ஒட்டுமொத்த தமிழ் சமூகத்தையும் கொந்தளிப்பில் கொண்டு சென்று விட்டிருக்கிறது தூத்துக்குடி படுகொலைகள். இலங்கையில் முள்ளிவாய்க்கால் என்றால். தமிழகத்தில் தூத்துக்குடி என்று கலங்கும் நிலையை ஏற்படுத்தியிருக்கிறது தமிழக காவல்துறை.

நூறு நாட்களாக தங்கள் நிலத்தையும், வளத்தையும், எதிர்கால சந்ததியினரின் நல் வாழ்க்கையையும் உறுதிப்படுத்தவும், பாதுகாக்கவும் களம் கண்டனர் தூத்துக்குடி மக்கள். நச்சுத்தன்மை கொண்ட வளத்தை அழிக்கும் அந்த ஆலையை மூடச் சொல்லி அவர்கள் பெரும் போராட்டத்தை தொடர்ச்சியாக முன்னெடுத்தார்கள்.

அவர்களின் போராட்டம் நூறாவது நாளை எட்டியதும், தங்கள் கோரிக்கையை மாவட்ட ஆட்சியரிடம் தெரிவிக்கச் சென்ற போது தான் கோரத்தாண்டவம் ஆடியிருக்கிறது தமிழக காவல்துறை. காவல்துறையினரின் துப்பாக்கிச் சூட்டில் 13 பேர் கொல்லப்பட்டிருக்கிறார்கள்.

இதுவரை பல இளைஞர்களைக் காணவில்லை என்று பெற்றோர்கள் முறைப்பாடுகளை தெரிவித்திருக்கிறார்கள். இன்னமும் நிலைமை சீராகவில்லை. ஆனால், இப் போராட்டம் சதிச் செயல் என்றும், தீவிரவாதிகள் உள் நுழைந்துவிட்டார்கள் என்றும் தட்டிக் கழித்துக் கொண்டிருக்கிறது தமிழக காவல்துறை. கொதித்துப் போயிருக்கிறார்கள் தமிழ் மக்கள்.

ஒவ்வொரு அடக்குமுறைகளும், வளங்களைப் புடுங்குவதும் தமிழர் பகுதிகளில் தான். இதனை தொடர்ச்சியாக செய்து கொண்டிருக்கிறார்கள். இதற்கு முடிவு கட்ட வேண்டும் என்று வளர்ந்துவரும் இளைய தலைமுறையினர் போராடத் தொடங்கியிருக்கிறார்கள். இதில் களப்பலியானவர்களில் ஒருத்தி தான் ஸ்னோலின். 18வயதே ஆகும் இந்த யுவதி படித்துக் கொண்டிருக்கிறார்.

மக்கள் போராடும் போது நாங்கள் ஏன் சும்மா இருக்க வேண்டும். இந்த மண்ணிற்காகவும் நமக்காவும் போராட வேண்டும் என்று தன் தாயையும் அழைத்துக் கொண்டு போராட்ட களத்திற்கு சென்று இருக்கிறாள் அவள்.

போராட்டக்களத்திற்குச் சென்றவள் சடலமாக திரும்பி வந்திருக்கின்றாள். தன் மகளின் இழப்பை நினைத்து கதறி அழுதுகொண்டிருக்கின்றார் ஸ்னோலின் தாயார்.

தம்மை ஆளும் அரசே கொன்று வீழ்த்தும் என்று கனவிலும் நினைத்திருக்கமாட்டாள் அவள். காந்திய தேசம் அகிம்சையின் மறுவடிவம். எங்கள் மண்ணில் இந்தக் கொடூரம் நடக்கும் என்று எண்ணியிருக்கமாட்டாள். ஆனால் நடந்தது வேறொன்று.

ஈழத்தைப் போன்றதொரு கொடூரத்தை நிகழ்த்தி வாழ வேண்டிய, சாதிக்க வேண்டிய இளம் யுவதியை படுகொலை செய்திருக்கிறது அரசாங்கம். சாதாரண மீனவக் குடும்பதை சேர்ந்த அவள், தனது சமூகத்தின் அழிவை காண முடியாமல் போராட்டத்தில் முன் நின்றாள்.

ஆனால், அவளை பரலோகம் அனுப்பியிருக்கிறது தமிழக காவல்துறை. அவள் கனவு ஸ்டெர்லைட் ஆலையை மூட வேண்டும். அதன் மூலம் அடுத்த தலைமுறையினரின் வாழ்க்கை ஒளிமயமாக இருக்க வேண்டும் என்பது தான். ஆனால் இன்று அவள் உயிரோடு இல்லை. குறி பார்க்கப்பட்டு, சுட்டு வீழ்த்தப்பட்டிருக்கிறாள்.

எல்லையில் இராணுவ வீரர்கள், எதிரிகளை, தீவிரவாதிகளைக் குறி பார்த்துக் சுட்டுத் தள்ளுவதைப் போன்று செய்திருக்கிறார்கள். இந்து கொடூரம் வேறு எந்த நாட்டிலும் நடந்திருக்கிறது. இலங்கையைத் தவிர.

ஆக, தமிழகம் போராட துணியும், இளைய தலைமுறையினருக்கு ஒரு பாடத்தைப் புகட்விட்டிருக்கிறது. இனிமேல் யாரேனும் போராடத் துணிந்தால், போராட்டக் களத்தில் நின்றால் குறி பார்க்கப்பட்டு சுட்டு வீழ்த்தப்படுவீர்கள் என்று.

என்ன செய்யும் தமிழினம். சொந்த அரசும், சொந்த காவல்துறையும் சுட்டுத் தள்ளும் பொழுது, எப்பொழுது நீதியும், நியாயமும் கிடைக்கும்.

இந்தியாவில் உத்தரபிரேதசத்தில் இரவில் தூங்கும் போது பாம்பு கடித்தது தெரியாமல் பாலூட்டியதால் தாய், குழந்தை என இரண்டு பேரும் பரிதாபமாக உயிரிழந்துள்ளனர்.

உத்தரப்பிரேதச மாநிலத்தில் உள்ள மண்ட்லா கிராமத்தை சேர்ந்த பெண் ஒருவர் நேற்று முந்தினம் இரவில் வீட்டில் தூங்கிக் கொண்டிருந்தார். அப்போது அவரது வீட்டுக்குள் புகுந்த விஷப்பாம்பு ஒன்று அவரை கடித்துள்ளது. இது தெரியாமல் அவர் உறங்கிக் கொண்டிருந்தார்.

இதற்கிடையே, அவரது இரண்டரை வயது குழந்தை பசியால் அழுதுள்ளது. தன்னை பாம்பு கடித்தது என்று தெரியாத அவர் தனது குழந்தைக்கு பால் கொடுத்துள்ளார். இதனால் அவர்களின் இருவரின் உடல்நிலையும் சிறிது நேரத்தில் கவலைக்கிடமான நிலைக்குச் சென்றுது.

இதனை கண்டு அவரது உறவினர்கள் இருவரையும் அங்குள்ள மருத்துவமனைக்கு அழைத்து சென்றுள்ளனார். ஆனால், மருத்துவமனைக்கு செல்லும் வழியிலே இருவரும் பரிதாபமாக உயிரிழந்தனர். இது தொடர்பாக அப்பகுதி பொலிசார் வழக்குப்பதிவு செய்து விசாரணை நடத்தி வருகின்றனர். இந்த சம்பவம் அங்குள்ள மக்களை சோகத்தில் ஆழ்த்தியுள்ளது.

திருமணம் என்பது பெண்ணின் வாழ்வின் இறுதி கட்டமாக பார்க்கப்படுகிறது. தன் மகளை யாருக்கேனும் திருமணம் செய்து கொடுத்து விட்டால் தனது கடமை முடிந்ததாக பெற்றோர்கள் கருதுகின்றனர்.

ஆனால் இப்போது பார்க்க போகும் திருமணம் அப்படி பட்டதல்ல. குறிப்பிடப்பட்ட மணமகளுக்கு இந்திய வெளியுறவுத்துறை அமைச்சரே மாப்பிள்ளை பார்த்திருக்கிறார்.அப்படிப்பட்ட அதிர்ஷ்டசாலி பெண்ணை மணக்க நான் நீ என்று போட்டி போட்டுக் கொண்டு 60 மாப்பிள்ளைகள் விண்ணப்பித்திருந்தார்கள்.

தனது ஏழு வயதில் இந்தியாவில் இருந்து பாகிஸ்தானுக்கு வழி தவறி சென்றிருக்கிறார் ஒரு சிறுமி. அவர் வழி தவறி சென்றாரா அல்லது யாரேனும் கடத்தி சென்றார்களா என்பது பற்றி அவருக்கே சரியாக நினைவில்லை.

இந்தியாவிலிருந்து லாகூருக்கு செல்லும் சம்ஜஹுதா எக்ஸ்பிரஸில் தனியாக அமர்ந்திருந்த இந்த சிறுமியை மீது பாகிஸ்தான் ஹோமில் சேர்த்தனர் சில நல்ல எண்ணம் கொண்ட மனிதர்கள்.

தன்னுடைய அடையாளங்கள் மற்ற விடயங்களை சொல்ல தெரியதால் அவர் அங்கேயே வளர்க்கப்பட்டார்.இருப்பினும் சிறுமி கூறிய சின்ன சின்ன தகவல்களின் படி பார்க்கையில் சிறுமி இந்தியாவிலிருந்து வந்திருக்க வேண்டும் என்பது மட்டும் உறுதியானது.

அதன்பின் இந்தியாவில் இருந்து பாகிஸ்தான் வந்த சிறுமியை தாய் தந்தையருடன் இணைத்து வைக்க வேண்டும் என்று அங்கொரு விருப்பம் நிலவியது.

சல்மான்கான் நடித்த பாஜிராங் பைஜான் என்கிற திரைப்படம் மூலம் அங்குள்ளோரிடம் இந்த விருப்பம் தீவிரமாகியிருக்கிறது. கதைப்படி பாகிஸ்தானில் வாழும் இந்திய சிறுமியை அவளது தாயோடு சேர்த்து வைப்பார்கள்.

2015ஆம் ஆண்டு பல முயற்சிகளுக்கு பின் இந்தியா அனுப்பி வைக்கப்பட்ட அந்த சிறுமிதான் தற்போதையை மணமகள். இவருக்கு கீதா என பெயரிடப்பட்டுள்ளது. இவர் காது கேட்காது மற்றும் வாய் பேச முடியாத மாற்று திறனாளி.

இந்தியாவிற்கு வந்தபின் கீதாவை அவரது தாய்தகப்பனோடு சேர்த்து வைக்க பல முயற்சிகள் நடந்தன.இருப்பினும் பல பெற்றோர்களால் கீதாவை அடையாளம் காண முடியவில்லை, கீதாவும் பலரை நிராகரித்திருக்கிறார், இதனால் பெற்றோர் கண்டுபிடிக்கும் முயற்சி நீர்த்து போயிருந்தது.

இந்நிலையில் கீதாவிற்கு மாப்பிள்ளை பார்க்கலாம் என்கிற எண்ணம் உதித்தது. கீதாவிற்கு தகப்பன் ஸ்தானத்தில் இருந்து திருமணம் செய்து வைக்க மத்திய பிரதேச முதலமைச்சரான சிவராஜ் பாட்டிலே தயாராக இருந்தார் என்பதுதான் சிறப்பான விடயம்.

ஆகவே கீதாவை இந்தியாவிற்கு அனுமதித்த வெளியுறவுத்துறை அமைச்சர் சுஷ்மா ஸ்வராஜும் , மத்தியபிரதேச முதலமைச்சர் சிவராஜ் பாட்டிலும் இணைந்து இந்த திருமணத்தை நடத்த முடிவு செய்தனர்.

தனிப்பட்ட அதிகாரிகளிடம் கீதாவிற்கு மாப்பிள்ளை தேடும் படலம் ஒப்படைக்கப்பட்டது. கீதாவை போலவே மணமகனும் காது கேளாத மற்றும் வாய் பேச முடியாத மாற்று திறனாளியாக இருக்க வேண்டும் என்பது மட்டுமே முக்கிய விதியாக இருந்தது.

இது தவிர தனது வலைதள பக்கத்திலும் அமைச்சர் சுஷ்மா கீதாவிற்கான மாப்பிள்ளை தேடல் பற்றிய விவரங்கள் கொடுத்திருந்தார்.மேலும் கீதாவை மணப்பவருக்கு அரசு வேலையும் , வீடும் வழங்கப்படும் என்றும் தெரிவிக்கப்பட்டிருந்தது.

இதனால் ஏராளமானோர் விண்ணப்பித்திருந்த நிலையில் அவற்றில் 60 நபர்களை தேர்வு செய்தனர் .இருப்பினும் கிடைக்க போகும் அரசு வேலைக்காக ஆசைப்பட்டு பலர் விண்ணப்பித்திருந்ததால் அவர்களை நிராகரித்த குழுவினர் இறுதியாக 15 பேரை தேர்வு செய்திருக்கிறது.

இவர்களில் எழுத்தாளர், ராணுவ அதிகாரி, விவசாயி , பொறியாளர் ஆகியோரும் அடங்குவர்.அவர்களில் பெரும்பாலோனோர் ராஜஸ்தான் உத்தர பிரதேசம் , பிஹார், உத்ராஞ்சல், குஜராத் மற்றும் மத்தியபிரதேசத்தை சேர்ந்தவர்கள்.

தற்போது கீதாவின் பாதுகாவலராக மோனிகா எனும் பெண் செயல்பட்டு வருகிறார். கீதாவுக்கென்று ஒரு குடும்பத்தை ஏற்படுத்தி கொடுக்கும் இந்த வேலையானது எங்களுக்கு மிகுந்த மனமகிழ்ச்சியை தருகிறது என்கிறார்.

கீதாவிற்கான வாழ்க்கையை அவரது விருப்பப்படி சந்தோஷமானதாய் அமைத்து கொள்ள அவருக்கு தேவையான உதவிகள் அனைத்தும் செய்யப்படுவதாகவும் குறிப்பிட்டார். இருப்பினும் மணமகனை தேர்வு செய்யும் இறுதி முடிவு கீதாவின் கையில்தான் இருக்கிறது என்றும் கூறினார்.

இரு உள்ளங்கள் இணைகையில் உதடுகளின் பேச்சு தேவையே இல்லை என்பதற்கு நடக்கப்போகும் கீதாவின் திருமணம் ஒரு சாட்சியாக இருக்கக்கூடும்.

இந்திய தொழிலதிபரும், மிகப்பெரிய கோடீஸ்வரர்களில் ஒருவருமான முகேஷ் அம்பானியின் மனைவி தான் நீத்தா அம்பானி. 55 வயது கடந்த பின்னும் இன்னும் இளமையாகவும் சுறுசுறுப்பாகவும் இவர் இயங்கி வருகிறார்.

மும்பையின் புறநகர் பகுதியில் நடுத்தர குடும்பத்தில் பிறந்த நீத்தா கோடீஸ்வர குடும்பத்தில் மனைவியாக நுழைந்த கதை சுவாரஸ்யமானது.

வணிகவியலில் பட்டம் பெற்ற நீத்தா அம்பானி ஒரு தனியார் பள்ளியில் சிறு குழந்தைகளுக்கான ஆசிரியர் பணியில் வேலைக்கு சேர்ந்தார்.

கலையின் மீது மிகுந்த ஆர்வம் கொண்டிருந்த நீத்தா அம்பானி பரதநாட்டியம் பயின்றவர். பல நாடுகளுக்கும் சென்று தன் பரதத் திறமையை வெளிப்படுத்தி அரங்கேற்றமும் செய்தவர்.

இது போன்ற ஒரு பரத நாட்டிய நிகழ்ச்சியில் தான் முகேஷ் அம்பானியின் தந்தை திருபாய் அம்பானி நீத்தாவை பார்த்திருக்கிறார்.

நடுத்தர வர்க்கத்தை சேர்ந்தவராக இருந்தாலும் நீத்தா திருபாய் அம்பானியின் தொலைபேசியில் தொடர்பு கொண்ட போது சரியாக பேசவில்லை. இதன்பின் இவரது அப்பாவை தொடர்பு கொண்ட திருபாய் அம்பானி அவர் மூலம் நீத்தா வின் சம்மதத்தை கேட்டிருக்கிறார்.

மிக பெரிய தொழிலதிபர்களில் ஒருவரான திருபாய் அம்பானி தன் மகனுக்காக தன்னை பெண் கேட்டு வந்ததை அறிந்த நீத்தா அதிர்ச்சியில் உறைந்து போனார். இருப்பினும் உடனடியாக முடிவு எதையும் அவர் கூறவில்லை.

அதன் பின் முகேஷ் அம்பானியும் நீத்தாவும் பெற்றோர் சம்மதத்துடன் ஆறேழு முறை சந்தித்துள்ளனர். அப்போதும் தங்கள் திருமணம் பற்றிய முடிவுகளை இவர்கள் கூறிக் கொள்ளவில்லை.

ஒருமுறை மும்பையின் பரபரப்பான டிராபிக்கில் சிக்னலுக்காக காத்திருக்கும்போது, அதற்கு மேலும் பொறுக்க முடியாத முகேஷ் அம்பானி நீத்தாவிடம் என்னை திருமணம் செய்து கொள்வாயா என்று ப்ரபோஸ் செய்துள்ளார்.

அப்போது சிக்னலில் பச்சை விளக்கு ஒளிர்ந்தது, பின்னால் இருந்தவர்கள் ஹார்ன் அடித்துக் கொண்டிருந்தனர். முகேஷ் அம்பானியோ நீத்தாவின் பதில் தெரியாமல் தான் வண்டியை நகர்த்த போவதில்லை என அடம்பிடித்துள்ளார்.

அதற்கு பிறகு நீத்தா எஸ், நான் உங்களை திருமணம் செய்து கொள்ள விரும்புகிறேன் என்று கூறிய பின்புதான் காரை நகர்த்தியிருக்கிறார் முகேஷ்.

அதற்கு பின் திருபாய் அம்பானி இவர்களிருவருக்கும் முறைப்படி திருமணம் நடத்தி வைத்தார்.

இப்படித்தான் பெற்றோரால் பார்க்கப்பட்டு முகேஷ் அம்பானியால் காதலிக்கப்பட்டு அதன் பின் அவரின் மனைவியாகியிருக்கிறார் நீத்தா அம்பானி

கோடீஸ்வரர் மனைவி ஆனபின்னும் தனது ஆசிரியர் பணியை தொடர்ந்து செய்து வந்தார் நீத்தா அம்பானி.

ஆசிரியர் பனியின் மீதான நீத்தாவின் காதலை புரிந்து கொண்ட முகேஷ் அம்பானி தன் மனைவிக்கு ஆதரவாக இருந்து அவர் பணிபுரிவதை அனுமதித்தார்.

1987ஆம் ஆண்டு நடைபெற்ற உலக கோப்பை கிரிக்கெட் போட்டியின் போது நீத்தாவின் மாணவர்களின் பெற்றோர் ஒருவர் நீத்தாவிடம் இதற்கான நுழைவு சீட்டை கொடுத்து கிரிக்கெட் காண வாருங்கள் என்று அழைத்துள்ளனர்.

இதனை வாங்க மறுத்த நீத்தா போட்டியின் போது விஐபிக்களுக்கான பார்வையாளர் பகுதியில் அமர்ந்திருந்த போதுதான் இவர் முகேஷ் அம்பானியின் மனைவி என்பதே அவர்களுக்கு தெரிந்திருக்கிறது. அந்த அளவிற்கு யாரிடமும் தன்னை பற்றி இவர் காட்டிக் கொள்ளாதவர்.

அதன்பின் சில ஆண்டுகளுக்கு பின் தன் ஆசிரியர் பதவியை விட்டு விலகி ரிலையன்ஸ் குழுமத்தில் இணைந்தார் நீத்தா.

தனது மனைவி ஆசிரியராக இருந்ததால் இப்போதெல்லாம் அதிக நேரம் கற்பிப்பதிலேயே செலவழிப்பதாக முகேஷ் அம்பானி விளையாட்டாக குறிப்பிட்டுள்ளார்.

மேலும் இனி வரும் ஆண்டுகளில் இவர்கள் இருவரும் இணைந்து கல்வி துறையில் கால் பதிக்க போவதாகவும் அறிவித்துள்ளார் முகேஷ் அம்பானி.

ஆசிரியையாக பணியாற்றிய போது நீத்தா வாங்கிய சம்பளம் எண்ணூறு ரூபாய் மட்டுமே. ஆனால் இப்போதோ மும்பையின் திருபாய் அம்பானி பள்ளியை இவர் நிர்வகித்து வருகிறார்.

இப்போதும் தவறாமல் ஒவ்வொரு ஆண்டும் தனது காதல் மனைவிக்கு வியக்கத்தக்க பரிசுகள் கொடுத்து அசத்தும் சூப்பர் காதலனாக முகேஷ் அம்பானி இருந்து வருகிறார்.

இவர்களின் காதல் வாழ்க்கைக்கு சாட்சியாக ஆகாஷ், ஆனந்த் என்கிற இரு மகன்களும் மற்றும் இஷா என்கிற மகளும் உள்ளனர்.

இட நெருக்கடி நிறைந்த மும்பை மாநகரில் 27 மாடிகளை கொண்ட ஒரு மாளிகையில் இவர்கள் வசித்து வருகின்றனர். உலகிலேயே மிகப் பெரிய வீடுகளில் இவரது வீடும் ஒன்று. இதன் மதிப்பு ஒரு பில்லியன் டாலர் என்று சொல்லப்படுகிறது.

என்னதான் செங்கல்லாலும் சிமெண்டாலும் கட்டப்பட்ட வீடுகள் மாளிகைகள் ஆனாலும் நீத்தா அம்பானி போன்ற பெண்கள் தான் அதனை அன்பு நிறைந்த இல்லமாக மாற்றி அமைக்கிறார்கள் என்பதுதான் உண்மை.