புதிய ரயில் சேவை

நாளை முதல் கொழும்பு கோட்டைக்கும், யாழ்ப்பாணத்திற்கும் இடையில் புதிய ரயில் சோவையில் ஈடுபட இருப்பதாக ரயில்வே திணைக்களம் தெரிவித்துள்ளது. அதற்கு அமைவாக 4081 என்ற இலக்க ரயில் நாளாந்தம் கொழும்பு கோட்டையில் காலை 8.50க்கு புறப்பட்டு யாழ் ரயில் நிலையத்தை 6.31 ற்கு சென்றடையும்.

அத்துடன், 4087 இலக்க ரயில் நாளாந்தம் கொழும்பு கோட்டையில் மாலை 7.15க்கு புறப்பட்டு யாழ் ரயில் நிலையத்தை மறுநாள் காலை 4.20 மணிக்கு சென்றடையும். நாளை முதல் தலைமன்னார் ரயில் நிலையம் வரையில் செல்லும் 4087 என்ற இலக்க தபால் ரயில் பிற்பகுதியில் பயணிகளின் வசதிகருதி 3 ரயில் பெட்டிகள் பயணிகளுக்காக இணைக்கப்பட்டுள்ளன.

இந்த ரயில் பெட்டிகள் அநுராதபுரம் ரயில் நிலையத்தில் அகற்றப்பட்டு 4453 இலக்க ரயிலாக நள்ளிரவு 12.50க்கு அநுராதபுரம் ரயில் நிலையத்தல் இருந்து தலைமன்னார் ரயில் நிலையம் வரையில் பயணிக்கும். நாளை மறுதினம் மன்னார் ரயில் நிலையத்தில் இரவு 7.00 மணிக்கு புறப்படும் 5844 இலக்க ரயில், அநுராதபுரம் ரயில் நிலையத்தில் யாழ்ப்பாணத்தில் இருந்து கொழும்பு கோட்டை வரை செல்லும் 4088 இலக்க இரவு தபால் ரயிலுடன் ஒன்றிணைக்கப்படும்.

நாளை மறுதினம் முதல் யாழ்ப்பாணத்தில் இருந்து கொழும்பு கோட்டை வரையில் புதிய ரயில் ஒன்று சேவையில் ஈடுபடுத்தப்பட இருப்பதாக ரயில்வே திணைக்களம் தெரிவித்துள்ளது. 4082 என்ற இலக்க ரயில் நாளை மறுதினம் முதல் நாளாந்தம் யாழ். ரயில் நிலையத்தில் இருந்து காலை 6.25க்கு புறப்பட்டு மாலை 4.00 மணிக்கு கொழும்பு கோட்டை ரயில் நிலையத்தை வந்தடையும்.

இதே போன்று இலக்கம் 4088 என்ற ரயில் நாளை மறுதினம் முதல் நாளாந்தம் யாழ். ரயில் நிலையத்தில் இருந்து மாலை 6.40க்கு புறப்பட்டு கொழும்பு கோட்டை ரயில் நிலையத்தை காலை 4.00 மணிக்கு வந்தடையும். நாளை மறுதினம் 5845 என்ற இலக்க ரயில் நாளாந்தம் மதவாச்சி ரயில் நிலையத்தில் இருந்து பிற்பகல் 3 மணிக்கு புறப்பட்டு பிற்பகல் 5.15 ற்கு சென்றடையும்.

இடை நிறுத்தப்பட்டிருந்த கண்டியில் இருந்து எல்ல ரயில் நிலையம் வரையிலும், எல்ல ரயில் நிலையத்தில் இருந்து கண்டி ரயில் நிலையம் வரையில் வார இறுதியில் சேவையில் ஈடுபட்டிருந்த 1027/1028 என்ற இலக்க ரயில்கள் எதிர்வரும் 3ம் திகதி தொடக்கம் சேவையில் ஈடுபடும் என்று ரயில்வே நிலையத்தின் பொது முகாமையாளர் தெரிவித்தார்.

தள்ளாடிய இளம் யுவதிகள்

களுத்துறை, அழுத்கம பகுதியிலுள்ள விடுதி ஒன்றில் போ தையில் த ள்ளாடிய இளம் பெண்கள் உட்பட பலர் கைது செய்யப்பட்டுள்ளனர். பேஸ்புக் மூலம் அறிமுகமானவர்கள் ஏற்பாடு செய்த களியாட்ட நிகழ்வில் போ தைப் பொருள் பாவித்தவர்களே கைது செய்யப்பட்டுள்ளனர்.

அழுத்கம பொலிஸாருக்கு கிடைத்த தகவலுக்கமைய இந்த விடுதி சுற்றிவளைக்கப்பட்டுள்ளதாக பொலிஸார் தெரிவித்துள்ளனர். இதன்போது இலங்கையில் த டை செய்யப்பட்ட ஆபத்தான போ தைப் பொருளை தம்வசம் வைத்திருந்த 8 இளைஞர் – யுவதிகள் சிக்கியுள்ளனர்.

அதிகாலை 4 மணியளவில் இந்த விடுதி சுற்றிவளைக்கும் போது அங்கு போ தையில் தள்ளாடிய நிலையில் 30 பேர் காணப்பட்டுள்ளனர். அவர்கள் 19 முதல் 25 வயதுடையவர்கள் தெரியவந்துள்ளது. அவர்களை சோதனையிடும் போது 8 பேரிடம் மிகவும் ஆபத்தான போ தைப் பொருட்கள் காணப்பட்டுள்ள நிலையில் கைது செய்யப்பட்டுள்ளனர்.

கைது செய்யப்பட்ட இளம் பெண்கள் அரைநி ர்வாண கோலத்தில் காணப்பட்டதாக பொலிஸார் குறிப்பிட்டுள்ளனர். அண்மைக்காலமாக இவ்வாறான சமூக சீர்கேடுளை ஏற்படுத்தும் வகையிலான களியாட்ட நிகழ்வுகள் இடம்பெற்று வருவதாகவும், அதில் அதிகளவான இளம் யுவதிகள் பங்கேற்பதாக பொலிஸார் கவலை வெளியிட்டுள்ளனர்.

இவ்வாறான செயற்பாட்டினை இளைஞர்கள் உடனடியாக தவிர்க்க வேண்டும் எனவும், இது குறித்து பெற்றோர் அதிக கவனம் செலுத்த வேண்டும் எனவும் பொலிஸார் கோரிக்கை விடுத்துள்ளனர்.

புதிய வீசா நடைமுறை

இலங்கையில் இன்று முதல் குறிப்பிட்ட சில நாடுகளுக்கு இலவச உள்வருகை வீசா வழங்கும் புதிய நடைமுறை அமுலாகிறது. 48 நாடுகளிலிருந்து இலங்கை வரும் சுற்றுலா பயணிகளுக்கு இலவச உள்வருகை வீசா வழங்கும் நடைமுறையை சுற்றுலாத்துறை அமைச்சு அறிமுகம் செய்துள்ளது.

இதன்மூலம் இலங்கையின் சுற்றுலாத்துறையை பல மடங்கு அதிகரிக்கலாம் என சுற்றுலாத்துறை அமைச்சர் ஜோன் அமரதுங்க நம்பிக்கை வெளியிட்டுள்ளார். இதற்காக அமைச்சரவையில் முன்வைக்கப்பட்ட யோசனைக்கு கடந்த வாரம் அமைச்சரவை அங்கீகாரம் வழங்கியிருந்தது.

அதற்கமைய 2019ஆம் ஆண்டு ஆகஸ்ட் மாதம் முதலாம் திகதி முதல் 6 மாதங்களுக்கு புதிய வீசா நடைமுறை அமுலில் இருக்கும். இந்தத் திட்டம் வெற்றியளிக்கும் பட்சத்தில் மேலும் அதனை பல நாடுகளுக்கு அதிகரிக்க நடவடிக்கை எடுக்கப்படும்.

உயிர்த்த ஞாயிறு தாக்குதலை தொடர்ந்து வீழ்ச்சியடைந்துள்ள சுற்றுலாத்துறையை மீண்டும் அபிவிருத்தி செய்வதற்காக இலவச உள்வருகை வீசா வசதி வழங்க தீர்மானிக்கப்பட்டுள்ளது. புதிய நடைமுறை தொடர்பான அறிமுக நிகழ்வு நேற்று அலரி மாளிகையில் நடைபெற்றது.

இதில் பிரதமர் ரணில் விக்ரமசிங்க மற்றும் அமைச்சர் ஜோன் அமரதுங்க உட்பட பலர் கலந்து கொண்டனர். நிகழ்வில் பிரதானமாக பல நாடுகளின் வெளிநாட்டு தூதுவர்கள் அழைக்கப்பட்டிருந்தமை குறிப்பிடத்தக்கது.

ச ட்டவிரோத க ருக்கலைப்பு

ச ட்டவி ரோதமாக க ருக்கலைப்பு செய்துக்கொண்ட 14 வயதான பாடசாலை மாணவிக்கு ஏற்பட்ட கடும் இ ரத்தபோக்கு காரணமாக அவர், இன்று காலை சிலாபம் வைத்தியசாலையில் அனுமதிக்கப்பட்டுள்ளதாக பள்ளம பொலிஸார் தெரிவித்துள்ளனர்.

இந்த மாணவியின் தாய், வெளிநாட்டில் தொழில் புரிந்து வருகிறார். இந்நிலையில் குறித்த மாணவி தந்தை மற்றும் சகோதரருடன் வீட்டில் வசித்து வருகிறார். இந்த மாணவி , இளைஞன் ஒருவரை காதலித்து வந்துள்ளதாக தகவல்கள் கிடைத்துள்ளதாக பொலிஸார் தெரிவித்துள்ளனர்.

க ருக்கலைப்பு சம்பந்தமாக சந்தேகத்தின் பேரில் இரண்டு பேரை பொலிஸார் கைது செய்துள்ளனர். பள்ளம பொலிஸார் சம்பவம் குறித்து மேலதிக விசாரணைகளை மேற்கொண்டு வருகின்றனர். க ருக்கலைப்பு இலங்கையில் ச ட்டவிரோ தமானது என்பது குறிப்பிடத்தக்கது.