இந்தியாவின் தெலுங்கான மாநிலத்தில் 15 நாட்களுக்குள் அடுத்தடுத்து ஒரே குடும்பத்தைச் சேர்ந்த நான்கு வெவ்வேறு தலைமுறையினர் டெங்கு நோயால் பாதிக்கப்பட்டு உ யிரிழந்த சம்பம் பெரும் சோகத்தை ஏற்படுத்தியுள்ளது.

புதன்கிழமை 30ம் திகதி செகந்திராபாத்தில் உள்ள யசோதா மருத்துவமனையில் டெங்கு நோயால் 29 வயதான சோனி என்ற பெண் உ யிரிழந்தை அடுத்து இச்சம்பவம் வெளிச்சத்திற்கு வந்துள்ளது.

மஞ்சேரியல் மாவட்டத்தைச் நிறைமாத கர்ப்பிணி பெண் சோனி, பிரசவத்திற்காக கடந்த 28ம் திகதி மருத்துவமனையில் அனுமதிக்கப்பட்டுள்ளார். அவருக்கு செவ்வாய்க்கிழமை 28ம் திகதி ஆண் குழந்தை பிறந்துள்ளது.

துரதிர்ஷ்டவசமாக, குழந்தை தான் அந்த குடும்பத்தில் உயிருடன் இருக்கும் ஒரே உறுப்பினர். புதன்கிழமை தனது தாயின் உ டலை உறவினர்கள் மஞ்சேரியலுக்கு எடுத்துச் சென்ற நிலையில் குழந்தை அவர்களிடம் ஒப்படைக்கப்பட்டுள்ளார்.

கடந்த அக்டோபர் 16ம் திகதி டெங்குவால் பாதிக்கப்பட்ட சோனியின் கணவர் குடிமல்ல ராஜகட்டு, மருத்துவமனையில் சிகிச்சை பெற்று வந்த நிலையில் குடும்பத்தில் முதல் நபராக டெங்குவிற்கு ப லியானார்.

இந்த துக்கத்திலிருந்து குடும்பம் மீளாத நிலையில், ராஜகட்டின் தாத்தா 70 வயதான Lingaiah-வும் டெங்குவால் பாதிக்கப்பட்டுள்ளார். அக்டோபர் 20ம் திகதி Lingaiah ப ரிதாபமாக வீட்டிலேயே உ யிரிழந்தார்.

டெங்கு நோய் சோனியையும், அவரின் 5 வயதான மகள் வர்ஷினியையும் விட்டு வைக்கவில்லை. அக்டோபர் 27ம் திகதி தீபாவளி அன்று டெங்கு நோயால் பாதிக்கப்பட்ட வர்ஷினி, மருத்துவமனைக்கு கொண்டு செல்லப்பட்ட நிலையில் பரிதாபமாக உ யிரிழந்துள்ளார்.

இதனையடுத்து, பிரசவத்திற்காக 28ம் திகதி மருத்துவமனையில் அனுமதிக்கப்பட்ட நிறைமாத கர்ப்பிணி சோனிக்கும் டெங்கு பாதிப்பு இருப்பது கண்டறியப்பட்டது அதிர்ச்சியை ஏற்படுத்தியுள்ளது.

29ம் திகதி ஆண் குழந்தை ஈன்ற சோனி, 30ம் திகதி ப ரிதாபமாக உ யிரிழந்துள்ளார். ஒட்டுமொத்த குடும்பமும் டெங்கு நோயால் உ யிரிழந்துள்ள நிலையில்.

டெங்கு நோயை ஏற்படுத்தும் கொசுக்கள் இனப்பெருக்கம் செய்யும் தேங்கி நிற்கும் நீர், அவர்களது வீட்டிற்கு அருகில் எங்காவது அமைந்திருக்க வேண்டும் என்று சுகாதார அதிகாரிகள் சந்தேகிக்கின்றனர். மேலும், தண்ணீரின் மாதிரிகள் அதிகாரிகளால் சேகரிக்கப்பட்டு சோதனைக்கு அனுப்பப்பட்டுள்ளது.

விழிப்புணர்வை ஏற்படுத்திய சுர்ஜித்

தமிழகத்தின் பல்லடத்தில் இலங்கை தமிழர்கள் வாழும் முகாம் பகுதியில் கவனிப்பாரற்றுக் கிடந்த 2 ஆழ்துளை கிணறுகளை சமூக ஆர்வலர்கள் தாமாகவே முன்வந்து மூடியுள்ளனர்.

திருச்சி மாவட்டத்தின் நடுக்காட்டுபட்டியை சேர்ந்த குழந்தை சுர்ஜித் ஆழ்துளை கிணற்றில் விழுந்து உ யிரிழந்ததை தொடர்ந்து தமிழகம் முழுவதும் பயனற்று கிடக்கும் ஆழ்துளை கிணறுகளை மூடவேண்டும் என அரசு அறிவித்திருந்தது.

இதோடு சுர்ஜித்தின் ம ரணம் பலருக்கும் ஆழ்துளை கிணற்றை மூட வேண்டும் என்ற விழிப்புணர்வையும் ஏற்படுத்தியுள்ளது.

இதையடுத்து திருப்பூர் அடுத்த பல்லடம் அருகே இலங்கை தமிழர்கள் வசிக்கும் முகாம் பகுதியில் கவனிப்பாரற்றுக் கிடந்த 2 ஆழ்துளை கிணறுகளை சமூக ஆர்வலர்கள் தாமாகவே முன்வந்து மூடினர்.

இதேபோல் காங்கயம், தொட்டிபட்டி, சகாயபுரம், காந்திபுரம் ஆகிய பகுதிகளில் ஆழ்துளை கிணறுகள் மூடப்படாமல் உள்ளதாக அப்பகுதி பொதுமக்கள் புகார் தெரிவித்துள்ளனர்.

இது தொடர்பாக திருப்பூர் மாவட்ட பேரிடர் மேலாண்மை துறை தாசில்தார் கூறுகையில், திருப்பூர் ஆட்சியர் விஜயகார்த்திகேயன் அறிவுறுத்தலின் பேரில் மாவட்டம் முழுவதும் அனைத்து ஊராட்சிகளிலும் கைவிடப்பட்ட அல்லது பயன்படுத்தாமல் உள்ள ஆழ்துளை கிணறுகளை கணக்கெடுக்கும் பணி தொடங்கியுள்ளது. அந்த ஆழ்துளை கிணறுகளை மூடுவதற்கான நடவடிக்கை எடுக்கப்படும் என கூறியுள்ளார்.

கண்கலங்க வைக்கும் புகைப்படம்

தமிழகத்தில் சுர்ஜித் என்ற இரண்டு வயது சிறுவன் ஆழ்துளை கிணற்றில் விழுந்து ப லியான சம்பவம் தமிழகத்தை உலுக்கிய நிலையில், தற்போது சிறுவனின் பெற்றோர் செய்த செயலின் புகைப்படம் சமூகவலைத்தளங்களில் வைரலாகி பார்ப்போரை கண்கலங்க வைத்துள்ளது.

திருச்சி மணப்பாறையை அடுத்த நடுக்காட்டுப்பட்டியில் கடந்த 25ஆம் திகதி மாலை அவரது வீட்டு தோட்டத்தில் விளையாடிக் கொண்டிருந்த 2 வயது குழந்தை சுர்ஜித் அங்கிருந்த மூடப்படாத ஆழ்துளை கிணற்றில் விழுந்தது.

இதனால் அந்த குழந்தையை மீட்க கடந்த 4 நாட்களாக பல்வேறு முயற்சிகள் எடுக்கப்பட்டன. ஆனால் இந்த நடவடிக்கைகள் எதுவும் பலனளிக்காத நிலையில், நேற்று முன் தினம் அதிகாலை உ யிரிழந்த நிலையில் மீட்டனர்.

அந்த குழந்தையின் உ டல் அழுகி சிதிலமடைந்திருப்பதால் உடனே பி ரேத பரிசோதனை செய்யப்பட்டு பெற்றோரிடம் ஒப்படைக்கப்பட்டது.

இந்நிலையில் நேற்றிலிருந்து சுர்ஜித்தின் பெற்றோர் புகைப்படம் ஒன்று சமூகவலைத்தளங்களில் வைரலாகி வருகிறது. அதில் சுர்ஜித் விழுந்து இ றந்த ஆழ்துளை கிணற்றிற்கு மாலை வைத்து, தாய் மற்றும் தந்தை வேதனையுடன் உள்ளனர்.

இதைக் கண்ட இணைவாசிகள் சிலர் வேதனையான கமெண்ட்களை பதிவேற்றம் செய்து வருகின்றனர். அதில் ஒருவர் தாய்க்கு தெரியும் தன் மகன் எங்கே புதைக்கப்பாட்டான் என்று குறிப்பிட்டுள்ளார்.

நித்தீஷ்

தமிழகத்தில் ஆழ்துளை கிணற்றில் விழுந்து உ யிரிழந்த சுர்ஜித்தின் புகைப்படத்துக்கு பதிலாக நித்திஷ் என்ற குழந்தையின் புகைப்படம் அதிகம் பகிரப்படுவதால் அவரது பெற்றோர் வேதனை அடைந்துள்ளனர்.

திருச்சி மணப்பாறையை அடுத்த நடுக்காட்டுப்பட்டியில் கடந்த 25-ஆம் திகதி மாலை சுர்ஜித் என்ற 2 வயது குழந்தை ஆழ்துளை கிணற்றில் விழுந்தான்.

அவனை உயிருடன் மீட்க பல்வேறு கட்ட நடவடிக்கைகள் எடுக்கப்பட்ட போதிலும் நேற்று முன்தினம் ச டலமாகவே மீட்கப்பட்டான்.

இதற்கு முன்னர் சுர்ஜித் உயிருடன் மீட்கப்பட வேண்டும் என்பதற்காக தமிழகம் முழுவதும் பிரார்த்தனைகள் முன்வைக்கப்பட்டன.

இந்நிலையில் சுர்ஜித்துக்கு பதிலாக வேறு ஒரு சிறுவனின் டிக்டாக் வீடியோக்கள் அதிகம் பகிரப்பட்டன.

வேலூர் மாவட்டம் கொல்லமங்களம் பகுதியைச் சேர்ந்தவர் முனிவேல். இவரது மனைவி சுகன்யா. இவர்களுக்கு 2 வயதில் நித்தீஷ் என்ற மகன் உள்ளார்.

இந்த குழந்தை டிக் டாக்கில் நடனம் ஆடும் வீடியோக்கள் சமூக வலைதளங்களில் பரவியது. இதனால் நித்தீஷின் பெற்றோர் வேதனை அடைந்துள்ளனர்.

மேலும் உ யிரோடு இருக்கும் தங்கள் மகனின் புகைப்படம் அதிகம் பகிரப்படுவது வருத்தம் அளிப்பதாக கண்ணீருடன் தெரிவித்துள்ளனர்.

ஒரு வருடத்தில் கசந்த காதல் திருமணம்

காதலித்து திருமணம் செய்துகொண்ட முதல் மனைவி வேறு சமூகத்தை சேர்ந்தவர் என்பதால், அவரை கட்டாயப்படுத்தி விவாகரத்து செய்ய முயற்சித்த ஐபிஎஸ் பயிற்சி அதிகாரி மீது பொலிஸார் வழக்கு பதிவு செய்துள்ளனர்.

ஆந்திராவின் கடப்பா மாவட்டத்தைச் சேர்ந்த மகேஸ்வர ரெட்டி என்பவர் ஹைதராபாத்தின் உஸ்மானியா பல்கலைக்கழகத்தில் படித்துக்கொண்டிருந்த போது, பிருதுலா பவானா என்கிற இளம்பெண்ணுடன் பழக ஆரம்பித்துள்ளார்.

நாளடைவில் நட்பு காதலாக மாறி இருவரும் 9 வருடம் காதலித்து வந்துள்ளனர். ஒரு கட்டத்தில், தலித் சமூகத்தை சேர்ந்த பெண்ணை திருமணம் செய்துகொள்ள தன்னுடைய பெற்றோர் சம்மதிக்க மாட்டார்கள், அதனால் திருமணம் செய்துகொண்டு அதன்பின்னர் வீட்டிற்கு தெரியப்படுத்தலாம் என மகேஸ்வரா கூறியுள்ளார்.

அதற்கு பிருதுலா பவானாவும் சம்மதம் தெரிவித்ததை அடுத்து, வீட்டிற்கு தெரியாமல் ஏப்ரல் 2018ல் இருவரும் திருமணம் செய்துகொண்டு செகந்திராபாத் பத்மராவ் நகரில் ஒன்றாக வாழத் துவங்கியுள்ளனர்.

சிறிது நாட்கள் கழித்து பவானாவின் பெற்றோர் அவர்களுடைய திருமணத்தை ஏற்றுக்கொண்டாலும், மகேஸ்வர ரெட்டி தனது பெற்றோரிடம் திருமணம் குறித்து கூறாமலே இருந்துவந்துள்ளார். பெற்றோரிடம் அறிமுகப்படுத்துமாறு பாவனா கூறும் சமயங்களில் எல்லாம், ஏதேனும் ஒரு காரணம் கூறி உணர்ச்சிவசப்பட்டு மகேஸ்வர ரெட்டி சமாளித்து வந்துள்ளார்.

இதற்கிடையில் ஐபிஎஸ் தகுதி பெற்ற பிறகு, மகேஸ்வர ரெட்டியின் செயல்பாடுகள் முழுவதும் மாறியுள்ளது. தன்னுடைய பெற்றோர் திருமணத்தை ஒருபோதும் ஏற்றுக்கொள்ள மாட்டார்கள் என்றும், ரகசியமாக விவாகரத்து செய்வதற்கு பணம் தருவதாகவும் கூறியிருக்கிறார்.

மேலும் பெற்றோரின் சம்மதத்துடன் அவர்களுடைய சமூகத்தை சேர்ந்த வேறு பெண்ணை திருமணம் செய்ய இருப்பதாகவும் கூறியுள்ளார். இதற்கு பிருதுலா பவானா மறுப்பு தெரிவித்ததால், உடல் ரீதியாகவும் மன ரீதியாகவும் து ன்புறுத்திய மகேஸ்வர ரெட்டி அவரை வீட்டை விட்டு வெளியேற்றியுள்ளார்.

இதனால் ம னமுடைந்த பிருதுலா பவானா செப்டம்பர் மாதம் பொலிஸ் நிலையத்தில் புகார் கொடுத்துள்ளார். இதனை அறிந்துகொண்ட மகேஸ்வர ரெட்டி, தனது பெற்றோருடன் பேசுவதாகவும், திருமணம் குறித்து கூறுவதாகவும் வாக்குக்கொடுத்து பிருதுலாவை மீண்டும் வீட்டிற்கு அழைத்து வந்துள்ளார்.

ஆனால் அடுத்த சில நாட்களில் தன்னுடைய உடமைகளை எடுத்துக்கொண்டு மகேஸ்வரா வீட்டிலிருந்து வெளியேறியுள்ளார். இந்த நிலையில் பிருதுலா கொடுத்த புகாரின் பேரில் பொலிஸார் மூன்று பிரிவுகளின் கீழ் வழக்கு பதிவு செய்துள்ளனர். மேலும், பிருதுலா தன்னுடைய திருமண புகைப்படங்கள் உள்ளிட்டவைகளை சமூகவலைத்தளங்களில் வெளியிட்டு உதவி கேட்டு வருகிறார்.

சுஜித் மீட்புப்பணிக்கு..

திருச்சி மாவட்டம் மணப்பாறை அருகே, ஆழ்துளை கிணற்றில் தவறி விழுந்து ச டலமாக மீட்கப்பட்ட சிறுவனை மீட்பதற்கு செலவான தொகை தொடர்பில் மாவட்ட நிர்வாகம் தகவல் வெளியிட்டுள்ளது.

மணப்பாறை அருகே ஆழ்துளை கிணற்றில் விழுந்த சிறுவன் சுஜித்தை மீட்பதற்கு ரூபாய் 5 லட்சம் செலவானது என திருச்சி மாவட்ட ஆட்சியர் அறிவித்துள்ளார்.

மேலும் மீட்பு பணியின் போது 5,000 லிற்றர் டீசல் மட்டுமே செலவானது எனவும் கூறியுள்ளார். குழந்தையை மீட்க 10 கோடி ரூபாய் செலவானதாக சமூக வலைத்தளங்களில் பரவும் செய்தி உண்மையில்லை எனவும்,

இது குறித்து சமூக வலைத்தளங்களில் தவறான செய்தியை பதிவிடும் நபர்கள் மீது கடும் நடவடிக்கை எடுக்கப்படும் என ஆட்சியர் எச்சரித்துள்ளார்.

கடந்த 25 ஆம் திகதி மாலை மணப்பாறை அருகே ஆழ்துளை கிணற்றில் தவறி விழுந்த சிறுவன் சுஜித்தை மீட்க கடுமையாக போ ராடியும், இறுதியில் 80 மணி நேரத்திற்கு பின்னர் உ டல் சிதைந்த நிலையில் ச டலமாகவே மீட்கபட்டான்.

உடற்கூராய்வுக்கு பின்னர் நேற்று முன்தினம் காலை நல்லடக்கம் செய்யப்பட்டது. இதில் தமிழக அமைச்சர்கள், திமுக தலைவர் மு.க.ஸ்டாலின் மற்றும் பல்வேறு கட்சிகளின் தலைவர்கள்,

பொதுமக்கள் சுஜித்தின் உடலுக்கு மலர்வளையம் வைத்து இறுதி அஞ்சலி செலுத்தினர். மேலும் குழந்தையின் பெற்றோரை நேரில் சந்தித்து, ஆறுதல் கூறினர்.

இந்த நிலையிலேயே சமூக ஊடகங்களில் சுஜித் மீட்புக்கு செலவான தொகை குறித்து தகவல் பரப்பப்பட்டு, பெரும் விவாதம் மேற்கொள்ளப்பட்டு வந்தது.

மழைநீர் சேகரிப்பு தொட்டிக்குள் விழுந்து 3 வயதான ருத்திரன் என்ற குழந்தை உ யிரிழந்த சம்பவம் ஒன்று தமிழகம் விருதுநகரில் இடம்பெற்றுள்ளது.

இந்த சம்பவம் நேற்று இடம்பெற்றுள்ளதாக தமிழக ஊடகங்கள் செய்தி வெளியிட்டுள்ளன. சம்பவம் தொடர்பில் மேலும் தெரியவருவதாவது,

“விருதுநகர் அருகே ஓ.கோவில்பட்டியை சேர்ந்தவர் திருமூர்த்தி. இவர் மனைவி நேத்ராதேவி, மூத்த மகன் கோவிந்தனுடன் ஓ.கோவில்பட்டியில் வசித்து வருகிறார்.

இவரது இளைய மகன் ருத்ரன்(வயது 3) ஒண்டிப்புலிநாயக்கனுாரில் உள்ள தனது தாத்தா மணிகண்டன் வீட்டில் வளர்ந்து வந்தார்.

இந்நிலையில், காலையில் வீட்டின் வெளியே விளையாடி கொண்டிருந்த சிறுவன் வீட்டின் முன் கட்டப்பட்டு வரும் மழைநீர் சேகரிப்பு தொட்டியில் தவறி விழுந்தார்.

மழையால் தொட்டியில் நீர் நிரம்பி இருந்ததால் இதில் மூழ்கினார். ருத்ரனை தேடிய உறவினர்கள் மழைநீர் சேகரிப்பு தொட்டியில் இருப்பதை கண்டனர்.

உடனடியாக மீட்டு ஆமத்துார் ஆரம்ப சுகாதார நிலையத்தில் சேர்த்தனர். அங்கு மூச்சு திணறல் ஏற்பட்டதை அடுத்து விருதுநகர் அரசு மருத்துவமனை கொண்டு சென்றனர்.

எனினும், அதிகப்படியாக தண்ணீர் குடித்ததால் மூச்சுத்திணறல் அதிகமாகி உ யிரிழந்துள்ளார். சம்பவம் தொடர்பில் ஆமத்துார் பொலிஸார் விசாரணைகளை முன்னெடுத்துள்ளனர்.

சிறுவன் உ யிரிழப்பை ஏற்படுத்திய மழைநீர் சேகரிப்பு தொட்டி 5 அடி ஆழம் கொண்டது என தமிழக ஊடகங்கள் வெளியிட்டுள்ள செய்தியில் மேலும் தெரிவிக்கப்பட்டுள்ளது.

இதேவேளை, கடந்த 25ம் திகதி திருச்சி – நடுக்காட்டுப்பட்டி பகுதியில் இரண்டு வயதான சுர்ஜித் என்ற சிறுவன் ஆழ்துளை கிணற்றுக்குள் வீழ்ந்து உ யிரிழந்த சம்பமொன்று பதிவாகியிருந்தமை குறிப்பிடத்தக்கது.