கொரோனா வைரஸ் தொற்றுக்கு இலக்காகி சிற்சில நாடுகளில் தமிழர்கள் உயிரிழந்து வருகின்றானர். இந் நிலையில், லண்டனில் பல வருடங்களாக, தமிழ் மாணவர்களுக்கு மிருதங்கம் சொல்லிக் கொடுத்துவந்த ஆனந்தநடேசன் மாஸ்டர் உயிரிழந்துள்ளார்.
மாஸ்டரும் கொரோனா தொற்றுக்கு இலக்காகியே இன்று அதிகாலை 1மணிக்கு உயிரிழந்துள்ளார். இவருக்கு கொரோனா தொற்று ஏற்பட்டு, நோர்த் விக் பார்க் மருத்துவமனையில் அனுமதிக்கப்பட்டு அங்கு சில தினங்களாக கோமா நிலையில் இருந்தார்.
மேலதிக சிகிச்சைக்காக அவரை, Central London வைத்தியசாலைக்கு கொண்டு சென்றும். அவரது உயிரை மருத்துவர்களால் காப்பாற்ற முடியவில்லை என அங்கு பணிபுரியும் தமிழ் மருத்துவர் ஒருவர் தெரிவித்துள்ளதாகவும் அறியக் கிடைக்கின்றது.
எதிர்வரும் 20ஆம் திகதியின் பின்னர் பகுதியளவில் இலங்கையை வழமை நிலைக்கு கொண்டு வர அரசாங்கம் தீர்மானித்துள்ளதாக, முன்னாள் அமைச்சர் சமல் ராஜபக்ஷ தெரிவித்துள்ளார்.
அடுத்த வாரமளவில் காலவரையறையின்றி ஊரடங்கு சட்டம் பிறப்பிக்கப்பட்டுள்ள மாவட்டங்களில் அரச ஊழியர்களில் 20 வீதமானோரை வேலைக்கு அழைக்கவும் அச்சுறுத்தல் இல்லாத மாவட்டங்களில் 50 வீத ஊழியர்களை தொழிலில் ஈடுபடுத்தவும் அரசாங்கம் தீர்மானம் எடுத்துள்ளதாக அவர் குறிப்பிட்டார்.
ஜனாதிபதி செயலணியின் வேலைத்திட்டங்கள் தொடர்பில் எழுப்பப்பட்ட கேள்விக்கு பதிலளிக்கும் போது முன்னாள் அமைச்சர் இந்தத் தகவல்களை வெளியிட்டார்.
கொரோனா வைரஸ் தொற்றுநோய் பரவலை அடுத்து நாட்டின் தற்போதைய நிலைமையினை அவதானித்துப் பார்க்கையில் கடந்த சில வாரங்களுக்கு முன்னர் இருந்த நிலைமையை விடவும் இப்போது ஆரோக்கியமான நிலைமையே உள்ளதாக வைத்திய அதிகாரிகள் தெரிவிக்கின்றனர்.
எனினும் சுகாதார வேலைத்திட்டங்களை முன்னெடுக்க வேண்டிய கட்டாயம் உள்ளது. அது ஒருபுறம் முன்னெடுக்கப்பட்டு வருகின்ற நிலையில் நாட்டின் தேசிய பொருளாதாரம் குறித்து கவனம் செலுத்தியாக வேண்டும். மக்களுக்கான உணவு உற்பத்தியை பெருக்க வேண்டும்.
ஆகவே அத்தியாவசிய வேலைத்திட்டங்களை முன்னெடுக்க அரசாங்கம் தீர்மானம் எடுத்துள்ளது. எனவே எதிர்வரும் 20 ஆம் திகதியின் பின்னர் காலவரையறையின்றி ஊரடங்கு சட்டம் பிறப்பிக்கப்பட்டுள்ள மாவட்டங்களான கொழும்பு, கம்பஹா, களுத்துறை, புத்தளம், கண்டி மற்றும் யாழ்பாணம் ஆகிய மாவட்டங்களில் அரச ஊழியர்களில் 20 வீதமானவர்களை வேலைக்கு வரவழைத்து நிறுவனங்களை செயற்பட வைக்க தீர்மானிக்கப்பட்டுள்ளது.
அதேபோல் கொரோனா தொற்றுப்பரவல் அச்சுறுத்தல் குறைந்த ஏனைய வெளி மாவட்டங்களில் தொழிற்ச்சாலைகள் , நிறுவனங்கள் மற்றும் ஏனைய தொழில்களுக்கு 50 வீதமானவர்களை தொழிலில் ஈடுபடுத்தவும் அரசாங்கம் தீர்மானம் எடுத்துள்ளது.
அதேபோல் தனியார் துறையினரும் இவ்வாறான அரச ஆலோசனைகளை பின்பற்றி தமது ஊழியர்களை வேலைக்கு அமர்த்த நடவடிக்கை எடுக்க முடியும் என சமல் ராஜபக்ஷ மேலும் தெரிவித்துள்ளார். சமல் ராஜபக்ஷ சமகால ஜனாதிபதி கோட்டபாய ராஜபக்ஷ மற்றும் பிரதமர் மஹிந்த ராஜபக்ஷவின் மூத்த சகோதரர் என்பது குறிப்பிடத்தக்கது.
உலகளாவிய ரீதியில் கொரோனா வைரஸ் தாக்கம் காரணமாக ஆபத்தினை எதிர்கொள்ளும் நாடுகளின் பட்டியலை Forbes சஞ்சிகை வெளியிட்டுள்ளது.
அந்தப் பட்டியலில் கொரோனா ஆபத்தான நாடுகளின் பட்டியலில் இலங்கையும் உள்ளடங்குவதாக உலக புகழ்பெற்ற போர்ப்ஸ் சஞ்சிகை வெளியிட்டு கட்டுரை ஒன்றில் குறிப்பிடப்பட்டுள்ளது.
Deep Knowledge Group என்ற நிறுவனத்தினால் மேற்கொள்ளப்பட்ட ஆய்விற்கமைய இந்த பட்டியல் வெளியிடப்பட்டுள்ளது. இந்த பட்டியலில் கொரோனா ஆபத்து குறைவான நாடுகள் மற்றும் கொரோனா ஆபத்து அதிகம் உள்ள நாடுகள் என இரண்டு பட்டியல்கள் வெளியிடப்பட்டுள்ளன.
உலகெங்கிலும் உள்ள 200 நாடுகளுக்காக உருவாக்கப்பட்ட தரவை வல்லுநர்கள் குழு சேகரித்து ஆய்வு செய்தது. 60 நாடுகளின் ஆழமான பகுப்பாய்வின் அடிப்படையில் முடிவுகள் இன்று வெளியிடப்பட்டன.
அதற்கமைய கொரோனா பாதுகாப்பு நாடுகள் பட்டியலில் 40 நாடுகளும் கொரோனா ஆபத்தான நாடுகள் பட்டியலில் 20 நாடுகளும் உள்ளடக்கப்பட்டுள்ளன.
பாதுகாப்பான நாடுகள் பட்டியலில் இஸ்ரேல், ஜேர்மனி, தென் கொரியா, சீனா, நியூஸிலாந்து, தாய்வான் சிங்கப்பூர், ஜப்பான், ஹொங்கொங், சுவிட்ஸர்லாந்து, ஒஸ்ரியா, கனடா, ஹங்கேரி, டென்மார்க், நெதர்லாந்து, நோர்வே, UAE,
இந்த பட்டியலில் கொரோனா ஆபத்தான நாடுகளாக, இத்தாலி, அமெரிக்கா, பிரித்தானியா, ஸ்பெயின், பிரான்ஸ், சுயீடன், ஈரான், ஈக்குவாட்டர், பிலிப்பைன்ஸ், ரோமானியா, நைஜீரியா, ரஷ்யா, பங்களாதேஷ், மெக்சிகோ, இந்தியா, இலங்கை, இந்தோனேஷியா, மியன்மார், கம்போடியா, லோகோஸ் ஆகிய நாடுகள் இடம்பிடித்துள்ளன
வவுனியா வடக்கில் விவசாயிகளுக்கான சந்தைப்படுத்தலை பெற்றுக் கொடுக்கும் வகையில் 15 ஆயிரம் கிலோ பெசன் புறுட் காகில்ஸ் ஊடாக கொள்வனவு செய்யும் நடவடிக்கை முன்னெடுக்கப்பட்டுள்ளது என மாவட்ட அரச அதிபர் சமன்பந்துல சேன தெரிவித்தார்.
வவுனியா வடக்கில் விவசாயிகளிடம் இருந்து பெசன் புறுட் கொள்வனவு நிகழ்வை சின்ன பூவசன்குளத்தில் ஆரம்பித்து வைத்து உரையாற்றும் போதே இவ்வாறு தெரிவித்தார். அவர் மேலும் தெரிவிக்கையில்,
விவசாயிகள் தமது உற்பத்திகளை விற்க முடியாது சிரமப்படுகின்றனர். ஆனால் அந்தநிலை வவுனியாவில் மிகக்குறைவாகவே காணப்படுகிறது. ஓரளவுக்கேனும் குறித்த விலையில் மரக்கறிகளையும், உற்பத்திகளையும் விற்கக் கூடிய நிலை கிடைத்துள்ளது.
அதற்கு மாவட்ட செயலக, பிரதேச செயலக, கமநல அபிவிருத்தி திணைக்கள மற்றும் மகாண விவசாய திணைக்களம் அதேபோன்று ஏனைய நிறுவனங்கள் தான் அதற்கு காரணம். இவர்கள் அனைவரும் ஒன்றாக இணைந்து பணியாற்றுவதால் உற்பத்திகளை சந்தைப்படுத்தக் கூடிய பொறிமுறை உருவாக்கப்பட்டுள்ளது.
அத்துடன், விவசாயிகளின் உற்பத்தியினைச் சந்தைப்படுத்தும் வகையில் அரசாங்கத்தினால் பல்வேறு வேலைத்திட்டங்கள் முன்னெடுக்கப்பட்டு வருகின்றது.
இப்பகுதியில் பெசன் புறுட் உற்பத்தியும், நீத்துப்பூசணி உற்பத்தியும் அதிகமாக காணப்படுகின்றது. விவசாயிகள் இந்த உற்பத்திகளை மேற்கொண்டு குறைந்த விலையில் விற்று அவர்கள் நட்டத்தை எதிர்நோக்கிக் கொண்டிருந்த வேளையில், கிளிநொச்சி காகில்ஸ் கிளையில் இந்த பெசன் புறுட் உற்பத்திகளை பெற்றுக் கொள்வது தொடர்பில் கலந்துரையாடியிருந்தனர்.
கொரனா வைரஸ் காரணமாக குறைந்த ஊழியர்களே கடமையில் இருப்பதால் மொத்த உற்பத்திகளையும் பெற முடியாது என அவர்களால் தெரிவிக்கப்பட்டது. அதன் பின்னர் கட்டானை காகில்ஸ் கொள்வனவு நிலையத்தில் இருந்து ஒரு தொகுதியை கொள்வனவு செய்ய முடியும் என காகில்ஸ் கூறியிருந்தனர். அதற்கமைவாகவே இன்றைய இந்த நிகழ்வு நடைபெறுகிறது.
ஓரு கிலோ பெசன் புறுட் 55 ரூபாய்க்கு கொள்வனவு செய்யப்படுகிறது. இதில் போக்குவரத்து மற்றும் ஏனைய செலவுகள் போக 50 ரூபாய் வீதம் விவசாயிகளுக்கு கிலோ ஒன்றுக்கு இலாபமாக கிடைக்கிறது. இன்றைய தினம் 15 ஆயிரம் கிலோ பெசன் புறுட் கொள்வனவு செய்வதன் மூலம் விவசாயிகள் சந்தைவாய்ப்பு வசதியைப் பெற்றுள்ளனர் எனத் தெரிவித்தார்.
இதன்போது கொரனா வைரஸ் தாக்கம் காரணமாக நடைமுறையில் உள்ள ஊரடங்குச் சட்டத்தால் சந்தைப்படுத்தல் வசதி இன்றி இருந்த வவுனியா வடக்கு விவசாயிகளிடம் இருந்து 15 ஆயிரம் கிலோ பெசன்புறுட் கொள்வனவு செய்யப்பட்டது.
இந்நிகழ்வில் கமநல அபிவிருத்தி திணைக்கள உதவி ஆணையாளர் இ.வியஜகுமார் உள்ளிட்ட அதிகாரிகள், விவசாயிகள் எனப் பலரும் கலந்து கொண்டனர்.
கொரோனா தனிமைப்படுத்தலுக்கு உட்படுத்தப்பட்ட 74 வயதான வயோதிப பெண்ணை பொறுப்பேற்க அவரின் உறவினர்கள் மறுத்து விட்ட நிலையில், மிகவும் வறிய குடும்பம் ஒன்று அந்த பெண்ணை பொறுப்பேற்றுள்ளதாக வலல்லாவிட பிரதேச செயலாளர் எம்.ரஞ்சித் பீ.பெரேரா தெரிவித்துள்ளார்.
மீகஹாதென்ன பொலிஸ் பிரிவில் லிஹினியாவ குமாரகந்த என்ற முகவரியை சேர்ந்த ஆர்.ஏ.எமலின் என்ற இந்த வயோதிப பெண், கடந்த வாரம் கொரோனா தொற்று பரவியதாக கூறப்பட்ட இரண்டு இடங்களில் தாங்கியிருந்த காரணத்தினால், அந்த பெண்மணியை 21 நாட்கள் தனிமைப்படுத்தி வைக்குமாறு சுகாதார அதிகாரிகள் பரிந்துரைத்திருந்தனர்.
இருமல், தடிமன், காரணமாக அண்மையில் நாகொடை வைத்தியசாலையில் அனுமதிக்கப்பட்ட இந்த பெண்மணிக்கு பீ.சீ.ஆர் பரிசோதனை நடத்தப்பட்டதுடன் அவருக்கு கோவிட் – 19 என்ற கொரோனா வைரஸ் தொற்றவில்லை என்பது உறுதிப்படுத்தப்பட்டதை அடுத்து வைத்தியசாலையில் இருந்து வெளியேறியுள்ளார்.
இந்த பெண்மணி சிகிச்சை பெற்ற வைத்தியசாலை விடுதியில் கொரோனா வைரஸ் தொற்றியவர்கள் கண்டறியப்பட்டமை காரணமாக பெண்மணியை ஏற்றுக்கொள்ள உறவினர்கள் மறுத்துள்ளனர்.
இதனையடுத்து அந்த பெண்மணியை ஹோமாகமை தனிமைப்படுத்தல் நிலையத்தில் அதிகாரிகள் கொண்டு சேர்த்துள்ளனர். அங்கு மேற்கொள்ளப்பட்ட பரிசோதனையிலும் அவருக்கு கொரோனா தொற்றவில்லை என்பது உறுதியாகியுள்ளது.
எனினும் அங்கு கொரோனா நோயாளிகள் இனங்காணப்பட்டதால், அதிகாரிகள் மேலும் 21 நாட்களுக்கு பெண்மணியை தனிமைப்படுத்தி வைத்துள்ளனர்.
திருமணமாகாத இந்த வயோதிப பெண்மணியை அவரது சகோதரர் மற்றும் சகோதரி ஆகியோர் ஏற்க மறுத்துள்ளதுடன் அதே பிரதேசத்தை சேர்ந்த வறிய குடும்பம் அந்த பெண்ணை ஏற்றுக்கொள்ள முன்வந்துள்ளது.
இது மனிதாபிமானம் மற்றும் மனிதாபிமானமற்ற நிலைமையை எடுத்துக்காட்டிய சம்பவம் என சுகாதார அதிகாரிகள் கூறியுள்ளனர்.
எவ்வாறாயினும் பெண்மணியை ஏற்றுக்கொண்ட வறிய குடும்பத்தினர் வசிக்கும் வீட்டில் பெண்மணியை தனிமைப்படுத்த வசதி இல்லை என்பதால், அதிகாரிகள் லிஹினியாவ மொரகல என்ற பிரதேசத்தில் உள்ள சமூக நிலையம் ஒன்றில் அவரை தனிமைப்படுத்தி வைத்துள்ளனர்
வவுனியாவில் ஊரடங்கு சட்டத்தை மீறிய நான்கு பேர் கைது செய்யப்பட்டுள்ளதுடன், அவர்களின் வாகனங்களும் தடுத்து வைக்கப்பட்டுள்ளதாக வவுனியா பொலிசார் தெரிவித்துள்ளனர்.
நேற்று காலை 6 மணியில் இருந்து நேற்று மாலை 6 மணி வரையிலான காலப்பகுதியிலேயே குறித்த நான்கு பேரும் கைது செய்யப்பட்டுள்ளனர்.
கொரனா வைரஸ் தொற்றையடுத்து நாடு முழுவதும் ஊரடங்கு சட்டம் நடைமுறையில் உள்ள நிலையில் ஊரடங்கு சட்ட விதிமுறைகளை மீறி வீதியில் மோட்டர் சைக்கிள்களில் பயணித்த மூவர் கைது செய்யப்பட்டுள்ளதுடன்,
அவர்களின் 3 மோட்டர் சைக்கிள்களும் தடுத்து வைக்கப்பட்டுள்ளது. அத்துடன் துவிச்சக்கர வண்டியில் பயணித்த ஒருவரும் கைது செய்யப்பட்டுள்ளதுடன் அவரது துவிச்சக்கர வண்டியும் பொலிசாரால் தடுத்து வைக்கபடபட்டுள்ளது.
கொரனா வைரஸ் தொற்றை தடுக்க அரசாங்கத்தால் முன்னெடுக்கப்பட்டு வரும் செயற்பாடுகளுக்கு ஒத்துழைப்பு வழக்குமாறு கோரியுள்ள பொலிசார் ஊரடங்கு சட்டத்தை மீறுபவர்கள் மீது நடவடிக்கை எடுக்கப்படும் எனவும் எச்சரிக்கை விடுத்துள்ளனர்.
நாட்டில் கொரனா தொற்று தீவிரம் அடைந்ததையடுத்து கடந்த மாதம் 20ம் திகதியுடன் (20.03.2020) மூடப்பட்டிருந்த வவுனியாவிவுள்ள அனைத்து சிகையலங்கார நிலையங்களும் 26நாட்களுக்கு பின்னர் இன்று (16.04.2020) திறக்கப்பட்டுள்ளது.
நாட்டில் ஏற்பட்டுள்ள கொரனா தொற்றையடுத்து வவுனியா உட்பட் நாட்டின் பல பாகங்களில் ஊரடங்கு சட்டம் அமுல்படுத்தப்பட்டிருந்து.
இவ்வாறு அமுல்படுத்தப்பட்ட ஊரடங்கு சட்டம் மூன்று அல்லது நான்கு நாட்களுக்கு ஒருதடவை 10 மணிநேரம் தளர்த்தப்பட்டடு அத்தியாவசியப் பொருட்களை கொள்வனவு செய்வதற்காக மக்களுக்கு சந்தர்ப்பம் வழங்கப்பட்டிருந்தது.
எனினும் இக் காலப்பகுதியில் சுகாதாரத்தினை கருத்தில் கொண்டு சிகையலங்கார நிலையங்களை திறப்பதற்கு பொது சுகாதார பரிசோதகர்கள் அனுமதி வழங்கவில்லை.
சித்திரை புத்தாண்டு தினத்தினை முன்னிட்டு 26 நாட்களின் பின்னர் இன்றையதினம் ஊரடங்கு தளர்வு நேரத்தில் வவுனியாவிலுள்ள அனைத்து சிகையலங்கார நிலையங்களும் திறக்கப்பட்டுள்ளன.
நாட்டில் ஏற்பட்டுள்ள கொரனா தொற்றையடுத்து அமுல்படுத்தப்பட்டிருந்த ஊரடங்கு சட்டம் வவுனியா மாவட்டத்தில் 10 மணிநேரம் தளர்த்தப்பட்ட நிலையில் அத்தியாவசியப் பொருட்களை கொள்வனவு செய்வதற்காக வர்த்தக நிலையங்களுக்கு வருகை தந்த மக்களின் கடந்த நாட்களை விட அதிகரித்து காணப்படுகின்றது.
நாட்டில் கொரனா தொற்று தீவிரம் அடைந்ததையடுத்து நாடு முழுவதும் ஊரடங்குச் சட்டம் அமுல்படுத்தப்பட்டது. இந்நிலையில் வவுனியா உள்ளிட்ட வடமாகாணத்தின் யாழ்ப்பாணம் தவிர்ந்த பகுதிகளில் ஊரடங்கு சட்டம் இன்று (16.04.2020) காலை 6.00 மணிக்கு தளர்த்தப்பட்டு பிற்பகல் 4.00 மணிக்கு மீண்டும் அமுலுக்கு வருகிறது.
இதனையடுத்து சித்திரை புத்தாண்டு பிறந்து முதற்தடவையாக ஊரடங்கு தளர்த்தப்பட்டுள்ளமையினால் கைவிசேடம் போன்றவற்றினை வழங்குவதற்காக பணத்தினை பெறுவதற்கு வங்கிகளில் மக்கள் கூடியுள்ளமையும் புதுவருட வியாபாரத்தினை ஆரம்பிப்பதற்காக அனைத்து வர்த்தக நிலையங்களும் திறந்து காணப்படுகின்றன,
அத்தியாவசிய பொருட்கள், மருந்துப் பொருட்கள், மரக்கறிகள் என்பவற்றைக் கொள்வனவு செய்வதற்காகவும் வங்கிகளில் பணம் பெறுவதற்காகவும் மக்கள் நகரிருக்கு வருகை தந்துள்ளதுடன் வங்கிகள், வர்த்த நிலையங்களின் முன்னால் வரிசையில் காணப்படுகின்றனர்.
மேலும் வவுனியா பஜார் வீதி, மீன் சந்தை, மரக்கறி சந்தை ஆகிய பகுதிகளுக்காக வீதியூடாக வாகனங்கள் செல்வதற்கும் பொலிஸாரினால் தடை விதிக்கப்பட்டு வீதிகள் மூடப்பட்டு மோட்டார் சைக்கில், துவிச்சக்கரவண்டிகளுக்கு மாத்திரம் அனுமதியளிக்கப்படுகின்றது.
வவுனியா பொலிஸார், போக்குவரத்து பொலிஸார், விசேட அதிரடிப்படையினர், இராணுவத்தினர் நிலமைகளை கட்டுப்படுத்துவதுடன் வவுனியா பொலிஸாரினால் விழிப்புணர்வு அறிவித்தலும் மேற்கொள்ளப்பட்டது.
அத்துடன் மரக்கறி வியாபாரத்திற்காக வவுனியா மன்னார் வீதியில் காமினி மகா வித்தியாலத்தியாலயம் , வவுனியா கண்டி வீதி தமிழ் மத்திய மகா வித்தியலாயத்திற்கு முன்பாக நகரசபையினரினால் இடம் ஒதுக்கி வழங்கப்பட்டு நகரப்பகுதியில் பொதுமக்களின் நடமாட்டம் குறைக்கப்பதற்கு நடவடிக்கை எடுக்கப்பட்ட போதிலும் நகரில் பொதுமக்களின் எண்ணிக்கை அதிகரித்த நிலையிலேயே காணப்படுகின்றது.
கொரோனா வைரஸ் தொற்றில் இருந்து மேலும் இருவர் குணமாகி நேற்று வீடு திரும்பியுள்ளனர். இதனையடுத்து இலங்கையில் கொரோனா தொற்றில் இருந்து குணமானோரின் எண்ணிக்கை 63ஆக அதிகரித்துள்ளது.
இதேவேளை கொரோன வைரஸ் தொற்றுடன் இதுவரை 238 பேர் கண்டறியப்பட்டுள்ளனர். தற்போது 163 பேர் மருத்துவ கண்காணிப்பில் உள்ளனர். 7 பேர் ஏற்கனவே இந்த தொற்றுக்காரணமாக உயிரிழந்துள்ளனர்.
இதற்கிடையில் கொரோன வைரஸை கட்டுப்படுத்தும் முகமாக அமுல் செய்யப்பட்டுள்ள ஊரடங்கு சட்டத்தை மீறியதாக குற்றம் சுமத்தப்பட்டு மேலும் 1522பேர் நேற்று காலை 6 மணியுடன் முடிவடைந்த 24 மணித்தியாலங்களில் கைது செய்யப்பட்டனர். இதன்போது 306 வாகனங்களும் கைப்பற்றப்பட்டன.
கடந்த மார்ச் 20ஆம் திகதி ஊரடங்கு சட்டம் அமுல் செய்யப்பட்டதில் இருந்து இன்று வரை 28 ஆயிரத்து 159பேர் கைது செய்யப்பட்டனர். 7105 வாகனங்கள் கைப்பற்றப்பட்டதாக பொலிஸார் தெரிவித்துள்ளனர்.
இதேவேளை சட்டவிரோத கடற்றொழிலில் ஈடுபட்டதாக கூறப்பட்டு இலங்கையின் 6 கடற்றொழிலாளர்கள் சீசெல்ஸ் நாட்டில் தடுத்து வைக்கப்பட்டுள்ளனர். சீசெல்ஸ் நாட்டின் மக்கள் பாதுகாப்பு படையினர் இதனை தெரிவித்துள்ளனர்.
சம்பத் K-V 0911 கே.எல்.ஆர் என்ற அடையாளத்தைக் கொண்ட படகில் சென்றிருந்த நிலையிலேயே இவர்கள் 6 பேரும் கைது செய்யப்பட்டுள்ளனர். இந்நிலையில் இந்த வருடத்துக்குள் இலங்கையின் சட்டவிரோத படகு சீசெல்ஸில் கைப்பற்றப்பட்ட மூன்றாவது சந்தர்ப்பம் இதுவாகும் என்று அறிவிக்கப்பட்டுள்ளது.
வவுனியா மாவட்டத்தில் மினி சூறாவளியால் பாதிப்படைந்த 58 குடும்பங்களுக்கும் மாவட்ட அனர்த்த நிவாரண சேவைகள் நிலையத்தின் ஊடாக இழப்பீடு வழங்க நடவடிக்கை எடுக்கப்பட்டுள்ளது.
வவுனியா மாவட்டத்தில் கடந்த 8 ஆம் திகதி மாலை திடீரென மினி சூறாவளி ஏற்பட்டது.
இதன்காரணமாக மாவட்டத்தின் பல பகுதிகளிலும் வீடுகளின் கூரைகள் சேதமடைந்ததுடன், வவுனியா கந்தபுரம் கிராம அலுவலர் பிரிவில் இடி மின்னல் தாக்கத்தினால் இளம் குடும்பஸ்தர் ஒருவரும் மரணமடைந்திருந்தார்.
அத்துடன், வவுனியா பிரதேச செயலக பிரிவுக்குட்பட்ட சிவபுரம் கிராம அலுவலர் பிரிவில் 10 வீடுகளும், மரக்காரம்பளை கிராம அலுவலர் பிரிவில் 30 வீடுகளும், பம்பைமடு கிராம அலுவலர் பிரிவில் 5 வீடுகளும், செக்கட்டிப்புலவு கிராம அலுவலர் பிரிவில் ஒரு வீடும்,
வவுனியா தெற்கு பிரதேச செயலக பிரிவில் அவுரந்துலாவ கிராம அலுவலர் பிரிவில் 8 வீடும், வெண்கல செட்டிகுளம் பிரதேச செயலக பிரிவில் சூடுவெந்தபுலவு கிராம அலுவலர் பிரிவில் 2 குடும்பங்களும், பாவற்குளம் படிவம் 2 கிராம அலுவலர் பிரிவில் ஒரு குடும்பமும் என 57 வீடுகள் பகுதியளவில் சேதமடைந்திருந்தன.
இவ்வாறு மரணமடைந்த குடும்பத்திற்கும், பகுதியளவில் சேதமடைந்த வீடுகளுக்கும் இழப்பீடுகள் வழங்க மாவட்ட அனர்த்த நிவாரண சேவைகள் நிலையத்தால் நடவடிக்கை எடுக்கப்பட்டுள்ளதுடன், அதற்கான மதிப்பீடுகள் மேற்கொள்ளப்பட்டுள்ளதாக தெரிவிக்கப்படுகிறது.
இலங்கையில் 15 மாவட்டங்களில் 233 பேர் கொரோனா வைரஸ் தொற்றுக்குள்ளாகியுள்ளனர். கொழும்பு மாவட்டத்திலேயே அதிகளவான தொற்றாளர்கள் அடையாளம் காணப்பட்டுள்ளனர். அந்த மாவட்டத்தில் 47 பேர் பாதிக்கப்பட்டுள்ளனர்.
அதேவேளை, களுத்துறை மாவட்டத்தில் 45 பேரும், புத்தளம் மாவட்டத்தில் 35 பேரும், கம்பஹா மாவட்டத்தில் 28 பேரும், யாழ்ப்பாணம் மாவட்டத்தில் 14 பேரும், கண்டி மாவட்டத்தில் 07 பேரும், இரத்தினபுரி மாவட்டத்தில் 05 பேரும், குருநாகல், கேகாலை, மாத்தறை, அம்பாறை ஆகிய மாவட்டங்களில் தலா 2 பேரும், காலி, மட்டக்களப்பு, பதுளை, வவுனியா ஆகிய மாவட்டங்களில் தலா ஒருவரும் பாதிக்கப்பட்டுள்ளனர்.
இதனிடையே வெளிநாடுகளிலிருந்து நாடு திரும்பியவர்களைத் தனிமைப்படுத்தும் நிலையங்களில் இருந்து 37 பேரும், இலங்கை வந்திருந்த வெளிநாட்டுப் பிரஜைகள் 03 பேரும் கொரோனா தொற்றால் பாதிக்கப்பட்டுள்ளமை குறிப்பிடத்தக்கது.
கொரோனா வைரஸ் தொற்றினால் பாதிக்கப்பட்ட நிலையில், யாழ்ப்பாணத்தை சேர்ந்த மற்றும் ஒருவர் உயிரிழந்துள்ளார். கனடாவில் வசிக்கும் யாழ்ப்பாணம் நெடுந்தீவை சேர்ந்த புஸ்பராணி நாகராஜா என்பவரே இவ்வாறு உயிரிழந்துள்ளதாக அந்நாட்டு ஊடங்கள் செய்தி வெளியிட்டுள்ளன.
56 வயதான இவர் மூச்சு திணறல் காரணமாக வைத்தியசாலையில் அனுமதிக்கப்பட்டு சிகிச்சை பெற்று வந்துள்ளதாக தெரிவிக்கப்படுகின்றது.
கொரோனா வைரஸ் தொற்று காரணமாகவே இவர் உயிரிழந்துள்ளதாக மருத்து சான்றிதழ்கள் உறுதிப்படுத்தியுள்ளதாக அந்த செய்தியில் கூறப்பட்டுள்ளது.
உயிரிழந்த பெண்ணின் கணவரும் கொரோனா தொற்று காரணமாக வைத்தியசாலையில் அனுமதிக்கப்பட்டுள்ள நிலையில், சுயநினைவின்றி இருப்பதாக தெரிவிக்கப்பட்டுள்ளது.
அத்துடன், அவரின் மூன்று பிள்ளைகளும் சுயதனிப்படுத்தலில் இருப்பதாக அந்நாட்டு ஊடகம் ஒன்று வெளியிட்டுள்ள செய்தியில் மேலும் கூறப்பட்டுள்ளது.
இதேவேளை, கொரோனா வைரஸ் தொற்று உலகம் முழுவதும் மிக வேகமாக பரவி வரும் நிலையில், 2,055,782 பேர் பாதிக்கப்பட்டுள்ளதுடன், 133,101 பேர் உயிரிழந்துள்ளனர். கனடாவில், கொரோனா வைரஸ் தொற்றினால் 26,897 பேர் பாதிக்கப்பட்டுள்ள நிலையில், 898 பேர் உயிரிழந்துள்ளமை குறிப்பிடத்தக்கது.
வவுனியாவில் ஹெ ரோயின் போ தைப் பொ ருளுடன் நேற்று (15.04.2020) இருவர் கைது செய்யப்பட்டுள்ளதாக வவுனியா பொலிஸார் தெரிவித்துள்ளனர்.
பொலிஸாருக்கு கிடைத்த தகவலையடுத்து வவுனியா பொலிஸ் நிலைய பதில் பொறுப்பதிகாரி ஆர்.கே.சீ.ரி.ரத்னாயக்கா நெறிப்படுத்தலில் வவுனியா போ தைப் பொ ருள் த டுப்பு பிரிவு பொலிஸார் மன்னார் வீதி, பாலாமைக்கல் பகுதியில் ச ந்தேகத்திற்கு இடமான முறையில் நடமாடிய இருவரை சோ தனைக்குட்படுத்தினர்.
இதன்போது 25 வயதுடைய இளைஞர் ஒருவரிடம் இருந்து 5 கிராம் 300 மில்லிகிராம் ஹெ ரோயின் போ தைப் பொ ருள் மீ ட்கப்பட்டதுடன், 42 வயது நபர் ஒருவரிடம் இருந்து 40 மில்லிகிராம் ஹெ ரோயின் போ தைப் பொ ருள் மீ ட்கப்பட்டது.
இதனையடுத்து குறித்த இருவரும் கை து செய்யப்பட்டுள்ளனர். கைது செய்யப்பட்டவர்கள் வவுனியா, மன்னார் வீதி மற்றும் ஓமந்தைப் பகுதிகளைச் சேர்ந்தவர்கள் என்பதும் குறிப்பிடத்தக்கது. இது தொடர்பான மேலதிக விசாரகைளை முன்னெடுத்துள்ள வவுனியா பொலிஸார் அவர்களை நீதிமன்றில் முற்படுத்த நடவடிக்கை எடுத்துள்ளனர்.
யாழ். மாவட்டத்தில் ஊரடங்கு சட்டம் தளர்த்தப்படுவது தொடர்பாகவும், கொரோனா வைரஸ் தொற்றின் எதிர்காலம் குறித்தும் தற்போது எதையும் கூறமுடியாது என யாழ். போதனா வைத்தியசாலை பணிப்பாளர் வைத்தியர் த.சத்தியமூர்த்தி தெரிவித்துள்ளார்.
அதனை பொறுத்திருந்தே பார்க்க வேண்டும் எனவும் அவர் கூறியுள்ளார். யாழ். போதனா வைத்தியசாலையில் நேற்று இடம்பெற்ற செய்தியாளர் சந்திப்பில் கலந்துகொண்டு பேசிய அவர் இதனை கூறியுள்ளார். தொடர்ந்தும் கருத்து வெளியிட்ட அவர்,
“கொரோனா தொற்றில் அதிகமானவர்கள் தொற்றிற்கான அறிகுறிகளை வெளிப்படுத்தாதவர்களாக இருந்திருப்பார்கள். ஆனால் நோய்க்காவிகளாக இருப்பார்கள். இதில் அவதானமாக எல்லோரும் இருக்க வேண்டும். தனிமைப்படுத்தல் முகாமில் இவர்கள் அடையாளம் காணப்பட்டதால் பிரச்சனையில்லை.
ஆனால் சமூகத்தில் யாருக்காவது அறிகுறியில்லாமல் தொற்று ஏற்பட்டிருந்தால் அது வேறு ஒருவருக்கு பரவினால் மற்றவர்களிற்கும் பரவக்கூடிய நிலைமையுள்ளது.
யாழ்ப்பாணத்தின் தற்போதைய நிலை தொடர்பாக ஜனாதிபதி செயலணி முடிவுகளை எடுக்கிறது. எமது கருத்துக்களை கேட்கும்போது நிலவரங்களை தெரிவிக்கிறோம். ஊரடங்கு குறித்தும், நோயின் எதிர்காலம் குறித்தும் உடனடியாக கூறிவிட முடியாது. பொறுத்திருந்துதான் பார்க்க வேண்டும். ஏனெனில் இது உலகளாவிய தொற்று.
நேற்று அடையாளம் காணப்பட்டவர்கள் தனிமைப்படுத்தல் மையத்திலிருந்தே அடையாளம் காணப்பட்டனர். கொரோனா தொற்று வடக்கில் – எமது சமூகத்தில் பரவவில்லையென்பது தெரிகிறது.
என்றாலும் நாம் அவதானமாக இருக்க வேண்டும். பி.சி.ஆர் பரிசோதனைக்கு தேவையான கிட்ஸ் ஓரளவிற்கு கையிருப்பில் உள்ளது. மத்திய அரசு மூன்று நாளுக்கு ஒருமுறை அவற்றை எமக்கு வழங்கி வருகிறது.
யாழ். போதனா வைத்தியசாலையில் உள்ள இயந்திரத்தின் மூலம் நாளொன்றுக்கு 72 பரிசோதனை செய்யலாம். விரைவில் யாழ் போதனா வைத்தியசாலையிலுள்ள இயந்திரம் மூலமும் பரிசோதனை மேற்கொள்ளவுள்ளோம்.
அங்கும் நாளொன்றுக்கு 72 பேருக்கு பரிசோதனை மேற்கொள்ளலாம். தனிமைப்படுத்தல் செயற்பாட்டை இராணுவமும் சுகாதார அமைச்சும் மேற்கொள்கிறார்கள்.
இது பற்றி என்னால் தெளிவாக கூற முடியாவிட்டாலும் பாதிரியாருடன் நெருக்கமாக பழகியவர்கள் என்ற அடிப்படையில் தனிமைப்படுத்தப்பட்டு கண்காணிக்கப்பட்டு வருகிறார்கள்.
ஆகையினால் வழியால் தொற்றிற்குள்ளானார்கள் என்பதை என்னால் தெளிவாக கூற முடியாது.
ஆனால் அங்கு தொற்று ஏற்பட்ட ஒருவர் ஊடாக மற்றவர்களிற்கும் தொற்று ஏற்பட்டிருக்கலாமென்ற சந்தேகம் நிலவுகிறது” என அவர் மேலும் கூறியுள்ளார்.
ஜா-எல சுதுவெல்ல பிரதேசத்தில் கண்டுபிடிக்கப்பட்ட கொரோனா வைரஸ் தொற்றிய நபருடன் நெருங்கி பழகிய நபர்களை தேடி கடற்படையினர் புறக்கோட்டை குணசிங்கபுர, டாம் வீதி மற்றும் கிராண்ட்பாஸ் ஆகிய பிரதேசங்களில் இன்று தேடுதல் நடத்தியுள்ளனர்.
இந்த தேடுதலில் கொரோனா வைரஸ் தொற்றிய நபருடன் நெருங்கி பழகிய சுமார் 100 பேரை தமது பொறுப்பின் கீழ் கொண்டு வந்துள்ளதாக கடற்படையின் ஊடகப் பேச்சாளர் லெப்டினட் கமாண்டார் இசுரு சூரிய பண்டார தெரிவித்துள்ளார்.
கடற்படையின் பொறுப்பின் கீழ் கொண்டு வரப்பட்டுள்ள நபர்கள் சம்பூரில் உள்ள கடற்படையின் தனிமைப்படுத்தல் நிலையத்திற்கு அனுப்பி வைக்கப்பட உள்ளதாகவும் அவர் கூறியுள்ளார்.
யாழ்ப்பாணம் – பலாலி தனிமை மையத்தில் தனிமைப்படுத்தப்பட்ட இருவருக்கு கொரோனா தொற்று இருப்பது சற்றுமுன் உறுதி செய்யப்பட்டுள்ளது. இதனை யாழ். போதனா வைத்தியசாலைப் பணிப்பாளர் வைத்தியர் த.சத்தியமூர்த்தி இதனை தெரிவித்துள்ளார்.
இன்று 23 பேருக்கு கொரோனா பரிசோதனைகள் மேற்கொள்ளப்பட்டதாக அவர் மேலும் கூறியுள்ளார். இந்நிலையில், யாழ்ப்பாணத்தில் கொரோனா தொற்றினால் பாதிக்கப்பட்டவர்களின் எண்ணிக்கை 20 ஆக அதிகரித்துள்ளது.
கொரோனா வைரஸ் தொற்று உலகம் முழுவதும் வேகமாக பரவி வரும் நிலையில், 2,024,676 பேர் பாதிக்கப்பட்டுள்ளதுடன், 128,972 பேர் உயிரிழந்துள்ளனர். இலங்கையில், கொரோனா தொற்றினால் 237 பேர் பாதிக்கப்பட்டுள்ளதுடன், 7 பேர் உயிரிழந்துள்ளமை குறிப்பிடத்தக்கது.