வவுனியாவில் ஊரடங்கு சட்டத்தை மீறிய நால்வர் கைது : மூன்று மோட்டர் சைக்கிள்கள் பறிமுதல்!!

நால்வர் கைது..

புத்தாண்டு தினத்தில் ஊரங்கு சட்டத்தை மீறி செயல்பட்ட நால்வர் வவுனியா பொலிசாரால் கைது செய்யப்பட்டுள்ளதுடன், அவர்கள் பயணித்த மூன்று மோட்டர் சைக்கிள்களும் பொலிசாரால் தடுத்து வைக்கப்பட்டுள்ளது.

கொரனா வைரஸ் தாக்கம் காரணமாக நாடளாவிய ரீதியில் ஊரடங்கு சட்டம் நடைமுறைப்படுத்தப்பட்டுள்ளது. புதுவருடத்தை முன்னிட்டு நேற்று மாலை (13.04) 6 மணி தொடக்கம் இன்று (14.03) மாலை 6 மணி வரை ஊரடங்கு சட்டம் மேலும் இறுக்கமாக்கப்பட்டு பொலிசார் மற்றும் இராணுவத்தினர் தீவிர சோதனை நடவடிக்கைகளை முன்னெடுத்துள்ளனர்.

இந்நிலையில் ஊரடங்கு சட்டத்தை மீறி வவுனியா நகர் பகுதியில் நேற்று இரவு (13.04) இரு மோட்டர் சைக்கிளில் பயணித்த இருவர் வவுனியா பொலிசாரால் கைது செய்யப்பட்டுள்ளதுடன்,

இன்று (14.04) காலை ஊரடங்கு சட்டத்தை மீறி ஒரு மோட்டர் சைக்கிளில் பயணித்த இருவரும் என நால்வர் கைது செய்யப்பட்டுள்ளதுடன், அவர்கள் பயணித்த 3 மோட்டர் சைக்கிள்களும் தடுத்து வைக்கப்பட்டுள்ளது. இவ்வாறு கைது செய்யப்பட்டவர்கள் 47, 29, 26, 25 வயதுடையவர்கள் எனத் தெரிவிக்கப்படுகிறது.

வவுனியாவில் அமைதியான முறையில் புத்தாண்டு கொண்டாங்கள்!!

வவுனியாவில்..

மலர்ந்திருக்கும் சார்வரி தமிழ்- சிங்கள புத்தாண்டு கொண்டாங்கள் பல வருடங்களுக்கு பின்னர் வவுனியாவில் அமைதியான முறையில் காணப்படுகின்றது.

நாட்டில் கொரனா தொற்று தீவிரம் அடைந்ததையடுத்து வைரஸ் பரவலை நிறுத்தும் நோக்கில் வவுனியா உட்பட நாட்டின் பல பாகங்களில் ஊரடங்குச சட்டம் அமுல்படுத்தப்பட்டது.

வவுனியா உட்பட சில மாவட்டங்களில் ஊரடங்கு சட்டம் ஏப்ரல் மாதம் 14ஆம் திகதி நீக்கப்பட்டு மீண்டும் அமுல்படுத்தப்படவிருந்தது.

எனினும் புத்தாண்டு தினத்தில் மக்களின் நடமாட்டம் அதிகரித்து காணப்படும் என்ற நோக்கில் அதில் மாற்றம் மேற்கொள்ளப்பட்டு எதிர்வரும் 16ஆம் திகதி காலை 6 மணி வரை நீடிக்கப்பட்டுள்ளது.

இதன் காரணமாக வவுனியா முழுவதும் வெறிச்சோடிய நிலையில் காணப்படுவதுடன் வெடிச்சத்தங்கள் எதுவுமின்றி அமைதியான முறையில் காணப்படுகின்றது.

நாட்டில் இடம்பெற்ற யுத்த காலத்தில் இவ்வாறான நிலை காணப்பட்டிருந்ததுடன் தற்போது பல வருடங்களின் பின்னர் கொரனா தொற்று காரணமாக இன்று இவ்வாறான நிலையில் காணப்படுகின்றது.

வவுனியாவில் புத்தாண்டை முன்னிட்டு ஆலயங்களில் அமைதியான வழிபாடு!!

புத்தாண்டை முன்னிட்டு..

மலர்ந்திருக்கும் சார்வரி தமிழ்- சிங்கள புத்தாண்டை முன்னிட்டு வவுனியாவில் அமைந்துள்ள இந்து ஆலயங்களில் விசேட பூஜைகள் அமைதியான முறையில் நடைபெற்றன.

இருப்பினும் மக்கள் தொகை குறைவாக காணப்பட்டதுடன் வீடுகளிலேயே அமைதியான முறையில் வழிபாட்டில் ஈடுபட்டிருந்தனர்.

சார்வரி புத்தாண்டானது இன்று இரவு 7.26 இற்கு மலர்ந்திருந்தது. கொரனா தாக்கம் காரணமாக ஊரடங்குச் சட்டம் அமுலில் இருந்த நிலையில் மக்கள் வீடுகளிலேயே அமைதியான முறையில் புத்தாண்டை கொண்டாடினர்.

இருப்பினும், இந்து ஆலயங்களிலும் அமைதியான முறையில் வழிபாடுகள் இடம்பெற்றன. குறைந்தளவிலான மக்கள் தொகையுடன் சமூக இடைவெளிகள் பேணப்பட்டு பொலிசார் மற்றும் சுகாதார துறையினரின் அறிவுறுத்தலுக்கமைவாக வழிபாடுகள் இடம்பெற்றன.

அந்தவகையில் வவுனியா, குட்செட் வீதி கருமாரி அம்மன் தேவஸ்தானத்தில் ஆலய பிரதம குரு பிரபாகரக் குருக்கள் தலைமையில் விசேட தீப ஆராதனைகளுடன் புதுவருட வழிபாடுகள் இடம்பெற்றது.

கொரோனா : விதியை மீறிய வெளிநாட்டினருக்கு கொடுத்த வித்தியாசமான தண்டனை!!

வித்தியாசமான தண்டனை

இந்தியாவில் கொரோனாவால் கொண்டு வரப்பட்ட ஊரடங்கு விதிகளை மீறிய வெளிநாட்டினர் சிலருக்கு அந்நாட்டில் இருக்கும் பொலிசார் கொடுத்த வித்தியாசமான தண்டனையின் புகைப்படம் சமூகவலைத்தளங்களில் வைரலாகி வருகிறது.

கொரோனா வைரஸ் பரவல் காரணமாக உலகின் பல்வேறு நாடுகளில் ஊரடங்கு சட்டம் அமலில் உள்ளது. அந்த வகையில் இந்தியாவில் கடந்த மாதத்தின் இறுதியில் ஊரடங்கு சட்டம் கொண்டு வரப்பட்டது.

இந்த ஊரடங்கு சட்டம் இன்னும் மூன்று நாட்கள் நீடிக்கும் என்று கூறப்படுகிறது. ஏனெனில் அந்நாட்டில் இருக்கும் மாநில முதலமைச்சர்கள் பலரும் ஊரடங்கு நீட்டிக்க வேண்டும் வலியுறுத்துவதன் காரணமாகவும்,

நாட்டிலும் சீரான வேகத்தில் கொரோனாவால் பாதித்தவர்களின் எண்ணிக்கை உயர்வதன் காரணமாகவும் பிரதமர் மோடி ஊரடங்கை இன்னும் சில நாட்கள் நீட்டிக்க முடிவு செய்துள்ளதாக அங்கிருக்கும் உள்ளூர் ஊடகங்கள் தெரிவிக்கின்றன.

இந்நிலையில் உத்திரகாண்டின் Rishikesh-ல் இருக்கும் பிரபலமான ஆன்மிக ஆஷிரமம் ஒன்றிற்கு மெக்சிகோ, அவுஸ்திரேலியா மற்றும் ஆஸ்திரியாவை சேர்ந்த வெளிநாட்டினர் சென்றுள்ளனர். நாட்டில் தற்போது அத்தியாசவசிய தேவைக்கு மட்டுமே மக்கள் வெளியில் வர வேண்டும்.

தேவையில்லாமல் வரக் கூடாது என்ற விதி உள்ளது. இவர்கள் அந்த விதியை மீறியதன் காரணமாக அங்கிருந்த பொலிசார் இவர்களை பிடித்து விசாரித்து, இப்படி தேவையில்லாமல் வரக் கூடாது என்று அறிவுரை கூறியதுடன், 500 முறை மன்னித்துவிடுங்கள் என்று எழுதும் படி வித்தியாசமான தண்டனை கொடுத்துள்ளனர்.

அங்கு விதியை மீறுபவர்களுக்கு தொப்புகரணம் போட சொல்வது, சிறிது நேரம் கொரோனா வைரஸ் விழிப்புணர்வு பாதையை சாலையில் பிடித்து நிற்பது போன்ற பல வித்தியாசமான தண்டனையை பொலிசார் கொடுத்து வருகின்றனர்.

இந்த ஏரியாவில் அமெரிக்கா, அவுஸ்திரேலியா, மெக்சிகோ மற்றும் இஸ்ரேலைச் சேர்ந்த 700-க்கும் மேற்பட்ட வெளிநாட்டினர் தங்கியிருப்பதாகவும், அவர்கள் விதியை மீறினால் இதே போன்று ஏதேனும் வித்தியாசமான தண்டனை தான் என்று அங்கிருக்கும் பொலிஸ் அதிகாரி Vinod Sharma என்பவர் கூறியுள்ளார்.

கொரோனாவால் சிகிச்சை பெற்று வந்த தமிழர் பலி : சொந்த ஊருக்கு உடலை அனுப்பாமல் அங்கே புதைத்த துயரம்!!

கொரோனாவால்..

இந்தியாவின் டெல்லி மாநாட்டில் கலந்து கொண்ட தமிழர் ஒருவர் கொரோனா வைரஸ் காரணமாக அங்கு சிகிச்சை பெற்று வந்த நிலையில், உயிரிழந்த சம்பவம் குடும்பத்தினரிடையே மிகுந்த சோகத்தை ஏற்படுத்தியுள்ளது.

நாட்டின் தலைநகர் டெல்லியில் கடந்த மார்ச் மாதம் 8-ஆம் திகதி முதல் 15-ஆம் திகதி வரை மத மாநாடு நடைபெற்றது. மத அமைப்பு ஒன்று மூலம் இந்த கூட்டம் நடத்தப்பட்டது. மக்கள் இடையே மத ரீதியான விழிப்புணர்வை ஏற்படுத்தும் வகையில் இந்த கூட்டம் டெல்லியில் ஆண்டு தோறும் நடக்கும்.

டெல்லி மேற்கு நிஜாமுதீன் பகுதியில் உள்ள ஒரு வழிபாட்டு தளத்தில்தான் இந்த கூட்டம் நடந்தது. இந்த கூட்டத்தில் கலந்து கொண்ட பலருக்கு தான் இப்போது கொரோனா பாதிப்பு இருப்பது பெரும் பரபரப்பை ஏற்படுத்தியுள்ளது,

அதிலும் குறிப்பாக தமிழகத்தில் இருந்து 1400 பேர் இதில் கலந்து கொண்டனர். அவர்களில் பலருக்கும் கொரோனா பாதிப்பு இருப்பது உறுதி செய்யப்பட்டது.

இதில் பலர் தமிழகம் திரும்ப முடியாமல் டெல்லியில் இருக்கின்றனர். சுமார் 300 பேர் வரை அந்த வழிபாட்டு தலத்திலே தங்கியதாக கூறப்படுகிறது. இதையடுத்து கொரோனா தீவிரம் பரவியதால், அங்கிருக்கும் அனைவரையும் பொலிசார் மீட்டு தீன் தயாள் அரசு மருத்துவமனையில் அனுமதித்தனர்.

அங்கு அவர்களுக்கு சிகிச்சை அளிக்கப்பட்டு வந்தது. இங்கு தமிழர்கள் பலர் சிகிச்சை பெற்று வந்தனர். அதில் ஒருவரான விருத்தாச்சலத்தின் தாஷ்கண்ட் நகரை சேர்ந்த நபர் பரிதாபமாக உயிரிழந்துள்ளார்.

அவருக்கு பக்கத்து அறையில் மகனும் கொரோனாவால் பாதிக்கப்பட்டு சிகிச்சை பெற்று வந்ததால், அவருக்கு அடுத்த நாள் தான் இது குறித்து தெரிவிக்கப்பட்டுள்ளது.

இருப்பினும் கொரோனாவால் இறந்தவர்களின் உடல் அருகே செல்லக் கூடாது என்பதால், அப்பாவின் உடலை மகன் அருகே சென்று பார்க்க அனுமதிக்கப்படவில்லை. தூரத்தில் இருந்தே மகன் பார்த்து கண்ணீர் விட்டு அழுதுள்ளார்.

இந்த தகவல் தமிழகத்தின் விருத்தாசலத்தில் இருக்கும் அவரின் குடும்பத்தினர் மற்றும் உறவினர்களுக்கு தெரிவிக்கப்பட்டுள்ளது. அவர்கள் உடலை சொந்த ஊருக்கு கொண்டு வர முயற்சி செய்துள்ளனர். ஆனால், உடல் டெல்லியில் அடக்கம் செய்ய முடிவு செய்யப்பட்டது.

அந்த நபரின் குடும்பத்தினரின் ஒப்புதலோடு, டெல்லியிலேயே உடல் அடக்கம் செய்யப்பட்டதாக தெரிவிக்கப்பட்டுள்ளது. மகன் அருகில் இருந்தும் பார்க்க முடியாமல், குடும்பத்தார் அவரின் முகத்தை கடைசியாக பார்க்க முடியாமல் தவிக்கும் நிலை இனி யாருக்கும் வரக் கூடாது என்று அவரின் உறவினர்கள் வேதனையுடன் கூறியுள்ளனர்.

ஊரடங்கால் ஏற்பட்ட துயரம் : 5 குழந்தைகளை கங்கையில் வீசிய தாய்!!

5 குழந்தைகளை..

இந்தியாவில் கொரோனா பரவலால் ஏற்படுத்தப்பட்டுள்ள ஊரடங்கால் தனது குழந்தைகளுக்கு உணவு இல்லை என்ற விரக்தியில் தாயார் ஒருவர் 5 பிள்ளைகளையும் கங்கை நதியில் வீசிய சம்பவம் பெரும் அதிர்ச்சியை ஏற்படுத்தி உள்ளது.

உத்திரபிரதேச மாநிலம் பாதோகி மாவட்டத்தை சேர்ந்த ஒரு தாய் தனது 5 குழந்தைகளையும் கங்கை நதியில் மூழ்கடித்துள்ளார்.

தகவல் அறிந்த பொலிசார் சம்பவ இடத்திற்கு சென்று கங்கை நதியில் மூழ்கிய குழந்தைகளை தீயணைப்பு படையினர் உதவியுடன் தேடி வருகின்றனர்.

மேலும் குறித்த பெண்மணியை கைது செய்துள்ளனர். முதற்கட்ட விசாரணையில் குறித்த பெண்மணி ஏழ்மையான குடும்பம் எனவும்,

தினக்கூலி வேலைக்கு செல்லும் இவர் கடந்த சில நாட்களாக குழந்தைகளுக்கு தேவையான உணவு பொருட்களை வாங்கி கொடுக்க முடியாத நிலைக்கு தள்ளப்பட்டார் எனவும் தெரியவந்துள்ளது.

இதனையடுத்தே இந்த கோர முடிவுக்கு அவர் வந்திருக்கலாம் என பொலிஸ் தரப்பில் கூறப்படுகிறது, உணவு இல்லை என்பதால் கணவன் மனைவிக்கு இடையே வாக்குவாதமும் ஏற்பட்டதாக அக்கம் பக்கத்தினர் கூறுகின்றனர்.

ரஞ்சன் ராமநாயக்க சற்று முன்னர் கைது!!

முன்னாள் நாடாளுமன்ற உறுப்பினர் ரஞ்சன் ராமநாயக்க சற்று முன்னர் கைது செய்யப்பட்டுள்ளதாக பொலிஸ் ஊடகப் பேச்சாளர் தெரிவித்துள்ளார்.

ஊரடங்குச் சட்டம் பிறப்பிக்கப்பட்டுள்ள நிலையில் பொலிஸாரின் கடமைக்கு இடையூறு விளைவித்த குற்றச்சாட்டில் அவர் கைது செய்யப்பட்டுள்ளார்.

மாதிவெல பகுதியில் அமைந்துள்ள ரஞ்சன் ராமநாயக்கவின் வீட்டிற்கு நபர் ஒருவர் வருகைத்தந்துள்ளார். எனினும் பாதுகாப்பு பிரிவினர் குறித்த நபருக்கு அங்கு செல்ல அனுமதிக்கவில்லை.

குறித்த நபரிடம் ஊரடங்கு அனுமதி பத்திரம் எதுவும் இருக்கவில்லை என்பதை அங்கு கடமையில் இருந்த அதிகாரி அவதானித்துள்ளார்.

இது தொடர்பில் குறித்த நபரிடம் பொலிஸார் பேசிக் கொண்டிருந்த போது, ரஞ்சன் ராமநாயக்க வாக்குவாதத்தில் ஈடுபட்டுள்ளார்.

அத்துடன் பொலிஸரை கடுமையாக திட்டிய ரஞ்சன் குறித்த நபரை வீட்டிற்குள் அழைத்து சென்றுள்ளார்.

இதனால் பொலிஸாரின் கடமைக்கு தடை ஏற்படுத்தியமை தொடர்பில் மிரிஹான பொலிஸார் மேற்கொண்ட முறைப்பாட்டிற்கமைய ரஞ்சன் கைது செய்யப்பட்டுள்ளார்.

நீக்கப்பட்ட வரிகளை மீண்டும் அறிமுகப்படுத்தும் அரசாங்கம்!!

நீக்கப்பட்ட வரிகளை..

கடந்த ஜனவரி மாதம் இரத்து செய்யப்பட்ட சில வரிகளை மீண்டும் அறிமுகப்படுத்த அரசாங்கம் தீர்மானித்துள்ளது. கொரோனா வைரஸ் தொற்றிற்கு மத்தியில் நாட்டிற்கு ஏற்பட்டுள்ள தாக்கத்தை குறைப்பதற்காக இந்த நடவடிக்கை எடுக்கப்பட்டுள்ளது.

அதற்கமைய ஜனவரி மாதம் முதலாம் திகதி முதல் நீக்கப்பட்ட கொடுப்பனவு வரியானது எதிர்வரும் ஏப்ரல் மாதம் முதலாம் திகதி முதல் உயர் தனி நபர் வரியாக புதிய முறையில் கீழ் அறிமுகம் செய்துள்ளதாக உள்நாட்டு வருவாய் திணைக்களம் தெரிவித்துள்ளது. அது ஊழியரின் அனுமதியின் கீழ் முதலாளியால் கழிக்கப்பட வேண்டும்.

குறைந்த பட்சம் மாத வருமானம் இரண்டு லட்சம் அல்லது வருடாந்த வருமானம் குறைந்த பட்சம் 30 இலட்சம் பெறும் ஊழியர்கள் அதற்குட்படுகின்றனர்.

22000க்கு மேற்பட்ட மருத்துவ ஊழியர்களுக்கு கொரோனா பாதிப்பு!!

கொரோனா பாதிப்பு..

உலகம் முழுவதும் கொரோனா வைரசால் சுமார் 22 ஆயிரத்திற்கு மேற்பட்ட சுகாதார ஊழியர்கள் பாதிக்கப்பட்டுள்ளதாக தகவல் வெளியாகி உள்ளது.

சீனாவில் உருவான ஆட்கொல்லி வைரசான கொரோனா, உலகம் முழுவதும் பரவி அச்சுறுத்தலை ஏற்படுத்தி வருகிறது. இந்தியாவிலும் தொடர்ந்து கொரோனா வைரசால் பாதிக்கப்பட்டவர்களின் எண்ணிக்கை அதிகரித்து வருகிறது.

இதில் சாதாரண மக்கள் மட்டுமின்றி, மருத்துவர்கள் மற்றும் சுகாதார ஊழியர்களும் அதிகளவில் பாதிக்கப்பட்டு இருக்கும் என அதிர்ச்சி தகவல் வெளியாகியுள்ளது. இது தொடர்பாக உலக சுகாதார அமைப்பு ஒரு ஆய்வறிக்கையை வெளியிட்டுள்ளது.

“கொரோனா வைரசால் பாதிக்கப்பட்ட 52 நாடுகளில் 22 ஆயிரத்து 73 சுகாதார ஊழியர்கள் பாதிக்கப்பட்டுள்ளனர். பாதிக்கப்பட்ட சுகாதார ஊழியர்களுக்கு அவர்கள் பணிபுரியும் இடத்தில் இருந்தோ அல்லது பாதிக்கப்பட்டவர்களிடம் இருந்தோ, சமூகத்தில் இருந்தோ பரவி இருக்கலாம் என்று முதற்கட்ட ஆய்வில் தெரிய வந்துள்ளது.

உலக சுகாதார அமைப்பின் சார்பில் ஏற்கனவே சுகாதார ஊழியர்களுக்கு தகுந்த பாதுகாப்பு உபகரணங்கள் உபயோகப்படுத்துமாறு பரிந்துரைக்கப்பட்டிருந்தது. சுகாதார ஊழியர் களின் பணியிடங்களில் அவர்களின் உரிமைகளுக்கும் மதிப்பளிக்க வேண்டும் என அவ் அறிக்கையில் குறிப்பிடப்பட்டுள்ளது.

ஆனாலும் இதுவரையில் கொரோனா பாதிப்பால் மருத்துவர்கள், தாதிமார்கள், ஊழியர்கள் என பலர் உயிரிழந்துள்ளமையும் குறிப்பிடத்தக்கது.

கொரோனா பரவியும் இதுவரை உயிரிழப்பை சந்திக்காத நாடுகள் எவை தெரியுமா?

கொரோனா பரவியும்..

உலகம் முழுவதும் கொரோனா தொற்றால் பாதிக்கப்பட்டவர்களின் எண்ணிக்கை 17 இலட்சத்தை தொட்டுள்ளதுடன் மரணங்களின் எண்ணிக்கை ஒரு இலட்சத்தை தாண்டியுள்ளன. எனினும் வைரஸ் பாதிப்பில் இருந்து சில நாடுகள் தப்பியுள்ளன.

பெரும்பாலும் தனித்தனி தீவுகளாக உள்ள அந்த நாடுகளில் வைரஸ் பரவி இருந்தாலும் இதுவரை எந்த உயிரிழப்புக்களும் ஏற்படவில்லை.

கொரோனா பரவி இருந்தாலும் உயிரிழப்புக்களை சந்திக்காத நாடுகள், தீவுகள் 49 என உலக சுகாதார ஸ்தாபனம் அடையாளப்படுத்தியுள்ளது.

அவற்றில் வியட்நாம், கயானா, கம்போடியா, ருவண்டா, மடகஸ்கார், பிரெஞ்சு கயானா, உகாண்டா, நேபாளம் ஆகிய நாடுகளும் உள்ளடங்குகின்றன.

கொரோனா வைரஸ் பரவல் தீவிரம் : இரு வாரங்களில் இலங்கையில் ஏற்படவுள்ள மாற்றம்!!

கொரோனா வைரஸ்

இலங்கையில் கொரோனா நோயாளிகளை அடையாளம் காணுவதற்காக இதுவரையில் மேற்கொள்ளப்பட்ட பரிசோதனைகளை விட இரண்டு மடங்கு மேலதிகமாக மேற்கொள்ளப்பட்டு வருவதாக வைத்தியர் ஜயருவன் பண்டார தெரிவித்துள்ளார்.

நாட்டில் கொரோனா நோயாளிகளின் எண்ணிக்கை குறைவாக காணப்பட்ட போதிலும், இன்னும் அடையாளம் காணப்படாத நோயாளிகள் எத்தனை பேர் சமூகத்திற்குள் இருப்பார்கள் என்பது தெரியவில்லை என அவர் குறிப்பிட்டுள்ளார்.

யாருக்காவது நோய் அறிகுறிகள் காணப்பட்டால் மறைந்திருக்காமல் சுகாதார அதிகாரிகளிடம் அறிவிக்குமாறு அவர் கேட்டுக்கொண்டுள்ளார்.

நாட்டையும் மக்களையும் பாதுகாப்பதற்காக முடிந்தளவு உதவிகளை வழங்குவதற்கு அர்ப்பணிக்குமாறு வைத்தியர் குறிப்பிட்டுள்ளார்.

இதுவரை மக்களிடம் கிடைத்த ஆதரவு காரணமாக வெற்றிகரமாக நடவடிக்கை மேற்கொள்ள முடிந்ததாக அவர் கூறியுள்ளார்.

எதிர்வரும் இரண்டு வார காலப்பகுதியினுள் நாட்டு மக்கள் மிகவும் அவதானமாக செயற்பட்டால் இலங்கை கொரோனா தொற்றினை முழுமையாக கட்டுப்படுத்திய உலகின் முதலாவது நாடாக இலங்கை மாறும் என பொரளை வைத்திய ஆய்வு நிலையத்தின் பணிப்பாளர் வைத்தியர் ஜயருவன் பண்டார தெரிவித்துள்ளார்.

வரலாற்றில் முதல் முறையாக கட்டுநாயக்க விமான நிலைத்தில் 26 ஸ்ரீலங்கன் விமானங்கள்!!

கட்டுநாயக்க விமான நிலைத்தில்..

வரலாற்றில் முதல் முறையாக இலங்கை தேசிய விமான சேவைக்கு சொந்தமான 26 விமானங்கள் கட்டுநாயக்க விமான நிலையில் நிறுத்தப்பட்டுள்ளது. இதனால் விமான நிலையத்தில் பாதுகாப்பு தீவிரப்படுத்தப்பட்டுள்ளதாக தெரிவிக்கப்படுகின்றது.

விமான நிலைய ததலைவர் மேஜர் ஜெனரல் சந்திரசிறியின் உத்தரவிற்கமைய இந்த பாதுகாப்பு திட்டங்கள் தயாரிக்கப்பட்டுள்ளது.

உலகம் முழுவதும் கொரோனா வைரஸ் பரவி வருகின்றமையினால் விமன பயணங்களுக்கு தற்காலிக தடை விதிக்கப்பட்டுள்ளது. எந்தவொரு சந்தர்ப்பத்திற்கும் முகம் கொடுக்க கூடிய வகையில் கட்டுநாயக்க விமான நிலையத்தின் செயற்பாடுகள் நிறுத்தி வைக்கப்பட்டுள்ளன.

இலங்கையிலுள்ள அனைத்து பாடசாலை மாணவர்களிடமும் விடுக்கப்பட்டுள்ள கோரிக்கை!!

பாடசாலை மாணவர்களிடம்..

இலங்கையிலுள்ள அனைத்து பாடசாலை மாணவர்களிடமும் கல்வி அமைச்சர் டளஸ் அழகப்பெரும கோரிக்கையொன்றை முன்வைத்துள்ளார். புது வருடத்தில் பணிகளை ஆரம்பிக்கும் சுப நேரத்தில் பேனை அல்லது பென்சில் போன்ற எழுதுகருவிகளை எடுத்து எழுதுமாறு கோரப்பட்டுள்ளது.

“விடுமுறையில் எழுதும் நாடு… பெறுமதியான புத்தகம்” என்ற தொனிபொருளுக்கு அமைய கல்வியமைச்சரால் இந்த கோரிக்கை விடுக்கப்பட்டுள்ளது. அதேவேளை புது வருடத்தில் பணிகளை ஆரம்பிக்கும் சுப நேரம் இன்று இரவு 10.43இற்கு உதயமாவதாக தெரிவிக்கப்பட்டுள்ளது.

அந்த நேரத்திலேயே நாட்டுக்கு பெறுமதியானதும், பயன்மிக்கதுமான விடயங்களை எழுதுமாறு கல்வி அமைச்சர் கோரியுள்ளமை குறிப்பிடத்தக்கது.

லண்டன் விமான நிலையத்தில் சிக்கிய இரு இலங்கையர்கள்!!

லண்டன் விமான நிலையத்தில்..

லண்டன் ஹுத்ரோ விமான நிலையத்தில் சிக்கியிருந்த இலங்கை பயணிகள் இருவர் கட்டுநாயக்க விமான நிலையத்திற்கு அழைத்து வரப்பட்டுள்ளனர்.

இன்று பிற்பகல் 12.45 மணியளவில் லண்டன் ஹுத்ரோ விமான நிலையத்தில் இருந்து ஸ்ரீலங்கன் விமான சேவைக்கு சொந்தமான UL 504 என்ற விமானத்தில் அவர்கள் கட்டுநாயக்க விமான நிலையத்திற்கு அழைத்து வரப்பட்டுள்ளனர்.

குறித்த இருவரில் பெண் ஒருவரும் உள்ளடங்குவதாக குறிப்பிடப்படுகின்றது. குறித்த இருவரும் தனிமைப்படுத்தல் மத்திய நிலையத்திற்கு அனுப்பி வைக்கப்பட்டுள்ளனர்.

இதேவேளை, வெளிநாட்டு விமான நிலையங்களில் சிக்கியுள்ள 18 இலங்கையர்கள் இதுவரையில் நாட்டுக்கு அழைத்து வரப்பட்டுள்ளனர். மேலும் 15 பேரை எதிர்வரும் நாட்களில் நாட்டிற்கு அழைத்து வர நடவடிக்கை எடுக்கப்பட்டுள்ளதாக அரசாங்கம் தெரிவித்துள்ளது.

இலங்கையில் கடுமையாக அமுலாகும் சட்டம் : 24 மணி நேரத்தில் தீவிர நடவடிக்கை!!

கடுமையாக அமுலாகும் சட்டம்..

நாடாளவிய ரீதியில் விசேட நடவடிக்கை ஒன்றை மேற்கொள்ளவுள்ளதாக பொலிஸார் தெரிவித்துள்ளனர். ஊரடங்கு உத்தரவை மீறுபவர்களை கைது செய்யும் விசேட நடவடிக்கை மேற்கொள்ளப்படவுள்ளதாக பிரதி பொலிஸ் மா அதிபர் அஜித் ரோஹன தெரிவித்துள்ளார்.

இன்று திங்கட்கிழமை மாலை 6 மணி முதல் நாளை செவ்வாய்க்கிழமை மாலை 6.00 மணிவரையிலான 24 மணித்தியாலங்களுக்கு இந்நடவடிக்கை மேற்கொள்ளப்படும் என பிரதி பொலிஸ் மா அதிபர் தெரிவித்துள்ளார்.

தீவிரமாக பரவி வரும் கொரோனா வைரஸினை கட்டுப்படுத்தும் நோக்கில் நாடாளவிய ரீதியில் ஊரடங்கு சட்டம் அமுல்படுத்தப்பட்டுள்ளமை குறிப்பிடத்தக்கது.

வீட்டில் மர்மமான முறையில் இறந்துகிடந்த பிரபல சீரியல் நடிகை!!

சீரியல் நடிகை..

வாடகை வீட்டில் வசித்து வந்த சீரியல் நடிகை மர்மமான முறையில் இறந்து கிடந்ததால் பொலிசார் தீவிர விசாரணை நடத்தி வருகின்றனர்.

தெலுங்கு சின்னத்திரை நடிகை சாந்தி என்கிற விஸ்வசாந்தி. சீரியலில் நடிப்பது மட்டுமின்றி தொலைக்காட்சி நிகழ்ச்சிகளையும் தொகுத்து வழங்கி வந்துள்ளார்.

ஹைதராபாத் எல்லாரெட்டிகுடா என்ற பகுதியில் உள்ள காலனியில் வாடகை வீட்டில் வசித்து வந்துள்ளார். சில நாட்களாக அவரது வீடு திறக்கப்படாமலேயே இருந்ததால் அக்கம்பக்கத்தினர் சந்தேகமடைந்து எஸ்.ஆர்.நகர் பொலிசிற்கு தகவல் தெரிவித்தனர்.

விஸ்வசாந்தியின் வீட்டுக்கு வந்த பொலிசார் கதவை உடைத்துச் சென்று பார்த்த போது வீட்டுக்குள் சாந்தி மர்மமான முறையில் இறந்துகிடந்தார். பின்னர் அவரது உடலைக் கைப்பற்றி பிரேத பரிசோதனைக்காக அனுப்பி வைத்துள்ளனர்.

விஸ்வசாந்தியின் செல்போனைக் கைப்பற்றிய பொலிசார் வீட்டின் எதிரே இருந்த கண்காணிப்பு கேமரா காட்சிகளையும் கைப்பற்றி விசாரணை நடத்தி வருகின்றனர்.

மேலும் விஸ்வசாந்தி அறையில் மதுபாட்டிலும், ஸ்நாக்ஸும் இருந்துள்ளது, மேலும் அறையில் இறந்துகிடந்த அவரது நிலை, கால்கள் கட்டிலிலும் தலை கீழேயும் காணப்பட்டுள்ளது. இதனால் போதையில் தடுமாறி கட்டிலிருந்து கீழே விழுந்ததில் மண்டையில் அடிபட்டு இறந்துள்ளாரா என்ற கோணத்திலும் பொலிசார் விசாரித்து வருகின்றனர்.