இலங்கை நாடாளுமன்றத்தில் கடந்த ஒக்டோபர் மாதத்தின் சிறந்த செயற்பாட்டாளர்களாக தமிழ்த் தேசியக் கூட்டமைப்பின் தமிழ் நாடாளுமன்ற உறுப்பினர்கள் தெரிவு செய்யப்பட்டுள்ளனர்.

நாட்டில் நாடாளுமன்றம் என்பது அதியுயர் சட்டவாக்க சபையாக காணப்படுகின்றது. இலங்கை நாடாளுமன்றம் 225 உறுப்பினர்களை கொண்டுள்ளது.

அந்த வகையில் கடந்த ஒக்டோபர் மாதத்தின் சிறந்த செயற்பாட்டாளர்களாக நாடாளுமன்ற உறுப்பினர்களான சிறீதரன், டக்லஸ் தேவானந்தா மற்றும் ஸ்ரீநேசன் ஆகியோர் முதலாம், இரண்டாம் மற்றும் நான்காம் நிலைகளாக தரப்படுத்தப்பட்டுள்ளனர்.

இதேவேளை, இந்த தரப்படுத்தல் நாடாளுமன்ற அமர்வுகளில் கலந்து கொள்ளுதல், மக்களின் பிரச்சினைகள் தொடர்பாக உரையாற்றுதல், மக்களது நன்மை கருதி கேள்விகளை தொடுத்தல் போன்ற நாடாளுமன்ற செயற்பாடுகளை கொண்டு கணிக்கப்பட்டுள்ளமை குறிப்பிடத்தக்கது.

பிரதமர் ரணில் விக்ரமசிங்க தலைமையிலான அரசாங்கத்தின் புதிய அமைச்சரவை நியமிக்கப்பட்டுள்ளது. ஜனாதிபதி மைத்திரிபால சிறிசேன முன்னிலையில் அமைச்சர்கள் சற்று முன்னர் சத்தியப்பிரமாணம் செய்து கொண்டனர்.

பலத்த கெடுபிடிகளுக்கு மத்தியில் அமைச்சர்களுக்கான சத்தியப்பிரமாணம் தற்போது இடம்பெற்று வருகிறது.

ஊடகங்களுக்கு முழுமையான தடை விதிக்கப்பட்டுள்ள நிலையில், ஒவ்வொரு நாடாளுமன்ற உறுப்பினர்களாக ஜனாதிபதியின் உத்தியோகபூர்வ அறைக்குள் அழைக்கப்பட்டு அமைச்சர் பதவிகள் வழங்கப்பட்டு வருவதாக ஜனாதிபதி செயலகத் தகவல்கள் தெரிவிக்கின்றன.

தொலைத்தொடர்பு, டிஜிட்டல் உட்கட்டமைப்பு, வெளிநாட்டு வேலைவாய்ப்பு மற்றும் விளையாட்டுத்துறை அமைச்சராக ஹரின் பெர்னாண்டோ நியமனம்

தேசிய கொள்கை, அபிவிருத்தி நடவடிக்கை மீள்குடியேற்ற மற்றும் புனர்வாழ்வு, வட மாகாண அபிவிருத்தி, தொழில் பயிற்சி, இளைஞர் விவகாரம், திறன்கள் அபிவிருத்தி மற்றும் தொழில் அபிவிருத்தி அமைச்சராக பிரதமர் ரணில் விக்ரமசிங்க நியமிக்கப்பட்டுள்ளார்.

சுற்றுலா அபிவிருத்தி, வனவிலங்கு மற்றும் கிறிஸ்தவ மத விவகார அமைச்சராக ஜோன் அமரதுங்க நியமிக்கப்பட்டுள்ளார்.

பௌத்த சாசன மற்றும் வடமேல் அபிவிருத்தி அமைச்சராக காமினி ஜயவிக்ரம பெரேரா நியமிக்கப்பட்டுள்ளார்.

நீதி மற்றும் ஊடகத்துறை அமைச்சராக மங்கள சமரவீர நியமிக்கப்பட்டுள்ளார்.

சுகாதார அமைச்சராக ராஜித சேனாரட்ன நியமிக்கப்பட்டுள்ளார்.

வெளிவிவகார அமைச்சராக திலக் மாரப்பன நியமிக்கப்பட்டுள்ளார்.

நகர திட்டமிடல், நீர்பாசன மற்றும் உயர் கல்வி அமைச்சராக ரவூப் ஹக்கீம் நியமிக்கப்பட்டுள்ளார்.

மின்சக்தி, எரிசக்தி மற்றும் வர்த்தக அபிவிருத்தி அமைச்சராக ரவி கருணாநாயக்க நியமிக்கப்பட்டுள்ளார்.

மாநகர சபை மற்றும் மேல் மாகாண சபை அபிவிருத்தி அமைச்சராக பட்டாலி சம்பிக்க ரணவக்க நியமிக்கப்பட்டுள்ளார்.

வீடமைப்பு மற்றும் கலாச்சார அமைச்சராக சஜித் பிரேமதாஸ நியமிக்கப்பட்டுள்ளார்.

கல்வி அமைச்சராக அகில விராஜ் காரியவசம் நியமிக்கப்பட்டுள்ளார்.

நீதிமன்றம் மற்றும் சிறைச்சலை சீர்த்திருக்க அமைச்சராக தலதா அத்துகோரல நியமிக்கப்பட்டுள்ளார்.

துறைமுகம் மற்றும் கப்பல் போக்குவரத்து மற்றும் தெற்கு அபிவிருத்தி அமைச்சராக சாகல ரத்நாயக்க நியமிக்கப்பட்டுள்ளார்.

தபால் சேவை மற்றும் முஸ்லிம் மத விவகார அமைச்சராக அப்துல் ஹலீம் மொஹமட் ஹாஷிம் நியமிக்கப்பட்டுள்ளார்.

போக்குவரத்து மற்றும் சிவில் விமான சேவை அமைச்சராக அர்ஜுன ரணதுங்க நியமிக்கப்பட்டுள்ளார்.

காணி மற்றும் நாடாளுமன்ற சீர்த்திருத்த அமைச்சராக கயந்த கருணாதிலக்க நியமிக்கப்பட்டுள்ளார்.

மலைநாட்டு புதிய கிராமங்கள் உட்கட்டமைப்பு மற்றும் சமுதாய அபிவிருத்தி அமைச்சராக பழனி திகாம்பரம் நியமிக்கப்பட்டுள்ளார்.

தொழில் உறவு அமைச்சராக தயா கமகே நியமிக்கப்பட்டுள்ளார்.

பெருந்தோட்டத்துறை அமைச்சராக நவீன் திஸாநாயக்க நியமிக்கப்பட்டுள்ளார்.

-தமிழ்வின்-

ஐக்கிய தேசியக் கட்சியில் இணைந்துகொண்ட ஸ்ரீலங்கா சுதந்திர கட்சியை சேர்ந்த எவருக்கும் அமைச்சுப் பதவி கிடைக்க இடமளிக்க மாட்டேன் என ஜனாதிபதி மைத்திரிபால சிறிசேன தெரிவித்துள்ளார்.

அத்துடன், கட்சி தாவிய அனைவரும் கட்சியிலிருந்தும் நீக்கப்படுவார்கள் எனவும் ஜனாதிபதி கூறியுள்ளார்.

ஐக்கிய மக்கள் சுதந்திர முன்னணியின் நாடாளுமன்ற உறுப்பினர்களுடன் சற்று முன்னர் இடம்பெற்ற கலந்துரையாடலின் போதே ஜனாதிபதி இதனை தெரிவித்துள்ளதாக தகவல்கள் வெளியாகியுள்ளன.

“நாளை காலை அமைச்சர்கள் பதவியேற்க கூடிய சாத்தியம் காணப்படுகின்றது. எனினும், அமைச்சர்களின் பட்டியலை தான் இறுதி செய்த பின்னரே அது நடக்க வாய்ப்பிருப்பதாக ஜனாதிபதி இதன் போது கூறியுள்ளார்.

எவ்வாறாயினும், ஐக்கிய தேசியக் கட்சியில் இணைந்துகொண்ட ஸ்ரீலங்கா சுதந்திர கட்சியை சேர்ந்த எவருக்கும் அமைச்சுப் பதவி கிடைக்க இடமளிக்க மாட்டேன் எனவும் ஜனாதிபதி இதன் போது குறிப்பிட்டுள்ளார்.

இதேவேளை, ஐக்கிய தேசியக் கட்சியில் இணைந்துகொண்ட எவருக்கும் அமைச்சு பதவி வழங்கக் கூடாது என நேற்று மாலை இடம்பெற்ற ஸ்ரீலங்கா சுதந்திரக் கட்சியின் மத்திய செயற்குழு கூட்டத்தில் அதிரடி தீர்மானம் நிறைவேற்றப்பட்டிருந்தமையும் குறிப்பிடத்தக்கது.

மந்திரத்தினால் யானைகளை அடக்க முயற்சித்த நபர் ஒருவர் பரிதாபமாக உயிரிழந்துள்ளார்.

வெஹெரகல நீர்த்தேக்கத்திற்கு அருகில் யானைகளை வசியம் செய்ய முயற்சித்த வேளையில் யானையின் தாக்குதலுக்கு இலக்காகி உயிரிழந்துள்ளார்.

கதிர்காமத்தை சேர்ந்த 41 வயதான குறித்த நபர் ஒருவரே இவ்வாறு உயிரிழந்துள்ளார். குறித்த நபர் மேலும் பலருடன் இணைந்து மிருகங்களைப் பார்ப்பதற்காக நேற்று சுற்றுலா சென்றுள்ளார்.

அந்த நேரத்திலே குறித்த நபர் யானையின் தாக்குதலுக்கு இலக்காகி உயிரிழந்துள்ளார்.

உயிரிழந்தவர் மந்திரத்தினால் யானைகளை வசியப்படுத்துவதில் பிரபல்யம் அடைந்தவர் என தெரிவிக்கப்படுகிறது.

கொழும்பு – கொள்ளுப்பிட்டி, கிளிபார்ட் ஒழுங்கையில் இரண்டு மாடிகளை கொண்ட ஆடம்பர வீட்டில் இயங்கி வந்த பாலியல் தொழில் விடுதி ஒன்றை முற்றுகையிட்ட பொலிஸார், அதனை நடத்தி வந்த சீனப் பெண்ணுடன் பல்கலைக்கழக மாணவி மற்றும் வியட்நாம் நாட்டை சேர்ந்த யுவதியை கைது செய்துள்ளனர்.

கொள்ளுப்பிட்டி பொலிஸார், கொழும்பு கோட்டை நீதவான் நீதிமன்றத்தில் அனுமதி பெற்று தேடுதல் நடவடிக்கை மேற்கொண்ட போதே இந்த பெண்கள் கைதுசெய்யப்பட்டுள்ளனர்.

கைது செய்யப்பட்டுள்ள வியட்நாம் யுவதி, மூன்று மாத சுற்றுலா வீசா அனுமதியில் மூன்று மாதங்களுக்கு முன்னர் இலங்கை வந்துள்ளதாக பொலிஸார் மேற்கொண்ட ஆரம்ப விசாரணைகளின் மூலம் தெரியவந்துள்ளது.

இதற்கு முன்னர், குறித்த இடத்தில் பாலியல் தொழில் விடுதி இயங்கி வந்ததுடன் தொழிலில் ஈடுபட்டிருந்த 9 பேர் கைதுசெய்யப்பட்டனர்.

சீனாவை சேர்ந்த தம்பதி, இந்த வீட்டை மாதாந்தம் இரண்டு லட்சம் ரூபாய் செலுத்தும் வகையில் வாடகைக்கு பெற்றுள்ளனர். பொலிஸார் தேடுதல் நடத்திய சீன ஆண் வீட்டில் இருக்கவில்லை எனக் கூறப்படுகிறது.

யுவதிகள் 5,000 முதல் அதிக விலைக்கு விற்பனை செய்யப்பட்டு வந்துள்ளதாக பொலிஸ் விசாரணைகளில் தெரியவந்துள்ளது. கைதுசெய்யப்பட்ட யுவதிகள், கோட்டை நீதவான் நீதிமன்றத்தில் ஆஜர்ப்படுத்தப்பட உள்ளனர்.

நேர்ந்த சோகம்

மட்டக்களப்பு, களுவாஞ்சிக்குடியில் தூக்கில் தொங்கிய நிலையில் மூன்று பிள்ளைகளின் தாயார் ஒருவரின் சடலம் மீட்கப்பட்டுள்ளதாக பொலிஸார் தெரிவித்துள்ளனர். குறித்த பெண் தனது இல்லத்தில் உள்ள கடையில் இன்று காலை தூக்கில் தொங்கிய நிலையில் சடலமாக மீட்கப்பட்டுள்ளார்.

தேற்றாத்தீவு பகுதியைச் சேர்ந்த 36 வயது மதிக்கத்தக்க செல்வரட்ணம் ஶ்ரீகலா என்பவரின் சடலமே இவ்வாறு மீட்கப்பட்டுள்ளது. மூன்று பிள்ளைகளின் தாயாரான குறித்த பெண் குடும்ப வறுமை காரணமாக வீட்டில் சிறுகடை ஒன்றை நடாத்தி வந்துள்ளார்.

பெண்ணின் கணவன் வேலை நிமித்தம் கொழும்பிற்கு சென்றுள்ள சந்தர்ப்பத்திலேயே இவ்வாறு குடும்ப தகராறு காரணமாக தூக்கிட்டு தற்கொலை செய்துள்ளதாக பொலிஸார் தெரிவித்துள்ளனர். சம்பவம் தொடர்பாக மேலதிக விசாரணைகளை பெருங்குற்றப் பிரிவினர் முன்னெடுப்பதாக பொலிஸார் தெரிவித்துள்ளனர்.