யாழ் மாவட்டத்தில் அண்மைக்காலங்களில் இடம்பெற்ற பல்வேறு கொள்ளை மற்றும் வழிப்பறிகளுடன் தொடர்புடைய மூவர் கோப்பாய் பொலிசாரால் கைது செய்யப்பட்டுள்ளனர்.

கடந்த பதின்நான்காம் திகதி திருநெல்வேலி, நல்லூர் வீதியில் சென்று கொண்டிருந்த பெண்ணின் நகையை பறித்துச்சென்றதாக கோப்பாய் பொலிஸில் செய்யப்பட்ட முறைப்பாட்டிற்கமைவாக இடம்பெற்ற சுற்றிவளைப்பில் குறித்த கும்பல் கைது செய்யப்பட்டுள்ளது.

யாழ் நாவற்குளி பகுதியைச்சேர்ந்த இருபது தொடக்கம் இருபத்து மூன்று வயதுகளையுடைய குறித்த மூவரும் பல்வேறு கொள்ளை மற்றும் வழிப்பறிகளுடன் தொடர்புபட்டிருப்பதாக கோப்பாய் பொலிஸார் தெரிவித்துள்ளனர்.

இவர்களிடமிருந்து கொள்ளையிடப்பட்ட பதினைந்து பவுண் உருமாற்றப்பட்ட பவுண் கட்டிகள் இரண்டு பொலிஸாரால் மீட்கப்பட்டுள்ளதுடன் இரண்டு மோட்டார் சைக்கிள்களையும் பொலிஸார் கைப்பற்றியுள்ளனர்.

அத்துடன் குறித்த கொள்ளைக்கும்பலின் திருட்டு நகைகளைப் பெற்று அதை உரு மாற்றும் வேலை செய்து வந்த கஸ்தூரியார் வீதியைச் சேர்ந்த நகைக்கடைக்காரர் ஒருவரும் பொலிஸாரால் கைது செய்யப்பட்டு விசாரணைக்கு உட்படுத்தப்பட்டுள்ளார்.

இவர்கள் விசாரணையின் பின்னர் நீதிமன்றில் முற்படுத்த பொலிஸார் நடவடிக்கை எடுத்துள்ளனர்.

கனடாவின் ஒன்ராரியோ மாநிலத்தின் பிரதான கட்சியான பழமைவாத கட்சியின் தலைவருக்கான தேர்தல் வரும் மார்ச் மாதத்தின் முதற்பகுதியில் நடைபெறவுள்ள நிலையில் அதற்கான பிரச்சாரம் சூடு பிடித்துள்ளது.

அதில் நான்கு வேட்பாளர்கள் களத்தில் இருந்தாலும் மூவரே முதன்மையானவர்களாக பார்க்கப்படுகின்றனர். கரலைன் மல்ரூனி கிரிஸ்ரீன் எலியட் மற்றும் டக் போட் ஆகியோருக்கு இடையிலேயே போட்டி நிலவுகிறது.

ஜூன் முதற்பகுதியில் நடைபெறவுள்ள ஒன்ராரியோ மாநில பாராளுமன்றத்திற்கான தேர்தலில் போட்டியிட தெரிவு செய்யப்பட்டுள்ள தலைமைத் தேர்தலில் உள்ள ஒரே வேட்பாளரும் இளையவரும் முன்னாள் கனடிய பிரதமரும் தமிழ் மக்களுக்கு மிக நெருங்கிய பிரைன்மல் ரூனியின் புதல்வியுமான கரலைன் மல்ரூனி தமிழ் மக்களுக்கு விடுத்துள்ள செய்தியில் பின்வருமாறு தெரிவிக்கப்பட்டுள்ளது.

மாநிலத் தேர்தலுக்கு வாரங்களே உள்ள நிலையில் பழமைவாத கட்சி உறுப்பினர்களுக்கு முன் முக்கிய தெரிவு உள்ளது. வரும் ஜூன் தேர்தலில் கதலீன் வேயினை வெற்றி கொள்ளக்கூடிய ஆற்றல் உள்ள அந்தத் தலைவர் யார்? தமது கடுமையான உழைப்பின் மூலம் பங்களிப்புச் செய்து வரும் இளையவர்களாக இருந்தாலும் தாய்மார்களாக இருந்தாலும் புதிய குடிவரவாளர்களாக இருந்தாலும் ஏனைய அனைவர்களாக இருந்தாலும் அவர்கள் மனங்களை வென்று கட்சியை வெற்றி இலக்கை நோக்கி அழைத்துச் செல்லும் தனித்துவமான நிலையில் கரலைன் உள்ளார்.

கரலைன் வியாபாரம் மற்றும் சட்டத்துறையில் தேர்ந்த துறைசார் வல்லுனர் மட்டுமன்றி கணவர் அன்ரூவுடன் நான்கு பிள்ளைகளை ஒருதாயாராக இருந்து வளர்த்து வருகிறார்.

பாதிக்கப்பட்ட மற்றும் பாதிப்பை எதிர்கொள்ளும் பெண்கள் சிறுமிகளுக்கு உதவியாக ஒரு தர்மஸ்பாபனத்தையும் நடாத்தி வருகிறார். 1986இல் கனடிய கரையை வந்தடைந்த தமிழ் அகதிகளுக்கு கை கொடுத்த அன்றைய முற்போக்கு பழமைவாத கட்சியைச் சார்ந்த பிரதமர் பிரையன் மல்ரூனியின் மகளும் ஆவார்.

கரலைன் கட்சியல் மட்டுமல்ல ஒன்ராரியோவின் முன்னேற்றகரமாக மாற்றங்களை பிரதிநிதித்துவப்படுத்தி நிற்கிறார்.

தலைமைத்துவ தேர்தலில் உள்ளவர்களில் தெரிவு செய்யப்பட்டுள்ள ஒரே யோக் சிம்கோ வேட்பாளார்மட்டுமன்றி கட்சியின் வளர்ச்சி கருதி அதற்கான பல நிகழ்வுகளில் கலந்து கொண்டு கட்சிக்கு வலுச்சேர்த்துள்ளார்.

முன்னேற்றகரமாக மாற்றத்தை ஒன்ராரியோ மக்கள் எதிர்பார்த்து காத்திருக்கின்றனர். அவர்களின் அதிகரித்த எதிர்பார்ப்பை நிறைவேற்ற வேண்டிய பொறுப்பும் அதற்கான தலைவரை தெரிவு செய்ய வேண்டிய பொறுப்பு கட்சி உறுப்பினர்களுக்கு உண்டு என்பது வலியுறுத்தப்பட்டு அதற்கான பொறுப்பை ஏற்று அதனை திறப்பட செய்ய கரலைன் காத்திருப்பதாகவும் அவரை தலைவராக தெரிவு செய்வதன் மூலம் முன்னேற்றகரமான மாற்றங்களை வெளிப்படுத்துவோம் என தமிழ் மக்களுக்கு விடுக்கப்பட்டுள்ள செய்தியில் மேலும் தெரிவிக்கப்பட்டுள்ளது.

மார்ச் 2 முதல் 9 வரை நடைபெறவுள்ள வாக்களிப்பில் கட்சியின் உறுப்பினர்கள் புதிய தலைவருக்கான வாக்களிப்பில் கலந்து கொள்வர். அதற்கான முடிவுகள் மார்ச் 10ஆம் நாள் வெளியாகும்.

ஐக்­கிய தேசி­யக்­கட்­சியும் சுதந்­தி­ரக்­கட்­சியும் இணைந்து கடந்த 2015 ஆம் ஆண்டு அமைத்த தேசிய அர­சாங்­கத்தில் பாரிய நெருக்­கடி ஏற்­பட்­டுள்ள நிலையில் இரண்டு தரப்­பி­னரும் தனித்து ஆட்சி அமைக்கும் நோக்கில் பாரிய முயற்­சி­களை முன்­னெ­டுத்து வரு­கின்­றனர்.

இந்­நி­லையில் ஜனா­தி­பதி மைத்­தி­ரி­பால சிறி­சேன தலை­மை­யி­லான சிறி­லங்கா சுதந்­தி­ரக்­கட்­சியும் மஹிந்த தரப்பின் ஆத­ரவைப் பெற்று தனித்து ஆட்சி அமைக்கும் முயற்­சியில் இறங்­கி­யுள்­ளது.

எனினும் இவ்­வாறு தனித்து ஆட்சி அமைக்கும் முயற்சி வெற்­றி­பெ­றாமல் தேசிய அர­சாங்­கமே தொட­ரு­மாயின் முக்­கிய அமைச்­சுக்­களை சுதந்­தி­ரக்­கட்­சியின் பக்கம் எடுத்­துக்­கொள்­வது தொடர்பில் ஜனா­தி­பதி மைத்­தி­ரி­பால சிறி­சேன அவ­தானம் செலுத்­தி­யி­ருக்­கின்றார்.

விசே­ட­மாக நிதி அமைச்சு, சட்டம் ஒழுங்கு அமைச்சு, சர்­வ­தேச வர்த்­தக மூலோ­பாய அமைச்சு, மீள்­கு­டி­யேற்ற அமைச்சு ஆகி­ய­வற்றை சுதந்­தி­ரக்­கட்­சியின் பக்கம் எடுக்­கும்­நோக்கில் ஜனா­தி­பதி அவ­தானம் செலுத்­தி­யி­ருக்­கின்றார்.

பொரு­ளா­தாரம் மற்றும் நாட்டின் அமைதி தொடர்­பி­லான பொறுப்­புக்­களை கொண்­டுள்ள இந்த அமைச்­சுக்­களை தம்­வசம் எடுப்­ப­தற்கே சுதந்­தி­ரக்­கட்சி முயற்­சிக்­கின்­றது.

சுதந்­தி­ரக்­கட்சி தனித்து ஆட்சி அமைக்கும் முயற்­சிகள் ஒரு­பக்கம் இடம்­பெறும் சூழலில் மறு­பக்கம் தேசிய அர­சாங்­கத்தை எவ்­வாறு முன்­னெ­டுத்து செல்­வது குறித்தும் ஆராயப்­பட்டு வரு­கின்­றது.

இந்த நிலை­யி­லேயே முக்­கி­ய­மான அமைச்சுக்களை ஐக்கிய தேசியக்கட்சியிடமிருந்து பெற்றுக் கொள்ளும் நோக்கில் ஜனாதிபதி மைத் திரிபால சிறிசேன அவதானம் செலுத் தியிருக்கின்றார்.

-வீரகேசரி-

 
இலங்கையின் பிரபல கோடீஸ்வர வர்த்தகரான தம்மிக்க பெரேரா என்பவரினால் கொள்வனவு செய்யப்பட்ட அதிக விலையுடனான மோட்டார் வாகனம் தொடர்பில் தகவல் வெளியாகியுள்ளது.

அவரால் கொள்வனவு செய்யப்பட்ட Bentley Mulsanne Hallmark என்ற மோட்டார் வாகனம் இதுவரையிலும் இலங்கைக்கு கொண்டுவரப்பட்டுள்ளதாக தகவல் வெளியாகியுள்ளது. இதன் பெறுமதி இலங்கை ரூபாயில் 160 மில்லியன் எனப்படும் 16 கோடி ரூபாயாகும்.

தம்மிக்க பெரேராவினால் கொள்வனவு செய்யப்பட்ட Blue மற்றும் Porcelain White நிறத்திலான Bentley Mulsanne Hallmark மோட்டார் வாகனம் விமானம் மூலம் நேற்றைய தினம் இலங்கைக்கு கொண்டு வரப்பட்டுள்ளது.

Bentley Mulsanne Hallmark என்ற வாகனம் உலகில் மொத்தமாக 50 மாத்திரமே தயாரிக்கப்பட்டுள்ளது. அதற்கமைய இறுதியாக நிர்மாணிக்கப்பட்ட மோட்டார் வாகனத்தை தம்மிக்க பெரேரா கொள்வனவு செய்துள்ளார்.

அதற்கமைய தெற்காசியா, தென்கிழக்கு ஆசியா மற்றும் மத்திய கிழக்கு எல்லையில் Bentley Mulsanne Hallmark மோட்டார் வாகனத்திற்கு உரிமை கோரும் ஒரே நபராக தம்மிக்க பெரேரா மாறியுள்ளார்.

பிரித்தானியாவில் H. J. Mulliner & Co நிறுவனத்தினால் Bentley Mulsanne Hallmark மோட்டார் வாகனம் தாயரிக்கப்பட்டுள்ளது. அந்த மோட்டார் வாகனம் முழுமையாக மனிதர்களின் கைகளினால் (handcrafted cars) தயாரிக்கப்பட்ட ஒன்றாகும்.

Mulsanne Hallmark என்ற மோட்டார் வாகனங்களின் தயாரிப்பு 50க்குள் மட்டுப்படுத்தப்பட்டுள்ளது. Bentley Mulsanne Hallmark மோட்டார் வாகனத்தின் ஆரம்ப விலை 390,000 ஸ்டெர்லிங் பவுண்டாகும். இலங்கை பெறுமதியில் 84 மில்லியன் ரூபாயாகும். அத்துடன் இலங்கை சுங்க பிரிவு தகவல்களுக்கமைய இதற்காக 76 மில்லியன் தீர்வை வரி செலுத்தப்பட்டுள்ளதாக தெரிவிக்கப்படுகின்றது.

 
இலங்கையில் உயிர்வாழும் பாம்பு இனங்களில் மிகவும் அழகானதும் அரிய வகையானதுமான பாம்பு ஒன்று கண்டுபிடிக்கப்பட்டுள்ளது.

“மல்சரா” என அழைக்கப்படும் “பொல்மல் கரவல” என்ற பாம்பு ஒன்று அண்மையில் குருவிட்ட, தெப்பானவ பிரதேசத்தில் கிடைத்துள்ளதாக தெஹிவளை விலங்கியல் பூங்காவின் கல்வி அதிகாரி நிஹால் செனரத் தெரிவித்துள்ளார்.

விஷத்தன்மை குறைந்த இந்த பாம்பை கண்டவுடன் சிலர் கொல்ல முயற்சித்து வருவதாகவும் இந்த பாம்பை கொல்ல வேண்டாம் எனவும் அவர் கேட்டுக்கொண்டுள்ளார்.

மல்சரா என்ற இந்த பாம்பு இனம் மரங்களை தமது இருப்பிடங்களாக கொண்டுள்ளது. சிகப்பு நிறமான பூ அடையாளம், மஞ்சள் மற்றும் கறுப்பு நிறமான சிறிய கோடுகளை பாம்பின் தோலில் காணமுடியும். வயிற்று பகுதியில் பச்சை மற்றும் மஞ்சள் நிற கலவையுடன் காணப்படும் எனவும் நிஹால் செனரத் குறிப்பிட்டுள்ளார்.