இலங்கைக்கு விரையவுள்ள 7 எரிபொருள் கப்பல்கள் : நாடாளுமன்றத்தில் தகவல்!!

எரிபொருள் கப்பல்கள்..

ஏழு எரிபொருள் கப்பல்கள் அடுத்த சில வாரங்களில் இலங்கைக்கு வரவுள்ளதாக சுற்றுலாத்துறை அமைச்சர் ஹரின் பெர்னாண்டோ இன்று நாடாளுமன்றத்தில் தெரிவித்துள்ளார்.

நாடாளுமன்றத்தில் இன்று அந்நிய செலாவணி சட்டத்தின் கீழ் உள்ள கட்டளைகள் தொடர்பான விவாதத்தில் கலந்துக்கொண்டு உரையாற்றும் போதே அவர் இதனை கூறியுள்ளார்.

இவை அமைச்சரவையில் கலந்துரையாடப்பட்ட விடயங்கள். 40 ஆயிரம் மொற்றி தொன் டீசல் எதிர்வரும் 8,9 ஆம் திகதிகளில் வரும். கழிவு எண்ணெயை ஏற்றிய கப்பல் 10 ஆம் திகதிக்கும் 11 ஆம் திகதிக்கும் இடையில் வரும். மற்றுமொரு டீசல் கப்பல் 19 ஆம் திகதி வருகிறது.

13 ஆம் 15 ஆம் திகதிகளுக்கு இடையில் பெட்ரோல் கப்பல் ஒன்று வருகிறது. 15 ஆம் திகதி கச்சாய் எண்ணெய் கப்பல் வருகிறது. அதே தினத்தில் இந்திய எண்ணெய் நிறுவனத்தின் டீசல் கப்பல் ஒன்றும் வருகிறது.

22 ஆம் திகதியும் எரிபொருள் கப்பல் வருகிறது. இந்த பிரச்சினைகளை தீர்க்க வேலைத்திட்டங்களை செய்து விடுவார்கள் என்று தற்போது எதிர்க்கட்சியினர் குழம்பி போயுள்ளனர்.

இதனை செய்த, அவர்களில் கதை முடிந்து விடும் என்பதே இதற்கு காரணம். நாங்கள் எப்படியாவது இதனை செய்து முடிப்போம். இந்த சந்தர்ப்பத்தில் கொள்ளையடிப்பவன் எவனாவது இருந்தால், அவன் மீது மழையில்லாத இடி விழ வேண்டும்.

போராட்டத்திற்குள் நெருக்கடியை கொண்டு சென்று ஆத்திரத்தை தூண்டுகின்றனர். அப்படி செய்வர்கள் உருப்பட மாட்டார்கள். அரசாங்கத்தை வீழ்த்தி எவருக்கும் எதனையும் சாதிக்க முடியாது.

இந்த சந்தர்ப்பத்தில் நாம் அனைவரும் ஒன்றிணைய வேண்டும். இல்லையென்றால், இந்த நாட்டை மீட்க முடியாது எனவும் ஹரின் பெர்னாண்டோ தெரிவித்துள்ளார்.

வவுனியா செட்டிகுளம் பேரூந்தில் சனநெரிசல் ஏற்பட்டதால் பேரூந்தை நிறுத்து விட்டு இறங்கிச் சென்ற சாரதி!!

செட்டிகுளம் பேரூந்தில்..

வவுனியாவில் இருந்து பூவரசன்குளம் ஊடாக செட்டிகுளம் சென்ற இ.போ.சபைக்கு சொந்தமான பேரூந்தில் அதிக சனநெரிசல் ஏற்பட்டு பேரூந்தில் பலர் தொங்கிக் கொண்டு பயணித்தமையால் பேரூந்தை இடைநடுவே நிறுத்து விட்டு சாரதி இறங்கிச் சென்ற சம்பவம் ஒன்று இடம்பெற்றுள்ளது.

இன்று மாலை 6.00 மணியளவில் வவுனியாவில் இருந்து புறப்பட்ட பேரூந்து மாலை 6.40 மணியளவில் பட்டானிச்சூர் பகுதியை அடைந்த போதே சாரதி வாகனத்தை செலுத்த முடியாது எனத் தெரிவித்து பேரூந்தில் இருந்து இறங்கிச் சென்றதுடன், அது குறித்து இ.போ.சபை முகாமையாளருக்கும் தெரியப்படுத்தியிருந்தார்.

வவுனியாவில் இருந்து பூவசரன்குளம் ஊடாக பயணித்த இன்றைய இறுதிப் பேரூந்தில் வவுனியா நகரில் கற்றல் செயற்பாடுகளுக்கு வந்தோர், வேலைக்கு வந்தோர், தேவை கருதி வந்தோர் என பலரும் செட்டிகுளம் திரும்பிச் செல்ல பேரூந்துக்கு காத்திருந்தனர்.

வவுனியா பேரூந்து நிலையத்தில் இருந்து புறப்பட்ட இ.போ.சபை பேரூந்து இலுப்பையடியை அடைந்த போது பேரூந்துக்குள் நெரிசல் ஏற்பட்டது.

இதனையடுத்து பேரூந்து மன்னார் வீதி, குருமன்காடு ஆகிய பகுதிகளில் உள்ள பேரூந்து தரிப்பிடங்களில் நிறுத்தி பயணிக்களை ஏற்றிய போது பேரூந்தில் இடப்பற்றாக்குறை ஏற்பட்டதுடன், இளைஞர்கள் பலரும் இடம் இன்மையால் பேரூந்தின் பின்புறத்திலும் வாயில் பகுதியிலும் தொங்கியபடி பயணித்தனர்.

தொடர்ந்து சென்ற பேரூந்து பட்டானிச்சூர் பகுதியை அடைந்த போது அங்கும் மக்கள் நின்றமையால் ஏற்ற முடியாது எனத் தெரிவித்தும், பேரூந்தில் பாதுகாப்பற்ற வகையில் பயணிகளை கொண்டு செல்ல முடியாது எனத் தெரிவித்தும் பேரூந்தில் இருந்து இறங்கி சென்றிருந்தார். இது குறித்து சாலை முகாமையாளருக்கும் அவர் தெரியப்படுத்தியிருந்தார்.

இதனால் பேரூந்தில் பயணித்த பலரும் வீடு செல்ல முடியாது இரவு வேளையில் சிரமப்பட்டுக்கொண்டிருந்தனர். சம்பவ இடத்திற்கு சென்ற ஊடகவியலாளர்கள் மற்றும் பொலிசார் இணைந்து இது குறித்து சாலை முகாமையாளருக்கு தெரியபர்படுத்தியதையடுத்து,

இ.போ.சபையின் வவுனியா சாலையில் இருந்து பிறிதொரு பேரூந்து அனுப்பி வைக்கப்பட்டது. இதனையடுத்து சுமார் ஒரு மணித்தியாலத்திற்கு பின்னர் இரண்டு இ.போ.சபை பேரூந்துகளிலும் மக்கள் ஏறி புறப்பட்டுச் சென்றிருந்தனர்.

இந்த பழங்களை ஒன்றாக சாப்பிடுவது உங்கள் உயிருக்கே ஆபத்தை ஏற்படுத்துமாம்… ஜாக்கிரதையாக இருங்க!!

பழங்கள்..

பொதுவாக ஒரு சில பழங்களை உணவுகளுடன் கலந்து சாப்பிடுவது ஆரோக்கியமற்றது. ஏனெனில் பழங்களுடன் சில பொருத்தமற்ற உணவுகளை கலந்து சாப்பிடுவது நச்சுத்தன்மையுடையதாக மாறும் மற்றும் தீங்கு உடலுக்கு விளைவிக்கும்.

அந்தவகையில் தற்போது பழங்களை ஒன்றாக சாப்பிட கூடாத உணவு என்ன என்பதை இங்கே தெரிந்து கொள்வோம்.

பப்பாளி சாலட்டில் எலுமிச்சைப் பழத்தை சேர்ப்பது நச்சுத்தன்மையுடையதாக மாறும். பப்பாளியுடன் எலுமிச்சை கலந்து ஹீமோகுளோபின் அளவைக் குறைக்கலாம் மற்றும் இரத்த சமநிலையின்மை ஏற்படலாம், இது தீங்கு விளைவிக்கும்.

கொய்யா மற்றும் வாழைப்பழம் சேர்த்து சாப்பிடுவது குமட்டல், வீக்கம், தலைவலி மற்றும் அமில வீக்கத்திற்கு வழிவகுக்கும்.

அன்னாசி மற்றும் பால் இந்த கலவையானது சிலருக்கு குமட்டல், வயிற்று வலி மற்றும் வீக்கத்தை ஏற்படுத்தலாம். ஏனெனில் அன்னாசிப்பழத்தில் ப்ரோமெலைன் என்ற கலவை உள்ளது, இது பாலுடன் வினைபுரிந்து, உணர்திறன் உள்ளவர்களுக்கு பல சிக்கல்களை ஏற்படுத்துகிறது.

தர்பூசணி பழத்துடன் ஏதேனும் உணவு அல்லது தண்ணீரைக் கூட இணைப்பது செரிமான பிரச்சனைகளை ஏற்படுத்தும், ஊட்டச்சத்துக்களை உறிஞ்சுவதை குறைக்கும், செரிமான செயல்முறையை மெதுவாக்கும், வீக்கம் மற்றும் அமிலத்தன்மையை ஏற்படுத்தும்.

பால் மற்றும் ஆரஞ்சு கலவையை உட்கொள்வது செரிமானத்திற்கு மிகவும் கடினமாக இருக்கும், இது பல உடல்நலப் பிரச்சினைகளை ஏற்படுத்தும்.

தினமும் ஒரு கிளாஸ் பெருங்காயத் தண்ணீர் : இந்த நன்மைகள் உங்களை தேடி வருமாம்!!

பெருங்காயத்தில்..

பெருங்காயத்திற்கு என்று சமையலில் தனிப்பட்ட இடம் எப்போதும் உண்டு. மற்ற மசாலா பொருட்களுடன் சேர்த்து சமைக்கும் போது வரும் பெருங்காயத்தின் நறுமணம், அந்த உணவிற்கு ஒரு தனித்துவமான சுவையை அளிக்கிறது பெருங்காயம்.

பெருங்காயம் கார நெடியுடன் கூடிய கார்ப்பு சுவை கொண்டதாகும். சுவையும் மணமும் மட்டுமல்ல, நமது உடல் ஆரோக்கியத்தையும் மேம்படுத்த உதவும். இது ஆங்கிலத்தில ‘அசப்போட்டிடா’ என்று அழைக்கபடுகிறது.

பெருங்காயம் என்பது மருத்துவம் முதல் செரிமானம் வரை பல்வேறு பயன்பாடுகளைக் கொண்ட ஒரு தூள் ஆகும், இது ஆயுர்வேத மருத்துவம் முதல் சித்த மருத்துவம் பல நோய்களை தீர்க்க உதவுகின்றது.

அதிலும் தினமும் ஒரு கிளாஸ் பெருங்காய தண்ணீர் குடிப்பது இன்னும் பல பயன்களை தருகி்னறது. தற்போது அவை என்ன என்பதை பார்ப்போம்.

​பெருங்காய தண்ணீர் எப்படி செய்வது?

பெருங்காய தண்ணீர் செய்ய முதலில் ஒரு கப் வெதுவெதுப்பான நீரில் ½ தேக்கரண்டி பெருங்காயத் தூளை சேர்க்கவும். அதிகபட்ச நன்மைகளைப் பெற விரும்புபவர்கள் தினமும் காலையில் வெறும் வயிற்றில் இதைக் குடிக்கலாம். தினமும் பெருங்காய தண்ணீரைக் குடிப்பதன் மூலம் நாம் பெறும் நன்மைகள் பட்டியலிடப்பட்டுள்ளன. அவற்றை இப்போது பார்க்கலாம்.

நன்மைகள்

அஜீரணம் போன்ற செரிமான பிரச்சனைகளை சரி செய்து, செரிமான அமைப்பை ஒழுங்குபடுத்தப் பெருங்காயத்தூள் உதவுகிறது. மேலும் இது வயிற்றின் பி.ஹெச் நிலையை சரி செய்ய உதவுகிறது.

பெருங்காய தண்ணீர் குடிப்பது உடல் எடையைக் குறைப்பதற்கு வெகுவாக உதவுகிறது. நமது உடலில் உள்ள கெட்ட கொலஸ்ட்ராலை கட்டுக்குள் வைத்துக்கொள்ளவும், இதய ஆரோக்கியத்திற்கும் இது உதவுகிறது. எனவே உடல் எடையைக் குறைக்க முயல்பவர்கள் தினமும் காலையில் பெருங்காய தண்ணீரை எடுத்துக்கொள்ளலாம்.

குளிர்காலத்தில் நாம் பெருங்காய தண்ணீரை எடுத்துக் கொள்ளும்போது அது சளி தொடர்பான பிரச்சனைகளை சரி செய்ய உதவுகிறது.

தலைவலி வரும்போது அதிலிருந்து நிவாரணம் பெறுவதற்கு பெருங்காய தண்ணீரைக் குடிக்கலாம்.

மாதவிடாய் பிரச்சனையில் உள்ளவர்களுக்குப் பெருங்காய தண்ணீர் சிறந்த தீர்வாக உள்ளது. இது உடலில் சீரான இரத்த ஓட்டத்திற்கு உதவுகிறது. மாதவிடாய் வலியிலிருந்து நிவாரணம் அளிக்கிறது.

சர்க்கரை நோய் இருப்பவர்கள் தங்களுடைய உணவுகளில் பெருங்காயத்தை அதிகமாக சேர்த்துக் கொள்வது நல்லது. அது மலச்சிக்கல், வாயுத்தொல்லை ஆகியவற்றை சேர்த்து தீர்க்கும்.

பெருங்காயத்தில் உயர் இரத்த அழுத்தத்தைக் கட்டுப்படுத்துவதற்கான கலவைகள் உள்ளன. மேலும் இவை உடலில் இரத்த ஓட்டத்தை மேம்படுத்த உதவுகின்றன, இதன் மூலம் இரத்த ஓட்டத்தின் ஆரோக்கியத்திற்கும் இவை உதவுகின்றன.

மாணவன் முகத்தில் காணப்பட்ட பரு : ஆசிரியை எடுத்த முயற்சி : பரிதாபமாக உயிரிழந்த மாணவன்!!

திருவண்ணாமலை..

மாணவன் முகத்தில் இருந்த பருவை ஊசியால் ஆசிரியை குத்திய நிலையில், மாணவர் உயிரிழந்தது சோகத்தை ஏற்படுத்தியுள்ளது.

திருவண்ணாமலை மாவட்டத்தில் நம்மியம்பட்டு கிராமத்தில் பழங்குடி இனத்தைச் சேர்ந்த செவத்தான் என்பவரது மகன் சிவகாசி(15). அருகில் உள்ள அரசு உண்டு உறைவிடப் பள்ளியில் தங்கி 10ம் வகுப்பு படித்து வந்துள்ளான்.

சில தினங்களுக்கு முன்பு குறித்த மாணவருக்கு உடல்நிலை சரியில்லை என்று பெற்றோருக்கு போன் வந்துள்ளது. மகனை பார்ப்பதற்கு பெற்றோர்கள் பள்ளிக்கு சென்றுள்ளனர்.

மாணவனை அவதானித்த பெற்றோர்கள் அதிர்ச்சியடைந்துள்ளனர். ஆம் மாணவனின் முகம் வீங்கி இருந்துள்ளது. நடந்தது குறித்து மாணவரிடம் விசாரணை மேற்கொண்ட போது, முகப்பருவை அகற்றுவதற்காக ஆசிரியை மகாலட்சுமி ஊசியால் குத்தியதாக மாணவர் தெரிவித்துள்ளார்.

இதனையடுத்து காயமடைந்த மாணவனுக்கு, நம்மியம்பட்டு ஆரம்ப சுகாதார நிலையத்தில் முதலுதவி அளிக்கப்பட்டு பின்பு மேல் சிகிச்சைக்கு வேலூர் சிஎம்சி மருத்துவமனைக்கு அழைத்துச் சென்றுள்ளனர்.

அங்கு மாணவனை பரிசோதித்த மருத்துவர்கள் ஏற்கனவே உயிரிழந்துவிட்டதாக தெரிவித்துள்ளார். இதனையடுத்து அதிர்ச்சியடைந்த பெற்றோர், மாணவனின் மரணத்திற்கு காரணமான ஆசிரியை மகாலட்சுமி மீது நடவடிக்கை எடுக்க வேண்டும் என்று புகார் அளித்த நிலையி்ல், தற்போது ஆசிரியரிடம் விசாரணை மேற்கொண்டு வருகின்றனர்.

ஒரு பெண்ணின் ஒரு நாள் பாக்கெட் மணி 40 லட்சம் : ஆடிப்போன இணையவாசிகள் : அப்படி என்ன செய்கிறார் தெரியுமா?

நியூயோர்க்கில் ..

பெற்றோர்கள் சம்பாரிக்கும் பணத்தை வைத்துக்கொண்டு இளம்பெண் செலவு செய்து வீடியோவாக டிக்டாக்கில் வெளியிட்டு பலரையும் வாயடைக்க வைத்திருக்கிறார்.

ஒருவருக்கு வாழ்நாள் கனவு என்று சொன்னால், நாம் சம்பாரிக்கும் பணத்தை சேமித்து பிடித்ததை செய்யவேண்டும் எனவும், சுற்றுலா செல்லவேண்டும் என பல ஐடியா இருக்கும்.

ஆனால், இங்கு ஒரு பெண் செய்திருக்கும் சம்பவம் பலரையும் என்னடா இப்படியும்மா? என ஆச்சரியப்படுத்தி இருக்கிறது.

பாக்கெட் மணி 40 லட்சம்

அமெரிக்காவின் நியூயார்க் பகுதியை சேர்ந்த அந்த இளம் பெண், அன்றாடம் அவர் செய்யும் செயல் தான் தற்போது மிகப்பெரிய பேச்சு. அப்படி என்ன செய்தார் என்றால், டிக் டாக் மூலம் பிரபலமான அந்த பெண் பெயர் ரோமா அப்டெசிலம் (Roma Abdesselam).

இவர், ஒரு நாளுக்கு சுமார் 50 ஆயிரம் டாலர்கள் (இந்திய மதிப்பில் சுமார் 40 லட்சம்) வரை செலவு செய்கிறார். அதாவது தனது பெற்றோர்கள் சம்பாதிக்கும் பணத்தில் இருந்து, சுமார் 40 லட்சம் ரூபாயை பெரும்பாலான நாட்களில், தனது Pocket Money ஆகவும் ரோமா செலவு செய்து வருகிறார்.

டிக்டாக்கில் பிரபலம்
இதுகுறித்து பல வீடியோக்களை இன்ஸ்டாகிராம் பக்கத்தில் அவர் வெளியிட்டு இருக்கிறார். அது மட்டுமின்றி “Stay at home daughter” என்ற பெயரை வைத்து, பெற்றோர்களின் பணத்தை தினமும் செலவு செய்வது தான், தனது முழு நேர வேலை என்றும் ரோமா குறிப்பிட்டுள்ளார்.

அன்றாடம் பல லட்சம் செலவு செய்யும் இவர், உடற்பயிற்சி செல்வது, தோழிகளுடன் ஊர் சுற்றுவது, பார், ரெஸ்டாரண்ட், அழகு நிலையங்கள் செல்வது, உடைகள், அலங்கார பொருட்கள் உள்ளிட்ட பலவற்றை வாங்குவது தான் இவரது பழக்கமாம்.

ஒரு நாள் அணிந்த உடையை மறுமுறை பயன்படுத்தும் பழக்கம் இல்லாத ரோமா, தனது பெற்றோர்கள் செய்யும் வேலை என்ன என்பது பற்றி இதுவரை குறிப்பிடவில்லை.

நெட்டிசன்கள் விமர்சனம்
ஆனாலும், ஆடம்பர செலவு ஒரு பக்கம் இருக்க, மற்ற நாடுகளிலுள்ள கல்வி சார்ந்த தொண்டு நிறுவனங்களுக்கு பணம் நன்கொடை செய்தும் வருகிறார்.

இப்படியே ஒரு நாளைக்கு பல லட்சம் ரூபாய் செலவு செய்வதையே கொண்டுள்ள இப்பெண்ணுக்கு நெட்டிசன்கள் பல விதமான கருத்துக்களை தெரிவித்து வருகின்றனர்.

கைக்குழந்தையுடன் இந்தியாவில் தஞ்சமடைந்த இலங்கையர்கள்!!

அகதிகளாக..

யாழ்ப்பாணம் வல்வெட்டித்துறை பகுதியை சேர்ந்த 08 பேர் அகதிகளாக தமிழ்நாட்டில் தஞ்சம் அடைந்துள்ளனர். இவர்கள் நேற்று(04.07) இரவு வல்வெட்டித்துறையிலிருந்து ஒரு படகில் புறப்பட்டு இன்று(05.07) காலை 5 மணியளவில் தமிழகம் தனுஷ்கோடி பகுதிக்கு சென்றுள்ளனர்.

இதன்போது ராமேஸ்வரம் கடலோர பாதுகாப்பு படையினர் இவர்களை மீட்டு காவல் நிலையம் கொண்டு சென்று விசாரணைகளை முன்னெடுத்துள்ளனர்.

விசாரணைகளின் பின்னர் அவர்களை மண்டபம் அகதிகள் முகாமில் தங்க வைக்க ஏற்பாடு செய்யப்படும் என கடலோர பாதுகாப்பு பிரிவினர் தெரிவித்துள்ளனர். இலங்கையில் இருந்து கடந்த மார்ச் மாதம் முதல் இன்று வரையில் 103 பேர் தமிழகத்திற்கு அகதிகளாக சென்றுள்ளமை குறிப்பிடத்தக்கவிடயமாகும்.

இலங்கையில் உச்சம் தொட்ட பொருளாதார நெருக்கடி : தங்க நகைகளை விற்க குவியும் மக்கள்!!

பொருளாதார நெருக்கடி..

இலங்கையில் ஏற்பட்டுள்ள கடும் பொருளாதார நெருக்கடி காரணமாக தங்க நகைகளை விற்பனை செய்வதற்காக வர்த்தக நிலையங்களுக்கு செல்லும் பொது மக்களின் எண்ணிக்கை அதிகரித்துள்ளதாக அகில இலங்கை நகை வர்த்தகர்கள் சங்கம் தெரிவித்துள்ளது.

நாட்டில் ஏற்பட்டுள்ள பொருளாதார நெருக்கடி காரணமாகவே மக்கள் தங்களிடம் உள்ள தங்க நகைகளை விற்பனை செய்வதாக அந்த சங்கத்தின் தலைவர் ஏ.விஜயகுமார் தெரிவித்துள்ளார். மேலும், புதிதாக தங்கத்தை கொள்வனவு செய்வோரின் எண்ணிக்கையும் 5 முதல் 10 சதவீதம் வரையில் வீழ்ச்சியடைந்துள்ளதாகவும் கூறப்படுகின்றது.

இதன் காரணமாக தங்க விற்பனையில் கடும் சரிவனை எதிர்நோக்கியுள்ளதாகவும், கட்டாய தேவைகளுக்காக மாத்திரமே தங்க நகை கொள்வனவில் மக்கள் ஈடுபடுவதாக அகில இலங்கை நகை வர்த்தகர்கள் சங்கம் தெரிவித்துள்ளது.

வவுனியா கிடாச்சூரி ஸ்ரீ கண்ணகி முத்துமாரி அம்மன் ஆலய வருடாந்த பொங்கல் விழா – 2022

வவுனியா கிடாச்சூரி ஸ்ரீ  கண்ணகி முத்துமாரி அம்மன் ஆலய வருடாந்த பொங்கல் விழா-2022

 

அம்பாள் அடியார்களே!

 

இலங்கைத் திருநாட்டின் சைவசமய பாரம்பரியம் கொண்ட வவுனியா மாநகரின் கிடாச்சூரிப்பதியில் கோயில் கொண்டு எழுந்தருளியுள்ள கண்ணகி ஸ்ரீ முத்துமாரி அம்பாளுக்கு நிகழும் மங்கள சுபகிருது வருடம் ஆனித் திங்கள் 17ம் நாள் (01.07.2022) ஆம் திகதி வெள்ளிக்கிழமை கொடியேற்றத்துடன் ஆரம்பமாகி 11 நாட்கள் அபிஷேக ஆராதனையுடன் பூசை நடைபெறும்.

 

ஆனித்திங்கள் 27ம் நாள் (11.07.2022) திங்கட்கிழமை பெரும் பொங்கல் நடைபெறும். அன்றைய தினம் இரவு மடப்பண்டம் எடுக்கப்படும். 12.07.2022 ஆம் திகதி அதிகாலை கொடி இறக்கத்துடன் பொங்கல் நிறைவடையும் என்பதை சகல பக்த அடியார்களுக்கும் அறியத்தருளின்றோம்.

திருவிழாப் பூசை விபரம்

  • 1ஆம் திருவிழா 07.2022 வெள்ளிக்கிழமை
  • 2ஆம் திருவிழா07.2022 சனிக்கிழமை
  • 3ஆம் திருவிழா 07.2022 ஞாயிற்றுக்கிழமை
  • 4 ஆம் திருவிழா 07.2022 திங்கட்கிழமை
  • 5ஆம் திருவிழா 07.2022 செவ்வாய்க்கிழமை
  • 6 ஆம் திருவிழா 07.2022 புதன் கிழமை
  • 7ஆம் திருவிழா 07.2022 வியாழக்கிழமை
  • 8ஆம் திருவிழா 07.2022 வெள்ளிக்கிழமை
  • 9ஆம் திருவிழா 07.2022 சனிக்கிழமை
  • 10ஆம் திருவிழா 07.2022 ஞாயிற்றுக்கிழமை
  • 11ஆம் திருவிழா 07.2022 திங்கட்கிழமை பெரும் பொங்கல் அன்றைய தினம் பகல் இரவு பாற்செம்பு காவடி எடுக்கப்படும்.

குறிப்பு: அடியார்கள் விழாக்காலங்களில் வந்து அம்பாளா தரிசித்து தங்களால் இயன்ற பால், பழம், தயிர், பூக்கள், மாணலகள் மற்றும் அபிஷேகத் திரவியங்களை வழங்கி அம்பாளின் திருவருளைப் பெற்றுய்யும் வண்ணம் அன்புடன் அழைக்கின்றோம். விழாக்காலங்களில் சமய சொற்பொழிவுகள் மற்றும் கலை நிகழ்வுகளும் இடம் பெறும்.

 

விசேட ஒலி, ஒளி அமைக்கப்படும் நாட்களும் பகல், இரவு அன்னதானம் வழங்கப்படும்.

கிடாச்சூரி சாஸ்த்திரி கூழாங்குளம் வவுனியா.

 

யாழில் தண்ணீர் வாளிக்குள் தவறி விழுந்து ஒன்றரை வயது குழந்தை உயிரிழப்பு!!

யாழ்ப்பாணம்..

யாழ்ப்பாணம்- பொன்னாலைப் பிரதேசத்தில் தண்ணீர் வாளிக்குள் தவறி விழுந்து ஒன்றரை வயது பெண் குழந்தை பரிதாபகரமாக உயிரிழந்துள்ளது. இச் சம்பவம் நேற்று (04.07.2022) இடம்பெற்றுள்ளது.

பொன்னாலை – சுழிபுரம் பகுதியைச் சேர்ந்த யசோதரன் யஸ்மிகா எனும் ஒன்றரை வயது பெண் குழந்தையே உயிரிழந்துள்ளது. குழந்தை வீட்டு முற்றத்தில் விளையாடிக் கொண்டிருந்த வேளை, அருகில் இருந்த 20 லீற்றர் கொள்வனவுடைய தண்ணீர் வாளிக்குள் இருந்த கரண்டி ஒன்றை எடுக்க முற்பட்டவேளை, வாளிக்குள் தலை கீழாக விழுந்து நீரில் மூழ்கியுள்ளது.

அதை அவதானித்த வீட்டார் குழந்தையை மீட்டு மூளாய் வைத்தியசாலையில் சேர்த்த நிலையில், குழந்தை சிகிச்சை பலனின்றி உயிரிழந்துள்ளது.

குழந்தையின் சடலம் மூளாய் கூட்டுறவு வைத்தியசாலையில் வைக்கப்பட்டுள்ளது. இச்சம்பவம் தொடர்பாக வட்டுக்கோட்டை பொலிஸார் மேலதிக விசாரணைகளை மேற்கொண்டு வருகின்றனர்.

தேனிலவு சென்ற இடத்தில் ஒரு வீடியோவால் உலகளவில் வைரலான புதுப்பெண்!!

தேனிலவு சென்ற இடத்தில்..

அமெரிக்க நடிகையும், கோடீஸ்வரியுமான அலெக்சாண்ட்ரா டாடரியோ தேனிலவு சென்ற இடத்தில் சாலையில் மேற்கொண்ட மனிதநேய செயல் மக்களின் மனதை வென்றுள்ளது.

36 வயதான அலெக்சாண்ட்ராவின் சொத்து மதிப்பு $8 மில்லியன், ஆண்ட்ரூ என்ற 53 வயது நபரை சமீபத்தில் திருமணம் செய்து கொண்டார். திருமணத்திற்கு பிறகு புதுமணத்தம்பதி தேனிலவு சென்றனர்.

அங்குள்ள ஒரு பரபரப்பான சாலையில் வாகனங்கள் தொடர்ந்து சென்று கொண்டிருந்தன. அப்போது சாலைக்கு நடுவே ஆமை ஒன்று கிடந்தது, எந்த நேரத்திலும் அந்த வழியாக செல்லும் வாகனங்கள் ஆமை மீது ஏறி அதன் உயிருக்கு ஆபத்து ஏற்படும் நிலை இருந்தது.

இதை பார்த்த அலெக்சாண்ட்ரா காரில் இருந்து இறங்கி சென்று ஆமையை கையில் தூக்கினார். பின்னர் மக்கள் நடமாட்டம் இல்லாத ஒரு இடத்தில் அதை கொண்டு போய் இறக்கி கீழே விட்டார்.

இது தொடர்பான வீடியோ உலகளவில் வைரலாகியுள்ளது. இதை பார்த்த பலரும் பணமும், புகழும் பெரியளவில் அலெக்சாண்ட்ராவிடம் இருக்கிறது, ஆனால் அதை விட மனிதநேயம் அதிகம் அவரிடம் உள்ளது என பதிவிட்டுள்ளனர்.

ஆணவக் கொலையின் உச்சம் : மாப்பிள்ளையை கொன்று எரித்த மாமனார்!!

தெலுங்கானாவில்..

இந்திய மாநிலம் தெலுங்கானாவில் தனது மகளை காதலித்து திருமணம் செய்ததால், ஆத்திரத்தில் மாப்பிள்ளையை மாமனார் கொலை செய்து எரித்த சம்பவம் பெரும் பரபரப்பை ஏற்படுத்தியுள்ளது.

தெலுங்கானா மாநிலம் போடலகொண்டப்பள்ளியைச் சேர்ந்த மென்பொறியாளர் நாராயண ரெட்டி(26), அதே ஊரைச் சேர்ந்த கந்தலா வெங்கடேஸ்வர ரெட்டியின் மகள் ரவாளியை காதலித்து வந்தார்.

ஆனால் இவர்களது காதலுக்கு பெண்ணின் பெற்றோர் கடும் எதிர்ப்பு தெரிவித்துள்ளனர். எனினும் எதிர்ப்புகளை மீறி நாராயண ரெட்டி- ரவாளி ஜோடி திருமணம் செய்து கொண்டது.

அதன் பின்னர் தங்கள் மகளை வலுக்கட்டாயமாக வெங்கடேஸ்வர ரெட்டியின் தரப்பினர் தங்களுடன் கூட்டி சென்றுள்ளனர். இதனைத் தொடர்ந்து நீதிமன்ற உதவியை நாடிய நாராயண ரெட்டி, தனது மனைவியை ஒப்படைக்குமாறு வெங்கடேஷ்வர ரெட்டியின் குடும்பத்தை கேட்டுள்ளார்.

இது குறித்து விசாரித்த நீதிமன்றம், ரவாளியை அவரது பெற்றோருடன் இருக்க அனுமதி அளித்துவிட்டது. வெங்கடேஷ்வர ரெட்டி உடனடியாக தனது மகளுக்கு வேறொரு நபருடன் திருமண ஏற்பாடு செய்துள்ளார். இதற்கு எதிர்ப்பு தெரிவித்த ரவாளி தனது காதல் கணவருடன் போனில் பேசிவந்துள்ளார்.

இதன் காரணமாக ஆத்திரமடைந்த வெங்கடேஷ்வர ரெட்டி, தனது உறவினர் சீனிவாச ரெட்டியை அணுகி சிலருடன் சேர்ந்து சதித் திட்டம் தீட்டியுள்ளார். அதன்படி, நாராயண ரெட்டியை சமரசம் பேச அழைத்து மது விருந்து வைத்துள்ளார் வெங்கடேஸ்வர ரெட்டி.

அதன் பின்னர் நாராயண ரெட்டியின் கழுத்தை நெரித்து கொன்றுவிட்டு, ஜின்னாராம் பகுதியில் உள்ள காட்டில் வைத்து பெட்ரோல் ஊற்றி எரித்துவிட்டு கூட்டாளிகளுடன் வெங்கடேஸ்வர ரெட்டி தப்பிச் சென்றுள்ளார்.

இந்த நிலையில், நாராயண ரெட்டியை காணவில்லை என அவரது பெற்றோர் அளித்த புகாரின் பேரில் பொலிசார் விசாரணையை மேற்கொண்டனர்.அப்போது நல்லுரு கிராமத்தின் புறநகர் பகுதியில் நாராயண ரெட்டியின் உடலை கைப்பற்றினர். பின்னர் வெங்கடேஸ்வர ரெட்டி, சீனிவாச ரெட்டி ஆகியோரை பொலிசார் கைது செய்தனர்.

கலக்கத்துடன் கணவருக்காக காத்திருக்கும் பெண்… நெஞ்சை உலுக்கும் ஓர் சம்பவம்!!

உக்ரைன்..

உக்ரைன் தலைநகரில் ரஷ்ய ஏவுகணை தாக்குதலில் சின்னாபின்னமான வணிக வளாகத்தில் பணிக்கு சென்ற கணவருக்காக பெண் ஒருவர் கண்ணீருடன் காத்திருப்பதாக தகவல் வெளியாகியுள்ளது.

குறித்த விவகாரம் தொடர்பில் சமூக ஊடக பக்கத்தில் குறிப்பிட்டுள்ள Sabina Hrytsai, அவரிடம் இருந்து ஒரு தொலைபேசி அழைப்புக்காக காத்திருப்பதாக கண்ணீருடன் பதிவிட்டுள்ளார்.

எனது அன்பான கணவரைத் தேடுகிறேன் என குறிப்பிட்டுள்ள அவர், சம்பவத்தின் போது அவர் அணிந்திருந்த உடை தொடர்பிலும் குறிப்பிட்டுள்ளார். 27 வயதான Sabina Hrytsai அருகாமையில் உள்ள மருத்துவமனைகளிலும் விசாரித்துள்ளார், ஏமாற்றமே மிஞ்சியுள்ளது. உள்ளூர் காவல்துறையாலும் இதுவரை உறுதியான தகவல் அளிக்க முடியவில்லை என்றே கூறப்படுகிறது.

தென்மேற்கு கீவ் நகரில் பிறந்து வளர்ந்த இருவரும் திருமணம் முடித்து, ஜூன் 11ம் திகதி தான் முதலாண்டு நிறைவடைந்துள்ளது. திங்களன்று நடந்த குறித்த தாக்குதல் சம்பவத்தில் 21 பேர் கொத்தாக கொல்லப்பட்டுள்ளதுடன், 66 பேர்கள் காயங்களுடன் தப்பியுள்ளதாக உக்ரைன் தரப்பில் தெரிவிக்கப்பட்டுள்ளது.

இதுவரை இரண்டு டசின் சடலங்கள் மீட்கப்பட்டுள்ளதாகவும், அடையாளம் காணும் பணிகள் தீவிரப்படுத்தப்பட்டுள்ளதாகவும் அதிகாரிகள் தரப்பு தெரிவித்துள்ளனர். திங்கட்கிழமை மதியத்திற்கு மேல் சுமார் 4 மணியளவில் ஏவுகணை தாக்குதல் முன்னெடுக்கப்பட்டுள்ளது. சம்பவத்தன்று தமது கணவருக்கு விடுமுறை என்ற போதும், நிர்வாகம் அழைத்ததன் பேரில் பணிக்கு சென்றதாக Sabina Hrytsai தெரிவித்துள்ளார்.

இந்த கோபத்தில் தாம் அவருடன் அப்போது சரியாக பேசிக்கொள்ளவும் இல்லை என தெரிவித்துள்ளார். ஏவுகணை தாக்குதல் சத்தம் தமக்கு கேட்டதாகவும், உடனடியாக தமது கணவரை தொலைபேசியில் தொடர்புகொள்ள முயன்றதாகவும், ஆனால் முடியாமல் போனதாக அவர் குறிப்பிட்டுள்ளார்.

தற்போதும், அவர் உயிருடன் இருப்பார் என நம்புவதாகவும், கண்டிப்பாக அவர் திரும்பி வருவார் என எதிர்பார்ப்பதாகவும் Sabina Hrytsai உருக்கமுடன் தெரிவித்துள்ளார்.

இளம்பெண் மாடியிலிருந்து குதித்து தற்கொலை : கணவருக்கு நேர்ந்த பரிதாபம்!!

நுங்கம்பாக்கத்தில்..

வரதட்சணை கொடுமையால் இளம்பெண் மாடியிலிருந்து குதித்து தற்கொலை செய்து கொண்ட விவகாரத்தில், தற்கொலைக்கு தூண்டியதாக கணவனை போலீசார் கைது செய்துள்ளனர்.

சென்னை நொளம்பூரை சேர்ந்தவர் முருகன். இவரது மகள் அருந்ததி(25). கடந்த 2019ஆம் ஆண்டு அருந்ததி, சாதிக் இப்ராஹிம் என்பவரை காதலித்து திருமணம் செய்து கொண்டு நுங்கம்பாக்கத்தில் உள்ள வானிலை ஆராய்ச்சி மையத்தின் குடியிருப்பில் வசித்து வந்துள்ளார்.

இந்நிலையில் குழந்தை பெற்றபின்பு கணவர் சாதிக் இப்ராஹிம் வேலை செய்ய கூறி தன்னை கொடுமைபடுத்துவதாகவும், வரதட்சணை கேட்டு தொந்தரவு செய்வதாகவும் கூறி கடந்த மாதம் 22ஆம் தேதி அருந்ததி பெற்றோர் வீட்டிற்கு வந்துள்ளார்.

இதனையடுத்து சமாதானம் ஆகி மீண்டும் அருந்ததி தனது கணவர் வீட்டிற்கு சென்றுள்ளார். இந்நிலையில் கடந்த 2ஆம் தேதி வீட்டின் மாடியிலிருந்து கீழே குதித்து அருந்ததி தற்கொலை செய்து கொண்டார்.

வரதட்சணை கேட்டு கொடுமைப்படுத்தியதால் தனது மகள் அருந்ததி தற்கொலை செய்து கொண்டதாகவும், அருந்ததியின் மரணத்தில் சந்தேகம் இருப்பதாக கூறி அருந்ததியின் தந்தை முருகன் நுங்கம்பாக்கம் காவல் நிலையத்தில் புகார் அளித்தார்.

மேலும் திருமணமாகி மூன்று வருடங்கள் ஆகியிருப்பதால் ஆர்.டி.ஓ பிரவீனா குமாரி கீழ்ப்பாக்கம் அரசு மருத்துவமனைக்கு சென்று விசாரணை நடத்தினார்.

இந்நிலையில் நுங்கம்பாக்கம் போலீசார் விசாரணை நடத்தி, தற்கொலைக்கு தூண்டியதாக அருந்ததியின் கணவரான நுங்கம்பாக்கத்தை சேர்ந்த சாதிக் இப்ராஹிமை (25) கைது செய்தனர். கைது செய்யப்பட்ட சாதிக்கை நீதிமன்றத்தில் ஆஜர்படுத்தி சிறையில் அடைத்தனர்.

வெளிநாட்டில் இருந்து வந்தவரால் யாழில் இரண்டுபட்ட குடும்பம் : மகளுடன் மாயமான தாய்!!

யாழில்..

யாழ் தென்மராட்சிப் பகுதியைச் சேர்ந்த 40 வயதான தாய் மற்றும் 18 வயதான மகளுடன் நோர்வேயிலிருந்து வந்த குடும்பஸ்தர் தலைமறைவாகியுள்ளதாக கூறப்படுகின்றது.

இச் சம்பவம் தொடர்பாக கணவரால் பொலிஸ் நிலையத்தில் முறைப்பாடு பதியப்பட்டுள்ள நிலையில் குறித்த சம்பவம் கடந்த வாரம் இடம்பெற்றுள்ளதாகப் பொலிஸ் தரப்பு தகவல்கள் தெரிவிக்கின்றன.

தென்மராட்சியில் உள்ள சமூகநிறுவனம் ஒன்றின் வெளிநாட்டு அங்கத்தவராக இருக்கும் குறித்த நோர்வே குடும்பஸ்தர் நோர்வேயில் இருந்த போது கஸ்ட நிலையில் இருந்த தனது குடும்பத்திற்கு நிதியுதவி வழங்கி வந்ததாகவும்,

தலைமறைவாகியுள்ள மூத்த மகளின் கல்வி நடவடிக்கைக்கு முழுமையான பங்களிப்பு செய்ததுடன் அவருக்கு லப்டொப் கணனியும் நோர்வே குடும்பஸ்தர் வாங்கிக் கொடுத்ததாகவும் கணவர் பொலிசாரிடம் கூறியுள்ளார்.

அத்துடன் மனைவிக்கு நவீன தொலைபேசி ஒன்றை அனுப்பிய போது தான் அதற்கு எதிர்ப்புத் தெரிவித்து அந்த தொலைபேசியை பறித்து விற்றபோது மனைவி தன்னுடன் முரண்பட்டதுடன் சிறிது காலம் தன்னை விட்டு பிள்ளைகளுடன் பிரிந்து இருந்துள்ளார்.

அதோடு தான் இரவில் மது போதையில் இருப்பதை காரணம் காட்டி தன்னுடன் வாழ முடியாது என அயலவர்களுக்கு கூறியதுடன் பொலிசிலும் முறையிட்டதாகவும் கணவர் கூறியுள்ளார்.

இந்நிலையில் கடந்த மாதம் நோர்வே நபர் தனது மனைவி பிள்ளைகளை வந்து சந்தித்துள்ளார். அப்போது தான் அதற்கு எதிர்ப்புத் தெரிவித்து அவருடன் முரண்பட்டு தாக்க முற்பட்ட போது மனைவி தன்னை அடித்ததாகவும் கணவர் தெரிவித்தார்.

இதன் பின்னரே தனது மனைவி மூத்த மகளுடன் அவர் தலைமறைவாகிவிட்டார் எனவும் தற்போது இவர்கள் சிங்கப்பூர் சென்று விட்டதாக தனது இரண்டாவது மகனுக்கு அறிவித்தாகவும் கணவர் பொலிசாரிடம் முறையிட்டுள்ளார். இந்நிலையில் கணவர் தற்போது தனது 15, 12 வயதான இரு ஆண் பிள்ளைகளுடன் வாழ்வதாகவும் தெரியவருகின்றது.

வாழ வழியின்றி புகையிரதத்தில் கழுத்தை வைத்து இளம் தந்தை தற்கொலை : பொருளாதார நெருக்கடியின் உச்சம்!!

மதவாச்சியில்..

மதவாச்சியில் பொருளாதார நெருக்கடி காரணமாக வேலையில்லாமல் இருந்த 26 வயதுடைய ஒரு பிள்ளையின் தந்தையொருவர் தற்கொலை செய்துள்ளார்.

மதவாச்சி புகையிரதத்தில் கழுத்தை வைத்து அவர் தற்கொலை செய்ததாக பொலிஸார் தெரிவித்துள்ளனர். உயிரிழந்தவர் மதவாச்சி பிரதேசத்தை சேர்ந்த சுஜித் தில்ஷான் என்ற 26 வயதுடைய ஒரு பிள்ளையின் தந்தையாவார்.

குறித்த நபர் கடந்த முதலாம் திகதி இரவு 07.00 மணியளவில் வீட்டில் இருந்து எவ்வித தயக்கமும் இன்றி வந்து மன்னார் வீதி, யகாவெவ புகையிரத கடவையில் இருந்து சுமார் 200 மீற்றர் தூரம் சென்று புகையிரதம் வரும் வரை காத்திருந்துள்ளார்.

தலைமன்னாரில் இருந்து அனுராதபுரம் நோக்கி சென்ற புகையிரதம் எதிரே ஓடி வந்து தண்டவாளத்தில் தலையை வைத்துள்ளார். இதனால் சாரதியினால் அதனை நிறுத்த முடியாமல் போயுள்ளதாக சாரதி தெரிவித்துள்ளார். சம்பவம் தொடர்பில் பொலிஸார் விசாரணைகளை மேற்கொண்டு வருகின்றனர்.

1...1,0241,0251,026...4,743Page 1,025 of 4,743