மும்பையை சேர்ந்த ரூபேஸ் – உமா ஆகிய இருவரும் காதலித்து வந்துள்ளனர். காதலர்கள் என்பதால் பல்வேறு இடங்களில் சுற்றி திரிந்துள்ளனர். திருமணம் செய்துகொள்ள முடிவு செய்தபோது, தனது தந்தையின் சம்மதம் இருந்தால் மட்டுமே நான் உங்களை திருமணம் செய்துகொள்வேன் என உமா உறுதியாக தனது காதலனின் கூறியுள்ளார்.

உமாவின் தந்தை ஒரு ஜோதிடர் ஆவார். உமாவின் தந்தையின் மனதில் இடம்பிடித்து திருமணத்திற்கு சம்மதம் வாங்க, சினிமாவில் வரும் பழைய யுக்தியை கையாண்டுள்ளார்

அதன்படி, ஷேன் என்பரை தயார் செய்து, அவர் தனது ஆட்களுடன் சென்று உமாவின் தந்தையை வழிமறித்து அடிக்கும்போது, ரூபேஸ் வந்து காப்பாற்றுவார். இதனால், உமாவின் தந்தைக்கு ரூபேஸ் மீது நல்ல அபிப்ராயம் ஏற்படும். இதுதான் திட்டம்.

திட்டமிட்டபடி, கடந்த 19 ஆம் திகதி, அந்தேரி பகுதியில் சம்பவத்தை அரங்கேற்றினார்கள். அதிக ஆசைப்பிடித்த ஷேக் கொஞ்சம் அதிகமாக நடித்து, உமாவின் தந்தை கைப்பேசியை பறித்துக்கொண்டார். அதே போல ரூபேஸ் ஹீரோ போல உள்ளே நுழைந்து, காதலியின் அப்பாவை காப்பாற்றி வீட்டில் விட்டார்.

அதன்பின்னர், உமாவின் தந்தையுடன் பழக்கம் ஏற்பட்டு, திருமணத்திற்கு சம்மதம் வாங்கியுள்ளார். இதில், புதிய திருப்பமாக, உன் விடயத்தை உங்க மாமனாரிடமும் காதலியிடமும் சொன்னால் கதை அவ்வள வுதான். சொல்லாம இருக்கணும்னா, எனக்கு 90 ஆயிரம் ரூபா கொடுக்கணும் என்று மிரட்டியுள்ளான் ஷேக்.

இருவருக்கும் வாக்குவாதம் ஏற்பட்டது. கோபம் கொண்ட ரூபேஸ், ஷேக் மீது பொலிசில் புகார் கொடுத்தார். பொலிசார் ஷேக்கை விசாரித்ததில் மேலே கூறப்பட்ட தகவல்கள் தெரியவந்தன.

இதனைத்தொடர்ந்து, ஷேக்கிடம் மீட்கப்பட்ட போன் உமாவின் தந்தையிடம் ஒப்படைக்கப்பட்டது. மேலும் இப்படி ஒரு மோசடி திட்டத்தை அரங்கேற்றிய ரூபேஸையும் சிறையில் அடைத்துவிட்டனர்.

இருப்பினும், இதனை பெரிதுபடுத்திக்கொள்ளாத உமாவின் தந்தை, சிறையில் இருந்து வெளியே வந்ததும் திருமணம் செய்துவைக்கிறேன் என கூறியுள்ளார்.

22 வருடங்களுக்கு பிறகு இந்தியாவில் இருந்து தத்தெடுக்கப்ட்ட ஸ்பானிஷ் பெண், தன்னை பெற்ற இந்திய தாயை கண்டுபிடித்துள்ளார்.

இந்தியாவில் இருந்து கடந்த 22 வருடங்களுக்கு 14 மாத குழந்தையான ஜீனத் என்பவரை ஸ்பானிஷ் நாட்டை சேர்ந்த Antich Marti Raman – Garica Batacia Fores என்ற தம்பதியினர் தத்தெடுத்து சென்றனர்.

இதனையடுத்து தனது 10 வயதில் ஜீனத் தன்னுடைய வளர்ப்பு பெற்றோர்களுடன், பெற்ற தாயை சந்திப்பதற்காக இந்தியாவிற்கு வருகை தந்துள்ளார். ஆனால் அதற்கான பலன் கிடைக்காததால் ஏமாற்றத்துடன் ஸ்பானிஷ் நாட்டிற்கு திரும்பினார்.

அங்கு உளவியல் பட்டப்படிப்பு படித்து வந்த அவர், கடந்த 3 வருடங்களாக உணவகம் ஒன்றில் பணியாற்றி வந்துள்ளார். அதில் கிடைத்த வருமானத்துடன் சேர்த்து, நண்பர்களின் உதவியுடன் இந்தியாவிற்கு தாயை தேடி மீண்டும் வருகை தந்துள்ளார்.

இந்த நிலையில் தன்னுடைய தாயை சந்தித்த உடனே ஜீனத் கட்டி தழுவி பேச முயற்சித்தும் இந்தி தெரியாத காரணத்தினால் கண்ணீரின் வழியாகாவே பாசத்தை வெளிப்படுத்தினர்.

பின்னர் இதுகுறித்து பேசிய ஜீனத்தின் தாய், தனக்கு 21 வயதாகும்பொழுது உறவினர் ஒருவரின் தொடர் பாலியல் தொல்லையால் தான் கர்பமடைந்ததாக கூறினார். திருமணத்திற்கு முன்பே தான் கர்ப்படைந்ததால் வீட்டில் ஒதுக்கினர். ஆனால் கர்ப்பத்தை கலைக்க என் மனதில் இடம் கொடுக்கவில்லை. நான் கூலி வேலை செய்துகொண்டே குழந்தையை கசப்படுத்த விரும்பவில்லை என கூறினார்.

இதனையடுத்து பேசிய ஜீனத், எனது தாயின் வலியை என்னால் புரிந்து கொள்ள முடிகிறது. அடுத்த முறை இந்தியா வரும்பொழுது நிச்சயமாக இந்தி கற்றுக்கொள்வேன் என தெரிவித்துள்ளார்.

பாதிரியார் ஒருவரிடம் பெற்ற பாவ மன்னிப்பு அம்பலமானதால் பெண் ஒருவர் தற்கொலை செய்து கொண்டதாக தற்போது தகவல் வெளியாகியுள்ளது.

கேரள மாநிலத்தை சேர்ந்த லில்லி என்பவர் மூன்று ஆண்டுகளுக்கு முன் தற்கொலை செய்து கொண்டார். தற்போது லில்லியின் சகோதரி லைலாமா ஜார்ஜ் என்பவர் அதிர்ச்சி தகவலை வெளியிட்டுள்ளார்.

அய்ரூர் செயின்ட் ஜான் தேவாலயத்தில் பணியாற்றும் பாதிரியார் ஒருவரிடம் மூன்று ஆண்டுகளுக்கு முன் என் சகோதரி பாவ மன்னிப்பு கோரினார்.

அவர் கல்லூரியில் படித்த போது ஏற்பட்ட தவறு குறித்த பாவ மன்னிப்பு அது. அந்த தகவலை மற்றொரு பெண்ணிடம் அந்த பாதிரியார் கூறிவிட்டார். அந்த பெண்ணோ பலர் முன்னிலையில் என் சகோதரி குறித்த ரகசியத்தை போட்டு உடைத்து விட்டார்.

இதனால் மன உளைச்சல் ஏற்பட்டு என் சகோதரி தற்கொலை செய்து கொண்டார். அந்த பாதிரியாருக்கும், என் சகோதரியின் கணவருக்கும் முன் விரோதம் உண்டு. இதன் காரணமாகவே, அந்த பாதிரியார் அப்படி செயல்பட்டுள்ளார். இப்பிரச்னையை நாங்கள் விடுவதாக இல்லை. இதுகுறித்து பொலிசில் புகார் அளிக்க இருக்கிறோம் என கூறியுள்ளார்.

கேரளாவில் பாதியார்கள் மீதான பாலியல் குற்றச்சாட்டு அதிகரித்து வருவது குறிப்பிடத்தக்கது.

இந்தியாவில் கணவர் மற்றும் அவர் குடும்பத்தினர் கொடுமைப்படுத்தியதால் மாடியிலிருந்து குதித்து தற்கொலை செய்து கொண்ட பெண்ணின் செயல் அதிர்ச்சியை ஏற்படுத்தியுள்ளது.

குஜராத் மாநிலத்தை சேர்ந்தவர் விஜய். இவர் மனைவி சிம்பி (30).
சிம்பியை விஜய், அவரின் பெற்றோர் மற்றும் குடும்பத்தார் 11 பேர் சேர்ந்து வரதட்சணை கேட்டு தொடர்ந்து கொடுமைப்படுத்தி வந்துள்ளனர்.

இந்நிலையில் இது குறித்து சிம்பி நீதிமன்றத்தில் வழக்கு தொடர்ந்தார்.

இவ்வழக்கு நீதிமன்றத்தில் நடைபெற்று வந்த நிலையில் இரு தினங்களுக்கு முன்னர் நீதிமன்றத்தின் மாடிக்கு சென்ற சிம்பி அங்கிருந்து கீழே குதித்து தற்கொலை செய்து கொண்டார்.

இதையடுத்து சிம்பியிடமிருந்த கடிதத்தை பொலிசார் கைப்பற்றினார்கள். அதில், தனது கணவர் குடும்பத்தார் தனக்கு செய்த கொடுமைகளை எழுதியிருந்த சிம்பி, தனக்கு நியாயம் கிடைக்க வேண்டும் என எழுதியிருந்தார்.

இந்நிலையில் சிம்பியின் கணவர் மற்றும் குடும்பத்தாரை கைது செய்தால் சிம்பியின் சடலத்தை வாங்குவோம் என அவர் குடும்பத்தார் போராட்டம் நடத்தினார்கள்.

இதையடுத்து 11 பேர் மீதும் வழக்குப்பதிவு செய்துள்ள பொலிசார் கைது நடவடிக்கையில் ஈடுபட்டுள்ளனர்.

தமிழ்நாட்டில் அரசு வேலை வாங்கி தருவதாக கூறி 74 பேரிடம் இருந்து ரூ. 3 கோடி மோசடி செய்த இளம் பெண்ணை பொலிசார் கைது செய்துள்ளனர்.

கடலூர் மாவட்டம் சிதம்பரத்தை சேர்ந்த இளந்தீபன் (33) என்பவர் இந்திய உணவு கழகத்தில் பணிக்காக முயற்சித்து கொண்டிருந்தார்.

இதை அறிந்த சிலுவைபுரத்தை சேர்ந்த ஷோபியா (32) என்பவர் தான் இந்திய உணவு கழகத்தில் கட்டுப்பாட்டு அதிகாரியாக பணியாற்றி வருவதாக கூறி அதற்கான அடையாள அட்டையை காண்பித்தார்.

மேலும் ரூ. 5 லட்சம் கொடுத்தால் போதும் இந்திய உணவு கழகத்தில் வேலை வாங்கித் தருவதாக ஷோபியா கூறினார்

இதை உண்மை என்று நம்பிய இளந்தீபன் ரூ. 3 லட்சத்துக்கு 50 ஆயிரத்தை ஷோபியாவிடம் கொடுத்தார். பணத்தை பெற்றுக் கொண்ட ஒரு வாரத்தில் பணி நியமன ஆணையை இளந்தீபனிடம் கொடுத்தார்.

அந்த ஆணையுடன் இளந்தீபன் சம்பந்தப்பட்ட அலுவலகத்தை அணுகியபோதுதான் அது போலியானது என்று தெரியவர அதிர்ச்சியடைந்தார்.

இது குறித்து அவர் பொலிசில் புகார் அளித்த நிலையில், பொலிசார் நடத்திய விசாரணையில் திடுக்கிடும் தகவல்கள் வெளியானது.

ஷோபியாவும் அவரது தாய் ஆரோக்கியசெல்வியும் (50) பல இளைஞர்களிடம் இருந்து பல லட்சங்களை வாங்கிக் கொண்டு மோசடி செய்தது தெரியவந்தது.

இந்நிலையில் கடலூரில் கம்ப்யூட்டர் சென்டர் வைத்திருந்த ரவிச்சந்திரன் (33) என்பவருடன் சேர்ந்து போலி ஆவணங்களை தயாரித்து வந்தது தெரியவந்தது. இதையடுத்து ஆரோக்கியசெல்வியும், ரவிச்சந்திரனும் கடந்த 21-ஆம் திகதி கைது செய்யப்பட்ட நிலையில் ஷோபியா தலைமறைவானார்.

ஷோபியாவை பொலிசார் தேடி வந்த நிலையில் அவர் மொத்தம் 74 பேரிடம் இருந்து ரூ.3 கோடிக்கு மேல் பணம் பெற்றுள்ளது தெரியுவந்தது. இதையடுத்து தனிப்படையினர் கடலூரில் ஷோபியாவை கைது செய்துள்ளனர்.

பணம் கொடுப்பவர்களுக்கு பணி நியமன ஆணையை தருவதும் போலி ஆணை என தெரிந்ததும் பணம் கேட்போரை அடியாட்களை வைத்து மிரட்டுவதையும் ஷோபியா வாடிக்கையாக கொண்டிருந்தார்.

பெற்ற பணத்தில் பங்களா வீட்டை வாடகைக்கு எடுத்து சொகுசு வாழ்க்கை வாழ்ந்துள்ளதும், புதிய கார், புதிய இரு வீடுகளை அவர் கட்டி வந்ததும் தெரியவந்துள்ளது.

திருப்பூரில் யூடியூப் வீடியோ பார்த்து பிரசவம் பார்த்ததால் நிறைமாத கர்ப்பிணி சம்பவ இடத்திலேயே துடிதுடித்து உயிரிழந்துள்ள சம்பவம் பெரும் சோகத்தை ஏற்படுத்தியுள்ளது.

திருப்பூர் அருகே நல்லூர் புதுப்பாளையத்தை சேர்ந்தவர்கள் கார்த்திக் – கிருத்திகா தம்பதியினர். கார்த்திக் தனியார் ஜவுளிக்கடை ஒன்றில் வேலை பார்த்து வருகிறார். அவரது மனைவி கிருத்திகா பள்ளி ஆசிரியையாக பணியாற்றி வருகிறார்.

கடந்த ஆண்டு திருமணமான இந்த தம்பதியின் வாழ்க்கை மிகவும் மகிழ்ச்சியாகவே சென்று கொண்டிருந்துள்ளது. இதில் மேலும் மகிழ்ச்சியளிக்கும் விதமாகா கிருத்திகா கர்ப்பமடைந்துள்ளார்.

இதனால் குடும்பமே மகிழ்ச்சியில் திளைந்திருந்தது. அப்பொழுது தான் கார்த்திக் நண்பர் பிரவீன் என்பவரின் உருவில் எமன் அடியெடுத்து வைத்திருக்கிறான்.

அடிக்கடி கார்த்திக் வீட்டிற்கு வரும் பிரவீன், கிரித்திகாவை மருத்துவமனைக்கு எல்லாம் அழைத்து செல்ல வேண்டாம். பழையகாலத்தை போல வீட்டிலேயே பிரசவம் பார்க்கலாம், யூடியூப்பில் இதுகுறித்து பார்த்து கொள்ளலாம் என கூறியுள்ளான்.

அதை கேட்டு கார்த்தியும், தன் மனைவியிடம் கூறி சம்மதம் வாங்கியுள்ளார். ஆரம்பத்தில் கிருத்திகா சம்மதம் தெரிவிக்கவில்லை என்றாலும், கணவரின் ஆசைக்காக சம்மதம் கூறியுள்ளார்.

இந்த நிலையில் பிரசவ வலியில் கிருத்திகா துடிதுடித்துள்ளார். இதனால் செய்வதறியாது திகைத்த கார்த்திக் உடனடியாக பிரவீனை அழைத்துள்ளார்.

பின்னர் யூடியூப் மூலம் இருவரும் பிரசவம் பார்க்கும்பொழுது, மிருகத்தனமாக குழந்தையை வெளியில் இழுத்துள்ளனர்.

இதனால் வலிதாங்க முடியாமல் கிருத்திகா, கார்த்திக் கண்முன்னரே உயிரிழந்துள்ளார். இதனையடுத்து காயங்களுடன் மீட்கப்பட்ட குழந்தை தற்போது மருத்துவமனையில் அனுமதிக்கப்பட்டு சிகிச்சை பெற்று வருகிறது.

உத்திரபிரதேச மாநிலத்தில் வயலில் வேலை பார்த்த தாய்க்கு சாப்பாடு கொண்டு சென்ற 16 வயது சிறுமியை இரண்டு நபர்கள் காட்டுக்குள் இழுத்து சென்ற வீடியோ அதிர்வலைகளை ஏற்படுத்தியுள்ளது.

அதன் பிறகு, மொத்தம் 6 ஆண்கள் அந்த சிறுமியை சூழ்ந்து, காட்டுக்குள் என்னடி வேலை என்று மிரட்டியுள்ளனர். பின்னர், அச்சிறுமியை பலாத்காரம் செய்ய முயற்சித்தபோது, அச்சிறுமி சத்தம்போட்டு கூச்சலிட்டுள்ளார்.

உத்திரபிரதேச மாநிலத்தில் வயலில் வேலை பார்த்த தாய்க்கு சாப்பாடு கொண்டு சென்ற 16 வயது சிறுமியை இரண்டு நபர்கள் காட்டுக்குள் இழுத்து சென்ற வீடியோ அதிர்வலைகளை ஏற்படுத்தியுள்ளது.

அதன் பிறகு, மொத்தம் 6 ஆண்கள் அந்த சிறுமியை சூழ்ந்து, காட்டுக்குள் என்னடி வேலை என்று மிரட்டியுள்ளனர். பின்னர், அச்சிறுமியை பலாத்காரம் செய்ய முயற்சித்தபோது, அச்சிறுமி சத்தம்போட்டு கூச்சலிட்டுள்ளார்.

இதனால், பயந்துபோய் அந்த நபர்கள் ஓட்டம் பிடித்துள்ளனர். தற்போது, இந்த வீடியோ வைரலாகியுள்ளது.