1936 ஆம் ஆண்டு, 10 முதல் 18 வயதுள்ள பிள்ளைகள் நல்ல குணங்களையும் பரஸ்பர நம்பிக்கையையும் நட்பையும் கற்றுக்கொள்வதற்காக Hitler Youth மற்றும் League of German Girls என்னும் அமைப்புகளில் சேருவது கட்டாயமாக்கப்பட்டிருந்தது.

என்றாலும் இரு பாலினத்தவரும் இணைந்து பங்குபெற்ற நிகழ்வுகள் ஏராளமான கர்ப்பங்களுக்கும் அதன் விளைவாக மருத்துவர்களால் கட்டாயக் கருச்சிதைவுகளுக்கும் வழி வகுத்தன.

15 முதல் 18 வயது வரையுள்ள சிறுமிகளில் 900 பேர் கர்ப்பமுற்றார்கள், கருச்சிதைவுக்குள்ளாக்கப்பட்டார்கள். போதுமான ஆதாரங்கள் இல்லையென்றாலும் பல பதின்ம வயது சிறுமிகள் பாலியல் வன் கொடுமைகளுக்குள்ளாக்கப்பட்டதாக கருதப்படுகிறது.
இதனால் League of German Girls என்னும் அமைப்பு League of German Mattresses என்று கிண்டலாக அழைக்கப்பட்டது.

இந்த அமைப்புகளில் சேருவது கட்டாயம் என்பதால் சேர மறுத்தவர்கள் சமுதாயத்தை விட்டு ஒதுக்கி வைக்கப்பட்டார்கள் அல்லது சித்திரவதை முகாம்களில் அடைக்கப்பட்டார்கள்.

முதல் உலகப்போரின் விளைவுகளால் பயங்கர வறுமையையும் வேலை வாய்ப்பின்மையையும் சந்தித்த ஜேர்மனிக்கு Hitler Youth மற்றும் League of German Girls என்னும் அமைப்புகளில் சேருவதால் பிரகாசமான எதிர்காலம் இருப்பதாக உறுதியளிக்கப்பட்டது. ஆனால் உண்மையில் இரண்டு அமைப்புகளுமே ஹிட்லரின் போர் வீரர்களாகத்தான் பயன்படுத்தப்பட்டன.

சிறுவர் சிறுமியரும் மற்ற போர் வீரர்களைப் போலவே குருட்டுத்தனமாக யோசிக்காமல் ஹிட்லருக்கு கீழ்ப்படிய பயிற்றுவிக்கப்பட்டனர்.

இவ்வளவு காலமாக வெளியே வராத இந்த உண்மைகள் தற்போது Nazi Documentation Centre என்னும் அமைப்பு நடத்திய ஒரு பொருட்காட்சியின் விளைவாக வெளியுலகுக்கு தெரிய வந்துள்ளன. அடுத்த மாதம் ஜேர்மனியின் பல நகரங்களில் இந்த பொருட்காட்சி தொடர்ந்து நடத்தப்பட உள்ளது.

சிரியாவில் ரசாயன தாக்குதல் என்று சந்தேகிக்கப்படும் தாக்குதலுக்கு பதிலடி கொடுக்கும் வகையில் ராணுவ தாக்குதலை மேற்கொள்ள தயாராக இருப்பதாக அமெரிக்க ஜனாதிபதி டொனால்ட் டிரம்ப் தனது டுவிட்டர் பக்கத்தில் தெரிவித்துள்ளார்.

சிரியா மீதான ரசாயன தாக்குதல் தொடர்பாக அமெரிக்காவும், ரஷ்யாவும் தொடர்ந்து பனிப்போர் நடத்தி வருகின்றனர். சிரியா அதிபர் பஷர் அல் ஆசாத் தலைமையிலான அரசுக்கு எதிராக, அந்நாட்டு கிளர்ச்சியாளர்கள் போராடி வருகின்றனர்.

இவர்களை ஒடுக்கும் வகையில் சிரியா ராணுவம் தாக்குதல் நடத்தி வருகிறது. இந்த தாக்குதலில் பொதுமக்கள், குழந்தைகள் என பலர் கொல்லப்பட்டு உள்ளனர்.

இந்த தாக்குதலுக்கு ரஷ்யாவும் தனது ஆதரவினை தொடர்ந்து சிரியாவுக்கு அளித்து வருகிறது. இதில் , கொடூரமான விடயம் என்னவென்றால் , டூமாவில் தடைசெய்யப்பட்ட ரசாயன ஆயுதங்களை பயன்படுத்தி அப்பாவி பொதுமக்கள் கொலைசெய்யப்படுவதுதான்.

கிளர்ச்சியாளர்கள் பிடியில் இருக்கும் டூமா பகுதியில் சந்தேகிக்கும் விதமாக ரசாயன தாக்குதல் நடத்திய சிரியா அதிபர் பஷார் அல் அசாத்தின் மீது விசாரணை மேற்கொள்ள வேண்டும் என அமெரிக்கா தெரிவித்துள்ளது.

ஆனால், ரஷ்யாவிடமிருந்து ராணுவ ஆதரவை பெறும் சிரியா, ரசாயன தாக்குதலுக்கும் தங்களுக்கும் எந்த தொடர்பும் இல்லை என தெரிவித்துள்ளது.

சிரிய நகரான டூமாவில் கடந்த சனிக்கிழமை விஷம் வாயு தாக்குதல் நடத்தப்பட்டதில், 500 நபர்கள் நச்சு இரசாயனங்களால் பாதிக்கப்பட்டிருப்பதற்கான அறிகுறிகள் இருப்பதாக உலக சுகாதார நிறுவனம் தெரிவித்துள்ளது.

இந்நிலையில் அமெரிக்க ஜனாதிபதி டொனால்டு ட்ரம்ப் தனது டுவிட்டர் பக்கத்தில் ரஷ்யாவுக்கு பகிரங்க எச்சரிக்கை விடுத்துள்ளார். அதில், எதற்கும் தயாராக இருங்கள், ஏவுகணைகள் வந்துகொண்டிருக்கின்றன. சிரியா மக்கள் மீது நீங்கள் ரசாயன தாக்குதல் நடத்தவில்லை என்றால், அங்கு மக்களை கொன்றுகுவித்து அதனை பார்த்து சந்தோஷப்படுபவர்கள் யார்?

அமெரிக்காவுக்கும், ரஷ்யாவுக்கும் இடையேயான உறவு மிக மோசமாக உள்ளது. கடந்த சனிக்கிழமை நடத்தப்பட்ட ரசாயன தாக்குதலின் மூலம் அமெரிக்கா விழித்துக்கொண்டது, சிரியா மீது ரஷ்யா மேற்கொண்டுள்ளது கொடூரத்தாக்குதல்.

அமெரிக்காவிடமிருந்து ரஷ்யா பொருளாதார ரீதியான உதவியை எதிர்பார்க்கிறது. ரசாயன தாக்குதலுக்கு அனைத்து நாடுகளும் ஒன்றிணைந்து கேள்விகளை எழுப்ப வேண்டும் என கூறியுள்ளார்.

ஆனால், ரசாயன தாக்குதல் தொடர்பாக அமெரிக்கா கூறுவது முற்றிலும் பொய்யானது, தேவையற்ற கட்டுக்கதைகளை அமெரிக்கா பரப்புகிறது என ரஷ்யா தூதுவர் கூறியுள்ளார்.

அல்ஜீரியாவில் இராணுவ வீரர்கள் சென்ற இராணுவ விமானம் கீழே விழுந்து நொறுங்கியதால் 257 பேர் இறந்துள்ளதாக அந்நாட்டு அரசு தெரிவித்துள்ளது.

அல்ஜீரியாவின் தலைநகர் Algiers-லிருந்து 200-க்கும் மேற்பட்ட இராணுவ வீரர்கள், போலிசாரியோ முன்னணி என்ற பிரிவினைவாத அமைப்பைச் சேர்ந்தவர்கள் 20-க்கும் மேற்பட்டோர், விமானப் பணியாளர்கள் 10 பேர் என 250-க்கும் மேற்பட்டோர் பயணித்துள்ளனர்.

விமானம் போபரிக் விமானத் தளத்தில் இருந்து புறப்பட்டு சிறிது நேரத்தில் 30 கி.மீற்றர் தொலைவில் திறந்த வெளிப்பகுதியில் தரையில் விழுந்து நொறுங்கியது. இந்த விபத்தில் விமானத்தில் பயணித்த 257 பேர் இறந்ததாக அந்நாட்டு அதிகாரிகள் தெரிவித்துள்ளனர்.

இறந்தவர்களை மீட்பு பணியினர் மீட்டு வருவதாகவும், காயமடைந்திருப்பவர்கள் உடனடியாக அருகில் உள்ள மருத்துவமனைக்கு அனுப்பி வைக்கப்பட்டு வருவதாகவும் கூறப்படுகிறது.

விமானத்தில் மொத்தம் எத்தனை பேர் பயணம் செய்தனர் என்பது குறித்து உறுதியான தகவல்கள் தெரிவிக்காத காரணத்தினால் இறந்தவர்களின் எண்ணிக்கை மட்டுமே தற்போது தெரியவந்துள்ளது.

மேலும் விமான விபத்தில் பொலிசாரியோ அமைப்பைச் சேர்ந்த 26 பேர் உயிரிழந்துள்ளனர். இவர்கள் அனைவரும் மொராக்கோவுக்கு அருகே இருக்கும் மேற்கு சஹாரா பகுதியில் சுதந்திரம் வேண்டிய போராடும் குழுவைச் சேர்ந்தவர்கள் என அங்கிருக்கும் ஊள்ளூர் ஊடகங்கள் தெரிவித்துள்ளன.

தாய்லாந்தில் மிகவும் உடல் பருமனாக உள்ள நபருக்கும், ஒல்லியாகவும் அழகாகவும் இருக்கும் பெண்ணுக்கும் திருமணம் நடந்த நிலையில் கிண்டல்களை பொருட்படுத்தாமல் இந்த ஜோடி வாழ்ந்து வருகிறது.

கூடீ என்ற இளைஞரின் உடல் எடை 120 கிலோ ஆகும். இவரை சுற்றியிருப்பவர்கள் இவரை எப்போதும் கிண்டல் செய்வது வழக்கமாகும். இந்நிலையில் புவாடல் என்ற வெறும் 44 கிலோ எடை கொண்ட அழகான பெண்ணுக்கும், கூடீக்கும் இடையில் காதல் ஏற்பட்ட நிலையில் இருவரும் திருமணம் செய்து கொண்டார்கள்.

தம்பதிக்கு சமீபத்தில் தான் குழந்தை பிறந்தது. கணவர் குறித்து புவாடல் கூறுகையில், அவர் அழகாக இல்லை மற்றும் குண்டானவர் என்பது எனக்கு தெரியும், ஆனால் அவர் அன்பான இதயம் கொண்டவராவார், அது தான் எனக்கு முக்கியம்.

என் மீது அவர் மிகுந்த பாசமாக உள்ளார், நாங்கள் எல்லா விடயங்களையும் ஒளிவு மறைவின்றி ஒருவருக்கொருவர் பேசி கொள்வோம். எங்கள் ஜோடியை பலர் கிண்டல் செய்யும் விதத்தில் பேசுகிறார்கள், அது பற்றி எங்களுக்கு கவலையில்லை என கூறியுள்ளார்.

நிதி நிறுவனம் நடத்தி 1300 கோடி வரை மோசடி செய்த இந்திய தொழிலதிபருக்கு 500 ஆண்டுகள் சிறைத்தண்டனை விதித்து துபாய் நீதிமன்றம் பரபரப்பு தீர்ப்பளித்துள்ளது.

கோவா மாநிலத்தை சேர்ந்த சிட்னி லிமோஸ் மற்றும் ரியான் பெர்ணான்டஸ் ஆகியோர் துபாயில் நிதி நிறுவனம் நடத்தினர். தங்கள் நிறுவனத்தில் 25 ஆயிரம் டொலர்கள் முதலீடு செய்வோருக்கு இரட்டிப்பு பணம் தருவதாக விளம்பரப்படுத்தினார்கள்.

இதை நம்பி ஆயிரக்கணக்கானோர் சிட்னி லிமோஸ் நிறுவனத்தில் பல கோடி ரூபாய் முதலீடு செய்தனர். முதலீட்டாளர்களை ஏமாற்றிய அந்த நிறுவனம் மீது அடுக்கடுக்கான புகார்கள் எழுந்த நிலையில் 2016-ம் ஆண்டு துபாய் பொருளாதார துறை அந்நிறுவனத்தை மூட உத்தரவிட்டது.

இதனைத்தொடர்ந்து லிமோஸ் மற்றும் ரியான் பெர்ணான்டஸ் கைது செய்யப்பட்டனர்.இதுதொடர்பாக தொடரப்பட்ட வழக்கில், லிமோஸுக்கு 500 ஆண்டுகள் சிறைத்தண்டனை விதித்து துபாய் நீதிமன்றம் தீப்பளித்துள்ளது.

அமெரிக்காவில் ஒரே குடும்பத்தை சேர்ந்த நால்வர் ஆற்று வெள்ளத்தில் மூழ்கி காணாமல்போன சம்பவம் சோகத்தை ஏற்படுத்தியுள்ளது.

இந்தியாவின் கேரள மாநிலத்தை சேர்ந்தவர் சந்தீப் தொட்டப்பிள்ளி(வயது 42), இவரது மனைவி சவுமியா(வயது 38), மகன் சித்தாந்த்(வயது 12), மகள் சாச்சி(வயது 9). கலிபோர்னியாவில் உள்ள யூனியன் வங்கியில் பணியாற்றி வரும் சந்தீப், Valencia- வில் குடும்பத்துடன் வசித்து வருகிறார்.

இந்நிலையில் கடந்த வாரம் வியாழக்கிழமை குடும்பத்துடன் காரில் Portland-லிருந்து San Jose-க்கு சென்று கொண்டிருந்த போது காணாமல் போயுள்ளனர். உறவினர்களுக்கு சந்தேகம் வர சந்தீப் குறித்து பொலிசிடம் புகார் அளித்தனர்.

கருஞ்சிவப்பு நிறம் கொண்ட ‘Honda Pilot’ காரில் அவர்கள் பயணித்ததாக புகாரில் தெரிவிக்கப்பட்டிருந்தது. பொலிசார் விசாரணை நடத்தியதில், போர்ட்லான்ட் அருகேயுள்ள யுரேகா நகரில் இருந்து சுமார் 80 கிலோமீட்டர் தூரத்தில் உள்ள தேசிய பூங்கா அருகே அவர்களது கார் காணப்பட்டதற்கான தடயங்கள் கிடைத்தன.

இந்நிலையில் மறுநாள் வெள்ளிக்கிழமை Eel ஆற்றின் வெள்ளத்தில் கார் அடித்துச் செல்லப்பட்டதை அப்பகுதி பொலிசார் உறுதிசெய்தனர்.

மேலும் ஆற்றின் வெள்ளத்தாலும், போதிய வெளிச்சம் இல்லாத காரணத்தினாலும் காரை உடனடியாக மீட்க முடியாமல் போனதாகவும் பொலிசார் குறிப்பிட்டிருந்தனர்.

இதற்கிடையே சந்தீப் குடும்பம் சென்றதாக கூறப்படும் காரும், ஆற்று வெள்ளத்தில் அடித்துச் செல்லப்பட்டதாக தெரிகிறது. காரின் தகவல்களும் ஒரே மாதிரி இருப்பதால் அவர்கள் மூழ்கி உயிரிழந்திருக்கலாம் என நம்பப்படுகிறது.