தமிழ்நாட்டின் காஞ்சீபுரம் அருகே ஏரிக்கரையில் புதுமாப்பிள்ளை கொலை செய்யப்பட்டு கிடந்தது பரபரப்பை ஏற்படுத்தியுள்ளது.

திருவண்ணாமலை மாவட்டத்தை சேர்ந்தவர் புஷ்பராஜ் (32). இவருடைய மனைவி புனிதா (26). இவர்களுக்கு சில மாதங்களுக்கு முன்பு திருமணம் நடந்தது.

புஷ்பராஜ் சென்னையில் உள்ள ஒரு தனியார் கம்பெனியில் வேலை செய்து வந்த நிலையில் கடந்த 20-ந் திகதி வேலைக்கு சென்ற அவர் பின்னர் வீட்டிற்கு திரும்பி வரவில்லை.

இந்நிலையில் நேற்று முன்தினம் காஞ்சீபுரம் அருகில் உள்ள ஏரிக்கரையில் புஷ்பராஜ் கொலை செய்யப்பட்டு கிடந்தார்.

பொலிசார் சடலத்தை கைப்பற்றி பிரேத பரிசோதனைக்கு அனுப்பிய நிலையில் பின்னர் அவர் பெற்றோரிடம் ஒப்படைத்தனர். புஷ்பராஜ் சடலத்தை பார்த்து புனிதா கதறி அழுதார்.

இதையடுத்து புஷ்பராஜை கொலை செய்த நபர்களை உடனடியாக கைது செய்ய வேண்டும் என கூறி புஷ்பராஜ் சடலத்தை வைத்து உறவினர்கள் சாலை மறியலில் ஈடுபட்டனர்.

பின்னர் பொலிசார் அவர்களுடன் பேச்சுவார்த்தை நடத்திய நிலையில், சம்பவம் தொடர்பாக 4 பேரை பிடித்து விசாரித்து வருகிறார்கள்.

இயற்கை பேரிடர் கேரளாவைப் புரட்டிப்போட்டது மட்டுமல்லாமல் மனிதநேயத்துக்கு எடுத்துக்காட்டாகப் பல சம்பவங்களும் நடந்துள்ளது. அது தொடர்பான புகைப்படம் மற்றும் வீடியோக்கள் தொடர்ந்து சமூகவலைதளங்களில் வெளியாகி வருகின்றன.

இந்நிலையில், கால்களை இழந்த மாற்றுதிறனாளி நபர் வெள்ளத்தில் உயிருக்கு போராடிய பெண்ணை காப்பாற்றிய நிமிடங்களை அவரே விவரித்துள்ளார்.

செங்கன்னூர் மாவட்டம், அரட்டுப்புழா ஊரைச் சேர்ந்தவர் சின்னத்துரை (46). மாற்றுத் திறனாளியான இவர், கால்களால் நடக்க இயலாதவர். இந்த நிலையிலும் வெள்ளத்தில் சிக்கி உயிருக்குப் போராடிய பெண் ஒருவரைக் காப்பாற்றியுள்ளார்.

செங்கன்னூர் பகுதி முழுவதும் வெள்ளம் சூழ்ந்து கொண்டிருந்தது. அப்போது, என்னைக் காப்பாற்றுங்கள் என்ற சத்தம் கேட்டது.
அந்த தருணத்தில் என்னைப் பார்த்த அப்பெண், தன்னைக் காப்பாற்ற இவரால் முடியாது என்று நிச்சயம் நினைத்திருப்பார். ஏன் என்றால் எனக்குத்தான் கால்கள் சரியாக இல்லையே.

ஆனால், உயிருக்குப் போராடிய பெண்ணை காப்பாற்ற வேண்டும் என்ற எண்ணம் மட்டுமே என் மனதிலிருந்தது. உடனடியாக, வாழைமரம் மற்றும் மரப் பட்டை அமைக்கப்பட்ட தற்காலிக படகுபோல் ஒன்றைச் செய்தேன். அதன் மூலம் அவரைக் காப்பாற்றினேன்’ என்று கூறியுள்ளார்.

மேலும், இப்பெண்ணின் கணவரும் இதயநோயால் பாதிக்கப்பட்டவர் என்பதால் அவரால் தனது மனைவியுடன் சேர்ந்து வெள்ளத்தில் நீந்தி செல்ல இயலவில்லை. இதனால் தனது மனைவியை காப்பாற்றிய மாற்றுதிறனாளி முதியவருக்கு நன்றி தெரிவித்துள்ளார்.

கேரளாவின் மலப்புரத்தில் உள்ள நிவாரண முகாமில் பெண்ணும் அவரது குடும்பத்தினரும் தங்கியிருந்த நிலையில் அந்த நிவாரண முகாமிலேயே அவருக்கு திருமணம் நடைபெற்றது.

கேரளத்தில் மழை வெள்ளத்தால் ஏராளமானோர் வீடுகளையும் தங்கள் உடைமைகளையும் இழந்துவிட்டனர். இதையடுத்து லட்சக்கணக்கானோர் நிவாரண முகாம்களில் தங்க வைக்கப்பட்டனர்.

இந்நிலையில் மலப்புரத்தைச் சேர்ந்த அஞ்சு என்ற பெண்ணின் வீடு வெள்ளத்தில் மூழ்கியதால் நிவாரண முகாமில் தங்கியிருந்தார். அவருக்கு ஏற்கெனவே ஷாய்ஜூ என்பவருடன் திருமணம் நிச்சயிக்கப்பட்டது.

ஆனால் திடீர் மழை வெள்ளத்தால் அஞ்சுவின் திருமணம் நடக்குமா என்ற கேள்வி எழுந்தது. இந்நிலையில் திரிபுராந்தகா கோயில் அறக்கட்டளை இவரது திருமணத்தை நடத்த முன்வந்தது.

இதையடுத்து அஞ்சு தங்கியிருந்த நிவாரண முகாமிலேயே அவருக்கு பெற்றோர் முன்னிலையில் திருமணம் நடந்தது.

வெள்ளத்தால் நிச்சயிக்கப்பட்ட திருமணத்தை நடத்த முடியாமல் போய்விடுமோ என்று வேதனையில் இருந்த அஞ்சு குடும்பத்தினர் தற்போது மகிழ்ச்சியில் திளைத்துள்ளனர்.

தமிழகத்தில் மனைவியைப் பற்றி தவறாகப் பேசியதால், அர்ச்சகரை அம்மிக்கல்லை போட்டு கணவன் கொலை செய்துள்ள சம்பவம் அதிர்ச்சியை ஏற்படுத்தியுள்ளது.

சென்னை பழைய வண்ணாரப்பேட்டையின் தண்டையார்பேட்டை பகுதியைச் சேர்ந்தவர் கார்த்திக் ராஜா. இவர் அதே பகுதியில் கோவில் அர்ச்சகராகவும், ஆட்டோ டிரைவராகவும் இருந்து வந்துள்ளார். இவருக்கு சத்யா என்ற மனைவியும் 2 மகன்களும் ஒரு மகளும் உள்ளனர்.

இந்நிலையில் கார்த்திக் ராஜா நேற்றிரவு வீட்டிற்கு வெளியே தூங்கியிருந்த நிலையில், இன்று அதிகாலை ரத்த வெள்ளத்தில் இறந்து கிடந்தார்.

இதைக் கண்டு அதிர்ச்சியடைந்த அப்பகுதி மக்கள் உடனடியாக பொலிசாருக்கு தெரிவித்துள்ளனர். இதையடுத்து சம்பவ இடத்திற்கு விரைந்து வந்த பொலிசார் கார்த்திக் ராஜாவின் சடலத்தைக் கைப்பற்றி பிரேத பரிசோதனைக்காக மருத்துவமனைக்கு அனுப்பி வைத்துள்ளனர்.

அதன் பின் கார்த்திக் ராஜாவின் உறவினரான அதே பகுதியைச் சேர்ந்த ஏழுமலை என்பவர் ரத்தம் படிந்த கத்தியுடன் காவல்நிலையத்தில் சரணடைந்துள்ளார்.

அப்போது பொலிசார் நடத்திய விசாரணையில் திடுக்கிடும் தகவல்கள் வெளிவந்துள்ளன. அதில், கடந்த 3 மாதங்களுக்கு முன்பு ரம்ஜான் பேகம் என்ற பெண்ணை நான் காதலித்து திருமணம் செய்துகொண்டேன்.

இந்த நிலையில் சில தினங்களுக்கு முன் கார்திக் ராஜா தன்னை சந்தித்து, தன்னுடைய நண்பரின் தங்கை திருமணத்தை நடத்தி வைக்கும்படி கூறினார்.

அப்போது இருவருக்கும் பிரச்சனை ஏற்பட்டது. அந்த நேரத்தில் அவர் என் மனைவியைப் பற்றி தவறாக பேசினார்.

இதனால் ஆத்திரத்தில் இருந்த நான், அவர் தூங்கிக் கொண்டிருந்த போது கத்தியால் குத்தினேன், ஆனால் அவரது உயிர் போகவில்லை, அதனாலே அருகில் இருந்த அம்மிக்கல்லை தூக்கி தலையில் போட்டு கொலை செய்தேன் என்று கூறியுள்ளார்.

இந்தியாவின் டெல்லியில் சிறுநீர் கழிக்க கழிப்பறைக்கு சென்ற 9 வயது சிறுமியை சிலர் பலாத்காரம் செய்துள்ள சம்பவம் அதிர்ச்சியை ஏற்படுத்தியுள்ளது.

வசண்ட் குஞ்ச் பகுதியில் கடை வைத்திருக்கும் நபரின் 9 வயது மகள் நான்காம் வகுப்பு படித்து வந்தார். நேற்று இரவு கடையில் தந்தைக்கு உதவியாக இருந்த சிறுமி பொது கழிப்பறைக்கு சென்று சிறுநீர் கழிக்க சென்றுள்ளார்.

அந்த இடத்தில் இருந்த சில மர்ம நபர்கள் சிறுமியை பலாத்காரம் செய்துவிட்டு தப்பியோடியுள்ளனர். பின்னர் உடலில் இரத்தம் சொட்ட கிழந்த உடையுடன் அழுது கொண்டே சிறுமி வந்த நிலையில் அங்கிருந்தவர்கள் அவரை வீட்டுக்கு அழைத்து சென்றுள்ளனர்.

பின்னர் நடந்தவற்றை சிறுமி கூறிய பின்னர் மருத்துவமனையில் சிகிச்சைக்காக அனுமதிக்கப்பட்டுள்ளார். இந்த சம்பவத்தில் தொடர்பு இருப்பதாக சில ஆண்களை பொலிசார் கைது செய்து விசாரித்து வருகிறார்கள்.

தமிழகத்தின் மதுரையை சேர்ந்த ஐந்தாவது படிக்கும் சிறுமி தமது உயர் படிப்புக்காக சேமித்து வைத்திருக்கும் பணத்தை கேர வெள்ள நிவாரண நிதிக்காக வழங்கியுள்ளது பலரது கவனத்தையும் ஈர்த்து வருகிறது.

கேரளா பெருவெள்ளம், உலகெங்கும் இருக்கிற மனிதத்தை உயிர்ப்பிக்கச்செய்துள்ளது. கேரளாவுக்கான உதவிகள், பல பகுதிகளிலிருந்தும் குவிந்தவண்ணம் உள்ளது.

இதில், நெகிழ்ச்சியடைய வைக்கும் பல சம்பவங்கள் நாட்டின் பல பாகங்களில் நடந்துள்ளன. விழுப்புரம் சிறுமி, சைக்கிள் வாங்க சேமித்த பணத்தை கேரளா வெள்ள நிவாரணத்துக்கு வழங்கியது அதில் ஒன்று.

தற்போது, மதுரையைச் சேர்ந்த விக்ரமன் என்பவருடைய மகள் ஹெப்ரான் ஜோன்னா என்ற ஐந்தாவது படிக்கும் சிறுமி, தன்னுடைய உயர் படிப்புக்காக சேமித்துவைத்திருந்த 52 ஆயிரம் ரூபாயை கேரளா வெள்ள நிவாரணத்துக்காக வழங்கியிருக்கிறார்.

ஹெப்ரானுடைய குடும்பத்தினர், கேரளா வெள்ள நிவாரணத்துக்குப் பல உதவிகளையும் செய்திருக்கிறார்கள். இதைப் பார்த்த ஹெப்ரான், தானும் உதவி செய்தாக வேண்டுமென்று முடிவுசெய்து, சேமித்த மொத்த பணத்தையும் வழங்கியிருக்கிறார். இதற்கு அவர் பெற்றோரும் சம்மதம் தெரிவித்திருக்கிறார்கள் என்பது குறிப்பிடத்தக்கது.

வெள்ளத்தால் பாதிக்கப்பட்ட கேரளாவுக்கு மத்திய, மாநில அரசுகள், பிரபலங்கள், நிறுவனங்கள், தனியார் அமைப்புகள், பள்ளிகள், கல்லூரிகள், என்றுபோய் தனி நபரும் உதவிகளை செய்து வருகின்றனர்.

அந்த வகையில் உதவிய தனிநபர்களும் உண்டு. அவர்கள் திருவண்ணாமலையை சேர்ந்தவர்கள். அவர்களில் சிலர் தொழுநோயாளிகள். மற்றொருவர் பிச்சைக்காரர். மல்லவாடியில் தொழுநோய் இல்லம் ஒன்று செயல்பட்டு வருகிறது. இங்கு 2 சிறுவர்கள் இல்லாமல், வயதானவர்கள் மட்டும் 36 பேர் உள்ளனர்.

இவர்கள்தான் கேரள மக்களுக்கு நிவாரண உதவியை தந்துள்ளனர். தாங்கள் சிறுக சிறுக சேர்த்து வைத்த 1035 ரூபாயை, கேரள நிவாரண உதவியாக தந்துள்ளனர். அதேபோல், ஏழுமலை என்பவருக்கு 2 கைகள், ஒரு கால் கிடையாது.

பிச்சை எடுத்துதான் பிழைப்பு ஓட்டிக் கொண்டிருக்கிறார். தான் ஒருநாளில் பிச்சையெடுத்த வசூல் தொகை 100 ரூபாயை நிவாரண நிதியாக கொடுத்துள்ளார்.

தொழுநோயாளிகள் கொடுத்த 1035 ரூபாயும் பிச்சைக்காரர் ஏழுமலை கொடுத்த 100 ரூபாயும் சேர்த்து 1135 ரூபாயாக கேரள முதல்வரின் வெள்ள நிவாரண நிதிக்கு அனுப்பி வைக்கப்பட்டுள்ளது.

கேரளாவில் ஏற்பட்ட வெள்ளப்பெருக்கு காரணமாக சபரிமலை பம்பா நதியில் வரலாறு காணாத அளவிற்கு வெள்ளம் ஏற்பட்டது. இதனால் ஐயப்பன் கோவிலில் சில சடங்குகள் நடத்த இயலாமல் போகுமோ என்ற நிலை முதல் முறையாக கடந்த வாரம் ஏற்பட்டது.

நிரபுத்தரி என்னும் ஆண்டிற்கு ஒரு முறை நடக்கும் ஒரு சடங்கிற்கு, நெல் அறுவடை செய்யப்படுவதற்கு முன், யாரும் எடுப்பதற்கு முன் அறுக்கப்படும் நெற்கதிர் பூஜையில் சமர்ப்பிக்கப் பட வேண்டும். ஆனால் இந்த வெள்ளம் காரணமாக கோவிலுக்கு செல்வதற்கான அனைத்து வழிகளும் பாதிக்கப்பட்டன.

காட்டாற்று வெள்ளமாக ஓடும் பம்பா நதியைக் கடப்பது கடினம் என்பதாலும், மலைப் பிரதேசமாகையால் பல நில சரிவுகள் , மற்றும் மரங்கள் சாய்ந்ததால் அனைத்து வழிகள் மறித்ததாலும், காட்டு வழியில் இந்த மழையில், வெள்ளத்தில் நெற்கதிர்களை கொண்டு வரவேண்டும் என்பது போன்ற காரணங்களால், இந்த சடங்கு தடை படுமோ என்ற அச்சம் நிலவியது.

ஆனால் இந்த பொறுப்பை கிறிஸ்துவ இளைஞர்களான ஜொபின், குருப், சந்தோஷ், ஜோபி ஏற்றுக் கொண்டனர்.

பல அணைகள் நிரம்பி வழிந்து, பாலங்கள் மூழ்கடித்து, அடங்காமல் ஆர்ப்பரித்து ஓடும் பம்பை ஆற்றில், யாராலும் நீந்தி கடக்க முடியாது என்ற நிலையில் இருந்த பம்பை ஆற்றை எதிர் நீச்சலடித்து, சாக்கு மூட்டையில் கட்டிய நெல் கதிர்களை சுமந்து சென்று உரிய நேரத்தில் கோவிலுக்கு கொண்டு சேர்த்தனர்.

கிருஸ்துவ இளைஞர்கள் 4 பேர் தங்கள் உயிரை பணயம் வைத்து மற்ற மதத்தின் தெய்வம் என பார்க்காமல் தெய்வ நம்பிக்கையை சாஸ்தர சம்பரதாயத்தையும் மதித்து இப்படி ஒரு செயலை செய்திருக்கும் சம்பவம் பலரது பாராட்டுக்களை பெற்று வருகிறது.

கேரளாவில் ஏற்பட்டுள்ள வரலாறு காணாத மழையால் 364 பேர் இறந்துள்ள நிலையில், தற்போது கந்துவட்டி கொடுமையால் ஒரே குடும்பத்தை சேர்ந்த 4 பேர் விஷ ஊசி போட்டு தற்கொலை செய்துகொண்டது அதிர்ச்சியை ஏற்படுத்தியுள்ளது.

கோட்டயத்தை சேர்ந்த பிஜூ- மனு தம்பதியினருக்கு இரண்டு பிள்ளைகள் உள்ளனர். பிஜூ இரும்பு கடையில் வேலை பார்த்து வருகிறார்.பிஜூவுடன் அவரது தாய் பொன்னம்மாள் (65) என்பவரும் வசித்து வந்தார்.

நேற்று காலை வழக்கம்போல் பிஜூ வேலைக்கு சென்று விட்டார். வேலை முடிந்ததும் இரவு 11 மணிக்கு வீடு திரும்பினார்.

வீட்டிற்கு வந்து பார்த்தபோது விளக்கு ஏற்றாமல் இருட்டில் இருந்ததால் சந்தேகம் அடைந்த பிஜூ கதவை திறந்து பார்த்தார். அப்போது தாய், மனைவி மற்றும் 2 பெண் குழந்தைகள் ஆகியோர் இறந்து கிடந்தனர்.

குழந்தைகளை வி‌ஷ ஊசி போட்டு கொன்றுவிட்டு அதே ஊசி மூலம் மனுவும், பொன்னம்மாளும் தற்கொலை செய்தது தெரியவந்தது.

கந்துவட்டி கொடுமையின் காரணமாக இவர்கள் இறந்துள்ளது தெரியவந்துள்ளது. நேற்று பிஜூ வேலைக்கு சென்றபின்னர், கந்துவட்டி கும்பல் வீட்டிற்கு வந்து பிரச்சனை செய்துள்ளனர். இதன் காரணமாகவே, இவர்கள் நான்குபேரும் இப்படி ஒரு சோகமுடிவை எடுத்துள்ளனர்.

4 பேர் மரணத்துக்கு காரணமானவர்களை பொலிசார் தேடி வருகிறார்கள்.