வவுனியா மாவட்ட செயலகத்தில் மாவட்ட செயலாளருடன் வன்னி இராணுவ கட்டளைதளபதி பிரியந்த பெரோரா சந்திப்பு!!

பிரியந்த பெரோரா..

புதிதாக கடமையினை பொறுப்பேற்ற வன்னி பிராந்திய புதிய இராணுவ கட்டளைத்தளபதி பிரியந்த பெரோரா மாவட்ட அரசாங்க அதிபருடன் சந்திப்பொன்றினை மேற்கொண்டுள்ளார். குறித்த சந்திப்பு வவுனியா மாவட்ட செயலகத்தில் இன்று 13.11.2020 காலை மணியளவில் இடம்பெற்றது.

வவுனியா மாவட்டத்தின் தற்போதைய நிலைமை மற்றும் மாவட்டத்தில் கொரோனா தொற்று நிலைமை போன்ற பல்வேறு விடயங்கள் தொடர்பில் இதன் போது கலந்துரையாடப்பட்டது.

வன்னியில் அதிகளவில் பயன்படுத்தப்பட்டுள்ள இராணுவத்தினரின் பாதுகாப்பு தொடர்பாக வன்னி பிராந்திய புதிய இராணுவ கட்டளைத்தளபதி பிரியந்த பெரோராவிடம் ஊடகவியலாளர்கள் வினவிய போது,

வன்னியில் உள்ளது போன்றே நாடு முழுவதும் இராணுவத்தினர் உள்ளனர். கொரோனா தொற்று தற்போதைய தற்போதைய சூழ்நிலையில் நாட்டின் பாதுகாப்பிற்காக கொழும்பு முழுவதிலும் இராணுவத்தினர் கடமையில் ஈடுபட்டுள்ளமையும் குறிப்பிடத்தக்கது என அவர் தெரிவித்தார்.

வவுனியா மாவட்ட அரசாங்க அதிபர் தீபாவளி கொண்டாட்டம் தொடர்பில் விடுத்துள்ள கோரிக்கை!!

தீபாவளி கொண்டாட்டம் தொடர்பில்..

ஒன்று கூடல்களை தவிர்த்து வீடுகளில் இருந்து இம்முறை தீபாவளியை கொண்டாடுங்கள் என வவுனியா மாவட்ட அரசாங்க அதிபர் எஸ்.எம்.சமன் பந்துலசேன கோரிக்கை விடுத்துள்ளார்.

வவுனியா மாவட்ட செயலகத்தில் இன்று (13.11.2020) காலை இடம்பெற்ற விசேட ஊடக சந்திப்பின் போதே அவர் இவ்வாறு தெரிவித்தார். அவர் தொடர்ந்து கருத்து தெரிவிக்கையில்,

கொரோனா தொற்று இலங்கையில் மிக தீவிரமாக பரவி வரும் நிலைமை காணப்படுகின்றது. மேல் மாகாணத்திலிருந்து அனைத்து மாகாணங்களுக்கும் அனைத்து மாவட்டங்களுக்கும் தொற்று பரவிவருகின்றது இந்த நிலையில் வவுனியா மாவட்ட மக்களுக்கு நாம் தெரிவித்து கொள்வது என்னவென்றால்,

சுகாதார நடைமுறைகளை சரியாக பின்பற்றி தங்களுடைய அன்றாட செயற்பாடுகளை செயற்படுத்திக் கொள்ள வேண்டும். அதே நேரத்தில் தற்போது பண்டிகை காலமாக இருக்கின்ற படியால் அதாவது தீபாவளி பண்டிகை அதேபோல்,

கந்தசஷ்டி விரதம் மற்றும் இந்துக்களின் கௌரிக் காப்பு விரதம் என்பன தற்காலத்தில் இடம்பெறவுள்ளமையால் மக்கள் அதிகளவில் ஒன்று கூடாமல் தங்களுடைய வழிபாடுகளை வீடுகளில் இருந்தவாறு செய்வது மிகப் பொருத்தமானதாக இருக்கும்.

மேலும் இந்த பண்டிகைக்காலத்தில் வழமை போன்று வர்த்தக நிலையங்களுக்குச் சென்று பொருட்கொள்வனவு செய்வது போன்ற விடயங்களில் ஈடுபடுவோர் அவற்றை மிக கவனமாக செயற்படுத்த வேண்டும்.

அதிகமாக ஒன்று கூடாது தங்களுடைய தேவைகளை பூர்த்தி செய்யும் வண்ணம் அதாவது குடும்பத்தில் ஓரிருவர் மட்டும் சென்று தங்களுடைய அத்தியாவசிய தேவைகளை பூர்த்தி செய்து பொருட்களை கொள்வனவு செய்யுங்கள்.

ஆகவே மாவட்டத்தின் சீரான இயக்கத்திற்கும் மக்களுடைய மேலான ஒத்துழைப்பு மிகவும் அவசியம். எனவே இந்த கொரோனா காலத்தில் சமூக இடைவெளியை பின்பற்றி இந்த பண்டிகைக்கான பொருள் கொள்வனவு மற்றும் பண்டிகை கொண்டாடுவதை மிக அவதானமாக செய்ய வேண்டும் என இந்த சந்தர்ப்பத்திலே வினயமாக கேட்டுக் கொள்கின்றேன் என்றார்.

வவுனியாவில் கொரோனா அச்சத்திலும் தீபாவளிக்கு தயாராகும் மக்கள்!!

வவுனியாவில்..

தீபாவளி அல்லது தீப ஒளித்திருநாள் என்பது ஐந்து நாட்கள் கொண்டாடப்படுகின்ற பண்டிகையாகும். இது இந்து மதத்தின் மிகவும் பிரபலமான பண்டிகைகளில் ஒன்றாகும்.

இப்பண்டிகை இலங்கை உட்பட பல நாடுகளிலும் கொண்டாடப்படுகிறது. சில இடங்களில் வெவ்வேறு நாட்களில் கொண்டாடப்படுகிறது. அதாவது வாழ்க்கையின் இருளை நீக்கி, ஒளியைக் கொடுக்கும் பண்டிகையாக தீபாவளி பண்டிகை கொண்டாடப்படுகிறது.

நாட்டில் கோவிட்-19 இன் தாக்கம் அதிகரித்துள்ள நிலையிலும் வவுனியாவில் தீபாவளி பண்டிகையினை முன்னிட்டு நகரில் புத்தாடைகள் கொள்வனவில் பொதுமக்கள் ஈடுபட்டு வருவதைக் காணக்கூடியதாக உள்ளது.

தீபாவளி பண்டிகை நாளைய தினம் (14.11.2020) உலகளாவிய ரீதியில் கொண்டாடப்படவுள்ள நிலையில் வவுனியாவில் தீபாவளி பண்டிகை புத்தாடை வியாபாரங்கள் ஆரம்பித்துள்ளதை காணக்கூடியதாகவுள்ளது.

அத்துடன் கடந்த வருடத்தினை விட இம்முறை மிகமிகக் குறைந்தளவிலான மக்களே தீபாவளி பண்டிகைக்கு புத்தாடைகளை கொள்வனவு செய்வதில் ஆர்வம் காட்டியுள்ளதாக வவுனியா வர்த்தகர்கள் தெரிவித்துள்ளனர்.

வழமையில் வெளிமாவட்ட மக்களும் வவுனியா நகரில் புத்தாடை கொள்வனவிற்கு வருகை தருகின்ற போதிலும் தற்போதைய கோவிட் – 19 சூழ் நிலையில் வவுனியா மாவட்ட மக்கள் மாத்திரமே புத்தாடை கொள்வனவு செய்வதினை காணக்கூடியதாவுள்ளது.

வவுனியா பிரதேச செயலகத்தில் விண்ணப்பப் படிவங்களுடன் குவிந்த இளம் தொழில் முயற்சியாளர்கள்!!

பிரதேச செயலகத்தில்…

காணி முகாமைத்துவ அலுவல்கள் அரச தொழில் முயற்சிக் காணிகள் மற்றும் சொத்துக்கள் அபிவிருத்தி இராஜாங்க அமைச்சினால் இளம் தொழில் முயற்சியாளர்களை ஊக்குவிப்பதற்காக அரச காணிகளில் முதலீட்டு வாய்ப்புக்களை வழங்கும் நிகழ்ச்சித்திட்டம் முன்னேடுக்கப்பட்டு வருகின்றது.

100000 இளம் தொழில் முனைவோர்களுக்கு இலவச காணித்துண்டுகள் வழங்குவதற்கான விண்ணப்படிவம் வழங்கப்பட்டிருந்த நிலையில் அதன் இறுதித்திகதி 15.11.2020 உடன் நிறைவுக்கு வருகின்றது.

இதனையடுத்து இன்றையதினம் (13.11.2020) காலை தொடக்கம் மதியம் வரையிலான காலப்பகுதியில் 300க்கு மேற்பட்டவர்கள் விண்ணப்படிவத்தினை ஒப்படைப்பதற்காக வவுனியா பிரதேச செயலகத்திற்கு வருகை தந்திருந்தனர்.

கோவிட் – 19 மற்றும் மக்களின் அசௌகரியங்களை குறைக்கும் வகையில் வவுனியா பிரதேச செயலக ஊழியர்கள் செயலக வாயிலில் நின்று இலவச விண்ணப்டிவங்களை விநியோகம் செய்ததுடன் நிரப்பட்ட விண்ணப்படிவங்களையும் பெற்றுக்கொண்டனர்.

வாழ்வளித்த கனடாவுக்கு வித்தியாசமாக நன்றியைக் காட்டிய பெண் : மூன்று சாதனை புத்தகங்களில் இடம்பிடித்தது இப்படித்தான்!!

மினு பாட்டியா..

தனக்கு புது வாழ்வளித்த கனடாவுக்காக எதையாவது செய்ய விரும்பிய இந்தியப் பெண் ஒருவர் செய்த செயல், மூன்று சாதனை புத்தகங்களில் இடம்பிடித்துள்ளது.

2010ஆம் ஆண்டு இந்தியாவிலிருந்து கனடா வந்த மினு பாட்டியா, 2015இல் கனேடிய குடிமகளானார்.

தன்னை இரு கரம் நீட்டி வரவேற்று வாழ்வளித்த கனடாவை கௌரவிப்பதற்காக எதையாவது செய்ய முடிவு செய்த கால்கரியில் வாழும் மினு, கனேடிய கொடி ஒன்றை கைகளால் பின்னத் தொடங்கினார்.

ஸ்வெட்டர் பின்னுவது போல் 2016ஆம் ஆண்டு கொடி ஒன்றைப் பின்னத் தொடங்கினார் மினு. கஷ்டப்பட்டு, 18 மாதங்கள் கைவலிக்க உழைத்து அவர் அந்த கொடியை செய்து முடித்தார்.

74 சதுர மீற்றர் பரப்பளவும் 60 கிலோ எடையும் கொண்ட பிரம்மாண்ட கொடி அது. அந்த கொடி பல கனடா தின நிகழ்வுகளில் காட்சிக்கு வைக்கப்பட்டு வருகிறது. அத்துடன், பல சாதனைகளை முறியடித்து வருகிறது அந்த கொடி.

லிம்கா சாதனையாளர்கள் புத்தகம், ஆசிய சாதனையாளர்கள் புத்தகம் மற்றும் இந்திய சாதனையாளர்கள் புத்தகம் ஆகிய மூன்று சாதனை புத்தகங்களில் அந்த கொடி இடம்பெற்றுள்ளது.

கருவளையத்தை நீக்க விஷப்பாம்பை முகத்தில் தேய்த பாம்பாட்டி : அதிர்ச்சியில் பயந்து ஓடிய இளைஞர்கள்!!

பாம்பாட்டி..

திருவண்ணாமலை மாவட்டம் கீழ் புதூரை சேர்ந்த பாம்பாட்டி ஒருவர் கருவளையத்தை நீக்குவதாக ஆசை வார்த்தை கூறி விஷபாம்பை முகத்தில் தேய்த்த சம்பவம் பலருக்கு அதிர்ச்சியை ஏற்படுத்தியுள்ளது.

குமரேசன் என்ற பாம்பாட்டி ஒருவர் திருபுவனையில் முகாமிட்டு அந்த பகுதியில் உள்ள கிராமங்களுக்கு சென்று பொதுமக்களின் பலவீனத்தை தனக்கு சாதகமாக பயன்படுத்தி வந்துள்ளார்.

இந்நிலையில் குமரேசன் கருவளையத்தை இருந்த இடம் தெரியமால் நீக்குவதாக ஆசை வார்த்தை கூறி அங்குள்ள மக்களை நம்ப வைத்துள்ளார். இதனை மக்கள் நம்பி பலரும் இந்த சிகிச்சை பெற முன்வந்துள்ளனர்.

அப்போது அந்த பாம்பாட்டி 100 ரூபாயை வாங்கிக் கொண்டு அதிக விஷத்தன்மை கொண்ட நல்ல பாம்பை கையில் சுற்றி கருவளையத்தை நீக்குவதற்கு அவர்களது முகத்தில் தேய்த்தார்.

இதனை பார்த்த பலர் பயந்து நடுங்கியபடியே இந்த சிகிச்சையை மேற்கொண்டுள்ளனர். சில இளைஞர்கள் பயந்தும் ஓடியுள்ளனர்.

அதுமட்டுமின்றி குமரேசன் அந்த பாம்பு சிகிச்சையுடன் நின்று விடாமல் மஞ்சள் கரு கலந்த மருந்தையும் கொடுத்து அதை முகத்தில் தேய்த்து வருமாறு பொதுமக்களுக்கு அந்த டிப்சும் கொடுத்துள்ளார் என்பது குறிப்பிட்டத்தக்கதாகும்.

வவுனியா செட்டிகுளத்தில் இறந்த நிலையில் யானையின் உடல் மீட்பு!!

செட்டிகுளத்தில்..

வவுனியா, செட்டிகுளம் கப்பாச்சி கிராமத்தில் இறந்த நிலையில் யானை ஒன்றின் உடல் இன்று (12.11) மீட்கப்பட்டுள்ளது. இது தொடர்பில் மேலும் தெரியவருவதாவது,

வவுனியா, செட்டிகுளம், கப்பாச்சி கிராமத்தில் உள்ள குளத்தை அண்டிய வயல் பிரதேசத்தில் இறந்த நிலையில் யானை ஒன்றின் உடல் மீட்கப்பட்டுள்ளது.

குறித்த பகுதிக்கு வயல் வேலைக்கு சென்ற விவசாயிகளே இறந்த யானையின் உடலை கண்டு வனஜீவராசிகள் திணைக்களத்திற்கு தெரியப்படுத்தியிருந்தனர்.

அருகில் இருந்த காட்டில் இருந்து வயல் பிரதேசத்திற்குள் நுழைந்த குறித்த யானை பூச்சித் தாக்கம் காரணமாக இறந்துள்ளதாக வனஜீவராசிகள் திணைக்களத்தினர் தெரிவித்துள்ளனர்.

இந்நிலையில் இறந்த யானையின் உடலை தகனம் செய்வதற்கான நடவடிக்கைகளை வனஜீவராசிகள் திணைக்களத்தினர் முன்னெடுத்துள்ளனர்.

3 ஆண்டுக்கு முன் உ யி ரை வி ட் ட அ ண்ணன் : தன்னுடன் வசித்த அ ண்ணியை கொ லை செ ய் த மை த்துனன் : அ தி ர் ச் சி ச ம்பவம்!!

டெல்லி..

இந்தியாவில் அ ண்ணியை கொ லை செ ய் த கொ ழுந்தன் பொ லிசில் ச ர ண டை ந் த நி லையில் ப ர ப ர ப் பு வா க் கு மூ ல ம் கொ டுத்து ள்ளார்.

டெல்லியை சே ர்ந்தவர் ரோகித். இ வரின் மூ த்த ச கோதரர் க டந்த 3 ஆ ண்டுகளுக்கு மு ன்னர் வி ப ரீ த மு டிவெடு த்து உ யி ரை மா ய் த் து க் கொ ண்டார் . இ தையடு த்து த ன து அ ண்ணி ம ற்றும் தா யா ரு ட ன் ரோகித் வ சி த் து வ ந்தார்.

இ ந் த நி லை யி ல் ரோ கி த் அ ண் ணி யை கொ லை செ ய் த து ட ன் கா வ ல் நி லை ய த் தி ற் கு செ ன் று அ வ ரை கொ லை செ ய் து வி ட் ட தா க தெ ரி வி த் து ள் ளா ர்.

இ தை கே ட் டு அ தி ர் ச் சி ய டை ந் த பொ லி சா ர் ரோ கி த் வீ ட் டு க் கு செ ன் று ச ட ல த் தை கை ப் ப ற் றி னா ர் க ள். பி ன் ன ர் அ வ ர் அ ளி த் த வா க் கு மூ ல த் தி ல், எ ன து அ ண் ணி க் கு இ ர ண் டு கு ழ ந் தை க ள் உ ள் ள ன ர்.

நா ன் எ ன் தா யை வி ட் டு பி ரி ந் து இ ரு க் க வே ண் டு ம் எ ன வு ம், அ வ ரு ட ன் ம ட் டு மே இ ரு க் க வே ண் டு ம் எ ன வு ம் அ ண் ணி எ ன் னை வ ற் பு று த் தி வ ந் தா ர். இ து தொ ட ர் பா க எ ங் க ளு க் கு ள் வா க் கு வா த ம் ஏ ற் ப ட் ட து.

இ த னா ல் தா ன் இ வ் வா று செ ய் து வி ட் டே ன் எ ன தெ ரி வி த் து ள் ளா ர்.

ஒரே வீட்டில் பெண் காவலருடன் வாழ்ந்த இளைஞன் : திடீரென அப்பெண்ணால் ஏற்பட்ட அதிர்ச்சி!!

தமிழகத்தில்..

தமிழகத்தில் பெண் காவலர் காதலித்து ஏமாற்றியதால் மனமுடைந்த பைனான்சியர் வி ஷ ம் கு டித்த சம்பவம் ப ரபரப்பை ஏற்படுத்தியுள்ளது. சேலத்தை சேர்ந்த பைனான்சியர் பரமசிவம் என்பவரின் மகன் பிரபு என்ற 25 வயது இளைஞர் திருச்சியில் பைனான்ஸ் தொழிலில் ஈடுபட்டு வந்துள்ளார்.

அப்போது, திருச்சி காவல்துறையில் பொலிசாக பணியாற்றிய வைதேகிக்கும் பிரபுவுக்கும் காதல் மலர்ந்துள்ளது. பிறகு, திருவாரூர் காவல் நிலையத்துக்கு வைதேகி மாற்றப்பட்டுள்ளார்.

தொடர்ந்து, திருவாரூர் காவலர் குடியிருப்பிலேயே லிவிங் டுகெதராக பிரபுவுடன் வைதேகி இணைந்து வாழ்ந்துள்ளதாக சொல்லப்படுகிறது. தற்போது, மன்னார்குடி காவல் நிலையத்தில் வைதேகி பணி புரிந்து வருகிறார்.

இந்த நிலையில், பிரபு வைதேகியை திருமணம் செய்து கொள்ள அவரின் பெற்றேரிடத்தில் பேசியுள்ளார். வைதேகி குடும்பத்தார் திருமணத்துக்கு மறுத்ததாக சொல்லப்படுகிறது.

இதற்கு பிறகு, வைதேகியின் நடவடிக்கையில் மாற்றம் தெரிந்துள்ளது. நீ வேறு யாரையாவது திருமணம் செய்து கொள் என்று பிரபுவிடத்தில் வைதேதி கூறியதாக தெரிகிறது.

இதனால் பிரபு அ திர்ச்சியடைந்த போதிலும் வைதேகியை திருமணம் செய்து கொள்வதில் உறுதியாக இருந்துள்ளார். தன்னை காதலித்து ஏமாற்றி விட்டதாக மன்னார்குடி காவல் நிலையத்தில் புரபு புகாரும் அளித்துள்ளார்.

ஆனால், நடவடிக்கை எடுக்கப்படவில்லை என்று சொல்லப்படுகிறது. இதன் காரணமாக, மன வே தனையடைந்த பிரபு நேற்று வி ஷ ம் கு டி த் து த ற் கொ லை க் கு மு ய ன் றா ர்.

அக்கம்பக்கத்தினர் அவரை மீட்டு மன்னார்குடி அரசு மருத்துவமனையில் சிகிச்சைக்காக அனுமதித்தனர். தற்போது, உ யிருக்கு ஆ பத்தான நிலையில் பிரபு சிகிச்சை பெற்று வருகிறார் என தெரியவந்துள்ளது.

 

இலங்கையில் கொரோனா தொற்றுக்கு இலக்காகி மேலும் இருவர் உயிரிழப்பு!!

கொரோனா..

இலங்கையில் கொரோனா தொற்றுக்கு இலக்காகி உயிரிழந்தவர்களின் எண்ணிக்கை 48ஆக அதிகரித்துள்ளது. நாட்டில் மேலும் 2 கொரோனா மரணங்கள் பதிவாகியுள்ள நிலையிலேயே இந்த அதிகரிப்பு ஏற்பட்டுள்ளது.

முல்லேரியா வைத்தியசாலையில் சிகிச்சை பெற்று வந்த 2 நோயாளர்களே உயிரிழந்துள்ளதாக தெரியவருகிறது.

கொழும்பு 12ஐ சேர்ந்த 54 வயதுடைய ஆணொருவரும், மீகொட பிரதேசத்தை சேர்ந்த 45 வயது மற்றுமொரு ஆணுமே இவ்வாறு உயிரிழந்துள்ளதாக அறிவிக்கப்பட்டுள்ளது.

கிளிநொச்சியில் உணவருந்திக் கொண்டிருந்த சிறுவன் மீது இடிந்து விழுந்த சுவர் : பரிதாபமாக பலியான சிறுவன்!!

கிளிநொச்சியில்..

கிளிநொச்சியில் தற்காலிக வீடொன்றின் சுவர் இடிந்து விழுந்ததில் 8 வயது சிறுவன் பலியான சம்பவம் அப்பகுதியையே சோகத்தில் ஆழ்த்தியுள்ளது. கரைச்சி பிரதேச செயலக பிரிவிற்கு உட்பட்ட தொண்டமான்நகர் பகுதியில் குறித்த சம்பவம் இன்று காலை 11 மணியளவில் இடம்பெற்றுள்ளது.

கடந்த சில நாட்களாக பெய்த பலத்த மழை காரணமாக குறித்த பகுதியில் வெள்ள நீர்தேங்கியுள்ளது. இதன்காரணமாக தற்காலிக வீட்டின் சுவர் பலவீனமடைந்து உணவருந்திக் கொண்டிருந்த சிறுவன் மீது உடைந்து விழுந்துள்ளது.

இடிபாட்டுக்குள் சிக்கிய சிறுவன் அயலவர்களின் உதவியுடன் மீட்கப்பட்டு கிளிநொச்சி வைத்தியசாலைக்கு கொண்டு செல்லப்பட்ட போதும் சிகிச்சை பலனின்றி உயிரிழந்துள்ளார். இந்த சம்பவத்தில் 8 வயதான நிரோயன் றுசாந்தன் என்ற சிறுவனே பலியாகியுள்ளார்.

உயிரிழந்த சிறுவனின் சடலம் கிளிநொச்சி வைத்தியசாலையில் வைக்கப்பட்டுள்ளதுடன், உறவினர்களிடம் கையளிக்கப்படவுள்ளது. சம்பவம் தொடர்பான விசாரணைகளை கிளிநொச்சி பொலிஸார் முன்னெடுத்துள்ளனர்.

இந்த பகுதியில் வெள்ளநீர் தேங்குவது தொடர்பில் பல்வேறு தரப்பினரின் கவனத்திற்கு கொண்டு சென்றும் எவ்வித தீர்வும் எட்டப்படவில்லை என பிரதேச மக்கள் குற்றம் சாட்டுகின்றனர். இதனால் வருடம் தோறும் 40 குடும்பங்கள் வரை பாதிக்கப்படுவதாகவும் அவர்கள் தெரிவிக்கின்றனர்.

கடந்த அரசின் காலத்தில் வழங்கப்பட்ட வீட்டுத்திட்டத்தின் மிகுதி பணம் வழங்கப்படாமையினாலேயே நிரந்தர வீட்டுக்குள் செல்ல முடியாது போயுள்ளதாகவும், நிரந்தர வீடு அமைப்பதற்கான மிகுதி பணத்தினை வழங்க நடவடிக்கை மேற்கொள்ளுமாறும் பிரதேச மக்கள் கோரிக்கை முன்வைத்துள்ளனர்.

இரண்டு நாட்களுக்கு பயணிகள் புகையிரத சேவை ரத்து!!

புகையிரத சேவை ரத்து..

இரண்டு நாட்களுக்கு பயணிகள் புகையிரத சேவை ரத்து செய்யப்படுவதாக அறிவிக்கப்பட்டுள்ளது. அதன்படி எதிர்வரும் 14 மற்றும் 15ஆம் திகதிகளிலேயே பயணிகள் புகையிரத சேவை ரத்து செய்யப்படுவதாக இலங்கை புகையிரத திணைக்களம் அறிவித்துள்ளது.

அரசாங்க விடுமுறை தினங்களான வார இறுதி நாட்களில் இவ்வாறு பயணிகள் புகையிரத சேவைகளை ரத்து செய்வதாக அறிவிக்கப்பட்டுள்ளது.

என்ற போதும் எதிர்வரும் 16ஆம் திகதி வழமை போன்று பயணிகள் புகையிரத சேவை நடைபெறும் என புகையிரத திணைக்களம் வெளியிட்டுள்ள அறிக்கையில் குறிப்பிடப்பட்டுள்ளது.

வவுனியா பிரதேச செயலகத்தால் தனிமைப்படுத்தப்பட்ட குடும்பங்களுக்கு உதவித் திட்டங்கள்!!

உதவித் திட்டங்கள்..

கொவிட்19 தாக்கம் காரணமாக தனிமைப்படுத்தப்பட்ட குடும்பங்களுக்கு அரசாங்கத்தின் உதவித்திட்டங்கள் வவுனியா பிரதேச செயலகத்தால் இன்று(12.11.2020) வழங்கி வைக்கப்படது.

கொரோனா தொற்று சந்தேகத்தில் பிசீஆர் பரிசோதனை மேற்கொள்வதற்காக நாடாளவிய ரீதியில் தனிமைப்படுத்தப்பட்டுள்ள குடும்பங்களுக்கு 10 ஆயிரம் ரூபாய் பெறுமதியான உலர் உணவுப் பொருட்களை வழங்க அரசாங்கம் நடவடிக்கை எடுத்துள்ளது.

இதனடிப்படையில் வவுனியா பிரதேச செயலக புரிவுக்குட்டபட்ட பண்டாரிக்குளம், வேப்பங்குளம், ரகுபாக்கம், சாளம்பைக்குளம், பம்பைமடு உள்ளிட்ட பகுதிகளில் 93 குடும்பங்கள் தனிமைப்படுத்தப்பட்டுள்ளனர்.

அவர்களுக்கு அரசாங்கத்தால் வழங்கப்பட்டுள்ள 10 ஆயிரம் ரூபாய் பெறுமதியான உலர் உணவுப் பொருட்களை இரண்டு கட்டங்களாக வழங்கப்பட்டு வருகின்றது.

முதல் கட்டமாக 5 ஆயிரம் ரூபாய் பெறுமதியான
சீனி, அரிசி, பருப்பு உள்ளிட்ட உலர் உணவுப் பொருட்கள் 93 குடும்பங்களுக்கும் வழங்கி வைக்கப்பட்டது.

அடுத்த கட்டமாக மிகுதி 5 ஆயிரம் ரூபாய் பெறுமதியான உலர் உணவுப் பொருட்கள் வழங்கப்படவுள்ளமை குறிப்பிடத்தக்கது.

வவுனியா செட்டிகுளம் பிரதேச சபையின் வரவு செலவுத் திட்டம் தோல்வி!!

செட்டிகுளம் பிரதேச சபை..

சுதந்திர கட்சி வசமுள்ள வவுனியா, செட்டிகுளம் பிரதேச சபையின் 2021 ஆம் ஆண்டுக்கான பாதீடு இரு மேலதிக வாக்குகளால் தோல்வியடைந்துள்ளது.

வவுனியா செட்டிகுளம் பிரதே சபையில் தமிழ் தேசிய கூட்டமைப்பு 05, ஸ்ரீலங்கா சுதந்திர கட்சி 04, தமிழர் விடுதலைக் கூட்டணி சார்பான ஈபிஆர்எல்எப் 03, ஐக்கிய தேசியக் கட்சி 02, தமிழ் தேசிய மக்கள் முன்னணி 01, முஸ்லிம் காங்கிரஸ் 01, பொதுஜன பெரமுன 01 என 17 உறுப்பினர்கள் உள்ளனர்.

இதில், ஐக்கிய தேசியக் கட்சி, ஸ்ரீலங்கா பொதுஜன பெரமுன ஆதரவுடன் ஸ்ரீலங்கா சுதந்திர கட்சி (07 உறுப்பினர்கள் ஆதரவுடன்) ஆட்சியமைத்திருந்தது.

இந்நிலையில் 2021 ஆம் ஆண்டு பாதீடு மீதான வாக்கெடுப்பு இன்று (12.11) நடைபெற்ற நிலையில் தமிழ் தேசிய கட்சிகளான தமிழ் தேசியக் கூட்டமைப்பு, தமிழர் விடுதலைக் கூட்டணி சார்பான ஈபிஆர்எல்எப்,

தமிழ் தேசிய மக்கள் முன்னணி என்பன ஒன்று சேர்ந்து 9 உறுப்பினர்கள் இணைந்து வாக்களித்து பாதீட்டை தோல்வி அடையச் செய்தனர்.

பாதீட்டுக்கு ஆதரவாக 7 உறுப்பினர்களும், பாதீட்டுக்கு எதிராக 9 உறுப்பினர்களும் வாக்களித்ததுடன், முஸ்லிம் காங்கிரஸ் உறுப்பினர் ஒருவர் சபைக்கு சமூகமளிக்கவில்லை.

இலங்கைக்குள் இதுவரை 612 பொலிஸார் கொரோனாவால் பாதிப்பு!!

கொரோனா..

பொலிஸ் திணைக்களத்தில் பரவி வரும் கொரோனாத் தொற்று காரணமாக இதுவரை 612 பொலிஸ் உத்தியோகத்தர்கள் பாதிக்கப்பட்டுள்ளனர் என்று கொரோனாத் தடுப்புக்கான தேசிய செயற்பாட்டு மையம் தெரிவித்துள்ளது.

பாதிக்கப்பட்ட பொலிஸ் உத்தியோகத்தர்களில் 145 விசேட அதிரடிப் படை உறுப்பினர்களும் அடங்குகின்றனர் எனவும் அந்த மையம் குறிப்பிட்டுள்ளது.

நேற்று மாத்திரம் 91 பொலிஸாருக்குக் கொரோனாத் தொற்று உறுதிப்படுத்தப்பட்டுள்ளது. தொற்று உறுதிப்படுத்தப்பட்டவர்களில் 82 பேர் கோட்டை பொலிஸ் நிலையத்தில் கடமையாற்றுவோர் எனத் தெரிவிக்கப்பட்டுள்ளது.

உடலில் வலிகள் ஏற்பட்டால் உடனடியாக வைத்தியசாலைக்கு செல்லவும் : டொக்டர் ஹரித அளுத்கே!!

உடலில் வலி..

உடலில் வலிகள் ஏற்பட்டால் உடனடியாக வைத்தியசாலைக்கு சென்று சிகிச்சை பெற்றுக் கொள்ளுமாறு பொது மக்களிடம், அரசாங்க வைத்திய அதிகாரிகள் சங்கத்தின் சிரேஸ்ட உறுப்பினர் டொக்டர் ஹரித அளுத்கே தெரிவித்துள்ளார்.

நாட்டில் கொரோனா வைரஸ் தொற்று பரவுகை நிலைமை ஏற்பட்டுள்ள நிலையில் பொதுமக்களின் பொறுப்புக்கள் குறித்து டொக்டர் அலுத்கே விளக்கியுள்ளார்.

நெஞ்சு வலி, சுவாசிப்பதில் சிரமம், தொண்டை வலி மற்றும் தலைவலி போன்ற உபாதைகள் ஏற்பட்டால் வலிகள் தாங்க முடியாத அளவிற்கு அதிகரிக்கும் வரையில் காத்திருக்காது, வலி ஏற்படும் போதே வைத்தியசாலைக்கு செல்ல வேண்டுமென தெரிவித்துள்ளார்.

தங்களது உடல் சாதாரண நிலையில் இருக்கும் போதே ஏதேனும் வலி ஏற்பட்டால் வைத்தியசாலையில் சிகிச்சை பெற்றுக்கொள்வதே பொருத்தமானது எனவும் டொக்டர் அலுத்கே குறிப்பிட்டுள்ளார்.