பல்வேறு தமிழ் படங்களில் நடித்துள்ள நடிகை புவனேஸ்வரி இவர் மீது பல்வேறு சர்ச்சை வழக்குகளும் உள்ளது. இந்நிலையில் பேஸ்புக்கில் பழகிய பெண்ணை மிரட்டி வீட்டில் அடைத்து வைத்ததாக புவனேஸ்வரின் மகன் மிதுன் சீனிவாசன் கைது செய்யப்பட்டுள்ளார்.

உதயா (32) எனும் பெண் சென்னை சாலிகிராமத்தில் வசித்து வருகிறார். விவாகரத்து ஆன இவருக்கு 10 வயதில் மகன் உள்ளார். இவருடன் பேஸ்புக் மூலம் மிதுன் சீனிவாசன் பழகிவந்துள்ளார்.

ஒரு நாள் உதயாவிடம் பேசிய மிதுன் அவரை திருமணம் செய்து கொள்ள விரும்புவதாக தெரிவித்துள்ளார். உதயாவும் முதலில் இதற்கு சம்மதம் என கூறியுள்ளார்.

ஆனால் மிதுன் போதைப்பழக்கம் உள்ளவர் என்பது தெரிய வந்ததால் திருமணம் செய்யும் முடிவை உதயா மாற்றிக் கொண்டுள்ளார். இதனால் ஆத்திரமடைந்த மிதுன் அவரை மிரட்டியுள்ளார்.

இது குறித்து அவர்களுக்குள் மோதல் இருந்துள்ளது. இந்நிலையில் உதயாவை தன் வீட்டுக்கு வரும்படி அழைப்பு விடுத்தார் மிதுன். அதன்படி உதயாவும் அவரது மகனும் வீட்டுக்கு சென்றுள்ளார்.

அப்போது இருவருக்கும் இடையே மீண்டும் கடும் வாக்குவாதம் ஏற்பட்டுள்ளது. இதன் காரணமாக உதயா மற்றும் அவருடைய மகனை வீட்டில் ஒரு அறையில் மிதுன் அடைத்து வைத்துள்ளார்.

ஏற்கெனவே பல சர்ச்சைகளில் சிக்கியுள்ள நடிகை புவனேஷ்வரி இதுவும் ஒரு சர்ச்சையாக ஆகி விடக்கூடாது என்பதால் மிதுன் வெளியில் சென்ற நேரம் பார்த்து உதயாவும் அவரது மகனும் இருந்த அறைக்கதவை திறந்து விட்டு அவர்கள் தப்பிக்க உதவியுள்ளார்.

இதன் பின்னர் மிதுன் சீனிவாசன் மீது உதயா காவல் நிலையத்தில் புகார் அளித்த பின்னர் அவரை கைது செய்து பொலிஸ் சிறையில் அடைத்தது.

காஷ்மீரில் 8 வயது சிறுமி பாலியல் வன்கொடுமை செய்து கொலை செய்யப்பட்ட சம்பவத்தில் தடயவியல் சோதனை அறிக்கை வந்துள்ளது. காஷ்மீரில் 8 வயது சிறுமி பாலியல் வன்கொடுமை செய்யப்பட்டு கொலை செய்யப்பட்ட சம்பவம் இந்தியா முழுவதும் பரபரப்பை ஏற்படுத்தியது.

இந்த சம்பவத்தில் குற்றவாளிகள் 8 பேர் கைது செய்யப்பட்டு சிறையில் அடைக்கப்பட்டுள்ளனர். சிறுமியின் உடைகள், இரத்தம் படிந்த மண் குற்றம் சுமத்தப்பட்டவர்களின் ரத்த மாதிரிகள் உள்ளிட்ட 14 பொருட்கள் சோதனைக்கு எடுத்துக்கொள்ளப்பட்டது.

இதுதொடர்பாக தடயவியல் ஆய்வக அதிகாரிகள் கூறுகையில், தடயவியல் சோதனையில் குற்றவாளிகளுக்கு எதிராக அறிக்கை வந்துள்ளது. காவல்துறையினர் அளித்த ரத்த மாதிரிகளுடன் அவை ஒத்துப்போகிறது. இந்த அறிக்கை ஏப்ரல் 3ஆம் திகதி ஜம்மு காஷ்மீர் சிறப்பு புலனாய்வு துறைக்கு அனுப்பிவைக்கப்பட்டது.

கோவிலில் இருந்து இரண்டு தலைமுடிகள் ஆய்வுக்காக எடுக்கப்பட்டது. தலைமுடியின் வேர்களை ஆராய்ந்ததில் ஒன்று படுகொலை செய்யப்பட்ட சிறுமியுடையது மற்றொன்று குற்றம் சாட்டப்பட்டவர்களில் ஒருவருடையது என தெரியவந்துள்ளது. இந்த வழக்கில் மிகவும் முக்கியமான ஆதாரமாக இருக்கும் எனத் தெரிவித்தார்.

சிறுமியின் உடைகளில் இருந்த தடயங்களை உள்ளூர் காவல்துறையினர் மறைக்க முயற்சித்துள்ளனர். சிறுமியின் ஆடைகளில் இருந்த சேற்றை தண்ணீரைக் கொண்டு கழுவியுள்ளனர். மேலும் ஆடைகளை சோப்பு போட்டு சுத்தம் செய்துள்ளனர். இதனால் தடயங்கள் அழிக்கப்பட்டுவிட்டது.

ஆனால் அந்த உடைகளில் இருந்த ரத்தக்கறை அழியவில்லை அதனை ஆய்வுக்கு உட்படுத்தியுள்ளதாக தெரிவித்துள்ளனர்.

இந்தியாவில் 7 வயது சிறுவனை கடத்தி துஷ்பிரயோகம் செய்யப்பட்ட போது, சிறுவன் கத்தியதால் அவன் கொடூரமான முறையில் கொலை செய்யப்பட்டிருக்கும் சம்பவம் அதிர்ச்சியை ஏற்படுத்தியுள்ளது.

டெல்லியைச் சேர்ந்த தம்பதி பூஜா தேவி(25)-ராகேஸ் குமார்(27). இவருக்கு Purshotam Kumar என்ற 7 வயதில் மகன் உள்ளார். இந்நிலையில் கடந்த 2-ஆம் திகதி வீட்டிற்கு வெளியில் விளையாடிக் கொண்டிருந்த போது Sandeep Singh(21) என்ற நபர் சிறுவனை கடத்திச் சென்றுள்ளான்.

அப்போது பூஜா தேவி வீட்டிற்கு உள்ளே சமையல் செய்து கொண்டிருந்த போது, அம்மா என்று கத்தியுள்ளான். இதனால் அவர் என்ன என்று கேட்ட போது பதில் வராத காரணத்தினால், அவர் உடனடியாக வெளியில் வந்து பார்த்துள்ளார்.

ஆனால் மகன் காணாமல் போனதால், உடனடியாக தனது கணவருக்கு இதைப் பற்றி தகவல் தெரிவித்துள்ளார். உடனடியாக இது குறித்து இருவரும் காவல்நிலையத்தில் புகார் அளித்துள்ளனர்.

அதன் பின் பொலிசார் நடத்திய தொடர் விசாரணையில் கடந்த 5ஆம் திகதி அவர்கள் இருந்த வீட்டிலிருந்து சுமார் 2 நிமிடம் நடந்து சென்றால் இருக்கும் தொலைவில் உள்ள குப்பைப் பகுதியில் சிறுவனின் உடல் இருந்துள்ளது.

மகன் பற்றிய தகவலை மட்டுமே பொலிசார் தெரிவித்ததால், மகன் உயிரோடு தான் இருக்கிறான் என்று பூஜா, குறித்த பகுதிக்கு விரைந்து வந்துள்ளார்.

அப்போது சிறுவனின் உடல் அழுகிய நிலையில் முகத்தில் மோசமான காயங்கள் மற்றும் கண், நாக்கு போன்றவைகள் பிடிங்கிய நிலையில் இருந்துள்ளது.

அதன் பின் பொலிசார் உடனடியாக உடற்கூறு ஆய்வுக்கு சிறுவனின் உடலை அனுப்பி வைத்துள்ளனர். அப்போது கடத்திச் சென்ற நபர் சிறுவனை துஷ்பிரயோகம் செய்ய முயற்சித்துள்ளான்.

இதனால் சிறுவன் கூச்சலிட்டதால் அவனை கொடூரமாக கொலை செய்துவிட்டு குப்பையில் வீசிச் சென்றிருக்கலாம் என்று மருத்துவர்கள் கூறியுள்ளனர்.

இதைத் தொடர்ந்து குற்றவாளியை பொலிசார் கைது செய்த போது அவன் ஒரு மது போதைக்கு அடிமையானவன் என்றும் குழந்தைகளை கடத்தி துஷ்பிரயோகம் செய்யக் கூடியவன் என்பதும் தெரியவந்துள்ளது.

இது குறித்து பொலிசார் தொடர்ந்து விசாரணை மேற்கொண்டு வரும் நிலையில், சிறுவனின் தாய், என் மகனுக்கு நீதி கிடைக்க வேண்டும்.

என் மகன் மட்டுமல்ல இந்தியாவில் சமீபகாலமாக குழந்தைகள் துஷ்பிரயோகத்திற்கு ஆளாக்கப்பட்டு கொலை செய்யப்படுகின்றனர்.

இது போன்ற கொடூரர்கள் தண்டிக்க பட வேண்டும், என் மகன் தூக்கி வீசப்பட்ட குப்பைத் தொட்டியை பார்த்தால் என் மனம் துடிக்கிறது, ஒன்றுமே செய்ய முடியவில்லையே என்ற கோபம் தான் வருகிறது என்று கூறியுள்ளார்.

சமீபத்தில் தான் குஜராத் மாநிலம் சூரத்தில் உடலில் 87 காயங்களுடன், சாக்குமூட்டையில் சிறுமி சடலமாக மீட்கப்பட்டார் என்பது குறிப்பிடத்தக்கது.

கேரளாவில் தலை துண்டிக்கப்பட்ட நிலையில் மரத்தில் தலைகீழாக தொங்கிக் கொண்டிருந்த பெண்ணின் சடலத்தை பொலிசார் மீட்டுள்ளனர். லட்வியாவைச் சேர்ந்தவர் லிகா, தன்னுடைய கணவர் மற்றும் சகோதரியுடன் சிகிச்சைக்காக கேரளா வந்தவர் கடந்த மார்ச் மாதம் 14ம் திகதி காணாமல் போனார்.

அன்றைய தினம் கோவளம் கடற்கரைக்கு சென்றவர் வீடு திரும்பவில்லை, இவரை பல இடங்களில் தேடிய உறவினர்கள் பொலிசில் புகார் அளித்தனர். பொலிசார் தீவிர தேடுதல் வேட்டையில் ஈடுபட்டிருந்த நிலையில், திருவனந்தபுரத்தில் தலை துண்டிக்கப்பட்ட நிலையில் இளம்பெண்ணின் சடலம் கண்டெடுக்கப்பட்டுள்ளது.

இது லிசாவின் உடலாக இருக்கும் என சந்தேகித்த பொலிசார் டிஎன்ஏ பரிசோதனை நடத்த முடிவு செய்துள்ளனர். ஏனெனில் இது லிசாவின் உடல் தான் என அவரது சகோதரி உறுதி செய்துள்ளார்.