கிளிநொச்சி – இரணைமடு குளத்தின் வான்பகுதிக்குள் அதிகளவு மீன்கள் பிடிபடுவதனால் இன்று பலர் மகிழ்ச்சியில் உள்ளதாக எமது செய்தியாளர் தெரிவித்துள்ளார்.

பெருமளவானவர்கள் வான்பகுதிக்குள் மீன் பிடியில் இறங்கியுள்ளதாகவும் தெரிவித்துள்ளார்.

நூற்றுக்கணக்கான கிலோ மீன்கள் பிடிப்படுவதனால் வியாபாரிகளும் இரணைமடுவில் குவிந்துள்ளதாக தெரிவித்துள்ளார்.

நேற்று மாத்திரம் பல இலட்ச ரூபாவுக்கு மீன்கள் விற்பனை இடம்பெற்றுள்ளதாக வியாபாரிகள் தெரிவித்துள்ளனர்.

அத்தோடு தொடர்ந்தும் வான்பகுதிக்குள் பலர் மீன்பிடியில் ஈடுபட்டு வருவதோடு அவற்றை கொள்வனவு செய்வதற்கு மக்களும் வியாபாரிகள் குவிந்துள்ளதாக தெரிவிக்கப்படுகின்றது.

யாழில் நத்தார் தினத்தன்று குளத்திற்கு குளிக்க சென்ற குடும்பஸ்தரொருவர் சடலமாக மீட்கப்பட்ட சம்பவம் அப்பகுதியையே சோகத்தில் ஆழ்த்தியுள்ளது.

குறித்த சம்பவம் யாழ்ப்பாணம், மணியம் தோட்டம் பகுதியில் நேற்று இடம்பெற்றுள்ளதாக எமது செய்தியாளர் தெரிவித்தார்.

அதே பகுதியை சேர்ந்த 3 பிள்ளைகளின் தந்தையான ராசன் குலேன் என்பவரே சடலமாக மீட்கப்பட்டுள்ளார்.

நத்தார் தினமாகிய நேற்று மாலை அப்பகுதியில் உள்ள குளத்தில் குளிக்க சென்றவரை காணவில்லை என உறவினர்கள் தேடியுள்ளனர்.

இதன்போது அவர் குளத்தில் சடலமாக கிடப்பது தெரியவந்துள்ளது. இரவு வேளை என்பதனால் சடலத்தை மீட்க முடியாத நிலை நேற்று காணப்பட்டுள்ளது.

இந்த நிலையில் இன்று யாழ்ப்பாணம் பொலிஸார் சம்பவ இடத்திற்கு வந்ததன் பின் சடலம் மீட்கப்பட்டுள்ளது.

சடலம் பிரேத பரிசோதனைக்காக யாழ். போதனா வைத்தியசாலையில் ஒப்படைக்கப்பட்டுள்ளதுடன், இது தொடர்பான விசாரணைகளை யாழ்ப்பாணம் பொலிஸார் முன்னெடுத்து வருகின்றனர்.

மத்தல சர்வதேச விமான நிலையத்தில் இன்று காலை விமானம் ஒன்றில் தீப் பரவியுள்ளதாக தெரிவிக்கப்படுகின்றது. CVK 7042 என்ற சரக்கு விமானம் ஒன்றிலேயே இவ்வாறு தீப்பற்றியுள்ளதாக குறிப்பிடப்படுகின்றது.

குறித்த விமான நேற்று மாலை தாய்லாந்தில் இருந்து மத்தல விமான நிலையத்திற்கு வந்துள்ளது. இன்று காலை ஓமானை நோக்கி பறக்க தயாரான போது இந்த தீ விபத்து சம்பவம் இடம்பெற்றுள்ளதாக விமான நிலைய தகவல்கள் தெரிவிக்கின்றன.

தீப்பற்றிய போது விமானத்திற்குள் 7 பேர் இருந்துள்ளனர். அவர்களில் எருவருக்கும் காயங்கள் ஏற்படவில்லை என குறிப்பிடப்படுகின்றது.

எப்படியிருப்பினும் விமான நிலைய தீயணைப்பு பிரிவினர் தீயை கட்டுப்படுத்தியுள்ளனர்.

எனினும் தீப்பற்றியமைக்கான காரணம் இதுவரை வெளியாகவில்லை என குறிப்பிடப்படுகின்றது.

2004ஆம் ஆண்டு ஏற்பட்ட சுனாமி அனர்த்தத்தின் இறுதி நொடியில் உயிர் தப்பிய அனுபவத்தை 14 வருடங்களின் பின்னர் இலங்கை குடும்பம் ஒன்று பகிர்ந்துள்ளது.

மொரட்டுவ ரயில் நிலையத்தின் மூன்றாவது பிரிவில் ரயில் டிக்கட் பெற்றுக் கொண்டு நானும் எனது கணவரும் அப்போது 12 வயதாக இருந்த மகனுடன், மாத்தறை, கும்புருகமுவ பிரதேசத்தில் வசிக்கும் அம்மாவை பார்க்க சென்றோம்.

வேறு நாட்கள் போலின்றி அன்றைய தினம் நேரத்திற்கு ரயில் வருகைத்தந்தது. எனினும் அதில் ஏற முடியாதளவு மக்கள் கூட்டம் நிறைந்து காணப்பட்டது.

எப்படியோ கடின முயற்சியில் ரயிலில் ஏறி கதவிற்கு அருகில் நின்றோம். ரயில் அம்பலங்கொட ரயில் நிலையத்தை நெருங்கியவுடன் பயணிகளின் குழுவொன்றை காண முடியவில்லை. எனினும் நாங்கள் நின்றுக் கொண்டே பயணித்தோம்.

சற்று தூரம் முன்னால் ரயில் சென்று நின்றவுடன் கஹவ ரயில் நிலையத்தை கடக்கும் போது ரயில் பக்கத்தை நோக்கி மக்கள் ஓடிவந்ததனை அவதானித்தோம். ரயிலில் இருந்து யாரோ குதித்துவிட்டதாக தான் நினைத்தோம். கடல் வருகின்றதென கூறி கொண்டு அவர்கள் ரயிலுக்குள் ஏறினார்கள்.

ஒன்றும் புரியாமல் நின்ற போது ரயில் நோக்கி கடல் அலை வந்தது. அங்கிருந்த வீடுகள் பாடசாலைகள் அனைத்தை உடைத்து கொண்டு கடல் அலை எங்களை நோக்கி வந்தது. ரயில் முழுவதும் கடல் நீர். மீண்டும் மிகப்பெரிய சத்தத்துடன் கடல் நீர் ரயிலை நோக்கி வந்து ரயிலை சாய்த்தது. அனைவரும் மரணத்துடன் போராடினோம். நானும் எனது மகனும் கணவரும் ரயில் கதவை பிடித்து கொண்டு நின்றோம்.

நாங்கள் இருந்த ரயில் கடல் அலையில் அடித்து சென்று 400 மீற்றர் தூரத்தில் நின்றது. உதவி கேட்பதற்கு ஒருவரும் இல்லை. ரயிலை எட்டி பார்க்கும் அதில் இருந்த அனைவரும் கடல் நீரில் அடித்துச் செல்லப்பட்டுள்ளனர்.

சிலர் மாத்திரம் போராடி உயிரை காப்பாற்றி கொண்டனர். உயிரிழந்த சடலங்களுக்கு மத்தியில் எழுந்து பார்க்கும் போது கண்டி போன்ற ஊரையே கண்டோம். அங்குள்ள ஒரு விகாரையில் தங்கியிருந்தே உயிர் பிழைத்தோம் என பாதிக்கப்பட்ட பெண் ஒருவர் தெரிவித்துள்ளார்.

கடந்த 2004ம் ஆண்டு இந்தோனேஷியாவின் சுமத்திரா தீவுகளில் ஏற்பட்ட பாரிய பூகம்பம் சுனாமி அலைகளாக உருப்பெற்று பல நாடுகளை தாக்கியது. இதன்போது இலங்கை, இந்தியா உட்பட பல நாடுகளை தாக்கியது. இதில் பல இலட்சத்திற்கு மேற்பட்ட மக்கள் கொல்லப்பட்டனர்.

இலங்கையில் மாத்திரம் 35 ஆயிரத்திற்கும் மேற்பட்ட மக்கள் கொல்லப்பட்டனர் என்பது குறிப்பிடத்தக்கது.

தங்காலை குடாவெல்ல துறைமுகத்தில் நேற்று காலை இரண்டு நபர்களினால் மேற்கொள்ளப்பட்ட துப்பாக்கி சூட்டுச் சம்பவம் தொடர்பில் பொலிஸார் பல தகவல்களை வெளியிட்டுள்ளனர்.

பெருந்தொகையான மக்கள் பார்த்து கொண்டிருந்த வேளையில் மர்மநபர்களால் துப்பாக்கி சூட்டு சம்பவம் மேற்கொள்ளப்பட்டுள்ளது. இதனால் 4 பேர் உயிரிழந்ததுடன், 8 பேர் படுகாயம் அடைந்துள்ளனர்.

தங்காலை குடாவெல்ல துறைமுகத்தில் வர்த்தக துறையை கட்டியெழுப்பும் லதிஷ் உதயகுமார எனப்படும் ரனா என்ற வர்த்தகரை இலக்கு வைத்து இந்த தாக்குதல் மேற்கொள்ளப்பட்டிருப்பதாக பொலிஸார் தெரிவித்துள்ளனர்.

கொலை செய்யப்பட்டவர்களில் ரனாவும் ஒருவர் என பொலிஸார் அடையாளம் கண்டுள்ளனர். இந்த கொலையின் பின்னர் தங்காலை திக்வெல்ல உட்பட சுற்றுப்புற பகுதியில் மக்கள் மத்தியில் பதற்றம் ஏற்பட்டுள்ள நிலையில் கொலையாளிகளை தேடி விசேட பொலிஸ் குழுக்கள் மற்றும் விசேட அதிரடிப்படையினர் விசாரணைகளை ஆரம்பித்துள்ளனர்.

இந்த சம்பவத்தில் கொலை செய்யப்பட்ட ரனாவின் தந்தையான மஹிந்த என்பவர் திக்வெல்ல துறைமுகத்தில் பிரதான வர்த்தகர் என பொலிஸார் குறிப்பிட்டுள்ளனர்.

மஹிந்த என்ற வர்த்தகருக்கு 3 பிள்ளைகள் உள்ளனர். அவர்கள் அனைவரும் மீன் வர்த்தகத்திற்கு தொடர்புடைய பாரிய அளவிலான 21 ட்லோலர் படகுகளுக்கு சொந்தக்காரர்களாகும். நேற்று காலை கலன என்ற படகில் கொண்டுவரப்பட்ட மீன் தொகையை விற்பனை செய்யும் போது இந்த தாக்குதல் மேற்கொள்ளப்பட்டுள்ளது.

ரனா தனது ஊழியர்களுக்கு படகில் மீன் விற்பனை செய்து கொண்டிருக்கும் போது அடையாளம் தெரியாத நபர்கள் இருவர் துறைமுகத்திற்குள் நுழைந்துள்ளனர்.

முகத்தை மூடிய ஹெல்மட் அணிந்திருந்த இருவரும் படகு நிறுத்தப்பட்டிருந்த இடத்திற்கு நுழைந்து டீ 56 துப்பாக்கி மற்றும் 9 மில்லி மீற்றர் துப்பாக்கிகளை பயன்படுத்தி நாலா பக்கமும் துப்பாக்கி பிரயோகம் மேற்கொண்டுள்ளனர். துப்பாக்கி பிரயோகத்தையடுத்து துறைமுகத்தில் இருந்த வர்த்தகர்கள் மற்றும் மீன் கொள்வனவு செய்ய வந்த மக்கள் தப்பியோடியுள்ளனர்.

கொலையாளிகள் இருவரும் கலன படகு மற்றும் அதற்கு அருகில் இருந்த அனைவர் மீதும் துப்பாக்கி பிரயோகம் மேற்கொண்டதுடன், விழுந்து கிடந்த ரனா அருகில் சென்று அவரது தலையில் துப்பாக்கி பிரயோகம் மேற்கொண்டுவிட்டு தப்பிச் சென்றுள்ளனர். இந்த தாக்குதலில் 4 பேர் அவ்விடத்திலேயே உயிரிழந்துள்ளனர். 8 பேர் தங்காலை வைத்தியசாலைக்கு அழைத்து செல்லப்பட்டுள்ளனர். காயமடைந்தவர்களுக்கு 16 வயதான இளைஞர் ஒருவரும் உள்ளார் என வைத்தியசாலை தகவல்கள் தெரிவிக்கின்றன.

இந்த கொலையை செய்தவர்கள் மோட்டார் சைக்கிளில் தப்பிச் சென்று இடையில் மோட்டார் வாகனம் ஒன்றில் ஏறிச் சென்றுள்ளதாக தகவல் கிடைத்துள்ளது.

ரனாவின் தந்தை மஹிந்த மற்றும் குடாவெல்ல துறைமுகத்தில் இன்னும் ஒரு பிரதான வர்த்தகருடன் கடந்த 15 வருடங்களுக்கு முன்னர் இருந்து மோதலில் ஈடுபட்டுள்ளதாக ஆரம்பக்கப்பட்ட விசாரணைகளில் தெரியவந்துள்ளது.

இந்த மோதலின் முடிவாக இதற்கு முன்னர் மஹிந்தவின் சகோதரர் ஒருவர் கொலை செய்யப்பட்டுள்ளார். குறித்த துறைமுகத்தின் கட்டுப்பாட்டை மஹிந்த மற்றும் அவரது மகன்கள் கைப்பற்றியுள்ளமையினால் எதிர் தரப்பு வர்த்தகருடன் மோதல் ஏற்படுவதாக தெரிவிக்கப்படுகிறது.

நீண்ட காலமாக தொடரும் இரு தரப்பு மோதலில், ரனா மேற்கொண்ட தாக்குதலில் எதிர்தரப்பு நபர் ஒருவர் ஊனமுடையவராகியுள்ளார். அத்துடன் இந்த மோதலில் பின்னர் இரு தரப்பிற்கும் இடையில் முறுகல் அதிகரித்துள்ளது. கடந்த சில நாட்களுக்கு முன்னர் ரனா வழங்கிய தகவலுக்கமைய திக்வெல்ல பிரதேசத்தில் நபர் ஒருவர் ஹெரோயினுடன் கைது செய்யப்பட்டுள்ளார். அந்த நபர் ரனாவின் எதிர் தரப்பு வர்த்தகருடன் நெருக்கமானவர் என விசாரணைகளில் தெரியவந்து்ளது.

இந்த மோதல்களை அடிப்படையாக கொண்ட இந்த கொலை சம்பவம் இடம்பெற்றுள்ளதாக பொலிஸார் தெரிவித்துள்ளளார்.

இந்தகொலை தொடர்பில் விசாரணை மேற்கொள்ள 11 குழுக்கள் அனுப்பி வைக்க்பட்டுள்ளதாக பொலிஸார் குறிப்பிட்டுள்ளனர்.

புகையிரத தொழிற்சங்கங்கள் சில, வேலைநிறுத்தப் போராட்டமொன்றை நடத்தவுள்ளதாக தகவல்கள் தெரிவிக்கின்றன.

இன்று நள்ளிரவு முதல் சில தொழிற்சங்கங்கள் அடையாள வேலைநிறுத்தப் போராட்டமொன்றை முன்னெடுக்க தீர்மானித்துள்ளன.

சம்பள முரண்பாட்டை அடிப்படையாக கொண்டு தொழிற்சங்க போராட்டம் முன்னெடுக்கப்பட உள்ளதாக புகையிரத என்ஜின் சாரதிகள் தொழிற்சங்கத்தின் செயலாளர் இந்திக்க தொடங்கொட தெரிவித்துள்ளார்.

சம்பள முரண்பாடு தொடர்பில் அதிகாரிகள் இதுவரையில் சாதகமான பதில் எதனையும் அளிக்கவில்லை என தெரிவித்துள்ளார்.

கொழும்பு ஊடகமொன்று எழுப்பிய கேள்விக்கு பதிலளித்த போது அவர் இதனைக் குறிப்பிட்டுள்ளார்.

இதேவேளை பண்டிகை மற்றும் விடுமுறை காலமான தற்போது புகையிரத தொழிற்சங்கங்கள் மேற்கொண்டுள்ள இந்த தீர்மானத்தால் இலங்கை மக்கள் போக்குவரத்தில் சிக்கலை எதிர்கொள்ள நேரிடலாம் என சமூக ஆர்வலர்கள் தெரிவிக்கின்றனர்.

கொழும்பில் சற்று முன்னர் இடம்பெற்ற துப்பாக்கி சூட்டுச் சம்பவத்தில் ஒருவர் உயிரிழந்துள்ளதாக பொலிஸார் தெரிவித்துள்ளனர்.

கொழும்பு முகத்துவார பகுதியில் இன்று காலையில் துப்பாக்கி சூட்டுச் சம்பவம் இடம்பெற்றுள்ளது.

32 வயதான இளைஞன் உயிரிழந்துள்ளார். மேலும் நான்கு பேர் படுகாயம் அடைந்துள்ளனர் என பொலிஸார் தெரிவித்துள்ளனர்.

காயமடைந்த 4 பேரும் கொழும்பு தேசிய வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்துள்ளனர்.

அண்மைக்காலமாக கொழும்பு உள்ளிட்ட புறநகர் பகுதிகளில் துப்பாக்கி சூட்டுச் சம்பவங்கள் இடம்பெற்று வருகின்றமை குறிப்பிடத்தக்கது.

பண்டாரவளையில், செல்பி எடுக்க முயற்சித்த போது நீர் வீழ்ச்சியில் வீழ்ந்து காணாமல் போயுள்ளனர்.

பண்டாரவளை அம்பதண்டேகம பம்பரகம நீர்வீழ்ச்சியில் நீராடச் சென்ற இளைஞர்கள், அந்த இடத்தில் செல்பி புகைப்படம் ஒன்றை எடுக்கச் சென்றிருந்த போது நீர் வீழ்ச்சியின் உச்சியிலிருந்து கீழே வீழ்ந்துள்ளனர். இந்த சம்பவத்தில் மற்றுமொரு இளைஞரும் கீழே வீழ்ந்து காயமடைந்துள்ளார்.

பாண்டாரவளை ஹீல்ஓயா என்னும் இடத்தைச் சேர்ந்த 21 வயதான இளைஞரும், வெலிமடை பிரதேசத்தைச் சேர்ந்த 20 வயதான இளைஞருமே இவ்வாறு நீரில் வீழ்ந்து காணாமல் போயுள்ளனர்.

காணாமல் போன இளைஞர்களை தேடும் பணிகளில் பண்டாரவளை பொலிஸார் ஈடுபட்டுள்ளனர்.