நாகர்கோவில் மாவட்டத்தில் தங்கையின் தவறான வாழ்க்கை முறையை கண்டித்த அண்ணன் கொலை செய்யப்பட்டுள்ளார்.

நீலசாமி என்பவர் கூலித்தொழில் செய்துவருகிறார். இவர் தனது தங்கை அமராவதியுடன் வசித்து வந்துள்ளார். அமராவதி கணவரை இழந்தவர் , இவர் தனியாக வசித்து வந்த காரணத்தால், அவருடன் தங்கையுடன் வசித்து வந்துள்ளார் நீலசாமி,

தனிமையில் இருந்த அவருக்கு பல ஆண்களுடன் தொடர்பு இருந்தது. அதே பகுதியைச் சேர்ந்த பிரசாத்தும் அவருடன் உல்லாசமாக இருந்தார்.

பிரசாத்துக்கு அதே பகுதியைச் சேர்ந்த நெருங்கிய உறவுப்பெண் ஒருவருடன் முறைதவறிய உறவு இருந்துள்ளது. அந்த பெண்ணையும் பிரசாத், அமராவதி வீட்டுக்கு அழைத்துச் சென்று உல்லாசமாக இருந்தார். இதற்கு அமராவதி துணையாக இருந்துள்ளார்.

இதுதவிர அமராவதிக்கு சென்னையில் பணியாற்றும் குமரி மாவட்டத்தைச் சேர்ந்த ஜெயில் வார்டன் ஒருவருடனும் தொடர்பு இருந்துள்ளது. அவர் ஊருக்கு வரும் சமயத்தில் அமராவதி வீட்டுக்கு சென்று அவருடன் இருந்துள்ளார்.

அமராவதியின் நடத்தை சரியில்லாததை அறிந்த நீலசாமி வேதனைப்பட்டார். அமராவதியை அழைத்து பல முறை அவர் கண்டித்தார். பிரசாத்தையும் இனி வீட்டுக்கு வரக்கூடாது என சத்தம் போட்டார்.

நீலசாமியின் கண்டிப்பால் அமராவதியும், பிரசாத்தும் அடிக்கடி சந்திக்க முடியாமல் போனது. தங்கள் கள்ளக்காதலுக்கு தடையாக இருக்கும் நீலசாமியை கொன்று விட்டால் நிம்மதியாக தங்கள் தொடர்பை தொடரலாம் என அமராவதியும், பிரசாத்தும் திட்டமிட்டனர்.

சம்பவத்தன்று நீலசாமிக்கு மது வாங்கி தருவதாக ஆசைக்காட்டி கோட்டவிளை பகுதிக்கு அவரை பிரசாத் அழைத்துச் சென்றார்.

தன்னை கொல்வதற்காக பிரசாத் மதுவாங்கிக் கொடுப்பதை அறியாத நீலசாமி, அளவுக்கு அதிகமாக மது குடித்து மயக்கநிலைக்குச் சென்றார்.

அப்போது நீலசாமியை பிரசாத் அடித்துக் கொலை செய்தார். பின்னர் நீலசாமி அணிந்திருந்த லுங்கியால் அவரது 2 கைகளையும் பின்புறமாக கட்டி கிணற்றில் வீசி விட்டி தப்பிச் சென்றுள்ளார்.

மேற்கூறிய விவரங்களை அமராவதி பொலிசில் வாக்குமூலமாக அளித்துள்ளார். தற்போது, இவர்கள் இருவரும் கைது செய்யப்பட்டு சிறையில் அடைக்கப்பட்டுள்ளனர்

இந்தியாவில் கைது செய்யப்பட்ட நபர் காவல்நிலையத்தில் இரண்டு பொலிசாரை கோடாரியால் தாக்கிவிட்டு, அதன் பின் அங்கிருந்து தப்பி ஓடும் காட்சி சிசிடிவி கமெராவில் பதிவாகியுள்ளது.

மத்தியப்பிரதேசத்தின் Umri காவல் நிலையத்திலே இந்த கொடூர சம்பவம் நிகழ்ந்துள்ளது.

Vishnu Rajawat என்ற இளைஞர் மற்றும் அவரது நண்பரை பொலிசார் அத்து மீறி நடந்த குற்றத்திற்காக கைது செய்து காவல்நிலையத்தில் வைத்துள்ளனர்.

ஆனால் அவர்கள் லாக் அப்பில் அடைக்கப்படவில்லை. இதை பயன்படுத்திக் கொண்ட Vishnu Rajawat என்ற 25 வயது இளைஞன் அங்கிருந்த கோடாரியை எடுத்துக் கொண்டு, காவல்நிலையத்தில் இருந்த கான்ஸ்டெபிள் Umesh Babu மற்றும் Gajraj Singh-ஐ கொடூரமாக கோடாரியால் தாக்கிவிட்டு அங்கிருந்து தப்பியுள்ளான்.

இதில் படுகாயமடைந்த இருவரும் மருத்துவமனையில் அனுமதிக்கப்பட்டிருந்தனர். அப்போது சிகிச்சை பெற்று வந்த Umesh Babu சிகிச்சை பலனின்றி பரிதாபமாக உயிரிழந்தார். Gajraj Singh-க்கு தொடர்ந்து சிகிச்சையளிக்கப்பட்டு வருகிறது.

இறந்த Umesh Babu குடும்பத்தினருக்கு அம்மாநில முதலமைச்சர் Shivraj Singh 1 கோடி ரூபாய் வழங்கப்படும் என்று அறிவித்துள்ளார்.

மேலும் பொலிசாரை தாக்கியது தொடர்பான காட்சிகள் அங்கிருந்த சிசிடிவி கமெராவி பதிவாகியதால், தற்போது அந்த வீடியோ வெளியாகியுள்ளது.

பொலிசாரை தாக்கிய இளைஞர் கைது செய்யப்பட்டாரா, இல்லையா என்பது குறித்து தகவல்கள் இல்லை.

தமிழகத்தில் தாலி கட்டும் நேரத்தில் மணமகள் திருமணத்தை நிறுத்துங்கள் எனவும் அதையும் மீறினால் தற்கொலை செய்து கொள்வேன் என்று கூறியதால், அங்கு பரபரப்பு நிலவியது.

திருவண்ணாமலை மாவட்டம் தண்டராம்பட்டு அருகே உள்ள கிராமத்தை சேர்ந்த 17 வயது சிறுமிக்கும், மும்பையில் வேலை செய்பவரும் தேவரடியார் குப்பம் கிராமத்தை சேர்ந்தவருமான அய்யப்பனுக்கும்(27) மணமகன் இல்லத்தில் திருமணம் நடைபெறவிருந்தது.

நேற்று முன்தினம் இரவு மணமகன் அழைப்பும், விருந்தும் நடைபெற்றது. இந்நிலையில் நேற்று காலை திருமணத்துக்கு ஏற்பாடு நடந்தது.

மணமேடையில் மணமகன் மாங்கல்யத்தை பெற்று, மணமகளின் கழுத்தில் கட்ட முற்பட்டார். அப்போது திடீரென்று மணமேடையை விட்டு எழுந்த மணமகள், நான் மைனர். எனக்கு திருமணத்தில் விருப்பம் இல்லை.

என்னை பெற்றோர் கட்டாயப்படுத்தி திருமணம் செய்யச் சொல்கிறார்கள். உடனே திருமணத்தை நிறுத்துங்கள். மீறி தாலி கட்டினால் தற்கொலை செய்து கொள்வேன் என அங்கு உறவினர்கள் பலர் இருக்கும் போது கூறினார்.

அதுமட்டுமின்றி உடனடியாக தன்னுடைய செல்போனில் 100-க்கு போன் செய்து பொலிசாரிடம் தனக்கு கட்டாய திருமணம் செய்து வைக்க முயற்சிப்பதாகவும், கூறியுள்ளார்.

இதையடுத்து அங்கு விரைந்து வந்த பொலிசார் திருமணத்தை தடுத்து நிறுத்தியுள்ளனர். இது தொடர்பாக பொலிசார் விசாரணை மேற்கொண்டு வருகின்றனர்.

இந்தியாவில் ஒரே குடும்பத்தைச் சேர்ந்த மூன்று பேர் தற்கொலை செய்து கொண்ட சம்பவத்தில் திடுக்கிடும் தகவல்கள் வெளியாகியுள்ளது.

குஜராத் மாநிலத்தின் அகமதாபாத்தில் உள்ள ஸ்கை அப்பார்ட்மெண்ட் வீட்டில் குணால் திரிவேதி உட்பட மூன்று பேர் தற்கொலை செய்து கொண்டனர்.

இதில் குணால் திரிவேதி தூக்கில் தொங்கிய நிலையிலும், அவரது மனைவி கவிதா திரிவேதி தரையிலும், மகள் Shrin படிக்கையிலும் இறந்து கிடந்தனர்.

இதைக் கண்டு அதிர்ச்சியைடைந்த அக்கம்பக்கத்தினர் உடனடியாக பொலிசாருக்கு தகவல் கொடுத்தனர். அதன் பின் சம்பவ இடத்திற்கு விரைந்து வந்த பொலிசார் அவர்களின் உடல்களை கைப்பற்றி பிரேத பரிசோதனைக்கு அனுப்பி வைத்தனர்.

இதையடுத்து பொலிசார் மேற்கொண்ட முதல் கட்ட விசாரணையில் குணால் திரிவேதி தன் மனைவி மற்றும் மகளுக்கு விஷம் கொடுத்து விட்டு, பின்னர் தூக்கு மாற்றி தற்கொலை செய்துக்கொண்டது தெரியவந்தது.

இந்த தற்கொலைக்கு பில்லி-சூனியம் காரணமாக இருக்கலாம் எனவும் கூறப்பட்டது.

இந்நிலையில், அந்த வீட்டில் சோதனை செய்த போது குணால் திரிவேதி தனக்கு யாரோ பில்லி சூனியம் வைத்துவிட்டதாகவும், இதன் காரணமாகவே நான் தொடர்ந்து குடிப்பதாகவும் குறிப்பிட்டுள்ளார்.

இது அவர் எழுதியது தானா என்பதை உறுதி செய்ய பொலிசார் தடயவியல் ஆய்வகத்திற்கு அனுப்பியுள்ளனர்.

மேலும் குணால் திரிவேதி குடிப்பழக்கத்திற்கு அடிமையாகியுள்ளார். இது குறித்து அவர் குடும்பத்தினரிடம் தனக்கு யாரோ பில்லி சூனியம் வைத்துவிட்டனர், அதன் காரணமாகவே நான் குடிக்கிறேன் என்று கூறியுள்ளார்.

ஆனால் குடும்பத்தினர் இவர் மது போதையில் பேசுகிறார் என்று அஜாக்கிரதையாக இருந்துள்ளனர். அதுமட்டுமின்றி இவர்கள் குடும்பத்தினருக்கு பொருளாதார பிரச்சனை கிடையாது, மத்தியப் பிரதேசத்தில் 14 லட்சம் ரூபாய் கடனும் கொடுத்துள்ளனர்.

இதனால் இவர்கள் என்ன காரணத்திற்காக இறந்தனர் என்பது குறித்து பொலிசார் தொடர்ந்து விசாரணை மேற்கொண்டு வருகின்றனர்.

சமீபத்தில் டெல்லியில் ஒரே குடும்பத்தைச் சேர்ந்த 11 பேர் தற்கொலை செய்து கொண்ட விவகாரம் நாட்டையே உலுக்கியது குறிப்பிடத்தக்கது.

இந்தியாவில் திருநங்கை அதிகாரி ஒருவர் தன் ஆண் நண்பரை திருமணம் செய்யவுள்ளார்.

ஒரிசா மாநிலத்தின் கந்தமால் மாவட்டம், கானபாகிரி கிராமத்தில் பிறந்தவர் ஐஸ்வர்யா(34). இவர் கடந்த 2010-ஆம் ஆண்டு ஒரிசா மாநில நிதித்துறையில் ஆண் ஊழியராகப் பணியில் சேர்ந்தார்.

இதையடுத்து 2014- ம் ஆண்டு உச்ச நீதிமன்றம் திருநங்கைகளை மூன்றாம் பாலினமாக அறிவித்ததையடுத்து தன்னை திருநங்கை என்று வெளிப்படையாகத் தெரிவித்தார். அடுத்த ஆண்டே உறுப்பு மாற்று அறுவைசிகிச்சையும் செய்துகொண்டார்.

இந்நிலையில் அரசியலமைப்புச் சட்டத்தில் 377 பிரிவான தன்பாலின உறவை குற்றம் என்பதை உச்சநீதிமன்றம் ரத்து செய்து தீர்ப்பளித்ததையடுத்து இவர் தன் ஆண் நண்பரை திருமணம் செய்யவுள்ளார்.

இது குறித்து அவர் கூறுகையில், ரதிகந்தா பிரதான் என்னுடைய பெயராக இருந்தது. சிறுவயதில் இருந்தே என்னுடைய சகோதரியின் நகைகள், உடைகள் அணிவது எனக்கு விருப்பமாக இருந்தது.

என்னுடைய அம்மா இல்லாதநேரத்தில் அவரின் நகைகளை எடுத்துப் போட்டு அழகுபார்ப்பேன். ஆனால் நான் ஆணாக நடந்து கொள்ள வேண்டும் என்று என்னுடைய தந்தை அடிக்கடி கூறி அடித்தார்.

நான் படிக்கும் காலத்தில் என்னை பலர் கிண்டல் செய்தனர். பலர் என்னை அவமானப்படுத்தினார்கள். 2010-ஆம் ஆண்டு நான் ஓடிசா மாநில அரசில் வணிகவரித்துறை பிரிவில் எனக்கு வேலை கிடைத்தது.

வேலை கிடைத்தபின் என்னுடைய அடையாளத்தை நான் யாரிடமும் காட்டிக்கொள்ளவில்லை. ஆனால், நான் ஆண் என்ற அடையாளத்துடன் வாழ்வதில் எனக்கு விருப்பமில்லை.

2014-ம் ஆண்டு திருநங்கைகளை மூன்றாவது பாலினமாக அறிவிக்கலாம் என்று உச்ச நீதிமன்றம் தீர்ப்பளித்தது. அதைத் தொடர்ந்து நான் 2015-ஆம் ஆண்டு உடல்ரீதியான அறுவைசிகிச்சை செய்து நான் பெண்ணாக மாறினேன். அதன் பின் எனது பெயரை ஐஸ்வர்யா ரிதுபர்னா பிரதான் என்று மாற்றிக்கொண்டேன்.

இதைத் தொடர்ந்து என்னுடைய ஆண் நண்பர் ஒருவர் 3 ஆண்டுகளுக்கு முன்பு காதலை தெரிவித்தார். என்னைக் காட்டிலும் வயது குறைவாக இருந்ததால் நான் அவரை ஏற்கவில்லை.

அவர் மீது ஒரு ஈர்ப்பு இருந்தது. அதன் பின் அவரின் உண்மையான அன்பை புரி்ந்துகொண்டு நானும் விரும்பினேன்.

கடந்த 2 ஆண்டுகளுக்கும் மேலாக அவரும், நானும் காதலித்து வருகிறோம். கடந்த ஒரு ஆண்டுக்கு முன் திருமணம் செய்ய என்னை அணுகினார்.

ஆனால், உச்ச நீதிமன்ற தீர்ப்புக்காக நான் காத்திருந்தேன். இப்போது ஒரேபாலின உறவு தவறில்லை என்று உச்ச நீதிமன்றம் தீர்ப்பு அளித்துள்ள நிலையில், என் காதலரை விரைவில் திருமணம் செய்ய இருக்கிறேன்.

நான் நான் ஒரு திருநங்கை என்று என் காதலரின் குடும்பத்தாருக்கு தெரியாது. நான் அவரிடம் பலமுறை கூறி குடும்பத்தாரிடம் கூறுங்கள் எனத் தெரிவித்தேன். ஆனால், அவர் தெரிவிக்கவில்லை.

உசிலம்பட்டியில் மகனின் திருமணம் நடைபெற்று கொண்டிருந்த மேடையிலேயே தந்தை திடீரென உயிரிழந்துள்ள சம்பவம் சோகத்தை ஏற்படுத்தியுள்ளது.

மதுரை மாவட்டம் மொண்டிக்குண்டு பகுதியைச் சேர்ந்த ஆனந்தகுமார் என்பவருக்கும், வகுரணியைச் சேர்ந்த கமலி என்பவருக்கும் இன்று காலை உதயப்ப நாயக்கனுரில் திருமணம் நடைபெற்றது.

திருமணம் முடிந்த கையோடு, மணமக்கள் ஆந்தகுமாரின் தந்தை தவசியிடம் ஆசிர்வாதம் பெற்றனர்.

அப்போது தவசி திடீரென மயக்கம் போட்டு கீழே விழுந்தார். இதனையடுத்து உடனடியாக அவரை மீட்டு மருத்துவமனைக்கு அனுப்பி வைத்தனர். அங்கு பரிசோதனை மேற்கொண்ட மருத்துவர்கள், தவசி ஏற்கனவே உயிரிழந்துவிட்டதாக தெரிவித்துள்ளனர்.

மகனின் திருமணம் நடைபெற்ற மேடையிலேயே தந்தை உயிரிழந்துள்ள சம்பவம் அப்பகுதியில் பெரும் சோகத்தை ஏற்படுத்தியுள்ளது.