அலறியபடி ஓடிய சிறுவன்

மகாராஷ்டிரா மாநிலத்தில் மகனின் கண்முன்னே மனைவியை கொலை செய்துவிட்டு, தந்தையும் தற்கொலை செய்துகொண்டு இறந்துள்ள அதிர்ச்சி சம்பவம் நடந்துள்ளது. மகாராஷ்டிரா மாநிலத்தை சேர்ந்த அனில் ஷிண்டே (34) என்பவர் வாகன ஓட்டியாக பணிபுரிந்து வருகிறார். இவர் நேற்று தன்னுடைய மனைவி சீமா (30) மற்றும் 11 வயது மகனுடன் மலைப்பகுதிகளை சுற்றிபார்த்துவிட்டு ஹோட்டல் அறைக்கு வந்துள்ளார்.

மகன் தூங்கிய சிறிது நேரத்திலேயே கணவன் – மனைவிக்கு இடையில் கடும் சண்டை ஏற்பட்டிருக்கிறது. சத்தம் கேட்டு மகனும் விழித்துள்ளான். அப்போது கையில் ஒரு கத்தியை கொண்டு சீமாவின் வயிற்றுப்பகுதியில் ஷிண்டே சரமாரியாக குத்தியுள்ளார்.

வேண்டாம் என சிறுவன் கத்தியும், அடுத்த நிமிடமே கழுத்தை அறுத்துக்கொண்டு ஷிண்டேவும் தற்கொலை செய்துகொண்டு தரையில் விழுந்துள்ளார். இதனை பார்த்த அதிர்ச்சியில், சிறுவன் அங்கிருந்து அலறியபடியே ஹோட்டலின் வரவேற்பு பகுதிக்கு சென்று மேலாளருக்கு தகவல் கொடுத்துள்ளான்.

பின்னர் மேலாளர் கொடுத்த புகாரின் அடிப்படையில் சம்பவ இடத்திற்கு வந்த பொலிஸார் இருவரின் உடல்களையும் கைப்பற்றி பிரேத பரிசோதனைக்கு அனுப்பி வைத்தனர். மேலும் சம்பவம் குறித்து வழக்கு பதிவு செய்து விசாரணை மேற்கொண்டு வருகின்றனர்.

கணவனுக்கு நேர்ந்த சோகம்

தமிழகத்தில் கள்ளக்காதலனுடன் சேர்வதற்காக கணவருக்கு சாப்பாட்டில் விஷம் வைத்து கொலை செய்த மனைவியின் செயல் அதிர்ச்சியை ஏற்படுத்தியுள்ளது. தேனி மாவட்டத்தை சேர்ந்த ஈஸ்வரன் – கலைமணி (19) தம்பதிக்கு ஒரு குழந்தை உள்ளது. ஈஸ்வரனுக்கு குடிப்பழக்கம் இருந்த நிலையில் கலைமணியுடன் அடிக்கடி சண்டை ஏற்பட்டது. இந்நிலையில் ஈஸ்வரன் கடந்த மாதம் 8-ஆம் திகதி உயிரிழந்தார். அவர் சடலத்தை பார்த்து கலைமணி இப்படி குடித்து குடித்தே இறந்து விட்டாயே என கதறி அழுதார்.

பிறகு திடீரென ஒருநாள், தன் குழந்தையை எடுத்து கொண்டு போய் மாமனாரிடம் ஒப்படைத்தார். அதோடு வீட்டில் இருந்த 10 ஆயிரம் ரூபாய், 3 சவரன் நகை எல்லாத்தையும் எடுத்துகொண்டு வெளியே சென்றுவிட்டார்.

திடீரென மருமகள் மாயமானதால் மாமனாருக்கு சந்தேகம் ஏற்பட்ட நிலையில் ஒருநாள் அழகர்சாமி என்ற இளைஞருடன் கலைமணி ஜாலியாக ஊர் சுற்றி கொண்டிருப்பதை நேரடியாக பார்த்த மாமனார் அதிர்ச்சியடைந்து பொலிசில் புகார் கொடுத்தார்.

தனது மகன் சாவில் மர்மம் இருப்பதாக அவர் கூறியதையடுத்து தாசில்தார் முன்னிலையில் ஈஸ்வரன் உடல் தோண்டப்பட்டு பிரேத பரிசோதனையும் நடத்தப்பட்டது. அப்போது அவர் உடலில் விஷம் கலந்திருப்பதாக மருத்துவ அறிக்கை வந்தது.

இதையடுத்து பொலிசார் கலைமணியிடம் விசாரித்ததில் அனைத்து உண்மைகளையும் அவர் கக்கினார். எனக்கும் அழகர்சாமிக்கு கள்ள உறவு இருந்தது. இதை என் கணவர் ஈஸ்வரன் கண்டுப்பிடித்த நிலையில் அதற்கு எதிர்ப்பு தெரிவித்தார்.

இதையடுத்து ஈஸ்வரனுக்கு ஆசையாக சாப்பாடு தருவது போல அதில் விஷத்தை கலந்து கொடுத்தேன். அதை சாப்பிட்ட அவர் இறந்துவிட்டார் என்றார். இதையடுத்து கலைமணி, அழகர்சாமி இருவரும் கைது செய்யப்பட்டுள்ளனர்.

தூக்கில் தொங்கிய காதலன்

ராமநாதபுரம் மாவட்டத்தில் காதலி பேச மறுத்ததால் மனவேதனை அடைந்த காதலன் வட்சப்பில் தான் தற்கொலை செய்யப்போவதாக பதிவிட்டு உயிரை மாய்த்த சோக சம்பவம் நடந்துள்ளது.

புகழேந்தி ராஜா என்பவர் தனியார் பொறியியல் கல்லூரியில் எம்.இ. இறுதி ஆண்டு படித்து வந்தார். இவர் கடந்த 4 ஆண்டுகளாக அப்பகுதியைச் சேர்ந்த உறவினரின் மகளை காதலித்து வந்தார். இதற்கு அந்த பெண்ணின் குடும்பத்தினர் எதிர்ப்பு தெரிவித்தனர். இதனால் அந்த பெண் கடந்த சில நாட்களாக அவரிடம் பேசவில்லை. காதலி பேச மறுத்ததால் புகழேந்திராஜா மனமுடைந்து காணப்பட்டார்.

இந்த நிலையில் தன்னுடைய அண்ணன் முனியசாமியிடம் செல்போனில் பேசுகையில், உலகில் வாழ பிடிக்கவில்லை, எனவே தற்கொலை செய்து கொள்வதாக கூறி விட்டு இணைப்பை துண்டித்தார். இதுகுறித்து முனியசாமி, பெருநாழி பொலிஸ் நிலையத்தில் புகார் மனு அளித்தார்.

இந்த நிலையில் விளாத்திகுளம் அருகே கே.தங்கம்மாள்புரம் காட்டு பகுதியில் ஒரு பாழடைந்த கட்டிடத்தில் புகழேந்திராஜா தூக்கில் பிணமாக தொங்குவதை பொலிசார் கண்டுபிடித்தனர்.

இதையடுத்து அவரது உடல் அங்கேயே பிரேத பரிசோதனை செய்யப்பட்டது. அவரது செல்போனை பொலிசார் பார்த்தனர். அதில் புகழேந்திராஜா தற்கொலை செய்யும் முன்பாக அவர் கழுத்தில் தூக்கு மாட்டியவாறு புகைப்படம் எடுத்து காதலியின் தோழிக்கு அனுப்பியுள்ளார்.

அதை தோழி புகழேந்திராஜா விளையாட்டாக இதுபோன்று அனுப்பியுள்ளதாக நினைத்துள்ளார். ஆனால் அதுவிபரீதமாக முடிந்துவிட்டது. இந்த விவரம் அறிந்த புகழேந்திராஜாவின் பெற்றோர் சம்பவ இடத்துக்கு வந்து கதறி அழுதனர்.

கண்ணீர்விட்டு கெஞ்சிய நடிகை

பிரபல மலையாள நடிகை சேதுலட்சுமி தனது மகனது உயிரை காப்பாற்ற உதவுங்கள் என சில நாட்களுக்கு முன்னர் வீடியோ ஒன்றை வெளியிட்டார். ஏற்கனவே இதய பிரச்சனையால் பாதிக்கப்பட்டிருக்கும் சேதுலட்சுமிக்கு, சிலர் உதவியதன் பேரில் மீண்டு வந்துள்ளார். இந்நிலையில் , இவரது மகன் கிஷோருக்கு இரண்டு சிறுநீரங்களும் பாதிக்கப்படைந்துவிட்டன.

கிஷோர் உயிர்வாழ வேண்டுமென்றால், உடனடியாக சிறுநீரக மாற்று அறுவை சிகிச்சை செய்ய வேண்டும் என்றும் அதற்கு 35 லட்சம் பணம் வேண்டுமென்று கூறியுள்ளனர். ஆனால், தன்னிடம் பணம் இல்லாத காரணத்தால், வீடியோ ஒன்றில் அனைவரிடமும் தனது மகனை காப்பாற்ற உதவி செய்யுங்கள் என கண்ணீர் மல்க வேண்டினார்.

இதனைத்தொடர்ந்து, இவருக்கு உதவிகள் வந்தன, ஆனால், சிறுநீரகம் கிடைக்கவில்லை. இந்நிலையில் நடிகை பொன்னம்மா பாபு, தன்னிடம் கொடுப்பதற்கு பணம் இல்லை, ஆனால் சிறுநீரகத்தை தானம் செய்கிறேன் என முன்வந்துள்ளார்.

இதனால் மகிழ்ச்சியடைந்த சேதுலட்சுமி, பொன்னம்மா பாபுவின் உதவியால் எனது மகன் வாழ்க்கை பெறப்போகிறான், இதனால் எனக்கு சந்தோஷமாக இருக்கிறது என கூறியுள்ளார்.

அடம் பிடித்த பெண்

தமிழகத்தில் 17 வயது சிறுவனுடன் ஓட்டம் பிடித்த பெண் பற்றி பொலிசார் விசாரணை மேற்கொண்டதில் பல திடுக்கிடும் தகவல்கள் வெளிவந்துள்ளன. சென்னை கீழ்ப்பாக்கம் லாக்நகரைச் சேர்ந்தவர் சுவேதா(23), இவர் 17 வயது சிறுவனுடன் ஓட்டம் பிடித்ததால், இந்த சம்பவம் பரபரப்பாக பேசப்பட்டது.

அதன் பின் பொலிசாரின் அதிரடி நடவடிக்கையில், இருவரும் எங்கிருக்கின்றனர் என்பதை கண்டுபிடித்து, சுவேதாவை கைது செய்து, போக்ஸோ சட்டத்தின் கீழ் வழக்கு பதிவு செய்யப்பட்டது. இந்நிலையில் இந்த சம்பவம் குறித்து விசாரணை மேற்கொண்ட பொலிசார் ஒருவர் கூறுகையில், சுவாதிக்கு ஏற்கானவே இரண்டு திருமணங்கள் ஆகியுள்ளன.

அதில் முதல் கணவனை பிரிந்து வாழ்ந்து வந்த இவர், முருகன் என்பவரை இரண்டாவது திருமணம் செய்து கொண்டார். இவர்களுக்கு இரண்டு குழந்தைகள் உள்ளனர்.vமுருகன் பெங்களூருவில் உள்ள தனியார் நிறுவனத்தில் வேலை பார்த்து வந்துள்ளார். சுவேதா சென்னை குழந்தைகளுடன் வசித்து வந்துள்ளார்.

இந்நிலையில் கடந்த சில மாதங்களுக்கு முன்பு சுவேதாவின் உறவினர் உடல் நலம் பாதிக்கப்பட்டு சென்னை அரசு மருத்துவமனையில் அனுமதிக்கப்பட்டார். இதனால் அவரை பார்ப்பதற்கு சுவதே அடிக்கடி அங்கு சென்று வந்துள்ளார். அப்போது சுவேதாவின் உறவினரின் பெட்டிற்கு அருகில் பிரசாத் என்பவரின் உறவினர் அனுமதிக்கப்பட்டிருந்தார்.

அடுத்தடுத்த பெட் என்பதால் சுவேதாவுடன் பிரசாத்தின் 17 வயது மகன் பேசியுள்ளார். அதன் பின் இருவரும் தங்களுடைய போன் எண்களை மாற்றிக் கொண்டு பேசி வந்துள்ளனர். மருத்துவமனையிலிருந்து சென்ற பிறகும் இவர்களின் நட்பு தொடர்ந்துள்ளது. ஒரு கட்டத்தில் தான் திருமணமானதையே மறந்த சுவேதா அவரிடம் நெருங்கி பழகும் அளவிற்கு இருந்துள்ளார்.

இந்த நிலையில் தான் கடந்த 27-ஆம் திகதி வீட்டை விட்டு வெளியே சென்ற பிரசாத்தின் மகன் மாயமாகியுள்ளார். அப்போது அவர் குறித்து தேடிய போது தான் சுவேதா பிரசாத்தின் மகளை காதலிப்பது தெரியவந்தது. அவருக்கு 17 வயது என்பதால் அவர் மீது நாங்கள் எந்தவித நடவடிக்கையும் எடுக்கவில்லை. இதையடுத்து பிரசாத்தின் மனைவி, சுவேதா மீது புகார் கொடுத்தார்.

அதன்பேரில் நாங்கள் சுவேதாவை போக்ஸோ சட்டத்தின் கீழ் கைது செய்து சிறையில் அடைத்துள்ளதாக பொலிசார் கூறியுள்ளார். மேலும் காவல்நிலையத்திற்கு அழைத்து வரப்பட்ட சுவேதாவுக்கு மூன்று குழந்தைகள் உள்ளனர். முதல் கணவனிடம் ஒரு குழந்தையும், சில தினங்களுக்கு முன்பு இரண்டாவது கணவன் முருகனிடம் இரண்டு குழந்தைகளையும் ஒப்படைத்துள்ளார்.

அப்போது அவர் உங்களுடன் எனக்கு வாழ பிடிக்கவில்லை என்று கூறிய பின் தான், பிரசாத்திடம் மாயமாகியிருக்கிறார் என்பது தெரியவந்துள்ளது. அதுமட்டுமின்றி குழந்தைகள் எதிர்காலத்தை கருத்தில் கொண்டு சுவேதாவிடம் பொலிசார் பேசிய போது, அவர் பிரசாத்தின் மகனுடன் தன்னை வாழ அனுமதியுங்கள் என்று அடம்பிடித்துள்ளார்.

பெற்ற குழந்தைகள் மீதுகூட அவருக்கு பாசம் இல்லை. மூன்று குழந்தைகளை பெற்ற அவர், 17 வயது சிறுவனுடன் வாழ விரும்புகிறார், இதன் காரணமாகவே அவர் கைது செய்யப்பட்டதாக தெரிவிக்கப்பட்டுள்ளது.