ஜனாதிபதி விடுத்துள்ள கோரிக்கை..

கொரோனா வைரஸ் குறித்து ஏற்பட்டுள்ள பீதியை அடுத்து நாட்டு மக்கள் அனைவரும் அமைதியை கடைப்பிடிக்குமாறு ஜனாதிபதி கோட்டாபய ராஜபக்ச கோரிக்கை விடுத்துள்ளார்.

அத்துடன், கொரோனா வைரஸ் பரவுவதைக் கட்டுப்படுத்த தேவையான அனைத்து நடவடிக்கைகளையும் அரசாங்கம் எடுத்துள்ளதாகவும், நன்கு சிந்திக்கப்பட்ட திட்டம் வகுக்கப்பட்டுள்ளதாகவும் ஜனாதிபதி கூறினார்.

இதன்படி, அதிக ஆபத்துள்ள நாடுகளில் இருந்து வரும் அனைத்து பயணிகளும் தனிமைப்படுத்தப்பட்டு வருவதாகவும், பாதிக்கப்பட்டவர்களுக்கு சிகிச்சையளிக்க மருத்துவ வசதிகள் அமைக்கப்பட்டுள்ளதாகவும் ஜனாதிபதி கூறியுள்ளார்.

மேலும், நாட்டு மக்கள் மற்றும் தேசத்தின் ஆரோக்கியத்தை உறுதி செய்வதற்காக அனைத்து அரச நிறுவனங்களின் செயல்முறைகளும் பலப்படுத்தப்பட்டுள்ளதாகவும் அவர் சுட்டிக்காட்டியுள்ளார்.

ஆகையினால், நாட்டு மக்கள் தேவையின்றி பீதியடைய வேண்டாம் என்றும் வதந்திகள் மற்றும் போலி செய்திகளைப் நம்ப வேண்டாம் என்றும் ஜனாதிபதி கோரிக்கை விடுத்துள்ளார்.

இதேவேளை, கொரோனா வைரஸ் குறித்த பீதி காரணமாக நேற்று மாலை அத்தியாவசிய பொருட்கள் விற்பனை செய்யும் இடங்களில் சன நெரிசல் காணமுடிந்தது.

மேலும், எரிபொருள் நிரப்பு நிலையங்களிலும் மக்கள் செரிசலாக நின்று தேவைக்கும் அதிகமாகவே எரிபொருளை பெற்றுச் செல்வதாக தெரிவிக்கப்படுகிறது. முன்னதாக பாடசாலைகள் மற்றும் ஏனைய கல்வி நிறுவனங்களும் தற்காலிகமாக மூடப்பட்டுள்ளமை குறிப்பிடத்தக்கது.

டெரன்ஸ்

72 நாடுகளை தோற்கடித்து முல்லை மண்ணை சேர்ந்த மாணவன் ஒருவர் சாதனை படைத்துள்ளார். முல்லைத்தீவு விஸ்வமடு வித்தியாலயத்தை சேர்ந்த டெரன்ஸ் என்ற மாணவரே இவ்வாறு சாதனை படைத்துள்ளார்.

பிரதானமாக மாற்றுத்திறனாளிகள் பயன்படுத்தும் வகையில் குறித்த மாணவன் தனது கண்டுப்பிடிப்பை உருவாக்கியுள்ளார். ஈழத்தில் யு த்த வடுக்களில் இருந்து இன்னமும் மீளமுடியாமல் எமது உறவுகள் தினம் தினம் பல இ ன்னல்களை அனுபவிக்கின்றனர்.

அவ்வாறு யு த்தத்தில் அ ங்கவீனமுற்றவர்களுக்கு இந்த மாணவனின் கண்டுபிடிப்பு பேருதவியாக இருக்கும் என்பதில் ஐயமில்லை.

கொரோனா வைரஸ்..

உடற்பயிற்சி நிலையங்களே கொரோனா வைரஸ் பரவும் அதிக ஆபத்தை கொண்ட இடங்களாக கருதப்படுவதாக வெளிநாட்டு செய்திசேவை ஒன்று தெரிவித்துள்ளது.

வியர்வை மற்றும் உடலின் ஈரப்பதம் என்பன கிருமிகளின் பரவலை அதிகரிக்கும் என்றும் அந்த செய்திசேவை தெரிவித்துள்ளது.

பிரித்தானிய சுகாதார சேவையினர் இது தொடர்பில் அறிவுரைகளை விடுக்கவில்லை. எனினும் மருத்துவ நிபுணர்கள் இது தொடர்பில் எச்சரிக்கைகளை விடுத்துள்ளனர்.

கொரோனா வைரஸ் ஈரப்பதன் உள்ள இடங்களில் பரவும் ஆற்றலைக்கொண்டிருப்பதால் ஜிம்ஸ் என்ற உடற்பயிற்சி நிலையங்கள் அதன் பரவலுக்கான வாய்ப்பை கொடுக்கும் என்று பிரித்தானிய ஊடகவியலாளரும், வைத்தியருமான நோர்மன் ஸ்வான் குறிப்பிட்டுள்ளார்.

கொரோனா நோயாளி..

இலங்கையில் கொரோனா வைரஸ் நோய்த் தொற்றுக்குள்ளானதாக இரண்டாவது நபர் தொடர்பில் தகவல் வெளியாகியுள்ளது.

44 வயதுடைய குறித்த நபர் இதற்கு முன்னர் அந்த வைரஸ் தொற்றியதாக உறுதியாகிய நபருடன் தொடர்பில் இருந்தவர் என தெரியவந்துள்ளது.

குறித்த இருவரும் தம்புளை பிரதேசத்தில் அமைந்துள்ள ஹோட்டல் ஒன்றில் ஒன்றாக தங்கியிருந்ததாக சுகாதார சேவை இயக்குனர் நாயகம் வைத்தியர் அனில் ஜாசிங்க தெரிவித்துள்ளார்.

முதலாவதாக தொற்றுக்குள்ளான இலங்கையருடன் இந்த நபருக்கு தொற்றியிருக்கலாம் என நம்பபப்படுகின்றது.

கொரோனா தொற்றுக்குள்ளாகியதாக அடையாளம் காணப்பட்ட இரண்டாவது நபரும் சுற்றுலா வழிக்காட்டி என அவர் குறிப்பிட்டுள்ளார்.

தற்போது வரையில் இரண்டாவது நபர் சென்ற இடங்கள் பழகிய நபர்கள் தொடர்பில் தகவல் சேகரிக்கப்பட்டு வருவதாக சுகாதார சேவை இயக்குனர் நாயகம் வைத்தியர் அனில் ஜாசிங்க தெரிவித்துள்ளார்.

கொரோனா வைரஸ் தொடர்பில் தேவையற்ற அ ச்சங்களை ஏற்படுத்தி கொள்ள வேண்டாம் எனவும் தொடர்ந்து சிறந்த சுகாதார பழக்கங்களை பின்பற்ற வேண்டும் என அவர் மேலும் தெரிவித்துள்ளார்.

இலங்கையில்..

உலக நாடுகளில் ஏற்பட்டுள்ள கொரோனா வைரஸின் தாக்கம் போன்று இலங்கையில் பாரிய ஆ பத்துக்களை ஏற்படுத்தும் என மக்கள் அ ச்சம் அடைந்துள்ளனர்.

இலங்கையில் இதுவரை இரண்டு கொரோனா நோயாளர்கள் இனங்காணப்பட்டுள்ள நிலையில், இந்த அ ச்ச நிலை ஏற்பட்டுள்ளது.

இதன் காரணமாக தமக்கு தேவையான அத்தியாவசிய பொருட்களை பெற்றுக்கொள்ளுவதில் மக்கள் கடும் பி ரயத்தனம் மேற்கொண்டுள்ளனர்.

கொழும்பின் பல்வேறு பகுதிகளில் நேற்று மாலை முதல் இரவு வரை அனைத்து சுப்பர் மார்க்கெட்டில் உள்ள அத்தியாவசிய பொருட்களை மக்கள் கொள்வனவு செய்துள்ளனர்.

நாளாந்த மனித நுகர்வுக்கு பயன்படுத்தும் பொருட்கள் அனைத்து விற்பனை செய்து தீர்ந்துள்ளது. வழமையான பொருட்களை கொள்வனவு செய்ய செல்வோரும் அத்தியாவசிய பொருட்கள் இன்றி பெரும் ஏமாற்றம் அடைந்துள்ளனர்.

ஐரோப்பிய நாடுகள் உட்பட பல நாடுகளில் இதேபோன்ற நிலைமை காணப்படுகிறது. பல நகரங்கள் மூடப்பட்டமையினால் தமக்கு தேவையான பொருட்களை அளவுக்கு அதிகமாக கொள்வனவு செய்தமையினால் அனைத்து சுப்பர் மார்க்கெட்டுகளும் வெறுமையாக காணப்படுகின்றன. அதேபோன்றதொரு நிலைமை இலங்கையிலும் தற்போது ஏற்பட்டுள்ளது.

இதேவேளை யாழ்ப்பாணத்திலும் பொருட்கள் மற்றும் எரிபொருட்களை கொள்வனவு செய்வதில் மக்கள் அதிக ஆர்வம் காட்டுகின்றனர். இதற்காக நீண்ட வரிசையில் காத்திருந்ததாக தகவல்கள் வெளியாகி உள்ளன.

இலங்கையில் இரண்டு கொரோனா நோயாளிகள் அடையாளம் காணப்பட்ட நிலையில், அனைத்து பாடசாலைகளும் ஒரு மாத காலத்திற்கு மூடப்பட்டுள்ளமை குறிப்பிடத்தக்கது.

மகிந்த ராஜபக்ச அறிவிப்பு..

கொரோனா வைரஸ் சம்பந்தமாக அவசர நிலைமை ஏற்பட்டால், ஒரே நாளில் ஆயிரம் பேரை தனிமைப்படுத்த முடியும் என பிரதமர் மகிந்த ராஜபக்ச தெரிவித்துள்ளார். அலரி மாளிகையில் இன்று நடைபெற்ற பேச்சுவார்த்தையில் அவர் இதனை கூறியுள்ளார்.

கோவிட் 19 வைரஸ் பரவுவது, இதனால், இலங்கையின் பொருளாதாரத்திற்கு ஏற்படும் பாதிப்பு மற்றும் அவசர நிலைமை எதிர்கொள்வது சம்பந்தமாக பிரதமருடன் நடைபெற்ற இந்த பேச்சுவார்த்தையில்,

அமைச்சர்கள், செயலாளர், தொழிற்சங்க பிரதிநிதிகள் மற்றும் வர்த்தக நிறுவனங்களின் பிரதானிகள் கலந்துக்கொண்டனர்.

ஆடை உற்பத்தியாளர்கள் சீனாவில் இருந்து சுமார் ஒரு பில்லியன் பெறுமதியான துணிகளை இறக்குமதி செய்கின்றனர். கடந்த ஒரு மாதத்தில் 500 மில்லியன் அமெரிக்க டொலர் பெறுமதியான ஆடை உற்பத்திகளை செய்ய முடியாமல் போயுள்ளது.

இதன் காரணமாக சிறிய மற்றும் நடு தர வர்த்தகர்களுக்கு நிவாரணங்களை வழங்குவது குறித்து அரசாங்கம் கவனம் செலுத்தியுள்ளது.

ஏதேனும் அவசர நிலைமை ஏற்பட்டால், அதற்கு தேவையான முக மூடிகள் உட்பட சுகாதார பா துகாப்புக்கு தேவையான பொருட்களை உற்பத்தி செய்ய நடவடிக்கை எடுக்கப்பட்டுள்ளதாகவும் பிரதமர் மகிந்த ராஜபக்ச குறிப்பிட்டுள்ளார்.

மட்டக்களப்பு போதனா வைத்தியசாலையில்..

மட்டக்களப்பு போதனா வைத்தியசாலையில் கொரோனா வைரஸினால் பாதிக்கப்பட்ட நோயாளி ஒருவரை சிகிச்சைக்காக அனுமதித்துள்ளதாக தவறான தகவல் கசிந்ததனால் அங்கு இன்று மாலை ப தற்றநிலை ஏற்பட்டுள்ளது.

மட்டக்களப்பு, ஷரியா பல்கலைக்கழகம் மற்றும் கந்தக்காடு புனர்வாழ்வு நிலையங்களில் வெளிநாடுகளில் இருந்து வருபவர்களை தங்க வைப்பதற்கான நடவடிக்கைகள் முன்னெடுக்கப்பட்டு வருவதுடன் சிலர் அங்கு தங்க வைக்கப்பட்டுள்ளனர்.

இதற்கு எ திர்ப்பு தெரிவித்து கடந்த இரண்டு நாட்களாக போ ராட்டங்கள் மேற்கொள்ளப்பட்டு வந்த நிலையில் இன்றைய தினம் ஹர்த்தாலும் அனுஷ்டிக்கப்பட்டது.

அதன் பின்னர் மட்டக்களப்பு போதனா வைத்தியசாலையில் கொரோனா நோயினால் பீடிக்கப்பட்ட ஒருவரை சிகிச்சைக்கு அனுமதித்துள்ளதாக தகவல்கள் கிடைத்ததன் காரணமாக அப்பகுதி இளைஞர்கள் மத்தியில் ப தற்ற நிலை ஏற்பட்டுள்ளது.

அதன் பின்னர் முன்னாள் நாடாளுமன்ற உறுப்பினர் ஞா.சிறிநேசன் சம்பவ இடத்திற்குச் சென்று அந்த இளைஞர்களுடன் கலந்தாலோசித்ததுடன் மட்டக்களப்பு வைத்தியசாலையில் பணிப்பாளருடன் கலந்துரையாடலில் ஈடுபட்டுள்ளார்.

இதன்போது வெளிநாடுகளில் இருந்து வருபவர்களுக்கு கொரோனா தொற்று இருப்பதாக மாத்திரம்தான் இங்கு பரிசோதிக்கப்படுகின்றது எனவும் கொரோனா தொற்றுடைய நோயாளி எவரும் அனுமதிக்கப்படவில்லை எனவும் வைத்தியசாலை பணிப்பாளர் முன்னாள் நாடாளுமன்ற உறுப்பினர் சிறிநேசனிடம் தெரிவித்ததாக அவர் தெரிவித்தார்.

கொரோனா

நாடளாவிய ரீதியில் கொரோனா தொற்று நோயாளர்கள் என்று சந்தேகிக்கப்படும் 29 நோயாளர்கள் சோதனைகளுக்காக வைத்தியசாலைகளில் அனுமதிக்கப்பட்டிருப்பதாக தேசிய தொற்று நோயியல் பிரிவு தகவல் வெளியிட்டுள்ளது.

நாட்டின் பல பாகங்களிலும் உள்ள 15 வைத்தியசாலைகளிலே இவர்கள் அனுமதிக்கப்பட்டுள்ளனர். இவர்களில் எட்டு பேர் அங்கொட தேசிய வைத்தியசாலையிலும், நால்வர் நீர்கொழும்பு தேசிய வைத்தியசாலையிலும் தனிமைப்படுத்தல் சோதனைகளுக்காக அனுமதிக்கப்பட்டுள்ளனர்.

இவர்களுக்குரிய சோதனைகள் மேற்கொள்ளப்பட்டு கொரோனா தொற்று இருப்பதை உறுதிப்படுத்த வைத்தியர்கள் நடவடிக்கை எடுத்து வருவதாக தெரிவிக்கப்படுகிறது. இலங்கையில் இதுவரையில் இரண்டு கொரோனா நோயாளர்கள் உறுதிப்படுத்தப்பட்டுள்ளனர்.

இலங்கையிலும் கொரோனா பரவக்கூடுமென அ ச்சம் நிலவுவதால் இலங்கையிலுள்ள அனைத்து பாடசாலைகளையும் நாளை முதல் எதிர்வரும் ஏப்ரல் 20ஆம் திகதி வரை மூடுவதற்கு அரசாங்கம் தீர்மானித்துள்ளமை குறிப்பிடத்தக்கது.

சவூதி அரேபியா

இலங்கை உட்பட பல நாடுகளுக்கான விமான பயணங்களை தடை செய்ய சவுதி அரேபியா நடவடிக்கை மேற்கொண்டுள்ளது. கொரோனா வைரஸ் வேகமாக பரவும் நிலைமைக்கு மத்தியில் சவுதி அரேபியா இந்த தடையை விதித்துள்ளது.

கொரோனா வைரஸ் பரவுவதனை தடுக்கும் நோக்கில், தற்காலிகமாக இந்த நடவடிக்கை எடுக்கப்பட்டுள்ளதாக சவுதி அரேபியா அறிவித்துள்ளது.

அதற்கமைய அனைத்து ஐரோப்பிய நாடுகள் உட்பட 12 நாடுகளில் முன்னெடுக்கப்படும் விமான பயணங்கள் அனைத்தையும் தற்காலிகமாக தடை செய்வதற்கு சவுதி அரசாங்கம் தீர்மானித்துள்ளது.

இலங்கை, இந்தியா, பாகிஸ்தான், பிலிபைன்ஸ், சூடான், சுவிட்சர்லாந்து, ஐரோப்பிய ஒன்றிய நாடுகள் உள்ளிட்ட நாடுகளுக்கே சவூதி அரேபியா தடை விதித்துள்ளது.

ஜனாதிபதி கோட்டாபய..

கட்டுநாயக்க விமான நிலையத்தில் முன்னெடுக்கப்படும் மருத்துவ செயல்முறைகளுக்கு அனைவரும் ஒத்துழைப்பு வழங்க வேண்டும் என ஜனாதிபதி கோட்டாபய ராஜபக்ஷ தெரிவித்துள்ளார்.

தற்போது ஏற்பட்டுள்ள கொரோனா அ ச்சுறுத்தலை தேசிய பொறுப்பாக அனைவரும் உணர்ந்து செயற்பட வேண்டும் அவர் குறிப்பிட்டுள்ளார்.

ஒரு சிலர் பொ றுப்பற்ற வகையில் செயற்படுவதால் நாடு பா ரிய ஆ பத்திற்கு முகங்கொடுக்க நேரிடும் என ஜனாதிபதி எ ச்சரித்துள்ளார். உலகளாவிய ரீதியில் பெரும் அ ச்சுறுத்தலாக மாறியுள்ள கொரோனா வைரஸை கட்டுப்படுத்த முடியாமல் பல பெரிய நாடுகள் தி ணறுகின்றன.

இந்நிலைமையில் இலங்கை மக்களை பா துகாப்பதற்காக ஆரம்பிக்கப்பட்டுள்ள தனிமைப்படுத்தும் நடவடிக்கைக்கு அனைவரும் ஆதரவு வழங்குவது கட்டாயம் என ஜனாதிபதி குறிப்பிட்டுள்ளார்.

சீனாவின் வுஹான் பிராந்தியத்தில் கொரோனா வைரஸ் பரவ ஆரம்பித்தது முதல், நாட்டுக்கும் மக்களுக்கும் சி ரமம் ஏற்படுத்தாத வகையில் அதனை கட்டுப்படுத்துவதற்கு அரசாங்கம் நடவடிக்கை எடுத்ததாக ஜனாதிபதி தெரிவித்துள்ளார்.

மேலும் இந்த நிலைமையை கட்டுப்படுத்துவதற்கு, அரசாங்கத்தின் தனிமைப்படுத்தல் மற்றும் பிற நடவடிக்கைகளுக்கு அனைத்து தரப்பினரினதும் முழு ஒத்துழைப்பும் தேவை என ஜனாதிபதி கூறியுள்ளார்.

இலங்கையர்கள் மற்றும் தென் கொரியா, இத்தாலி, ஈரான் ஆகிய நாடுகளைச் சேர்ந்த வெளிநாட்டவர்கள் 14 நாட்கள் தனிமைப்படுத்தலுக்கு அனுப்பப்படுவார்கள்.

தேவையான மருத்துவ வசதிகள் மற்றும் பிற வசதிகளை முடிந்தவரை வழங்க அரசாங்கம் நடவடிக்கை எடுத்துள்ளது. எனவே, மக்களின் பா துகாப்பிற்காக இந்த செயல்முறைக்கு ஆதரவளிக்குமாறு வெளிநாடுகளில் இருந்து வருபவர்களிடம் ஜனாதிபதி கேட்டுக்கொண்டார்.