காதல் என்ற ஒற்றைப்புள்ளியில்தான் உலகமே இயங்கிக்கொண்டிருக்கிறது. தன் குடும்பம், குழந்தைகள், உறவினர்கள், நண்பர்கள் என இப்படி யாரோ ஒருவரின் மீது நாம் கொண்டிருக்கும் காதல் தான் நம் இலக்கை நோக்கி நம்மை அனுதினமும் நகர்த்திக்கொண்டிருக்கிறது.

இப்படி தனது சுயநலமற்ற காதலால் தனது எதிர்கால இலக்கை நோக்கி பயணித்துக்கொண்டிருக்கிறார் வினு. 11 வருட ஆத்மார்த்தமான காதலில் காலனாய் வந்தது அந்த கோரவிபத்து.

கேரளாவின் எர்ணாகுளத்தை சேர்ந்த வினுவுக்கு 25 வயது இருக்கையில், 16 வயதான லினிசாவின் மீது காதல் ஏற்பட்டது. 11 வருடங்களாக இவர்கள் இருவரும் காதலித்துவந்தனர். இருவரும் திருமணம் செய்துகொள்ள முடிவுசெய்தததையடுத்து, லினிஷாவின் பெற்றோரிடம் பெண் கேட்டு சென்றுள்ளார் வினு.

ஆனால், தங்களது மகள் செல்லமாக வளர்ந்தவள், அதுமட்டுமின்றி அன்றாடம் கூலி வேலைபார்க்கும் வினுவுக்கு திருமணம் செய்துவைக்க மறுத்துவிட்டனர். இருப்பினும் இவர்கள் இருவரும் காதலில் உறுதியாக இருந்தனர்.

பெற்றோர் எப்படியாவது சம்மதிக்க வேண்டும் என்பதற்காக, வினு மீண்டும் பெண் கேட்டு சென்றுள்ளார். இவர்களின் காதலின் ஆழத்தை அறிந்துகொண்ட பெற்றோர் திருணத்திற்கு சம்மதம் தெரிவித்ததையடுத்து, 2016 ஆம் ஆண்டு நிச்சயதார்த்தம் நடைபெற்று ஆகஸ்ட் 28 ஆம் திகதி திருமணம் செய்ய முடிவுசெய்யப்பட்டது.

ஆனால், துரதிஷ்டவசமாக மே 30 திகதி லினிசா மற்றும் அவரது குடும்பத்தினர் சாலை விபத்தில் சிக்கினர். இதில், லினிசாவின் பெற்றோர் படுத்த படுக்கையாகினர். லினிசா கோமா நிலைக்கு சென்றுவிட்டார்.

இரண்டு ஆண்டுகளாக கோமாவில் இருக்கும் லினிசாவிடம், தான எப்போதும் பேசுவது போல தொடர்ந்து பேசிக்கொண்டே இருக்கிறார் வினு.

லினாவிடம் இருந்து எவ்வித பதிலும் கிடைக்காது என தெரிந்தும், தனது காதலியிடம் தொடர்ந்து பேசிக்கொண்டே இருக்கிறார்.

காலை 7 மணிக்கு தனது காதலியை வந்துபார்த்துவிட்து மாலை 6.30 மணிக்கு மீண்டும் வருகிறார். மீதியுள்ள நேரத்தினை தனது காதலியுடன் செலவிடுகிறார்.

இவரது வருமானத்தின் மூலம் தான் லினிசா மற்றும் அவரது குடும்பத்தினருக்கு சிகிச்சைக்கான பணம் செலவழிக்கப்படுகிறது.

சிறிய வருமானத்தால் சிரமப்பட்ட இவருக்கு, நண்பர்கள் சேர்ந்து ரூ.1 லட்சம் நிதியுதவி பெற்றுக்கொடுத்துள்ளனர். லினிசா கோமாவில் இருப்பதால் வேறு ஒரு வாழ்க்கை துணையை தேடிக்கொள்ளுமாறு எனது நண்பர்கள் கூறினாலும், அவளது இடத்தில் வேறு யாரையும் என்னால் நினைத்து பார்க்ககூட இயலவில்லை என கூறுகிறார் வினு.

தமிழகத்தில் கார்கள் மோதிக்கொண்டதில், கணவன்- மனைவி மற்றும் குழந்தைகள் உட்பட 9 பேர் பலியாகியுள்ள சம்பவம் அதிர்ச்சியை ஏற்படுத்தியுள்ளது.

காஞ்சீபுரம் மாவட்டம், சின்ன காஞ்சீபுரம் திருமலை நகரை சேர்ந்தவர் எஸ்.ஆர்.மோகன்(36). இவரது மனைவி லட்சுமி, மகள்கள் பவித்ரா, நவீதா மற்றும் மகன் வரதராஜன் ஆவர்.

கைத்தறி பட்டுப்புடவை உற்பத்தி தொழில் செய்து வந்த மோகன், தனது பிள்ளைகளுக்கு கோடை விடுமுறை என்பதால் கேரளாவிற்கு சுற்றுலா செல்ல முடிவு செய்துள்ளார்.

அதன்படி, தனது குடும்பத்தினர் மற்றும் அக்கா கணவர் முரளி, மற்றொரு அக்காவின் மகள் மேகலா ஆகியோருடன் நேற்று முன்தினம் காரில் சென்றுள்ளார்.

இவர்களுடன் கார் ஓட்டுநர் பிரபாகரன்(36) மற்றும் மாற்று ஓட்டுநர் பூபதி ஆகியோரும் பயணித்தனர். கார் நள்ளிரவில் சென்னை- திருச்சி தேசிய நெடுஞ்சாலையில், பெரம்பலூர் நான்கு சாலை அருகே சென்றுகொண்டிருந்தது.

அப்போது எதிர்திசையில் கட்டுப்பாட்டை இழந்து தாறுமாறாக ஓடிய கார் ஒன்று, சாலையின் தடுப்புச்சுவரில் பயங்கரமாக மோதியது. மோதிய வேகத்திலேயே மோகன் குடும்பத்தினரின் கார் மீது விழுந்தது.

இதனால் பலத்த சேதமடைந்த மோகனின் காரில் இருந்த 8 பேரும் சம்பவ இடத்திலேயே உயிரிழந்தனர், ஓட்டுநர் பூபதி மட்டும் படுகாயத்துடன் உயிருக்கு போராடிக்கொண்டிருந்தார்.

இந்நிலையில், விபத்தை ஏற்படுத்திய கார் மேலும் ஒரு கார் மீது மோதியதில், அந்த காரில் இருந்த 4 பேர் காயமடைந்தனர். பின்னர், இச்சம்பவத்தை கண்ட அப்பகுதி வழியாக சென்றவர்கள் பொலிசாருக்கு தகவல் கொடுத்தனர்.

அதனைத் தொடர்ந்து, சம்பவ இடத்திற்கு விரைந்த பொலிசார் மற்றும் தீயணைப்பு வீரர்கள் விபத்தில் சிக்கிய அனைவரையும் மீட்டு பெரம்பலூர் அரசு மருத்துவமனைக்கு அனுப்பி வைத்தனர். ஆனால், பாதி வழியிலேயே பூபதி உயிரிழந்தார்.

இந்த கோர விபத்தினால் அப்பகுதியில் சுமார் 2 மணி நேரம் போக்குவரத்து பாதிக்கப்பட்டது. இச்சம்பவம் தொடர்பாக பெரம்பலூர் பொலிசார் வழக்குப்பதிவு செய்து விசாரணை நடத்தி வருகின்றனர்

இந்தியாவில் நான்கு மாத பெண் குழந்தையை கடத்தி பாலியல் பலாத்காரம் செய்து கொன்ற கொடூரனுக்கு தூக்கு தண்டனை விதிக்கப்பட்டுள்ளது.

மத்திய பிரதேசத்தின் இந்தூரில் உள்ள ராஜ்வாடா கோட்டை பகுதியில் கடந்த மாதம் 20ம் திகதி கைக்குழந்தையுடன் பெற்றோர் தூங்கிக் கொண்டிருந்தனர். அப்போது அங்கு வந்த நவீன் என்பவர் குழந்தையை துக்கிச் சென்றதுடன் பாலியல் பலாத்காரம் செய்துள்ளார்.

தொடர்ந்து குழந்தையின் வாயை பொத்தி துன்புறுத்தி, தரையில் வீசி அடித்துக் கொன்று தப்பியோடி விட்டார். மறுநாள் காலை குழந்தையின் சடலத்தை பார்த்த அக்கம்பக்கத்தினர் அதிர்ச்சியடைந்தனர்.

உடனடியாக விரைந்து வந்த பொலிஸ் அதிகாரிகள், சிசிடிவி காட்சிகயை ஆய்வு செய்த போது நவீன் குழந்தை தூக்கிச் சென்றது தெரியவந்தது. இதன்பின்னர் நவீனை கைது செய்து விசாரித்ததில் உண்மையை ஒப்புக் கொண்டார்.

இதுதொடர்பான வழக்கு இந்தூர் செசன்ஸ் நீதிமன்றத்தில் நடந்து வந்த நிலையில், போஸ்கோ சட்டத்தின் கீழ் தூக்கு தண்டனை விதித்து நீதிபதி வர்ஷா வர்மா தீர்ப்பளித்துள்ளார்.

தமிழகத்தில் தங்கும் விடுதி ஒன்றில் இளம் பெண்ணொருவர் கழுத்தறுத்து கொலை செய்யப்பட்டதுடன், இளைஞர் ஒருவரும் தற்கொலை செய்து கொண்ட சம்பவம் பெரும் பரபரப்பை ஏற்படுத்தியுள்ளது.

திண்டுக்கல் மாவட்டம் பேருந்து நிலையம் அருகே டி.எம்.டி என்ற தனியார் தங்கும் விடுதியில், பிரசாந்த் என்ற இளைஞர் கடந்த 10ஆம் திகதி இளம் பெண்ணொருவருடன் அறை எடுத்து தங்கியுள்ளார்.

இந்நிலையில், நேற்று மதியம் விடுதி ஊழியர்கள் பிரசாந்த் தங்கியிருந்த அறையின் கதவை தட்டியுள்ளனர். ஆனால், கதவு திறக்கப்படவில்லை. அதனைத் தொடர்ந்து, இன்று காலையும் ஊழியர்கள் அறைக்கதவை தட்டியபோதும் கதவு திறக்கப்படவில்லை.

இதனால் சந்தேகமடைந்த விடுதி ஊழியர்கள், இது தொடர்பாக பொலிசாருக்கு தகவல் அளித்துள்ளனர். அதன் பேரில் விரைந்து வந்த பொலிசார், அறையின் கதவை உடைத்துக் கொண்டு உள்ளே சென்று பார்த்தபோது, பிரசாந்த் படுக்கையில் வாயில் நுரை தள்ளியபடி இறந்து கிடந்துள்ளார்.

பின்னர் குளியல் அறைக்கு சென்று பார்த்தபோது, அங்கே பிரசாந்துடன் தங்கியிருந்த பெண் கழுத்து அறுபட்ட நிலையில் பிணமாக கிடந்துள்ளார்.

இருவரது உடல்களையும் கைப்பற்றிய பொலிசார், பிரேத பரிசோதனைக்கு அனுப்பி வைத்தனர். இச்சம்பவம் குறித்து வழக்குப்பதிவு செய்த பொலிசார் விசாரணை மேற்கொண்டதில், பிரசாந்த் பதிவு செய்த முகவரி நிலக்கோட்டை கொங்கர்குளம் பகுதி என்று இருந்துள்ளது. மேலும், இது தொடர்பாக பொலிசார் தீவிர விசாரணையை மேற்கொண்டுள்ளனர்.

பெண் போல உடை அணிந்து வேலூரில் இருந்து சென்னைக்கு பேருந்தில் வந்த இளைஞரை பொதுமக்கள் உதைத்தனர். வேலூர் மாவட்டம் எல்.ஐ.சி காலனியை சேர்ந்தவர் எபினேசன். இவர் வேலூரில் உள்ள தனியார் கலைக் கல்லூரி ஒன்றில் இளங்கலை பட்டம் முடித்துள்ளார்.

இந்நிலையில் வேலூரில் உள்ள பஜார் தெருவுக்கு சென்ற எபினேசன், அங்கு 650 ரூபாய்க்கு இஸ்லாமிய பெண்கள் அணியும் பர்தாவை வாங்கியுள்ளார். அந்த ஆடையை அணிந்துகொண்ட அவர், தனது அம்மாவின் கைப்பையை எடுத்துக்கொண்டு பெண் போல பேருந்து நிலையம் சென்றுள்ளார். பின்னர் பேருந்து நிலையத்தில் நின்றுகொண்டிருந்த சென்னை செல்லும் பேருந்தில் ஏறிக்கொண்டார்.

நடத்துனரிடம் சென்னை செல்ல வேண்டும் என பெண் குரலில் பேசி டிக்கெட்டை வாங்கிக்கொண்டு, ஒரு பெண்ணிற்கு அருகே அமர்ந்துள்ளார். அவரது குரலைக் கேட்கும் போது நடத்துனருக்கு சற்று சந்தேகம் வந்துள்ளது. பேருந்து பயணம் தொடர, ஒரு கட்டத்தில் காற்று வீசி எபினேசன் அணிந்திருந்த முகத்திரை விலகியுள்ளது.

அப்போது அவர் ஆண் என்பதை அறிந்த பக்கத்திலிருந்த பெண், அய்யயோ இது பெண் இல்லை. ஆம்பளை… ஆம்பளை’ எனக் கத்தியுள்ளார். அந்தப் பெண்ணின் கூச்சலைக் கேட்டு பேருந்து நிறுத்தப்பட்டது. பேருந்தில் இருந்தவர்கள் எபினேசனை திருடன் என நினைத்து உதைத்துள்ளனர்.

பின்னர் அவரை பிடித்துக் காவல்நிலையத்தில் ஒப்படைத்துள்ளனர். காவல்துறையினர் விசாரித்த போது, ‘பெண் போல ட்ரெஸ் பண்ணி பேருந்தில் போகனும்னு எனக்கு ரொம்ப நாளா ஆசை’ என்று கூறியுள்ளார். இதையடுத்து காவல்நிலையத்திற்கு வந்த எபினேசனின் உறவினர்கள் மற்றும் பெற்றோரும் அதையே கூறியுள்ளனர்.

அவரைக் கண்டித்த காவல்துறையினர், ‘ஊரெல்லாம் குழந்தை கடத்தல் என்று மக்கள் புதிய நபர்கள தாக்குறாங்க. நீ பத்திராம இரு தம்பி. இனிமே இப்புடி பண்ணாத’ என்று புத்திமதி கூறி அனுப்பியுள்ளனர்.

13 வயது சிறுவன் 23 வயது பெண்ணை திருமணம் செய்து கொண்ட சம்பவம் இணையத்தில் வைரலாக வருகிறது.  காதல் எப்போ எப்படி வரும் என்று யாருக்கும் தெரியாது தான். ஆனால் இது காதலா?

ஆந்திர மாநிலத்திலுள்ள கர்னூல் மாவட்டம் கவுதாளம் உப்பரஹால் கிராமத்தை சேர்ந்த 13 வயது சிறுவன் தன் அக்காள் மகளான 23 வயது இளம்பெண்ணை கடந்த மாதம் 27ம் திகதி அதிகாலை 3 மணிக்கு இந்த திருமணம் நடைபெற்றுள்ளது.

சிறுவனும் அந்த பெண்ணும் அடிக்கடி வீட்டிற்கு சென்று வரும் போது இருவருக்கும் காதல் ஏற்பட்டதன் காரணமாகவே பெற்றோர்கள் திருமணம் செய்து வைத்ததாக கூறப்படுகிறது.

சிறுவனும், அந்த பெண்ணும் திருமணம் செய்து கொண்ட புகைப்படம் தற்போது சமூகவலைத்தளங்களில் பரவி வருகிறது. இப்படி ஒரு திருமணம் நடைபெற்றிருக்கிறது. இந்திய சட்டத்தின் படி 18 வயதிற்கும் குறைவான பெண் அல்லது 21 வயதிற்கும் குறைவாக ஆணிற்கு நடந்த திருமணம் செல்லாது.

இந்நிலையில், 13 வயது சிறுவன் மைனர் என்பதை அறிந்தும் 23 வயது இளம்பெண்னுடன் அவரது பெற்றோர்கள் எப்படி திருமணம் செய்து வைத்தார்கள் என்ற சர்ச்சை எழுந்துள்ளது.

இதைத்தொடர்ந்து, முதலிரவுக்கு ஏற்பாடு செய்யப் பட்ட நிலையில் பொலிசார் வந்ததால் சிறுவன் மற்றும் அவரது பெற்றோர்கள் தலைமறைவாகி உள்ளனர். மணப்பெண் மட்டும் சிக்கியுள்ளார். இப்படி ஒரு திருமணத்தை செய்து வைத்த பெற்றோரை உடனடியாக கைது செய்ய வேண்டும் கருத்து வலுத்து வருகிறது.

இதே போன்று கடந்த சில மாதங்களுக்கு முன் 18 வயது இளம்பெண் 17 வயது சிறுவன் தன்னை காதலித்து திருமணம் செய்ததாக கூறப்பட்ட நிலையில், தற்போது மீண்டும் இது போன்ற சம்பவம் நடந்துள்ளதால் பரபரப்பு நிலவியுள்ளது.