இலங்கையில் பேஸ்புக் உள்ளிட்ட அனைத்து சமூக வலைத்தளங்களும் முற்றாக முடக்கப்பட்டுள்ளன.

நீர்கொழும்பு பகுதியில் இரு சமூகங்களுக்கு இடையில் ஏற்பட்ட வன்முறையை அடுத்து சமூக வலைத்தளங்கள் முடக்கப்பட்டுள்ளன.

இதேவேளை, நீர்கொழும்பு பகுதியில் நேற்று நள்ளிரவு முதல் இன்று காலை வரையில் பொலிஸ் ஊடரடங்குச் சட்டம் அமுல்படுத்தப்பட்டிருந்தது.

மேலும், சமூக வலைத்தளங்கள் ஊடாக இன வன்முறையை தூண்டும் வகையிலான கருத்துக்களை பகிர்வோருக்கு எதிராக சட்ட நடவடிக்கை எடுக்கப்படவுள்ளதாகவும் பொலிஸ் ஊடகப்பேச்சாளர் அறிவித்துள்ளார்.

முல்லைத்தீவு மாங்குளம் பொலிஸ் பிரிவிற்குட்பட்ட முறிகண்டி பிள்ளையார் ஆலயத்திற்கு முன்பாக தரிந்து வைக்கப்பட்டிருந்த மோட்டார் சைக்கிள் தொடர்பில் பரபரப்பான நிலை ஏற்பட்டிருந்தது .

நேற்று காலை முதல் குறித்த பகுதியல் இவ்வாறு மோட்டர் சைக்கிள் ஒன்று தரித்த நின்றதாக தெரிவித்து பொலிஸாரும், பாதுகாப்பு படையினரும் பாதுகாப்பு கடமையில் ஈடுபட்டனர்.

பிற்பகல் 5 மணியளவில் குறித்த மோட்டார் சைக்கிளை உரிமை கோரி வந்த நபர் பொலிஸாரால் கைது செய்யப்பட்டதுடன், மோட்டார் சைக்கிளும் பொலிஸாரால் எடுத்துச் செல்லப்பட்டமை குறிப்பிடத்தக்கது.

நாட்டில் தற்போது நிலவி வரும் அசாதாரண சூழ்நிலையை கருத்திற்கொண்டு அனைத்து பாடசாலை மாணவர்களையும் உள்ளிருக்கும் பொருட்கள் வெளியே தெரியும் வகையிலான பையினை உபயோகிக்குமாறு தெரிவிக்கப்பட்டுள்ளது.

கடந்த மாதம் இடம்பெற்ற குண்டுத் தாக்குதலைக் தொடர்ந்து பாடசாலைகயின் இரண்டாம் தவணைக்கான கல்வி பெரிதும் பாதிக்கப்பட்டிருந்தன. இந்நிலையில் இன்றய தினம் குறிப்பிட்ட வகுப்பினருக்கான கல்வி நடவடிக்கைகள் ஆரம்பமாகவுள்ளன.

இந்நிலையில் பாடசாலைகள் ஆரம்பிக்கப்படவுள்ளமை தொடர்பில் மாறுபட்ட கருத்துக்கள் தற்போது நிலவுகின்றன.

அந்த வகையில் கல்வி அமைச்சு மற்றும் பாதுகாப்புப் படைகளின் தலைமை அதிகாரிகளின் ஆலோசனைக்கமைய, பாடசாலைகளில் விசேட சோதனை நடவடிக்கைகள் ஆரம்பிக்கப்பட்டுள்ளன.

இதற்கமைய, பல பாடசாலைகளில் நேற்றும் சோதனை நடவடிக்கைகள் முன்னெடுக்கப்பட்டிருந்தமை குறிப்பிடத்தக்கது.

மட்டக்களப்பு – கல்முனை நெடுஞ்சாலை வீதியில் இடம்பெற்ற வாகன விபத்தில் ஐந்து பேர் படுகாயமடைந்து வைத்தியசாலையில் அனுமதிக்கப்பட்டுள்ளனர் என களுவாஞ்சிக்குடி போக்குவரத்து பொலிஸ் அதிகாரி தெரிவித்துள்ளார்.

மேலும் நேற்று இடம்பெற்ற வாகன வித்தில் கல்முனையைச் சேர்ந்த ஒரே குடும்பத்தினரே இவ்வாறு படுகாயமடைந்துள்ளார்கள் என தகவல் கிடைத்துள்ளது.

இவர்கள் அனைவரும் மட்டக்களப்பில் இருந்து கல்முனைக்கு காரில் சென்றுகொண்டிருக்கும் போதே குறித்த நெடுஞ்சாலை வீதியில் ஓந்தாச்சிமடம் எரிபொருள் நிரப்பு நிலையத்திற்கு அருகாமையில் பாதையை விட்டு விலகிச் சென்று மரத்துடன் மோதுண்டுள்ளது.

நீர்கொழும்பு பகுதியில் பதற்ற நிலை ஏற்பட்டுள்ள நிலையில் அதிரடி படையினர் குவிக்கப்பட்டுள்ளனர். இரு தரப்பினருக்கு இடையில் ஏற்பட்ட மோதல் இன வன்முறையாக மாறி பெரும் பதற்ற நிலை ஏற்பட்டுள்ளது.

இதன்போது சில வாகனங்கள் அடித்து நொறுக்கப்பட்டும், தீ வைத்து கொளுத்தப்பட்டுள்ளன. முச்சக்கரவண்டி சாரதிகளின் குழுக்களுக்கு இடையிலான முறுகல் நிலை வன்முறையாக மாறியுள்ளது.

இதன்போது சிலருக்கு காயங்கள் ஏற்பட்டுள்ளது. அந்தப் பகுதியில் இருந்த வாகனங்களுக்கு சேதம் ஏற்பட்டுள்ளது. எனினும் அதிரடி படையினர் நிலைமை கட்டுப்பாட்டுக்குள் கொண்டு வந்துள்ளதாக தெரிவிக்கப்படுகிறது.

பாதுகாப்பு படையினர் அருகாமையிலுள்ள வீடுகளில் தேடுதல் வேட்டையில் ஈடுபட்டுள்ளனர். இந்தப் பகுதியில் பெருமளவு முஸ்லிம்கள் மக்கள் வாழ்ந்து வரும் நிலையில், இந்த வன்முறை சம்பவம் அந்த மக்கள் மத்தியில் பெரும் அச்சத்தை ஏற்படுத்தியுள்ளதாக தெரிவிக்கப்படுகிறது.

-தமிழ்வின்-

நீர் கொழும்பில் ஏற்பட்ட இன வன்முறை காரணமாக அந்தப் பகுதியில் பெரும் பதற்ற நிலை ஏற்பட்டுள்ளது.

இதனையடுத்து உடன் அமுலுக்கு வரும் வகையில் ஊடரங்குச் சட்டம் பிறப்பிக்கப்பட்டுள்ளது.

நாளை காலை 7 மணி வரையில் இந்த ஊரடங்கு சட்டம் நீடிக்கும் என பொலிஸார் தெரிவித்துள்ளனர்.

நீர்கொழும்பில் ஏற்பட்ட பதற்ற நிலையை அடுத்து ஊடரங்குச் சட்டம் பிறப்பிக்கப்பட்டுள்ளதாக பொலிஸ் ஊடக பேச்சாளர் அறிவித்துள்ளார்.

இலங்கையின் நீர்கொழும்பு பகுதியில் தங்கயிருந்த பாகிஸ்தான் மற்றும் ஆப்கானிஸ்தான் அகதிகள் வாழ்விடம் இல்லாது பெரும் அச்சுறுத்தலை எதிர்நோக்கியுள்ளனர்.

கடந்த 21 ஆம் திகதி உயிர்த்த ஞாயிறு தினத்தன்று நாட்டில் இடம்பெற்ற அசம்பாவிதங்களுக்கு மத்தியில், இவர்கள் இவ்வாறான பிரச்சினைக்கு முகம் கொடுத்துள்ளனர். 160 இற்கும் மேற்பட்ட ஆண்கள், பெண்கள் மற்றும் சிறுவர்கள் இவ்வாறு தங்க வைக்கப்பட்டுள்ளனர்.

இவர்கள் கடந்த மாதம் 24 ஆம் திகதி நீர்கொழும்பு பொலிஸ் நிலையத்தில் தஞ்சம் கோரினர். ஐக்கிய நாடுகள் முகவர் ஆணையத்தின் மூலம் இவர்கள் இலங்கையில் தற்காலிகமாக தங்க வைக்கப்பட்டவர்களாவர்.

இவர்களில் 60 இற்கும் மேற்பட்டவர்கள் கத்தோலிக்கம் மற்றும் கிறிஸ்தவர்களாவர். ஆப்கானிஸ்தானைச் சேர்ந்த முஸ்லிம்கள் மற்றும் சன்னி முஸ்லிம்களும் இவ்வாறு பொலிஸ் நிலையத்தில் தங்க வைக்கப்பட்டுள்ளனர்.

நகரில் உள்ள வீடுகளில் வாடகைக்கு தங்கியிருந்த இவர்களை அசம்பாவிதங்களை அடுத்து வீட்டுரிமையாளர்கள் தமது வீடுகளிலிருந்து செல்லுமாறு கூறினர்.

இதனை அடுத்து பொலிஸ் நிலையத்தில் தஞ்சம் கோரிய பாகிஸ்தானிய மற்றும் ஆப்கானிஸ்தான் அகதிகளை சில இடங்களில் தங்க வைப்பதற்கு அரசாங்கம் முயற்சி செய்தபோதும், அங்கு ஏற்பட்ட எதிர்ப்பு காரணமாக மீண்டும் பொலிஸ் நிலையத்திற்கு அழைத்து வரப்பட்டு அங்குள்ள வாகன தரிப்பிடத்தில் தங்க வைக்கப்பட்டுள்ளனர்.

கடந்த பத்து தினங்களுக்கு மேலாக பொலிஸ் நிலையத்தின் வாகன தரிப்பிடத்தில் தங்க வைக்கப்பட்டுள்ளமை காரணமாக மழை மற்றும் வெயிலில் தாங்கள் பாதிக்கப்பட்டுள்ளதாகவும். பொலிஸ் நிலையத்தில் உள்ள மூன்று மலசலகூடங்களையும் இரண்டு குளியலரைகளையுமே சகலரும் பயன்படுத்த வேண்டியுள்ளதாகவும் அவர்கள் தெரிவிக்கின்றனர்.

சிறுவர்கள் உட்பட பலர் நோயினால் பாதிக்கப்பட்டுள்ளதாக தெரிவிக்கும் இவர்கள், தம்மை பாதுகாப்பான இடமொன்றில் விரைவில் தங்கவைப்பதற்கு நடவடிக்கை எடுக்கப்பட வேண்டும் எனவும் வேண்டுகோள் விடுத்துள்ளனர்.

நீர்கொழும்பு பகுதியில் பதற்ற நிலை ஏற்பட்டுள்ளதாக பாதுகாப்பு தரப்பினர் தெரிவிக்கின்றனர். இரு தரப்பினருக்கு இடையில் ஏற்பட்ட மோதல் இன வன்முறையாக மாறி பெரும் பதற்ற நிலை ஏற்பட்டுள்ளது.

இதன்போது சில வாகனங்கள் அடித்து நொறுக்கப்பட்டும், தீ வைத்து கொளுத்தப்பட்டுள்ளது. இதனையடுத்து அந்தப் பகுதியில் பெருமளவு அதிரடி படையினர் குவிக்கப்பட்டுள்ளனர்.

முச்சக்கரவண்டி சாரதிகளின் குழுக்களுக்கு இடையிலான முறுகல் வன்முறையாக மாறியுள்ளது. இதன்போது சிலருக்கு காயங்கள் ஏற்பட்டுள்ளது. அந்தப் பகுதியில் இருந்த வாகனங்களுக்கு சேதம் ஏற்பட்டுள்ளது.

எனினும் அதிரடி படையினர் நிலைமை கட்டுப்பாட்டுக்குள் கொண்டு வந்துள்ளதாக தெரிவிக்கப்படுகிறது. பாதுகாப்பு படையினர் அருகாமையிலுள்ள வீடுகளில் தேடுதல் வேட்டையில் ஈடுபட்டுள்ளனர்.

அதிவேகத்தில் பயணித்த உந்துருளியொன்று விபத்திற்குள்ளாகும் காணொளி தற்போது சமூகவலைத்தளங்களில் பரவி வருகிறது.

மீட்டியாகொட பகுதியில் இன்று காலை இந்த விபத்து இடம்பெற்றுள்ளதாக தகவல்கள் தெரிவிக்கின்றன.

விபத்தின் பின்னர் உந்துருளி செலுத்துனர், மீண்டும் உந்துருளியை இயக்கி அங்கிருந்து செல்லும் விதமும் சி.சி.டி.வி கெமராவில் பதிவாகியுள்ளது.

நாட்டின் பாதுகாப்பு வழமைக்குத் திரும்பும் வரை பாடசாலைகளை மீண்டும் ஒரு வாரம் தாமதித்து ஆரம்பிக்குமாறு கோரிக்கைகள் முன்வைக்கப்பட்டுள்ளன. அஸ்கிரிய மாநாயக்கர்கள் அரசாங்கத்திடம் இது தொடர்பான அவசர கோரிக்கையை முன்வைத்துள்ளனர்.

இரண்டாம் தவனைக்கான கற்றல் நடவடிக்கைகள் கடந்த 22ஆம் திகதி ஆரம்பிக்கப்படவிருந்த நிலையில் நாட்டில் ஏற்பட்ட அசாதாரண சூழல் காரணமாக கற்றல் நடவடிக்கைகள் இரண்டு வாரங்கள் பிற்போடப்பட்டன.

இந்நிலையில், நாளைய தினம் மீண்டும் கற்றல் நடவடிக்கைகள் மீளவும் ஆரம்பிக்கப்படும் என அறிவிக்கப்பட்டுள்ள நிலையிலேயே மீண்டும் பாடசாலைகளை தாமதித்து ஆரம்பிக்குமாறு கோரிக்கை விடுக்கப்பட்டுள்ளது.

ஐ.எஸ்.ஐ.எஸ் பயங்கரவாதிகளின் பிரதான முகாமாகவும், நாட்டில் இடம்பெற்ற தாக்குதல்களின் பிரதான பயற்சி நிலையமாகவும் மட்டக்களப்பில் செயற்பட்டு வந்த இடம் இன்று அதிகாலை விசேட அதிரடிப்படையினர் மற்றும் பொலிஸாரால் முற்றுகையிடப்பட்டுள்ளது.

மட்டக்களப்பு – காத்தான்குடி பொலிஸ் பிரிவுக்குட்பட்ட மண்மனை, ஒல்லிக்குளம் பகுதியிலேயே இந்த முகாம் இயங்கி வந்துள்ளது.

இந்த அமைப்பினை சேர்ந்தவர் என சந்தேகிக்கப்படும் அப்துல் ரவூப் என்பவரை கைது செய்து அவரிடம் மேற்கொண்ட விசாரணைகளின் அடிப்படையில் இந்த முகாம் தொடர்பில் தெரியவந்ததாக காத்தான்குடி பொலிஸார் தெரிவித்துள்ளனர்.

இந்த முகாமில் வைத்து, சாய்ந்தமருதில் தற்கொலை தாக்குதலில் பலியான தற்கொலைதாரியான ரில்வான் என்பவர் 2017ஆம் ஆண்டு பயிற்சியில் ஈடுபட்டிருந்த போது குண்டுவெடித்து கைவிரல்களையும், கண் ஒன்றையும் இழந்ததாக ஆரம்ப கட்ட விசாரணையின் கண்டறியப்பட்டுள்ளதாக பொலிஸார் சுட்டிக்காட்டியுள்ளனர்.

இங்கிருந்தே தற்கொலை தாக்குதலுக்கான பயிற்சிகள் மேற்கொள்ளப்பட்டிருக்கலாம் எனவும், குண்டுகள் இங்கிருந்தே அனுப்பி வைக்கப்பட்டிருக்கலாம் எனவும் பாதுகாப்பு தரப்பினர் சந்தேகம் வெளியிட்டுள்ளனர்.

அத்துடன் முகாமில் இருந்து குண்டுகளை அடைத்து கொண்டு செல்ல பயன்படுத்துவதற்காக வைக்கப்பட்டிருந்த பிளாஸ்டிக் குழாய்களும் தயார் செய்யப்பட்ட நிலையில் மீட்கப்பட்டுள்ளன.

இது போன்ற குழாய்களே கடந்த 21ஆம் திகதி கட்டுநாயக்க விமான நிலையத்திற்கு அருகில் குண்டுகளுடன் கண்டுபிடிக்கப்பட்டதாகவும் இங்கிருந்துதான் அங்கு கொண்டுசெல்லப்பட்டதா என்பது தொடர்பில் விசாரணைகள் முன்னெடுக்கப்படுவதாகவும் பாதுகாப்பு தரப்பினர் தெரிவித்துள்ளனர்.

குறித்த முகாமிற்காக நூறு மீற்றர் தூரத்திற்குள் யாரும் நுழையும் போது அதனை கண்டுகொள்வதற்கான பாதுகாப்பு ஏற்பாடுகள் செய்யப்பட்டுள்ளதுடன், முகாமில் இருந்து இரகசியமான முறையில் வெளியேறும் வழியும் அமைக்கப்பட்டுள்ளதாக தெரியவருகிறது.

இது தொடர்பான விசாரணைகளை காத்தான்குடி பொலிஸார், விசேட அதிரடிப்படையினர், புலனாய்வுத்துறையினர் மேற்கொண்டு வருகின்றனர்.

-தமிழ்வின்-