தமிழகத்தில் வீட்டு வாடகை கொடுக்க முடியாததால் அங்கிருந்து துரத்தப்பட்ட நபர் தனது மனைவி, குழந்தைகளுடன் சாலையோரத்தில் உள்ள மரத்தின் அடியில் தங்கினார்.
கரூர் மாவட்டம், வெள்ளியணை அருகே உள்ள மணவாடி பெரியார்நகர் காலனியை சேர்ந்தவர் நாகராஜன் (30). கூலித்தொழிலாளி. இவருக்கு திருமணமாகி மனைவி மற்றும் 2 குழந்தைகள் உள்ளனர். இவர் குடும்பத்துடன் அதே பகுதியிலுள்ள ஒருவரின் வீட்டில், வாடகைக்கு குடியிருந்து வருகிறார்.
தற்போது கொரோனா வைரஸ் பரவலை தடுக்க பிறப்பிக்கப்பட்டுள்ள ஊரடங்கால், கூலி வேலைக்கு கூட செல்ல முடியாமல், குடும்பத்தை நடத்த அன்றாட செலவுக்கே வருமானமின்றி நாகராஜன் மிகவும் சிரமப்பட்டு வந்தார். இதனால் கடந்த மாதம் வீட்டு வாடகை கொடுக்க முடியாத நிலை ஏற்பட்டுள்ளது.
நாகராஜன் குடியிருந்த வீட்டின் உரிமையாளரான லட்சுமியோ, கடந்த மாதமே நாகராஜனிடம் வாடகையைக் கேட்டு தொ ல்லை கொடுத்ததாகச் சொல்லப்படுகிறது. தனது நிலைமையைச் சொல்லி நாகராஜன் கண்ணீர் வடித்தும், லட்சுமி மனமிறங்கவில்லையாம். இருந்தாலும் ஒரு மாத காலத்தை நாகராஜன் அங்கேயே கழித்துள்ளார்.
இந்த நிலையில், மே மாதம் பிறந்துள்ளதால், ஏப்ரல் மாதத்துக்கான வாடகைப் பணத்தைக் கேட்டு நச்சரித்த லட்சுமி பணம் இல்லையென்றால் வெளியே போ என கூறியுள்ளார். இதனால் செய்வதறியாது தவித்த நாகராஜன், வீட்டிலிருந்த பொருட்கள் மற்றும் மனைவி, குழந்தைகளுடன் கரூர்-வெள்ளியணை சாலையின் ஓரத்தில், மணவாடி அருகே அமர்ந்திருந்தார்.
இதுகுறித்து பொலிசாருக்கு தகவல் தெரிவிக்கப்பட்டது. அதன்பேரில் பொலிசார் அங்கு வந்து, நாகராஜனிடம் விவரம் கேட்டறிந்தனர். பின்னர் வீட்டு உரிமையாளரை அழைத்து, பேசினர்.
அப்போது நாகராஜன், ஊரடங்கு முடிவுக்கு வந்தவுடன் வீட்டு வாடகை பாக்கியையும், முன்பணத்தையும் தருவதாக ஒத்துக்கொண்டார். அதுவரை அவரை வீட்டை காலி செய்ய நிர்ப்பந்திக்கக் கூடாது என உரிமையாளரிடம் பொலிசார் கூறினர்.
இதை வீட்டு உரிமையாளர் ஏற்றுக்கொண்டார். இதனைத் தொடர்ந்து கட்டில் உள்ளிட்ட பொருட்களுடன் மனைவி மற்றும் குழந்தைகளை அழைத்துக்கொண்டு வாடகை வீட்டுக்கு மீண்டும் நாகராஜன் சென்றுள்ளார்.
இந்தியாவில் சிமென்ட் கலவை லொறிக்குள் மறைந்து உ யிரை பணயம் வைத்து ஊரடங்கை மீறி வீடு திரும்ப முயன்ற 18 தொழிலாளர்கள் பொலிசாரிடம் சி க்கியுள்ளனர்.
இந்தியாவில் கொரோனா ஊரடங்கை மே 17ம் திகதி வரை நீட்டித்துள்ள மத்திய அரசு, சில கட்டுப்பாடுகள் தளர்த்தப்படும் என அறிவித்துள்ளது. நாட்டில் புலம்பெயர்ந்து பணியாற்றி வரும் தினக்கூலி பணியாளர்கள் கடும் நெருக்கடியை எதிர்கொண்டு வருகின்றனர். மேலும், சொந்த ஊருக்கு கூட திரும்ப முடியாமல் தவித்து வருகின்றனர்.
இந்நிலையில், மத்திய பிரதேச மாநிலத்தில் சிமென்ட் கலவையை ஏற்றிச் சென்ற லொறியை நிறுத்தி பொலிசார் சோதனை செய்த போது, அதில் மறைந்திருந்த 18 தொழிலாளர்கள் கண்டுபிடிக்கப்பட்டுள்ளனர்.
தொழிலாளர்கள் மேற்கு இந்தியாவின் மும்பையில் இருந்து வடக்கு மாநிலமான உத்தரப்பிரதேசத்தில் உள்ள தங்கள் வீடுகளுக்கு சென்று கொண்டிருந்தனர் என்று பொலிஸ் அதிகாரி கூறினார்.
அவர்கள் லொறியை சிறைபிடித்ததாகவும், தொழிலாளர்கள் இந்தூரில் உள்ள தனிமைப்படுத்தப்பட்ட மையத்திற்கு அனுப்பப்பட்டதாகவும் பொலிசார் தெரிவித்தனர். இது குறித்து முறையான புகார் பொலிசாரால் பதிவு செய்யப்பட்டது.
இந்தியாவின் நாடு தழுவிய ஊரடங்கு மார்ச் 24 முதல் நடைமுறைக்கு வந்துள்ளது, மேலும் வெள்ளிக்கிழமை மே17 வரை இன்னும் இரண்டு வாரங்கள் நீட்டிக்கப்பட்டது, இருப்பினும் சில பகுதிகள் மற்றும் நடவடிக்கைகளுக்கு விலக்குகள் வழங்கப்பட்டுள்ளன.
விமானம், ரயில், மெட்ரோ மற்றும் மாநிலங்களுக்கு இடையேயான சாலை வழிப் பயணம் தடைசெய்யப்பட்டுள்ளது. கடந்த சில நாட்களாக, சிக்கித் தவிக்கும் புலம்பெயர்ந்த தொழிலாளர்கள், மாணவர்கள் மற்றும் சுற்றுலாப் பயணிகளுக்கு தங்கள் வீடுகளுக்குத் திரும்பிச் செல்ல வேண்டிய போக்குவரத்தை அரசாங்கம் ஏற்பாடு செய்துள்ளது.
கொரோனா வைரஸ் முதலில் பரவ ஆரம்பித்த கேந்திர நிலையமாக கருதப்படும் சீனாவின் வூகான் பிரதேசத்தில் உள்ள ஆய்வுக் கூடத்தின் ஆய்வாளர் எனக் கூறப்படும் ஷி ஷெங் லீ, கொரோனா சம்பந்தமான அனைத்து தகவல்களுடன் தனது குடும்பத்தினரோடு தப்பிச் சென்றுள்ளதாக தகவல்கள் வெளியாகியுள்ளன.
ஷி ஷெங் லீ, கொரோனா தொடர்பான ஆவணங்களை அமெரிக்காவுக்கு எடுத்துச் சென்றுள்ளதாக கூறப்படுகிறது.
எவ்வாறாயினும் கொரோனா வைரஸ் சம்பந்தமான ஆய்வில் ஈடுபட்டிருந்த ஷி ஷெங் லீ, தானும் தனது குடும்பத்தினரும் எங்கும் தப்பிச் செல்லவில்லை என வீ சேட் என்ற தகவல் பரிமாற்று சேவை வழியாக கூறியுள்ளார்.
அரநாயக்க பிரதேசத்தில், கொரோனா வைரஸ் தொற்று பரவியிருக்கக் கூடும் என சந்தேகத்தில் தனிமைப்படுத்தப்பட்டிருந்த வயோதிப பெண் ஒருவர் இன்றைய தினம் அதிகாலை உயிரிழந்துள்ளார்.
வெலிசறை கடற்படை முகாமில் கடமையாற்றிய படைச் சிப்பாய் ஒருவருக்கு கொரோனா தொற்று ஏற்பட்டமை உறுதியானதைத் தொடர்ந்து அவரது குடும்பத்தினர் சுய தனிமைப்படுத்தலுக்கு உட்படுத்தப்பட்டனர்.
இவ்வாறு சுய தனிமைப்படுத்தலுக்கு உட்பட்டிருந்தவர்களில் குறித்த படைச் சிப்பாயின் பாட்டியே இவ்வாறு இன்றைய தினம் உயிரிழந்துள்ளார். அரநாயக்க ரெஹல மேற்குப் பகுதியில் இந்த வயோதிப் பெண் இவ்வாறு உயிரிழந்துள்ளார்.
இறந்தவரின் இறுதிக் கிரியைகள் தனிமைப்படுத்தல் விதிமுறைகளுக்கு அமைய மேற்கொள்ளப்பட்டதாகவும், உயிரிழந்த வயோதிப் பெண் என்ன காரணத்தினால் உயிரிழந்தார் என்பது இன்னும் கண்டறியப்படவில்லை எனவும் தெரிவிக்கப்படுகின்றது.
கொரோனா வைரஸ் தொற்றினால் உயிரிழந்தாரா என்பது குறித்து பரிசோதனைகள் நடத்தப்பட்டு வருவதாகவும் தெரிவிக்கப்படுகின்றது.
கொவிட்-19 வைரஸ் தொற்று பரவுகையை கட்டுப்படுத்தும் நோக்கில் அரசாங்கம் ஊரடங்குச் சட்டம் அமுல்படுத்தியுள்ள நிலையில் இடைக்கிடை இந்த ஊரடங்குச் சட்டம் தளர்த்தப்படும் மாவட்டங்களில் அதிகளவில் இரண்டு பொருட்கள் விற்பனை செய்யப்படுவதாகத் தெரிவிக்கப்படுகின்றது.
ஊரடங்குச் சட்டம் இடைக்கிடை தளர்த்தப்படும் நேரங்களில் சீனி மற்றும் ஈஸ்ட் ஆகிய பொருட்களே அதிகளவில் விற்பனை செய்யப்படுவதாக மதுவரித் திணைக்களமும், காவல்துறையினரும் தெரிவிக்கின்றனர்.
சட்டவிரோதமான முறையில் மதுபானத்தை உற்பத்தி செய்வதற்காக இவ்வாறு சீனி மற்றும் ஈஸ்ட் ஆகிய பொருட்களை கொள்வனவு செய்வதாகத் தெரிவிக்கப்படுகின்றது.
குறிப்பாக கடைகளில் சிகப்பு சீனியே அதிகளவில் விற்பனை செய்யப்பட்டுள்ளது.
சட்டவிரோத மதுபான உற்பத்தியை தடுக்கும் நோக்கில் காவல்துறையினரும், மதுவரித் திணைக்களத்தினரும் விசேட சுற்றி வளைப்புக்களை மேற்கொள்ள உள்ளனர். ஏப்ரல் மாதம் 1ம் திகதி தொடக்கம் 28ம் திகதி வரையில் 1022 சுற்றி வளைப்புக்கள் மேற்கொள்ளப்பட்டுள்ளதாகத் தெரிவிக்கப்படுகின்றது.
கொரோனா வைரஸ் பரவல் காரணமாக வெளிநாடுகளில் சிக்கியுள்ள மாணவர்களை இலங்கைக்கு அழைத்து வருவதற்காக இன்று முதல் விசேட விமான சேவைகள் ஆரம்பிக்கப்பட்டுள்ளன.
பிரிட்டனிலும் அவுஸ்திரேலியாவிலும் சிக்கியுள்ள இலங்கை மாணவர்களை நாட்டுக்கு அழைத்து வருவதற்காக, இந்த நடவடிக்கை எடுக்கப்பட்டுள்ளது என ஶ்ரீலங்கன் எயார்லைன்ஸ் நிறுவனம் அறிவித்துள்ளது.
இதற்கமைய, ஶ்ரீலங்கன் எயார்லைன்ஸிற்குச் சொந்தமான UL 503 எனும் விசேட விமானம், இன்று அதிகாலை 4.40 மணிக்கு கட்டுநாயக்க சர்வதேச விமான நிலையத்திலிருந்து, லண்டன் ஹீத்ரோ விமான நிலையம் நோக்கிப் புறப்பட்டது.
இவ்விமானத்தில் விமான சேவை பணியாளர்கள் மாத்திரம் பயணித்துள்ளனர். இவ்வாறு புறப்பட்டுள்ள விமானம், இன்று முற்பகல் 11.25 மணியளவில் லண்டன் ஹீத்ரோ விமான நிலையத்தைச் சென்றடையும்.
நாளை அதிகாலை 12.45 மணிக்கு இவ்விமானம் கட்டுநாயக்க சர்வதேச விமான நிலையத்தை வந்தடையவுள்ளது. இலங்கை மாணவர்கள் சுமார் 250 பேரை இவ்விமானம் ஏற்றிக்கொண்டு வருகை தரவுள்ளது.
அத்தோடு, நாளை மற்றும் நாளைமறுதினம் லண்டன் நகருக்கு இன்னும் இரண்டு விமானப் பயணங்கள் முன்னெடுக்கப்படவுள்ளன.
மேலும், அவுஸ்திரேலியாவில் சிக்கியுள்ள இலங்கையர்களை அழைத்து வருவதற்காக எதிர்வரும் 08ஆம் திகதி விசேட விமானம் ஆஸ்திரேலியாவிலிருந்து இலங்கை வர நடவடிக்கை எடுக்கப்பட்டுள்ளது என ஶ்ரீலங்கன் எயார்லைன்ஸ் நிறுவனம் மேலும் தெரிவித்துள்ளது.
வவுனியாவில் பல்வேறு இடங்களிலும் பாத்தீனியம் படையெடுத்துக் காணப்படுகினறது. குறிப்பாக பாடசாலை செல்லும் வீதிகளிலும், பிரதான வீதிகள், குளக்கட்டுப்பகுதிகள், கோவில்கள் வழிபாட்டுத்தளங்கள், போன்ற மிகவும் முக்கிய மக்கள் ஒன்று கூடும் இடங்களிலும் இச் செடிகளை காணக்கூடியதாக உள்ளது.
இதனைக் கட்டுப்படுத்த எவ்வித நடவடிக்கையும் மேற்கொள்ளப்படவில்லை. கடந்த காலங்களில் உரிய திணைக்களங்கள் அதிக முக்கியத்துவம் வழங்கி பாத்தீனியத்தைக்கட்டுப்படுத்த பல நடவடிக்கையினை மேற்கொண்டுள்ள போதிலும் தற்போது இவ்விடயத்தில் கவனமற்றுள்ளதைக் காணக்கூடியதாக உள்ளது.
பல பகுதிகளிலும் பாத்தீனியத்தினைக் கட்டுப்படுத்துவதற்கு விழிப்புணர்வு விளம்பரப் பதாதைகள் காட்சிப்படுத்தப்பட்டபோதிலும் அதனை கட்டுப்படுத்தி அழித்தொழிப்பதற்கு போதியளவில் முக்கியத்துவம் கொடுக்க நடவடிக்கைகள் மேற்கொள்ளப்படவில்லை.
அத்துடன் பாத்தீனியம் அதிகம் காணப்படும் இடங்களை அப்பகுதியிலுள்ள கிராம அபிவிருத்திச்சங்கம், பொது அமைப்புக்கள், இளைஞர்கள், சமூக ஆர்வலர்கள் பாடசாலைச்சமூகம் ஒன்றிணைந்து இவற்றை அழித்தொழிப்பதற்கு முன்வரவேண்டும்.
பாத்தீனியத்தினால் நன்மைகளை விட தீமையே அதிகம். இவை அனைத்து பகுதிகளிலும் பரந்து கிடக்கின்றன. இவை வெளியிடும் மகரந்தம் மற்றும் வித்துக்கள் விலங்குகள் மற்றும் மனிதர்களுக்கு சுவாசக்கோளாறுகளையும் , ஒவ்வாமைகளையும் ஏற்படுத்துகின்றன.
இவற்றின் மீது எமது உடல் படும் போது ஒருவிதமான அரிப்பு காணப்படும். இவற்றை உண்ணும் பசுக்களின் பால் ஒரு வித கசப்புத்தன்மையையும் , சிறிதளவான அதாவது மறைமுகமான நச்சுத்தன்மையையும் கொண்டிருக்கும். மக்களின் நலனை சிந்தித்து செயற்படுவார்களா உரிய அதிகாரிகள்.
நெதர்லாந்தில் இருந்து 230 பயணிகளை ஏற்றிச் சென்ற சிறப்பு போயிங் 767 – 300ER விமானம் இன்று மத்தள ராஜபக்ஷ சர்வதேச விமான நிலையத்தில் (MRIA) தரையிறங்கியது.
இந்த விமானம் தெற்கு இலங்கையின் காலி துறைமுகத்தில் தங்கியிருக்கும் வணிகக் கப்பல்களுக்குத் தேவையான குழுவினர்களைக் கொண்டு வந்தது. சிறப்பு மனிதாபிமான அடிப்படையில் அவர்களை நாட்டிற்குள் நுழைய அனுமதிக்கப்பட்டுள்ளது.
விமான நிலையத்திற்கு வந்த பின்னர், பயணிகள் அனைவரும் இலங்கை விமானப்படையின் வேதியியல் அணு, உயிரியல் மற்றும் கதிரியக்க மறுமொழி பிரிவின் அதிகாரிகளின் மேற்பார்வையில் சிறப்பு கிருமிநாசினி பணிக்கு உட்படுத்தப்பட்டு பேருந்துகள் மூலம் காலி துறைமுகத்திற்கு கொண்டு செல்லப்பட்டனர்.
இதற்கிடையில், திரும்பிப் புறப்படவிருக்கும் இவ் விமானத்தில் நெதர்லாந்திற்கு புறப்படவுள்ள கப்பலில் 53 பணியாளர்கள் இன்று இரவு மத்தள விமான நிலையத்திற்கு வருவார்கள் என்று விமான நிலைய அதிகாரிகள் தெரிவித்தனர்.
யாழ்ப்பாணம் – மன்னார் வீதியில் இன்று அதிகாலை இடம்பெற்ற வாகன விபத்தில் இரண்டு பேர் காயமடைந்துள்ளனர். சிறிய லொறி வீதியை விட்டு விலகி பள்ளத்தில் விழுந்து விபத்துக்குள்ளானதில் இவர்கள் காயமடைந்துள்ளனர்.
மன்னாரில் இருந்து யாழ்ப்பாணத்திற்கு அத்தியவசிய பொருட்களை ஏற்றிச் சென்ற சிறிய லொறியே இந்த விபத்தில் சிக்கியுள்ளது.
விபத்தில் காயமடைந்தவர்கள் யாழ்ப்பாணம் போதான வைத்தியசாலையில் அனுமதிக்கப்பட்டுள்ளனர். சம்பவம் குறித்து யாழ்ப்பாணம் பொலிஸார் விசாரணைகளை மேற்கொண்டு வருகின்றனர்.
இலங்கையில் எதிர்வரும் மே மாதம் 11ஆம் திகதியுடன் கொரோனா வைரஸ் பரவல் முடிவுக்கு வரும் என தான் ஒருபோதும் கூறவில்லை என சுகாதார பணிப்பாளர் நாயகம் அனில் ஜாசிங்க தெரிவித்துள்ளார்.
“மே மாதம் 11ஆம் திகதி கொரோனா வைரஸ் முடிவுக்கு வரும் என்ற கருத்தை வெளியிடவில்லை. ஊடங்கள் எப்படி அவ்வாறு பதிவிட்டதென்பது எனக்கு தெரியவில்லை. எனினும் கடற்படையினராலேயே உண்மையாக நோயாளிகளின் எண்ணிக்கை அதிகரித்தது.
கடற்படையினர் இருந்த பிரதேசங்களில் ஏதாவது ஒரு வகையில் கொத்துக்கள் ஏற்படவில்லை என்றால் நிச்சியமாக நோயாளின் எண்ணிக்கையில் குறைவொன்றை காண முடியும். கடற்படையினர் சென்ற பிரதேசங்களிற்கமையவே இதன் நிலையை அறிய முடியும்.
அதனையே நான் கூறினேன். அத்துடன் சமூகத்தில் நோயாளிகளின் எண்ணிக்கை பூஜ்ஜியமாகும் என கூற முடியாது. சிறிய எண்ணிக்கையிலானோர் அடையாளம் காணப்படலாம்.
உதாரணமாக நேற்று முன்தினம் தாபர் மாவத்தையில் இரண்டு நோயாளிகள் அடையாளம் காணப்பட்டனர். அவர்கள் சமூகத்தில் உள்ளவர். அது போன்ற குறைந்த எண்ணிக்கையிலானோரை அடையாளம் காணலாம். எனினும் எங்கே, எப்படி, யாரிடம் இருந்து பரவியது என்ற விடயத்தை எங்களால் அடையாளம் காண முடியும்.
எப்படியிருப்பினும் கொரோனா தடுப்பிற்காக மேற்கொள்ளப்பட்டுள்ள நடவடிக்கைக்கமைய பார்க்கும் போது நிலைமை சிறப்பானதாகவே பார்க்க முடியும்” என அவர் மேலும் தெரிவித்துள்ளார்.
நுவரெலியா மாவட்டத்தில் கொரோனா வைரஸ் பரவிய முதலாவது நபர், ஹங்குராங்கெத்த திக்கல்பொத்த பகுதியில் நேற்று (02.05.2020) அடையாளம் காணப்பட்டுள்ளார் என்று ரிகில்கஸ்கட சுகாதார வைத்திய அதிகாரி அலுவலகம் தெரிவித்தது.
வெலிசறை கடற்படை முகாமில் பணியாற்றிய சிப்பாய் ஒருவருக்கே கொரோனா தொற்று ஏற்பட்டுள்ளது என்றும், இவர் கடந்த 22 ஆம் திகதி விடுமுறையில் வீட்டுக்கு வந்துள்ளார் என்றும் தெரியவந்துள்ளது.
எனினும், கடற்படையினரின் விடுமுறைகள் ரத்து செய்யப்பட்டதையடுத்து கடந்த 25 ஆம் திகதி இவர் முகாமுக்கு திரும்பியுள்ளார். வீட்டில் இருந்த காலப்பகுதியில் இவர் பலருடன் தொடர்பை பேணியுள்ளார் என கண்டறியப்பட்டுள்ளது.
சுமார் 50 பேர் வரை தொடர்பை பேணியுள்ளனர் என்றும், இவர்களை பி.சி.ஆர் பரிசோதனைக்கு உட்படுத்துவதற்கும், கடற்படை சிப்பாயின் மனைவி, பிள்ளைகளை தியத்தலாவை கொரோனா தொற்று தடுப்பு முகாமுக்கு அனுப்புவதற்கு நடவடிக்கை எடுக்கப்பட்டுள்ளதாகவும் ரிகில்கஸ்கட பொது சுகாதார பரிசோதகர் ராஜநாயக்க தெரிவித்தார்.
குறித்த கடற்படை சிப்பாய் முகாமுக்கு சென்ற பின்னர் மேற்கொள்ளப்பட்ட பி.சி.ஆர் பரிசோதனை மூலமே கொரோன தொற்று கண்டுபிடிக்கப்பட்டுள்ளது.
இலங்கை கணினி அவசர தயார்நிலை குழு (SLCERT) ஒரு புதிய தீங்கிழைக்கும் மென்பொருள் (malware) குறித்து “அதி அச்சுறுத்தல்” எச்சரிக்கையை விடுத்துள்ளது.
குறித்த புதிய ஆண்ட்ராய்டு malware முக்கியமான நிதித் தகவல்களைத் திருடக்கூடும் என்று இலங்கை கணினி அவசர தயார்நிலை குழு தெரிவித்துள்ளது. குறித்த malware முதன் முதலில் மார்ச் 2020இல் அடையாளம் காணப்பட்டது.
அத்துடன், இது Adobe Flash மற்றும் Microsoft Word போன்ற முறையான பயன்பாடாக காட்டப்படுவதன் மூலம் அதன் தீங்கிழைக்கும் நோக்கம் மறைக்கப்படுவதாகவும் கூறப்பட்டுள்ளது.
சகல கல்வி நிறுவனங்களிலும் தூய்மைப்படுத்தல் நடவடிக்கைகளை ஆரம்பிக்குமாறு கல்வி அமைச்சு அறிவுறுத்தல் விடுத்துள்ளது.
பாடசாலைகள், ஆசிரியர் கலாசாலைகள், பல்கலைக்கழகங்கள் உள்ளிட்ட அனைத்து நிறுவனங்களிலும் டெங்கு ஒழிப்பு நடவடிக்கைகளுக்கான ஏற்பாடுகளை செய்யுமாறு அறிவிக்கப்பட்டுள்ளது.
நிறுவனங்களின் துப்புரவு தொழிலாளிகள், பாடசாலை பாதுகாப்பு உத்தியோகத்தர்கள், பூங்கா பணியாளர்கள் உள்ளிட்ட கல்விசாரா ஊழியர்களிடம் தூய்மைபடுத்தும் நடவடிக்கைகள் குறித்த பொறுப்பினை அளிக்குமாறு கோரிக்கை விடுக்கப்பட்டுள்ளது.
பாடசாலை அபிவிருத்தி சங்கங்கள் மற்றும் பழைய மாணவர் ஒன்றியங்கள் போன்றவற்றின் உதவியையும் பெற்றுக் கொண்டு பாடசாலைகள் உள்ளிட்ட கல்வி நிறுவனங்களை தூய்மைபடுத்த நடவடிக்கை எடுக்குமாறு கல்வி அமைச்சு வலக் கல்விப் பணிப்பாளர்களக்கு அறிவுறுத்தல் வழங்கியுள்ளது.
தூய்மைப்படுத்தல் நடவடிக்கைகள் கொவிட்-19 வைரஸ் கட்டுப்படுத்தல் நியதிகளுக்கு உட்பட்ட வகையில் முன்னெடுக்கப்பட வேண்டியது அவசியமானது என அறிவிக்கப்பட்டுள்ளது.
ஜாஎல பிரதேசத்தில் கொரோனா வைரஸ் தொற்றுக்குள்ளாகிய குணமடைந்த நபர் ஒருவர் மீண்டும் கொரோனா தொற்றுக்குள்ளாகியதாக நேற்று செய்தி வெளியாகியது. இந்த நிலையில் குறித்த நபருக்கு கொரோனா தொற்றியமை தொடர்பில் சந்தேகம் ஏற்பட்டுள்ளதாக தெரிவிக்கப்படுகின்றது.
இந்த நபர் கடந்த மாதம் 17ஆம் திகதி முதல் முறையாக கொரோனா வைரஸ் தொற்றுக்குள்ளாகியதாக உறுதியாகிய பின்னர் IDH வைத்தியசாலையில் அனுமதிக்கப்பட்டுள்ளார். ஜாஎல பிரதேசத்தை சேர்ந்த 67 வயதுடைய குறித்த நபர் ஒரு மாத காலம் சிகிச்சை பெற்று கடந்த 17ஆம் திகதி மீண்டும் வீட்டிற்கு வந்துள்ளார்.
வீட்டிற்கு வந்த நபர் 14 நாட்கள் சுயதனிமைபப்படுத்தப்பட்டுள்ளார். இந்த நிலையில் கடந்த ஏப்ரல் மாதம் 30ஆம் திகதி நெஞ்சு வலி ஏற்பட்டமையினால் கொழும்பு தேசிய வைத்தியசாலையில் அனுமதிக்கப்பட்டார். அங்கு மேற்கொள்ளப்பட்ட PCR பரிசோதனையில் இந்த நபருக்கு மீண்டும் கொரோனா வைரஸ் தொற்றியமை உறுதியாகியுள்ளது.
அதற்கமைய இந்த நபர் மீண்டும் IDH வைத்தியசாலைக்கு மாற்றி அனுப்பப்பட்டுள்ளதாக கொழும்பு தேசிய வைத்தியசாலை அதிகாரிகள் நடவடிக்கை மேற்கொண்டுள்ளனர்.
கொரோனா தொற்றுக்குள்ளான இந்த நபர் சிறுநீர் மற்றும் நீரழிவு நோயினால் பாதிக்கப்பட்டவராகும். அவர் இத்தாலியில் இருந்து வந்த நபருடன் பழகியமையினால் மீண்டும் கொரோனா தொற்றிற்குள்ளாகியிருக்கலாம் என வைத்தியசாலை பேச்சாளர் தெரிவித்துள்ளார்.
இதுவரையில் இந்த நோயாளியின் வீட்டில் இருந்த நால்வர் சுயதனிமைப்படுத்தலுக்குற்படுத்தப்பட்டுள்ளனர்.
இரண்டாவது தவணைக்காக மீண்டும் பாடசாலைகளை ஆரம்பிக்கும் திகதி இன்னும் தீர்மானிக்கவில்லை என அரசாங்கம் தெரிவித்துள்ளது.
எதிர்வரும் ஜுன் மாதம் 16ஆம் திகதி வரை பாடசாலை ஆரம்பிக்கும் திகதி பிற்போடப்பட்டுள்ளதாக சமூக வலைத்தளங்களில் செய்திகள் வெளியாகி உள்ளன. எனினும் அந்த தகவல்களில் உண்மையில்லை என கல்வி அமைச்சு தெரிவித்துள்ளது.
மே மாதம் 11ஆம் திகதி இரண்டாம் கல்வி தவணைக்காக பாடசாலைகள் ஆரம்பிக்கப்படும் என அரசாங்கம் இதற்கு முன்னர் அறிவித்தது.
எனினும் நேற்றைய தினம் பாடசாலை ஆரம்பிக்க முடியாதென சிறுவர்கள் கேட்ட கேள்விகளுக்கு பதிலளிக்கும் போது பிரதமர் மஹிந்த ராஜபக்ஷ தெரிவித்துள்ளார்.
ஒகஸ்ட் மாதம் இடம்பெறவிருந்த உயர்தர பரீட்சை தொடர்பில் சிறுவர்கள் பிரதமரிடம் வினவிய போது, அதற்கு இரண்டு மாற்று வழிகள் உள்ளதாக பிரதமர் குறிப்பிட்டுள்ளார்.
உயர்தர பரீட்சையின் திகதியை மாற்றுவது ஒரு வழியாகும். கற்பித்து நிறைவு செய்த பாடங்களில் இருந்து மாத்திரம் கேள்விகளை தயாரிப்பது இரண்டாவது மாற்று நடவடிக்கையாகும். எப்படியிருப்பினும் இது தொடர்பில் இறுதி தீர்மானத்திற்கு இன்னமும் வரவில்லை என பிரதமர் மேலும் தெரிவித்துள்ளார்.