இந்தியாவில் 5 வயது சிறுமி கொலை செய்யப்பட்ட வழக்கில் 22 வயதான பெண் கைது செய்யப்பட்டுள்ள நிலையில் பரபரப்பு வாக்குமூலம் அளித்துள்ளார்.

மும்பையை சேர்ந்த அஞ்சலி சரோஜ் (5) என்ற சிறுமி கடந்த திங்கட்கிழமை அங்குள்ள ரயில் நிலையத்தில் சடலமாக கண்டெடுக்கப்பட்டார்.

சம்பவம் தொடர்பாக விசாரணை நடத்தி வந்த பொலிசார் அஞ்சலியின் தந்தை சந்தோஷின் கள்ளக்காதலி அனிதாவை கைது செய்துள்ளனர்.

அஞ்சலியை கழுத்தை நெரித்து கொலை செய்ததை ஒப்பு கொண்டுள்ள அனிதா பரபரப்பு வாக்குமூலம் அளித்துள்ளார்.

சந்தோஷுக்கும், அனிதாவுக்கும் 7 ஆண்டுகளாக தொடர்பு இருந்துள்ளது. தனது மனைவியை விவாகரத்து செய்துவிட்டு அனிதாவை திருமணம் செய்து கொள்வதாக கூறி சந்தோஷ் அவருடன் பல முறை ஒன்றாக இருந்துள்ளார். இதன் காரணமாக இரு முறை கர்ப்பமான அனிதா கருகலைப்பும் செய்துள்ளார்.

ஆனால் அவரை திருமணம் செய்யாமல் சந்தோஷ் ஏமாற்றி வந்துள்ளார். அதனால் தனது வயிற்றில் உருவான இரண்டு குழந்தைகளை கலைத்த மாதிரி, அஞ்சலியையும் கொலை செய்ய அனிதா முடிவெடுத்துள்ளார்.

அதன்படி திங்கட்கிழமை சொக்லேட் வாங்கி கொடுத்து அஞ்சலியை ரயில் நிலைய கழிப்பறைக்கு அழைத்து சென்று கழுத்தை நெரித்து கொலை செய்துள்ளார்.

பொலிசார் கூறுகையில், சில சாட்சிகள் மற்றும் சிசிடிவி காட்சிகள் மூலம் சந்தேகத்தின் பேரில் அனிதாவை விசாரித்தோம், அவர் உண்மையை ஒப்பு கொண்டுவிட்டார் என தெரிவித்துள்ளனர்.

தமிழகத்தில் இளம்பெண்ணொருவர், தனது ஆண் நண்பர்களுடன் மதுபான விடுதிக்குள் அமர்ந்துள்ள காட்சிகள் சமூக வலைதளங்களில் வேகமாக பரவி வருகின்றது.

கோவை மாவட்டம் பீளமேடு பகுதியில் உள்ள மதுபான விடுதி ஒன்றில் எடுக்கப்பட்டது என்று குறிப்பிட்டு, வீடியோ ஒன்று சமூக வலைதளங்களில் வைரலாக பரவி வருகிறது.

அந்த வீடியோவில் இளம்பெண்ணொருவர், ஆண் நண்பர்களுடன் மதுபான விடுதிக்குள் அமர்ந்துள்ளார். அவர் முன்பு பீர் பாட்டில் இருக்கிறது.

பின்னர், நண்பர்கள் கொடுக்கும் சிகரெட்டை அவர் புகைக்கிறார். தற்போது, வைரலாக பரவி வரும் இந்த வீடியோ காட்சி கோவையில் பரபரப்பை ஏற்படுத்தியுள்ளது.

இந்த வீடியோவை யாரோ செல்போனில் பதிவு செய்து இணையதளத்தில் வெளியிட்டுள்ளனர் என தெரிய வந்துள்ளது.

தமிழகத்தில் உடல் எடையை குறைக்க முயற்சி செய்த இளைஞர் உயிரிழந்துள்ள சம்பவம் அதிர்ச்சியை ஏற்படுத்தியுள்ளது.

தமிழகத்தின் சென்னை ஆவடியில் வசித்து வந்தவர் பிரதீப்(27). ரியல் எஸ்டேட் தொழிலதிபராக வலம் வந்தவர்.100 கிலோ எடையுடன் இருந்த பிரதீப், தன் எடையை குறைக்க தொடர்ந்து முயற்சி செய்து வசந்துள்ளார்.

அந்த வகையில் நேற்று ஆவடி பகுதியின் வீதி ஓரத்தில் முறையான அங்கீகாரம் இல்லாமல் விற்பனை செய்யப்பட்டு வந்த லேகியத்தை வாங்கிச் சாப்பிட்டுள்ளார்.

உடல் எடை உடனடியாக குறையும் என்ற நம்பிக்கையில் வாங்கி சாப்பிட்ட பிரதிப்புக்கு, லேசான வயிற்று வலி ஏறப்ட்டுள்ளது. அப்போது அருகில் இருந்த மருத்துவமனையில் சிகிச்சை பெற்று வீடு திரும்பியுள்ளார்.

ஆனால் நள்ளிரவில் மீண்டும் கடுமையான வலி ஏற்பட்டுள்ளது. உடனடியாக அரசு மருத்துவமனையில் அனுமதிக்கப்பட்ட பிராதீப், இன்று அதிகாலை சிகிச்சை பலனின்றி உயிரிழந்துள்ளார்.

இந்த விவகாரம் தொடர்பில் வழக்கு பதிவு செய்துள்ள திருமுல்லைவாயில் பொலிசார், முறையான அனுமதி இல்லாமல் லேகியம் விற்பனை செய்த நபரை வலைவீசி தேடி வருகின்றனர்.

மேலும், இது போன்ற ஆசை வார்த்தைகள் கூறி சாலை ஓரங்களில் விற்பனை செய்யப்படும் லேகியங்களை வாங்க வேண்டாம் என்றும் பொலிசார் அறிவுறுத்தியுள்ளனர்.

இந்தியாவில் இறந்த தந்தையின் உடலை, அவரது பிள்ளைகள் 8 கிலோ மீட்டர் தூரம் வரை ரிக்‌ஷாவில் இழுத்துச் சென்ற அவலம் நடந்துள்ளது.

உத்தரப்பிரதேச மாநிலம் பாராபங்கி பகுதியை சேர்ந்தவர் மன்ஷரம், இவர் உடல்நிலை சரியில்லாத காரணத்தால், அப்பகுதியில் உள்ள ஆரம்ப சுகாதார நிலையத்தில் சிகிச்சை பெற்று வந்தார்.

இந்நிலையில், சிகிச்சைப் பலனின்றி உயிரிழந்த மன்ஷரமின் உடலை, வீட்டிற்கு கொண்டு செல்ல வாகன வசதி இல்லை.

இதனால், அவரின் மாற்றுத்திறனாளி மகனும், மகளும் ரிக்‌ஷா ஒன்றில் தந்தையின் உடலை வைத்து, சுமார் 8 கிலோ மீட்டர் தூரம் வரை கொண்டு சென்றுள்ளனர்.

வட இந்தியாவில், இது போன்ற சம்பவங்கள் அடிக்கடி நடந்து வருகின்றன என்பது குறிப்பிடத்தக்கது.

கேரளாவில் கல்லூரி மாணவி தூக்கிட்டு தற்கொலை செய்து கொண்டுள்ள நிலையில் உருக்கமான கடிதம் சிக்கியுள்ளது.

பாலக்காட்டில் உள்ள ஆலத்தூரை சேர்ந்த மணிகண்டன் – சுனிதா தம்பதிக்கு இரண்டு மகள்கள் உள்ளனர்.

இளைய மகள் அஸ்வதி (19) அங்குள்ள தனியார் கல்லூரியில் படித்து வந்தார். இந்நிலையில் திங்கள் காலை கல்லூரிக்கு செல்வதாக கூறி அஸ்வதி சென்றுள்ளார்.

பின்னர் மதியம் சுனிதா அஸ்வதிக்கு போன் செய்த போது அவரை தொடர்பு கொள்ளமுடியவில்லை. இதையடுத்து கல்லூரிக்கு போன் செய்த போது அஸ்வதி கல்லூரிக்கே வரவில்லை என தெரியவந்தது. பின்னர் அவர் வீட்டுக்கு சென்றிருப்பார் என சுனிதா விட்டுவிட்டார்.

இதையடுத்து மாலை சுனிதா தனது வேலை முடிந்து வீட்டுக்கு வந்த போது மின்விசிறியில் அஸ்வதி சடலமாக தொங்கியபடி இருந்துள்ளார்.

இது குறித்து பொலிசாருக்கு தகவல் தரப்பட்ட நிலையில் சடலம் அருகிலிருந்த கடிதத்தை அவர்கள் கைப்பற்றியுள்ளனர்.

அதில், என் தற்கொலைக்கு காரணம் தனது வகுப்பில் உள்ள 4 மாணவிகள் மற்றும் ஆசிரியை தான் என எழுதப்பட்டிருந்தது.

பொலிசார் கூறுகையில், காலை 10 மணிக்கே அஸ்வதி தூக்கில் தொங்கியிருப்பார் என எண்ணுகிறோம், மாலை 5 மணிக்கு தான் சுனிதா சடலத்தை பார்த்துள்ளார்.

அஸ்வதி தனது வகுப்பறையில் 5 முறை மயங்கி விழுந்துள்ளார், ஆனால் தனது உடல்நிலை குறித்து சக மாணவிகளிடமோ அல்லது ஆசிரியையிடமோ அவர் கூறியதில்லை என தெரிகிறது.

தற்கொலை கடிதம் தொடர்பான அறிக்கையை அதிகாரபூர்வமாக பொலிசார் இனி தான் வெளியிடவுள்ளனர்.

இந்தியாவில் உயிரிழந்த இளைஞரின் சடலம் புதைக்கப்பட்ட நிலையில், குடும்பத்தார் எழுப்பிய சந்தேகத்தின் காரணமாக பிரேத பரிசோதனைக்காக மீண்டும் தோண்டி எடுக்கப்பட்டுள்ளது.

புதுடெல்லியை சேர்ந்தவர் வகீல் முகமது (27). இவர் மனைவி நஸ்மா. முகமது கடந்த 6-ஆம் திகதி தனது மாமா ரியாஸ் வீட்டுக்கு வந்துள்ளார். அப்போது மிகவும் சோர்வுடன் காணப்பட்ட முகமது அங்கேயே சரிந்து விழுந்துள்ளார்.

பின்னர் உடனடியாக மருத்துவமனையில் அவர் சேர்க்கப்பட சிகிச்சை பலனில்லாமல் 9-ஆம் திகதி உயிரிழந்தார்.

இதையடுத்து முகமதின் சடலம் புதைக்கப்பட்டது. இந்நிலையில் முகமதை அவர் மனைவி நஸ்மா தனது கள்ளக்காதலனுடன் சேர்ந்து கொலை செய்துவிட்டதாக அவர் குடும்பத்தார் பரபரப்பு குற்றச்சாட்டை முன்வைத்துள்ளனர்.

இதையடுத்து முகமதின் உடல் மீண்டும் தோண்டி எடுக்கப்பட்டு நேற்று பிரேத பரிசோதனை செய்யப்பட்டுள்ளது.

இது குறித்து முகமதின் மாமா ரியாஸ் கூறுகையில், மயக்க நிலையில் முகமதை நான் மருத்துவமனையில் சேர்த்த போது அவர் போதை வஸ்துவை சாப்பிட்டாரா என மருத்துவர் கேட்டார், ஆனால் பாக்கு போடும் பழக்கம் கூட அவருக்கு கிடையாது.

முகமது இறந்த பின்னர் அவர் மனைவி நஸ்மாவின் பையில் இருந்த ஓட்டுனர் உரிமத்தில் அவரின் கணவர் பெயர் சல்மான் என இருந்தது.

சல்மான், நஸ்மாவின் உறவுக்கார இளைஞர் ஆவார், இருவருக்கும் தகாத உறவு இருந்துள்ளது, அதனால் தான் மெதுவாக கொல்லும் விஷத்தை முகமதுக்கு கொடுத்து கொன்றுவிட்டனர் என கூறியுள்ளனர்.

இதனிடையில், கடந்த 5 மற்றும் 6-ஆம் திகதி நஸ்மா, சல்மானுடன் தனியாக பேசுவதை பார்த்த முகமது மனைவியுடன் சண்டை போட்டுள்ளார்.

இதோடு நஸ்மாவும், சல்மானும் போனில் பேசுவதையும் முகமது தனது போனில் ஆதாரமாக வைத்துள்ளதாக முகமது குடும்பத்தார் கூறியுள்ளனர்.

இதையடுத்து முகமதின் தந்தை பொலிசில் இது குறித்து புகார் அளித்த நிலையிலேயே முகமது சடலத்தை பொலிசார் பிரேத பரிசோதனை செய்ய தோண்டி எடுத்தனர்.

அதன் முடிவுகள் வந்த பின்னர் இது சம்மந்தமாக வழக்குப்பதிவு செய்யப்படும் என பொலிசார் கூறியுள்ளனர்.