ரூ.500 மதிப்புள்ள கூப்பனை வாங்கி 10 மாத குழந்தை சொந்த வீடு வாங்கிய சம்பவம் ஆச்சயத்தை ஏற்படுத்தியுள்ளது.

இந்தியா – தெலுங்கானா மாநிலம் ரங்கா ரெட்டி மாவட்டம் சங்கர் பேட்டையை சேர்ந்தவர் ராம பிரம்மம். இவர் ரூ.16 லட்சம் மதிப்புள்ள தனது பழைய வீடு மற்றும் நிலத்தை விற்க முடிவு செய்தார். எனினும் இவரது வீட்டை வாங்க யாரும் முன் வரவில்லை.

இதனால் தனது வீடு, நிலத்தை வாங்க விரும்புபவர்கள் ரூ.500 மதிப்புள்ள கூப்பனை வாங்கினால் குலுக்கல் முறையில் அதிர்ஷ்டசாலி தேர்ந்தெடுக்கப்படுவார்கள் என நெடுஞ்சாலை ஓரத்தில் ராம பிரம்மம் பேனர் வைத்தார்.

ஏராளமானவர்கள் போட்டி போட்டு ரூ.500 பரிசு சீட்டு வாங்கிச் சென்றனர். சங்கர் பள்ளியை சேர்ந்தவர் சங்கர். இவர் அங்குள்ள ஓட்டலில் வேலை செய்து வருகிறார்.

சங்கர் இவரது பெயரிலும் இவரது மனைவி பிரசாந்தி, மகள்கள் சாய் ரிஷிகா மற்றும் தனது 10 மாத குழந்தை ஹன்சிகா பெயரில் 4 சீட்டு வாங்கினார்.

இந்நிலையில் நேற்று அதிர்ஷ்டசாலியை தேர்ந்தெடுக்க குலுக்கல் நடத்தப்பட்டது. குலுக்களில் சங்கரின் 10 மாத குழந்தை ஹன்சிகா அதிர்ஷ்டசாலியாக தேர்ந்தெடுக்கப்பட்டார்.

ரூ.500 பரிசு சீட்டுக்கு ரூ.16 லட்சம் மதிப்புள்ள வீடு வென்ற ஹன்சிகாவுக்கு பலரும் வாழ்த்துக்கள் தெரிவித்து வருகின்றனர். இந்நிலையில் வெறும் 500 ரூபாவில் ரூ. 16 லட்சம் வீட்டை பெற்றதால் சங்கர் குடும்பத்தினர் மகிழ்ச்சி அடைந்தனர்.

இந்தியா ஆந்திர பிரதேசத்தில் உள்ள ஆலயம் ஒன்றில் கூட்ட நெரிசலில் சிக்கி பெண்கள், குழந்தைகள் உள்பட 12 பேர் பலியான சம்பவம் துயரத்தை ஏற்படுத்தியுள்ளது.

இந்தியா ஆந்திர பிரதேசம் ஸ்ரீகாகுளம் மாவட்டத்தின் காசிபுக்கா என்ற பகுதியில் வெங்கடேஸ்வரா சுவாமி என்ற கோவில் உள்ளது. ஏகாதசியை முன்னிட்டு கோவிலுக்கு பக்தர்கள் திரளாக வந்து கலந்து கொண்டுள்ளனர்.

அப்போது, திடீரென கூட்ட நெரிசல் ஏற்பட்டு உள்ளது. பெண்கள், குழந்தைகள் உள்பட 12 பேர் பலியாகியுள்ளதாக இந்திய ஊடகங்கள் தெரிவிக்கின்றன. கூட்ட நெரிசலில் பலர் காயம் அடைந்துள்ளனர்.

அவர்கள் மீட்கப்பட்டு சிகிச்சைக்காக அருகேயுள்ள வைத்தியசாலையில் அனுமதிக்கப்பட்டுள்ளதுடன் பொலிஸார் சம்பவ பகுதிக்கு உடனடியாக சென்று கூட்ட நெரிசலை கட்டுப்படுத்துவதற்கு நடவடிக்கை எடுத்துள்ளனர்.

வெளிநாட்டவரைவிட தங்கத்திற்கு இந்தியர்கள் தான் அதிக முக்கியத்துவம் கொடுக்கிறார்கள். இதற்கு காரணம், தங்க நகைகளை இங்கிருக்கும் அனைவருமே ஒரு பெரிய முதலீடாக பார்க்கின்றனர்.

குறிப்பாக, பெண் பிள்ளைகளை வைத்திருக்கும் வீட்டில் தங்க நகைகளை பெற்றோர்கள் ஆரம்பம் முதலே சேமிக்க ஆரம்பித்து விடுகின்றனர். சமீப காலமாக, தங்கத்தின் விலை கூடுதலாக இருக்கின்ற நிலையில், நகை வாங்க முடியாத சிரமத்தில் பல பேர் இருக்கின்றனர்.

இந்நிலையில், உத்தரகாண்டில் சக்ராதா என்கிற கிராமத்தில் பெண்கள் அதிகம் தங்கம் அணிந்தால் அபராதம் விதிக்கப்படும் என்று உத்தரவு உள்ளது.

இந்த கிராமத்தில் நடந்த உள்ளூர் பஞ்சாயத்தில்தான் வித்தியாசமான இந்த உத்தரவானது பிறப்பிக்கப்பட்டுள்ளது. நகை வாங்க முடியாமல் இருப்பவர்களின் சங்கடத்தை தீர்க்கதான், இந்த உத்தரவை கிராமத்தின் பெரியவர்கள் வழங்கி இருக்கின்றனர்.

இதன்படி, பெண்கள் வெளியில் வரும் போது தாலி, மூக்குத்தி, கம்மல் தவிர வேறு எதையும் அணியக்கூடாது என்று உத்தரவிடப்பட்டுள்ளது.

இதை தவிர்த்த வேறு நகைகள் எதையாவது வெளியில் வரும் போது அணிந்தால், அவர்களுக்கு ரூ.50,000 வரை அபராதம் விதிக்கப்படும் என்று கூறப்பட்டுள்ளது.

இந்த உத்தரகாண்ட் கிராமத்தில், கடந்த 15-20 வருடங்களாக அதிக நகை போட்டுக்கொள்வது புது வழக்கமாக இருந்து வந்துள்ளது. ஆனால், நகை இல்லாத குடும்பத்தை சேர்ந்தவர்களுக்கு இவ்வழக்கம் சமூக அழுத்தத்தை கொடுத்துள்ளதால் இந்த முடிவு எடுக்கப்பட்டிருக்கிறது.

இந்நிலையில், அதிக தங்க நகைகளை அணிந்தால் அபராதம் என்கிற உத்தரவு, கிராம மக்களிடையே வரவேற்பை பெற்றிருக்கிறது.

விடிஞ்சா கல்யாணம் சொந்த பந்தம், உற்றார், உறவினர்களுக்கு எல்லாம் பத்திரிக்கை கொடுத்து, அவர்களும் மண்டபத்தில் திரண்டிருந்த நிலையில், புதுமணப்பெண் திடீரென மர்மமான முறையில் உயிரிழந்த சம்பவம் திருவள்ளூர் மாவட்டத்தில் துயரத்தையும் அதிர்ச்சியையும் ஏற்படுத்தியுள்ளது.

சித்தூரை சேர்ந்த பாண்டுரங்கன் – வனிதா தம்பதியின் மகள் சந்தியா (21), பி.காம். படிப்பு முடித்தவர். இவர்கள் தற்போது திருவள்ளூர் அருகே மணவாளநகரில் வசித்து வந்தனர்.

சந்தியாவின் திருமணம், பள்ளிப்பட்டு அருகே அத்திமாஞ்சேரி பேட்டை பாரதிநகரைச் சேர்ந்த மணி என்ற இளைஞருடன் பெரியோர்கள் சம்மதத்துடன் நிச்சயிக்கப்பட்டிருந்தது.

திருமணம் இன்று (வெள்ளிக்கிழமை) பலிஜகண்டிகை கிராமத்தில் நடைபெறவிருந்தது. இதற்காக மணமகள் குடும்பம் இரண்டு நாட்களுக்கு முன் மணமகன் வீட்டிற்கு வந்திருந்தனர்.

நேற்று காலை சந்தியா குளிக்கச் சென்றார். ஆனால் நீண்ட நேரம் ஆன பின்னும் அவர் வெளியே வராததால், உறவினர்கள் கவலைப்பட்டனர். பலமுறை சத்தம் போட்டும் பதில் வராத நிலையில் கதவை உடைத்து பார்த்தபோது, சந்தியா மயக்க நிலையில் விழுந்து கிடந்தார்.

உடனடியாக அவரை அத்திமாஞ்சேரி பேட்டை அரசு சுகாதார நிலையத்திற்கு அழைத்துச் சென்றனர். ஆனால் மருத்துவர்கள் பரிசோதித்த போது, அவர் ஏற்கனவே இறந்து விட்டதாக தெரிவித்தனர்.

திருமணத்துக்கு முந்தைய நாள் மணப்பெண் மரணம் உறவினர்களை சோகத்தில் ஆழ்த்தியது. பொதட்டூர்பேட்டை போலீசார் மர்மச்சாவாக வழக்குப் பதிவு செய்து,

சந்தியா விஷம் குடித்தாரா அல்லது வேறு காரணமா என்ற கோணங்களில் விசாரணை நடத்தி வருகின்றனர். இந்த துயரச் சம்பவம் அப்பகுதியில் பெரும் பரபரப்பையும் துயர அலைவையும் ஏற்படுத்தியுள்ளது.

காதலுக்காக பள்ளி மாணவி தன்னுடைய தாயை கொலை செய்த அதிர்ச்சி சம்பவம் பெங்களூரின் சுப்பிரமண்யபுரா பகுதியில் நடந்துள்ளது. சுப்பிரமண்யபுரா பகுதியில் வசித்து வந்த நேத்ராவதி என்ற பெண், கணவரை பிரிந்து தனது மகளுடன் தனியாக வாழ்ந்து வந்தார்.

கடுமையான உழைப்பில் மகளை வளர்த்த நேத்ராவதி, தன் மகளின் நலனுக்காக அனைத்தையும் தாங்கி வந்தார். ஆனால், மகள் அடிக்கடி தாயுடன் வாக்குவாதம் செய்து வந்ததாக அக்கம் பக்கத்தினர் தெரிவித்தனர்.

இந்நிலையில் அதே பகுதியில் வசிக்கும் 17 வயது சிறுவனுடன் மாணவிக்கு காதல் ஏற்பட்டது. இச்சிறுவன் அடிக்கடி வீட்டிற்கு வரத் தொடங்கியதும், நேத்ராவதி சந்தேகப்பட்டார்.

பின்னர், இருவரும் காதலிப்பது தெரியவந்ததால் தாய் கடுமையாக கண்டித்தார். “பள்ளியில் கவனம் செலுத்து; இவன் இங்கே வரக்கூடாது” என எச்சரித்தார்.

இதனால் கோபமடைந்த மாணவி, தாயை அகற்றிவிட்டால் தடை இருக்காது என்று எண்ணியுள்ளார். கடந்த அக்டோபர் 25ம் தேதி இரவு தாய் மது அருந்தி தூங்குவார் என்று காதலனுக்கு தகவல் அளித்துள்ளார். அதன்படி சிறுவனும், அவனது நண்பர்களும் வீட்டிற்குள் நுழைந்துள்ளனர்.

அப்போது நேத்ராவதி எழுந்து அவர்களைப் பார்த்து கடிந்துக்கொண்டார். சிறுவனின் செல்போனை பிடித்து போலீசில் புகார் அளிப்பேன் என கூறியதும், அவர்கள் மூவரும் சேர்ந்து நேத்ராவதியின் கழுத்தில் துணியை சுற்றி நெரித்துள்ளனர்.

நேத்ராவதி சம்பவ இடத்திலேயே உயிரிழந்தார். பின்னர், தற்கொலை போல காட்டுவதற்காக அவரது உடலை புடவையால் சுவரில் தொங்க விட்டனர்.

சம்பவத்திற்குப் பிறகு மாணவி காணாமல் போனதால் போலீசார் வழக்குப் பதிவு செய்து விசாரணை ஆரம்பித்தனர். ஐந்து நாட்கள் கழித்து மாணவி வீடு திரும்பிய போது, போலீசார் விசாரித்ததில் கொலை சம்பவத்தின் முழு பின்னணியும் வெளிச்சத்திற்கு வந்துள்ளது.

இதனையடுத்து 13 வயது சிறுவன் உட்பட மூன்று சிறுவர்கள் கைது செய்யப்பட்டு சிறுவர் நீதிமன்றத்தில் ஆஜர்படுத்தப்பட்டனர். தாயை கொலை செய்து, பெற்ற மகளே தற்கொலை போல நாடகமாடிய சம்பவம் பெங்களூரில் பெரும் அதிர்ச்சியை ஏற்படுத்தியுள்ளது.

கேரள மாநிலம் கொள்ளத்தில், கொதித்துக் கொண்டிருந்த மீன் குழம்பை மனைவியின் முகத்தில் கணவன் ஊற்றிய நிலையில், இது குறித்த காரணம் கேட்டு போலீசார் அதிர்ச்சியடைந்தனர்.

கொள்ளம் மாவட்டம் சடையமங்கலம் அருகே வைகல் பகுதியைச் சேர்ந்தவர் சஜீர். இவரது மனைவி ரஜிலா கஃபூர் (36). மனைவி. நேற்று காலை வீட்டில் இருந்த சஜீர், தனது மனைவியிடம் “முடியைத் தளர்த்திவிட்டு, தனது முன்னால் உட்காரச்சொல்லி,

மாந்திரீகர் ஒருவர் கொடுத்த ஆபரணத்தை அணிந்துக் கொள்ள வேண்டும் என்றும், சாம்பலை முகத்தில் பூச வேண்டும்” என்றும் கூறியுள்ளார். இதற்கு ரஜிலா மறுப்பு தெரிவித்துள்ளார். சமீப காலங்களாக தனது கணவர் மாந்திரீகத்தில் அதிக ஈடுபாடு காட்டி வருவதாக கூறப்படுகிறது.

தனது பேச்சுக்கு மனைவி மறுப்பு தெரிவித்ததால் கோபமடைந்த சஜீர், சமையலறையில் அடுப்பில் கொதித்துக் கொண்டிருந்த மீன் குழம்பை சட்டியுடன் தூக்கி வந்து ரஜிலாவின் முகத்தில் ஊற்றி தாக்கியுள்ளார்.

ரஜிலாவின் அலறல் சப்தம் கேட்டு அக்கம் பக்கத்தினர் விரைந்து சென்று, அவரை மீட்டு மருத்துவமனைக்கு அனுப்பி வைத்தனர்.

இது குறித்து போலீசார் கூறுகையில், “சஜீர் பலமுறை தனது மனைவியை “பிசாசு பிடித்திருக்கிறாள்” என்ற நம்பிக்கையில் தாக்கி வந்ததாகவும், இது குறித்து ஏற்கெனவே ரஜிலா போலீசில் புகார் அளித்ததாகவும் கூறினர்.

அப்போது சஜீரை அழைத்து எச்சரித்த போதிலும், பின்னர் அவர் மாந்திரீகர்களை அணுகி, மனைவிக்கு சூனியம் செய்வதற்கான முயற்சியில் ஈடுபட்டதாகவும் விசாரணையில் தெரிய வந்துள்ளது.

தற்போது பாரதிய நீதிச் சட்டம் பிரிவு 118(1) (அபாயகரமான பொருளை பயன்படுத்தி காயப்படுத்துதல்) கீழ் வழக்குப் பதிவு செய்யப்பட்டு, சஜீரை பிடிக்க போலீசார் தீவிரமாகத் தேடிவருகின்றனர். இந்தச் சம்பவம் அந்தப் பகுதியில் பெரும் பரபரப்பை ஏற்படுத்தியுள்ளது.

லண்டனில் படித்து வந்த இளம்பெண்ணை, நெல்லையைச் சேர்ந்த அவரது காதலன் கோவைக்கு வரவழைத்து திருமணம் செய்து கொண்ட நிலையில், இன்று நெல்லையில் திருமணத்தைப் பதிவு செய்ய முயன்றபோது தகராறு ஏற்பட்டுள்ளது.

இந்த மோதலில் காதலனின் தந்தை, சித்தப்பா ஆகிய 2 பேர் காயமடைந்த சம்பவம் பரபரப்பை ஏற்படுத்தி உள்ளது.

நெல்லை பாளையங்கோட்டை மார்க்கெட் பகுதியைச் சேர்ந்தவர் வழக்கறிஞர் இசக்கி பாண்டி. இவரும், வசதியான குடும்பத்தைச் சேர்ந்த இளம்பெண் ஒருவரும் காதலித்து வந்துள்ளனர்.

இருவரும் ஒரே சமூகத்தைச் சேர்ந்தவர்கள் என்றாலும், பெண்ணின் வீட்டார் இந்த காதலுக்கு எதிர்ப்பு தெரிவித்ததாகக் கூறப்படுகிறது. பெண்ணின் குடும்பத்தினர், அவரை மேல்படிப்பிற்காக லண்டனுக்கு அனுப்பி வைத்துள்ளனர்.

இருப்பினும், இசக்கி பாண்டியும் அந்தப் பெண்ணும் செல்போன் மற்றும் சமூக வலைத்தளங்கள் மூலம் தொடர்பில் இருந்துள்ளனர். இதனிடையே, பெண்ணுக்கு அவரது வீட்டில் வேறு திருமண ஏற்பாடுகள் நடந்துள்ளன.

இதை அடுத்து, காதலனின் திட்டப்படி அந்தப் பெண் லண்டனில் இருந்து விமானம் மூலம் மும்பை வந்து, அங்கிருந்து கொச்சின் விமான நிலையம் வந்துள்ளார்.

அங்கு காத்திருந்த இசக்கி பாண்டியின் உறவினர்கள், காதல் ஜோடியை காரில் கோவைக்கு அழைத்து வந்துள்ளனர்.

கோவையில் உள்ள சவுடேஸ்வரி அம்மன் கோவிலில் இருவரும் திருமணம் செய்து கொண்டனர். கோவையில் திருமணத்தைப் பதிவு செய்ய முயன்றபோது, பெண்ணின் உறவினர்கள் அங்கு திரண்டு எதிர்ப்பு தெரிவித்ததாகக் கூறப்படுகிறது.

இதையடுத்து, காதல் ஜோடி பாதுகாப்பு கேட்டு கோவை மாநகர போலீஸ் கமிஷனர் அலுவலகத்தில் தஞ்சம் அடைந்தது.

பெண்ணின் உறவினர்களிடமிருந்து அச்சுறுத்தல்கள் இருந்ததால், கோவை போலீசார் பலத்த பாதுகாப்புடன் காதல் ஜோடியை அவர்களது சொந்த ஊரான நெல்லைக்கு அனுப்பி வைத்தனர்.

கோவையில் ஏற்கனவே திருமணம் முடிந்துவிட்ட நிலையில், இன்று நெல்லையில் அந்தத் திருமணத்தைப் பதிவு செய்வதற்காக இசக்கி பாண்டி தனது உறவினர்களுடன் சென்றுள்ளார்.

அப்போது அங்கு வந்த பெண்ணின் வீட்டாருக்கும், இசக்கி பாண்டி தரப்பினருக்கும் இடையே தகராறு ஏற்பட்டதாகக் கூறப்படுகிறது.

இந்த தகராறு மோதலாக மாறியது. இதில் காயமடைந்த இசக்கி பாண்டியின் தந்தை செல்வம் மற்றும் அவரது சித்தப்பா மணிகண்டன் ஆகிய இருவரும் பாளையங்கோட்டை அரசு மருத்துவமனையில் சிகிச்சைக்காக அனுமதிக்கப்பட்டுள்ளனர்.

இந்தச் சம்பவம் குறித்து நெல்லை மாநகர போலீசார் விசாரணை நடத்தி வருகின்றனர். இந்த சம்பவம் நெல்லையில் பரபரப்பை ஏற்படுத்தியுள்ளது.

இருந்தபோதும் இசக்கி பாண்டியன் தொடர்ந்து அந்த பெண்ணிடம் பேசி வந்த நிலையில் 18 வயது முடிந்த மூன்று நாட்களே ஆன நிலையில் அவரை இந்தியா வரவழைத்து திருமணம் செய்து கொண்டதாக அவரது பெற்றோர் கூறுகின்றனர்.

மேலும் குழந்தைகளுக்கு செல்போன் கொடுக்காதீர்கள் என அந்த பெண்ணின் தந்தை கண்ணீர் மல்க பேசிய வீடியோ தற்போது சமூக வலைதளங்களில் வைரலாகி வருகிறது.