தமிழகத்தில் காதலிக்க மறுத்த ஒன்பதாம் வகுப்பு மாணவி மீது இளைஞர் பெட்ரோல் ஊற்றி கொளுத்திய சம்பவம் பரபரப்பை ஏற்படுத்தியுள்ளது.

மதுரை மாவட்டம் திருமங்கலத்தை அடுத்துள்ள நடுவக்கோட்டை பகுதியைச் சேர்ந்த தம்பதி மணிப்பாண்டி-பேச்சியம்மாள். இவர்களுக்கு சித்திராதேவி(14) என்ற மகள் உள்ளார். அவர் அங்கிருக்கும் அரசுப் பள்ளி ஒன்றில் 9 ஆம் வகுப்பு படித்துவருகிறார்.

இந்நிலையில் அதே பகுதியைச் சேர்ந்த சந்தானம் என்பவரின் மகன் பாலமுருகன்(23), இந்த மாணவியை ஒரு தலையாக காதலித்து வந்துள்ளார்.

தொடர்ந்து அந்த மாணவியிடம் தன்னை திருமணம் செய்து கொள்ளும் படி தொந்தரவு செய்துள்ளார். பள்ளிக்கு செல்லும் போதும், வீட்டிற்கு வரும் போது தொந்தரவு செய்துள்ளார்.

இதனால் பொறுமை இழந்த மாணவி பெற்றோரிடம் கூறியுள்ளார். அவர்கள் உடனடியாக அங்கிருக்கும் மகளிர் காவல்நிலையத்தில் பாலமுருகன் மீது புகார் கொடுத்துள்ளனர்.

அதைத் தொடர்ந்து பாலமுருகன் நீதிமன்றத்தில் ஆஜர்படுத்தப்பட உள்ளார். தன்னை காவல்நிலையம் வரை அழைத்துச் சென்றுவிட்டதால் பாலமுருகன் அவர்கள் குடும்பத்தின் மீது, அந்த மாணவி மீதும் கடும் கோபத்தில் இருந்துள்ளார்.

நேற்று முன் தினம் காதலர் தினம் என்பதால், பாலமுருகன் மீண்டும் மாணவியிடம் சென்று காதலை தெரிவித்துள்ளார். அப்போதும் மாணவி மறுத்துவிட்டதால் திரும்பிச் சென்றுள்ளார்.

இன்று மாலை மாணவி பள்ளி முடிந்து வீடு திரும்புகையில் இரு சக்கர வாகனத்தில் வந்த பாலமுருகன் திடீரென்று தான் மறைத்து வைத்திருந்த மண்ணெண்ணையை அந்த மாணவி மீது ஊற்றி தீ வைத்துவிட்டு அங்கிருந்து தப்பியுள்ளார்.

உடலில் தீ பற்றி எரிய, வேதனை தாங்கமுடியாமல் சிறுமி அலறி துடித்துள்ளார். பாதி உடல் எரிந்த போது, அவ்வழியாக வந்த பள்ளி ஆசிரியர்கள், உடனடியாக தீயை அணைத்து, சிறுமியை திருமங்கலம் அரசு மருத்துவமனைக்கு அனுப்பி வைத்தனர். அங்கு அவருக்கு தீவிர சிகிச்சை அளிக்கப்பட்டு, அதன் பின் மதுரை அரசு மருத்துவமனைக்கு அனுப்பி வைத்துள்ளனர்.

இந்தச் சம்பவம் தொடர்பாக வழக்குப் பதிவு செய்துள்ள பொலிசார், மாவட்ட காவல் கண்காணிப்பாளர் மணிவண்ணன் உத்தரவுப்படி தனிப்படை அமைத்து பாலமுருகனை தீவிரமாக தேடி வருகின்றனர்.

இந்தியாவில் சந்திர கிரகணத்தன்று குழந்தையின் தலையை வெட்டிப் பலி கொடுத்துள்ள சம்பவம் அதிர்ச்சியை ஏற்படுத்தியுள்ளது.

ஹைதராபாத்தின் உப்பிலில் உள்ள வீட்டின் மேல்தளத்தில் குழந்தையின் துண்டிக்கப்பட்ட தலை கிடந்துள்ளது.

இது குறித்த தகவல் பொலிசாருக்கு தெரியவந்ததால், அவர்கள் உடனடியாக சம்பவம் இடத்தில் விரைந்து வீட்டின் உரிமையாளரான ராஜசேகர் என்பவரிடம் விசாரணை மேற்கொண்டுள்ளனர்.

அப்போது அவரும், அவரது மனைவியும் முன்னுக்கு பின்னாக பதிலளித்துள்ளனர். இதனால் சந்தேகமடைந்த பொலிசார் அவர்களிடம் தீவிர விசாரணை மேற்கொண்டுள்ளனர்.

அப்போது, சாலையோர நடைபாதையில் பெற்றோருடன் உறங்கிக் கொண்டிருந்த பெண்குழந்தையைக் கடத்தி வந்து, மூசி ஆற்றங்கரையில் குழந்தையின் கழுத்தை அறுத்து உடலை ஆற்றில் வீசிவிட்டுத் தலையை மட்டும் வீட்டுக்குக் கொண்டுவந்து பூஜை நடத்தியதாக கூறியுள்ளனர்.

இதைத் தொடர்ந்து பொலிசார் இருவரையும் கைது செய்து சிறையில் அடைத்துள்ளனர்.

தமிழகத்தில் தங்கையை அக்கா கூலிப்படை வைத்து கடத்தியுள்ள சம்பவம் பெரும் பரபரப்பை ஏற்படுத்தியுள்ளது.

திருச்சி காஜாபேட்டையைச் சேர்ந்தவர் புவனேஷ்வரி. கணவனை இழந்து குழந்தைகளுடன் வாழ்ந்து வரும் இவர் அங்கிருக்கும் நகராட்சியில் பில் கலெக்டராக வேலை செய்து வருகிறார்.

இந்நிலையில் வழக்கம் போல வேலைக்கு சென்றுவிட்டு வீடு திரும்ப பேருந்து நிலையத்தில் புவனேஷ்வரி நின்று கொண்டிருந்த போது, திடீரென்று காரில் வந்த மர்ம கும்பல் அவரை கடத்திக் கொண்டு சென்றது.

இந்த தகவலை அறிந்த பொலிசார், உடனடியாக அப்பகுதிக்கு விரைந்து அவர்களை பிடிக்க முயன்றுள்ளனர்.

ஆனால் அவர்கள் காரில் தப்பிச் சென்றதால், சுமார் 3 கி.மீற்றர் துரத்தி பெல்ட் செண்டர் அருகே மடக்கி பிடித்தனர். அதன்பின் பொலிசார் அவர்களிடம் விசாரணை மேற்கொண்ட போது, இந்த கடத்தல் சம்பவத்தில் ஈடுபட்டவர்கள் புதுக்கோட்டையைச் சேர்ந்தவர்கள் என்றும், அவர்கள் பணத்திற்காக எதையும் செய்யும் கூலிப்படை என்பதும் தெரியவந்துள்ளது.

அவர்கள் பொலிசாரிடம் அளித்த வாக்குமூலத்தில், புவனேஷ்வரியின் அக்காவான சரஸ்வதி கூறியதன் காரணமாகவே, அவரை கடத்தியதாகவும் மற்றபடி எங்களுக்கும் அவருக்கும் எந்த தொடர்பும் இல்லை என கூறியுள்ளனர்.

தனது கணவருடன் புவனேஷ்வரி நெருங்கி பழகியதால், ஆத்திரமடைந்த சரஸ்வதி அவரை கடத்தி மிரட்டுவதற்காக கூலிப்படையை அனுப்பி வைத்ததாக பொலிசார் தெரிவித்துள்ளனர்.

இந்தியாவில் ரயில் சக்கரத்தில் சிக்கி பலியாகவிருந்த நபரை டிக்கெட் சோதனையாளர் காப்பாற்றியுள்ள வீடியோ வெளியாகியுள்ளது.

மும்பை ரயில் நிலையத்தில் தான் இச்சம்பவம் நடந்துள்ளது. அந்த ரயில் நிலையத்தில் நேற்று பயணிகளிடம் டிக்கெட் சோதனையாளர் டிக்கெட் சோதனையில் ஈடுபட்டிருந்த போது புறப்பட்ட ரயில் ஒன்றில் ஏற முயன்ற நபர் கீழே தவறி விழும் சூழல் ஏற்பட்டுள்ளது.

அதை கவனித்த டிக்கெட் சோதனையளர் ஒருவர், சட்டென தன் சாமர்த்தியத்தால் அந்த நபரை இழுத்து காப்பாற்றியுள்ளார்.

அந்த நபரின் இந்த செயலை பல்வேறு தரப்பினரும் பாராட்டி வரும் நிலையில் அந்த நிக்ழ்வு குறித்த வீடியோ வைரலாகி வருகிறது.

திருவண்ணாமலையில் கள்ளக்காதலனுடன் சேர்ந்து கணவரை கொலை செய்த மனைவியை பொலிசார் கைது செய்துள்ளனர்.

மருத்துவாம்பாடி கிராமத்தை சேர்ந்த சுரேஷ் என்பவர் அங்குள்ள காட்டுப் பகுதியில் தலையில் கல்லைப் போட்டு கொலை செய்யப்பட்டுக் கிடந்தார்.

இது குறித்து வழக்குப்பதிவு செய்த பொலிசார் சுரேஷின் மனைவி தீபா மீது சந்தேகப்பட்டு விசாரித்ததில், தனது கணவரை கொலை செய்ததை அவர் ஒப்புக் கொண்டார்.

மேப்பத்துறையைச் சேர்ந்த பிரபுவுக்கும் தீபாவுக்கும் கள்ளத்தொடர்பு இருந்த நிலையில் இதையறிந்த சுரேஷ், தீபாவை கண்டித்துள்ளார்.

இதையடுத்து பிரபுவுடன் சேர்ந்து வாழ முடிவெடுத்த தீபா சுரேஷை கொல்ல திட்டமிட்டுள்ளார். அதன்படி சுரேஷை காட்டுபகுதிக்கு அழைத்து சென்று பிரபு உடன் சேர்ந்து அவர் தலையில் கல்லை போட்டு தீபா கொலை செய்தது தெரியவந்துள்ளது. இதையடுத்து பிரபு மற்றும் தீபாவை பொலிசார் கைது செய்துள்ளனர்.