இந்தியாவில் இளைஞர் ஒருவர் தற்கொலை செய்வதை பேஸ்புக் நேரலையில் 2,000 பேர் பார்த்தும் அவர் குறித்து யாரும் பொலிசாருக்கு தகவல் கொடுக்காத சம்பவம் அதிர்ச்சியை ஏற்படுத்தியுள்ளது.

ஹரியானாவின் பட்டோடி என்ற கிராமத்தில் வசிப்பவர் அமித் சௌஹான், குடும்பத் தகராறு காரணமாக இவரின் மனைவி தன் இரண்டு குழந்தைகளுடன் சமீபத்தில் வீட்டை விட்டு வெளியேறியுள்ளார்.

இதனால் துக்கம் தாங்காமல் இருந்த அமித் செளஹால் பேஸ்புக்கில் நேரலை செய்தவாறே தற்கொலை செய்து கொண்டுள்ளார். இது குறித்து பொலிசார் கூறுகையில், கடந்த திங்கட்கிழமை அமித்தின் மனைவி வீட்டை விட்டு வெளியேறியுள்ளார்.

அவர் வெளியேறிய அடுத்த சில நிமிடங்களிலே பேஸ்புக் நேரலையில் அமித் தூக்கில் தொங்கி தற்கொலை செய்து கொண்டார்.

அப்போது அவர் தான் தற்கொலை செய்துகொள்ள இருப்பதாகவும், அதை அனைவரும் ஷேர் செய்ய வேண்டும் எனவும் கூறியபடியே, தற்கொலை செய்து கொண்டுள்ளார்.

இதில் கவனிக்கப்பட வேண்டிய விடயம் என்னவென்றால் இதை பேஸ்புக் நேரலையில் சுமார் 2000-பேர் பார்த்துள்ளனர்.

அவர்களில் ஒருவர் யாரேனும் பொலிசாருக்கு தகவல் கொடுத்திருந்தால் அவரை காப்பாற்றியிருக்கலாம், ஆனால் ஒருவர் கூட காவல்துறைக்கு தெரிவிக்கவில்லை.

அவர் நேரலை செய்த மறுநாள் யாரோ ஒரு நபர் பொலிசாருக்கு தகவல் தெரிவித்ததால், அவர்கள் அமித்தின் வீட்டிற்கு விரைந்துள்ளனர்.

ஆனால் பொலிசார் அங்கு சென்ற போது அமித்திற்கு இறுதிச் சடங்கு செய்யப்பட்டுக் கொண்டிருந்துள்ளது. இருப்பினும் பொலிசார் இது குறித்து விசாரணை மேற்கொண்டு வருகின்றனர்.

மேலும் அமித்தின் தந்தை அஷோக் சௌஹான், என் மருமகள் வீட்டை விட்டு வெளியே சென்றதும் அமித் தன் அறைகளை விட்டு வெளியே வரவில்லை.

இரவு 9 மணிக்கு அவனுக்கு உணவு கொடுப்பதற்காக அவனை அழைக்க சென்ற போது, அவன் இறந்து கிடந்தது தெரியவந்தது.

அதுமட்டுமின்றி அமித்துக்கு சில காலமாகவே மனநலம் பாதிக்கப்பட்டு அதற்காகச் சிகிச்சை பெற்றுவந்தான்.

மனைவி மற்றும் அக்கம்பக்கத்தினர் என அனைவரிடமும் தினமும் சண்டை போட்டுக்கொண்டே இருப்பான். அவன் நடத்தை எனக்கு முற்றிலும் பிடிக்காததால், நான் அவனிடம் பேசுவதையே சில நாள்களாக நிறுத்திவிட்டேன் என்றும் கூறியுள்ளார்.

ஆந்திர மாநிலத்தில் ஒரே நேரத்தில் மூன்று ஆண்களை காதலித்து வந்த கல்லூரி மாணவி ஒருவர், இந்த உண்மை வெளியே வந்த காரணத்தால் அவமானம் தாங்க முடியாமல் தற்கொலை செய்துகொண்டார்.

சங்கீதா என்பவர் கல்லூரியில் 3 ஆம் ஆண்டு பயின்று வந்துள்ளார். இவர் தன்னுடன்படிக்கும் மாணவன், இராணுவ வீரர் மற்றும் ஆட்டோ ஓட்டுநர் ஆகிய 3 பேரையும் ஒரே நேரத்தில் காதலித்து வந்துள்ளார்.

இந்த விடயம் காதலர்களுக்கு தெரியவந்ததையடுத்து, இவர்கள் மூன்று பேரும் சங்கீதாவின் வீட்டு முன்பாக வந்து தகராறு செய்துள்ளனர், இதை அறிந்து சங்கீதாவின் பெற்றோர் கோபமடைந்து சங்கீதாவை கண்டித்துள்ளனர்.

இதனால் மனமுடைந்த சங்கீதா அவமானம் தாங்க முடியாமல், கிணற்றில் குதித்து தற்கொலை செய்துகொண்டார்.

தமிழகத்தில் ஸ்மார்ட்போன் செயலி மூலம், நூற்றுக்கும் மேற்பட்ட பெண்களின் அந்தரங்க விடயங்களை படம் பிடித்து மிரட்டி வந்த இளைஞர் கைது செய்யப்பட்டுள்ள சம்பவம் அதிர்ச்சியை ஏற்படுத்தியுள்ளது.

ராமநாதபுரம் மாவட்டம் தேவிபட்டினம் பகுதியைச் சேர்ந்த கணினி பொறியாளர் தினேஷ்குமார். இவர் தனது அக்கா முறை உறவுக்கார பெண் ஒருவரின் வீட்டிற்கு விருந்துக்கு சென்றுள்ளார். அப்போது, குறித்த பெண் தனது கணவர் வெளிநாட்டில் இருந்து அனுப்பிய ஸ்மார்ட்போனில், வட்ஸ் அப் உள்ளிட்ட செயலிகளை பதிவிறக்கம் செய்து தர வேண்டி தினேஷ்குமாரிடம் கேட்டுள்ளார்.

அதன்படி, அவரது ஸ்மார்ட்போனை வாங்கிய தினேஷ்குமார், அதில் Track View என்ற செயலியையும் பதிவிறக்கம் செய்து, அதனை தனது கைப்பேசி மூலம் கட்டுப்படுத்தும் வகையில் வழிவகை செய்துள்ளார்.

அதனைத் தொடர்ந்து, குறித்த பெண் தனது கணவருடன் பேசும் அந்தரங்க விடயங்கள், அந்தரங்க வீடியோ, புகைப்படங்கள் என அனைத்தையும் தினேஷ்குமார் தனது மடிக்கணினியில் Track View செயலி மூலம் பதிவு செய்துள்ளார்.

பின்னர், அவற்றை வைத்து குறித்த பெண்ணை மிரட்டி, தனது ஆசைக்கு இணங்கும்படி மிரட்டியுள்ளார். அப்பெண் இந்த விடயத்தை தனது சகோதரரிடம் தெரிவிக்க, அவர் குறுந்தகவல் ஒன்றை தனது சகோதரி அனுப்புவது போல் தினேஷ்குமாருக்கு அனுப்பியுள்ளார்.

அதில் தனிமையில் சந்திக்கலாம் என இடம் ஒன்று குறிப்பிடப்பட்டிருந்தது. அங்கு சென்ற தினேஷ்குமாரைப் பார்த்த குறித்த பெண்ணின் சகோதரரும், உறவினர்களும் அதிர்ச்சியடைந்தனர். அதனைத் தொடர்ந்து, தினேஷ்குமாரை அடித்து உதைத்த அவர்கள் அவரை பொலிசாரிடம் ஒப்படைத்தனர்.

தினேஷ்குமாரை கைது செய்த பொலிசார், அவரது வீட்டிற்கு சென்று சோதனையிட்டதில் 2 மடிக்கணினிகள், 3 கைப்பேசிகள் மற்றும் 10க்கும் மேற்பட்ட பெண்களின் உடைகளை கைப்பற்றினர். அதில் ஒரு மடிக்கணினியில் 80க்கும் மேற்பட்ட பெண்களின் அந்தரங்க வீடியோக்களும், 140க்கும் மேற்பட்ட பெண்களின் அந்தரங்க உரையாடல்கள் இருந்துள்ளன.

பின்னர், இதுதொடர்பாக அவரிடம் நடத்திய விசாரணையில் பல திடுக்கிடும் தகவல்கள் தெரிய வந்தன.

தினேஷ்குமார் கடந்த 2 ஆண்டுகளுக்கு முன்னர், தனியார் கல்லூரி ஒன்றில் கணினி தொழில்நுட்பவியளாலராக பணிபுரிந்த போது, மாணவி ஒருவரின் கைப்பேசியில் இருந்து வீடியோக்களை திருடியுள்ளார். அந்த பெண் கல்லூரி நிர்வாகத்திடம் அளித்த புகாரின் பேரில் தினேஷ்குமார் அங்கிருந்து வெளியேற்றப்பட்டார்.

அதன் பின்னர், தான் சந்தித்த உறவுக்கார பெண்கள், சகோதரிகள், தோழிகள் என அனைவரது ஸ்மார்ட்போன்களையும் வாங்கி பார்ப்பது போல் Track View செயலியை பதிவிறக்கம் செய்துள்ளார். அதனை தனது கைப்பேசி மற்றும் மடிக்கணினியுடன் இணைத்துள்ளார்.

இதன்மூலம் அவருக்கு கிடைக்கும் அந்தரங்க வீடியோக்களைக் கொண்டு, அந்த பெண்களை மிரட்டி தனது ஆசைக்கு இணங்க வற்புறுத்தியுள்ளார். பின்னர் அவர்களது உடைகளை மட்டும் தனது வீட்டில் சேகரித்து வைத்துள்ளார்.

அவரது ஆசைக்கு இணங்க மறுக்கும் பெண்களின் வீடியோக்களை ஒன்லைன் மூலமாக, வெளிநாடுகளில் உள்ள ஆபாச இணையதளங்களுக்கு விற்பனை செய்துள்ளார். இவ்வாறு தினேஷ்குமாரிடம் சிக்கியவர்கள் பெரும்பாலானோர் அவரது உறவினர்கள் என்பது தெரிய வந்துள்ளது.

அதனைத் தொடர்ந்து, தினேஷ்குமார் மீது தகவல் தொழில்நுட்பத்தை தவறாக பயன்படுத்துதல், பெண்களுக்கு எதிரான வன்கொடுமை தடுப்புச்சட்டம் ஆகியவற்றின் கீழ் பொலிசார் வழக்குப்பதிவு செய்தனர். மேலும் தினேஷ்குமாரிடம் தீவிர விசாரணை நடத்தி வருகின்றனர்.

தமிழகத்தில் கொள்ளையன் வீட்டில் வேலை பார்த்து வந்த பெண் நம்பி வந்தேன், இப்படி மாட்டிக் கொண்டேன் என்று பொலிசாரிடம் கண்ணீர் மல்க வாக்குமூலம் அளித்துள்ளார்.

சென்னை மாவட்டம் போரூரை அடுத்த மதனந்தபுரம் முத்துமாரியம்மன் நகரைச் சேர்ந்தவர், நிர்மலா(56). இவரிடம் கடந்த 18-ஆம் திகதி வீடு வாடகைக்கு வேண்டும் என்று தம்பதியினர் கேட்டு வந்துள்ளனர்.

அந்த சமயத்தில் அவர் குடிக்க தண்ணீர் வேண்டும் கேட்டதால், உடனே நிர்மலா உள்ளே சென்ற போது, அவரை பின் தொடர்ந்த நபர் அவரை குத்தி அவரிடமிருந்த நகையை பறிக்க முயற்சி செய்தார்.

அப்போது நிர்மலா சாதுர்யமாக செயல்பட்டு அவரை தடுத்து, அதன் பின் கத்தியதால், அருகில் இருந்த அக்கம் பக்கத்தினர் உடனடியாக அங்கு விரைந்தனர்.

இதையடுத்து அந்த நபரை பொலிசாரிடம் பிடித்து கொடுத்தனர். பொலிசார் நடத்திய விசாரணையில், அந்த நபரின் பெயர் தட்சணா மூர்த்தி எனவும் பிரபல கொள்ளையன் என்பதும் தெரியவந்துள்ளது.

அவனை சிறையில் அடைத்த பொலிசார், உடன் வந்த பெண் குறித்து விசாரணை மேற்கொண்டு வந்த நிலையில், அந்த பெண்ணையும் நேற்று கைது செய்தனர்.

பொலிசார் அவரிடம் நடத்திய விசாரணையில், தன்னுடைய பெயர் அமுதா எனவும், தான் தட்சணா மூர்த்தியின் வீட்டில் வேலை பார்த்து வந்தாகவும் கூறியுள்ளார்.

என்னுடைய வீட்டின் கஷ்டங்களை தட்சணா மூர்த்தியிடம் கூறிய போது, அவர் வாடகைக்கு வீடு கேட்கும் திட்டத்தை கூறினார்.

நானும் சரி என்று சொன்னவுடன், இருவரும் போரூரில் உள்ள நிர்மலாவின் வீட்டிற்கு சென்றோம். அங்கு இருவரும் கணவன், மனைவி போல் வீடு கேட்டோம்.

வீட்டை பார்த்த பிறகு வாடகை குறித்து பேசிய போது தான் நிர்மலாவைத் தாக்கி அவர் அணிந்திருந்த நகைகளைக் கொள்ளையடிக்க தாக்கிய போது தான் தட்சணா மூர்த்தி சிக்கிக் கொண்டார்.

தட்சணாமூர்த்தியை நம்பி வந்தேன், தற்போது சிக்கிக்கொண்டேன் என்று பொலிசாரிடம் கண்ணீர் மல்க வாக்குமூலம் அளித்துள்ளார்.

மருத்துவமனையில் சிகிச்சை பெற்று வருக் கருணாநிதிக்கு சிறுமி ஒருவர் எழுதிய கடிதம் சமூகவலைத்தளங்களில் வைரலாக பரவி வருகிறது.

திமுக தலைவர் கருணாநிதி சென்னை ஆழ்வார் பேட்டையில் உள்ள காவேரி மருத்துவமையில் சிகிச்சை பெற்று வருகிறார்.

உடல்நிலை தொய்வு காரணமாக மருத்துவமனையில் அனுமதிக்கப்பட்டிருந்த இவர், தற்போது உடல் நிலை சீராகி மிகவும் ஆரோக்கியமாக உள்ளார்.

இந்நிலையில் சிகிச்சை பெற்று வரும் கருணாநிதிக்கு சிறுமி ஒருவர் கடிதம் ஒன்றை எழுதியுள்ளார்.

அதில் எனக்கு கருணாநிதி தாத்தாவை மிகவும் பிடிக்கும், உங்களுக்கு உடல் நிலை சரியில்லை என்றவுடன் அழுகை வந்தது, உங்களுக்காக பிரார்த்தானை செய்தேன், நான் மட்டுமின்றி இங்கு எல்லோரும் பிரார்த்தனை செய்கின்றனர்.

என் அம்மா நீங்கள் நன்றாக இருக்கிறீர்கள் என்று சொன்னார், அதை கேட்ட பின்பு தான் எனக்கு மகிழ்ச்சியாக இருந்தது, தற்போது நான் மகிழ்ச்சியாக பள்ளிக்கு செல்கிறேன் என்று குறிப்பிட்டுள்ளார்.