டயபர் அணிந்து கொண்டு தொட்டிலில் தூங்கி குழந்தையாக வாழும் 25 வயது அழகிய இளம்பெண்!!

அழகிய இளம்பெண்

அமெரிக்காவில் வசிக்கும் 25 வயது இளம்பெண், குழந்தை போல டயபர் அணிந்து கொண்டும், தொட்டிலில் தூங்கி கொண்டும் வாழ்ந்து வருவது ஆச்சரியத்தை ஏற்படுத்தியுள்ளது.

அமெரிக்காவில் வசிக்கும் பெண் பைஜி மில்லர் தனது வாழ்க்கையை முழுநேரமும் குழந்தைகளை போல் வாழ்ந்து வருகின்றார். குழந்தைகளை போல டயப்பருடன் தூங்குவது, விளையாடுவது என நாள் முழுவதும் குழந்தைகளை போல டயப்பர் அணிந்துகொண்டு தனது வேலைகளை செய்கின்றார்.

இதோடு தனது வீடு முழுவதையும் பொம்மைகளை வாங்கி வைத்து அதனோடு விளையாடி வருகின்றார் பைஜி. இந்த இளம்பெண் தனது வாழ்க்கை முறையை பராமரிப்பதற்காக மாதத்திற்கு சுமார் 250 டொலர்கள் வரை செலவிடுவதாக தெரிவிக்கபட்டுள்ளது.

பைஜி கடந்த மே 2018 முதல் இந்த வாழ்க்கை முறையை கடைப்பிடித்து வருகிறார். இது குறித்து பேசிய பைஜி, நான் ஒரு குழந்தையைப் போல உடை அணியலாம்.

நான் யாருக்காகவும் எனது வாழ்க்கையை மாற்றி கொள்ளமாட்டேன். என் விருப்பப்படி வாழுவேன் என கூறினார். பைஜியின் நண்பர்கள், உறவினர்கள் இவரின் இந்த செயலை முழுமையாக ஏற்றுக்கொண்டுள்ளனர்.

நான் பொது இடங்களில் இவ்விதம் நடந்து கொள்வதில்லை. வீட்டில் மட்டும் குழந்தை தன்மையுடன் இருப்பதாக பேஜ் குறிப்பிட்டுள்ளார். இவருக்கு ஏற்கனவே திருமணம் நிச்சயிக்கப்பட்டு அவரது துணையும் இதற்கு எவ்வித தடையும் தெரிவிக்கவில்லை.

பைஜிக்கு திருமணம் நிச்சயிக்க பட்டவர் இது போன்ற செயல் பாடுகளில் ஈடுபடுவதில்லை எனவும் பைஜியின் செயல்பாடுகளில் அவரால் இடர்பாடுகள் ஏதும் இல்லை எனவும் தெரியவந்துள்ளது.

நாட்டு மக்களுக்கு வானிலை அவதான மையம் விடுத்துள்ள எச்சரிக்கை!!

நாட்டு மக்களுக்கு..

நாட்டில் நிலவும் கடும் வெப்பநிலையின்போது 11 மாவட்டங்களின் மக்கள் பா துகாப்பான முறைகளை கையாளுமாறு வானிலை அவதான மையம் கோரியுள்ளது. வடமேற்கு, மேல்,தென், சப்ரகமுவ மாகாணங்களிலும் மன்னார் மாவட்ட மக்களுக்கும் குறித்த அறிவுறுத்தல் விடுக்கப்பட்டுள்ளது.

முதியோர் மற்றும் நோயாளர்கள் இவ் விடயத்தில் கவனமெடுக்க வேண்டுமெனவும் அதிகளவிலான நீர் அருந்த வேண்டுமெனவும் குழந்தைகளை சரிவர கவனிக்க வேண்டுமெனவும் அறிவுறுத்தல்கள் விடுக்கப்பட்டுள்ளன.

மன்னார், புத்தளம், குருநாகல், கம்பஹா, கேகாலை, கொழும்பு, களுத்துறை, இரத்தினபுரி, காலி, மாத்தறை மற்றும் ஹம்பாந்தோட்டை ஆகிய மாவட்டங்களில் தொடர்ந்தும் கடும்வெப்பம் நிலவும் என்றும் வானிலை மையம் கூறியுள்ளது.

குறித்த பிராந்தியங்களில் வசிப்பவர்கள் அடுத்த சில நாட்களுக்கு, குறிப்பாக காலை வேளையில் வெளியில் செல்வதை தவிர்க்குமாறு அறிவுறுத்தப்பட்டுள்ளனர்.

முன்னெச்சரிக்கை நடவடிக்கைகளை எடுக்காதுபோனால் பக்கவாதம், தசைப்பிடிப்புகள் மற்றும் வெப்பச் சோர்வு போன்ற அசௌகரியங்கள் ஏற்படக்கூடும் என்றும் வானிலை மையம் எச்சரித்துள்ளது.

கடற்கரையில் இரவு குழந்தையுடன் தூங்கிக் கொண்டிருந்த தாய் : காலையில் காத்திருந்த து யரம்!!

கடற்கரையில்..

சென்னை கடற்கரையில் படுத்துறங்கிய பெண்ணின் 8 மாத கு ழந்தை க டத்தி செல்லப்பட்ட சம்பவம் ப ரபரப்பை ஏற்படுத்தியுள்ளது. விழுப்புரம் மாவட்டம் விக்ரவாண்டியை பூர்விகமாக கொண்டவர் சினேகா. நரிக்குறவர் இனத்தைச் சேர்ந்த இவர், கணவரைப் பிரிந்து தனது 8 மாத குழந்தை ராஜேஸ்வரியுடன் சென்னைக்கு வந்துள்ளார்.

அங்கு ஊசிமணி, மாலைகள், பலூன்கள் விற்று வந்த சினேகா, கடற்கரை சாலையோர நடைபாதையில் நரிக்குறவர் மக்களுடன் வசித்து வந்துள்ளார். சினேகா கடந்த வியாழக்கிழமை அன்று இரவு வழக்கம்போல, தனது குழந்தையுடன் தூங்கிய நிலையில் காலையில் எழுந்து பார்த்துபோது குழந்தை அருகில் இல்லாமல் பாய் மட்டும் இருப்பதை பார்த்து அதிர்ந்து போனார்.

எங்கு தேடியும் கிடைக்காததால், சாஸ்திரி நகர் காவல் நிலையத்தில் புகார் அளித்தார். இதையடுத்து விசாரணையைத் தொடங்கிய காவல்துறையினர் அப்பகுதியில் உள்ள சி.சி.டி.வி. காட்சிகளை ஆய்வு செய்து தீவிர விசாரணை நடத்தி வருகிறார்கள்.

வரதட்சணை வேண்டாம்… உங்கள் மகள் இது மட்டும் செய்தால் போதும் : ஆச்சரியபட வைத்த கலெக்டர்!!

ஆச்சரியபட வைத்த கலெக்டர்..

தமிழகத்தில் மாவட்ட ஆட்சியர் ஒருவர் மணப்பெண் வீட்டாரிடம் வித்தியாசமாக வரதட்சணை கேட்டு திருமணம் செய்து கொண்டது தற்போது தெரியவந்துள்ளது.

தஞ்சை மாவட்டம் பேராவூரணி அருகே உள்ள ஒட்டங்காடு கிராமத்தை சேர்ந்தவர் சிவகுரு பிரபாகரன். பொறியல் படிப்பு முடித்த இவர், அதன் பின் ஐஐடியில் எம்.டெக் முடித்த பின்பு ஐ.ஏ.எஸ் ஆக வேண்டும் என்ற லட்சியம் எழுந்துள்ளது.

இதனால் பிற துறைகளில் கிடைத்த வேலை வாய்ப்புகளை எல்லாம் துறந்தார். தன்னுடைய ஆரம்ப காலத்தில் பொறியியல் படிப்பு படிக்கும் போது, தாய்-தந்தையார் ஆடு, மாடு மேய்த்து அதில் கிடைத்த வருமானத்தில் தான் படித்து வந்துள்ளார்.

அதன் பின் நண்பர்களும் அவர் படிப்பதற்கு உதவியுள்ளனர். கல்லூரியில் படிக்கும் காலத்தில், சிவில் சர்வீஸ் தேர்வுக்கு தயாரான போதும் செல்போன் ரீ-சார்ஜ் கடையில் பகுதிநேர ஊழியராக வேலை பார்த்து வந்துள்ளார்.

இந்நிலையில் கடந்த 2018-ஆம் ஆண்டு சிவில் சர்வீஸ் தேர்வு எழுதி 2018-ல் ஐஏஎஸ் தேர்வில் அகில இந்திய அளவில் 101-வது இடத்தையும், தமிழக அளவில் 3-வது இடத்தையும் பிடித்தார்.

இதையடுத்து இவருக்கு திருமணத்திற்கான வரன்கள் பார்க்கப்பட்டது. ஆனால் எத்தனையோ வரன்கள் வந்தும், அவர் சேவை செய்யும் மருத்துவர் தான் வேண்டும் என்று கூறியுள்ளார். அதன் படி இவர் கடந்த 26-ஆம் திகதி இவர் டாக்டர்.கிருஷ்ணபாரதி என்ற பெண்ணை திருமணம் செய்து கொண்டார்.

திருமணத்திற்கு முன்னதாக மணப்பெண் வீட்டாரிடம் சிவகுரு வரதட்சனை என்ற அடிப்படையில் விதித்த நிபந்தனை, திருமணத்திற்கு பிறகு வாரத்தில் 2 முறை, நான் பிறந்த ஒட்டங்காடு கிராமத்தை சுற்றியிருக்கும் கிராமத்தில் இலவச மருத்துவம் பார்க்க வேண்டும் என்று நிபந்தனை விதித்துள்ளார்.

இதற்கு மணப்பெண்ணின் பெற்றோரும் சம்மதம் தெரிவிக்க, அவர்களின் திருமணம் நடைபெற்றுள்ளது. மாவட்ட ஆட்சியரின் இந்த முடிவு சமூக வலைத்தளங்களில் பலரது பாராட்டுக்களை பெற்று வருகிறது.

அடுத்தடுத்து உ யிரிழந்த தா ய், த ந்தை : அக்காவை கவனித்து கொள்ள 15 வயது தம்பி எடுத்த க ண்ணீர் முடிவு!!

15 வயது தம்பி..

இந்தியாவில் தா ய் மற்றும் த ந்தை அடுத்தடுத்து உ யிரிழந்ததால் ஆதரவற்ற நிலையில் மாற்றுத்திறனாளி அக்காளை கவனிக்க சிறுவன் பள்ளி படிப்பை பாதியில் நிறுத்திய சம்பவம் க ண்ணீரை வரவழைத்துள்ளது.

மைசூர் மாவட்டம் ஆலனஹள்ளி கிராமத்தை சேர்ந்தவர் குமார். இவரது மனைவி மஞ்சுளா. இந்த தம்பதிக்கு அனுஷா (17) என்ற மகளும், ஆகாஷ் (15) என்ற மகனும் உள்ளனர். இதில் அனுஷா மூளைவளர்ச்சி குன்றிய மாற்றுத்திறனாளி ஆவார்.

சிறுவன் ஆகாஷ் அந்தப் பகுதியில் உள்ள அரசு பள்ளியில் 8ம் வகுப்பு படித்து வந்தான். இதனால் மஞ்சுளா-குமார் தம்பதி அனுஷாவை கவனித்து வந்தனர். இந்த நிலையில் கடந்த சில மாதங்களுக்கு முன்பு மஞ்சுளாவும், குமாரும் அடுத்தடுத்து உ யிரிழந்தனர். தாய், தந்தையை இழந்த அனுஷாவும், ஆகாசும் ஆதரவற்றனர்.

தான் பள்ளிக்கு சென்றால், அக்காளை கவனிக்க முடியாதே என கருதிய ஆகாஷ் தனது பள்ளி படிப்பை திடீரென்று பாதியில் நிறுத்தினான். இதுபற்றி தாசில்தார் மஞ்சுநாத்திற்கு தகவல் தெரியவந்தது.

இதைதொடர்ந்து மஞ்சுநாத் சிறுவன் ஆகாஷிடம் விசாரித்தார். அப்போது தனது தாய், தந்தை இ றந்துவிட்டதாகவும், உடல்நலக்குறைவால் பாதிக்கப்பட்டு உள்ள அக்காளை பார்க்க ஆள் இல்லை எனவும், எனவே அக்காளை கவனிப்பதற்காக பள்ளி படிப்பை பாதியில் நிறுத்தியதாகவும் அவன் தெரிவித்தான்.

இதைகேட்டு அ திர்ச்சி அடைந்த தாசில்தார் மஞ்சுநாத், சிறுவன் ஆகாஷ் மீண்டும் பள்ளி செல்ல நடவடிக்கை எடுப்பதாகவும், அவனது அக்காளை காப்பகத்தில் சேர்த்து பராமரிக்கவும் நடவடிக்கை எடுப்பதாக அவனிடம் உறுதி அளித்தார்.

இதுகுறித்து தாசில்தார் மஞ்சுநாத் கூறுகையில், தாய், தந்தையை இழந்ததால் ஆகாசும், அவனது சகோதரி அனுஷாவும் ஆதரவில்லாத நிலையில் உள்ளனர். அனுஷா மூளைவளர்ச்சி குன்றியவர் ஆவார். அவரை பராமரிக்க மைசூருவில் உள்ள கருணாலயத்தில் சேர்க்க நடவடிக்கை எடுத்துள்ளோம்.

மேலும் ஆகாஷ் மீண்டும் பள்ளி செல்ல நடவடிக்கை எடுத்துள்ளோம். அரசு சார்பில் ஆகாஷ்- அனுஷாவுக்கு தேவையான அனைத்து உதவிகளும் மேற்கொள்ளப்படும் என கூறியுள்ளார்.

ஹோட்டலுக்கு வேலைத் தேடிச்சென்ற இருவர் செய்த காரியம்!!

இருவர் செய்த காரியம்..

ஹோட்டலுக்கு வேலைத் தேடிச்சென்ற இருவர், அங்கு பணிபுரிந்த மற்றுமொரு ஊழியரின் தொலைபேசியை திருடிய சம்பவம் பதுளை நகரில் இன்று இடம்பெற்றுள்ளது.

மேற்படி நபர்களுக்கு தொழில்வாய்ப்பு வழங்கப்படும் என ஹோட்டல் உரிமையாளர் உறுதியளித்ததையடுத்து தமக்கு தங்குமிட வசதி இல்லை எனவும் அவர்கள் கூறியுள்ளனர்.

இதனையடுத்து ஹோட்டலின் மேல் மாடியில் அவர்கள், தங்குவதற்கான ஏற்பாடுகள் செய்துகொடுக்கப்பட்டன என்று ஹோட்டல் உரிமையாளர் தெரிவித்துள்ளார்.

ஆடை மாற்றிவிட்டு வருவதாக கூறி, மேல்மாடிக்கு சென்ற இருவரும், திட்டமிட்ட அடிப்படையிலேயே இந்த திருட்டுச் சம்பவத்தில் ஈடுபட்டுள்ளனர் எனவும் அவர் கூறியுள்ளார்.

சுமார் 20 ஆயிரம் ரூபா பெறுமதியான தொலைபேசியே இவ்வாறு களவாடப்பட்டுள்ளது என பொலிஸ் முறைப்பாட்டில் தெரிவிக்கப்பட்டுள்ளது. இருவர் தொடர்பான காட்சிகள் ஹோட்டலில் பொருத்தப்பட்டிருந்த சி.சி.ரீ.வி. கமராவில் சிக்கியுள்ளன.

இலங்கையிலிருந்து வலுக்கட்டாயமாக வெளியேற்றப்பட்ட 898 வெளிநாட்டவர்கள்!!

வெளிநாட்டவர்கள்..

இலங்கையில் விசா இன்மை மற்றும் வேறு காரணங்கள் காரணமாக 898 வெளிநாட்டவர்கள் இருந்து நாடு க டத்தப்பட்டுள்ளனர். கடந்தாண்டு நாடு க டத்தப்பட்ட வெளிநாட்டவர்களில் 54 பெண்களும் உள்ளடங்குவதாக ஆய்வில் தெரியவந்துள்ளது.

அவ்வாறு நாடு க டத்தப்பட்டவர்களில் இந்தியர்கள், சீன நட்டவர்களே அதிகமானவர்கள் என தெரியவந்துள்ளது. கடந்த வருடம் இந்திய நாட்டவர்கள் மாத்திரம் 597 பேர் நாடு க டத்தப்பட்டுள்ளனர். இந்நிலையில் நாடு கடத்தப்பட்ட சீனர்களின் எண்ணிக்கை 147 ஆகும்.

பங்களாதேஷ் நாட்டை சேர்ந்த 39 பேரும், பாகிஸ்தான் நாட்டை சேர்ந்த 18 பேரும் நைஜீரியா நாட்டை சேர்ந்த 15 பேரும் பிலிப்பைன்ஸ் நாட்டை சேர்ந்த 11 பேரும் நாடு கடத்தப்பட்டுள்ளனர்.

அவுஸ்திரேலியா செல்ல காத்திருந்த மகனின் அதிர்ச்சிகர முடிவு : க ண்ணீருடன் தந்தை வெளியிட்ட தகவல்!!

மகனின் அதிர்ச்சிகர முடிவு..

கடந்த வாரம் மத்திய வங்கி கட்டடத்தில் இருந்து கு தித்து உ யிரிழந்த சி றுவன் பட்டப்படிப்பிற்காக அவுஸ்திரேலியா செல்ல காத்திருந்ததாக அவரது தந்தை தெரிவித்துள்ளார்.

மத்திய வங்கியின் உயர் அதிகாரியின் மகன் ஒருவரே கடந்த வாரம் த ற்கொ லை செய்துக் கொண்டார். மகனின் இ றப்பு தொடர்பில் க ண்ணீருடன் கருத்து வெளியிட்ட தந்தை,

“எனது மகன் காதல் தொடர்புகள் எதுவும் கொண்டிருக்கவில்லை. அப்படி இருந்தால் நிச்சயம் என்னிடம் கூறியிருப்பார். மகன் குடுபத்துடன் மிகவும் அன்பாக நடந்துக் கொள்ளும் ஒருவர். எதனையும் மறைக்க மாட்டார்.

சம்பவ தினத்தன்று என்னை பார்க்க வந்தார். நான் அலுவலகத்தில் காத்திருக்குமாறு கூறிவிட்டு கூட்டம் ஒன்றிற்கு சென்றுவிட்டேன். எனினும் ஏன் இந்த முடிவிற்கு மகன் வந்தார் என்பது எங்களுக்கு இன்னமும் புரிய வில்லை.

மிகவும் அன்பான இரக்க குணமுடைய மகனின் நினைவுகளால் மீண்டு வர முடியவில்லை. அவர் அவுஸ்திரேலியாவில் பட்டப்படிப்பு மேற்கொள்வதற்கு நாட்களை எண்ணிக் கொண்டிருந்தார். எனினும் திடீர் ம ரணம் அ திர்ச்சியை ஏற்படுத்தியுள்ளது.

நாம் எங்களது பிள்ளைகளுக்கு எங்கள் நேரத்தை அதிகமாக வழங்க வேண்டும் என நான் நினைக்கின்றேன். நாங்கள் அவர்களின் மனதில் என்ன உள்ளது என அறிய தவறுவதே நாங்கள் செய்யும் தவறாகும்.

பிள்ளைகளுக்கு அதிக அக்கறை செலுத்தி அவர்களின் மணங்களை புரிந்துக் கொள்ள வேண்டும்” என அவர் மேலும் தெரிவித்துள்ளார்.

வவுனியா குருமன்காடு பகுதியில் பேரூந்துடன் மோதுண்டு வான் விபத்து!!

விபத்து..

வவுனியா மன்னார் பிரதான வீதியில் குருமன்காடு பகுதியில் இன்று (29.02.2020) மதியம் 12.30 மணியளவில் பேரூந்துடன் வான் மோதுண்டு விபத்துக்குள்ளானது.

குருமன்காடு பகுதியில் அமைந்துள்ள பொலிஸ் காவல் அரணுக்கு அருகாமையில் இடம்பெற்ற இவ் விபத்துச் சம்பவம் தொடர்பில் மேலும் தெரியவருகையில்,

வீதி ஒரத்தில் தரித்து நின்ற வான் வீதிக்கு ஏற முற்பட்ட சமயத்தில் வவுனியா மன்னார் பிரதான வீதியூடாக வவுனியா நோக்கி பயணித்துக்கொண்டிருந்த தனியார் பேரூந்துடன் மோதுண்டு விபத்துக்குள்ளானது.

இவ் விபத்தில் யாருக்கும் காயம் ஏற்படவில்லை என்பதுடன் பேரூந்தும் வானும் பகுதியளவில் சேதமடைந்துள்ளன.

சம்பவ இடத்திற்கு விரைந்த வவுனியா போக்குவரத்து பொலிஸார் விபத்து தொடர்பான மேலதிக விசாரணைகளை மேற்கொண்டு வருகின்றனர்.

வவுனியா கோவில்குளம் அருள்மிகு ஸ்ரீதேவி பூ தேவி சமேத ஸ்ரீ மகா விஷ்ணு ஆலய நுழைவாயில் வளைவு திறப்பு!

வவுனியா கோவில்குளம் அருள்மிகு ஸ்ரீதேவி பூ தேவி சமேத ஸ்ரீ மகா விஷ்ணு தேவஸ்தானம் ஆலய நுழைவாயில் வளைவு திறப்பு விழா கடந்த 26 ஆம் திகதி நடைபெற்றது.

வன்னிமாவட்ட பாராளுமன்ற உறுப்பினர் சாள்ஸ் நிர்மலநாதனின் குறித்தொதுக்கப்பட்ட நிதியில் (1.6 மில்லியன் ரூபாய் செலவில் ) நிர்மானிக்கப்பட்ட  நுழைவாயில் வளைவு  பாராளுமன்ற உறுப்பினரால்  வைபவ ரீதியாக  திறந்து வைக்கப்பட்டது .

கொரோனா வைரஸ் SARS ஐ விட 1000 மடங்கு மோசமானது : விஞ்ஞானிகள் எ ச்சரிக்கை!!

கொரோனா வைரஸ்..

கொரோனா வைரஸ் SARS ஐ விட 1,000 மடங்கு அதிகமான தொற்றுநோயாக இருக்கக்கூடும் என விஞ்ஞானிகள் எச்சரிக்கை விடுத்துள்ளனர்.

COVID-19 இன் பரவல் 2002/3 இல் SARS வெ டித்த அதே பாதையை பின்பற்றும் என்று நிபுணர்கள் ஆரம்பத்தில் கருதினர், ஏனெனில் வைரஸ்கள் மரபணு ரீதியாக கிட்டத்தட்ட ஒரே மாதிரியாக இருக்கின்றன.

ஆனால் மனித உடலில் உள்ள உயிரணுக்களுடன் இது பிணைக்கும் விதம் எச்.ஐ.வி மற்றும் எபோலா போன்ற மிகவும் ஆக்கிரோஷமான நோய்களுக்கு ஒத்ததாக இருப்பதை அவர்கள் தற்போது கண்டுபிடித்துள்ளனர்.

இது SARS ஐ விட ‘100 முதல் 1,000 மடங்கு’ மக்களைப் பாதிக்கும் திறனைக் கொண்டுள்ளது என்று வடக்கு சீனாவின் தியான்ஜினில் உள்ள நங்கை பல்கலைக்கழக ஆராய்ச்சியாளர்கள் தெரிவிக்கின்றனர்.

SARS, அல்லது க டுமையான சுவாச நோய்க்குறி, உலகளவில் 8,000 பேரை பாதித்தது மற்றும் 2002 ஆம் ஆண்டில் மட்டும் 774 பேரைக் கொன்றது.

ஆனால் தற்போதைய கொரோனா வைரஸ் இரண்டு மாதங்களுக்குள்ளாக ஏற்கனவே கிட்டத்தட்ட 3,000 பேரைக் கொ ன்றது மற்றும் 82,000 நோயாளிகள் நோயால் பாதிக்கப்பட்டுள்ளனர் என விஞ்ஞானிகள் தெரிவிக்கின்றனர்.

கொரோனா வைரஸ் தீவிரம் : வெளிநாடுகளில் உள்ள இலங்கையர்களை பா துகாக்க நடவடிக்கை!!

கொரோனா வைரஸ்

புதிய கொரோனா வைரஸ் என்ற திட்டத்திற்குள் ஐரோப்பா, மத்திய கிழக்கு மற்றும் கிழக்கு ஆசிய வலயத்தில் வாழும் இலங்கையர்களின் பா துகாப்பை உறுதிப்படுத்த அரசாங்கம் நடவடிக்கை எடுத்துள்ளது.

அந்த வகையில், கொரோனா பரவியுள்ள நாடுகளில் வாழும் இலங்கையர்கள் எவருக்கும் இந்த வைரஸ் தொற்று ஏற்படவில்லை என்பது தெரியவந்துள்ளது.

இந்த நாடுகளில் உள்ள இலங்கை தூதுக் குழுவினரினால் இவர்களின் பா துகாப்பு மற்றும் சேமநலனுக்காக முன்னெடுக்கப்பட்டுள்ள நடவடிக்கைகள் தொடர்பில் பதில் வெளிநாட்டு அலுவல்கள் அமைச்சரினால் அமைச்சரவைக்கு அறிவிக்கப்பட்டுள்ளது.

இதேபோன்று ஏற்படக்கூடிய நிலைமைகள் தொடர்பில் தவறாது தேவையான நடவடிக்கைகளை மேற்கொள்ளக்கூடிய வகையில் வெளிநாட்டு தொடர்புகள் அமைச்சரினால் இந்த நடவடிக்கைகள் குறித்து உன்னிப்பான க ண்காணிப்பு தொடர்ந்தும் முன்னெடுக்கப்படுவதாக அமைச்சர் சமர்ப்பித்த தகவல்களை அமைச்சரவை கவனத்தில் கொண்டுள்ளது.

கல வரத்தால் நின்றுபோன இந்துப் பெண்ணிற்கு திருமணம் நடத்தி வைத்த இஸ்லாமியர்கள்!!

நெகிழ்ச்சி சம்பவம்

டெல்லியில் இரு கு ழுவினருக்கு இடையே நடைபெற்ற க லவரத்தால் நின்றுபோன இந்து பெண்ணின் திருமணத்தை இஸ்லாமியர்கள் நடத்தி வைத்துள்ள சம்பவம் நெகிழ்ச்சியை ஏற்படுத்தியுள்ளது.

வடகிழக்கு டெல்லியில் முஸ்லிம்கள் அதிகம் வசித்து வரும் பகுதியை சேர்ந்த சாவித்ரி பிரசாத் (23) என்பவருக்கு, கடந்த 24ம் திகதியன்று திருமணம் நடத்த நிச்சயிக்கப்பட்டிருந்தது.

ஆனால் குடியுரிமை சட்டதிருத்தத்தை எ திர்த்து ஞாயிற்றுக்கிழமை நடைபெற்ற பேரணியின் போது, இரு தரப்பினருக்கிடையே ஏற்பட்ட மோ தல் க லவரமாக மாறியது.

இந்த சம்பவத்தில் 38 பேர் உ யிரிழந்ததோடு, நூற்றுக்கும் அதிகமானோர் ப டுகாயமடைந்தனர். ஆயிரக்கணக்கான கடைகள் எரிந்து நாசமாகின.

இந்த சம்பவத்தால் திருமணத்தை தள்ளி வைக்குமாறு மணமகனின் குடும்பத்தினர் அ ழுத்தம் கொடுத்தனர். இதனால் மருதாணி வைத்து திருமணத்திற்கு ஆசையுடன் தயாராக இருந்த சாவித்ரி, வீட்டில் அ ழுதுகொண்டே இருந்துள்ளார்.

ஆனால் நிலைமை மோ சமாகிக்கொண்டே இருந்ததால், செவ்வாய்க்கிழமை நடக்கவிருந்த திருமணம் நடக்கவில்லை. திருமணம் செவ்வாய்க்கிழமைக்கு பதிலாக புதன்கிழமை மாற்றப்பட்டது.

இருப்பினும், ஊ ரடங்கு உத்தரவு மற்றும் பெரும்பாலான சந்தை இடங்கள் மூடப்பட்டிருந்ததால் மணமகனும் அவரது உறவினர்களும் மணமகளின் திருமணத்திற்கு வருவது மிகவும் ஆ பத்தானது. எனவே சாவித்திரியின் தந்தை திருமணத்தை மேலும் ஒத்திவைக்க முடிவு செய்தார்.

சாவித்ரியின் குடும்ப அவலநிலை குறித்து அக்கம் பக்கத்திலுள்ள முஸ்லிம்களுக்குத் தெரிய வந்ததும், மணமகனின் குடும்பத்தினர் மற்றும் அவர்களுடைய உறவினர்களுக்கு பா துகாப்பு கொடுப்பதாக உறுதியளித்து திருமணத்தை நடத்துமாறு கேட்டுக்கொண்டனர்.

அதன்படி அக்கம்பக்கதை சேர்ந்த முஸ்லிம்கள் அனைவரும் ஒன்றுகூடி, சாவித்ரிக்கு புதன்கிழமையன்று திருமணம் செய்து வைத்துள்ளனர்.

வவுனியா வடக்கில் நடமாடும் நீதிமன்றம் : பிரதேச அபிவிருத்தி குழுக்கூட்டத்தில் முடிவு!!

நடமாடும் நீதிமன்றம்..

மாதத்தில் இரண்டு தடவை வவுனியா வடக்கில் நடமாடும் நீதிமன்ற நடவடிக்கையை முன்னெடுக்க பிரதேச அபிவிருத்தி குழுக்கூட்டத்தில் தீர்மானம் நிறைவேற்றப்பட்டுள்ளது.

வவுனியா வடக்கு உதவிப் பிரதேச செயலாளர் த.தர்மேந்திராவின் ஒழுங்குப்படுத்தலில் மாவட்ட அபிவிருத்தி குழுத் தலைவர் தர்மபால செனவிரட்ன தலைமையில் வவுனியா வடக்கு பிரதேச அபிவிருத்தி குழுக்கூட்டம் இன்று பிரதேச செயலக மாநாட்டு மண்டபத்தில் நடைபெற்றிருந்தது.

இதன்போது முன்னர் வவுனியா வடக்கு, நெடுங்கேணிப் பகுதியில் நடமாடும் நீதிமன்றம் இயங்கியது. ஆனால் யு த்த நடவடிக்கைகள் காரணமாக அது பின்னர் கைவிடப்பட்டிருந்தது.

இந்த நிலையில் மாதத்தில் இரண்டு நாட்கள் வவுனியா வடக்கில் நடமாடும் நீதிமன்றத்தை ஏற்படுத்தி தருமாறு கிராம மட்ட பொது அமைப்புக்கள் உதவிப் பிரதேச செயலாளரின் கவனத்திற்கு கொண்டு வந்திருந்தனர்.

இதனை குறித்த அபிவிருத்தி குழுக்கூட்டத்தில் தீர்மானத்திற்காக முன்வைத்த போது இது தொடர்பான கருத்துக்களை ஏற்றுக்கொண்ட அபிவிருத்தி குழுத்தலைவர் மற்றும் நாடாளுமன்ற உறுப்பினர் சிவசக்தி ஆனந்தன் வவுனியா வடக்கில் நடமாடும் நீதிமன்றத்தை அமைப்பதற்கான அனுமதியை வழங்கியதுடன், அது ஏகமனதான தீர்மானமாக நிறைவேற்றப்பட்டது.

இந்த தீர்மானத்தின் அடிப்படையில் உதவிப் பிரதேச செயலாளர் குறித்த விடயம் தொடர்பில் வவுனியா மாவட்ட நீதிபதிகளுடன் பேசி விடயத்தை முன் நகர்த்துவதற்கான நடவடிக்கைகளை எடுக்குமாறு தெரிவிக்கப்பட்டது.

வெளிநாடுகளில் பணியாற்றும் இலங்கையர்களுக்கு மகிழ்ச்சியான அறிவிப்பு!!

வெளிநாடுகளில் பணியாற்றும்..

வெளிநாடுகளில் பணியாற்றும் இலங்கையர்களுக்கு ஓய்வூதிய திட்டத்தை நடைமுறைப்படுத்த அரசாங்கம் தீர்மானித்துள்ளதாக தெரிவிக்கப்பட்டுள்ளது.

அமைச்சர் பந்துல குணவர்த்தன இந்த விடயத்தை அறிவித்துள்ளார். நாட்டுக்கு பாரிய வருமானத்தை பெற்றுக்கொடுக்கும் சுமார் 10 லட்சம் பேர் வெளிநாடுகளில் பணியாற்றி வருகின்றனர்.

இவர்களுக்கு வெளிநாடுகளில் உள்ள வேலைக்கொள்வோருடன் கலந்துரையாடி ஓய்வூதிய திட்டத்தை முன்னெடுக்க அரசாங்கம் எதிர்ப்பார்ப்பதாக அமைச்சர் குறிப்பிட்டுள்ளார்.

கொரோனா வைரஸ் குறித்து உலக சுகாதார மையம் விடுத்துள்ள அதி உச்ச எச்சரிக்கை!!

கொரோனா வைரஸ்..

கொரோனா வைரஸ் தொடர்பில் உலக சுகாதார மையம் அதி உச்ச எச்சரிக்கையை விடுத்துள்ளது. இந்த தொற்றினால் ஈரானில் மாத்திரம் 210 பேர் ப லியாகியுள்ள நிலையிலேயே உலக சுகாதார மையம் இந்த எச்சரிக்கையை விடுத்துள்ளது.

ஏற்கனவே சீனாவில் இந்த தொற்றினால் 2500க்கும் மேற்பட்டவர்கள் இறந்துள்ளனர். அத்துடன் புதிதாக பலர் இந்த தொற்றுக்கு உள்ளாகியிருப்பதாக தெரிவிக்கப்பட்டுள்ளது. இந்த நோய் தா க்கத்தினால் சர்வதேச நாடுகளில் பங்கு சந்தைகளில் பாரிய இழப்பு ஏற்பட்டுள்ளதாக அறிவிக்கப்பட்டுள்ளது.

இதேவேளை கொரோனா வைரஸினால் பாதிக்கப்பட்டுள்ள இத்தாலியில் இருந்து நாடு திரும்பிய இரண்டு இலங்கையர்கள் நேற்று அங்கொட தொற்று நோய் மருத்துவமனையில் அனுமதிக்கப்பட்டுள்ளனர்.