சென்னையில் மகனாக பார்த்த நபர் தங்கள் மகளின் வாழ்க்கையை சீரழித்ததை தாங்கிகொள்ள முடியாத தாய் கண்ணீர் சிந்தியுள்ளார்.

மாரியம்மாள் என்பவரின் மகள் மகள் பத்தாம் வகுப்பு படிப்பை பாதியில் நிறுத்திவிட்டு வீட்டில் இருந்துவருகிறார்.

மாரியம்மாள், வீட்டு வேலை செய்கிறார். அவரின் கணவர், அந்தப் பகுதியில் உள்ள புதிதாகக் கட்டப்பட்டுவரும் அடுக்குமாடி குடியிருப்பில் காவலாளியாகப் பணியாற்றுகிறார்.

மாரியம்மாளின் கணவர் வேலைபார்க்கும் இடத்தில் தஞ்சாவூரைச் சேர்ந்த ராஜசேகர் என்பவர் எலெக்ட்ரீஷியனாக வேலைபார்த்தார். இதனால் இருவருக்கும் நல்ல நட்பு ஏற்பட்டது.

26 வயதாகும் ராஜசேகருக்கு இன்னும் திருமணமாகவில்லை. இந்த நிலையில், அப்பாவுக்கு சாப்பாடு கொடுக்க அடுக்குமாடி குடியிருப்புக்கு அடிக்கடி சென்றுள்ளார் அந்தச் சிறுமி. அப்போது ராஜசேகருக்கும் சிறுமிக்கும் பழக்கம் ஏற்பட்டுள்ளது.

சிறுமியின் வீட்டில் யாரும் இல்லாத நேரத்தில் அங்குச் சென்றுள்ளார் ராஜசேகர். இருவரும் நெருங்கிப் பழகினர். இதில், சிறுமி கர்ப்பம் அடைந்தார்.

ஆனால், அந்தத் தகவலை பெற்றோரிடம் தெரிவிக்கவில்லை. 5 மாதங்கள் கடந்ததால், அவரின் உடலில் மாற்றம் தெரிந்தது. அதைக் கவனித்த மாரியம்மாள், மகளிடம் விசாரித்தார். முதலில் எந்தத் தகவலையும் அவர் தெரிவிக்கவில்லை. நீண்ட நேர விசாரணைக்குப் பிறகு, கர்ப்பமாக இருக்கும் தகவலை சிறுமி தெரிவித்தார்.

அதைக் கேட்ட மாரியம்மாள், அவரின் கணவர் அதிர்ச்சியடைந்தனர். மகளின் கர்ப்பத்துக்கு ராஜசேகர்தான் காரணம் என்ற தகவலைக் கேட்டு மாரியம்மாளும் அவரின் கணவரும் ஆத்திரமடைந்தனர்.

`மகன் போலதான் அவனைக் கருதினோம். ஆனால், அவன் என் மகளின் வாழ்க்கையை நாசமாக்கிவிட்டானே’ என்று இருவரும் கதறினர். இதையடுத்து மாரியம்மாள், அனைத்து மகளிர் பொலிஸ் நிலையத்தில் புகார் அளித்துள்ளார். இதுகுறித்து பொலிசார் நடத்திய விசாரணையில், சிறுமியின் கர்ப்பத்துக்கு ராஜசேகர்தான் காரணம் என்று தெரியவந்தது.

இதையடுத்து போக்சோ சட்டத்தின் கீழ் ராஜசேகரை பொலிசார் கைதுசெய்தனர்.

ஒடிசா மாநிலத்தில் சிகிச்சைக்கு வந்த நோயாளி இறந்ததால், விரக்தி அடைந்த மருத்துவர் கழுத்தை அறுத்து தற்கொலைக்கு முயன்றுள்ள சம்பவம் நிகழ்ந்துள்ளது.

ஒடிசா மாநிலத்தில் Bargarh பகுதியில் சிறிய பல் மருத்துவமனை ஒன்றினை நடத்தி வருபவர் Subodh Sahu (40).

கடந்த சில நாட்களாகவே பல் வலியால் அவதிப்பட்டு வந்த அதே பகுதியை சேர்ந்த Labanga Sahu (35) என்ற பெண் சிகிச்சைக்காக அந்த மருத்துவமனைக்கு சென்றுள்ளார்.

அங்கு சிகிச்சை மேற்கொண்ட Subodh,வலி கொடுக்கும் பல்லை பிடிங்கிவிட்டால் சரியாகிவிடும் என கூறிவிட்டு இரண்டு ஊசிகளை போட்டுள்ளார். ஊசி போட்ட அடுத்த நிமிடங்களிலேயே அந்த பெண் மயக்கமடைந்து விழுந்துள்ளார்.

இதனையடுத்து உடனடியாக அந்த பெனின் கணவர் Saheba (40)-வை அழைத்து, மாவட்ட தலைமையக மருத்துவமனைக்கு கொண்டு செல்லுமாறு கூறியுள்ளார். இதனை கேட்டு அவரது கணவரும் அந்த பெண்ணின் உடலை எடுத்துக்கொண்டு மருத்துவமனைக்கு விரைந்துள்ளார்.

அங்கு பரிசோதனை மேற்கொண்ட மருத்துவர்கள், Labanga ஏற்கனவே இறந்துவிட்டதாக கூறியுள்ளனர். இந்த சம்பவத்தை கேள்விப்பட்ட மருத்துவர் Subodh, உடனடியாக, ஆபரேஷன் செய்யப் பயன்படும் கத்தியை கொண்டு தன்னுடைய கழுத்தை அறுத்து தற்கொலைக்கு முயன்றுள்ளார்.

இந்த சம்பவம் அறிந்த அவரது வீட்டார் உடனடியாக மீது தலைமை மருத்துவமனையில் அனுமதித்தனர். அங்கு சிகிச்சையளித்த மருத்துவர்கள், Subodh தற்போது கவலைக்கிடமான நிலையில் இருப்பதாக தெரிவித்துள்ளனர்.

இந்த சம்பவம் பெரும் பரபரப்பை ஏற்படுத்தியிருந்தது நிலையில், வழக்கு பதிவு செய்து விசாரணை மேற்கொண்ட பொலிஸார், மருத்துவர் Subodh-ன் சான்றிதழ்களை சரிபார்க்கும்போது அவை அனைத்தும் போலியானவை என்பதை கண்டறிந்தனர்.

ஆனால் Subodh, தனியார் பயிற்சி நிறுவனத்தின் மூலமாக மருத்துவருக்கு மூன்று ஆண்டுகள் படித்திருந்தார் என உறவினர்கள் வாக்குவாதத்தில் ஈடுபட்டதால், இதுகுறித்து பொலிஸார் விரிவான விசாரணை மேற்கொள்ள உள்ளனர்.

இந்தியாவில் தான் காதலித்த பெண்ணை ராக்கி கட்ட ஆசிரியர்கள் வற்புறுத்தியதால், பள்ளி மாணவர் ஒருவர் தற்கொலை முயன்றதில் கவலைக்கிடமாக உள்ள சம்பவம் பரபரப்பை ஏற்படுத்தியுள்ளது.

உத்தர பிரதேச மாநிலம் ஆக்ராவில் உள்ள தனியார் பள்ளி ஒன்றில் படித்து வரும் மாணவர் திலீப்குமார் ஷா. இவர் அதே பள்ளியில் படித்து வந்த மாணவி ஒருவரை காதலித்து வந்ததாக கூறப்படுகிறது.

இந்த விடயம் மாணவியின் பெற்றோருக்கு தெரிந்த நிலையில், இதுகுறித்து பள்ளியின் முதல்வர் மற்றும் ஆசிரியரிடம் அவர்கள் புகார் தெரிவித்துள்ளனர்.

அதனைத் தொடர்ந்து, பள்ளி முதல்வர் மற்றும் ஆசிரியர்கள் திலீப் மற்றும் குறித்த மாணவியை அழைத்துள்ளனர். பின்னர், மாணவியை திலீப்பின் கையில் ராக்கி கயிறு கட்டுமாறு வற்புறுத்தியுள்ளனர்.

இதனால், மாணவர் திலீப்குமார் விரக்தி அடைந்து பள்ளி கட்டிடத்தின் இரண்டாவது மாடியில் இருந்து குதித்துள்ளார். பின்னர் உடனடியாக அவர் மருத்துவமனைக்கு கொண்டு செல்லப்பட்டார். அவரது உடல்நிலை மோசமாக உள்ளதாக கூறப்படுகிறது.

இந்நிலையில், மாணவனின் பெற்றோர் பள்ளி முதல்வர் மற்றும் ஆசிரியர் மீது நடவடிக்கை எடுக்க வேண்டும் என போராட்டத்தில் ஈடுபட்டனர். அதன் பின்னர், சம்பவ இடத்திற்கு விரைந்த பொலிசார் பள்ளி நிர்வாகிகள் மீது வழக்குப்பதிவு செய்து விசாரணை நடத்தி வருகின்றனர்.

தமிழகத்தின் திருவேற்காடு பகுதியில் காவல் நிலையம் முன்பு நர்ஸ் ஒருவர் தீக்குளித்த சம்பவம் தொடர்பில் அவர் அளித்த வாக்குமூலம் பரபரப்பை ஏற்படுத்தியுள்ளது.

சென்னை திருவேற்காடு செந்தமிழ் நகரைச் சேர்ந்தவர் ரேணுகா. செவிலியரான இவர் தனது வீட்டின் அருகே கழிவறை ஒன்றை கட்டி வந்தார்.

இதனால் அவரின் பக்கத்து வீட்டைச் சேர்ந்த அமிர்தவள்ளிக்கும் ரேணுகாவுக்கும் இடையே தகராறு ஏற்பட்டது.

இதையடுத்து அமிர்தவள்ளி திருவேற்காடு காவல் நிலையத்தில் புகார் கொடுத்துள்ளார். அதன்பேரில் இரு தரப்பினரையும் பொலிஸார் அழைத்து விசாரணை மேற்கொண்டுள்ளனர்.

அப்போது, இன்ஸ்பெக்டர் அலெக்சாண்டர், சப்-இன்ஸ்பெக்டர் சரவணன் ஆகியோர் அ.தி.மு.க பிரமுகர்கள் சிலரின் பேச்சைக் கேட்டுக்கொண்டு அமிர்தவள்ளிக்கு ஆதரவாகப் பேசியதாக கூறப்படுகிறது.

இதனால் ரேணுகா மனம் உடைந்தார். உடனே அவர், மறைத்து வைத்திருந்த பெட்ரோலை எடுத்து தன் மீது ஊற்றிக் கொண்டு காவல் நிலையத்திலேயே தீவைத்துக்கொண்டார்.

இதில் அதிர்ச்சியடைந்த பொலிசார் அவரை மீட்டு கீழ்ப்பாக்கம் அரசு மருத்துவமனையில் சேர்த்தனர்.

அங்கு தீவிர சிகிச்சை அளிக்கப்பட்டு வந்த நிலையில் இன்று ரேணுகா மரணமடைந்துள்ளார். இந்த நிலையில், பொலிஸார் லஞ்சம் வாங்கிக் கொண்டு ஒரு தரப்புக்கு ஆதரவாக பேசுவதால்தான் தான் தற்கொலை செய்துகொண்டதாக இறப்பதற்கு முன் அவரது உரையாடல் வெளியாகியுள்ளது.

இந்த வாக்குமூலத்தை அடிப்படையாக கொண்டு இன்ஸ்பெக்டர் அலெக்சாண்டர், சப்-இன்ஸ்பெக்டர் சரவணன் ஆகியோர் இடமாற்றம் செய்யப்பட்டுள்ளனர்.

இதுகுறித்து பொலிஸார் கூறுகையில், நர்ஸ் ரேணுகா இறப்பதற்கு முன், நடந்த சம்பவத்தை முழுமையாகப் பதிவு செய்துள்ளார்.

அந்த வாக்குமூலம் அடிப்படையில்தான் பொலிஸ் அதிகாரிகள் இடமாற்றப்பட்டுள்ளனர். அ.தி.மு.க. பிரமுகர்களின் சிபாரிசு, லஞ்சம் காரணமாகத்தான் பொலிஸ் அதிகாரிகள் இடமாற்றப்பட்டுள்ளனர் என்றனர்.

தற்கொலைக்கு முன் நர்ஸ் பேசிய ஒடியோவில் நான் கழிவறைக் கட்டியது தவறா என்று மனம் உடைந்து கண்ணீர்மல்க கூறியுள்ளதாக அவரின் உறவினர்கள் தெரிவித்தனர்.

மேலும், காவல் நிலையத்தில் விசாரணை என்ற பெயரில் ரேணுகாவை சிலர் மிரட்டியுள்ளனர். இதனால்தான் அவர் இந்த விபரீத முடிவை எடுத்துள்ளார் என்றனர்.

இந்தியாவின் மராட்டிய மாநிலத்தில் உறங்கும் போது தொலைபேசியில் தொடர்ந்து பேசியதால், அக்காவை தம்பியே கொலை செய்த சம்பவம் அதிர்ச்சியை ஏற்படுத்தியுள்ளது.

மகாராஷ்டிர மாநிலம் தானே மாவட்டத்தைச் சேர்ந்த 19 வயதான மாணவி, தனது நண்பருடன் தொலைபேசியில் பேசியுள்ளார். அதாவது பிற்பகல் தொடங்கி, இரவு வரை தொடர்ந்து பேசிக் கொண்டே இருந்துள்ளார். இதனால் உறங்கச் சென்ற அவரது 16 வயதான தம்பிக்கு மிகவும் தொந்தரவாக இருந்துள்ளது.

இதையடுத்து இருவருக்கும் இடையே வாக்குவாதம் ஏற்பட்டது. கடந்த திங்கள் அன்று நடந்த சண்டையில், அக்காவின் கழுத்தை தம்பி நெரித்துள்ளான். இதில் மூச்சுத் திணறி அக்கா உயிரிழந்துள்ளார். உடனே தனது நண்பர்களை அழைத்து, உடலை அப்புறப்படுத்தியுள்ளான்.

இதனை அருகில் இருந்த வீட்டைச் சேர்ந்தவர்கள் கவனித்துள்ளனர். உடனே பொலிசாருக்கு தகவல் கொடுத்தனர். அவர்கள் சம்பவ இடத்திற்கு விரைந்து வந்து, சிறுவனை கைது செய்தனர்.

அவன் மீது இந்திய தண்டனைச் சட்டப்பிரிவு 302 மற்றும் 201 ஆகியவற்றின் கீழ் வழக்குப்பதிவு செய்யப்பட்டுள்ளது. பின்னர் நீதிமன்றத்தில் ஆஜர்படுத்தப்பட்டு, சிறார் இல்லத்தில் அடைக்கப்பட்டான்.

தமிழ்நாட்டில் இளம் பெண்ணை கொன்று நகைகளை கொள்ளையடித்து சென்ற மர்மநபர்களை பொலிசார் தேடி வருகின்றனர்.

புதுக்கோட்டை மாவட்டம் திருமயத்தை சேர்ந்த நேரு – லாவண்யா (23) தம்பதிக்கு ஒரு குழந்தை உள்ளது.

நேரு சிங்கப்பூரில் வேலை பார்த்து வருகிறார். லாவண்யா உள்ளூரில் உள்ள வயல்பகுதியில் உள்ள வீட்டில் தனியாக வசித்து வந்தார். இந்தநிலையில் நேற்று காலை நீண்ட நேரம் ஆகியும் வீட்டில் இருந்து லாவண்யா வெளியே வரவில்லை.

இதையடுத்து சந்தேகமடைந்த அக்கம்பக்கத்தினர் லாவண்யா வீட்டுக்குள் சென்று பார்த்த போது அவர் ரத்த வெள்ளத்தில் சடலமாக கிடந்தார்.

இது குறித்து பொலிசாருக்கு தகவல் தரப்பட்ட நிலையில் சம்பவ இடத்துக்கு வந்தனர்.

அப்போது வீட்டிற்குள் பீரோ உடைக்கப்பட்டு அதில் இருந்த பொருட்கள் மற்றும் துணிமணிகள் சிதறி கிடந்தன. மேலும் அதில் இருந்த பணமும், லாவண்யா அணிந்திருந்த நகைகளும் மாயமானது தெரியவந்தது.

பொலிசார் கூறுகையில், லாவண்யா நகைகளை கொடுக்க மறுத்து போராடவே ஆத்திரத்தில் மர்மநபர்கள் அவரை அடித்து கொன்று விட்டு, அவர் அணிந்திருந்த நகைகளை கொள்ளையடித்து சென்றிருக்கலாம்.

லாவண்யா கொலை செய்யப்பட்டது குறித்து வெளிநாட்டில் உள்ள அவரது கணவர் நேருவுக்கு தகவல் தெரிவிக்கப்பட்டது. இதையடுத்து அவர் வெளிநாட்டில் இருந்து விமானம் மூலம் நேற்று மாலை வந்து விட்டார்.

கொலையாளிகளை தேடும் முயற்சியில் முழு மூச்சாக இறங்கியுள்ளோம் என கூறியுள்ளனர்.

இந்தியாவின் ஆந்திர மாநிலத்தில் காதலனின் தாய் மிரட்டியதால் மனமுடைந்த காதலி தற்கொலை செய்து கொண்டது அதிர்ச்சியை ஏற்படுத்தியுள்ளத்து.

நெல்லூரை சேர்ந்தவர் மஸ்தன். இவர் மகள் வல்லிப்பு மமதா (16) மாணவியாவார். மமதா விடுதியில் தங்கி படித்து வந்த நிலையில் இளைஞர் ஒருவரை காதலித்து வந்துள்ளார்.

இந்நிலையில் உடல்நலக்குறைவு ஏற்பட்டதால் விடுதியிலிருந்து வீட்டுக்கு வந்தார் மமதா. வீட்டில் மமதா தனியாக இருந்த நிலையில், அவர் காதலித்த இளைஞரின் தாய் அங்கு வந்துள்ளார்.

பின்னர் எவ்வளவு தைரியம் இருந்தால் என் மகனை காதலிப்பாய் என மமதாவை மிரட்டியுள்ளார். இதையடுத்து மனமுடைந்த மமதா தூக்கிட்டு தற்கொலை செய்து கொண்டார்.

சம்பவம் குறித்து பொலிசார் வழக்குப்பதிவு செய்து விசாரணை நடத்தி வருகிறார்கள்.