மும்பையில் ஊபர் கேப்பில் பயணம் செய்த பெண் பத்திரிக்கையாளர் மீது, சகபெண் பயணி ஒருவர் இனவெறி தாக்குதல் நடத்தியுள்ள சம்பவம் நிகழ்ந்துள்ளது.

மும்பையை சேர்ந்த பெண் பத்திரிக்கையாளர் உஷாநோட்டா பவுல், இன்று காலை தன்னுடைய சொந்த வேலையாக ஊபர் கேப்பில் பயணம் செய்துள்ளார்.

ஆனால் அவர் காரில் ஏறுவதற்கு முன்னதாக ஏற்கனவே மற்றொரு பெண் ஒருவர் அதில் பயணம் செய்துகொண்டிருந்தார்.

காரில் உஷா ஏறிய உடனே, அவரை முறைக்கும் விதமாக சகபயணி பார்த்துள்ளார்.

சிறிது நேரம் சென்றபொழுது, தான் அதிககட்டணம் கொடுத்து பயணம் செய்வதாகவும், ஆனால் இப்போது வந்தவர்களுக்கு பின்னர் தான் இறங்க வேண்டிய நிலைமை இருப்பதாகவும் ஓட்டுனரிடம் புலம்பியுள்ளார்.

இதற்கு உஷா பதிலளிக்க முயற்சிக்கும்போது, தடித்த வார்த்தைகளை பயன்படுத்தி உஷாவை, அந்த பெண் திட்டியுள்ளார்.

அவர் வேண்டுமென்றே தன்னை குறிவைக்கிறார் என்பதை உணர்ந்து கொண்ட உஷா, அமைதியாக தன்னுடைய செல்போனை பயன்படுத்திக்கொண்டிருந்துள்ளார்.

உடனே மீண்டும் உஷாவை வம்பிழுக்கும் விதமாக, அவரது கைபையை எடுத்து ஓட்டுநர் அமர்ந்திருந்த இடத்திற்கு அருகில் வைத்துள்ளார்.

இவற்றையெல்லாம் பார்த்துக்கொண்டிருந்த உஷா அவரை தன்னுடைய செல்போனில் புகைப்படம் எடுக்க முயன்றுள்ளார்.

உடனே உஷாவின் செல்போனை பறித்து கீழே வீசிய அந்த பயணி, முடியை பிடித்து தாக்குதலில் ஈடுபட ஆரம்பித்துள்ளார்.

இதனையடுத்து காரில் இறங்கிய உஷா சம்மந்தப்பட்ட பெண் குறித்து எஸ்பியிடம் புகார் அளித்துள்ளார்.

மேலும் முகத்தில் காயங்களுடன் இருக்கும் புகைப்படங்களையும் தன்னுடைய ட்விட்டர் பக்கத்தில் பதிவிட்டுள்ளார்.

பஞ்சாப் மாநிலத்தில் மகள் தனியாக இரவில் கைப்பேசியில் பேசி கொண்டிருந்ததால் தந்தையே கழுத்தை நெரித்து கொன்ற சம்பவம் நடந்துள்ளது.

பஞ்சாப் மாநிலம் பதிண்டா பகுதியில் உள்ள குர்னே கர்ட் கிராமத்தை சேர்ந்த விவசாயி ஒருவர் தனது மகளை சந்தேகப்பட்டு கொன்றிருக்கிறார்.

கடந்த சனிக்கிழமை அன்று இரவு அனைவரும் தூங்கியபின்னும் கைப்பேசியில் அவரது மகள் குல்வந் கவுர் பேசிக்கொண்டிருந்திருக்கிறார்.

ஏற்கனவே தனது மகள் அதே ஊரை சேர்ந்த இளைஞர் ஒருவரை காதலிக்கிறார் என்ற சந்தேகத்தில் இருந்த அவரது தந்தை ஜோகா சிங் அவரது மகளை கையும் களவுமாக பிடிப்பதற்காக கவுர் பேசி கொண்டிருக்கும் இடத்திற்கு வந்திருக்கிறார்.

அதன் பின்னர் ஆத்திரம் தலைக்கேறிய நொடியில் கவுரின் துப்பட்டாவை கொண்டு அவரது கழுத்தை நெரித்து கொன்ற ஜோகா சிங் பின்னர் எதுவும் நடக்காதது போல அமைதியாக வந்து படுத்திருக்கிறார்.

அடுத்த நாள் காலை எழுந்து பார்த்த குடும்பத்தார் அதிர்ச்சி அடைந்தனர். நடந்த உண்மையை அறிந்த பின் காவல்துறைக்கு தகவல் கொடுத்தனர்.

இது குறித்து புத்லடா டிஎஸ்பி ராச்பால் சிங், அப்பெண்ணின் கழுத்தை நெரித்த அடையாளங்கள் அவரது உடலில் காணப்படுவதால் அவரது தந்தை ஜோகா சிங் கைது செய்யப்பட்டுள்ளதாக தெரிவித்துள்ளனர்.

தமிழகத்தில் இறந்த குட்டியை பிரிய மனமின்றி தாய் குரங்கு சுற்றுத் திரியும் காட்சி அங்கிருக்கும் சுற்றுலாப் பயணிகளிடம் கண்ணீர் வரவைத்துள்ளது.

தமிழ்நாட்டின் திருச்சி மாவட்டத்தில் உள்ள முக்கிய சுற்றுலாத் தலங்களில் ஒன்று முக்கொம்பு. இங்கு வெளி மாவட்டங்களிலிருந்தும் ஏராளமானோர் வந்து செல்கின்றனர்.

இந்நிலையில் தாய்க் குரங்கு ஒன்று இறந்து மூன்று நாட்கள் ஆன தன்னுடைய குட்டியை பிரிய மனமின்றி, அதை மார்போடு தூக்கிக் கொண்டு திரிகிறது.

அதுமட்டுமின்றி அதற்கு பேன் பார்ப்பது மற்றும் பாலூட்ட முயற்சி செய்வதை பார்க்கும் போது அங்கிருக்கும் சுற்றுலாப் பயணிகளுக்கு அவர்களை அறியாமலே கண்கலங்குகிறது.

சிவகாசியில் கணேசன், முகமது இப்ராஹிம், முருகன் கௌதம், சரவணன், அந்தோனி ராஜ், ஹரிஹரன் உட்பட 7 பேர் மதுபானம் அருந்தியதில், 4 பேர் வாயில் நுரை தள்ளி இறந்துபோயுள்ளனர்.

இவர்கள் அனைவரும் ஒன்றாக வேலை பார்ப்பதால், வேலை முடித்துவிட்டு மது வாங்கி ஒன்றாக அருந்தியுள்ளனர். மேலும், மது அருந்துவதற்கு முன்னர் முருகன் வீட்டில் சமைத்த சாப்பாட்டையும் ஒன்றாக சாப்பிட்டுள்ளனர்.

மது அருந்தியவர்களில் 6 பேர் வாயில் நுரை தள்ளியது, இதனையடுத்து மருத்துவமனையில் அனுமதிக்கப்பட்டு தீவிர சிகிச்சை அளிக்கப்பட்டது. இதில் 4 பேர் பரிதாபமாக இறந்துபோயினர்.

மருத்துவமனையில் அனுமதிக்கப்பட்ட இவர்கள் சிவகாசியில் உள்ள மதுபான அரசு கடையில் மது வாங்கி அருந்திய காரணத்தால், மதுகுடித்துதான் இவர்களுக்கு இந்த நிலைமை ஏற்பட்டது எனக்கருதி உறவினர்கள் அனைவரும் மருத்துவமனை முன்பாக குவிந்தனர்.

இதற்கிடையில், உயிரிழந்தவர்கள் உடலில் இருந்த உணவை பரிசோதித்ததில், அதில் விஷம் கலந்திருந்தது கண்டறியப்பட்டது.

மது குடிக்கும் போது அவர்கள் சாப்பிட்ட உணவில் விஷம் கலந்தது யார் என காவல்துறையினர் நடத்திய விசாரணையில் திடுக்கிடும் தகவல்கள் வெளியாகியுள்ளன.

பலியான முருகனின் சகோதரி வள்ளி என்பவரும், அவரது காதலரான அச்சக ஊழியர் செல்வம் என்பவரும் உணவில் மது கலந்தது தெரியவந்துள்ளது.

இதனைத்தொடர்ந்து கைது செய்யப்பட்ட வள்ளி பொலிசில் அளித்துள்ள வாக்குமூலத்தில், கணவரை பிரிந்து வாழும் நான், செல்வம் மீது காதல் வயப்பட்டேன், இதனை சகோதரர் முருகன் கண்டித்ததால், அவரை கொலை செய்ய திட்டமிட்டு, உணவில் விஷம் கலந்தேன் என்று வாக்குமூலம் அளித்துள்ளார்.

இதையடுத்து வள்ளி மற்றும் செல்வத்தை கைது செய்துள்ள பொலிசார், இந்த சம்பவத்தில் வேறு யாருக்கும் தொடர்பிருக்கிறதா? என்ற கோணத்தில் விசாரணை நடத்தி வருகின்றனர்.

ஒடிசா மாநிலத்தில் நபர் ஒருவர் தனது திருமணத்திற்கு வரதட்சணையாக பணம், நகை வேண்டாம், மாறாக மரக்கன்றுகள் கொடுங்கள் எனக்கூறி மாமனாரை மட்டுமல்ல அனைவரையும் நெகிழ்ச்சியடைய வைத்துள்ளார்.

பாலா பகதர்பூர் கிராமத்தை சேர்ந்த சரோஜ்காந்த் பிஸ்வால் எனும் ஆசிரியருக்கும், அதே பகுதியை சேர்ந்த பள்ளி ஆசிரியை ராஷ்மி ரேகாவுக்கும் திருமணம் நிச்சயமானது.

இந்த திருமணத்திற்கு வரதட்சணையாக பிஸ்வால், தனது மாமனாரிடம் பணம் நகைக்கு பதிலாக மரக்கன்றுகளை பரிசாகக் கொடுங்கள் என்று கேட்டுள்ளார்.

இதனைத்தொடர்ந்து,கடந்த 22 ஆம் திகதி சரோஜ் காந்த் பிஸ்வால்-ராஷ்மிரேகா திருமணம் நடந்தது.

திருமணத்தின்போது மணமகளின் தந்தை மரக்கன்றுகளை வரதட்சணையாக அளிக்க, அதை மணமக்கள் தங்களை வாழ்த்த வந்தவர்களுக்கு அன்பளிப்பாகக் கொடுத்து மகிழ்ந்துள்ளனர்.

பிஸ்வாலை நினைத்து அந்த கிராமத்து மக்கள் நெகிழ்ச்சியடைந்துள்ளனர்.

சென்னைக்கு அருகில் உள்ள சுங்குவார்சத்திரம் பகுதியில் மோகன் ராஜ் என்பவர் காவலராக பணி புரிந்து வந்தார்.

வேலூரை சேர்ந்த இவர் கடந்த வாரம்தான் மாற்றலாகி சுங்குவார் சத்திரம் வந்திருக்கிறார். நேற்று பணி முடிந்து மோகன் ராஜ் வீடு திரும்பி கொண்டிருக்கையில் பள்ளி வாகனம் ஒன்றில் சிலர் மது அருந்தி கொண்டிருப்பதை பார்த்திருக்கிறார்.

இங்கு ஏன் குடிக்கிறீர்கள் என்று காவலர் மோகன் ராஜ் கண்டித்துள்ளார். இதனால் கோபமடைந்த குடிகாரர்கள் மோகன் ராஜ் மீது மது பாட்டிலை உடைத்து வீசியுள்ளனர். மேலும் உடைந்த பாட்டிலால் அவரது கழுத்தில் குதியுள்ளனர் .

இதனால் சம்பவ இடத்திலேயே காவலர் மோகன் ராஜ் உயிரிழந்தார். அதன் பின் அவரை ரோட்டில் வீசிவிட்டு குற்றவாளிகள் தப்பினர்.

காவல்துறைக்கு தகவல் அறிவிக்கப்பட்டு அவர்கள் விரைந்து வந்து சடலத்தை கைப்பற்றினர், கொலையாளிகளை பிடிக்க தீவிர விசாரணை மேற்கொண்டு வருகின்றனர்.

உயிரிழந்த மோகன் ராஜுக்கு அன்பு ரோஜா என்கிற மனைவியும், அஷ்வின், அவினாஷி , அஜயா என மூன்று குழந்தைகளும் உள்ளனர் என்பது குறிப்பிடத்தக்கது.

இந்தியாவில் 65 வயதான பெண்ணுக்கும், 27 வயதான ஆணுக்கும் திருமணம் நடைபெற்றுள்ளது.

ஹரியானாவை சேர்ந்தவர் பிரவீன், அமெரிக்காவை சேர்ந்த கரென் லிலியன் எப்னர். இவர்கள் இருவரும் கடந்த எட்டு மாதங்களுக்கு முன்பு பேஸ்புக்கில் நட்பாகியுள்ளனர், வீடியோ சாட்டில் தொடங்கிய உரையாடல் காதலில் முடிந்துள்ளது.

இதனையடுத்து இருவருக்கும் கடந்த 21ம் திகதி சண்டிகரில் திருமணம் நடைபெற்றது, உறவினர்கள் சம்மதத்துடன் பிரவீனை மணந்து கொண்டுள்ளார் கரென்.

தற்போது வாடகை அடுக்குமாடி கட்டிடத்தில் புதுமண தம்பதியினர் குடியேறிள்ளனராம்.

அடுத்த மாதம் 18ம் திகதி கரென் அமெரிக்காவுக்கு திரும்ப வேண்டும் என்பதால், பிரவீன் சுற்றுலா விசாவுக்கு விண்ணப்பித்துள்ளார். அது கிடைக்காதபட்சத்தில் நிரந்தரமாக இந்தியாவிலேயே தங்க கரென் முடிவு எடுத்துள்ளாராம்.