யாழ்ப்பாணத்தில் எட்டு வயது சிறுவர்களை கொண்ட குழுவினர் தொடர்பில் தகவல் வெளியாகியுள்ளது. இது தொடர்பில் நல்லூர் பொலிஸாருக்கு முறைப்பாடு கிடைத்துள்ளது.

குறித்த முறைப்பாட்டில் இந்த சிறுவர்கள் இரவு நேரத்தில் வர்த்தக நிலையங்களுக்குள் நுழைந்து பொருட்கள் திருடுவதாக குறிப்பிடப்பட்டுள்ளது.

கைடயக்க தொலைபேசிகள், நகைகள் மற்றும் பணம் என்பனவற்றை இலக்கு வைத்து திருட்டு இடம்பெறுகிறது.

சிறுவர்கள் முகத்தை மூடி வர்த்தக நிலையங்களுக்குள் நுழைந்த காட்சிகள் சிசிடீவி கமராவில் பதிவாகியுள்ளது.

இந்த திருட்டு கும்பலை கைது செய்வதற்காக நல்லூர் பொலிஸார் விசேட விசாரணைகளை ஆரம்பித்துள்ளனர்.

திருட்டு நகைகளை வாங்கிய குற்றத்திற்காக தமிழகத்தின் பிரபல நகை அடகு கடை முதலாளிக்கு எதிராக வழக்கு தொடரப்பட்டுள்ள நிலையில், அவரை பொலிஸார் தீவிரமாக தேடி வருகின்றனர்.

கடந்த 15 வருடங்களுக்கும் மேலாக பாரிய திருட்டு சம்பவத்துடன் தொடர்புடைய இலங்கை அகதி முகாமை சேர்ந்த தம்பதியினரை தமிழக பொலிஸார் அண்மையில் கைது செய்திருந்தனர்.

அவர்களிடம் மேற்கொள்ளப்பட்ட விசாரணைகளின் போது பல்வேறு திடுக்கிடும் தகவல்களை வெளியிட்டிருந்தனர்.

இதன்படி, கொள்ளையடிக்கும் நகைகளை தமிழகத்தின் பிரபல அடகு கடையில் விற்பனை செய்து வந்துள்ளமை பொலிஸாரின் விசாரணைகளின் போது தெரியவந்துள்ளது.

நகைகளை விற்பனை செய்தமைக்கான பற்றுச்சீட்டுகளை பொலிஸார் கைப்பற்றியுள்ளனர். இதனையடுத்து, குறித்த அடகு நகை கடையின் மேலாளர், நகை மதிப்பீட்டாளர் உள்ளிட்டவர்கள் கைது செய்யப்பட்டுள்ளனர்.

இந்நிலையில், தற்போது திருட்டு நகைகளை குற்றத்திற்காக குறித்த அடகு கடையில் முதலாளிக்கு எதிராக வழக்கு பதிவு செய்துள்ள பொலிஸார் அவரை தீவிரமாக தேடி வருவதாக தமிழக ஊடகங்கள் வெளியிட்டுள்ள செய்தியில் தெரிவிக்கப்பட்டுள்ளது.

ஹோமாகம பகுதியில் இரவு மற்றும் அதிகாலை நேரங்களில் நிர்வாணமாக சுற்றி திரியும் கிரீஸ் பேய்கள் காரணமாக மக்கள் மத்தியில் அச்ச நிலை ஏற்பட்டுள்ளது.

கிரீஸ் பேய்கள் காரணமாக மாலையில் இருள் சூழ்ந்த பின்னர் பெண்கள் வாசல்படி தாண்டுவதற்கு அச்சப்படுவதாக பிரதேச மக்கள் தெரிவித்துள்ளனர்.

ஹோமாகம, பனாகொட, ரொமியல் மாவத்தை, பெலதகொட, கப்புருகொட ஆகிய பிரதேசங்களில் இந்த நிலை ஏற்பட்டுள்ளது.

இது தொடர்பில் அத்துருகிரிய பொலிஸாருக்கு அறிவிக்கப்பட்ட போதிலும், கடந்த ஒரு மாதமாக இந்த நிலைமை அதிகரித்துள்ளதாக பிரதேச மக்கள் தெரிவித்துள்ளனர்.

இரவு 7 – 10 மணி வரையிலும், அதிகாலை 2 – 5 மணி வரையிலும் நிர்வாண நபர் குறித்த பிரதேசங்களில் சுற்றி திரிவதாகவும், சிலரது வீட்டில் உள்ள சிசிடீவி கமராவில் இந்த காட்சி பதிவாகியுள்ளதாகவும் தெரிவிக்கப்படுகின்றது.

இது தொடர்பில் பொலிஸாருக்கு கிடைத்த முறைப்பாட்டிற்கமைய அத்துருகிரிய பொலிஸார் இந்த நிர்வாண நபரை கைது செய்வதற்கு விசாரணைகளை ஆரம்பித்துள்ளனர்.

இந்த நபர் மின்விளக்குடன் பயணிப்பதனை பெண்கள் பலர் அவதானித்துள்ளனர். பெண்கள் கூச்சலிட்டவுடன் திடீரென இந்த நபர் காணாமல் போய்விடுவதாகவும், பின்னர் கண்டுபிடிக்க முடியாத அளவு தப்பிச் செல்வதாகவும் பிரதேச மக்கள் கூறியுள்ளனர்

இலங்கையின் கடற்பரப்பில் வைத்து பெருந்தொகை தங்கம் கைப்பற்றப்பட்டுள்ளதாக கடற்படையினர் தெரிவித்துள்ளனர்.

கல்பிட்டி கடற்பரப்பில் வைத்து 4 கோடி ரூபா பெறுமதியான தங்கம் கைப்பற்றப்பட்டுள்ளதாக கடற்படை பேச்சாளர் தெரிவித்துள்ளார்.

கடல் வழியாக 5.7 கிலோ கிராம் தங்கத்தை கொண்டு செல்ல முயற்சித்த இருவர் நேற்று மாலை கைது செய்யப்பட்டதாக கடற்படை ஊடகப் பேச்சாளர் கமாண்டர் தினேஷ் பண்டார தெரிவித்துள்ளார்.

குறித்த பிரதேசத்தில் சந்தேகத்திற்குரிய முறையில் பயணித்த படகு ஒன்றை கடற்படையினர் சோதனையிட்ட போது அதில் மறைத்து வைக்கப்பட்டிருந்த தங்கம் கண்டுபிடிக்கப்பட்டுள்ளது.

எந்த நாட்டிலிருந்து தங்கம் கொண்டு வரப்பட்டது என்பது தொடர்பில் இன்னும் தகவல்கள் வெளியாகவில்லை.

கைது செய்யப்பட்ட சந்தேக நபர்கள் பொலிஸாரிடம் கையளிக்கப்பட்டுள்ளதாக கடற்படை ஊடகப் பேச்சாளர் மேலும் தெரிவித்தார்.

மொனராகலையிலுள்ள பாடசாலை ஒன்றில் உயர்தரத்தில் கல்வி கற்கும் மாணவியை துஷ்பிரயோகம் செய்த ஆசிரியர்கள் கைது செய்யப்பட்டுள்ளனர்.

குறித்த பாடசாலையில் வரலாறு பாடம் கற்பிக்கும் ஆசிரியர் மற்றும் தொழில்நுட்பம் கற்பிக்கும் ஆசிரியர்களே இவ்வாறு கைது செய்யப்பட்டுள்ளனர்.

மொனராகலை பிரிவின் குற்ற விசாரணை பிரிவினால் இந்த சந்தேக நபர்கள் கைது செய்யப்பட்டுள்ளனர்.

வரலாறு பாடம் கற்பிக்கும் ஆசிரியர் தனது மனைவியை பொலன்னறுவை பிரதேசத்தில் உள்ள பெற்றோர் வீட்டில் தங்க வைத்துவிட்டு மாணவியை தனது வீட்டிற்கு அழைத்து சென்று துஷ்பிரயோகம் செய்துள்ளார். பின்னர் மற்றுமொரு ஆசிரியருக்கு பாலியல் நடவடிக்கைக்காக மாணவி வழங்கப்பட்டுள்ளதாக தெரியவந்துள்ளது.

பின்னர் மற்ற ஆசிரியர் மாணவியை மொனராகலை பிரதேசத்தில் உள்ள விடுதிக்கு அழைத்து சென்று துஷ்பிரயோகம் செய்துள்ளார். அந்த காட்சியை தனது கையடக்க தொலைபேசியில் வீடியோவாக பதிவு செய்து பேஸ்புக்கில் வெளியிட்டுள்ளதாக தெரியவந்துள்ளது.

குறித்த ஆசிரியர்கள் பல மாணவிகளை இவ்வாறு பாலியல் துஷ்பிரயோகம் செய்துள்ளதாக, பொலிஸ் விசாரணையில் தெரிவித்துள்ளது.

கைது செய்யப்பட்ட ஆசிரியர்கள் இருவரும் நீதிமன்றத்தில் ஆஜர்படுத்தப்படுப்படவுள்ளனர்.

இலங்கையின் பிரபல நடிகர் ஒருவர் மர்மமான முறையில் உயிரிழந்தமை சிங்கள திரையுலகில் பெரும் பரபரப்பை ஏற்படுத்தியது.

இந்நிலையில் மரணத்திற்கு, அவர் பயன்படுத்திய மாத்திரை காரணமாக இருக்கலாம் என வைத்தியர்கள் சந்தேகம் வெளியிட்டுள்ளனர்.

பிரபல சிங்கள நடிகரான 37 வயதான இந்திக்க கினிகே நேற்று முன்தினம் உயிரிழந்தார். இந்திக்க ஏற்கனவே குறித்த மாத்திரையை பயன்படுத்தி வைத்தியசாலையில் அனுமதிக்கப்பட்டிருந்தார் என தெரியவந்துள்ளது.

இந்நிலையில் மீண்டும் அதனை பயன்படுத்தியமையால், நேற்று முன்தினம் இந்திக்க கினிகே தனது வீட்டில் உயிரிழந்திருந்தார்.

மூடப்பட்டிருந்த மகனின் அறை கதவை உடைத்து பார்க்கும் போது மகன் மயக்கமடைந்த நிலையில் காணப்பட்டார் என இந்திக்கவின் தந்தை பொலிஸாரிடம் தெரிவித்துள்ளார்.

இந்திக்க கினிகேவின் இறுதிக் கிரியைகள் இன்று நடைபெறவுள்ளதாக அறிவிக்கப்பட்டுள்ளது.

பத்தொன்பது வயதிற்குட்பட்ட இலங்கை மற்றும் இந்திய அணிகளுக்கிடையிலான நான்கு நாட்கள் கொண்ட டெஸ்ட் தொடரின் இரண்டாவது டெஸ்ட் போட்டி இன்று ஆரம்பமாகியுள்ளது.

குறித்த போட்டி அம்பாந்தோட்டை மகிந்த ராஜபக்ச மைதானத்தில் ஆரம்பாகியுள்ளது. இன்றைய போட்டியில், யாழ் மத்திய கல்லுரியின் மாணவரான வியாஷ்காந் இலங்கை அணியில் அறிமுகமாகியுள்ளார்.

சிறந்த சுழல்பந்து வீச்சாளரான விஜயகாந்த் வியாஷ்காந் தொடர்ச்சியாக மேல், வடமத்திய மற்றும் வடமேல் மாகாண அணிகளுக்கு எதிரான போட்டியில் சிறப்பாக செயற்பட்டிருந்தார்.

இந்நிலையில், பத்தொன்பது வயதிற்குட்பட்ட இந்திய அணிக்கு எதிரான தொடரில் இடம் கிடைத்திருந்தது.

அந்த வகையில், இன்றைய போட்டியில் வியாஷ்காந் தனது துல்லியமான பந்துவீச்சால் இரண்டு ஓட்டமற்ற ஓவர்கள் அடங்கலாக ஒரு விக்கெட்டை கைப்பற்றியிருந்தார் என்பதும் குறிப்பிடத்தக்கது.