ஐஸ் மழை

பொலன்நறுவை மாவட்டத்தில் கடந்த ஆறு மாதங்களாக இருந்து வந்த வறட்சி மற்றும் வறட்சியான காலநிலை முடிவுக்கு வந்துள்ளதுடன் இன்று மழை பெய்துள்ளது.

வெலிகந்தை மற்றும் அதனை அண்மித்த பகுதிகளில் ஐஸ் மழை பெய்ததாக பிரதேசவாசிகள் தெரிவித்துள்ளனர். இதற்கு முன்னர் மன்னம்பிட்டி பகுதியிலும் ஐஸ் மழை பெய்துள்ளது.

பொலன்நறுவையில் கடந்த ஆறு மாதங்களாக நிலவிய வறட்சி காரணமாக விவசாயிகள் பாதிக்கப்பட்டனர். அத்துடன் மாவட்டத்தின் பல பகுதிகளில் குடிநீருக்கும் தட்டுப்பாடு நிலவியது.

நீதிபதி இளஞ்செழியனின் உத்தரவு

நான்கு வயது சிறுமியை துஷ் பிரயோகம் செய்த குற்றவாளிக்கு 7 வருட கடூழிய சி றைத்த ண்டனை வழங்குமாறு திருகோணமலை மேல் நீதிமன்றம் உத்தரவிட்டுள்ளது. திருகோணமலை மேல் நீதிமன்ற நீதிபதி மாணிக்கவாசகர் இளஞ்செழியன் முன்னிலையில் இன்று இவ்வழக்கு விசாரணைக்கு எடுத்துக் கொள்ளப்பட்ட போதே இவ்வுத்தரவு பிறப்பிக்கப்பட்டுள்ளது.

இவ்வாறு கடூழிய சிறைத் தண்டனை வழங்கப்பட்டுள்ளவர் சேருநுவர சிரிதுவ பகுதியைச் சேர்ந்த 32 வயதுடைய நாகஸ்கெதர துஷார மனோஜ் எனவும் தெரியவருகின்றது. திருகோணமலை, சேருநுவர பொலிஸ் பிரிவுக்குட்பட்ட சிறிதுவ பகுதியில் தன் மனைவியின் முதல் கணவருடைய நான்கு வயது சிறுமியை பா லியல் துஷ் பிரயோகம் செய்த குற்றச்சாட்டின் பேரில் இவருக்கு எதிராக வழக்கு இடம்பெற்றுக் கொண்டிருந்தது.

இந்நிலையில் இவ்வழக்கு இன்று விசாரணைக்கு எடுத்துக் கொள்ளப்பட்ட போது நான்கு வயது சிறுமியை துஷ் பிரயோகம் செய்தமைக்காக 7 வருட கடூழிய சிறை தண்டனை வழங்குமாறும், 3000 ரூபாய் தண்டம் செலுத்துமாறும் அப்பணத்தை செலுத்தத் தவறும் பட்சத்தில் ஒரு மாத கால கடூழிய சிறை தண்டனை வழங்குமாறும் நீதிமன்றம் உத்தரவிட்டுள்ளது.

இதேவேளை பாதிக்கப்பட்ட சிறுமிக்கு ஒரு இலட்சம் ரூபாய் நஷ்ட ஈடு செலுத்துமாறும், அதனை செலுத்தத் தவறும் பட்சத்தில் ஒரு வருட கடூழிய சிறைத் தண்டனை வழங்குமாறும் திருகோணமலை மேல் நீதிமன்ற நீதிபதி மாணிக்கவாசகர் இளஞ்செழியன் உத்தரவிட்டுள்ளார்.

களியாட்ட விடுதி

கொழும்பின் புறநகர் பகுதியொன்றில் செயற்பட்ட விடுதியில் இளைஞர், யுவதிகள் 12 பேர் கைது செய்யப்பட்டுள்ளனர். தலவத்துகொட இரவு நேர விடுதியில் சுற்றி வளைத்து பொலிஸார், அங்கு ஆபாச செயற்பாட்டில் இளைஞர் – யுவதிகளை செய்துள்ளனர்.

பேஸ்புக் ஊடாக அறிமுகமான நண்பர்கள் ஒன்றாக களியாட்ட நடவடிக்கையில் ஈடுபட்டிருந்த நிலையில் கைது செய்யப்பட்டுள்ளனர். இவர்கள் இதற்கு முன்னர் பல முறை களியாட்ட நடவடிக்கையில் ஈடுபட்டுள்ளதாக பொலிஸார் தெரிவித்துள்ளனர்.

குறித்த சந்தேக நபர்களை கைது செய்யும் போது அவர்களிடம் பெருந்தொகை போதைப்பொருள் கண்டுபிடிக்கப்பட்டுள்ளது. கைது செய்யப்பட்ட அனைவரும் 25 வயதிற்கு குறைந்தவர்கள் எனவும், நொச்சியாகம, இரத்தினபுரி மற்றும் இங்கிரிய பிரதேசத்தை சேர்ந்தவர்கள் எனவும் பொலிஸார் தெரிவித்துள்ளனர். கைது செய்யப்பட்டவர்கள் நீதிமன்றத்தில் ஆஜர்படுத்த பொலிஸார் நடவடிக்கை எடுத்துள்ளனர்.

காணாமல் போன யுவதி

யட்டியாந்தோட்ட மீகஹவெல்ல பகுதியில் உள்ள யுவதி ஒருவர், களனி கங்கைகையில் நீராட சென்று காணாமல் போன நிலையில் சட லமாக மீட்கப்பட்டுள்ளார்.

குறித்த யுவதி இன்று காலை சட லமாக மீட்கபட்டதாக பொலிஸார் தெரிவித்துள்ளனர். நேற்று மாலை குறித்த யுவதி நீராட சென்ற நிலையில் காணாமல் போயிருந்தார்.

இதனையடுத்து தேடுதல் நடவடிக்கை மேற்கொண்டிருந்த போதிலும் யுவதி கிடைக்கவில்லை. இந்நிலையில், இன்று காலை கடற்படையினர் மற்றும் பொது மக்கள் இணைந்து மேற்கொண்ட தேடுதல் நடவடிக்கையின் போது யுவதி சட லமாக மீட்கப்பட்டுள்ளார்.

யட்டியாந்தோட்ட மீகஹவெல்ல பகுதியை சேர்ந்த 18 வயதுடைய ஜோன் ஞானமேரி என்ற யுவதியே இவ்வாறு சட லமாக மீட்கப்பட்டுள்ளதாக பொலிஸாரின் ஆரம்பகட்ட விசாரனைகளில் இருந்து தெரியவந்துள்ளது.

சட லம் பிரேத பரிசோதனைகளுக்காக வைத்தியசாலையில் வைக்கப்பட்டுள்ள நிலையில், சம்பவம் தொடர்பில் பொலிஸார் மேலதிக விசாரணைகளை மேற்கொண்டுள்ளனர்.

இலங்கையில் தரையிறக்கப்பட்ட வெளிநாட்டு விமானம் தொடர்பில் சர்ச்சைக்குரிய தகவல்கள் வெளியாகி உள்ளன. இலங்கையின் நிலப்பரப்பை ஆய்வு செய்யும் நோக்கில் இந்த விமானம் இலங்கை ஊடாக இந்தியா பயணிக்க ஏற்பாடு செய்யப்பட்டதாக குற்றம் சாட்டப்பட்டுள்ளது.

கடந்த சில தினங்களுக்கு முன்னர் தென்னாபிரிக்காவுக்கு சொந்தமான அதிவிசேட வசதிகளை கொண்ட விமானம் ஒன்று கட்டுநாயக்க விமான நிலையத்தில் தரையிறக்கப்பட்டுள்ளது.

இந்த விமானத்தின் மூலம் பூமிக்கு கீழ் 800 மீற்றர் ஆழத்தை ஸ்கேன் செய்யும் வசதி உள்ளதாக தெரிவிக்கப்படுகிறது.

குறித்த விமானம் தென்னாபிரிக்காவில் பதிவு செய்யப்பட்ட spectrem air property என்ற விமான நிறுவனத்திற்கு சொந்தமான HC – 47 ரக விமானம் ஒன்றாகும்.

இந்த விமானம் பறந்து கொண்டிருக்கும் போது 10000 அடி வரை கீழ் நோக்கி கொண்டு வந்தால் பூமிக்கு கீழ் 800 மீற்றர் வரையான ஆழமுள்ள பிரதேசங்களை சோதனையிடும் வசதிகளை கொண்டுள்ளது.

இந்த விமான நிறுவனத்திடம் இது போன்ற பாரிய அளவிலான விமானங்கள் உள்ள நிலையில், அவர்கள் இவ்வாறு பல்வேறு நாடுகளுக்கு சென்று பூமியை சோதனையிடுவதாக குறிப்பிடப்படுகின்றது.

இந்த விமானத்தின் ஊழியர்கள் மூவரும் இவ்வாறு இலங்கை வந்துள்ள நிலையில் இலங்கையில் நிலக்கீழ் சோதனை நடவடிக்கைகள் முன்னெடுக்கப்பட்டதா என சந்தேகம் எழுந்துள்ளது.

இந்த விமானம் இன்றைய தினம் எரிபொருள் நிரப்பிக் கொண்டு இன்று மெனிலா நகரத்திற்கு செல்லவுள்ளதாக தகவல் வெளியாகியுள்ளது.

இலங்கையின் கடற்பரப்பில் அதிகளவான பெற்றோலிய வளம் இருப்பது குறித்து பல்வேறு தகவல்கள் வெளியாகி இருந்தமை குறிப்பிடத்தக்கது.

இளம் பெண் கைது

கொழும்பில் வைத்து நேற்றிரவு இளம் பெண்ணொருவர் போ தைப் பொருளுடன் கைது செய்யப்பட்டுள்ளார். இந்த பெண் கொழும்பு மத்திய வலய ஊழல் தடுப்பு பிரிவினரால் கொம்பனித்தெரு, வேகந்த வீதி பிரதேசத்தில் வைத்து கைது செய்யப்பட்டுள்ளதாக தெரியவருகிறது.

சம்பவம் தொடர்பில் 27 வயதுடைய பெண்ணொருவரே கைது செய்யப்பட்டுள்ளதுடன், அவரிடமிருந்து 5.52 கிராம் ஹெரோயின் மீட்கப்பட்டுள்ளது.

இந்த நிலையில் சந்தேகநபரான பெண் கொம்பனித்தெரு பொலிஸ் நிலையத்தில் ஒப்படைக்கப்பட்டு உள்ளதுடன், அவரை இன்று நீதிமன்றத்தில் ஆஜர் செய்வதற்கான நடவடிக்கைகள் மேற்கொள்ளப்பட்டுள்ளன.

1500 சாரதிகள் கைது

ம துபோ தையில் வாகனம் செலுத்திய 1500 சாரதிகள் கைதுசெய்யப்பட்டுள்ளதாக பொலிஸ் ஊடகப் பேச்சாளர் ருவன் குணசேகர தெரிவித்துள்ளார். கடந்த 5ஆம் திகதியிலிருந்து இன்று 9ஆம் திகதி காலை வரையான காலப்பகுதிக்குள்ளேயே 1500 சாரதிகள் கைது செய்யப்பட்டுள்ளனர்.

ம துபோ தையில் வாகனம் செலுத்தும் சாரதிகளைக் கைதுசெய்யும் பொலிஸாரின் விசேட சுற்றிவளைப்பு நடவடிக்கை கடந்த 5ஆம் திகதி ஆரம்பிக்கப்பட்டது. இதற்கமைய, இன்று காலை வரை 1500 சாரதிகள் கைதுசெய்யப்பட்டுள்ளனர் என்று பொலிஸ் ஊடகப் பேச்சாளர் தெரிவித்துள்ளார்.

இவர்களில் 284 சாரதிகள் நேற்று மாலை 6 மணியிலிருந்து இன்று காலை 6 மணிவரை முன்னெடுக்கப்பட்ட விசேட சுற்றிவளைப்பு நடவடிக்கையின் போது கைதுசெய்யப்பட்டுள்ளனர் எனவும் குறிப்பிட்டார்.