இலங்கையின் காட்டுப் பகுதி ஒன்றுக்குள் இதுவரை யாரும் கண்டறியாத 7 நீர் வீழ்ச்சிகள் கண்டுபிடிக்கப்பட்டுள்ளதாக அறிவிக்கப்பட்டுள்ளது. படல்குடும்புர பிரதேச செயலக பிரிவில் மாணிக்க கங்கைக்கு அருகில் மர்மமான முறையில் அமைந்திருந்த நீர்வீழ்ச்சிகள் அடையாளம் காணப்பட்டுள்ளது.

70 அடி அளவு பாரிய நீர் வீழ்ச்சி ஒன்றும் அதற்கு அருகில் 10 முதல் 20 அடியிலான சிறிய 7 நீர்வீழ்ச்சிகளையும் சுற்றுலா குழுவொன்று கண்டுபிடித்துள்ளது.இந்த நீர்வீழ்ச்சிகள் பாரிய காட்டுப் பிரதேசம் ஒன்றில் அமைந்துள்ள நிலையில் அதற்கு பெரிய கற்பாறை ஒன்றை கடந்து செல்ல வேண்டும்.

நீர்வீழ்ச்சி கட்டமைப்பு குறித்து யாருடைய அவதானமும் செலுத்தப்படவில்லை. இந்நிலையில், பரையியன் எல்ல பிரதேசத்தை சேர்ந்த 65 வயதான அப்புஹாமி என்ற நபரினால் இதற்கு செல்ல கூடிய வகையில் சிறிய வீதி ஒன்று கண்டுபிடிக்கப்பட்டுள்ளது.

காடு ஒன்றிற்கு நடுவில் அமைந்துள்ள இந்த நீர்வீழ்ச்சிகளுக்கு அருகில் செல்வது மிகவும் கடியமாகும். வீதியை அறிந்து கொள்ளாமல் அதனை நெருக்க முடியாதென அப்புஹாமி தெரிவித்துள்ளார்.

இந்த நீர் வீழ்ச்சியை அவர் துன்ஹித என்ற பெயரில் அடையாளப்படுத்துகின்ற போதிலும் அதற்கு இன்னமும் உரிய பெயர் ஒன்று வைக்கப்படவில்லை.

இந்த நீர்வீழ்ச்சியுடன் மேலும் 20 அடி உயரமான விசேட நீர்வீழ்ச்சி ஒன்று உள்ளது. அங்கு தினமும் காலை 10 மணி முதல் மாலை 3 மணி வரை நீர் வீழ்ச்சிக்கு நடுவில் வானவில் ஒன்று தோன்றுவதே அதன் விசேட அம்சமாகும். இந்த வானவில் பல நிறங்களை கொண்டுள்ளதாக தெரிவிக்கப்படுகின்றது.

புதிய நீர்வீழ்ச்சியை பார்ப்பதற்காக இதுவரையில் எந்தவொரு உள்நாட்டு சுற்றுலா பயணியும் சென்றதில்லை எனவும், வெளிநாட்டவர்கள் சிலர் மாத்திரம் அதனை பார்க்க சென்றுள்ளதாகவும் அப்புஹாமி தெரிவித்துள்ளார்.

கிளிநொச்சி வைத்தியசாலைக்கு அருகில் கைவிடப்பட்டிருந்த நிலையில் மீட்கப்பட்ட சிசு உயிரிழந்துள்ளதாக பொலிஸார் தெரிவிக்கின்றனர்.

கடந்த தை மாதம் 11ஆம் திகதி மீட்கப்பட்ட குறித்த குழந்தை கிளிநொச்சி வைத்தியசாலையால் பராமரிக்கப்பட்டு வந்த நிலையில் சில வாரங்களுக்கு முன் உயிரிழந்துள்ளதாக கூறப்படுகிறது.

சிசுவின் பெற்றோர் அடையாளம் காணப்படாமையால் சிசுவின் சடலத்தினை உரியவர்களிடம் ஒப்படைக்க முடியாத நிலையில் வைத்தியசாலையின் பிரேத அறையில் வைக்கப்பட்டுள்ளதாக பொலிஸார் கூறுகின்றனர்.

இதேவேளை உயிரிழந்த சிசுவின் சடலத்தினை பொறுப்பேற்க பெற்றோர், உறவினர்கள் யாராவது முன்வரும் பட்சத்தில் அவர்களிடம் சடலத்தினை கையளிக்க நடவடிக்கை மேற்கொள்ளப்படும் என தெரிவிக்கப்படுகிறது.

தூக்கிட்ட நிலையில் மீட்கப்பட்ட பாடசாலை சிறுமியை வைத்தியசாலையில் அனுமதிக்கப்பட்டுள்ளதாக நோர்வூட் பொலிஸார் தெரிவித்தனர்.

நோர்வூட் பொலிஸ் பிரிவிற்குட்பட்ட கெந்தகொலை பகுதியை சேர்ந்த 11 வயதுடைய சிறுமியே நேற்று (23.04) முற்பகல் 11 மணியளவில் தனது வீட்டில் தற்காளிகமாக அமைக்கப்பட்ட அறையில் தூக்கில் தொங்கியவாறு மீட்கப்பட்டுள்ளார்.

நோர்வுட் பகுதியில் உள்ள பாடசாலையில் கல்வி பயிலும் குறித்த சிறுமியை அயலவர்களின் உதவியுடன் டிக்கோயா மாவட்ட வைத்தியசாலையில் அனுமதிக்கப்பட்டு மேலதிக சிகிச்சைக்காக கண்டி மாவட்ட வைத்தியசாலைக்கு மாற்றப்பட்டுள்ளதாகவும் சம்பவம் தொடர்பில் விசாரணை ஆரம்பித்துளதாகவும் நோர்வூட் பொலிஸார் தெரிவித்தனர்.

கொழும்பில் இருந்து ராகம நோக்கி பேருந்தில் பயணித்த பெண் ஒருவர் ஆசனத்திலேயே உயிரிழந்துள்ளார். அவருக்கு ஏற்பட்ட மாரடைப்பு காரணமாக ஆசனத்திலேயே அமைதியாக உயிரிழந்துள்ளார் என வைத்தியர்கள் தெரிவித்துள்ளனர். வேயங்கொடை – அம்பேவத்தை பிரதேசத்தை சேர்ந்த சுதர்மா என்ற பெண்ணை இவ்வாறு உயிரிழந்துள்ளார்.

கடந்த இரண்டு நாட்களுக்கு முன்னர் கொழும்பில் இருந்து ராகம நோக்கி பயணித்த பேருந்து, இரவு 7.30 மணியளவில் ராகம பிரதேசத்தை நெருங்கியுள்ளது. எனினும் இந்த பெண் பேருந்தில் இருந்து இறங்காமல் ஆசனத்திலேயே அமர்ந்திருந்துள்ளார்.

இதனை அவதானித்த நடத்துனர் அவர் உறங்கிவிட்டதாக எண்ணி அவரை எழுப்ப முயற்சித்துள்ளார். எனினும் அவர் எழுந்திருக்காத காரணத்தினால் உடனடியாக 119 என்ற அவசர இலக்கத்திற்கு அழைத்து அம்பியுலன்ஸ் வண்டி ஒன்றை வரவழைத்துள்ளார். குறித்த பயணியை பரிசோதித்த வைத்தியர் அவர் உயிரிழந்து விட்டதாக குறிப்பிட்டுள்ளார்.

அவரது கைப்பையை சோதனையிட்ட போது ரயில் அனுமதி பத்திரம் மற்றும் தேசிய அடையாள அட்டை உட்பட ஆவணங்கள் காணப்பட்டுள்ளது. அதற்கமைய அவரது அடையாளம் உறுதி செய்யப்பட்டுள்ளது.

உயிரிழந்த பெண்ணின் சடலம் பிரேத பரிசோதனையின் பின்னர் குடும்பத்தினரிடம் ஒப்படைக்கப்பட்டுள்ளது.

கொழும்பு சுகததாச விளையாட்டரங்கில் நேற்று ஆரம்பமான தேசிய கனிஷ்ட மெய்வல்லுனர் போட்டிகளில், மகளிருக்கான கோலூன்றிப் பாய்தலில் தமிழ் பெண்ணொருவர் தேசிய சாதனை படைத்துள்ளார்.

யாழ்ப்பாணத்தைச் சேர்ந்த தெல்லிப்பளை மகாஜன கல்லூரியில் கல்வி பயிலும் மாணவி அனிதா ஜெகதீஸ்வரன் என்பவரே இலங்கையில் இந்த தேசிய சாதனையை நிகழ்த்தியுள்ளார்.

இதேவேளை கடந்த வருடம் நடைபெற்ற கோலூன்றிப் பாய்தல் போட்டியில் 3.48 மீற்றர் தூரத்திற்கு ஆற்றலை வெளிப்படுத்தி தேசிய சாதனை படைத்திருந்த அவர் இம்முறை அதனை 3.55 மீற்றராக உயர்த்திக் கொண்டு சாதனையை புதுப்பித்துள்ளார்.

அதிவேகத்துடன் வந்த மோட்டார் சைக்கிள் மின்கம்பத்துடன் மோதியதில் இளைஞர் ஒருவர் சம்பவ இடத்தில் பலியாகியுள்ளதோடு பிறிதொரு இளைஞர் கவலைக்கிடமான நிலையில் வைத்தியசாலையில் அனுமதிக்கப்பட்டுள்ளார்.

இந்தச் சம்பவம் யாழ்.தென்மராட்சி ஏ 35 வீதியில் நாவற்குழி மகா வித்தியாலயத்துக்கு அருகாமையில் நேற்று முற்பகல் 11 மணியளவில் இடம்பெற்றுள்ளது. சம்பவம் தொடர்பாகத் தெரியவருவதாவது,

மன்னார் வீதியூடாக யாழ்ப்பாணம் நோக்கி மோட்டார் சைக்கிளில் இரு இளைஞர்கள் பயணித்துள்ளனர். மோட்டார் சைக்கிள் வேகக் கட்டுப்பாட்டை இழந்ததன் காரணமாக மின் கம்பத்துடன் மோதியுள்ளது.

சம்பவத்தில் கட்டப்பிராயைச் சேர்ந்த 23 வயதுடைய விஜயரத்தினம் பிரசாத் என்ற இளைஞர் பலியாகியுள்ளதோடு, 27 வயதுடைய குணராசன் திருக்குமரன் என்ற இளைஞர் கவலைக்கிடமான நிலையில் யாழ்.போதனா வைத்தியசாலையில் அனுமதிக்கப்பட்டுள்ளார்.

சம்பவம் தொடர்பான மேலதிக விசாரணைகளை சாவகச்சேரிப் பொலிஸார் மேற்கொண்டு வருகின்றனர்.

13 வருடங்களுக்கு முன்னர் சவூதிக்கு வீட்டு வேலைக்கு சென்ற தனது மகளை மீட்டுத்தருமாறு ஹட்டன் – குடாகம பகுதியை சேர்ந்த தாயொருவர் வேண்டுகோள் விடுத்துள்ளார்.

சுப்பையா விக்னேஸ்வரி என்ற பெண் தனது 23ஆவது வயதில் கடந்த 2005.08.09 அன்று கொழும்பு தனியார் வெளிநாட்டு முகவர் நிலையத்தினூடாக சவூதி நாட்டிற்கு சென்றார். இவ்வாறு சென்ற தனது மகள் தொடர்பில் இது வரையில் எவ்வித தகவல்களும் இல்லை என தாயார் சிவலிங்கம் விஜயலட்சுமி கண்ணீருடன் தெரிவித்தார்.

தனது மகள் வெளிநாடு பயணமாகி ஆறு மாதங்களின் பின் தொலைபேசியில் உரையாடியுள்ளார். அதன் பின் 8 வருடங்களின் பின்னரே அண்மையில் தொலைபேசியில் உரையாடினார்.

அப்போது, தான் பிரச்சினையில் உள்ளதாகவும் தான் தொழில் புரியும் இடத்தில் பிரச்சினையை எதிர்நோக்கியுள்ளதால் வருட இறுதிக்குள் இலங்கைக்கு வருவதாகவும் தெரிவித்ததாக தாயார் தெரிவித்தார்.

வெளிநாடு சென்ற தனது சகோதரிக்கு பாதிப்பு ஏற்பட்டுள்ளதை உணர்ந்த நிலையில் கொழும்பில் அமைந்திருந்த குறித்த தனியார் வேலை வாய்ப்பு நிலையத்திற்கு சென்ற போது அங்கு அந்த வேலைவாய்ப்பு நிலையம் மூடப்பட்டிருந்ததாக வெளிநாட்டில் பாதிக்கப்பட்டுள்ள பெண்ணின் சகோதரர் சுப்பையா சுதாகர் தெரிவித்தார்.

அதன் பின்னர் வெளிநாட்டு வேலை வாய்ப்பு பணியகத்தில் பல தடவைகள் முறைப்பாடு செய்யப்பட்டுள்ளதாகவும் தெரிவித்தார்.

குடும்ப வறுமை காரணமாக வெளிநாடு சென்ற தனது மகளை பாதுகாப்பாக மீட்டுத்தருமாறு தாயாரான விஜயலட்சு மற்றும் சகோதரன் சுப்பையா சுதாகரன் ஆகியோர் வேண்டுகோள் விடுத்துள்ளனர்.