மும்பையில் தேர்வில் தோல்வியடைந்து விட்டதாக நினைத்து கொண்டு தற்கொலை செய்த மாணவி தற்போது தேர்ச்சி பெற்றிருப்பதாக முடிவுகள் வெளியாகியுள்ளன.

மும்பை எம்பிவி வால்யா கல்லூரியில், பி.காம் மூன்றாமாண்டு படித்து வந்த மாணவி ரிதி பராப். படிப்பில் எப்பொழுது கெட்டிக்காரியான ரிதி, தன்னுடைய செமஸ்டர் தேர்வுகள் முடிந்தததும், எப்படியும் 80 சதவிகித தேர்ச்சியுடன் வெற்றி பெற்றிடுவேன் என தோழிகளிடம் மகிழ்ச்சி தெரிவித்துள்ளார்.
ஆனால் தேர்வு முடிவு வந்ததும், நிதி மேலாண்மை பாடத்தில் 20 மதிப்பெண்கள் மட்டுமே பெற்றிருந்ததாக வந்துள்ளது.

30 மதிப்பெண்கள் பெற்றிருந்தால் மட்டுமே தேர்ச்சி பெற முடியும் என்ற நிலையில், 10 மதிப்பெண்கள் குறைவாக இருந்ததால் ரிதி மிகுந்த மனஉளைச்சலுக்கு ஆளாகியுள்ளார். இதனையடுத்து கடந்த ஆகஸ்டு 10-ம் தேதியன்று தற்கொலை செய்துகொண்டு இறந்துள்ளார்.

ஆனால் இறப்பதற்கு முன்னர் தோல்வியடைந்த பாடத்தை மட்டும் மறு மதிப்பீடு செய்ய விண்ணப்பித்துள்ளார். அதன் முடிவுகள் நேற்று வெளியாகியிருந்தபோது, ரிதி தேர்ச்சியடைந்திருப்பதாக முடிவு வந்துள்ளது.

இதனை பார்த்து அதிர்ச்சியடைந்த ரிதியின் தந்தை ரமேஷ், வினாத்தாள்களை திருத்தும் ஆசிரியர்களின் கவனக்குறைவால் என்னுடைய மகள் இறந்துவிட்டாள். இனி அவள் திரும்ப வரப்போவதில்லை. ஆனால் நீங்கள் உங்களுடைய தவறுகளை திருத்தி கொள்ள வேண்டும் என கவலை தெரிவித்துள்ளார்.

இந்தியாவில் 7 வயது மகளை கொலை செய்துவிட்டு தானும் தற்கொலை செய்து கொண்ட தாயின் செயல் அதிர்ச்சியை ஏற்படுத்தியுள்ளது.

தெலுங்கானா மாநிலத்தை சேர்ந்தவர் சித்தார்த்தா. இவர் மனைவி ஆர்த்தி. தம்பதிக்கு தஷி (7) என்ற மகள் உள்ளார். சித்தார்த்தா சில மாதங்களுக்கு முன்னர் மாரடைபால் இறந்துவிட்டார். அதிலிருந்து மன அழுத்தத்தில் இருந்துள்ளார் ஆர்த்தி.

இதையடுத்து தனது வீட்டுக்கு வந்துவிடுமாறு ஆர்த்தியிடம் அவர் தாய் கூறியுள்ளார். ஆனால் தனது கணவர் சித்தார்த்தாவின் ஆவி இந்த வீட்டில் இருப்பதால் தன்னால் வர முடியாது என ஆர்த்தி கூறினார்.

இந்நிலையில் சமீபத்தில் ஆர்த்தி நைட்ரோஜன் கேஸ் சிலிண்டரை வாங்கியுள்ளார். இரு தினங்களுக்கு முன்னர் தனது மகள் தஷி முகத்தை பிளாஸ்டிக் கவரால் மூடிய ஆர்த்தி அதன் உள்ளே நைட்ரோஜன் கேஸை செலுத்தி தஷியை கொன்றுள்ளார்.

பின்னர் அதே முறையில் தானும் தற்கொலை செய்துள்ளார். சம்பவம் குறித்து தகவலறிந்த பொலிசார் இருவரின் சடலத்தையும் கைப்பற்றினார்கள்.

இதனிடையில் ஆர்த்தி வீட்டு முன்னால் ஒரு நிலம் சித்தார்த்தா பெயரில் உள்ளது. நிலம் சம்மந்தமாக ஆர்த்திக்கும் அவர் உறவினர்களுக்கும் தகராறு இருந்து வந்தது.

இந்த விடயம் ஆர்த்தியின் அதிர்ச்சி முடிவுக்கு காரணமா அல்லது வேறு ஏதேனும் காரணமா என பொலிசார் விசாரணை நடத்தி வருகிறார்கள்.

தமிழகத்தின் குமரியில் பன்றி காய்ச்சலுக்கு கர்ப்பிணி இறந்தார். மேலும் அறுவை சிகிச்சை செய்து எடுத்த குழந்தையும் பரிதாபமாக உயிரிழந்தது.

பருத்திகாட்டுவிளை பகுதியை சேர்ந்தவர் சுகன்யா (30), 7 மாத கர்ப்பிணியாக இருந்த தனியார் மருத்துவமனையில் நர்சாக வேலை பார்த்துவந்தார். பிரசவத்துக்காக கன்னியாகுமரி பழத்தோட்டம் பகுதியில் உள்ள அவருடைய தாய் வீட்டுக்கு சென்றார்.

அப்போது காய்ச்சலால் பாதிக்கப்பட்ட சுகன்யா தனியார் மருத்துவமனையில் சிகிச்சைக்காக சேர்ந்தார். அவருக்கு பன்றி காய்ச்சல் பாதிப்பு இருப்பது தெரிய வந்தது. உடனே நாகர்கோவில் ஆசாரிப்பள்ளம் மருத்துவமனையில் சேர்க்கப்பட்டார். பின்னர் மேல் சிகிச்சைக்காக திருவனந்தபுரம் மருத்துவக்கல்லூரியில் அனுமதிக்கப்பட்டார். அவருக்கு டாக்டர்கள் தீவிர சிகிச்சை அளித்தனர்.

அப்போது வயிற்றில் இருந்த குழந்தையை ஆபரேஷன் மூலம் எடுத்தால் சுகன்யாவை காப்பாற்ற வாய்ப்பு உள்ளது என்றும், அதற்காக ஆபரேஷன் செய்து குழந்தையை எடுத்து விடுவது என்றும் முடிவு செய்தனர்.

அதன்படி சுகன்யாவுக்கு கடந்த 25-ந் திகதி ஆபரேஷன் செய்யப்பட்டது. 7 மாதமே ஆகி இருந்ததால் குழந்தை முழுமையான வளர்ச்சி இல்லாமல் இருந்தது. அந்த குழந்தை பரிதாபமாக இறந்தது.

இதனால் உறவினர்கள் அதிர்ச்சி அடைந்தனர். சுகன்யா கடந்த 2011-ம் ஆண்டு கர்ப்பம் அடைந்திருந்தார். அப்போது அவருக்கு பிறந்த குழந்தை இறந்தது. இந்தநிலையில் 7 ஆண்டுகளுக்கு பிறகு மீண்டும் கர்ப்பம் தரித்த அவருக்கு, குழந்தை இறந்தது சுகன்யா குடும்பத்தினர் இடையே சோகத்தை ஏற்படுத்தியது.

சுகன்யாவுக்கு தொடர்ந்து தீவிர சிகிச்சை அளிக்கப்பட்டு வந்தது. அப்படி இருந்தும் சிகிச்சை பலன் அளிக்காமல் நேற்று முன்தினம் பரிதாபமாக இறந்தார். தாயும், சேயும் இறந்த சம்பவம் அந்த பகுதியில் சோகத்தை ஏற்படுத்தி உள்ளது.

சென்னையில் அண்ணனை கொலை செய்த 17 வயது சிறுவன் பழிக்குப்பழியாக வெட்டிக்கொலை செய்யப்பட்டுள்ளான். கோயம்பேடு மேட்டுக்குளம் பகுதியைச் சேர்ந்தவர் 17 வயதான விக்னேஷ். அதே பகுதியைச் சேர்ந்த 23 வயது இளைஞர் கணேஷ் என்பவர் கொலை செய்யப்பட்ட வழக்கில் கடந்த மே மாதம் கைதாகி சிறுவர் சீர்திருத்தப் பள்ளியில் அடைக்கப்பட்டார்.

இந்நிலையில், இரு வாரங்களுக்கு முன் ஜாமினில் விக்னேஷ் வெளியே வந்தார். கொலை செய்யப்பட்ட கணேஷின் சகோதரர் பிரகாஷ், விக்னேஷை பழி தீர்க்கும் நோக்குடன் தனது நண்பர்கள் 4 பேருடன், விக்னேஷின் வீட்டிருகே அவரை தடுத்து நிறுத்திய பிரகாஷ் உள்ளிட்டோர் பேசுவது போன்று, மறைவான இடத்திற்கு அழைத்துச் சென்று அரிவாளால் வெட்டிவிட்டு தப்பி ஓடிவிட்டனர்.

பலத்த காயமடைந்த விக்னேஷை அவரது பெற்றோர், ராஜீவ்காந்தி அரசு மருத்துவமனையில் சேர்த்தனர், அங்கு சிகிச்சை பலனின்றி விக்னேஷ் உயிரிழந்தார்.

இந்தக் கொலை வழக்கில், பிரகாஷ், மோகன், அஜித், ஆரோக்கியம், சாரதி ஆகிய ஐந்து பேரை போலீசார் கைது செய்தனர். விசாரணையில் அண்ணனைக் கொன்ற விக்னேஷைக் பழி தீர்ப்பதற்காக கொன்றதாக பிரகாஷ் வாக்குமூலம் அளித்ததாக பொலிசார் தெரிவித்துள்ளனர்.

தனது மனைவியை கொலை செய்து காதலிக்கு பிறந்தநாள் பரிசாக அளித்துவிட்டு கடந்த 15 வருடங்களாக சந்தோஷ வாழ்க்கை வாழ்ந்து வந்த நபர் கைது செய்யப்பட்டுள்ளார்.

கேரளாவை சேர்ந்த தருண் என்பவருக்கு 2003ம் ஆண்டு வங்கி ஊழியர் ஒருவருடன் திருமணமாகியுள்ளது. திருமணமான 3 மாதத்தில் தருணின் மனைவி இறந்து போக தனது மனைவியை கொள்ளை முயற்சியில் மர்ம நபர்கள் கொலை செய்துவிட்டதாக பொலிசாரிடம் தெரிவித்துள்ளார்.

அதன்பின்னர், பெங்களூருக்கு சென்றுள்ளார். அங்கு, தனது பெயரை பிரவீன் என மாற்றி தனது காதலி நிஷாவை திருமணம் செய்துகொண்டார். இந்த தம்பதியினருக்கு 2 குழந்தைகள் பிறந்ததையடுத்து, சந்தோஷமாக கடந்த 15 ஆண்டுகளாக வசிந்து வந்தனர்.

இந்த வழக்கை விசாரித்து வந்த கிரண் சவுத்ரி, கொலைக் குற்றச்சாட்டுக்கு உள்ளான தருணின் அலுவலகத்திற்கே ஊழியர் வேடத்தில் சென்று தருணை கையும் களவுமாக கைது செய்துள்ளார்.

கைதுக்கு பின்னர் வாக்குமூலம் அளித்த தருண் , மனைவியை தானே கொலை செய்ததாகவும், அடையாளங்களை மாற்றி வாழ்ந்து வந்ததாகவும் தெரிவித்துள்ளார்.

மேலும், தனது காதலி நிஷா திருமணம் ஆகாமல் இருந்த காரணத்தால், அவரை திருமணம் செய்துகொள்ள முடிவுசெய்தேன். அதன்படி, எனது மனைவியை கொலை செய்து அதனை காதலர் தின பரிசாக எனது காதலிக்கு அளித்து, அவளை மகிழ்விக்க கொலை செய்துவிட்டு தப்பித்து வந்து, எனது காதலியை திருமணம் செய்துகொண்டேன் என கூறியுள்ளார்.

15 ஆண்டுகளுக்கு பிறகு இந்த சம்பவம் வெளியே வந்துள்ளது. தருண் தனது பெயர் மற்றும் அடையாளங்களை மாற்றி வாழ்ந்து வந்த காரணத்தால் பொலிசாருக்கு இதில் சிக்கல் ஏற்பட்டு ஒருவழியாக தற்போது கண்டுபிடித்துள்ளனர்.