வவுனியா வைத்தியசாலை ஊழியருக்கு கொரனா தொற்று!!

கொரனா தொற்று..

யாழில் இடம்பெற்ற ஆராதனை கூட்டத்தில் கலந்து கொண்ட நிலையில் யாழில் தனிமைப்படுத்தி வைக்கப்பட்டிருந்த வவுனியா வைத்தியசாலையில் பணிபுரியும் ஊழியர் ஒருவருக்கு கொரோனோ தொற்று உறுதியாகியுள்ளது.

கடந்த மாதம் 15 ஆம் திகதி யாழ் அரியாலைப் பகுதியில் இடம்பெற்ற சுவிஸ் மதபோதகரின் ஆராதனையில் கலந்து கொண்ட நிலையில் வடமாகாணத்தைச் சேர்ந்த பலரும் தனிமைப்படுத்தப்பட்டிருந்தனர்.

இந்நிலையில் வவுனியா வைத்தியசாலையில் பணிபுரியும் ஊழியர் உட்பட சுவிஸ் மதபோதகருடன் நெருங்கி பழகிய 20 பேர் பலாலி தனிமைப்படுத்தல் முகாமில் கடந்த மாதம் 23 ஆம் திகதியிலிருந்து தனிமைப்படுத்தப்பட்டிருந்தனர்.

தனிமைப்படுத்தலை தொடர்ந்து வவுனியாவை சேர்ந்த நபருக்கு கொரோனா வைரஸ் தொற்றியிருப்பது யாழில் நேற்று (14.04) மேற்கோள்ளபட்ட பரிசோதனைகளில் உறுதிசெய்யப்பட்டது.

இதேவேளை, குறித்த நபருடைய குடும்பத்தினர் மற்றும் அவருடன் நெருக்கிப் பழகியவர்களும் வவுனியாவில் தனிமைப்படுத்தப்பட்டு உள்ளமை குறிப்பிடத்தக்கது.

இச் செய்தியால் வவுனியாவைச் சேர்ந்த மக்கள் அச்சமடையத் தேவையில்லை. குறிப்பிட்ட ஊழியருடன் நெருங்கிய தொடர்பிலுள்ளவர்கள் தனிமைப்படுத்தப்பட்டுள்ளனர்.

யாழ்ப்பாணத்தில் மேலும் 12 பேருக்கு கொரோனா வைரஸ் தொற்று!!

கொரோனா வைரஸ்..

யாழ்ப்பாணத்தில் மேலும் 12 பேருக்கு கொரோனா வைரஸ் தொற்று ஏற்பட்டுள்ளமை உறுதி செய்யப்பட்டுள்ளதாக யாழ். போதான வைத்தியசாலையின் பணிப்பாளரும் மருத்துவருமான த.சத்தியமூர்த்தி தெரிவித்துள்ளார்.

வடபகுதியில் தனிமைப்படுத்தி வைக்கப்பட்டிருந்த 24 பேருக்கு கொரோனா தொற்று பரிசோதனை மேற்கொள்ளப்பட்டது. இவர்களில் 12 பேருக்கு தொற்று ஏற்பட்டமை உறுதி செய்யப்பட்டுள்ளது.

பலாலியில் தனிமைப்படுத்தப்பட்டிருந்த 14 பேரில் 8 பேருக்கு தொற்று உறுதிப்படுத்தப்பட்டுள்ளது. மேலும் முழங்காவில் கடற்படை முகாமில் தனிமைப்படுதடுத்தி வைக்கப்பட்டிருந்த 4 பேருக்கு தொற்று உறுதி செய்யப்பட்டது.

இதேவேளை அரியாலை பகுதியில் சுவிஸ் போதகரோடு கூடிய அளவில் தொடர்புடைய 20 பேர் பலாலிப் பகுதியில் தனிமைப்படுத்தப்பட்டு இருந்தனர். அவர்கள் அனைவரிலும் முதல் கட்டமாக April 1, April 3 திகதிகளில் மேற்கொள்ளப்பட்ட பரிசோதனைகளில்,

6 பேருக்கு தொற்று இருப்பது உறுதி செய்யப்பட்டு வெலிகந்த ஆதார வைத்தியசாலைக்கு மேலதிக சிகிச்சைக்காக அனுப்பி வைக்கப்பட்டனர். இன்று மிகுதியாக இருந்த 14 பேருக்கு இரண்டாம் கட்ட பரிசோதனை மேற்கொள்ளப்பட்டதாக வைத்தியர் மேலும் தெரிவித்துள்ளார்.

இதுவரை யாழ்ப்பாணத்தில் கொரோனா நோயாளர்கள் 18 பேர் அடையாளம் காணப்பட்டுள்ளமை குறிப்பிடத்தக்கது.

-தமிழ்வின்-

அ டி மேல் அ டி விழுந்தும் சமாளித்த ஆறு மாதக் குழந்தை : கொரோனாவையும் வெல்வாரா?

ஆறு மாதக் குழந்தை..

பிறக்கும்போது வெறும் 5 பவுண்டுகள் 4 அவுன்ஸ் எடை கொண்டிருந்த ஒரு பிரித்தானியக் குழந்தை ஏற்கனவே பட்ட பாடு போதாது என்று, கொரோனாவும் அவளைக் குறிவைத்துள்ளது.

Erin Bates என்ற அந்த குழந்தை இதயப் பிரச்சினையுடன் பிறந்ததால், அவளுக்கு open heart surgery செய்யவேண்டிய சூழல் ஏற்பட்டது. அதுபோதாதென்று அவளுக்கு சுவாசக்குழலிலும் பிரச்சினை இருந்தது. நீண்ட சிகிச்சைக்குப்பின் உடல் நலம் தேறி வீடு திரும்பினாள் Erin.

ஆனால், கடந்த வெள்ளிக்கிழமை அவளுக்கு கொரோனா தொற்று பாதித்திருப்பது உறுதி செய்யப்பட்டது அவளது பெற்றோருக்கு கடும் அ திர்ச்சியை ஏற்படுத்தியது.

ஒரு நோயாளியுடன் ஒருவர் மட்டுமே இருக்கலாம் என்பதால், Erinஉடன் அவளது தாய் மட்டுமே இருக்க, கொரோனா நோயாளியின் தந்தை என்ற வகையில் Erinஇன் தந்தை Buryயில் உள்ள தன் வீட்டில் தன்னைத்தான் தனிமைப்படுத்திக் கொண்டிருக்கிறார்.

நீண்ட காலம் குழந்தையின்றித் த வித்து, இனி குழந்தை பிறக்காது என்று மருத்துவர்கள் கைவிட்ட நிலையில் பிறந்த அதிசயக் குழந்தை Erin, ஏற்கனவே பல பிரச்சினைகளை இந்த ஆறு மாத காலத்திற்குள் சந்தித்து மேற்கொண்டுவிட்ட நிலையில், கொரோனாவையும் அவள் மேற்கொண்டுவிடுவாள் என்று உறுதியாக நம்புகிறார்கள் அவளது பெற்றோர்.

ஆனால், இன்னமும் மக்கள் கொரோனா விதிகளை மதிக்காமல் நடப்பது தங்களுக்கு வருத்தத்தை ஏற்படுத்துவதாக தெரிவிக்கும் Erinஇன் பெற்றோர், தங்கள் குழந்தையைப் பார்த்தாவது மக்கள் திருந்தட்டும் என்கிறார்கள்.

பிறந்த சில நிமிடங்களில் நீல நிறமாக மாறிய குழந்தை : கொரோனா தடுப்பு பணியால் குழப்பம்!!

நீல நிறமாக மாறிய குழந்தை..

இந்தியாவில் பிறந்த சில நிமிடங்களில் நீல நிறமாக மாறிய நிலையில் எதிர்பாராத திருப்பமாக குழந்தையை காப்பாற்ற பைக்கை ஆம்புலன்ஸாக மாற்றிய மருத்துவரின் செயலை பலரும் பாராட்டி வருகின்றனர்.

மும்பையின் அலிபாக் பகுதியில் உள்ள வாஜே நர்ஸிங் ஹோமில் சில தினங்களுக்கு முன்னர் கர்ப்பிணி பெண் ஒருவருக்கு 2.9 கிலோ எடையுடன் ஆண் குழந்தை பிறந்துள்ளது.

பிறந்த சில நிமிடங்களில் குழந்தைக்கு மூச்சுத்திணறல் ஏற்பட்டுள்ளது. மேலும் சையனோசிஸ் என்ற உடல் நீல நிறமாக மாறும் பிரச்சனையும் குழந்தைக்கு ஏற்பட்டுள்ளது. இதனால் குழந்தையை தீவிர சிகிச்சை பிரிவு மாற்ற வேண்டிய கட்டாயம் ஏற்பட்டுள்ளது. ஆனால் வாஜே மருத்துவமனையில் அதற்கான வசதி இல்லை.

இதனை அடுத்து மருத்துவர் சந்திரகாந்த் வாஜே, 1.5 கிலோமீட்டர் தொலைவில் உள்ள ஆனந்தி மகப்பேறு மருத்துவமனைக்கு போன் செய்து அனைத்து தகவல்களையும் கூறி உதவி கேட்டுள்ளார்.

போன் செய்த அடுத்த சில நிமிடங்களில் ஆனந்தி மருத்துவமனையை சேர்ந்த மருத்துவர் ராஜேந்திர சந்தோர்கர், வாஜே மருத்துவமனைக்கு வந்துள்ளார். அவரும் குழந்தையை பரிசோதித்துப் பார்த்துவிட்டு தீவிர சிகிச்சை பிரிவுக்கு மாற்ற வேண்டும் என கூறியுள்ளார்.

ஆனால் கொரோனா தடுப்பு பணிகளுக்காக ஆம்புலன்ஸ் சென்றுள்ளதால், அருகில் எந்தவித ஆம்புலன்ஸ் வசதியும் கிடைக்கவில்லை.

இதனால் என்ன செய்வது என தெரியாமல் அனைவரும் குழம்பினார்கள். அப்போது பொதுசுகாதார நிலையத்தில் நர்ஸாக பணியாற்றி வரும் குழந்தையின் அத்தையான இளம்பெண் சுப்ரியா பெட்கர், தன்னையையும் குழந்தையையும் பைக்கில் மருத்துவமனைக்கு அழைத்து செல்லுமாறு யோசனை வழங்கியுள்ளார்.

உடனே மருத்துவர் ராஜேந்திர சந்தோர்கர் தன் பைக்கையே ஆம்புலன்ஸாக மாற்றி குழந்தையை வேகமாக மருத்துவமனைக்கு கொண்டு சென்றுள்ளார். பின்னர் தீவிர சிகிச்சை பிரிவில் குழந்தை அனுமதிக்கப்பட்டு சிகிச்சை அளிக்கபட்டது. தற்போது தாயும், குழந்தையும் நலமுடன் இருப்பதாக மருத்துவர் சந்தோர்கர் தெரிவித்துள்ளார்.

இக்கட்டான நேரத்தில் திடீரென சமயோஜிதமாக செயல்பட்ட மருத்துவர் மற்றும் நர்ஸ் எடுத்த இந்த முடிவை பலரும் பாராட்டி உள்ளனர்.

ஒரே குடும்பத்தை சேர்ந்த 10 மாத குழந்தை உட்பட 17 பேருக்கு கொரோனா!!

17 பேருக்கு கொரோனா..

இந்தியாவில், ஒரே குடும்பத்தை சேர்ந்த 17 பேருக்கு கொரோனா உறுதி செய்யப்பட்டுள்ளது. இந்தியாவில், நாடு முழுவதும் கொரோனா தொற்று தற்போது பரவி வருகிறது. எனவே இந்திய அரசு தீவிரமாக கட்டுப்படுத்தும் பணியில் ஈடுபட்டுள்ளது.

அதன்படி இன்று வரை அமலில், இருந்த ஊரடங்கு உத்தரவு மே மாதம் 3ஆம் திகதி வரை நீட்டிக்கப்பட்டுள்ளது. இதுவரை இந்தியாவில், 10,363பேர் கொரோனா தொற்றால் பாதிக்கப்பட்டுள்ளனர்.

இந்நிலையில், தொலுங்கானா மாநிலத்தில் ஒரே குடும்பத்தை சேர்ந்த 17 பேருக்கு கொரோனா தொற்று உறுதி செய்யப்பட்டுள்ளது அதிர்ச்சியை ஏற்படுத்தியுள்ளது. இதில், 10மாத குழந்தையும் அடங்கும்.

மேலும், அவர்கள் தொடர்பில் இருந்த 24 பேர் தனிமைபடுத்தப்பட்டுள்ளனர். அவர்களுக்கு கொரோனா தொற்று இல்லை என்று பரிசோதனை முடிவுகள் வந்தபோதிலும் தனிமைபடுத்தப்பட்டுள்ளனர்.

பாதிக்கப்பட்ட 17பேரும் காந்தி மருத்துவமனைக்கு கொண்டு செல்லப்பட்டுள்ளதாக தகவல்கள் தெரிவிக்கின்றனர். அவர்கள், வசித்த பகுதி முழுவதும் சீலிடப்பட்டு கட்டுப்பாட்டு மண்டலமாக அறிவிக்கப்பட்டுள்ளது.

வவுனியா ஓமந்தை இராணுவ சாவடிக்கு பிரதேச சபையினால் மின்விளக்குகள்!!

இராணுவ சாவடிக்கு மின்விளக்குகள்

நாட்டில் ஏற்பட்டுள்ள கொரனா தொற்றையடுத்து வவுனியா ஓமந்தை பகுதியில் அமைக்கப்பட்டுள்ள இராணுவ சாவடிக்கு வவுனியா தெற்கு தமிழ் பிரதேச சபையினரினால் இன்று வீதி மின்விளக்குகள் பொருத்தப்பட்டது.

நாட்டில் கொரனா தொற்று தீவிரம் அடைந்ததையடுத்து நாடு பூராகவும் ஊரடங்குச சட்டம் அமுல்படுத்தப்பட்டது. இதனையடுத்து வவுனியா ஒமந்தை பகுதியில் இராணுவ சாவடி அமைக்கப்பட்டு வெளிமாவட்டத்திலிருந்து வவுனியாவிற்கு வருவதனையும் வவுனியாவிலிருந்து வேறு மாவட்டத்திற்கு அனுமதியின்றி செல்வது தொடர்பில் இராணுவத்தினரினால் சோதனை நடவடிக்கை மேற்கொள்ளப்படுகின்றது.

இராணுவச்சாவடி அமைந்துள்ள பகுதியில் இரவு நேரத்தில் இருளாக காணப்படுவதினால் இராணுவத்தினர் சோதனைகளை மேற்கொள்வதில் பல்வேறு இன்னல்களை மேற்கொள்வதாக வவுனியா தெற்கு தமிழ் பிரதேச சபையினரிடம் வன்னி இராணுவத் தளபதி விடுத்து கோரிக்கைக்கமைவாக இச் செயற்றிட்டம் முன்னெடுக்கப்பட்டது.

வவுனியா தெற்கு தமிழ் பிரதேச தவிசாளர் து.நடராஜசிங்கம் தலைமையில் இராணுவ சாவடியினை சூழவுள்ள பகுதியில் நான்கு மின்விளக்குகளை பிரதேச சபை ஊழியர்கள் பொருத்தினார்கள்.

வவுனியா வைத்தியசாலையில் இளைஞன் அனுமதி : ஒருவர் பலி : ம து விருந்து கொண்டாட்டத்தால் ஏற்பட்டுள்ள விபரீதம்!!

ஒருவர் பலி..

கெப்பற்றிப் கொலவ பகுதியில் புத்தாண்டு தினமான நேற்று இரவு மோ தல் சம்பவமொன்று இடம்பெற்றுள்ளது. இளைஞர்களுக்கிடையிலான குறித்த மோ தல் சம்பவத்தில் ஒருவர் உயிரிழந்துள்ளதுடன்,

அவரது சகோதரர் படுகாயமடைந்த நிலையில் வவுனியா வைத்தியசாலையில் அனுமதிக்கப்பட்டுள்ளார். புத்தாண்டு தினமான நேற்று மாலை அநுராதபுரம், கெப்பற்றி கொலவ பகுதியில் உள்ள வீடு ஒன்றில் ம து விருந்து கொண்டாட்டம் இடம்பெற்றுள்ளது.

இதன்போது அதிக சத்தம் காரணமாக அயல் வீட்டுக்காரர் ம து விருந்தில் ஈடுபட்டவர்களை அமைதியாக இருக்குமாறு கோரியுள்ளார். இதனையடுத்து ஏற்பட்ட வாய்த்தர்க்கம் கைகலப்பாக மாறியுள்ளது.

இதில் அயல் வீட்டைச் சேர்ந்த 24 வயதுடைய ஜெ.செலிட்டர் என்பவர் வாள்வெட்டுக்கு இலக்காகி உயிரிழந்துள்ளதுடன், கைகலப்பை தடுக்கச் சென்ற, உயிரிழந்தவரின் சகோதரரான 34 வயதுடைய ஜெ.விஜயசுந்தரம் என்பவர் காயமடைந்த நிலையில் வைத்தியசாலையில் அனுமதிக்கப்பட்டுள்ளார்.

குறித்த கைகலப்பு சம்பவம் தொடர்பில் கெப்பற்றி கொலவ பொலிஸார் விசாரணைகளை முன்னெடுத்துள்ளனர்

வவுனியா மாவட்டத்திற்கு 205.51 மில்லியன் ரூபா ஒதுக்கீடு!!

வவுனியா மாவட்டத்திற்கு..

தற்போதைய சூழலில் நிவாரணம் வழங்குவதற்காக அரசாங்கத்தால் வவுனியா மாவட்டத்திற்கு 205.51 மில்லியன் ரூபா ஒதுக்கப்பட்டுள்ளதாக வவுனியா மாவட்ட அரசாங்க அதிபர் சமன் பந்துலசேன தெரிவித்துள்ளார்.

வவுனியா மாவட்டத்தின் நிவாரண விடயங்கள் தொடர்பாக இன்றைய தினம் வினவிய போதே அவர் இந்த விடயத்தை குறிப்பிட்டுள்ளார். மேலும் கூறுகையில், தற்போதைய நிலையில் மக்களுக்கான நிவாரணங்களை வழங்க அரசாங்கம் நிதியை ஒதுக்கியுள்ளது.

அதனூடாக வவுனியா மாவட்டத்தில் பல நிவாரண திட்டங்கள் முன்னெடுக்கப்படுகின்றது. அரச உத்தியோகத்தர்கள் தமது சிரமத்தையும் பார்க்காது மக்களுக்கான பணியை முன்னெடுத்துள்ளனர்.

இந்த வகையில் வவுனியா மாவட்டத்திற்கு 205.51 மில்லியன் நிதி ஒதுக்கப்பட்டுள்ளது. இதனூடாக சமுர்த்தி நிவாரணத்திற்காக 147.83 மில்லியன் ரூபாவும், விவசாய காப்புறுதிக்காக 1.595 மில்லியன் ரூபாவும் ஒதுக்கப்பட்டுள்ளது.

அத்துடன் மிகுதி தொகை ஏனைய நிவாரணங்களுக்காகவும் இந்த நிதி ஒதுக்கப்பட்டுள்ளதாக சுட்டிக்காட்டியுள்ளார்.

கொரோனா வைரஸ் இலகுவாக பரவுவது எப்படி? உலக சுகாதார அமைப்பு வெளியிட்ட தகவல்!!

கொரோனா வைரஸ்..

கொரோனவைரஸ் பரவல் தொடர்பில் உரிய சுகாதார நடவடிக்கைகள் மற்றும் தொடர்புகளை அறிதலுக்கான திறன் இருந்தால் மாத்திரமே, தடுப்பு நடவடிக்கைகள் சிறிது சிறிதாக நீக்கலாம் என்று உலக சுகாதார அமைப்பு தெரிவித்துள்ளது.

கொரோனவைரஸ் மிகவேகமாக பரவுகிறது. அத்துடன் மிகவும் மெதுவாகவே குறைகிறது என்று உலக சுகாதார மையத்தின் பணிப்பாளர் நாயகம் டெட்ரோஸ் அதெனொம் தெரிவித்துள்ளார்.
ஜெனீவாவில் செய்தியாளர்களுடன் இடம்பெற்ற காணொளி மாநாட்டின்போது அவர் இதனை குறிப்பிட்டார்.

அமெரிக்காவும் ஐரோப்பிய நாடுகள் சிலவும் கொரோனவைரஸ் தடுப்புக்கான நடவடிக்கைகளை நீக்குவதற்கு ஆலோசிக்கின்றன. எனினும் அதனை கவனமாக கையாள்வது சிறந்தது என்று டெட்ரோஸ் அதெனொம் குறிப்பிட்டுள்ளார்.

கொரோனோவைரஸ் கட்டுப்பாடுகள் முன்னெடுக்கப்படுகின்ற போதே திட்டங்களை மெதுவாக நீக்க வேண்டும். ஒரேயடியாக அனைத்து கட்டுப்பாடுகளையும் நீக்க முடியாது. சமூக இடைவெளி கட்டுப்பாடு என்பது சமன்பாட்டின் ஒரு அங்கமாகும்.

இதனை தவிர கொரோனவை கட்டுப்படுத்த பல சுகாதார நடவடிக்கைகள் அவசியம் என்றும் டெட்ரோஸ் தெரிவித்துள்ளார். எனவே ஒவ்வொரு அரசாங்கமும் தமது பொதுமக்களின் மற்றும் பாதிக்கப்பட்ட மக்களின் பாதுகாப்பை உறுதிபடுத்தும் வகையில் சூழ்நிலையை பரிசீலனை செய்ய வேண்டும்.

கொரோனவைரஸ் பரவல் ஏற்பட்டு 110 நாட்களாகியும் விஞ்ஞானிகள் ஆராய்ந்துள்ளனர். இதன்போது வைத்தியசாலைகள் உட்பட்ட சனத்திரள்மிக்க இடங்களில் இந்த வைரஸ் இலகுவதாக பரவும் என்பதை அவர்கள் கண்டறிந்துள்ளனர்.

கொரோனவைரஸ் தொற்று கட்டுப்பாட்டு நடைமுறைகளை சில நாடுகள் நீக்குவதற்கு முயலும் நிலையில் குறைந்த மற்றும் ஆபிரிக்காவின் நடுத்தர வருமான நாடுகள், ஆசிய மற்றும் லத்தீன் அமெரிக்க நாடுகளும் அவற்றை அறிமுகப்படுத்தலாமா என்று யோசிப்பதாகவும் உலக சுகாதார மையத்தின் பணிப்பாளர் குறிப்பிட்டார்.

இதேவேளை உயர் வருமானங்களை கொண்ட நாடுகளின் வீடுகளிலேயே தங்கியிருக்கும் கட்டுப்பாடுகள் வறுமையான அதிக சனத்தொகையை கொண்டு நாடுகளுக்கு நடைமுறைக்கு சாத்தியமாக இருக்காது என்றும் உலக சுகாதார மையத்தின் பணிப்பாளர் டெட்ரோஸ் அதெனொம் சுட்டிக்காட்டியுள்ளார்.

வவுனியாவில் மோட்டார் சைக்கில் விபத்து : சிகிச்சை பலனின்றி ஒருவர் மரணம்!!

விபத்து..

வவுனியா பூவரசங்குளம் பகுதியில் இன்று (14.04.2020) மாலை இடம்பெற்ற மோட்டார் சைக்கில் விபத்தில் படுகாயமடைந்த 47வயது மதிக்கத்தக்க இந்து மதகுரு சிகிச்சை பலனின்றி மரணமடைந்துள்ளார்.

வவுனியா பூவரசங்குளம் – செட்டிகுளம் வீதியில் உள்ள மணியர்குளம் பகுதியில் சென்ற மோட்டார் சைக்கிள் ஓன்று வீதியில் திரும்ப முற்பட்ட வேளை எதிரே வந்த மோட்டர் சைக்கிளுடன் மோதி விபத்துக்குள்ளானது.

குறித்த விபத்தில் மணியர்குளம் பகுதியைச் சேர்ந்த 47 வயது மதிக்கத்தக்க இந்து மதகுரு ஒருவரும் 26 வயதுடைய இளைஞர் ஓருவரும் படுகாயமடைந்த நிலையில் வவுனியா மாவட்ட பொது வைத்தியசாலை விபத்து பிரிவில் அனுமதிக்கப்பட்ட நிலையில் படுகாயமடைந்த 47 வயது மதிக்கத்தக்க இந்து மதகுரு அதிதீவிர சிகிச்சை பிரிவுக்கு மாற்றபட்டு சிகிச்சை பலனின்றி சற்று முன் மரணமடைந்துள்ளார்.

மணியர்குளம் பகுதியில் அமைந்துள்ள ஆலயமொன்றில் கடமையாற்றும் இந்து மதகுருவே இவ்வாறு உயிரிழந்துள்ளார். விபத்து தொடர்பான மேலதிக விசாரணைகளை பூவரசங்குளம் பொலிசார் முன்னெடுத்துள்ளனர்.

கு ழந்தைகள் இருவர் கிணற்றில் வீசி கொ லை : சந்தேகத்தில் த ந்தை கை து!!

தந்தை கைது..

வாழைச்சேனை பொலிஸ் பிரிவுக்குட்பட்ட மாவடிச்சேனைக் கிராமத்தில் தூ க்கத்தில் இருந்த கு ழந்தைகள் இருவர் அவர்களது த ந்தையினால் கி ணற்றில் வீ சப்பட்ட நிலையில் உ யிரிழந்திருப்பதாக பொலிஸார் தெரிவித்தனர்.

இன்று அதிகாலை இடம்பெற்றுள்ள இச்சம்பவத்தில் முறையே 10, 07 ஆகிய வ யதுகளையுடைய இரு  கு ழந்தைகளின் சட லங்களைப் பொலிஸார் கி ணற்றிலிருந்து மீ ட்டுள்ளனர்.

அஷீமுல் ஹக் (வயது 10) என்ற ஆண் குழந்தையும் ‪ அஷீமுல் ஷாஹியா (வயது 07) எனும் பெண் குழந்தையுமே ச டலங்களாக மீ ட்கப்பட்டு பிரேதக் கூறாய்வுப் பரிசோதனைக்காக வாழைச்சேனை ஆதார வைத்தியசாலையில் வைக்கப்பட்டுள்ளதாக பொலிஸார் தெரிவித்தனர்.

சம்பவம் தொடர்பாக வாழைச்சேனையை சேர்ந்த 40 வயதான முஹம்மது லெப்பை சுலைமாலெப்பை எனும் அக்குழந்தைகளின் த ந்தை கை து செய்யப்பட்டுள்ளார்.

கைது செய்யப்பட்டுள்ளவரின் மனைவி கடந்த ஏழு வருடங்களுக்கு முன்னர் உடல் நலக் கோளாறு காரணமாக மரணித்ததைத் தொடர்ந்து அக்குழந்தைகளை தந்தையே பராமரித்து வந்துள்ளதாகவும் இந்நிலையிலேயே இச்சம்பவம் இடம்பெற்றுள்ளதாகவும் பொலிஸாரின் ஆரம்பக் கட்ட விசாரணைகளில் தெரியவந்துள்ளது. இச்சம்பவம் தொடர்பாக பொலிஸார் மேலதிக விசாரணைகளில் ஈடுபட்டுள்ளனர்.

யாழ்ப்பாணத்தில் திருட்டில் ஈடுபட்டதாக ஏழு சந்தேகநபர்கள் குற்றத்தடுப்பு பிரிவினரால் கைது!!

யாழில்..

யாழில் ஊரடங்கு வேளையில் திருட்டில் ஈடுபட்ட ஏழு பேர் யாழ்ப்பாணம் குற்றத்தடுப்பு பிரிவினரால் கைது செய்யப்பட்டுள்ளனர். சந்தேகநபர்கள் ஏழு பேரும் யாழ்ப்பாணம் குற்றத்தடுப்பு போலிஸாரால் கைது செய்யப்பட்டுள்ளனர்.

இதன்போது சந்தேகநபர்களால் களவாடப்பட்ட 6 இலட்சம் ரூபா பெறுமதியான பொருட்கள் கைது செய்யப்பட்டவர்களிடமிருந்து மீட்கப்பட்டுள்ளன.

ஊரடங்கு சட்டம் அமுலில் உள்ள நிலையில் யாழ்ப்பாணம், அரியாலை பகுதியில் தனியார் நிறுவனம் ஒன்றில் காணப்பட்ட கண்காணிப்பு கமரா, மின்மோட்டார் மற்றும் இலத்திரனியல் பொருட்கள் களவாடப்பட்டமை தொடர்பில் யாழ்ப்பாண பொலிஸ் நிலையத்தில் முறைப்பாடு பதிவு செய்யப்பட்டிருந்தது.

இந்த நிலையில் யாழ்ப்பாண குற்றத்தடுப்பு பொலிஸ் பிரிவின் பொறுப்பதிகாரி தலைமை போலிஸ் அதிகாரி முனசிங்க தலைமையிலான அணியினர் நடத்திய விசாரணையின் போது நாவற்குழி பகுதியைச் சேர்ந்த 25 வயது மதிக்கத்தக்க ஒருவர் பொலிஸாரினால் கைது செய்யப்பட்டுள்ளார்.

அவரிடம் மேற்கொள்ளப்பட்ட தொடர் விசாரணையின் அடிப்படையில் கடந்தவாரம் யாழ்ப்பாணம், சோமசுந்தரம் வீதியில் வயது முதிர்ந்த ஒருவர் தனது ஓய்வூதிய பணத்தை எடுப்பதற்காக யாழ். நகரத்துக்கு வருகை தந்த போது அவரின் வீட்டுக்குள் புகுந்து தொலைபேசி மற்றும் அவருடைய கடன் அட்டை போன்ற பெறுமதியான பொருட்களை திருடியதன் அடிப்படையில் குற்றச்சாட்டில் மேலும் மூவர் கைது செய்யப்பட்டுள்ளார்கள்.

மொத்தமாக களவாடப்பட்ட பொருட்களை விற்பனை செய்தமை, களவாடப்பட்ட பொருட்களை உடைமையில் வைத்திருந்த அடிப்படையில் மொத்தமாக நாவற்குழி பகுதியைச் சேர்ந்த 7 பேர் யாழ்ப்பாணம் குற்றத்தடுப்பு பொலிஸாரால் கைது செய்யப்பட்டுள்ளனர்.

களவாடப்பட்ட 6 இலட்சம் ரூபா பெறுமதியான பொருட்களும் யாழ்ப்பாண குற்றத் தடுப்பு பொலிஸாரால் மீட்கப்பட்டுள்ளன. கைது செய்யப்பட்டவர்கள் விசாரணைகளின் பின்னர் நீதிவானிடம் ஆஜர்படுத்த உள்ளதாகவும், யாழ்ப்பாண குற்றத்தடுப்பு பிரிவு பொறுப்பதிகாரி போலிஸ் இன்ஸ்பெக்டர் முனசிங்க தெரிவித்துள்ளார்.

அறிகுறிகள் இல்லாதவர்களுக்கும் கொரோனா வைரஸ் தொற்று : விடுக்கப்பட்டுள்ள எச்சரிக்கை!!

கொரோனா வைரஸ்..

உலகின் பல நாடுகளை ஆக்கிரமித்துள்ள கொரோனா வைரஸ் தொற்று தொடர்பில் தற்போது எச்சரிக்கையொன்று விடுக்கப்பட்டுள்ளது.

அந்த வகையில் கொரோனா வைரஸ் தொற்றானது அறிகுறிகள் இல்லாமலும் தாக்கலாம் என சுட்டிக்காட்டப்பட்டுள்ளது. இந்த விடயத்தை சுகாதார பரிசோதகர்கள் சங்கத்தின் செயலாளர் பாலசூரிய தெரிவித்துள்ளார்.

இது தொடர்பில் அவர் மேலும் கூறுகையில், கடந்த இரண்டு நாட்களில் அடையாளம் காணப்பட்ட கொரோனா வைரஸ் தொற்றாளர்களிடம் எந்தவொரு நோய் அறிகளும் தென்படவில்லை.

தனிமைப்படுத்தல் நிலையங்களில் இருந்த அவர்களிடம் மேற்கொள்ளப்பட்ட பி.சி.ஆர் பரிசோதனை மூலமாகவே அவர்கள் கொரோனா வைரஸ் தொற்றுக்கு இலக்காகியிருந்தமை கண்டறியப்பட்டுள்ளது என குறிப்பிட்டுள்ளார்.

இதேவேளை இலங்கையில் மேலும் ஒரு கொரோனா வைரஸ் தொற்றாளி கண்டறியப்பட்டுள்ள நிலையில் தற்போது நாட்டில் மொத்த கொரோனா வைரஸ் தொற்றாளிகளின் எண்ணிக்கை 218ஆக உயர்ந்துள்ளது.

இந்த நிலையில் 56 பேர் கொரோனா வைரஸ் தொற்றுக்கான சிகிச்சையளிக்கப்பட்டு வீடு திரும்பியுள்ளதுடன், இதுவரை 7 பேர் கொரோனா வைரஸ் காரணமாக இலங்கையில் உயிரிழந்துள்ளமை குறிப்பிடத்தக்கது.

நாட்டு மக்களுக்கு மகிழ்ச்சி தகவல் காத்திருக்கிறது : கொழும்பு IDH வைத்தியசாலையின் வைத்தியரின் அறிவுரை!!

வைத்தியரின் அறிவுரை..

இலங்கையினுள் கொரோனா வைரஸ் கட்டுப்படுத்தலானது இதுவரையில் மகிழ்ச்சிகரமான மட்டத்தில் உள்ளதாக கொழும்பு IDH வைத்தியசாலையின் வைத்தியர் ஆனந்த விஜேவிக்ரம தெரிவித்துள்ளார்.

வழமையான வாழ்க்கை முறைக்கு எப்போது வருவதென்பதனை பொது மக்களின் செயற்பாட்டிற்கமையவே தீர்மானிக்கப்படும் என அவர் குறிப்பிட்டுள்ளார்.

இதனால் இந்த தொற்றினை முழுமையாக இல்லாமல் செயற்வதற்கு பொது மக்கள் தொடர்ந்து சுகாதார ஆலோசனைகளை பின்பற்ற வேண்டும் என அவர் கூறியுள்ளார்.

அவ்வாறின்றி மக்கள் புத்தாண்டு கொண்டாட்டங்களுக்காக ஒன்று கூடினால் அமெரிக்கா, இத்தாலி, பிரித்தானியா நாடுகளை போன்று பாரிய ஆபத்தினை சந்திக்க நேரிடும் என அவர் மேலும் தெரிவித்துள்ளார்.

இலங்கையில் கொரோனா வைரஸின் தாக்கத்தினை விரைவில் கட்டுப்படுத்த முடியாது : சுகாதார அமைச்சர் எச்சரிக்கை!!

கொரோனா வைரஸ்..

எதிர்வரும் 19ஆம் திகதியின் பின்னர் கொரோனா வைரஸ் தொற்றை முழுமையாக ஒழித்த நாடாக இலங்கை மாறும் என தான் கூறவில்லை என சுகாதார அமைச்சர் பவித்ரா வன்னிஆராச்சி தெரிவித்துள்ளார்.

“நாட்டை திறப்பது பற்றியோ இல்லை என்றால் ஒரு சில நாட்களுக்குள் நாட்டில் நோய் முழுமையாக ஒழிந்து விடும் என்ற தகவலை நான் கூறவில்லை.

பொதுவாக நோயில் பாதிக்கப்பட்டவர்கள் இருப்பின் அறிகுறிகள் முழுமையாக கண்டுபிடிக்க 14 நாட்கள் வரை செல்லும். 30 நாட்கள் செல்லும் போது அறிகுறிகள் கண்டுபிடிக்கும் நாட்களின் இரண்டு மடங்காகும். எனவே நோயாளிகளை குறித்த நாட்களுக்குள் கண்டுபிடித்து விடலாம் என்றே நான் கூறினேன்.

விமான நிலையங்களை மூடினோம். நாட்டில் பாரிய அளவிலானோரை தனிமைப்படுத்தினோம். அதேபோன்று நாட்டில் ஊரடங்கு சட்டம் அமுல்படுத்தப்பட்டுள்ளது. எனவே 30 நாட்களுக்குள் நோயாளிகளை அடையாளம் காண முடியும் என்று மாத்திரமே கூறினேன்.

கடவுள் புண்ணியத்தில் 30 நாட்களுக்கு இந்த நோயாளிகள் இருந்தால் கண்டுபிடித்து விடலாம். போதியளவு மருத்துவ பரிசோதனை பொருட்கள் இலங்கைக்கு கெண்டு வரப்பட்டுள்ளன.

இதனால் எவ்வித பிரச்சினையும் இல்லை. நாங்கள் பரிசோதனைகளை அதிகரிப்போம். அதற்காக இந்த நோய் முற்றிலும் ஒழிந்து விடும் என கூற முடியாது. ஓரிரு நோயாளிகள் பதிவாகுவதற்கு வாய்ப்புகள் இல்லை.

நாம் தொடர்ந்தும் அவதானத்துடனும் ஒரு மீற்றர் தூரத்தில் பயணித்தாலே நோயை கட்டுப்படுத்த முடியும் என அவர் மேலும் தெரிவித்துள்ளார். இன்று காலை தொலைகாட்சி நிகழ்ச்சி ஒன்றிற்கு கருத்து வெளியிடும் போதே அவர் இவ்வாறு குறிப்பிட்டுள்ளார்.

-தமிழ்வின்-

கொரோனா தொற்று : யாழ்ப்பாணத்தை சேர்ந்த மற்றும் ஒருவர் லண்டனில் பலி!!

சின்னையா அமிர்தலிங்கம்..

கொரோனா தொற்றினால் பாதிக்கப்பட்ட நிலையில், லண்டனில் வைத்தியசாலையில் அனுமதிக்கப்பட்டிருந்த யாழ்ப்பாணத்தை சேர்ந்த மற்றும் ஒருவர் உயிரிழந்துள்ளார்.

யாழ்ப்பாணம் மயிலிட்டியை சேர்ந்த 67 வயதுடைய மூன்று பிள்ளைகளின் தந்தையான சின்னையா அமிர்தலிங்கம் என்பவரே இவ்வாறு உயிரிழந்துள்ளதாக தகவல் வெளிவந்துள்ளது.

குறித்த நபர் கொரோனா தொற்றினால் பாதிக்கப்பட்டிருந்த நிலையில், லண்டனில் உள்ள வைத்தியசாலை ஒன்றில் அனுமதிக்கப்பட்டு சிகிச்சை பெற்று வந்தார்.

இந்நிலையில், சிகிச்சை பலன் இன்றி நேற்று திங்கட்கிழமை அதிகாலை அவர் உயிரிழந்துள்ளதாக தெரிவிக்கப்படுகின்றது. குறித்த நபர் சுகயீனம் அடைந்த நிலையில், கடந்த ஒரு வாரத்திற்கு முன்னர் வைத்தியசாலையில் அனுமதிக்கப்பட்டிருந்தார்.

அவர்களது குடும்ப உறுப்பினர்களும் 14 நாட்களுக்கு சுயதனிமைப்படுத்தலில் இருக்குமாறு வைத்தியசாலை தரப்பினர் வலியுறுத்தியிருந்தனர்.

இந்நிலையில், அவரது உடல்நிலை மிக மோசமானதுடன், உடல் அவையங்கள் செயலிழந்த நிலையில், நேற்று அதிகாலை உயிரிழந்துள்ளதாக தெரிவிக்கப்பட்டுள்ளது.