பெற்றோர்களின் பங்களிப்பு இன்மையால் வட மாகாணத்தில் பல பாடசாலைகள் மூடப்படுவதாக நாடாளுமன்ற உறுப்பினர் சார்ள்ஸ் நிர்மலநாதன் தெரிவித்துள்ளார்.

வவுனியா, புதுக்குளம் கனிஷ்ட வித்தியாலயத்தின் சாதனை மாணவர்களை கௌரவிக்கும் நிகழ்வு நேற்று மாலை நடைபெற்றது. இதில் கலந்து கொண்டு உரையாற்றும் போது அவர் இவ்வாறு குறிப்பிட்டுள்ளார். மேலும் அவர் கருத்து தெரிவிக்கையில்,

இன்று பல பாடசாலைகளில் பெற்றோரின் ஒத்துழைப்பின்றியும், தமது கிராம பாடசாலைகளில் மாணவர்களை சேர்க்காமையினாலும், மூடப்படுகின்ற நிலை உள்ளது.

35இற்கு உட்பட்ட மாணவர்கள் இருந்தால் பல பாடசாலைகள் மூடப்படகின்ற நிலை எமது வட மாகாணத்தில் இருக்கின்றது. அருகில் உள்ள பாடசாலைகளுடன் இணைந்து இயங்குகின்ற நிலைமையும் காணப்படுகின்றது.

இலங்கையில் இருக்கின்ற அரசியல் சூழ்நிலை எமது இருப்பு தொடர்பில் நாம் தனித்து வாழ முடியுமா என்ற கேள்விக்கு அப்பால் எமது மாணவர்களின் சாதனைகளே எங்களை ஓரளவு நிம்மதியை கொடுக்கின்றது.

மாணவர்களது வெற்றிகளும், சாதனைகளுமே அரசியல் ரீதியான இருப்புக்கும் பக்கபலமாக அமையும் என்பதே உண்மை.

பாடசாலையில் சிறுபராயத்தில் சாதனை படைத்துவிட்டு பல்கலைக்கழகம் சென்று பட்டங்களை பெற்ற பின்னர் பலர் தமது ஆரம்ப பாடசாலைகளையும், ஆசாரிகளையும் மறந்து விடுகின்றோம்.

இன்று வட மாகாணத்தில் பெயர் சொல்லக்கூடியவர்களாகவும், கல்விமான்களாகவும் இருக்கின்றவர்கள் தமது ஆரம்பக் கல்வியை ஒரு பாடசாலையில் சாதாரண ஆசிரியரிடம் தான் கற்றிருப்பார்கள்.

அந்த ஆசிரியர்களே ஒரு மாணவன் எதிர்காலத்தில் எவ்வாறு வரப்போகின்றார் என்று அவனை பூரணப்படுத்துவதில் மிகப்பெரிய பங்கை ஆற்றுகின்றார்.

அந்தவகையில் புதுக்குளம் கனிஷ்ட வித்தியாலயமும் பல சாதனைகளை நிகழ்த்தியுள்ளதுடன் பல சாதனை மாணவர்களையும் உருவாக்கியுள்ளது.

அந்தவகையில், இப்பாடசாலையின் அதிபர் மற்றும் ஆசிரியர்களுக்கும் நன்றிகளை தெரிவித்துக்கொள்கின்றேன் என அவர் குறிப்பிட்டுள்ளார்.

சிறைக் கைதிகள்

மட்டக்களப்பு சிறைச்சாலையின் சிறைக்கைதிகள் கூரை மேல் ஏறிப் போ ராட்டம் மேற்கொண்டு வருகின்றனர்.

சிறைச்சாலையின் கூரைக்கு மேல் ஏறிய 12இற்கும் மேற்பட்ட சிறைக்கைதிகள் இந்த போ ராட்டத்தினை இன்று முற்பகல் ஆரம்பித்துள்ளனர்.

சிறைச்சாலையில் இருந்த கைதியொருவர் இன்று காலை உ யிரிழந்ததை தொடர்ந்து, குறித்த கைதியின் ம ரணம் தொடர்பில் நீதிபதி நேரடியாக வந்து விசாரணைகளை மேற்கொள்ள வேண்டுமென வலியுறுத்தியே இந்த போ ராட்டம் முன்னெடுக்கப்படுகின்றது.

காய்ச்சலினால் சிறைச்சாலையில் சிகிச்சைபெற்று வந்த கைதியொருவர் மட்டக்களப்பு போதனா வைத்தியசாலையில் அனுமதிக்கப்பட்டிருந்த நிலையில், உ யிரிழந்துள்ளதாக சிறைச்சாலை வட்டாரங்கள் தெரிவித்துள்ளன.

எனினும், குறித்த சிறைக்கைதியின் ம ரணம் தொடர்பில் சந்தேகம் வெளியிட்டுள்ள சிறைக்கைதிகள் நீதிபதி நேரடியாக சிறைச்சாலைக்கு வந்து விசாரணைகளை முன்னெடுக்க வேண்டும் என வலியுறுத்தியுள்ளனர்.

குறித்த சிறைக்கைதிகளின் போ ராட்டத்தினை தொடர்ந்து சிறைச்சாலையின் பா துகாப்பு பலப்படுத்தப்பட்டுள்ளதுடன், படையினரும் பா துகாப்புக்கு அழைக்கப்பட்டுள்ளனர்.

நீதிபதி சிறைச்சாலைக்கு வராவிட்டால் தாங்கள் கழுத்தினை அறுத்து த ற்கொ லை செய்யப்போவதாகவும் கூரையில் இருந்து குதிக்கப்போவதாகவும் கைதிகள் அ ச்சுறுத்தல் விடுத்துள்ளனர்.

குறித்த சிறைக் கைதிகளின்போ ராட்டம் காரணமாக மட்டக்களப்பு சிறைச்சாலைப்பகுதியில் ப தற்றத்துடன் கூடிய நிலைமை நிலவுவதாக எமது பிராந்திய செய்தியாளர் தெரிவித்தார்.

-தமிழ்வின்-

பகிடிவதை

பல்கலைக்கழகங்களில் பகிடிவதை நடவடிக்கையில் ஈடுபடும் மாணவர்களுக்கு 8 வருடம் பரீட்சை எழுத தடை விதிக்கும் சட்டம் அமுல்படுத்தப்படவுள்ளது.

ஜனாதிபதி கோட்டாபய ராஜபக்ஷ பல்வேறு மாற்றங்களை மேற்கொண்டு வருகின்றார். அந்த வகையில் பல்வேறு புதிய நடைமுறைகள் மற்றும் சட்டங்களை அறிமுகம் செய்து வருகிறார்.

அதற்கமைய பாடசாலை அனுமதியின் போது நேரடியாகவோ மறைமுகமாகவோ லஞ்சம் கோரப்பட்டால் 48 மணித்தியாலத்திற்குள் பணி நீக்கம் செய்யப்படுவர்.

அதேவேளை பகிடிவதையில் ஈடுபடும் மாணவர்களுக்கு 8 வருடங்களுக்கு பரீட்சை எழுத தடை விதிக்கப்படும் என அறிவிக்கப்பட்டுள்ளது.

வங்கி கட்டமைப்புகளும்..

இலங்கையிலுள்ள அனைத்து வங்கி கட்டமைப்புகளும் ஹெக்கர்களின் வலையமைப்பாக மாறியுள்ளதாக நேற்று வெளியான தகவல் தொடர்பில் தெளிவுப்படுத்தப்பட்டுள்ளது.

அனைத்து வங்கிகளின் கட்டமைப்புகளிலும் ஹெக்கர்கள் ஊடுருவியுள்ளதாகவும், வாடிக்கையாளர்கள் தங்கள் கணக்குகளை சரிப்பார்த்துக்கொள்ளுமாறும், ATM இயந்திரங்களை பயன்படுத்த வேண்டாம் எனவும் செய்திகள் பரவின.

எனினும் இதுவொரு போலியான தகவல் என இலங்கை க்லியர் நிறுவனம் அறிக்கை ஒன்றை வெளியிட்டு தெளிவுப்படுத்தியுள்ளது. அது தொடர்பான அறிக்கையில்,

“பல்வேறு குழுவினரால் பல்வேறு நோக்கத்துடன் அவ்வாறான போலித் தகவல்கள் சமூக வலைத்தளங்கள் ஊடாக வெளியிடப்படுகின்றன. இது நிதி துறையின் நம்பிக்கைக்கு பாதிப்பை ஏற்படுத்துவதற்காக எவ்வித கொள்கைளும் அற்ற நபர்களினால் பரப்பும் போலித்தகவலாகும்.

இலங்கை ATM கட்டமைப்புகளுக்கு எவ்வித ஆபத்துகளும் இலல்லை. ATM சேவை பாதுகாப்பாக உள்ளது என அனைத்து வங்கிகளும் உறுதி செய்துள்ளது” என அந்த அறிக்கையில் மேலும் குறிப்பிடப்பட்டுள்ளது.

ரஞ்சன் ராமநாயக்க கைது

ஐக்கிய தேசிய கட்சியின் நாடாளுமன்ற உறுப்பினர் ரஞ்சன் ராமநாயக்க கைது செய்யப்பட்டமைக்கு, பிரதமர் மஹிந்த ராஜபக்ஷவுக்கு நெருக்கமானவர்கள் கவலை வெளியிட்டுள்ளனர்.

ஸ்ரீலங்கா பொதுஜன பெரமுனவை சேர்ந்த பல உறுப்பினர்களே இவ்வாறு வருத்தம் தெரிவித்துள்ளனர். பேஸ்புக் கணக்குகளில் பதிவு ஒன்றை வெளியிட்டு அவர்கள் தங்கள் வருத்தத்தை தெரிவித்துள்ளனர்.

அந்த பதிவுகளில், “ரஞ்சன் ராமநாயக்கவை கைது செய்வதற்கு முதலிடம் வழங்குவதற்கு பதிலாக, பாரிய ஊழல் மோ சடிகளுக்கு தொடர்புடையவர்களை கைது செய்வதற்கு முக்கியத்துவம் வழங்க வேண்டும்.

ரஞ்சனை கைது செய்த செயற்பாடானது பொலிஸாரால் அரசாங்கத்திற்கு சிரமத்தை ஏற்படுத்தும் செயற்பாடாகும்” என மஹிந்த ஆதரவு தரப்பினர் குற்றம் சுமத்தியுள்ளனர். நாடாளுமன்ற உறுப்பினர் ரஞ்சன் ராமநாயக்கவின் வீட்டினை சோதனையிட்ட பொலிஸார் அவரை நேற்று கைது செய்தனர்.

-தமிழ்வின்-

விமான நிலையத்தில்..

கட்டுநாயக்க விமான நிலையத்தில் இரண்டு இலங்கையர்கள் கைது செய்யப்பட்டுள்ளார். வெளிநாட்டில் தயாரிக்கப்பட்ட சிகரெட்கள் தொகை ஒன்றை அபுதாபியில் இருந்து ச ட்டவிரோதமாக கொண்டுவந்த கு ற்றச்சாட்டிலேயே இவர்கள் கைது செய்யப்பட்டுள்ளனர்.

கொழும்பை சேர்ந்த 28 மற்றும் 38 வயதானவர்களே இவ்வாறு கைது செய்யப்பட்டுள்ளனர். அவர்கள் கைத்தொழிலில் ஈடுபடும் இருவர் என குறிப்பிடப்படுகின்றது. இவர்கள் இருவரும் நேற்று காலை அபுதாபியில் இருந்து யூ.எல் – 208 ரக விமானத்தில் கட்டுநாயக்க விமான நிலையத்திற்கு வருகைத்தந்துள்ளனர்.

அவர்கள் இருவரது பையிலும், 35,98,800 ரூபா மற்றும் 59,980 ரூபா பெறுமதியான சிகரெட்கள் மறைத்து வைக்கப்பட்ட நிலையில் மீட்கப்பட்டுள்ளன. கைது செய்யப்பட்டவர்கள் தொடர்பில் விசாரணைகள் மேற்கொள்ளப்பட்டுள்ளது.

காய்ச்சல் காரணமாக..

காய்ச்சல் காரணமாக திருகோணமலை பொது வைத்தியசாலையில் அனுமதிக்கப்பட்டு சிகிச்சை பெற்று வந்த பெண் ஒருவர் சிகிச்சை பலனின்றி உ யிரிழந்துள்ளார். குறித்த பெண் நேற்று உ யிரிழந்துள்ளதாக வைத்தியசாலை தகவல்கள் தெரிவிக்கின்றன.

திருகோணமலை பட்டினமும் சூழலும் பிரதேச செயலகத்தில் திட்டமிடல் பிரிவில் அபிவிருத்தி உத்தியோகத்தராக கடமையாற்றி வரும் 39 வயதான தினேஷ் சுஜேந்தினி என்பவரே இவ்வாறு உ யிரிழந்துள்ளார். சம்பவம் குறித்து தெரியவருவதாவது,

கடந்த மூன்று நாட்களாக காய்ச்சல் காரணமாக தனியார் வைத்திய நிலையம் ஒன்றில் சிகிச்சை பெற்று வந்த குறித்த பெண்ணுக்கு நேற்றைய தினம் அதிக காய்ச்சல் ஏற்பட்டுள்ளது. இதன் காரணமாக வைத்தியசாலையில் அனுமதிக்கப்பட்டிருந்த நிலையில் உ யிரிழந்துள்ளதாகவும் தெரிவிக்கப்படுகின்றது.

குறித்த மரணம் தொடர்பில் திருகோணமலை பொது வைத்தியசாலை உதவி சட்ட வைத்திய அதிகாரி ரசிக்க விஜயரத்ன பிரேத பரிசோதனையை மேற்கொண்டிருந்த நிலையில் மேலதிக பரிசோதனைக்காக சடலத்தின் உடற்பாகங்கள் கொழும்புக்கு அனுப்பி வைத்துள்ளதாகவும் அவர் தெரிவித்தார்.

இருந்தபோதிலும் திருகோணமலை பொது வைத்தியசாலையில் நேற்றைய தினம் சனிக்கிழமை மாத்திரம் 71 நோயாளர்கள் சிகிச்சை பெற்று வருவதாகவும் வைத்தியசாலையின் பேச்சாளர் ஒருவர் தெரிவித்தார்.

திருகோணமலை மாவட்டத்தில் அனைத்து கிராமங்களில் இருந்தும் காய்ச்சல் காரணமாக அதிக அளவிலான நோயாளர்கள் திருகோணமலை பொது வைத்தியசாலைக்கு வருகை தருகின்ற போதிலும் வைத்தியசாலையில் டெங்கு நோயாளர்களுக்கான “டெங்கு பிரிவு” ஒன்று இல்லாமையினால்,

அதிகளவிலான நோயாளர்கள் பா திக்கப்பட்டு வருவதாகவும், சிகிச்சையில் வழங்குவதற்கு தாமதங்கள் ஏற்படுவதாகவும் நோயாளர்களின் உறவினர்களும் பெற்றோர்களும் கு ற்றம் சுமத்துகின்றனர்.

ஆசிரியரிற்கு நேர்ந்த கதி

இம்முறை கா.பொ.த சாதாரணதரத்திற்கு தோற்றிய 16 வயதான இரு பாடசாலை மாணவிகளுடன் விடுதியில் தங்கியிருந்த ஆசிரியர் ஒருவர் கைது செய்யப்பட்டுள்ளார். நல்லதண்ணி நகரிலுள்ள விடுதியொன்றில் வைத்து நேற்று இரவு நல்லதண்ணி பொலிசாரால் அவர்கள் கைது செய்யப்பட்டுள்ளனர்.

வத்தேகம, பன்னில பகுதியில் வசிக்கும் சந்தேகநபரான குறித்த ஆசிரியர், சிவனொளிபாத மலை யாத்திரைக்கு வந்து, நல்லதண்ணியில் தங்கியுள்ளார்.

தந்தை மற்றும் இரண்டு மகள்கள் என விடுதி அறையை பெற்றிருந்த நிலையில், விடுதி மேலாளருக்கு ஏற்பட்ட சந்தேகத்தையடுத்து, அவர் நல்லதண்ணி பொலிசாருக்கு அறிவித்துள்ளார்.

இதையடுத்து, விடுதிக்கு வந்து சோதனையிட்ட பொலிசார், அவர்களை கைது செய்தனர். இந்நிலையில் குறித்த மாணவிகள் இருவரும் இம்முறை கா.பொ.த சாதாரணதர பரீட்சையில் தோற்றியவர்கள் என விசாரணைகளில் தெரியவந்துள்ளது.

இதேவேளை மேலதிக வகுப்புக்களை நடத்தும் குறித்த ஆசிரியர் மத விவகாரங்களில் ஈடுபடும் சந்தேகத்திற்குரியவர் என்றும், இதற்கு முன்பும் அவர் இரண்டு சிறுமிகளுடன் சிகிரியாவிற்கு சென்றிருந்ததும் பொலிசாரின் முதற்கட்ட விசாரணைகளில் தெரிய வந்துள்ளமை குறிப்பிடத்தக்கது.

ஹப்புத்தளை கோர சம்பவம்

ஹப்புத்தளையில் நேற்று காலை இடம்பெற்ற சிறிய ரக விமான விபத்தில், இரண்டு மாதங்களில் திருமண பந்தத்தில் இணையவிருந்த வீரரும் உ யிரிழந்துள்ளதாக தெரிய வருகிறது.

கம்பளை பிரதேசத்தை சேர்ந்த லெப்ட்டினன்ட் கே.எம்.டீ.எல்.குலதுங்க என்பவரே இவ்வாறு உ யிரிழந்துள்ளார். இது தொடர்பில் கருத்து வெளியிட்ட உ யிரிழந்தவரின் சகோதரர், “கடந்த மூன்று வருடங்களுக்கு முன்னரே தம்பி விமானப் படையில் இணைந்துக் கொண்டார்.

கடந்த இரண்டு வாரத்திற்கு முன்னர் வீட்டிற்கு வந்தவர் சம்பவ தினமான நேற்று வீட்டிற்கு விடுமுறைக்காக வருவதாக கூறியிருந்தார். சம்பவம் இடம்பெறுவதற்கு அரை மணித்தியாலத்திற்கு முன்னர் வீட்டில் உள்ளவர்களிடம் தொலைபேசியில் உரையாடினார்.

மார்ச் மாதம் திருமணம் செய்யவிருந்தார். அதற்கான அனைத்து ஏற்பாடுகளும் முன்னெடுக்கப்பட்டு வந்ததாக அவர் க ண்ணீருடன் தெரிவித்துள்ளார்.

திருமணம் செய்ய காத்திருந்த மணப்பெண் இந்த அனர்த்தம் காரணமாக அ திச்சியடைந்துள்ளதாக உறவினர்கள் தெரிவித்துள்னளர். நேற்று இடம்பெற்ற கோர விபத்தில் நான்கு விமானப்படை வீரர்கள் உ யிரிழந்தமை குறிப்பிடத்தக்கது.

ரஞ்சன் ராமநாயக்க

நாடாளுமன்ற உறுப்பினரும் முன்னணி நடிகருமான ரஞ்சன் ராமநாயக்க சற்றுமுன்னர் கைது செய்யப்பட்டுள்ளார்.

நீதிமன்ற உத்தரவுக்கு அமைய அவரது வீட்டில் தே டுதல் நடவடிக்கை மேற்கொள்ளப்பட்டிருந்தது.

இதனடிப்படையில், தற்போது அவர் கைது செய்யப்பட்டுள்ளார். அவர் கைது செய்யப்பட்டு பொலிஸாரினால் அழைத்துச் செல்லப்படும் காணொளி முகபுத்தகத்தில் வெளியாகியுள்ளது.