இத்தாலியில் நேற்று ஒரு நாளில் மாத்திரம் கொரோனா வைஸ் தொற்றினால் 800 பேர் உயிரிழந்துள்ளனர் என சர்வதேச ஊடகங்கள் செய்தி வெளியிட்டுள்ளன.
இதன்படி அங்கு கொரோனா வைரஸினால் உயிரிழந்தோரின் எண்ணிக்கை 4825 ஆக உயர்ந்துள்ளது. இதில் லொம்பாடி என்ற இடத்தில் மாத்திரம் 3095 பேர் வரை மரணமாகியுள்ளனர்.
இதனையடுத்து லொம்பாடியில் கடுமையான செயற்பாடுகள் நடைமுறைப்படுத்தப்பட்டுள்ளன. அங்கு அனைத்து வெளியக செயற்பாடுகளுக்கும் தடை விதிக்கப்ட்டுள்ளது.
முழுமையாக இத்தாலிய மக்கள் அனைவருமே வீடுகளில் இருக்குமாறு கோரப்பட்டுள்ளனர். ஐரோப்பாவில் இத்தாலிக்கு அடுத்ததாக ஸ்பெயினில் கொரோனா வைரஸினால் 1326 பேர் மரணமாகியுள்ளனர்
46 மில்லியன் மக்கள் முழுமையான அடைப்புக்கு உள்ளாகியுள்ளனர். பிரான்ஸில் இதுவரை கொரோனா வைரஸினால் 562பேர் மரணமாகினர்.
இலங்கையில் கொரோனா வைரஸ் தொற்றுக்குள்ளானவர்களில் 4 பேர் முழுமையாக குணமடைந்துள்ளதாக வைத்தியசாலைத் தகவல்களை மேற்கோள் காட்டி செய்திகள் வெளியாகி உள்ளன.
மேலும் சில பரிசோதனைகளின் பின்னர் குறித்த நான்கு பேரும் வீடு திரும்புவார்கள் என வைத்தியசாலை தகவல்கள் தெரிவிக்கின்றன.
நான்கு நோயாளிகளை வீட்டிற்கு அனுப்புவதற்கு முன்பு வைரஸிலிருந்து முற்றாக விடுபட்டுள்ளனர் என்பதை உறுதிப்படுத்த தேசிய தொற்று நோய்கள் நிறுவனம் காத்திருப்பதாக குறிப்பிடப்படுகின்றது.
பாதிக்கப்பட்ட நோயாளர்களில் இருவர் அவசர சிகிச்சை பிரிவில் அனுமதிக்கப்பட்டுள்ளதுடன் உறுதி செய்யப்பட்ட ஏனைய நோயாளர்கள் சிகிச்சை பெற்று வருகின்றனர்.
நாடு முழுவதும் உறுதிப்படுத்தப்பட்ட நோயாளிகளின் எண்ணிக்கை 77ஆக உயர்வடைந்துள்ளது. மேலும் 245 பேர் கொரோனா தொற்றியிருப்பதாக சந்தேகத்தில் வைத்தியசாலைகளில் அனுமதிக்கப்பட்டு சிகிச்சை பெற்று வருகின்றனர்.
இதேவேளை, கொரோனா நோயாளர்களின் எண்ணிக்கை அதிகரித்தால் எதிர்வரும் 14 நாட்களுக்கு நாட்டை மூட வேண்டிய அவசியங்கள் இருப்பதாக சில மருத்து தரப்புகள் குறிப்பிடுகின்ற நிலையில், பொது மக்களை ஒன்று கூட வேண்டாம் என கேட்டுக்கொள்ளப்பட்டுள்ளது.
ராமக வைத்தியசாலையில் நோயாளி ஒருவர் நெஞ்சு வலி என வைத்தியசாலையில் அனுமதிக்கப்பட்டார். பின்னர் மேற்கொள்ளப்பட்ட சோதனை நடவடிக்கையில் குறித்த நோயாளி வைத்தியர்களை ஏமாற்றியதாகவும் அவருக்கு கொரோனா தொற்று உறுதியாகியுள்ளதாகவும் தெரியவந்துள்ளது.
இதனால் குறித்த நபருக்கு சிகிச்சை மேற்கொண்ட வைத்தியசாலை ஊழியர்கள் மற்றும் வைத்தியர்கள் கொரோனா பரிசோதனைக்கு உட்படுத்தப்பட்டுள்ளனர்.
யாழில் இடம்பெற்ற மத போதனையில் கலந்து கொண்ட ஒன்றரை வயது குழந்தை உட்பட 8 பேர் வவுனியாவில் இன்று இணங்காணப்பட்டுள்ள நிலையில், அவர்களை தனிமைப்படுத்தி மருத்துவ பரிசோதனை மேற்கொள்ள நடவடிக்கை எடுக்கப்பட்டுள்ளது.
கடந்த 15ம் திகதி யாழ்ப்பணம், செம்மணி பகுதியில் உள்ள கிறிஸ்தவ தேவாலயம் ஒன்றில் இடம்பெற்ற மத போதனையை நடத்திய போதகர் சுவிஸ் திரும்பி சென்ற நிலையில் கொரோனா நோயாளியாக இணங்காணப்பட்டுள்ளார்.
அவருடன் நெருங்கிப் பழகிய இருவர் யாழ். வைத்தியசாலையில் அனுமதிக்கப்பட்டு கொரோனா தொற்று உள்ளதா என்ற பரிசோதனைக்காக தனிமைப்படுத்தப்பட்டுள்ளனர்.
இந்நிலையில் குறித்த ஆராதனையில் ஈடுபட்டவர்களை தனிமைப்படுத்தி மருத்துவ பரிசோதனையை மேற்கொள்ள சுகாதார சேவைகள் திணைக்களம் நடவடிக்கை எடுத்துள்ளது.
அதற்கமைவாக குறித்த போதனையில் கலந்து கொண்ட வவுனியா, மன்னார், யாழ்ப்பாணம் பகுதிகளைச் சேர்ந்தவர்களை தொடர்பு கொள்ளுமாறு அறிவுறுத்தப்பட்டுள்ளது.
இந்நிலையில் ஊரடங்கு சட்ட நேரத்திலும் விரைந்து செயற்பட்ட வவுனியா வடக்கு பொதுச் சுகாதார மேற்பார்வை பரிசோதகர் உள்ளிட்ட குழுவினர் புளியங்குளம் வடக்கு, முத்துமாரி நகர் பகுதியில் வசித்து வந்த நிலையில் குறித்த போதனையில் கலந்து கொண்ட ஒன்றரை மாத குழந்தை உள்ளிட்ட 6 பேரையும், நெளுக்குளம், காத்தான் கோட்டம் பகுதியில் வசிக்கும் இருவரும் என 8 பேர் இணங்காணப்பட்டு அவர்களை மருத்துவ பரிசோதனைக்காக தனிப்படுத்த நடவடிக்கை எடுக்கப்பட்டுள்ளது.
இதேவேளை, குறித்த போதனையில் கலந்து கொண்டோர் மருத்து பரிசோதனைக்காக தமது பெயர் இருப்பிட விலாசத்தை 021-2217278 என்ற தொலைபேசி இலக்கத்திற்கு தெரியப்படுத்துமாறும் அறிவுறுத்தப்பட்டுள்ளது.
வடமாகாண எல்லைகள் அனைத்தும் மூடச்செய்யப்பட்டு உள்வருவோரும், வெளிச்செல்வோரும் தீவிரமாக கண்காணிக்கப்பட வேண்டும் என்று முன்னாள் நாடாளுமன்ற உறுப்பினர் சி.சிவமோகன் தெரிவித்தார்.
வவுனியாவில் இன்றையதினம் இடம்பெற்ற ஊடகவியலாளர் சந்திப்பில் கலந்து கொண்டு கருத்து தெரிவித்த போதே அவர் இவ்வாறு தெரிவித்தார். தொடர்ந்து தெரிவித்த அவர்,
உலக அளவில் கொரோனா வைரஸ் தாக்கம் மிகுந்த பாதிப்பை ஏற்படுத்தியுள்ளது. வடமாகாணத்தில் உள்ள வைத்தியசாலைகளில் குறித்த தாக்கத்திற்குள்ளாகியதாக எவரும் இதுவரை உறுதிப்படுத்தப்படவில்லை.
எனினும் அவ்வாறனவர்களை இனம்காண்பதற்கான வசதிகள் இங்கு உள்ளதா என்ற கேள்வி எழுகின்றது. குறிப்பாக அதிகமானோர் பாதிக்கப்பட்டால் அவர்களை பராமரிக்ககூடிய அதிதீவிர பிரிவின் கட்டில்கள் வடக்கில் உள்ளதா என்று பார்க்க வேண்டும்.
வடக்கில் யாழ் வைத்தியசாலையில் 13 கட்டில்களும் வவுனியா வைத்தியசாலையில் 4 கட்டில்களும் முல்லைதீவில் 2, கிளிநொச்சியில் 3 என மொத்தம் 22 கட்டில்களே இங்கு இருக்கின்றது. அவையும் பாவனையில் உள்ளது. இப்படியான சூழலில் கொரோனா நோய்தொற்று ஏற்பட்டால் எப்படி மக்களை காப்பாற்ற போகின்றோம் என்பது இங்கு பாரிய பிரச்சினை.
அத்துடன் கொரோனா தொற்றுக்குள்ளானவர்களை இனம் காணக்கூடிய பிசிஆர் என்ற இயந்திரம் வடக்கில் எங்கும் இல்லை. எனவே வவுனியா மற்றும் யாழ் வைத்தியசாலைகளிற்கு அந்த வசதிகள் உடனடியாக ஏற்படுத்தப்பட வேண்டும்.
அத்துடன் தற்போது அனைவரும் அணிந்துள்ள முக கவசம் கூட தகுதியற்றது. அதனூடாக வைரஸ் இலகுவாக உட்செல்லும் வாய்ப்புள்ளது. குறித்த வைரஸ் கண்ணின் ஊடாக கூட செல்லும் நிலை உள்ளது. எனவே ‘என்95’ என்ற முகக்கவசமே தரமானது.
எனவே வைத்தியசாலைகளில் கடமையாற்றும் ஊழியர்களிற்கு கூட அந்த கவசத்தை வழங்கும் நிலையில் இந்த அரசாங்கம் இல்லை. எனவே வைத்தியசாலை ஊழியர்களிற்கும் இது வழங்கப்படவேண்டும். இல்லாவிடில் அவர்களுடாகவே இது பரவக்கூடிய வாய்ப்புகள் இருக்கிறது. இந்தவிடயத்தில் அரசு வெளிப்படை தன்மை இன்றியே செயற்பட்டுவருகின்றது.
விமானப் பயணிகளை வவுனியா, பலாலி, கேப்பாப்பிலவு, இரணைமடு போன்ற விமானதளங்களில் தங்கவைக்கபட்டுள்ளனர். ஆனால் இது தொடர்பான தகவல்கள் எவையும் சுகாதாரப் பிரிவினருக்கு வழங்கப்படவில்லை.
சுகாதார வைத்திய அதிகாரிகள் அவர்களை பார்வையிடுவதற்கு அனுமதி வழங்கப்படவில்லை. நாம் படையினரின் செயற்பாடுகளை மதிக்கின்றோம். எனினும் இது வெளிப்படை தன்மையானதல்ல. எனவே மாகாண மட்டத்தில் ஒரு விசேட செயலணி உருவாக்கப்பட வேண்டும்.
அதில் இராணுவத்தினரும் உள்வாங்கப்பட வேண்டும். அதில் தீர்மானம் எடுப்பவர்களாக சுகாதார பிரிவினர் இருக்க வேண்டும். இராணுவ நகர்வுகள் மூலம் மாத்திரம் இதனை கட்டுப்படுத்த முடியாது.
அத்துடன் பிரதேச தனிமைப்படுத்தல் முறை உருவாக்கப்பட வேண்டும். வடக்கில் தற்போது குறித்த தொற்று எவருக்கும் இல்லை.
எனவே மக்களை சுதந்திரமாக வாழவிட்டு வடமாகாண எல்லைகள் அனைத்தும் இராணுவத்தைகொண்டு மூடச்செய்யப்பட்டு உள்வருவோரும் வெளிச்செல்வோரும் தீவிரமாக கண்காணிக்கப்பட வேண்டும் அப்படிசெய்தால் நாம் பாதுகாக்கப்படலாம் இல்லாவிடில் நாம் பேரழிவை சந்திக்க வேண்டிவரும் என்றார்.
வவுனியா பண்டாரிக்குளம் பாடசாலை வீதியில் அமைந்துள்ள மருந்தகமொன்று இன்று (21.03.2020) மாலை நேரத்தில் திறந்திருந்துள்ளனர்.
நாடு முழுவதும் ஊரடங்குச் சட்டம் அமுல்படுத்தப்பட்டுள்ள நிலையில் பண்டாரிக்குளம் பகுதியில் அமைந்துள்ள மருந்தகம் மாலை நேரத்தில் திறந்து செயற்பட்டதாக தெரிவிக்கப்படுகின்றது.
ஊரடங்கு சட்டத்தை மீறியமை தொடர்பில் வவுனியாவில் மூவர் கைது செய்யப்பட்டு பொலிஸ் தடுப்புக்காவலில் வைக்கப்பட்டுள்ளமை குறிப்பிடத்தக்கது.
வவுனியாவில் ஊரடங்கு சட்டத்தை மீறியமை தொடர்பில் இன்று (21.03.2020) காலை 8.00 மணி தொடக்கம் மாலை 5.30 மணிவரையிலான காலப்பகுதியில் மூவரை கைது செய்துள்ளதாக வவுனியா பொலிஸார் தெரிவித்தனர்
இலங்கையில் கொரோனா தொற்று தீவிரமடைந்துள்ள நிலையில் நேற்று (20.03.2020) மாலை 6.00 மணி தொடக்கம் நாளை மறுதினம் திங்கட்கிழமை (23.03.2020) காலை 6.00 மணி வரை ஊரடங்குச் சட்டம் அமுல்படுத்தப்பட்டுள்ள நிலையில் ஊரடங்கின் போது தேவையற்ற விதமாக நடமாடிய மூன்று நபர்களையே இவ்வாறு பொலிஸார் கைது செய்துள்ளனர்.
வவுனியா தலைமை பொலிஸ் நிலைய பொறுப்பதிகாரி மானவடு ஆலோசனைக்கமைய வவுனியா பொலிஸ் நிலையத்திற்குட்பட்ட பகுதிகளில் பலத்த பொலிஸ் பாதுகாப்பு ஏற்பாடு செய்யப்பட்டுள்ளதுடன்,
வெளிநாடு செல்வதற்காக விமான நிலையம் செல்பவர்களுக்கு வவுனியா பொலிஸாரினால் விசேட அனுமதிப்பத்திரமும் வழங்கப்பட்டு வருகின்றமை குறிப்பிடத்தக்கது.
நாடு முழுவதும் அமுல்படுத்தப்பட்டுள்ள ஊரடங்கு சட்டத்தை மேலும் இரண்டு நாட்களுக்கு நீடிக்கப்படவுள்ளதாக ஜனாதிபதி ஊடக பிரிவு அறிவித்துள்ளது.
கொழும்பு, கம்பஹா, புத்தளம் ஆகிய மாவட்டங்களுக்கான ஊரடங்கு சட்டம் எதிர்வரும் 24 ஆம் திகதி காலை ஆறு மணி நீடிக்கப்பட்டுள்ளது.
ஏனைய மாவட்டங்களுக்கு 23ஆம் திகதி காலை ஆறு மணிக்கு ஊரடங்குச் சட்டம் தளர்த்தப்பட்டு மீண்டும் பிற்பகல் 2 மணி தொடக்கம் 24ஆம் திகதி காலை 6 மணி வரை நீடிக்கப்படும் என அறிவிக்கப்பட்டுள்ளது.
24 ஆம் திகதி மீண்டும் ஊரடங்கு சட்டம் அமுல்படுத்தப்படுவது தொடர்பில் அறிவிக்கப்படும்.
ஊரடங்கு சட்டம் தளர்த்தப்படும் பகுதிகளில் மதுபான கடைகள் திறக்கப்படாதென அறிவிக்கப்பட்டுள்ளது.
விவசாயம் செய்யும் பகுதிகளில் உள்ள மக்கள் தங்கள் விவசாய நடவடிக்கைகளை மேற்கொள்வதற்கு அனுமதிக்குமாறு பொலிஸாருக்கு அரசாங்கம் அறிவித்துள்ளது.
மரக்கறி உட்பட அத்தியாவசிய பொருட்கள் போதியளவு கையிருப்பில் உள்ளமையினால் மக்கள் குழப்பம், பதற்றம் ஏற்படுத்திக் கொள்ளாமல் பெற்றுக் கொள்வதற்கான ஏற்பாடுகள் செய்யப்பட்டுள்ளதாக அரசாங்கம் குறிப்பிட்டுள்ளது.
அத்துடன் அத்தியாவசிய பொருட்களை கொள்வனவு செய்வதற்கான போக்குவரத்து ஏற்பாடுகளும் அரசங்கத்தினால் மேற்கொள்ளப்பட்டுள்ளதாக அறிவிக்கப்பட்டுள்ளது.
கொரனா வைரஸ் தாக்கத்தினை கட்டுப்படுத்தும் நோக்குடன் நாடாளாவிய ரீதியில் முன்னெடுக்கப்பட்டு வரும் ஊரடங்கு சட்டம் காரணமாக வவுனியா மாவட்டம் முற்றாக முடங்கியதன் காரணமாக வீதிகளில் யாசகர்கள் உணவின்றி தவிர்த்தனர்.
இதனையடுத்து வவுனியா மாவட்ட தமிழ் ஊடகவியலாளர்கள் ஒன்றிணைந்து இலாப நோக்கற்ற நிறுவனமான தமிழ் விருட்சம் அமைப்புக்கு விடுத்த வேண்டுகோளிக்கினங்க வேப்பங்குளம் இந்து அன்பகத்தினால் உணவுப்பொதிகள் வழங்கி வைக்கப்பட்டது.
வீதியின் நின்ற யாசகர்களை வீதி வீதியாக தேடிச்சென்று வவுனியா தமிழ் ஊடகவியலாளர்களுடன் இணைந்து தமிழ் விருட்சம் அமைப்பினர் உணவுப் பொதிகளை வழங்கி வைத்து மகிழ்வடைந்தனர்.
நாட்டில் ஊரடங்கு சட்டம் பிரயோகிக்கப்பட்டு கட்டுப்பாடான நிலைமை காணப்படுகின்ற போதிலும் ஊடகவியலாளர்களின் இச் செயற்பாடு பொதுமக்கள் மத்தியில் பாரிய வரவேற்பினை பெற்றுள்ளது.
கொரோனா வைரஸ் தொற்று கண்காணிப்பு நடவடிக்கைகளுக்காக 174 பேர் கிளிநொச்சி, இரணைமடு விமானப்படை இராணுவ முகாமிற்கு அழைத்து செல்லப்பட்டுள்ளதாக எமது செய்தியாளர் தெரிவித்தார்.
குறித்த 174 பேரும் இன்று காலை 5 பேருந்துகளில் இரணைமடு விமானப்படை முகாமிற்கு அழைத்து வரப்பட்டுள்ளனர்.
குறித்த முகாமில் அவர்கள் தங்க வைக்கப்பட்டு கண்காணிக்கப்படவுள்ளதாக தெரியவருகிறது.
இவர்கள் அனைவரும் வெளிநாட்டிலிருந்து நாட்டிற்கு அழைத்து வரப்பட்ட இலங்கையர்கள் என்பதும் குறிப்பிடத்தக்கது.
இந்த நிலையிலேயே அவர்களை இரணைமடு விமானப்ப1டை முகாமில் வைத்து 5 நாட்கள் கண்காணிக்க நடவடிக்கை எடுக்கப்பட்டுள்ளது.
யாழ்ப்பாணம் – அரியாலை கண்டி வீதியில் அமைந்துள்ள பிலதெனியா தேவாலயத்தில் கடந்த ஞாயிற்றுக்கிழமை சுவிஸிலிருந்து வருகை தந்த தலைமை போதகரால் சிறப்பு வழிபாடுபாடு நடத்தப்பட்டது.
அதில் யாழ்ப்பாணத்தின் பல்வேறு பிரதேசத்திலிருந்தும் மக்கள் கலந்து கொண்டிருந்தனர். அவ்வாறு பிரார்த்தனை மேற்கொள்ளப்பட்ட பிரதேசமான அரியாலைப் பகுதியில் தற்போது இராணுவத்தினர் முற்றுகையிட்டு தேடுதல் மேற்கொண்டு வருகின்றனர்.
குறித்த மதபோதகர் பாடசாலை அடிக்கல் நாட்டு நிகழ்வொன்றுக்காக கடந்த 11ஆம் திகதி சுவிஸ் நாட்டிலிருந்து வந்துள்ளார். கடந்த 15ஆம் திகதி அடிக்கல் நாட்டும் நிகழ்வு நடந்துள்ளது.அதில் 150 பேர் கலந்து கொண்டிருந்ததாக தெரியவருகிறது.
அவர்களையும் அடையாளம் காண நடவடிக்கை மேற்கொள்ளப்பட்டிருக்கின்றது. அதேவேளை மதபோதகருடன் நெருக்கமாக பழகிய 15 பேரில் ஒருவர் வவுனியாவை சோ்ந்தவர் எனவும், அவரை அழைத்து வந்தவர் யாழ். நவாலியை சேர்ந்தவர் எனவும், மற்றையவர்கள் அரியாலை மற்றும் கோப்பாய் பகுதிகளை சேர்ந்தவா்கள் எனவும் கூறப்படுகின்றது.
இந்த நிலையில் அதில் ஒருவர் யாழ். போதனா வைத்தியசாலையில் அனுமதிக்கப்பட்டுள்ளதுடன், மிகுதி 14 பேரை தேடும் நடவடிக்கையில், பொலிஸார் மற்றும் இராணுவத்தினர், மருத்துவ அதிகாரிகள் களமிறங்கியுள்ளதாக தெரியவருகிறது.
வவுனியா நெளுக்குளம் பகுதியில் உள்ள வீடொன்றில் இன்று (21.03.2020) தென்னை மரத்தில் இருந்து கீழே விழுந்து நபர் ஒருவர் படுகாயமடைந்த நிலையில் வவுனியா மாவட்ட பொது வைத்தியசாலையில் அனுமதிக்கப்பட்டுள்ளார். குறித்த சம்பவம் தொடர்பில் மேலும் தெரியவருகையில்,
நெளுக்குளம் பகுதியில் உள்ள வீடொன்றில் தென்னை மரத்தில் தேங்காய்களை பறிப்பதற்காக ஏறிய ஒருவர் மரத்திலிருந்து தவறி கீழே விழுந்துள்ளார்.
அருகில் இருந்த அயலவர்கள் அவசர அம்புலன்ஸ் சேவைக்கு பலமுறை அழைத்தும் பலனளிக்கவில்லை, என்பதால் அங்கிருந்த பட்டா ரக வாகனத்தில் வவுனியா பொது வைத்தியசாலையில் அனுமதிக்கப்பட்டுள்ளார் என்பது குறிப்பிடத்தக்கது.
பண்டாரவளை பகுதியில் 8 பேர் கைது செய்யப்பட்டுள்ளதாக பிரதி பொலிஸ் மா அதிபர் அஜித் ரோஹன தெரிவித்துள்ளார்.
பொலிஸ் ஊரடங்குச் சட்டம் அமுலில் இருந்த வேளையில் களியாட்ட நிகழ்வுகளில் ஈடுபட்டதன் காரணமாக குறித்த நபர்கள் கைது செய்யப்பட்டுள்ளனர்.
இதேவேளை ஹப்புத்தளை பகுதியில் பொலிஸ் ஊரடங்குச் சட்டம் அமுலில் இருந்த வேளையில் விற்பனை நிலையத்தை திறந்து வைத்திருந்த நபர் ஒருவரும் கைது செய்யப்பட்டுள்ளார்.
கொரோனா வைரஸ் தீவிரம் அடைந்துள்ள நிலையில் நாடு தழுவிய ரீதியில் பொலிஸ் ஊரடங்குச் சட்டம் அமுல்படுத்தப்பட்டுள்ளமை குறிப்பிடத்தக்கது.
கொழும்பின் புறநகர் பகுதியான கடவத்தையில் வர்த்தக நிலையத்தில் அத்தியாவசிய பொருட்கள் கொள்வனவு செய்வதற்காக வரிசையில் நின்ற நபர் ஒருவர் உயிரிந்துள்ளார்.
நேற்று மாலை 6 மணிக்கு ஊரடங்கு சட்டம் அமுலுக்கு வர முன்னர் அவசியமான பொருட்களை கொள்வனவு செய்ய வந்த நபர் நீண்ட நேரம் வரிசையில் காத்திருந்துள்ளார்.
இதனால் திடீரென மாரடைப்பு ஏற்பட்டு அவர் உயிரிழந்துள்ளதாக குறிப்பிடப்படுகின்றது. மஹர பிரதேசத்தை சேர்ந்த 56 வயதுடைய நபர் ஒருவரே இவ்வாறு உயிரிழந்துள்ளார்.
கொரோனா வைரஸ் தொற்றில் இருந்து பாதுகாத்துக் கொள்வதற்காக நேற்று ஊரடங்கு சட்டம் அறிவிக்கப்பட்டது. இந்த அறிவிப்பை தொடர்ந்து பொது மக்கள் அனைவரும் கடைகளில் ஒன்றுக்கூடியதனை காண முடிந்துள்ளது.
பொது மக்கள் அதிகம் ஒன்றுக்கூடும் இடங்களிலேயே கொரோனா வைரஸ் தொற்று பரவ அதிக வாய்ப்புகுள் உள்ளமையினால் வீட்டிலேயே இருக்குமாறு கேட்டுக்கொள்ளப்பட்டுள்ளது.
பண்டாரவளை பகுதியில் 8 பேர் கைது செய்யப்பட்டுள்ளதாக பிரதி பொலிஸ் மா அதிபர் அஜித் ரோஹன தெரிவித்துள்ளார்.
பொலிஸ் ஊரடங்குச் சட்டம் அமுலில் இருந்த வேளையில் களியாட்ட நிகழ்வுகளில் ஈடுபட்டதன் காரணமாக குறித்த நபர்கள் கைது செய்யப்பட்டுள்ளனர்.
இதேவேளை ஹப்புத்தளை பகுதியில் பொலிஸ் ஊரடங்குச் சட்டம் அமுலில் இருந்த வேளையில் விற்பனை நிலையத்தை திறந்து வைத்திருந்த நபர் ஒருவரும் கைது செய்யப்பட்டுள்ளார்.
கொரோனா வைரஸ் தீவிரம் அடைந்துள்ள நிலையில் நாடு தழுவிய ரீதியில் பொலிஸ் ஊரடங்குச் சட்டம் அமுல்படுத்தப்பட்டுள்ளமை குறிப்பிடத்தக்கது.
இலங்கையில் இனங்காணப்பட்ட கொரோனா வைரஸ் தொற்று நோயாளிகளில் இருவர் கவலைக்கிடமான நிலையில் உள்ளதாக சுகாதார பிரிவு தெரிவித்துள்ளது.
நாட்டில் கொரோனா வைரஸ் தொற்றிய நிலையில் அடையாளம் காணப்பட்ட நோயாளர்களின் எண்ணிக்கை 72 ஆக அதிகரித்துள்ளது.
நேற்றிரவு மேலும் 2 கொரோனா நோயாளர்களின் அடையாளம் காணப்பட்டுள்ளனர். அதற்கமைய நேற்றைய தினத்தில் மாத்திரம் இலங்கையில் அடையாளம் காணப்பட்டவர்களின் எண்ணிக்கை 13 ஆக அதிகரித்துள்ளது.
அடையாளம் காணப்பட்ட இரண்டு நோயாளர்களின் நிலைமை தீவிரமாக உள்ளதாகவும், குறித்த இருவரும் நிமோனியா நிலைமைக்குள்ளாகியுள்ளதாக சுகாதார பிரிவு அறிவித்துள்ளது.
இதேவேளை, வைரஸ் தொற்றுக்குள்ளாகியுள்ளதாக சந்தேகிக்கப்படும் 218 பேர் வைத்தியசாலையில் அனுமதிக்கப்பட்டுள்ளனர்.
சந்தேகத்திற்குரிய நோய் அறிகுறிகளுடன் அதிகமானோர் அங்கொட வைத்தியசாலையில் அனுமதிக்கப்பட்டுள்ளனர். அங்கு அனுமதிக்கப்பட்டுள்ளவர்களின் எண்ணிக்கை 88ஆகும் என சுகாதார பிரிவு குறிப்பிட்டுள்ளது.