை காலை கைது செய்யப்பட்டார். அபூர்வா மற்றும் ஆஷி இடையேயான காதல் உறவை அறிந்த அபூர்வாவின் குடும்பத்தினர் ஒருவரை ஒருவர் சந்திக்க வேண்டாம் என எச்சரித்துள்ளனர்.

ஆனால், குடும்பத்தை மீறி ஒருவரை ஒருவர் தனிமையில் சந்தித்து வந்துள்ளனர். இது குறித்து வழக்குப்பதிவு செய்துள்ள நிலையில், விசாரணை முடிந்த பின்னரே கொலைக்கான காரணம் தெரியவரும் என போலீசார் தெரிவித்தனர். இந்த சம்பவம் பெரும் பரபரப்பை ஏற்படுத்தி உள்ளது.

தமிழகத்தில்..

தமிழகத்தில் கல்லூரி மாணவி தூக்கிட்டு தற்கொலை செய்து கொண்ட சம்பவம் சோகத்தை ஏற்படுத்தியுள்ளது. திருவள்ளூர் மாவட்டம் கோரமங்கலம் கிராமத்தை சேர்ந்தவர் விஜயகுமார். இவரது மனைவி குப்பம்மாள். கூலித்தொழிலாளிகள். இவர்களுக்கு 2 பெண் குழந்தைகள் உள்ளனர்.

மூத்த மகள் நிஷா (18) கல்லூரியில் 2-ம் ஆண்டு படித்து வந்தார். இந்த நிலையில் நேற்று முன்தினம் இரவு வீட்டில் யாரும் இல்லாத நேரத்தில் மாணவி நிஷா தூக்கிட்டு தற்கொலை செய்து கொண்டார்.

இது குறித்து தகவலறிந்து விரைந்து சென்ற பொலிசார் நிஷாவின் உடலை கைப்பற்றி பிரேத பரிசோதனைக்காக அரசு மருத்துவனைக்கு அனுப்பி வைத்தார். மேலும் மாணவி தற்கொலை குறித்து வழக்குப்பதிவு செய்த பொலிசார் அதற்கான காரணம் குறித்து தீவிரமாக விசாரணை நடத்தி வருகின்றனர்.