மட்டக்களப்பு – வாழைச்சேனை, வாகனேரியில் யானை தாக்கி நபரொருவர் உயிரிழந்துள்ளதாக பொலிஸார் தெரிவித்துள்ளனர். வாகனேரி குளத்தில் இன்று காலை நீர் எடுக்க சென்ற 30 வயதுடைய நபரே சம்பவத்தில் உயிரிழந்துள்ளார்.

இந்த நிலையில் சம்பவ இடமத்திற்கு சென்ற வாழைச்சேனை பொலிஸார் இது தொடர்பான விசாரணைகளை மேற்கொண்டு வருகின்றனர்.

வாழைச்சேனை, வாகனேரியில் யானை தாக்கி நபரொருவர் உயிரிழந்துள்ளதாக பொலிஸார் தெரிவித்துள்ளனர். வாகனேரி குளத்தில் இன்று காலை நீர் எடுக்க சென்ற 30 வயதுடைய நபரே சம்பவத்தில் உயிரிழந்துள்ளார்.

இலங்கை அரசாங்கத்தினால் எரிபொருள் விலை அதிகரித்துள்ளமையினால் பேருந்து கட்டணம் மற்றும் முச்சக்கரவண்டி கட்டணத்தை அதிகரிக்க நடவடிக்கை எடுக்கப்பட்டுள்ளது.

அதற்கமைய நூற்றுக்கு 15 வீதத்தில் பேருந்து கட்டணத்தை அதிகரிக்க அரசாங்கம் அனுமதி வழங்க வேண்டும் என, அனைத்து இலங்கை பேருந்து சங்கத்தின் பிரதான செயலாளர் அஞ்சன பிரிய்ஜித் தெரிவித்துள்ளார்.

அரசாங்கம் பேருந்து கட்டணத்தை அதிகரிக்க அனுமதி வழங்கவில்லை என்றால் அனைத்து பேருந்து சங்கத்தினரும் இணைந்து தொடர் போராட்டம் ஒன்றை நடத்தவுள்ளதாக அவர் எச்சரித்துள்ளார்.

எரிபொருள் விலையை உயர்ந்த மட்டத்தில் அதிகரித்தமையால் போக்குவரத்து துறைக்கு மிகவும் அழுத்தம் ஏற்பட்டுள்ளது. நல்லாட்சி அரசாங்கம் அதிகரத்திற்கு வந்த நாளில் இருந்து பொது போக்குவரத்தின் நலனுக்காக ஒன்றும் செய்யவில்லை என அஞ்ஜன பிரியக்ஜித் குற்றம் சாட்டியுள்ளார்.

இதேவேளை, அரசாங்கத்தினால் எரிபொருள் விலை அதிகரித்துள்ளமையினால் முச்சக்கர வண்டி கட்டணத்தை அதிகரிப்பதற்கு தீர்மானித்துள்ளதாக முச்சக்கரவண்டிகளின் சங்கம் தெரிவித்துள்ளது.

அதற்கமைய முதலாவது கிலோ மீற்றருக்கு 50 ரூபாயில் காணப்பட்ட கட்டணம் நாளை முதல் 60 ரூபாவாக அறவிடப்படும் என அறிவிக்கப்பட்டுள்ளது.

சமகாலத்தில் அத்தியாவசிய பொருட்களின் விலைகள் அதிகரித்து வரும் நிலையில், போக்குவரத்துக்கான செலவுகளும் அதிகரிக்கவுள்ளது. இது குறித்து பொதுமக்கள் கடும் அதிருப்தியை வெளியிட்டுள்ளனர்.

அதிபரின் மனித தன்மையற்ற அடாவடியான கடும் நெருக்கீடு காரணமாக மனமுடைந்து ஆசிரியை ஒருவர் யாழ்ப்பாணத்தில் தற்கொலை செய்துள்ளதாக தெரிவிக்கப்படுகிறது. குறித்த ஆசிரியை நேற்று முன்தினம் தற்கொலை செய்து கொண்டுள்ளதாக தகவல்கள் தெரிவிக்கின்றன.

முல்லைத்தீவு குமுழமுனையை பிறப்பிடமாகவும் யாழ். திருநெல்வேலியை வசிப்பிடாகவும் கொண்ட கொஜெயசீலன் கவிதா (வயது 40) என்ற தமிழ் பாட ஆசிரியரே உயிரிழந்துள்ளார்.

யாழ்ப்பாணம் புறநகர் பகுதியிலுள்ள கலவன் பாடசாலை ஒன்றில் நீண்ட காலமாக குறித்த ஆசிரியை கடமையாற்றியிருந்தார் என தெரிவிக்கப்படுகின்றது.

இந்த பாடசாலையின் அதிபர் ஆசிரியையை பழிவாங்கும் நோக்குடன் தொடர்ச்சியாக பல நெருக்கீடுகளைக் கொடுத்துவந்ததன் விளைவாக ஆசிரியை அப்பாடசாலையிலிருந்து கடந்த வாரம் இடமாற்றம் பெற்றுச் சென்றுள்ளார்.

எனினும் குறித்த அதிபரால் ஆசிரியைக்குரிய ஆவணங்களை வழங்க மறுக்கப்பட்டதுடன், இடமாற்றம் பெற்றுச் சென்றாலும் தனது பாடசாலைக்கு வந்து மாலை நேரத்தில் கற்பிக்க வேண்டும் என்று நெருக்கீடுகள் வழங்கப்பட்டுள்ளன.

அத்துடன், இந்த பாடசாலையில் ஆசிரியை கடமையாற்றியதை உறுதிப்படுத்தும் சம்பள படிவம் உள்ளிட்ட முக்கிய ஆவணங்களை உறுதிப்படுத்தி வழங்காது நிறுத்தியுள்ளார்.

இவ்விடயம் தொடர்பில் குறித்த ஆசிரியையால் வலயக்கல்விப்பணிப்பாளர் உள்ளிட்ட பொறுப்பு வாய்த உயரதிகாரிகளுக்கு முறையிட்டும் எந்த நடவடிக்கையும் எடுக்காது. அதிபர் பற்றி முறையிட்டதற்காக வலயக்கல்விப்பணிப்பாளரால் ஆசிரியை கடுமையாக எச்சரிக்கப்பட்டுள்ளார்.

அத்துடன், அதிபர்கள் வழமையாக எல்லா பாடசாலைகளிலும் ஆசிரியர்களுக்கு தொந்தரவு கொடுப்பது சாதாரண விடயம்தானே என கல்வி உயரதிகாரிகள் பொறுப்பற்றுப் பதிலளித்துள்ளனர்.

இந்த நிலையில் ஆசிரியையின் உயிரைப் பறித்த குற்றவாளி என கூறப்படும் அதிபரை காப்பாற்றுவதற்காக மாகாண கல்வித் திணைக்களம் நடத்துகின்ற போலியான விசாரணைகளை நிறுத்தி, வடமாகாணக் கல்வி அமைச்சு நேரடியாகத் தலையிட்டு நீதியான விசாரணைகளை நடத்த வேண்டும் என இலங்கை தமிழர் ஆசிரியர் சங்கம் கோரிக்கை விடுத்துள்ளது.

இது தொடர்பில் யாழ். வலயக்கல்விப் பணிப்பாளர் கூறுகையில், குறித்த ஆசிரியைக்கு அதிபரால் தொந்தரவு இருந்திருக்கிறது. அது வழமையாக எல்லாப் பாடசாலைகளிலும் உள்ள சாதாரண விடயம்தானே. அதிபர்கள் ஆசிரியர்களைப் பேசுவது, ஏசுவது வழமையான விடயம்தானே. இது ஒரு சாதாரண விடயம்.

அவரது உயிரிழப்புக்கு இதுதான் காரணம் எனக் கூறமுடியாது. ஆசிரியைக்கு நோய் இருந்ததென்று கூறப்படுகின்றது. அதன் காரணமாக அவர் இறந்திருக்கலாம்.

இது பற்றிய முறைப்பாடு அல்லது தகவல் எதுவும் எமக்குக் கிடைக்கவில்லை. முறைப்பாடு வந்தால் அது பற்றிக் கவனம் செலுத்தப்படும் என தெரிவித்துள்ளார்.

அண்மையில் கூட பூநகரி விக்னேஸ்வர வித்தியாலயத்தின் அதிபரால் அங்கு நடைபெற்ற கூட்டத்தின் போது, தொண்டர் ஆசிரியராகவிருந்து நியமனம் பெற்று சேவைக்கு வந்தவர்களை அவமதிக்கும் வகையில் இவர்களால் தான் கிளிநொச்சி மாவட்டம் கல்வியில் இறுதி நிலையில் இருக்கின்றது.

தொண்டர் ஆசிரியர் என்று இருப்பது போல தொண்டர் வைத்தியர் என்று யாராவது இருந்தால் நோயாளிகளின் நிலை என்னவாகும் அதே மாதிரித்தான் தொண்டர் ஆசிரியர்களால் மாணவர்களின் கல்வி பெரிதும் பாதிக்கப்படுகின்றது.

இதை வலயக்கல்விப்பணிப்பாளரே கூறியுள்ளார் என ஏளனமாக அனைவர் மத்தியிலும் கூறியதாக ஆசிரியர்களால் கவலை தெரிவிக்கப்பட்டிருந்தது.

இப்படியான சம்பவங்கள் வட மாகாணத்தில் இடம்பெறுவதற்கு பொறுப்பு வாய்ந்தவர்களே காரணமாக இருந்து வருவதாக குற்றம் சாட்டப்படுகின்றது.

-தமிழ்வின்-

காரைதீவில் பட்டப்பகலில் முச்சக்கர வண்டியில் கொண்டுவந்து வீசப்பட்ட முதியவர் யார்? என்பது இன்னும் அடையாளம் காணப்படாத நிலையில் தொடர்ந்து அவர் வைத்தியசாலையில் சிகிச்சை பெற்று வருகின்றார். இந்நிலையில், காரைதீவு பிரதேசசபைத் தவிசாளர் கி.ஜெயசிறில் நேற்று வைத்தியசாலைக்குச்சென்று அவரது உடல்நிலை முன்னேற்றம் பற்றியும், அவரை யாராவது தேடி வந்தனரா என்பது தொடர்பாகவும் வினவினார்.

இன்னும் சுயநினைவின்றிய நிலையிலிருப்பதால் அவரை மேலதிக சிகிச்சைக்காக உயர்வைத்தியசாலைக்கு அனுப்பவேண்டிய அவசியம் உணரப்பட்டுள்ளதாக வைத்தியர்கள் தெரிவித்துள்ளனர்.

குறித்து முதியவர் வீதியில் தூக்கிவீசப்பட்ட சம்பவம் நேற்று முன்தினம் 1.40 மணியளவில் காரைதீவில் இடம்பெற்றுள்ளது. அவர் வாயைத்திறந்து கதைப்பதாயில்லை. ஆனால் ஒரேயொரு வார்த்தையை மட்டும் பேசுகின்றார்.

சாப்பாடு, சாப்பாடு என்று மட்டும் கூறுகின்றார். இந்நிலையில், குறித்த முதியவரை அடையாளம் காண உதவுமாறு கோரிக்கை விடுக்கப்பட்டுள்ளது. சம்பந்தப்பட்டவர்கள் காரைதீவு வைத்தியசாலைக்கு வந்து அடையாளம் காட்ட முடியும் என தெரிவிக்கப்பட்டுள்ளது.

முந்தய செய்தி பட்டப்பகலில் நடுத்தெருவில் வீசப்பட்ட வயோதிபர் : சாப்பாடு… சாப்பாடு என முனங்கிய சோகம்!!

காரைதீவில் இன்று வயோதிபர் ஒருவரை இனந்தெரியாத நபர்கள் நடுத்தெருவில் விட்டுச் சென்ற சம்பவமொன்று இடம்பெற்றுள்ளது. சுமார் 70 வயது மதிக்கத்தக்க குறித்த வயோதிபர் எந்த ஊரைச் சேர்ந்தவர் என்பதும் இன்னும் கண்டு பிடிக்கப்படவில்லை. அவர் ”சாப்பாடு… சாப்பாடு” என்ற வார்த்தையைத் தவிர வேறெதுவும் பேசவில்லையென தெரிவிக்கப்படுகிறது. சம்பவம் பற்றி மேலும் தெரியவருவதாவது,

இன்று பகல் 12.40 மணியளவில் இனந்தெரியாத நபர்கள் குறித்த வயோதிபரை ஆட்டோவில் கொண்டுவந்து காரைதீவு 12ஆம் பிரிவில் நடுத்தெருவில் இறக்கிவிட்டு சென்றுள்ளார்கள்.

சம்பவம் தொடர்பில் காரைதீவு பிரதேச சபைத்தவிசாளர் கி.ஜெயசிறிலுக்கு கிடைத்த தகலுக்கமைய வயோதிபர் கிடந்த இடத்திற்கு சென்றுள்ளார். அதன் பின்னர் வீதியில் கிடந்த அந்த வயோதிபரை தனது வாகனத்தில் ஏற்றிக்கொண்டு காரைதீவு பிரதேச வைத்தியசாலையில் சேர்த்தார்.

மேலும், அப்பகுதி கிராமசேவை உத்தியோகத்தர் சம்மாந்துறை பொலிஸ் நிலையப்பொறுப்பதிகாரிக்கும் அறிவித்தல் கொடுத்ததன்பேரில் அவர்கள் அங்கு விரைந்து விசாரணைகளை மேற்கொண்டனர்.

யார் ஆட்டோவில் வந்து வயோதிபரை கொண்டுவந்து இங்கு போட்டார்கள்? என்ற விபரம் இன்னும் வெளியாகவில்லை. இந்தப்படத்திலுள்ள வயோதிபரை இனங்காண உதவுமாறு வேண்டுகோள் விடுக்கப்பட்டுள்ளது.

பாலியல் வன்புணர்விற்கு உட்படுத்தப்பட்டு கொலை செய்யப்பட்ட புங்குடுதீவு மாணவி வித்தியா கொலை வழக்கின் சாட்சியை அச்சுறுத்திய குற்றச்சாட்டுடன் தொடர்புடைய சந்தேகநபர் தொடர்ந்தும் விளக்கமறியலில் வைக்கப்பட்டுள்ளார்.

இது தொடர்பான வழக்கு நேற்று ஊர்காவற்துறை நீதவான் நீதிமன்றத்தில் நீதவான் ஏ.எம்.எல். றியால் முன்னிலையில் விசாரணைக்கு எடுத்துக் கொள்ளப்பட்டது.

இதன்போதே சந்தேகநபர் சார்பில் ஆஜராகியுள்ள இலவச சட்ட ஆலோசனை ஆணைக்குழுவினால் மேற்கொள்ள வேண்டிய மேன்முறையீட்டில் நிலவும் தாமதம் காரணமாக குறித்த சந்தேகநபரை எதிர்வரும் 23ஆம் திகதி வரை விளக்கமறியலில் வைக்குமாறு உத்தரவு பிறப்பிக்கப்பட்டுள்ளது.

இதன்போது பிணை மனுவை தாக்கல் செய்வதில் ஏற்பட்டுள்ள தாமதம் தொடர்பில் நீதவான் இன்று ஆணைக்குழுவிடம் வினவிய போது, பிணை மனு சமர்ப்பிப்பதற்கான அனைத்து ஆவணங்களும் தயார் செய்யப்பட்டுள்ள நிலையில், சந்தேகநபர் வித்தியா கொலை வழக்கில் குற்றவாளியா என்பது குறித்து ஆராய்வதாக ஆணைக்குழு சார்பில் ஆஜரான சட்டத்தரணி மன்றுக்கு அறிவித்துள்ளார்.

எனினும், வித்தியா படுகொலை வழக்கில் அவர் விடுவிக்கப்பட்டுள்ளதாகவும், சாட்சியை அச்சுறுத்தியமை தொடர்பில் பிறிதொரு வழக்கே சந்தேகநபர் மீது தாக்கல் செய்யப்பட்டுள்ளதால், பிணை கோருவது தொடர்பான மேன்முறையீட்டு ஆணைக்குழுவின் செயற்பாடுகளை துரிதப்படுத்துமாறு இலவச சட்ட ஆலோசனை ஆணைக்குழுவிற்கு நீதவான் உத்தரவிட்டுள்ளார்.

வவுனியா மற்றும் யாழ்ப்பாணம் மாவட்டங்களின் முன்னாள் மாவட்டச் செயலர் கந்தையா கணேஷ் அவர்கள் இன்று வியாழக்கிழமை யாழ்ப்பாணத்தில் இறைவனடி சேர்ந்தார்.

இவரது இறுதிக் கிரியைகள் கிழவி தோட்டம், கரவெட்டியில் உள்ள அவரது இல்லத்தில் நாளை நடைபெறவுள்ளது.

வடமராட்சி பொலிகண்டியைப் பிறப்பிடமாகக் கொண்ட அவர், அரச சேவையில் 50 ஆண்டுகளும், மாவட்டச் செயலராக 19 ஆண்டுகளாகவும் கடமையாற்றினார் என்பது குறிப்பிடத்தக்கது.

யாழ்ப்பாணத்தில் குட்டைப் பாவாடை அணிந்த யுவதியை இளைஞர்கள் கடுமையாக தாக்கியதாக தெரியவந்துள்ளது. இந்த தாக்குதல் சம்பவம் நேற்று முன்தினம் பலாலி வீதி, உரும்பிராய் பகுதியில் இடம்பெற்றுள்ளது.

அந்தப் பகுதியில் நண்பகல் வேளையில், யுவதி ஒருவர் மோட்டார் சைக்கிளில் நின்று தொலைபேசியில் உரையாடியுள்ளார். நண்பகல் வேளை என்பதால் சன நடமாட்டம் குறைந்து காணப்பட்டுள்ளது.

அப்போது அவ்வழியாக வந்த இரு இளைஞர்கள் குறித்த யுவதிக்கு அருகில் வந்து கையில் இருந்த தொலைபேசியை தட்டி விட்டதுடன், குட்டைப் பாவாடை போடுவியா? என கேட்டுத் தாக்கியுள்ளனர். அத்துடன் மோட்டார் சைக்கிளையும் கீழே தள்ளி விட்டு தப்பிச் சென்றுள்ளனர்.

பின்னர் வீதியால் சென்ற பொதுமக்கள் யுவதியிடம் நடந்தவற்றை கேட்டு அவரை ஆறுதல் படுத்தியதுடன் வீட்டுக்கு அனுப்பி வைத்தனர். குறித்த விடயம் தொடர்பாக பொலிஸ் நிலையத்தில் முறைப்பாடு செய்ய முன்வரவில்லை என்பது குறிப்பிடத்தக்கது.