நானே என் தந்தைக்கு எமனாகிவிட்டேன் : கொரோனாவால் தந்தையை இழந்த மகனின் கண்ணீர்!!

தந்தையை இழந்த மகனின் கண்ணீர்..

சீனாவில் கொரோனாவுக்கு தனது தந்தையை பறிகொடுத்த மகன் கண்ணீர்மல்க நடந்த சம்பவத்தை விவரித்துள்ளார். கொரோனாவின் பிறப்பிடமான வூஹானிலிருந்து 700 மைல் தொலைவில் வசிப்பவர் Zhang Hai.

கடந்த மூன்று மாதங்களுக்கு முன்பாக தன்னுடைய 76 வயது தந்தையான Zhang Lifang-ன் சிகிச்சைக்காக வூஹானுக்கு வந்துள்ளார். அவர் வூஹானில் ஓய்வு பெற்றவர் என்பதால் இலவச சிகிச்சை கிடைக்கும் என்பதற்காக இந்நகரத்துக்கு விரைந்துள்ளனர்.

அச்சமயம் கொரோனா பரவி வந்த காலகட்டம் என்பதால், கடந்த ஜனவரி 30ம் திகதி Zhang Lifangக்கு நோய் தொற்று இருப்பது உறுதி செய்யப்பட்டு, மருத்துவமனையில் அனுமதிக்கப்பட்ட இரு நாட்களிலேயே மரணமடைந்தார்.

இதனால் மனமுடைந்த போன Zhang Hai, ஊரடங்களிலேயே தன்னுடைய நாட்களை கழித்துள்ளார். இதுகுறித்து அவர் கூறுகையில், கொரோனாவின் தீவிரம் புரியாமல் என் தந்தையை சிகிச்சைக்காக அங்கு அழைத்து சென்றுவிட்டேன்.

மரணத்திற்காக என் தந்தையை அழைத்து சென்றது போன்ற உணர்வு, அதை நினைத்தால் என் மேலே எனக்கு கோபம் வருகிறது என கண்ணீர் மல்க தெரிவித்துள்ளார். இந்நிலையில் 76 நாட்களுக்கு பின்னர் ஊரடங்கு தளர்த்தப்பட்ட நிலையில் மீண்டும் சொந்த ஊருக்கு திரும்பியுள்ளார் Zhang Hai.

எனினும் அவருடைய தந்தைக்கு இறுதி அஞ்சலி செலுத்துவதற்காக மீண்டும் வூஹானுக்கு வரவேண்டிய சூழலும் உள்ளது.

அம்மாவைக் காப்பாற்ற டிக்டாக்கில் கண்கலங்கிய இளம்பெண் : பின்பு நடந்த சம்பவம்!!

அம்மாவைக் காப்பாற்ற..

டிக்டாக் வீடியோ என்றாலே நெகடிவ்வாக நினைக்கும் நிலையில், அந்த டிக்டாக்கால் தாயின் உயிரை மகள் ஒருவர் காப்பாற்றிய உணவுப்பூர்வமான நிகழ்வு பலரையும் கண்கலங்க வைத்துள்ளது.

கர்நாடாக மாநிலம் பெலகாவியைச் சேர்ந்தவர் 18 வயதான பவித்ரா ஆரபவி. இவரது தாயார் சிறுநீரகங்கள் செயல் இழந்ததால் பல மாதங்களாக நோய்வாய்ப்பட்டு இருந்து வந்துள்ளார். மருத்துவர்கள் டயாலிசிஸை பரிந்துரை செய்துள்ளனர்.

இதனால் அறுவை சிகிச்சை மேற்கொண்ட அவருக்கு, தினமும் நான்கு விதமான மாத்திரகளைக் கட்டாயம் உட்கொள்ள வேண்டும். இல்லை என்றால் அவரால் வாழ்வது சிரமம் என்ற நிலையில், ஊரடங்கு உத்தரவால், அவருக்கு தேவையான மாத்திரைகள் வாங்குவதில் அந்த ஊரில் கிடைக்காமல் தட்டுப்பாடு நிலவியுள்ளது.

பெங்களூரில் கிடைக்கும் மருந்தை வாங்க வழி தெரியாமல் தவித்த பவித்ரா, வேறு வழியின்றி டிக்டாக் மூலம் கண்கள் கலக்கத்துடனே உதவிகேட்டு ஒரு வீடியோவை தயாரித்து, முதல்வரை உதவும்படி கோரியுள்ளார். அந்த வீடியோ வைரலான சில மணிநேரங்களில் முதல்வர் எடியூரப்பா பார்வைக்கும் சென்றுள்ளது.

இதையடுத்து பவித்திராவுக்கு உதவ எடியூரப்பா உத்தரவிட்டுள்ளார். அதன் பேரில் அதிகாரிகள் நேற்று இரவு 11 மணிக்கு அவரது வீடு தேடிவந்து மருந்தை ஒப்படைத்துள்ளனர். இதனால் அந்த இளம்பெண் நெகிழ்ந்து போயுள்ளார். இந்த சம்பவம் அப்பகுதியில் பலரையும் கண்கலங்க வைத்துள்ளது.

கிளிநொச்சியில் கால்வாயிலிருந்து ஆணின் சடலம் மீட்பு!!

கால்வாயிலிருந்து..

கிளிநொச்சி, ஸ்கந்தபுரம் பகுதியில் கால்வாயிலிருந்து ஆணொருவர் சடலமாக மீட்கப்பட்டுள்ளார். அக்கராயன் குளம் பொலிஸார் மற்றும் ஸ்கந்தபுரம் கிராம அலுவலருக்கு இன்று கிடைத்த தகவலின் அடிப்படையில் கிளிநொச்சி, ஸ்கந்தபுரம் பகுதியூடாக செல்லும் அக்கராயன் குளம் நீர்ப்பாசன கால்வாயின் மூன்றாம் வாய்க்கால் பகுதியில் இருந்து சடலம் மீட்கப்பட்டுள்ளதாக தெரிவிக்கப்படுகிறது.

இவ்வாறு சடலமாக மீட்கப்பட்டவர் 45 வயதுடைய ஒரு பிள்ளையின் தந்தையான மார்க்கண்டு ஜெகதீஸ்வரன் என அடையாளம் காணப்பட்டுள்ளார்.

குறித்த நபர் கடந்த வெள்ளிக்கிழமை வீட்டில் இருந்து வெளியே சென்றதாகவும் அதன் பின்னர் அவர் வீடு திரும்பவில்லை எனவும் பொலிஸாரின் விசாரணையில் தெரிவித்துள்ளார்.

சம்பவ இடத்திற்கு சென்ற கிளிநொச்சி மாவட்ட நீதிவான் நீதிமன்ற நீதவான் ரீ.சரவணராஜா சடலத்தை பார்வையிட்டதுடன் உடற்கூற்று பரிசோதனைக்குட்படுத்தி சடலத்தை உறவினர்களிடம் கையளிக்குமாறு கட்டளையிட்டுள்ளார்.

கொரோனா ஊரடங்கின் போது ம துவுக்காக அலைந்த சிறுவர்கள் : அறிவுரை கூறிய நபரை வெ ட்டிக் கொ ன்ற ப யங்கரம்!!

கொரோனா ஊரடங்கின் போது..

தமிழகத்தில் ம து கேட்டு சென்ற சிறுவர்களுக்கு அறிவுரை கூறிய ந பரை அவர்கள் வெ ட்டிக் கொ ன்ற சிசிடிவி காட்சி வெளியாகி அ திர்ச்சியை ஏற்படுத்தியுள்ளது.

திருப்பூர் தென்னம்பாளையம் சந்தையில் கடந்த 6 -ம் திகதி கூலித் தொழில் செய்து வந்த வீரா என்பவர் ம ர்ம ந பர்களால் வெ ட்டப்பட்ட நிலையில் அங்கிருந்த பிளாக் மாரியம்மன் கோவிலில் ச டலமாக மீ ட்கப்பட்டார் .

இதுகுறித்து காவல்துறையினர் விசாரணை மேற்கொண்டு வந்த நிலையில் கௌதம் சஞ்சய் உள்ளிட்ட 6 பேரை கை து செய்தனர்.

இந்நிலையில் கொ லைக்கான காரணம் குறித்து அவர்களிடம் விசாரிக்கையில் ஊரடங்கு தினமான கடந்த 5-ம் திகதி தென்னம்பாளையம் மார்க்கெட் பகுதிகளில் எங்கே ம து கி டைக்கும் என அவர்கள் தேடிக் கொண்டிருந்த சூழ்நிலையில் வீராவிடம் அது குறித்து விசாரித்துள்ளனர்.

அப்போது வீரா அவர்களுக்கு அறிவுரை கூறிய நிலையில் ஆ த்திரம் அடைந்த இளைஞர்கள் கையில் வைத்திருந்த ஆ யுதங்களோடு வீராவை அ டித்துள்ளனர்.

இதில் ரத்த காயங்களுடன் வீரா, சிறிது தூரம் நடந்து சென்று கோவிலில் சரிந்து விழுந்து இறந்துள்ளார். இதுகுறித்து விசாரணை மேற்கொண்ட பொலிசார் 6 பேரை கைது செய்து சிறையில் அடைத்தனர்.

தற்போது தென்னம்பாளையம் சந்தையில் உள்ள சிசிடிவி கேமராவில் கூலி தொழிலாளி வீராவை சிறுவர்கள் கௌதம் மற்றும் அவரது நண்பர்கள் து ரத்தி அ டிப்பது போன்ற காட்சிகள் பதிவாகியுள்ளது.

முதல் மாத சம்பளத்துடன் தாயை காண ஆசையாக சென்ற இளைஞர் விபத்தில் பரிதாப மரணம்!!

விபத்தில்..

கேரளாவில் முதல்மாத சம்பளத்தை பெற்றுக்கொண்டு பெற்றோரை பார்க்க சென்ற இளைஞர் விபத்தில் மரணமடைந்தது சோகத்தை ஏற்படுத்தியுள்ளது.

கேரளாவை சேர்ந்த 23 வயதான இளைஞர் ஆசிப், மார்ச் மாத இறுதியில் தற்காலிக நர்ஸாக பணி நியமனம் பெற்று Corona Isolation Ward-ல் பணியாற்றி வந்துள்ளார்.

அங்கு மிகவும் துறுதுறுவென தன்னுடைய பணிகளையாற்றி வந்த ஆசிப் முதன்முதலாக சம்பளத்தை பெற்றுக் கொண்டார். சம்பளத்துடன் தன்னுடைய தாயே பார்க்க சொந்த ஊருக்கு சென்ற போது எதிரே வந்த லொறி மீது சம்பவ இடத்திலேயே பலியானார்.

இச்சம்பவம் அதிர்வலைகளை ஏற்படுத்திய நிலையில், முதல்வர் பினராயி விஜயன் குடும்பத்தினருக்கு இரங்கல் தெரிவித்துள்ளார்.

தீவிரமடையும் கொரோனா வைரஸ் பரவல் : யாழ். மக்களுக்கு மன நிம்மதி தரும் தகவல்!!

யாழ். மக்களுக்கு..

யாழ். மாவட்டத்தில் கொரோனா வைரஸின் தாக்கம் குறைவடைந்து வருதவாக யாழ் போதனா வைத்தியசாலைப் பணிப்பாளர் த. சத்தியமூர்த்தி தெரிவித்துள்ளார்.

கடந்த ஒரு வாரமாக எந்தவொரு நபருக்கு கொரோனா தொற்று ஏற்பட்டதாக கண்டறியப்படவில்லை என அவர் குறிப்பிட்டுள்ளார்.

யாழ். போதனா வைத்தியசாலையில் சந்தேகத்தில் அனுமதிக்கப்பட்டவர்கள் மற்றும் தனிமைப்படுத்தப்பட்டிருந்த பலருக்கும் கொரோனா தொற்று பரிசோதனை மேற்கொள்ளப்பட்டது.

இவ்வாறு மேற்கொள்ளப்பட்ட பரிசோதனையில் எவருக்கும் கொரோனா தொற்று உறுதிப்படுத்தப்படவில்லை. கடந்த ஒரு வாரத்தில் யாழ்ப்பாணத்தில் கொரோனா தொற்று அடையாளம் காணப்படவில்லை.

அதே நேரம் கொரோனா சந்தேகத்தில் தற்போதும் 4 பேர் வைத்தியசாலையில் அனுமதிக்கப்பட்டுள்ளனர்.

யாழ். மாவட்டத்தில் இனங்காணப்பட்ட 7 கொரோளா நோயாளர்கள் தொடர்ந்தும் சிகிச்சை பெற்று வருகின்றனர். அவர்களின் உடலில் முன்னேற்றம் ஏற்பட்டுள்ளதாகவும் விரைவில் அவர்கள் வீடு திரும்புவார்கள் எனவும் பணிப்பாளர் மேலும் தெரிவித்துள்ளார்.

நியூயோர்க்கில் கொரோனா உயிரிழப்புக்கள் ஏன் அதிகம்? தீவுகளில் வீசப்படும் சடலங்கள்!!

கொரோனா உயிரிழப்புக்கள்..

உலகில் கொரோனா வைரஸால் அதிகம் பாதிக்கப்பட்ட நாடாக அமெரிக்கா விளங்குகிறது. அங்கு கொரோனாவுக்கு இதுவரை 5 லட்சத்துக்கும் மேற்பட்டோர் பாதிக்கப்பட்டு இருக்கிறார்கள். 20 ஆயிரத்துக்கும் மேற்பட்டோர் பேர் பலியாகி இருக்கிறார்கள். கடந்த 24 மணி நேரத்தில் மட்டும் 2,108 பேர் உயிரிழந்து இருப்பதாக தகவல்கள் தெரிவிக்கின்றன.

இதிலும், அமெரிக்காவில் கொரோனாவால் அதிகம் பாதிக்கப்பட்ட நகரமாக நியூயோர்க் விளங்குகிறது. அங்கு மட்டும் 1 லட்சத்து 80 ஆயிரம் பேருக்கு கொரோனா தொற்று ஏற்பட்டு இருக்கிறது. இது இத்தாலி, ஸ்பெயின் நாடுகளில் பாதிக்கப்பட்டவர்களை விட அதிகம் ஆகும். மேலும் குறுகிய நாட்களில் 8600-க்கும் அதிகமான பேர் உயிரிழந்து இருக்கிறார்கள்.

இதற்கான காரணம் என்ன என்பது குறித்து புதிய தகவல்கள் வெளியாகி உள்ளன. நியூயோர்க்கில் அதிக மக்கள் வசிப்பதாலும், ஏராளமான சுற்றுலா பயணிகள் வருவதாலும்தான் அங்கு கொரோனாவின் தாக்கமும், இறப்பும் அதிகமாக இருப்பதாக நியூயோர்க் கவர்னர் ஆண்ட்ரூ குவோமோ தெரிவித்து உள்ளார்.

அமெரிக்காவின் நிதி தலைநகராக விளங்கும் நியூயோர்க்கில் 86 லட்சம் மக்கள் வசிக்கிறார்கள். அமெரிக்காவிலேயே மக்கள் தொகை நெருக்கம் இங்குதான் அதிகம். ஒரு சதுர கிலோ மீட்டர் பரப்பளவில் 10 ஆயிரம் பேர் வசிக்கிறார்கள்.

நடைபாதைகளில் எப்போதும் கூட்டம் அலைமோதும். சுரங்க பாதைகளில் ஒருவரையொருவர் இடித்துக் கொண்டு செல்லும் நிலைதான் உள்ளது. அந்த அளவுக்கு மக்கள் சாரை சாரையாக சென்று கொண்டு இருப்பார்கள்.

மேலும் நியூயோர்க்குக்கு சுற்றுலா பயணிகளின் வருகையும் அதிகம். பல்வேறு நாடுகளில் இருந்தும் இங்கு சுற்றுலாவாக ஆண்டுக்கு 6 கோடி பேர் வருகிறார்கள். மக்கள் தொகை நெருக்கம் மற்றும் சுற்றுலா பயணிகள் காரணமாக இங்கு கொரோனா அதிக அளவில் பரவி இருப்பதாக கருதப்படுகிறது.

ஏதோ ஒரு ஐரோப்பிய நாட்டில் இருந்துதான் நியூயோர்க்குக்கு கொரோனா பரவி இருக்கக்கூடும் என கருதப்படுகிறது. நியூயோர்க்கில் கொரோனா தொற்று பரவி இருப்பது முதன் முதலாக மார்ச் 1ம் திகதி கண்டுபிடிக்கப்பட்டது.

கொரோனா பரவல் பற்றிய தகவல் வெளியான போதும் ஆரம்பத்தில் மக்கள் அதை தீவிரமாக எடுத்துக் கொள்ளாமல் சாதாரணமாகவே நடமாடினார்கள். கொரோனா வேகமாக பரவுவதற்கு அதுவும் காரணமாக அமைந்து விட்டது.

நியூயோர்க்கில் கொரோனா பரவுவது அதிகமானதை தொடர்ந்து நகரில் உள்ள பாடசாலைகள், நட்சத்திர விடுதிகள், மதுபான விடுதிகள் மூடப்படுவதாக நகர மேயர் பில் டி பிலாசியோ மார்ச் 16ம் திகதி அறிவித்தார்.

அதன்பிறகு வர்த்தக நிறுவனங்களை மூடுமாறும், மக்கள் வீடுகளுக்கு உள்ளேயே இருக்குமாறும் 2ம் திகதி அறிவுறுத்தப்பட்டது. ஆனாலும் கொரோனா பரவுவது குறையவில்லை. நியூயோர்க்கில் தினந்தோறும் ஏராளமான பேர் உயிர் இழப்பதால், ஆஸ்பத்திரிகளில் பிணவறைகளில் உடல்களை வைக்க இடம் இல்லை. யாரும் வந்து உரிமை கோராமல் இருக்கும் உடல்களை ஹார்ட் தீவுக்கு கொண்டு சென்று புதைக்கிறார்கள்.

அங்கு ஒரு நாளைக்கு குறைந்தபட்சம் 25 உடல்கள் புதைக்கப்படுவதாக அதிகாரி ஒருவர் தெரிவித்தார். உடல்களை புதைக்க ஒப்பந்த அடிப்படையில் ஊழியர்கள் நியமிக்கப்பட்டு உள்ளனர்.

கொரோனா பாதிப்பு மற்றும் கட்டுப்பாடுகளின் காரணமாக மக்கள் வீடுகளிலேயே முடங்கி இருப்பதால், பிணவறைகளில் உரிமை கோராமல் நிறைய உடல்கள் இருப்பதாகவும், உறவினர்கள் யாரும் வர வாய்ப்பு இல்லை என்று தெரியவரும் பட்சத்தில் சம்பந்தப்பட்ட உடல்களை வியாழக்கிழமை தோறும் ஹார்ட் தீவுக்கு கொண்டு சென்று புதைப்பதாகவும்,

மற்ற உடல்களை பாதுகாப்பாக வைத்து இருப்பதாகவும் அந்த அதிகாரி கூறினார். பிணவறைகளில் உடல்களை 30 முதல் 60 நாட்கள் வரை வைத்து பாதுகாக்கத்தான் வசதி உள்ளது என்றும் அவர் தெரிவித்தார்.

உறங்கிக்கொண்டிருந்த பெ ண் தாதிய உத்தியோகத்தரின் ச ங்கிலியைப் ப றித்து சென்றவரை தே டும் பொலிஸார்!!

சங்கிலியைப் ப றித்து..

உறங்கிக் கொண்டிருந்த பெ ண் தாதிய உத்தியோகத்தரின் க ழுத்தில் இருந்த தங்க சங்கிலியை அ றுத்து செ ன்றவரை பொலிஸார் தே டி வருகின்றனர். இந்த விடயத்தை கல்முனை பொலிஸ் நிலைய பொறுப்பதிகாரி சுஜீத் பிரியந்த குறிப்பிட்டுள்ளார்.

கடந்த வெள்ளிக்கிழமை நள்ளிரவு அஸ்ரப் ஞாபகார்த்த வைத்தியசாலையில் கடமையாற்றும் பெண் தாதிய உத்தியோகத்தர் தங்கியுள்ள பகுதிக்கு சென்ற அ டையாம் தெரியாத நபரால் தங்கசங்கிலி அ றுத்து செல்லப்பட்டுள்ளது.

இது தொடர்பில் கல்முனை பொலிஸ் நிலையத்தில் பதிவு செயற்பட்ட முறைப்பாட்டின் அடிப்படையில் கல்முனை கு ற்றத்தடு ப்பு பொலிஸார் நேற்று பொலிஸ் மோ ப்பநாயின் உதவியுடன் வைத்தியசாலை சூழலில் தொ டர் தே டுதலை மேற்கொண்டனர்.

அத்துடன் அப்பகுதியில் பொருத்தப்பட்டிருந்த சிசிடிவி கமராவின் உதவியுடன் ச ந்தேக ந பரை அடையாளம் கண்ட பொலிஸார் பொதுமக்களின் உதவியுடன் 29 வயது மதிக்கத்தக்க ச ந்தேக ந பரை கைது செய்திருந்தனர்.

பின்னர் கைது செய்து அழைத்து சென்ற நபரை அளடையாளப்படுத்த முற்படுத்திய போது சந்தேக நபரது முகச்சாயல் மேற்குறித்த சிசிடிவி காணோளி மற்றும் பாதிக்கப்பட்ட தாதிய உத்தியோகத்தரது முறைப்பாட்டுடன் பொருந்தவில்லை என தெரியவருகிறது.

இதனால் கைதான சந்தேக நபர் வி சாரணைகளின் பின்னர் விடுதலை செய்யப்பட்டுள்ளார். இவ்வாறு கைதான நபர் சற்று சித்த சுவாதீனமற்றவராக காணப்படுபவர் என அப்பகுதி மக்கள் தெரிவித்தனர்.

இந்த நிலையில் தொடர்ச்சியாக கல்முனை கு ற்றத்தடுப்பு பொலிஸார் சந்தேக நபர் விட்டுச்சென்ற தடய சான்று பொருட்களை முன்வைத்து தொடர் விசாரணை முன்னெடுத்துள்ளனர்.

மதுபானம் தயாரிப்பது குறித்து சமூக ஊடகங்களில் பிரசாரம் செய்தால் கடூழியச் சிறை!!

கடூழியச் சிறை..

மதுபானம் தயாரிப்பது தொடர்பாக சமூக ஊடகங்களில் பிரசாரங்களை செய்யும் நபர்களுக்கு எதிராக இரண்டு வருட கடூழியச் சிறைத்தண்டனையை வழங்க முடியும் என பிரதிப் பொலிஸ் மா அதிபர் அஜித் ரோஹன தெரிவித்துள்ளார்.

நாட்டில் ஊரடங்குச் சட்டம் அமுலில் இருக்கும் சந்தர்ப்பத்தில் சமூக ஊடகங்களில் மதுபானம் தயாரிப்பது சம்பந்தமான காணொளிகள் மற்றும் பிரசாரங்கள் வழமையை விட அதிகரித்துள்ளதாகவும் அவை மேற்கொள்ளப்படும் விதம் குறித்து பொலிஸார் கண்காணித்து வருவதாகவும் அவர் கூறியுள்ளார்.

மதுபானம் தயாரிப்பது தொடர்பாக சமூக வலைத்தளங்களில் பிரசாரங்களை செய்வது இலங்கையின் சட்டத்திற்கு அமைய குற்றம் எனவும் அஜித் ரோஹன குறிப்பிட்டுள்ளார்.

கொரோனா வைரஸ் பரவலை கட்டுப்படுத்த நாடு முழுவதும் ஊரடங்குச் சட்டம் அமுல்படுத்தப்பட்டுள்ள நிலையில், மதுபான கடைகளும் மூடப்பட்டுள்ளன.

இந்த சூழ்நிலையில், வீடுகளில் எப்படி மதுபானத்தை தயாரிக்க முடியும் என்பது தொடர்பான காணொளிகள் சமூக ஊடகங்களில் வெளியிடப்பட்டு வருகின்றன.

இலங்கையில் கொரோனாவில் இருந்து மீண்ட 4 மாத குழந்தை!!

4 மாத குழந்தை..

இலங்கையில் பதிவாகிய மிக குறைந்த வயதுடைய கொரோனா நோயாளியான நான்கு மாத குழந்தை குணமடைந்துள்ளதாக தெரியவந்துள்ளது.

நாத்தண்டிய பிரதேசத்தை சேர்ந்த குழந்தை குணமடைந்துள்ளதாக தெரிவிக்கப்படுகின்றது. இந்த குழந்தைக்கு கடந்த 30ஆம் திகதி கொரோனா வைரஸ் தொற்றியதாக உறுதி செய்யப்பட்டது.

இந்த குழந்தை சிலாபம் வைத்தியசாலைக்கு அருகில் உள்ள தனிமைப்படுத்தல் நிலையத்தில் தங்க வைக்கப்பட்டிருந்தது. அதற்கமைய இந்த குழந்தையை கொழும்பு வைத்தியசாலைக்கு மாற்றி அனுப்ப வைத்தியர் கபில மல்லவஆராச்சி நடவடிக்கை மேற்கொண்டார்.

இந்த குழந்தைக்கு கொரோனா தொற்றிய போதிலும் குழந்தையின் பெற்றோருக்கு கொரோனா தொற்றாமையானது குறிப்பிடத்தக்க முக்கிய விடயமாக காணப்பட்டது.

அதற்கமைய இந்த குழந்தைக்கு தாத்தாவிடம் இருந்து கொரோனா தொற்றியிருக்கலாம் என சந்தேகிக்கப்படுகின்றது.

குழந்தையின் தாத்தா கொரோனா தொற்றுக்குள்ளாகி கொழும்பு வைத்தியசாலையில் சிகிச்சை பெற்று வருகின்றார். இறுதியில் இந்த குடும்பத்தில் 4 பேர் கொரோனா தொற்றுக்குள்ளாகிய நிலையில் மூவர் குணமடைந்துள்ளனர்.

ஏப்ரல் மாத இறுதியில் ஊரடங்கு சட்டத்தை முழுமையாக நீக்க நடவடிக்கை : சுகாதார பணிப்பாளர்!!

சுகாதார பணிப்பாளர்..

நாடு முழுவதும் இந்த மாத இறுதிக்குள் ஊரடங்கு சட்டத்தை நீக்குவது குறித்து தீர்மானிக்கப்பட்டு வருவதாக சுகாதார சேவை பணிப்பாளர் நாயகம் அனில் ஜயசிங்க தெரிவித்துள்ளார்.

இந்த மாதத்திற்குள் கொரோனா வைரஸ் தொற்று பரவலை மட்டுப்படுத்த நடவடிக்கை எடுக்கப்பட்டுள்ளது. அத்துடன் மாத இறுதிக்குள் ஊரங்கு சட்டத்தினை தளர்த்துவதற்கு நடவடிக்கைகள் மேற்கொளள்ப்பட்டு வருவதாக அவர் குறிப்பிட்டுள்ளார்.

ஊரடங்கு உத்தரவு நீக்கப்பட்ட பின்னர் வைரஸை கட்டுப்படுத்த அறிமுகப்படுத்தக்கூடிய நடவடிக்கைகள் தொடர்பில் தற்போது கலந்துரையாடப்பட்டு வருவதாக அவர் கூறியுள்ளார்.

ஊரடங்கு உத்தரவு நீக்கப்பட்ட பிறகு, சமூக விலகலை உறுதி செய்து, ஒரு சாதாரண வாழ்க்கையை பராமரிப்பதில் பொதுமக்கள் அக்கறை கொள்ள வேண்டும் என அவர் சுட்டிக்காட்டியுள்ளார்.

மேலும், எதிர்வரும் தமிழ், சிங்கள புத்தாண்டை குடும்ப உறுப்பினர்களுடன் மாத்திரம் கொண்டாடுமாறு அவர் பொது மக்களிடம் கேட்டுக்கொண்டுள்ளார்.

முல்லைத்தீவில் உழவு இயந்திரம் தடம்புரண்டு விபத்து : இளைஞன் பலி!!

முல்லைத்தீவில்..

முள்ளிவாய்க்கால் கிழக்கு பகுதியில் உழவு இயந்திரம் ஒன்று தடம்புரண்டதில் இளைஞரொருவர் பரிதாபமாக உயிரிழந்துள்ளார். முள்ளிவாய்க்கால் கிழக்கு பகுதியை சேர்ந்த நந்தகுமார் கிருபாகரன் (வயது 26) என்பவரே உயிரிழந்துள்ளதாக தெரியவருகிறது.

சிறுபோக நெற்பயிர்ச் செய்கையில் ஈடுபட்டுவரும் குறித்த இளைஞன் விவசாய நடவடிக்கைக்காக உழவு இயந்திரம் ஒன்றை இன்று காலை வீட்டில் இருந்து பிரதான வீதிக்கு செலுத்தியுள்ளார்.

இதன்போது வேகக்கட்டுப்பாட்டை இழந்த நிலையில் உழவு இயந்திரம் குடைசாய்ந்து விபத்து ஏற்பட்டுள்ளதாக பொலிஸாரின் ஆரம்பகட்ட விசாரணையில் இருந்து தெரியவந்துள்ளது.
மேலும் சம்பவம் தொடர்பில் முல்லைத்தீவு பொலிஸார் மேலதிக விசாரணையில் ஈடுபட்டுள்ளனர்.

பல்கலைக்கழங்கள் மீண்டும் ஆரம்பிக்கும் தினம் குறித்து அறிவிப்பு!!

பல்கலைக்கழங்கள்..

எதிர்வரும் மே மாதம் 11ஆம் திகதி பல்கலைக்கழக செயற்பாடுகள் ஆரம்பிக்கப்படும் என பல்கலைக்கழங்கள் மானிய ஆணைக்குழு தெரிவித்துள்ளது.

எதிர்வரும் 4ஆம் திகதி பல்கலைக்கழக நிர்வாகத்தினர் அழைக்கப்பட்டு அடுத்த செயற்பாடுகள் குறித்து தெளிவுப்படுத்தப்படும்.

மே மாதம் 11ஆம் திகதி இறுதியாண்டு மாணவர்களுக்கும் 18ஆம் திகதி ஏனைய மாணவர்களுக்குமான கல்வி நடவடிக்கைகள் ஆரம்பமாகும் என ஆணைக்குழு தெரிவித்துள்ளது.

இதேவேளை எதிர்வரும் 11ஆம் திகதி நாட்டிலுள்ள அனைத்து பாடசாலைகளும் இரண்டாம் தவணைக்காக ஆரம்பிக்கப்படும் என கல்வியமைச்சு அறிவித்துள்ளமை குறிப்பிடத்தக்கது.

இந்த நாட்களில் ஏ.சி பயன்படுத்துவது ஆபத்தானது : மருத்துவர் எச்சரிக்கை!!

மருத்துவர் எச்சரிக்கை..

காற்று சீராக்கி (ஏ.சி) பயன்படுத்தும் நபர்களுக்கு கொரோனா வைரஸ் தொற்று பரவக்கூடிய அபாயம் காணப்படுவதாகத் தெரிவிக்கப்படுகிறது.

காற்று சீராக்கிகளைக் கொண்ட அறைகளில் சுலபமாக வைரஸ் தொற்றக்கூடிய சாத்தியங்கள் காணப்படுவதாக விசேட நிபுணத்துவ மருத்துவர் ஆனந்த விஜேவிக்ரம தெரிவித்துள்ளார்.

காற்று சீராக்கிகளைக் கொண்ட அறைகளில் வைரஸ் கிருமிகள் தொற்றுவதற்கான சந்தர்ப்பங்கள் அதிகளவில் காணப்படுவதாகக் குறிப்பிட்டுள்ளார்.

நபர் ஒருவர் தும்மினாலோ அல்லது இருமினாலோ அதன் ஊடாக பரவக்கூடிய வைரஸ்கள், சூரிய வெளிச்சம் உள்ள இடத்தை விடவும் காற்று சீராக்கிகளைக் கொண்ட அறைகளில் நீண்ட நேரத்திற்கு உயிர்ப்புடன் இருக்கும் என தெரிவித்துள்ளார்.

இதனால் பணியிடங்களிலும் காற்று சீராக்கிகளை விடவும் இயற்கை காற்றை பெற்றுக்கொள்ளக் கூடிய வழிமுறைகளை பின்பற்றுவது உசிதமானது என அவர் சுட்டிக்காட்டியுள்ளார்.

காற்று சீராக்கிகளைக் கொண்ட பெரிய பல்பொருள் அங்காடிகள் உள்ளிட்ட கட்டடங்களில் நீண்ட நேரம் இருப்பது வைரஸ் தொற்று பரவக்கூடிய அபாயத்தை அதிகரிக்கும் என டொக்டர் ஆனந்த விஜேவிக்ரம தெரிவித்துள்ளார்.

விபத்தில் உயிரிழந்த இரு சகோதரிகள் : விபத்தை ஏற்படுத்திய நபருக்கு பிணை!!

உயிரிழந்த சகோதரிகள்..

மன்னார்-மதவாச்சி பிரதான வீதி,பரப்பாங்கண்டன் பகுதியில் வியாழக்கிழமை இடம்பெற்ற விபத்தில் சகோதரிகளான இரு பெண்கள் சம்பவ இடத்திலேயே உயிரிழந்துள்ளனர்.

இதன்போது உயிரிழந்தவர்களின் சடலம் கட்டையடம்பன் பகுதியில் நல்லடக்கம் செய்வதற்கு முன்னரே விபத்தை ஏற்படுத்திய நபரை மன்னார் பதில் நீதவானினால் பிணையில் செல்ல அனுமதிக்கப்பட்டுள்ளமை குறித்து அக்கிராம மக்களும், குடும்ப எதிர்ப்பு வெளியிட்டுள்ளனர்.

மன்னார் நீதி மன்றத்தில் நேற்று பதில் நீதவான் இ.கயஸ் பெல்டானோ முன்னிலையில் விபத்தை ஏற்படுத்திய நபர் பொலிஸாரினால் முன்னிலைப் படுத்தப்பட்டார்.

இதன்போது மன்னார் மாவட்டத்தைச் சேர்ந்த மத குரு ஒருவரும், சட்டத்தரணி ஒருவரும் இணைந்து குறித்த நபருக்கு பிணை வழங்குவதற்கு ஏற்பாடுகள் மேற்கொண்டதாகவும், பிணை வழங்குவது தொடர்பாக மன்னார் பிராந்திய பொலிஸ் மற்றும் பொறுப்பதிகாரி ஆகியோர் கடும் எதிர்ப்பினை தெரிவித்திருந்தனர்.

எனினும் அந்த எதிர்ப்பை கவனத்தில் கொள்ளாது குறித்த நபருக்கு பிணை வழங்கப்பட்டுள்ளது. எனவே ஊடகங்களே குறித்த இரு சகோதரிகளுக்கும் நீதியை பெற்றுக்கொடுக்க வேண்டும் எனவும் அப்பிரதேச மக்கள் கோரிக்கை விடுத்துள்ளனர்.

கொரோனா வைரஸால் இயற்கையில் ஏற்பட்டுள்ள மாற்றம் : நாசா வெளியிட்ட செயற்கைகோள் படம்!!

செயற்கைகோள் படம்..

கொரோனா வைரஸ் தொற்று மிக வேகமாக பரவி வரும் நிலையில், அதனால் உலக மக்கள் பலரும் பாதிப்பை எதிர்நோக்கியுள்ளனர். எனினும் இதனால் இயற்கையில் பாரிய மாற்றங்கள் ஏற்பட்டுள்ளதாக தெரிவிக்கப்படுகின்றது. இதன்படி, சுற்றுச்சூழல் மாசு கணிசமாக குறைந்து வருவதாக கூறப்படுகின்றது.

வாகன பயன்பாடுகளின் குறைவு மற்றும் தொழிற்சாலைகளின் செயலிழப்பு ஆகியவற்றின் காரணமாக காற்று மாசுபாடு கணிசமாக குறைந்துள்ளதாக நிபுணர்கள் சுட்டிக்காட்டுகின்றனர்.

இந்நிலையில், நாசா வெளியிட்டுள்ள சமீபத்திய செயற்கைக்கோள் தரவுகளின்படி, வடகிழக்கு அமெரிக்கா முழுவதும் காற்று மாசுபாடு கடந்த சில வாரங்களில் சுமார் 30 வீதம் குறைந்துள்ளதாக சுட்டிக்காட்டப்பட்டுள்ளது.

அத்துடன், உலகின் ஏனைய பகுதிகளையும் நாசா விஞ்ஞானிகள் சுட்டிக்காட்டியுள்ளனர். 2015 முதல் 2019 மார்ச் வரையிலான காலகட்டத்தில் காற்று மாசுபாட்டை இந்த படம் காட்டுவதாக கூறப்பட்டுள்ளது.

எவ்வாறாயினும், இந்த செயற்கைக்கோள் படம் உலகளவில் கொரோனா வைரஸ் பரவல் காரணமாக காற்று மாசுபாடு எவ்வாறு குறைக்கப்பட்டுள்ளது என்பதைக் காட்டுகிறது. இதனிடையே, இருபது ஆண்டுகளுக்கு பின்னர் கொழும்பு நகரில் வளி மாசடையும் வீதம் குறைவடைந்துள்ளதாக தேசிய கட்டட ஆராய்ச்சி நிறுவனம் தெரிவித்துள்ளது.

கொழும்பில் மட்டுமல்ல, நாட்டின் பிற பகுதிகளிலும் சுற்றுச்சூழல் மாற்றங்கள் காணப்படுகின்றன. தேசிய பூங்காவிற்கு சுற்றுலா பயணிகள் செல்லாத நிலையில் வனவிலங்குகள் சுதந்திரமாக திரிவதாக சிங்கள ஊடகம் ஒன்று செய்தி வெளியிட்டுள்ளது.